الأخبار
أخبار إقليمية
مصطفى عثمان اسماعيل يعترف بفشله في جذب إستثمارات للبلاد
مصطفى عثمان اسماعيل يعترف بفشله في جذب إستثمارات للبلاد
مصطفى عثمان اسماعيل يعترف بفشله في جذب إستثمارات للبلاد
حنك " بيش "


11-28-2013 01:33 AM
أ ش أ

قال وزير المجلس السوداني الأعلى للاستثمار مصطفى عثمان إسماعيل، إن عدم الاستقرار الاقتصادي وذهاب البترول، بجانب عدم الاستقرار في العملة، انعكس سلبا على الاستثمار في البلاد، مشيرا إلى تراجع السودان عن موقعه في جذب الاستثمارات الأجنبية.

وأكد عثمان - في مؤتمر صحفي بالخرطوم يوم الأربعاء - أن الاستثمارات التي جاءت مؤخرا للسودان لم تتجه إلى قطاع الزراعة، إنما وجهت إلى قطاعات النفط والمعادن، مشيرا إلى انعقاد ملتقى الولايات الأول للاستثمار يوم السبت المقبل، بهدف مراجعة مسارات الاستثمار في مختلف الولايات، وحل مشكلة النزاعات في الأراضي.

وأضاف الوزير السوداني أنه سيتم عقد مؤتمر دولي للاستثمار في دارفور، خلال المرحلة القادمة، وتنفيذ الجوانب الاقتصادية الواردة في اتفاق الدوحة للسلام في الإقليم، مشيرا للثروة الحيوانية والزراعية والنفط والمعادن التي تتمتع بها ولايات دارفور.

ومن جانبه، قال وزير الدولة بالمجلس الأعلى للاستثمار الصادق محمد على، إن السودان يسعى إلى إقامة تسع مناطق حرة، بالتعاون مع دولة الصين.

وأشار "الصادق" إلى أن هناك بعض المناطق تم الاتفاق عليها، وهي منطقة "أرقين" على الحدود مع مصر، وجزيرة " قلب العالم" بولاية البحر الأحمر، بجانب منطقة على الحدود مع دولة جنوب السودان في ولاية النيل الأبيض، لتشجيع التجارة الحدودية.


تعليقات 25 | إهداء 0 | زيارات 5705

التعليقات
#841598 [مستغرب]
0.00/5 (0 صوت)

11-29-2013 03:05 AM
يا جماعة حرام عليكم الدكتور عمره ما أقل من 65 سنة وولدو مهندس قدر الدنبا وتسموهو الطفل المدلل، عيب!!!! أنأ ما فاهم حاجة أبدأ!!!!


#841511 [هندسة]
0.00/5 (0 صوت)

11-28-2013 10:59 PM
مصطفي شحاتة لم ينجح خارجيآ و استثماريآ الا في تعيين نجله المهندس مؤخرآ في ( قطر للبترول ).. رغمآ عن ايقاف الفيز للسودانيين .


#841499 [ود الماحي]
0.00/5 (0 صوت)

11-28-2013 10:38 PM
الطفش الناس من الإستثمار في السودان الرشاوييييييييييييييييييييييييييييييييييييييي
والله بحكي لي مستثمر عماني دخل السودان ومعاه شركاء بريطانيين لتنقيب عن الكروم في السودان قال لي في الآخر خلينا معداتنا ونفدنا بجلدنا....
والله جد خجلت وما عرفت أقول ليه شنو كأني أنا الطلبت الرشوة
أوقفو الرشاوي والنسب التحت تحت ... أنا زول قريعتي راحت ده بجيب ليكم إستثمارات
لكن لم أي مستثمر يرجع يحكي لي أخوه أن المسؤلين السودانيين بتاعين رشاوي يكون مغفل البجيكم
خلو المستثمر البجي يكون أفضل دعايه ليكم
وما تنسي قصة المراعي الطفشتوها مشت أمريكا الجنوبية


#841487 [الحازمي]
0.00/5 (0 صوت)

11-28-2013 10:23 PM
لقد دنت ساعة الحساب والحساب ولد يا مصطفى شحادين
أكرز يا بتاع الاستثمار


#841483 [Elobaidi]
0.00/5 (0 صوت)

11-28-2013 10:16 PM
لا تعليق !!! فالصمت أبلغ


#841417 [حد بيعرف احسن م الحكومه!!]
0.00/5 (0 صوت)

11-28-2013 08:49 PM
يا ود انت يا اللى اسمك مدحت محمد الحسن عروه يا اخا كمال والمحجوب (موش كدا) دمك خفيف يا مضروب .. تحليلاتك دائما صائبه و فى محلّها رغم صغر سنك (فيما يبدو لى) لكن وعيك مبكر واسلوبك جميل وجاذب (جايز اكتر من اسلوب محجوب اخوك) سعيده وازيّك ..
* ناس ألأنقاذ ما هم براهم الفاكرين نفسهم "ناقشين" وبيفهموها طائره .. وحوا ما ولدت غيرن ..
* ألأمام الحبيب الرمز والمفتونون به برضو عندهم نفس ألأعتقاد ..بس بدون ما يكون لديهم اسباب لذلك .. بس كدا ارجع واقرا اسباب منحو جائزة"قوش" الفلبينيه للسلام.. هو قال انو الجائزه فى حد زاتا ماهياش ذات موضوع بالنسبالو.. ألأهم هى أسباب المنح اللى منها (1) مساهماتو الهامه فى فنون ادارة الدوله (2)الحنكه فى مجالات بناء السلام .. (3)نجاحاتو المضطرده فى احلال الديموقراطيه والعمل بها والمحافظة عليها..(4) السعى الى تمكين السلام العالمى وألأحياء ألأسلامى وصولا الى عالم افضل ..
* اما المؤتمر الأقتصادى وتوصياتو فهو انتهى وراح فى حق الله وتم تشييعو الى مثواه ألأخير بنهاية الجلسه الختاميه اللى اختتمها النائب ألأول بالأعلان عن انشاء "آليه" لتنفيذ توصياتو!! زى الالية اللى برضو اعلنها النائب ألأول شهر 4 السنه اللى فاتت لتنفيذ توصيات مؤتمر التعليم .. الى اليوم ما ظهر للأليه دى خبر ولا اتر ,, جاء فى ألأثر اذا اردت الحاق ايتها موضوع ب"امّات طه .. اقم له لجنه واودعه منضدتها ليعلن رئيسها نيابة عنك وفاة الموضوع وينتهى العزاء بانتهاء مراسم انعقاد اول اجتماع للجنه ان اجتمعت!! ,, بص وشوف تصريحات وزير الماليه بعد انتهاء المؤتمر.. قال ما عندوش ليكم حلول غير الضرائب والجبايات) واهو آلهالكو اهو!!
* شوف كمان وزير ألأستثمار اللى اعلن بعضمة لسانو انو فشل فى شغلو وبين اسباب فشلو وهروب المستثمرين من السودان ,, أل ايه أل حيعمل مؤتمر ولائى للأستثمار .. وين.. فى دارفور فى اطار اتفاقية الدوحه اللى لاهو ولا السيسى رئيس السلطه ألأنتقاليه(من وين الى اين) ولا الأمين بن عطبره التار حددوا للشعب السودانى او لناس دارفور بنود هذه ألأتفاقيه (من واحد الى خمسه بس) وكم منها تم انزالو الى ارض الواقع!!
* وانت ليه تسأل وعاوز تعرف أنكم عملتو شنو فى الدنيا ديا. افرض انك عرفت ماذا انت فاعل؟


#841364 [هشام سليمان]
0.00/5 (0 صوت)

11-28-2013 07:41 PM
السعوديين والخليجيين عمومأ ما عندهم علاقة بنوعية الاستثمارات البتكلموا عنها ناس الانقاذ , نمط الاعمال والاستثمارات لديهم فى اكثرها هى استثمارات فى الاسهم والسندات ويميلون بصورة اقل الى قطاع الخدمات , فنادق, منتجعات سياحية . اما المشاريع الزراعية والصناعات فهى دائمأ وبصورة كبيرة تكون داخل دولهم نسبة لميزات استثمارية لانظير لها فى اى دولة فى العالم .
لقد لاحظت بصورة مستمرة اصرار اهل دولة المشروع الحضارى منذ سنوات على الذهاب للحديث عن جذب استثمارات سعودية وخليجية , ولاحياة لمن تنادى ... هم لا يريدون مستثمرين ...هم يريدون مغفلين .وهؤلا غير موجودين هناك الان . 9


#841298 [جر كان فاضى]
0.00/5 (0 صوت)

11-28-2013 06:07 PM
شوف الطفل المعجزة...بدأ يتعلم السياسة...اعترف بالفشل حتى لايكون ضمن وزراء الحكومة الجديدة...عايز يفر بجلده بعد ان عرف السفينة غارقة لامحالة...يبعد من رد البشير ومن خيابتو...داير يؤمن ما سرقه..ثم ينقلب شتما لنظام البشير حتى يتبرأ منه ...انها نفس فعلة الكودة وغازى والخال الرئاسى ووووو...والله اتعلمت اخيرا يا طفل يا معجزة


#841255 [الوزير البهيمة والوصف علي ذمة الطيب مصطفي]
0.00/5 (0 صوت)

11-28-2013 05:04 PM
إن عدم الاستقرار الاقتصادي...........
-----------------------
نقول للوزير ( الهنايه) أنه ليس هناك اقتصاد ليستقر أو ليسوء . قول عدم الاستقرار السياسي والأمني


#841152 [AburishA]
0.00/5 (0 صوت)

11-28-2013 02:53 PM
(وأضاف الوزير السوداني أنه سيتم عقد مؤتمر دولي للاستثمار في دارفور، خلال المرحلة القادمة، وتنفيذ الجوانب الاقتصادية الواردة في اتفاق الدوحة للسلام في الإقليم، مشيرا للثروة الحيوانية والزراعية والنفط والمعادن التي تتمتع بها ولايات دارفور).

والله يا دكتور الاسنان دي كلمة حق اريد بها باطل! انت وزير استثمار وما عارف ان من أهم شروط المستثمر من جملة شروط اخرى هي توفر الأمن والبنية التحتية!!! وهل هذه متوفرة الان في دارفور؟
ياخي اليوناميد بسلاحها الثقيل لم تستطع التحرك من قرية الى قرية لم تستطع نجدة وحماية نفسها، انعدام الطرق انت عارف تذكرة الطائرة الخرطوم الجنينة 2200 جنية (اتنين مليون ومائتين الف جنيه)!! دارفور بقت ليكم (مأكلة) أين هي المبالغ الكبيرة التي تبرع بها مؤتمر الدول العربية لدعم دارفور؟ والمؤتمر الاسلامي لدعم دارفور؟ والدعم الصيني؟ ودعم البنك الاسلامي؟ وانت موجود بل مشرف على كل هذه الفعاليات!!!!
بدل هذا المؤتمر اذا كان قلبك وقلب النظام على أهل دارفور بدل الخسارة دي كلها افتح ليهم عيادة اسنان انت مش دكتور اسنان.. عيادة اسنان بس وبعدها تستحق نوط الجدارة!!!!


#841140 [حديد]
0.00/5 (0 صوت)

11-28-2013 02:38 PM
حصريا في الموتمر الوطني
وزير خارجيه يصف الشعب بالمتسولين
رئيس يرقص
طبيب يعذب الناس في بيوت الاشباح
مطرود من الجامعة بتزوير شهاده سودانيه وزير وسفير
............
..........
...........
...........
بالامس شهداء مع الحور العين واليوم فطا....على ذمة عراب الاخوان المخربين
وهلمجرا


#841073 [عبد الله المنّا]
0.00/5 (0 صوت)

11-28-2013 01:28 PM
.. الحال من بعضو .. (لن يستوي الظلُ والعودُ أعوجُ) ..


#841056 [جنرال زمان]
0.00/5 (0 صوت)

11-28-2013 01:15 PM
يا عثمان إستثمارك تعبان وما أظنه يوصلك ............! يا أخي ما تغيره


#841047 [radona]
0.00/5 (0 صوت)

11-28-2013 01:08 PM
انه الغباء والبلاهة بعينها لو اعتقد اي سوداني ان مستثمرا جادا سيستثمر امواله في السودان
لعدة اسباب اولها الفساد وثانيها الحروب الاهلية وثالثها الانهيار الاقتصادي
ارجو الكف عن هذا العبث وتبديد الاموال في مؤتمرات بالمانيا وايطاليا وخلافه
ولا ارى داعي لوزارة استثمار من الاصل
ارجوكم كفوا عن هذا العبث


#840931 [استثمار فاشل يا شحات]
5.00/5 (1 صوت)

11-28-2013 11:44 AM
إستثمار راقد في السودان لكن هم فقدوا الثقة فيكم يا شحات انت بتمشي تشحد ما بتقدم شئ لانه اول حاجة بتخت الكمشن بتاعك واغراءات للضحية العايز يستثمر في عهدكم

شروطك انه يكون احد اعضاء مجلس إدارة المشروع المراد الاستثمار فيه لزم تسهيل الإجراءات تمرير الاوراق
بعد ما يضمن حقه يظهر ليه ناس الامن عايزين حقهم في المشروع لحماية المستثمر هاك يا رسوم واوراق رقابية لحركة المستثمر .

بعد ما تنشوف المستثمر ويبدا مشروعه ويجمع الدولارات تقولوا ليه ممنوع خروج العملة الصعبه ( مثال شركات الادوية ) تجيبوا عمله صعبه للبلد لكن تطلعوها البنك ما بديكم .

انتو ضيقتوها على المواطنين اللي بتشوفوه ناجح في استقطاب واستيراد الاشياء الضرورية تقوموا تتلموا حوليه زي الضبان وتعكسوها عليه محل ما يقبل وتتجسسوا عليه وتحتكروا الشغل منه .

انانيتكم وجهلكم وحقدكم ده الخلاكم تفشلوا لانكم بتدخل في بين البصلة وقشرتها يهمكم وما يهمكم عايزين تحشروا امنكم فيه وسلطاتكم الجائرة فيه ...

انا مبسوووط من الوليد بن طلال ده اقل صاحب ليه بكون مدير بورصة كدا وكدا يعني شارب مخارج ومداخل الاستمثار في اي دولة ودراسات جدوى على اعلى مستوى عايزين تختو راسكم معاه وفاكرنه فريسه ساهلة وتحنسوه بي دكتوراه فخرية وكدا لكن عرف اللعبة اخد شهادته وعلقها في مكتبه .


#840869 [ابوطارق]
5.00/5 (1 صوت)

11-28-2013 10:59 AM
اقتباس " وأضاف الوزير السوداني أنه سيتم عقد مؤتمر دولي للاستثمار في دارفور، "
تاني مؤتمر !!! تاني صرف فلوس ونثريات !!! وإستضافات فنادق !!! ووقف حال !!! وكل ذلك على حساب المواطن الضعيف الكحيان !!! الغلبان !!! لا حول ولا قوة إلا بالله .. حسبي الله ونعم الوكيل ...
الجماعة دول شكلهم عاوزين يجيبوا شلل رباعي لجميع الشعب السوداني وبس !!!!!
يعني المؤتمر القبل يومين ما طبقوا فيه أيه حاجة على أرض الواقع بدليل تصريح معالي وزير المالية !!!!! بأن هنالك المشاكل الإقتصادية في البلد لا تحل إلا عن طريق فرض الضرائب !!!!
بالله عليكم ياناس لو جمعت كل المصروفات التي أنفقت في كل الملتقيات والمؤتمرات ما كان ساعدت في حل مشاكل الصحة ، التعليم ، الزراعة ، الصناعة ولكن !!! طبعاً هم ما محتاجين للحاجات دي كلها !!!! ليه ؟؟ لأن علاجهم وتعليم أبنائهم، وحتى مأكلهم ومشربهم من الخارج وعلى حساب المواطن المسكين ... الذي لا يجد ما يسد به رمقه !!!!
آآآآآه يابلدي الحبيب !!!!!؟؟؟؟؟


#840763 [مدحت عروة]
5.00/5 (2 صوت)

11-28-2013 09:44 AM
عدم الاستقرار الاقتصادى وذهاب البترول وعدم الاستقرار فى العملة انعكس سلبا على الاستثمار فى البلاد!!!!!!!!!!!!!!!!!
يا الله من هذا الذكاء والتحليل العلمى!!!!!تتصوروا انه مافى زول او خبير فى السودان بيعرف هذا الكلام!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يا جماعة ناس الانقاذ ديل السودان ما جاب زيهم فى الادارة والذكاء وفى جميع المجالات!!!!!!
لكن الانا مستغرب ليه المستثمرين ديل ليه ما يجوا يستثمروا فى البلد الذى ينعم بالامن والاستقرار السياسى والدستورى والسلام خاصة فى مناطق الانتاج زى دارفور وكردفان والنيل الازرق ومشكلة العملة والاستقرار الاقتصادى اكيد ناس الانقاذ ح يلقوا ليها حل!!!! مش عملوا مؤتمر اقتصادى قبل كم يوم؟؟؟؟اكيل حلوا هذه المسائل!!!!!!!!!!!!!!!!!!!!!!!!!!!!!!!!!
يا مثبت العقل فى النافوخ!!!!!!!!!!!!!!
يا جماعة عليكم الله انحنا سوينا شنو فى الدنيا دى عشان يحكمونا امثال هؤلاء؟؟؟؟؟؟؟؟؟؟؟؟؟؟؟؟؟؟؟


ردود على مدحت عروة
United States [جر كان فاضى] 11-28-2013 06:41 PM
الاستاذ مدحت عروة..تحية واحتراما...ومتعكم الله بالصحة والعافية...فأنحنا(انا افضل كلمة نحن) قد اصبحت انحنات بحيث كل انحن واحدة تمثلا جيلا كاملا...فالبشير قد اضاع انحنات(اجيالا)..فقد ضيع الجيل الماضى وهاهو يضيع الجيل الحالى ..ثم انه قد ضيع الاجيال القادمة بارهاق البلد بديون تشيب الرأس وببيع كل اصول البلد الانتاجية والطبيعية...ولم يبدد موارد الاقتصاد فحسب بل بدد الثروة الاخلاقية..والثروة الفنية..والثروة الادبية والثقافية...والثروة الايمانية...لقد بدد الثروة الانسانية السودانية بكل مكواناتها الجميلة
وبدد الثروة اللغوية ايضا...ففى كل خطاب ينح نحيحا...أنحن أنحن...أنحن أنحن...تطير كلمة أنحن المسكوك فيها وتطير معاها يالقشير


#840699 [osama dai elnaiem]
3.50/5 (2 صوت)

11-28-2013 08:07 AM
جهودكم نجحت في خلق علاقات شخصية مع اصحاب الرساميل في مختلف انحاء العالم الذي تتوافر فيه فوائض رساميل وبالاخص في دول الخليج وذلك يمكنكم من بناء اعمال خاصة تدر عائدا مجزيا وليذهب السودان واهله الي الجحيم فالمطلوب قد تحقق!


#840698 [KALAS.]
4.38/5 (4 صوت)

11-28-2013 08:05 AM
مسؤلين عواليق و كذابين و معفنين و حرامية و لا يملكون اى مقدرة لتقديم شئ يفيد البلاد و العباد و طوال 24 سنة لم تتقدم الدولة فى اى شئ و انما التراجع المخيف كان هو السمة الغالبة فى كل المناحى و انظروا ايها اللصوص يا مفسدين يا فاسدين انظروا الى دولة الامارات هذه الدولة الصغيرة مساحة و الكبيرة بقياداتها و مسؤليها من اكبرهم الى اصغرهم الى اين وصلوا الامارات تنافس روسيا و تفوز عليها باستضافة اكسبو و قد وصلوا الى هذه لان قادتهم يؤمنون بأن القيادة الرشيدة هى من تحقق بالشعب انجازات و ترفع شأن الدولة فى كل المناحى و المسؤلين همهم الاول رفع علم بلادهم بالعمل الجاد و العمل المسؤل و التزام القانون و انجاز الاعمال بهمة و ليس بمفهوم ( حقنا وين ) لذلك تراهم اليوم ينافسون الدول العظمى و صار اسم الامارات فى كل العالم و بسوء ادارة الحاكمين الان فى السودان صار اسم السودان فقط يعنى القتل و التشريد و الجوع و الحروب و ما زال حكامنا يتحدثون و يتصارعون عن وزن الرغيف و محاربة الذباب لانهم اوهن من الذباب ، حريقة تحرقكم ما تفضل منكم حتى رماد .


ردود على KALAS.
United States [أحمد] 11-28-2013 11:04 AM
اقتباس أول: (و الكبيرة بقياداتها و مسؤليها من اكبرهم الى اصغرهم).
اقتباس ثاني: (لان قادتهم يؤمنون بأن القيادة الرشيدة هى من تحقق).
أكل عيشك بشرف وبطل كسير تلج.


#840688 [عادل الامين]
5.00/5 (1 صوت)

11-28-2013 07:32 AM
الاعتراف بالفشل هو اول مراحل اصلاحه
والديموقراطية هي الحل
والشعب يولي من يصلح


#840678 [ودالباشا]
4.00/5 (3 صوت)

11-28-2013 06:51 AM
ولا تنسى ايها الوزير الفساد الادارى والاخلاقى وعدم المصادقية من كباركم وانت معهم طبعا وصقاركم حتى الاغاثة التى ارسلت للمعدمين ذهبت لجيوبكم التى لم تكتفى من البترول موارد البلد فكيف تجذب المستثمرين وابناء الوطن يستثمرون فى الدول الافريقية الخليج


#840669 [الجوكر]
5.00/5 (2 صوت)

11-28-2013 04:19 AM
والله الجماعة ديل نشفوها طب ما باقى ليهم إلا يحفروا بيوت النمل،،


#840666 [هشام]
5.00/5 (2 صوت)

11-28-2013 03:59 AM
مصطفي اسماعيل المعجزه

وافهموها براكم زي ناس الزراعه


#840659 [ود ابراهيم]
4.00/5 (3 صوت)

11-28-2013 03:35 AM
بعد ما نهبتو كل اموال السودان وتسببتو في انفصال الجنوب جاي اليوم تعترف بي فشلك يا فاشل


#840647 [ود البلد]
4.00/5 (3 صوت)

11-28-2013 03:12 AM
هذا الرجل مثال للمثقف الفاسد
اولا الزراعة والإستثمار ليس مجاله.
ثانيا هو دكتور اسنان واتحداه ان ينجح فى امتحان
وزارة الخارجية حتى يكون دبلوماسي.
ثالثا وهو وامثاله يجب ان تسحب شهاداتهم وتصادر ممتلكاتهم لكذبهم وخيانتهم لما تعلموه على حساب الشعب ..
رابعا هذا النوع المغمور من المتعلمين لا يجد نفسه الى فى ظل الحكم العسكرى والدينى
خامسا على عرب الخليج اعتبار اموالهم فى خبر كان فهؤلاء لا يملكون السودان وغير شرعين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة