الأخبار
منوعات سودانية
بدء محاكمة (5) نساء بتهمة خطف وبيع أطفال حديثي الولادة
بدء محاكمة (5) نساء بتهمة خطف وبيع أطفال حديثي الولادة



11-27-2013 11:23 PM
الخرطوم

بدأت بمحكمة جنايات مايو محاكمة خمس نساء - بينهن ثلاث قابلات بمستشفى حكومي - بتهمة خطف وبيع أطفال حديثي الولادة تمت ولادتهم داخل المستشفى، وأرجئت الجلسة لحين تعيين متحرٍ يتلو محضر التحري بدلاً عن المتحري في البلاغ الذي تم نقله من القسم إلى قسم آخر. وجاء في حيثيات البلاغ أن سيدة أبلغت لدى الشرطة عن خطف طفلتها حديثة الولادة بمستشفى (بشائر) الحكومي جنوب الخرطوم، ومن خلال التحري وجمع المعلومات توصلت الشرطة إلى الطفلة بعد أن تم بيعها بمبلغ (3) آلاف جنيه لامرأة لا تنجب، والأخيرة استخرجت لها شهادة ميلاد وسمتها باسم زوجها المغترب خارج السودان، وألقت الشرطة القبض على المتهمات، وتبين من خلال التحقيق معهن أن المتهمة الأولى اشترت طفلاً (ذكر) من قابلة بالمستشفى بمبلغ (3) آلاف جنيه، دفعت منها مبلغ (2500) جنيه، وقالت القابلة إن الطفل ابن سفاح ولدته طالبة جامعية وأهدته لها لتتبناه إلا أنها (تصرفت فيه) بالبيع للمتهمة الأولى.. أما المتهمات الثانية والثالثة والرابعة فهن قابلات بالمستشفى الحكومي، إحداهن ساعدت في خطف طفلة رضيعة ابنة ساعات من العنبر بالمستشفى وباعتها لامرأة لا تنجب وأخذت منها (عربون)، والسيدة سمت الطفلة على اسم زوجها المغترب خارج البلاد وعملت لها حفل (سماية). هذا، وقد قررت المحكمة الإفراج بالضمانة عن المتهمات حسب طلب المحامين.

المجهر


تعليقات 6 | إهداء 0 | زيارات 2316

التعليقات
#841245 [ود الامير]
5.00/5 (1 صوت)

11-28-2013 04:52 PM
يجب ان يسن حكم الاعدام في مثل هذه الجرائم البشعة. لا اعتقد ان اي عقوبة اخرى كافية لردع مثل هذه النفوس المريضة


#840714 [المتغرب الأبـدي]
5.00/5 (1 صوت)

11-28-2013 09:05 AM
لعنة الله تغشاهم بكرة وعشية إذا كانوا بيحرقوا حشا أمهات حملن وعانين وتعبن وقاسين ألم المخاض والولادة ثم يكون حصادهن صفراً كبيراً وحسرة ولوعة ..
لماذا لا يذهب هؤلاء المجارمة إلى دار المايقوما ويأخذوا منها ما يشاؤون من أطفال فقدوا حنان الأبوين ؟؟؟..


#840645 [ود البلد]
5.00/5 (1 صوت)

11-28-2013 03:01 AM
نحنا عايزين صور المجرمين حتى و لو بعد الادانة
هم فى حد قال ليهم ابقوا مجرمين


#840610 [سيد احمد]
0.00/5 (0 صوت)

11-28-2013 01:11 AM
لازم الناس لمن تبدا من جديد اهو جابت ليها ازمة دقيق وخبز
كمان ،الاهم الصبر والثبات هؤلاء الكيزان الجبناء اذا الناس صمدت وصبرت بيصيبهم هلع ورعب
لازم نبدأ من جديد والاهم لازم كل المدن كلها تطلع في زمن واحد اصلو مافي راحة ولايهدأ لنا بال الا
باقتلاع هؤلاء الشرزمة ،والناس تحاول تتجنب التنسيق بواسطة المكالمات لان كل شركات الاتصال تابعة لهؤلاء الصعاليك التنسيق فقط بالانترنت وهذا على حسب كلام فرد الامن بتاع قناة العربية


#840602 [Asmar]
5.00/5 (2 صوت)

11-28-2013 12:57 AM
نجح المشروع الحضاري الكيزانى فى بلاد النيلين


#840587 [اطرش فى زفه]
5.00/5 (5 صوت)

11-28-2013 12:35 AM
ف واحده متابعه مع اخصائي كبير وكل فحوصاته بقول انها حامل بتؤم وحولا الاخصائي للمستشفى لتضع تؤمها وفى المستشفى جائت الفحوصات مطابقه لكلام الاخصائي وولدت المرئه وجائتها الممرضه تحمل بنت وسالتها الام ببرائه وين المولود التاني اجابت الممرضه ده بس اللقيناه فى بطنك ؟
ويجكي ان رب اسره وضعت زوجته وجائه الممرض بطفله ملفوفه ميته وطبيعي ان الاب اخذ الطفله ومعه اهله الي المقابر وهم فى نص الليل فى المقابر تلفون الاب دقه يازول معاك الممرض ايوة خير ام العيال حصل ليها حاجه اجابه الممرض لا المره كويسه لكن المعاك ده ولد ولا بنت اجاب الاب دي الطفله الاديتني ليها ونحنا هسي فى المقابر قام قاليه الممرض لا ياخي انت جبت ولد مابت تعال رجع الجثمان ده ماحقك الراجل رجع المستشفى مندهش وجاه الممرض شال جثمان الطفله وسلمه لاهله وقاليه ولدك فى الحضانه حي ماميت ؟
ف السودان ف وطن تطبق فيه الشريعه بالقلبه كل بقى متحجر كل بقى غلط الصاح غلط والغلط غلط فى السودان بقت كل القصص والحكايات الوهميه حقيقه زول الليله تلقاهو شحاد بكره تلقاهو ملياردير زول تلقاه زول بكره تلقاهو معلق فى شجره ومعاه موزه زول يقوليك نصبح علي خير بكره تشيل عليه الفاتحه زول ماشي بكره تلقاه ميت
ناس تموت عشان سفه
وناس تعيش عشان تكتل
هسي المهم فى الموضوع ده وضع الزول يامن فيه علي زوجته ماهو انت لما تمشي مستشفى مابتخش مع الدايه ؟ يعني نثق فى منو ؟ خلاص نطالب بانو اي اب يدخل مع زوجته ويشوف بعينو مولودو قدام عينو ولد ولابت حي ولا ميت ويلبسو اسوره فيها اسم الام
نحنا شعب ؟ نحنا ناس ؟ الجهله والصعاليق يمتلكون المال واهل العلم والضمير ضاعت بيهم السكك القدر هاجر او البقى مسجون داخل الخوف والرعب والجوع من يوم بكره البحصل ده كابوس اخبار كلها مابطمن اغتصاب الاطفال ومن منو مدير مدرسه سرقة اطفال ومن منو من المستشفى وبي كم ؟
ربنا يستر ربنا يسترنا شفنا حاجات وسمعنا حاجات ماكنا بنتخيلا انتم عارفين انا بحسد الناس الميته دي لان ربنا رحمم من الهسي بحصل بلد لاضمير ولازمه ولا اخلاق قانون الغاب قانونه والله قانون الغاب فيه رحمه الاسد لما يكون شبعان مابنط فى رقبة الغزال وماسمعنا حمار اغتصب لبوة فى الغابه ياناس هسي نحنا عاقلين بالله عليكم مع البحصل ده ربنا يستر علي اولادكم وبناتكم وماتحمله البطون لان البحصل ده كابوس بكل معني الكلمه وان دل يدل علي ان الضمير والاخلاق اخر شخيط نحنا بنطو مع شريعة الغاب البشريه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة