الأخبار
أخبار إقليمية
نائب برلماني : ليس من المنطق ان الشخص الذي كان يرتدي الكاكي مرددا"امريكا روسيا قد دنا عذابها" يأتي اليوم ويرتدي (كرافتة) لتحسين العلاقة بين البلدين.
نائب برلماني : ليس من المنطق ان الشخص الذي كان يرتدي الكاكي مرددا"امريكا روسيا قد دنا عذابها" يأتي اليوم ويرتدي (كرافتة) لتحسين العلاقة بين البلدين.
نائب برلماني : ليس من المنطق ان الشخص الذي كان يرتدي الكاكي مرددا


برلماني يربك كرتي ويثير غضبته " امريكا ماعندها زهايمر وتعلم انك عملت منسقا عاما للدفاع الشعبي"
11-28-2013 09:48 AM

البرلمان: خالد الفكي
اغضبت عبارات قاسية لنائب برلماني، وزيرالخارجية علي احمد كرتي واوشكت إخراجه عن طوره، وقال النائب محمد صديق دروس في جلسة البرلمان ان تحسين الصلة مع الولايات المتحدة الامريكية يتطلب تخصيص 50% من جهد الدبلوماسية السودانية، وتابع بعبارات إستثارت غضبة الوزير قائلا:" امريكا ماعندها زهايمر وتعلم ان كرتي احد مؤسسي المشروع الحضاري وعمل منسقا عاما للدفاع الشعبي، وليس من المنطق ان الشخص الذي كان يرتدي الكاكي مرددا"امريكا روسيا قد دنا عذابها" يأتي اليوم ويرتدي (كرافتة) لتحسين العلاقة بين البلدين"، في المقابل رد كرتي على انتقادات النائب دروس بعنف قائلا:" اختياري لوزارة الخارجية لم يكن بطوعي"، واردف:" لم يحدث على الاطلاق ان تقدمت لشغل وظيفة عامة بالسودان"، وفي خطوة مساندة لكرتي اتهم رئيس لجنة الامن والدفاع والخارجية محمد الحسن الامين الذى دفع بتقرير بيان وزير الخارجية بشأن سياسية السودان الخارجية ، النائب دروس بانه لديه صلة بالسفارة الامريكية بالخرطوم غير ان الاخير نفي الاتهام عن نفسه وقال لـ(الاهرام اليوم) " ليست لدي صلة بالامريكان ولا اعرف حتى اسم سفيرهم والمامي باللغة الانجليزية ضعيف للغاية واعتبر الاتهام "تمويه امني" لصرف الانتباه عن جوهر الحديث. و كشف كرتي تقديم مسئوولين بشركات امريكية حلولاً لدخول التحويلات المالية الى السودان عبر طرف ثالث لتجاوز العقوبات الاقتصادية .

الاهرام اليوم


تعليقات 47 | إهداء 0 | زيارات 15253

التعليقات
#841619 [الممغوص]
5.00/5 (1 صوت)

11-29-2013 06:38 AM
بسيطه خالص كرتي يروح لامريكا ويصالحا ويغني ويقول
ما بلاش نتكلم في الماضي الماضي دا كان كلو جراح وما دمت بحبك انا راضي ليه تدورلي علي شي راح (المشروع الحضاري)


#841603 [Elobaidi]
5.00/5 (1 صوت)

11-29-2013 03:18 AM
والله كتر خيرك يا عضو مجلس "النوام" ، على الأقل صاحى لسة وبرضو حللت المهية


#841578 [رانيا]
0.00/5 (0 صوت)

11-29-2013 01:27 AM
خليكم منو زوجته حضرة السفيرة لمن عملوا لقاء معاها قالت إنه من يوم ما الطماطم إرتفع سعرها رفض ان ياكلها. . الناس دى بتتكلم من اجل الكلام وحسب.


#841569 [الثورى]
4.88/5 (5 صوت)

11-29-2013 12:54 AM
الجماعة ديل للاسف الشديد ما وقفوا على اميركا وبس بل ضموا ليها روسياو ولوما ربنا لطف نسوا الصين كانت الطامة الكبرى


#841560 [مشروع حضاري]
5.00/5 (2 صوت)

11-29-2013 12:34 AM
مع العلم انو البرلمان اتجاه واحد وكل النواب حزب مؤتمر وطني -يعنى برلمان الصوت الواحد برغم دا كلوا في ناس ضمائره قاعدة تصحى مرة مرة ممكن تكون لأسباب مُرة وممكن تكون لمصلحة السودان وممكن تكون لمصلحتهم الشخصية البحثة الله اعلم بالسرائر لكن مع دا رئيس المنصة ما يدى الناس البشوفهم متحمسين للكلام الفرصة عشان يتكلموا واحداكم تاني لو شوفته دروس دا تاني اتكلم - الا يتكلم في الصحافة لكن خلاص الكلام في البرلمان حرم عليهوا.
يا جماعة الكلام في البرلما يكون كالاتي
يطرح الموضوع - يتحدث رؤساء اللجان ثم نواب رؤساء اللجان ثم رؤساء الكتل ثم المحاسيب والمجازيب ثم كسارين التلج والذين في قلوبهم مرض وبعد داك يعطوا الفرص للضيف يرد ثم تنتهي الجلسة وكل واحد يشيل شنطته الدبلماسية ويركب عربيته ويمشي يملاها بنزين من طرمبة ......... وعلى الدنيا السلام
على كرتي شنو البصلح علاقة مع امريكا
وانتو ليه مشتاقين تصلحوا العلاقة مع امريكا
اولا واخير صلحوا علاقتكم مع نفوسكم (لانو عندكم نفسيات)
ثم صلحو علاقتكم بالشعب
بلا يخم العدو


#841450 [المشير م(دفاع شعبى)]
3.50/5 (2 صوت)

11-28-2013 09:43 PM
امريكا و الانقاذ متفقين يا دروس انت ما بتفهم؟؟؟؟؟ امريكا عارفه انو البشير بيشتمهم ليل و نهار ده كله متفق عليه يعن انت ما جبت حاجة جديدة...ز و دروس طلع ما بيعرف انجليزى ؟؟؟ هو عمر البشير بيعرف انجليزى و ما ياهو حاكمنا بالعربى و الرقيص البلدى؟؟؟؟؟

الخارجية من جمال محمد احمد لعلى كرتى ؟؟؟؟؟؟ دنيا بت كلب

من منصور خالد لعلى كرتى دنيا بت ستين الف كلب

كمال حسن على من جندى دفاع شعبى الى سفير فى القاهرة؟؟؟؟؟ دنيا؟
الدفاع الشعبى يهزم كلية غردون ,,,,,,,و جامعة الخرطوم و ج لندن((اعظم جامعة)) و انا خريج دفاع شعبى بالمعاش برتبة مشير يا جماعة شوفوا لينا سفارة نتنيل فيها انشاء سفارة اريتريا و لا تشاد... و الله بلد هامل


#841361 [صالة المغادرة]
5.00/5 (5 صوت)

11-28-2013 07:39 PM
واحد قرفان مش مسطول او مجنون وقف الى جوار الشرطة الشعبية بام درمان صباح اليوم وقال بالصوت العالى يالله اقلبا او القيامة بسرعة وتانى ما عندنا خيارات وضج كل المارة بالضحك وليعلم الجميع ان هذا الرجل لديه كشك لبيع الصحف وعندما ذهب لشراء كهرباء تم خصم قيمة رسوم خدمات المياه علما بانه لاتوجد لديه ولا حنفية واحدة ولكنها دولة خلفاء ابليس فى الارض وحكم قراقوش.


#841306 [عنقالي]
5.00/5 (6 صوت)

11-28-2013 06:16 PM
الم تلاحظو في الصورة أعلاه أن المنافق كرتي عندما كان قائدا للدفاع الشعبي كان بدون لحية وعندما أصبح وزيرا للخارجية عمل لحية !!!!!


ردود على عنقالي
[ود الماحي] 11-28-2013 11:48 PM
تتخيل يالعنقالي أخوي ما عرفتو لاني ما ركزت في الصورة كويس
هههها بلد ماشه بالمقلوب

United States [قار سيلا بولاد] 11-28-2013 10:07 PM
الدقن دي اسمها دعوني اعيش ولغف مع التماسيح.


#841280 [ابومونتي.]
5.00/5 (2 صوت)

11-28-2013 05:37 PM
حكومة حياره
ووزارة زباله.


#841265 [حسون]
0.00/5 (0 صوت)

11-28-2013 05:19 PM
لا ادرى ليه وزارة الخارجية محرمة على مهدى ابراهيم وغازى صلاح الدين


ردود على حسون
United States [الزول الكان سمح] 11-28-2013 09:49 PM
قتا شنو؟؟؟ تحرم عليك عيشتك...هو مهدى بتاعك ده مش القال صبرنا على الشعب...إن شاء الله يصبره فى سقر مائة قرن

United States [الزول الكان سمح] 11-28-2013 09:32 PM
قتا شنو؟؟؟ تحرم عليك عيشتك...هو مهدى بتاعك ده مش القال صبرنا على الشعب...إن شاء الله يصبره فى سقر مائة قرن


#841253 [ساب البلد]
5.00/5 (3 صوت)

11-28-2013 04:59 PM
الصورة اعلاه:- ********واحد هالك**** واخر متهالك***** و بلد سايبة ما عندها مالك*******


#841241 [طــــه]
0.00/5 (0 صوت)

11-28-2013 04:45 PM
رد على ميسو
أفتكر إنو القال لغتو الانجليزية ضعيفة هو البرلماني دروس نفسه وليس وزير الخارجية كرتي.
التحية.


#841186 [2]
0.00/5 (0 صوت)

11-28-2013 03:29 PM
طبعا البشير ما عنده زول من الكبار يعطيه الخارجية عشان كده كرتي مكنكش في المنصب

رايكم شنو في ربيع عبدالعاطي ,,,,


ردود على 2
United States [fadeil] 11-28-2013 10:38 PM
هذا الرجل لو أعطوه الخارجيه حيلخبطا لأنه رجل جاهل وأحمق .. ألم تشاهدونه في الفضائيات وطريقة ردوده .


#841170 [ميسو]
5.00/5 (1 صوت)

11-28-2013 03:08 PM
عليكم الله دي لو ما أفشل حكومة على وجه الأرض ... لو ما بيعرف إنجليزي يعينوهو وزير خارجية
ما دام ماجيت بي رغبتك ما كنت تقوليهم إنك راسب طول عمرك في الإنجليزي
غايوا والله الحكومة دي تجيب للواحد طوحال في القلب ووجع راس في الرجلين ...

كرهتونا السودان والدول المجاورة .... يا ساقط يا بليد


ردود على ميسو
[ابو منتصر] 11-28-2013 11:58 PM
يا خوانا ما تقوموا علي ميسو ساكت هو صحيح المقصود في الخبر هو النائب دروس ولكن ميسو ما مشى بعيد برضو كرتي ما بعرف إنجليزي وطبعا دة السبب الخلاهم يختاروه لوزارة الخارجية أمعنا في إذلال الشعب السوداني الذي كان يدير شؤونه الخارجية وزراء من أمثال المحجوب وجمال محمد احمد ومنصور خالد ورهط من السفراء والديبلوماسيين الأكفاء

[ابو منتصر] 11-28-2013 11:49 PM
يا بتول الحلوة دي اسما اسبيرات او ازبيرات

[ساب البلد] 11-28-2013 11:05 PM
خلاص كرتي يعني خواجه منقطا؟؟؟؟

United States [بتول الحلوة] 11-28-2013 07:43 PM
كرتى__ دروس__ الجاز__ مروح___ دى اسماء لساتك ولا ايه
الله يرحم المحجوب وصحبه وبرلمان ذلك الزمان كانوا يخاطبون الخواجات بلسان انجليزى فصيح

European Union [hmamizo] 11-28-2013 05:01 PM
ياميسو .. افهم المقال جيدآ .. المابعرف انجليزي وضعيف للغاية وحتي اسم السفير الامريكي مبعرفو دة النائب البرلماني محمد صديق دروس ؟؟؟

[joi!] 11-28-2013 04:07 PM
با تمر الهبوب أنت راكب غلط باص الجهيلاب بالموقف التانى .. الما بيعرف انجليزى ده
النائب دروس ..

[samisuh] 11-28-2013 04:05 PM
يا اخونا الذى لا يغرف اللغة الانجليزية النائب بتصريحه للاهرام اليوم وليس كرتى كما تظن ارجو التحقق من كلامك ليكون له وزن وليس خربطه

United States [kamuzu] 11-28-2013 04:02 PM
المقصود النائب دروس وليس كرتي ......اسماء عجيبة طلعت لنا في غفلة من الزمن


#841165 [السودانى الجد جد]
5.00/5 (2 صوت)

11-28-2013 03:03 PM
ياناس لو عايز العلاقه مع امريكا تبقى كويسه
1/ ارجاع الفريق صلاح قوش لقياده جهاز الامن والخابرات او تعيننه وزير للخارجيه
2/ منح كل من: نافع على نافع وعلى عثمان وزمره المنافقيين استراحه محارب هى موش بيسموها الجماعه كده بيحارب فى منو هو عشان ياخذ اجازه
ياعالم يابشر امريكا لو عايزه تحسن علاقتها بدوله بتقدر فى كسر من الثانيه ديل مابقدر عليهم الا رب العباد
وده كلو لاننا كمسلمين بقينا منافقين وكذابين وما عندنا زمه وبكل صراحه الاسلام بقى مثل العادات وليس دين ده كله من الكذب من علماء المسلمين وخلوا بالكم الحاصل فى الدول العربيه ده من بعد الناس عن الدين الاسلامى الواحد مربى دقن وهو اكبر فاسد فى كل شئ
نضفوا قلوبكم واسلموا اسلموا مش الاسلام للتجارة وتشويه عبارات كان يرددها صحابه الرسول عليه افضل السلام


#841153 [علي باحش الدكوك]
5.00/5 (1 صوت)

11-28-2013 02:56 PM
التحية والتقدير للنائب البرلماني المستقل/ محمد صديق دروس، عن الدائرة القومية (1) القطينة بولاية النيل الأبيض، على قوله الحق في وجه سلطان جائر. صدق النائب دروس، فالأنقاذ تتعامل مع الأخرين بجهل وسبهللية، مفترضه في غيرها الغباء. على كرتي مؤسس فرق الدفاع الشعبي التي تردد "امريكا روسيا قد دنا عذابها، علي أن لقيتها ضرابها"، ذات الشخص من أوكلت إليه قيادة السلك الدبلوماسي لتجسير هوة العلاقة المتعسرة مع دول مثل الولايات المتحدة.

نفس هذه السياسة متبعة الآن مع السعودية ودول الخليخ، ففي الوقت الذي تفتح الأنقاذ الأراضي السودانية المحادة لدول الخليج من ناحية الغرب، على مصراعيها للسفن الحربية الايرانية والمراكز الأستخباراتية لفيلق القدس وحزب، يطالبون دول الخليخ بتقديم القروض والمنح المالية.

صدق أهلنا في مثلهم الشائع "ركاب سرجين وقيع"


ردود على علي باحش الدكوك
European Union [ود العوض] 11-29-2013 08:07 AM
ياعلي باشا مين القال ليك دروس مستقل دروس كوز حتي النخاع ودرس معانا في جامعه الفاتح في ليبيا وتخرج من كليه التربيه اللغه العربيهومعهم الكوز عثمان محمد الحسن زوج بنت الذيب النص ونهبوا امولا كثيره وعملوا شركات في السودان ودبي ازيدك ولا كفايه والحساب جاي للجميع ياخوي


#841145 [غريب ديار وغريب اهل]
5.00/5 (1 صوت)

11-28-2013 02:43 PM
وزارة الخارجية من المشاهير / محمد احمد المحجوب / مبارك زروق / احمد خير / جمال محمد احمد

الكبير منصور خالد الــــــــــــــــــــــــــــتي كرتي كرته قاتل الطلبه وجايب

زوجته سفيرة بايطاليا ؟ هذا زمانك بامهازل فامرحي


ردود على غريب ديار وغريب اهل
European Union [cv] 11-28-2013 09:58 PM
على كرتى

مواليد 1955 حجر الزفت ريفى شندى.

تخرج من جامعة الخرطوم19000 عمل بمغلقه بالسجانة,,التحق بالدفاع الشعبى و تخرج برتبة فريق...التحق بالخارجية وزيرا....متزوج من تاتة حريم وواحدة منهم شفيرة...


#841097 [خرباش]
5.00/5 (1 صوت)

11-28-2013 01:51 PM
الاثنين كلامهم صحيح فما ممكن دباب يتحدث بلسانالدبلوماسية السودانية دى صاح ....والدباب ذاتو ما جه الموقع دا بارادتو بل هو تعييت اجبارى من مجلش شورى الاخوان دى صاح برضو ....وسلم لى على السيخ والاسمنت فى السجانة


#841088 [كبسور]
0.00/5 (0 صوت)

11-28-2013 01:41 PM
الزول دا قالوا فى سنين الطلب بجامعة الخرطوم كان حارس شخصى لابن عمر محمد احمد الكادر الخطابى للجبهة الاسلاميه يعنى كادر عنف ، وبعد داك بقى وزير الديلوماسية شوف ليك مهازل ، هسه ابن عمر لاف صينية بيت قالوا ماعندوا الا اشتراهو ليهو كرتى دا ، انه زمان يعلوا فيه السيخ على الافكار حتى داخل تنظيمهم المهترئ


#841083 [حسن سليمان]
5.00/5 (4 صوت)

11-28-2013 01:35 PM
كل يوم يثبت الشعب السوداني بأنه من أغبى شعوب العالم وهو ينتظر التغير من نفس العصابة يوم باسم المؤتمر الشعبي ويوم بسام سائحون ويوم اخر باسم اصلاحيون وكومبارس خراب السودان من الطائفيين .... عووووووووووووووووك اصحى يا بريش هؤلاء لايمكن ان يكونوا جزء من الحل لانك ليس جزء من همهم


#841079 [ahmed//]
5.00/5 (2 صوت)

11-28-2013 01:31 PM
اصبحنا دولة مشبوهة الدول تتعامل معنا من تحت الطاولة بدون شفافية حتى نحصل على انواع التمويل ونعلم ان للدول سيادة اما بهذه التصرفات فنحن اصبحنا ثلة مشبوهين ولا سيادة ولا احترام لدولتنا ولا لرئيس ووزراء دولتنا ،فقدنا كل شىء حتى السيادة على قرارتنا ...


#841057 [radona]
5.00/5 (4 صوت)

11-28-2013 01:15 PM
تعتبر امريكا افضل صديق للسودان على مر العصور سوى الفترة الاخيرة
الدليل على ذلك
ان شركة شيفرون الامريكية هي التي اكتشفت بترول السودان
ان امريكا ساعدت السودان في مايو عندا ضرب الجفاف والتصحر السودان

ان السودان عندما كانت علاقته ممتازة مع امريكا كانت سودانير تستخدم البوينج والجيش كان لديه الفانتوم
لو وضعنا الصين في كفة ببضائعها الرديئة التى امتصت بها موارد السودان وماقدمته امريكا للسودان
نجد ان صداقنا بامريكا هي الافضل على الدوام
وعاشت الصداقة الامريكية السودانية
ثم ان امريكا مسيحية اهل كتاب والصين شيوعية ملحدة


#841026 [salah El hassan]
5.00/5 (4 صوت)

11-28-2013 12:46 PM
نحن نعيش فى زمن المهاذل فى عهد الأنقاذ ...اين الدبلوماسية السودانية التى لا يصل فيها الدبلوماسى الى سفير ما لم يكون قد عمل على الاقل لمدة 20 سنة متنقلا في عدة سفارات فى بين افريقيا والشرق الاوسط واسيا و اوربا بعد داك حتى يصل لى سفير .
مش واحد كان لابس كاكى مع الدفاع الشعبى يبقى وزير خارجية او من طبيب اسنان فاشل الى وزير خارجية ؟؟؟؟؟


#841020 [moneim]
5.00/5 (3 صوت)

11-28-2013 12:43 PM
رغم انو كلام جاء متأخر الا انو واقعى جدا


#841008 [ود البلد]
5.00/5 (4 صوت)

11-28-2013 12:29 PM
يا عالم نحم ناخذ هذا الكلام بإعتباره ونسة
وهذا البرلمان مافيهو معارضة نهائيا
يعنى حزب واح 100%
على الجميع السعي لاسقاط النظام بمشاركة
الجبهة الثورية
وعندها نكون حرب كبير يقلص نفوذ الطائفية
ويغير الجيش نهائيا و يخرج من السياسة والمدن


#841002 [خالد ابواحمد]
5.00/5 (2 صوت)

11-28-2013 12:26 PM
شكى من تقاطعات داخلية تعيق عمل وزارته
في أول رد فعل على ما كتبنا أمس:كرتي يدعو لرسم علاقة واضحة مع السعودية ودول الخليج وايران
خالد ابواحمد
في أول رد فعل على ما كتبنا أمس حصريا في (الراكوبة) حول الحملة الاعلامية التي تقوم بها الحكومة السودانية ضد المملكة العربية السعودية الذي عبرت عنه جريدة(الصحافة) في ترجمتها ونشرها لمقال في صحيفة بريطانية، دعا على كرتي وزير الخارجية الحكومة لرسم علاقة واضحة فى التعامل مع السعودية ودول الخليج وايران، معتبراً ان الامر به كثير من الحساسية التى لايمكن البوح بها فى الاعلام، واشترط عقد جلسة سرية بين البرلمان ووالاطراف ذات الصلة بالملف لتبادل الاراء والاتفاق على سياسات واضحة ، وشكا الوزير من تقاطعات داخلية وخارجية تعيق عمل وزارته، وتابع" انا اعمل فى ظروف بالغة التعقيدات بها مواقف داخلية ثابتة على مرتكزات لا تتزحزح"، نفى كرتي بشدة ان يكون السودان فى الذيلية او التبعية بشأن قضية مياه النيل وسد الالفية، قاطعا بان ما خرج رأي سوداني خالص، كاشفا عن وساطة الحكومة بين مصر واثيوبيا لرأب الصدع حول بناء سد الالفية.
الاهرام اليوم
تعليق:
في مقالة سابقة ذكرنا بأن النظام الحاكم في السودان له أكثر من وزير خارجية وله اكثر من سياسة حيث مراكز القوى الداخلية في الحزب الحاكم التي تتصارع فيما بينها تلعب دورا مغايرا للسياسة الخارجية المعتمدة رسميا، وأن الجناح المتشدد في النظام هو من يعادي دول الخليج والسعودية بشكل خاص، وهو من يرى بأن ايران هي الأقرب لتوجهات النظام الحاكم، وعندما يطالب وزير الخارجية (الرسمي) علي كرتي برسم علاقات واضحة بكل من دول الخليج وايران، ويكشف للبرلمان بأنه يعاني من تقاطعات داخلية تعيق عمل وزارته، يعني بأن العلاقات السودانية العربية والخليجية والعالمية في مهب الريح، ويسيطر على ملفاتها المتشددون أمثال د. نافع علي نافع، وغيره من المتنطعين الذين لا يعرفون مصلحة الشعب السوداني الحقيقية وليس مصلحتهم الذاتية وحزبهم الفاسد الفاقد للوعي.


#840995 [أبوالكجص]
5.00/5 (6 صوت)

11-28-2013 12:24 PM
إتضايقت ليه يا كرتي من كلام النائب؟ هذا النائب شجاع وقال الحقيقة أم عايزين الناس يبصموا ليكم على أخطاءكم. أي واحد فيكم بقول دا تكليف أنا ما اتقدمت ليهو .. إنتو بصفتكم الكوادر التي يعتمد عليها حزبكم في تسيير حكمه فمن باب أولى أن تقولوا كلمة الحق عند تكليفكم وإنت يا كرتي بالذات كان لزاماً عليك أن تقول بالفم العريض (أنا ما بنفع في هذا المنصب لأني كنت منسق الدفاع الشعبي وقُتل في عهدي 28 صبي في معسكر العيلفون والكثير الكثير) يعني إنتو فاكرين الحكاية طُلُق ساكت، لو ما عارفين أعرفوا أن لكل قيادي في هذه الحكومة كما ولكل كوز ملف خاص بمراكز الإستخبارات الأمريكية والاوروبية.


ردود على أبوالكجص
United States [الجــــزيرة ابا] 11-28-2013 04:17 PM
سلام يا ابو الكجص
28 فى العيلفون وقرابة 700 الف فى محرقة الجنوب دفنهم هذا الكرتى وفى النهاية تجارة الاسمنت والسيخ وتهذيب الدقن وعليها كرفتة وزوجة اميرة وسفيرة


#840988 [مدحت عروة]
5.00/5 (2 صوت)

11-28-2013 12:20 PM
يا جماعة الانقاذ دى بتدى الوظايف ساكت مكافاة وليس كفاءة وما هى الا عبارة عن امتيازات وسفريات ونثريات بالدولار لخدمة الانقاذ وانفسهم وليس السودان!!!!!!!
يعنى زى حكاية الزول ده خدم الحركة الاسلاموية من زمان وحكايات من النوع ده وهم زى القرود من كرسى وزارة لاخرى وطبعا من فشل لآخر والسودان واهله ولا فى بالهم!!!!!!!!!!
وانحنا كسودانيين مالنا ومال الحركة الاسلاموية جاها بلا يخمها وما يفضل فيها واحد بالغلط!!!!!!!!!!!!!!!!!!!
ولا يكون السودان واهله ملك خاص لهم؟؟؟؟
لكن قربت واستوت وزمانهم ولى واى ذو بصر وبصيرة يدرك هذا الكلام ووالله تانى ما يحكموا بصندوق الانتخاب الا بانتخابات مزورة او بالقوة لكن فى وضع ديمقراطى حر زول بيديهم صوته مافى وهم عارفين كده عشان كده ولا بعد 25 سنة تانى ما ح يعملوا حكومة قومية ومؤتمر دستورى!!!!!!!!!!!!!!!!! لكن دوام الحال من المحال والحرية والديمقراطية عائدة وراجحة شاؤوا ام ابو!!!!!!!!!!!!!!!!!!!!!


#840985 [ود احمد]
5.00/5 (1 صوت)

11-28-2013 12:18 PM
مع الاختلاف مع هذه الزمرة التي دمرت البلد لكن كلامه صحيح نعم ما مكن الشخص الذي كان يصوب سهامه الطائشه صوب امريكا بكون وزير خارجية ولا يشبه الخارجية اين الذين لديهة خبرة في هذا المجال ومقبولين دوليا


#840978 [غايتو]
4.75/5 (3 صوت)

11-28-2013 12:15 PM
كلام (دروس ) منطقى وفيه عبر ودروس / لكن جاء متأخرا كثيرا يا سيدى الرئيس . يعنى تريس وأدرس وأستشير جيدا قبل تعيين الوزراء الجدد . غايتو شكرا دروس من حدانا .


ردود على غايتو
United States [غايتو] 12-01-2013 11:57 AM
ياخى مين قال دروس مستقل . قلنا كلامه منطقى وفيه عبر ودروس وقلنا من حدانا وبالتالى نعرف اتجاهه وعلى كل لست بعلى ولا باشا !!!
وشكرا

European Union [ود العوض] 11-29-2013 08:10 AM
ياعلي باشا مين القال ليك دروس مستقل دروس كوز حتي النخاع ودرس معانا في جامعه الفاتح في ليبيا وتخرج من كليه التربيه اللغه العربيهومعهم الكوز عثمان محمد الحسن زوج بنت الذيب النص ونهبوا امولا كثيره وعملوا شركات في السودان ودبي ازيدك ولا كفايه والحساب جاي للجميع ياخوي


#840961 [lwlawa]
5.00/5 (5 صوت)

11-28-2013 12:06 PM
لا مستحيل تحت الانقاذ فالظروف التي اتت بشخص مثل البشير ليكون رئيسا للسودان هي التي تفرض سخصا مثل كرتي يرتدي الكاكي منسقا عاما لألد اعداء امريكا ينشدون حينها ليل نهار امريكيا روسيا قد دنا عذانها علي ان لاقيتها ضرابها ولا يجيد غير تخزين وتجارة الاسمنت ..؟؟..تسند اليه ادارة وزارة الخارجية ويطلب منه اصلاح ما افسده يعني ان يصنع من الفسيخ شربات ..!!..وهو المستحيل والحال يعني عن المقال ..؟؟


#840943 [سعد]
5.00/5 (1 صوت)

11-28-2013 11:52 AM
حزب الاخوان استفاد من كل تجارب الاحزاب السياسية في السودان وخارجه و وايضا من الهيكل التنظيمي للحزب وبالذات الحزب الشيوعي , وسد كل الثغرات والاخطاء التي وقعت فيها بقية الاحزاب في السياسة الحزب الداخلية ة والاهتمام بكوادره وتدريبهم وتعليمهم حتي الدكتوراة و والتمكين من الخدمة المدنية والخدمة العسكرية واالثروة , يعني السلطة والثروة . مهم ما في الامر انهم ابتدأوا في عدائهم باكبر قوتين في العالم ولا يدرون ماهي العاقبة في مستقبل الايام , كانفصال الجنوب اعتقدوا بان الست سنوات تكفي لان يغير الجنوبيين من فكرة الانفصال وسرقتهم السكين , استطاع الاخوان الجلوس علي كراسي السلطة الي متي الله اعلم , (يحكي ان بعض الاخوان راحوا لوداعة وقالوا الي متي تجلس الحكومة في السلطة , قالت لهم انا شايفة العدد 6 وعدد 2 مرة يجي بيمين الستة ومرة بشمالها , الشباب حكوا هذا الكلام للترابي قال لهم ارجعوا للوداعة وقولوا لها يوجد عدد بين الستة والاثنين ) لا اقول تحققت نبوءته ولكن الحكم لله وحده ىؤته ما يشاء وينزعه ممن يشاء


#840935 [shaban]
5.00/5 (4 صوت)

11-28-2013 11:47 AM
لكن الظاهر روسيا هي الطلعت روس ساكت وعندها الزهايمر لانها رغم دنو عذابها على حد انشاد بني كوز الا أنها ما زالت تساندهم بطيرانها وخبراتها الفنية العسكرية في حربهم على الهامش السوداني ..


#840924 [عبد الواحد الميت من الاستغراب ولا معين!!]
5.00/5 (2 صوت)

11-28-2013 11:37 AM
يا شباب وتقولوا لى مافى ديمقراطيه فى البلد؟!! وبالمناسبه الكيزان تفوقوا على كل الديمقراطيات الموجوده فى العالم من حيث التطبيق!!ومن المؤكد أن الكثيرون منا لانهم إعتادوا على الديمقراطيات الغربيه الغير ناضجه والكافره لم بستطيعوا أن يستوعبوا الديمقراطيه الاسلاميه العظيمه المطبقه عن جداره فى بلادنا !!ويكفى النواب فخرا إنهم النواب الوحيدون فى العالم الذين يتصرفون على كيفهم وبمزاجهم !! فمثلا التلاسن الذى تم بين النائب والوزير كرتى كان يمكن أن يتم وقت ما عين النظام الوزير إلا أن مزاج النائب وقتها لم يكن فى (المود)الذى يجعله يفرش (الملايا) على طريقة نساء (الحارات والازقه)فى مصر !! وبالامس أتحفنا بعض النواب المحترمون برايهم فى زيادة الضرائب على شركات الاتصالات والمقدمه من وزير الماليه ووصفوها بأنها (غير شرعيه!!كده خبط عشواء) بمعنى إذا قدر للسلطه وتمكنت من تطبيق الزياده يخشى النواب أن يُكب النظام بكامله فى نار جهنم (رئيس الجمهوريه÷ نوابه ÷ مساعديه ÷وزراءه ÷ وزراء الدوله ÷ رئيس المجلس الوطنى ÷ نواب المجلس )..كُلو..كُلو يمشوا النار بالطبل والمزمار!! ويبدو أن نفس النواب ولا ندرى إن كان النائب بطل هذا الخبر كان حاضرا او كان فى حالة (غفوه)فلم يكن من ضمن الذين شرفوا ووافقوا وهم يهتفون (الله اكبر..الله أكبر..على الشعب.. لا.. علينا..يارب!!) وأستجاب الله..آسف إستجاب النظام لدعوتهم فى الحال لان حالتهم المزاجيه ساعتئذ كانت عال العال ولم يُشغلوا أنفسهم بهموم المواطنين .. وهذا الموقف يوضح لنا بجلاء أن النظام يخشى امريكا بأكثر من خشيته لله رب العالمين والنائب الهمام لم يخرج (ظرابينه)على كرتى إلا خشيه وخوف من (ماما أمريكا) ورأيه فى كرتى إنه ليس الرجل المناسب او الوجه المقبول لدى امريكا !! ونحن بدورنا نسأله من هو فى تقديرك الشخص الذى تراه مناسبا داخل نظامك تستطيع أن تكسب به ود أمريكا او حتى بوركينا فاسو؟!! ونقول له أيضا أن أمريكا (شاربكم شراب) واحصاكم جميعا ولم يغادر منكم أحدا ومعضلتكم لن تحل إلا بتوفير مولود جديد لم يتربى على أيديكم وغير حامل لميكروب المشروع الحضارى!!.


#840905 [الحقيقة]
5.00/5 (2 صوت)

11-28-2013 11:23 AM
محمد الحسن الأمين ده موش كان انشق مع الترابي وليه رجع تاني للمؤتمر الوطني همه كله اللغف وناس الشعبي ما عندهم فلوس بالواضح الزول ده انتهازي ومنذ أن جاء البشير هو يا والي يا مستشار يا رئيس كتلة يا رئيس عصابة أرحمونا يا ناس الجرائد وما تجيبوا لينا أخبار تطمم بطونا ...


ردود على الحقيقة
United States [Kamal] 11-28-2013 01:13 PM
الزول دا شفتو أول وآخر مرة فى عطبرة سنة 1992 فى ندوة, باختصار شديد ما يشبه الرجال ومايع وظاهر جدا إنو إنتهازى, قاعدين تلغفوا وشبابكم مخدوعين يموتوا في الجنوب. وما أعتقد يكون زار الجنوب, أقصد شارك فى الحرب, حكومة ضالة.....


#840851 [كاره الكيزان محب السودان]
5.00/5 (4 صوت)

11-28-2013 10:51 AM
يا دابك صحيت يا دروس الكلام دا ما تقولوا زمان كلكم كلاب مافيكم فايدة.


ردود على كاره الكيزان محب السودان
European Union [ود العوض] 11-29-2013 08:12 AM
ياعلي باشا مين القال ليك دروس مستقل دروس كوز حتي النخاع ودرس معانا في جامعه الفاتح في ليبيا وتخرج من كليه التربيه اللغه العربيه ومعهم الكوز عثمان محمد الحسن زوج بنت الطيب النص ونهبوا امولا كثيره وعملوا شركات في السودان ودبي ازيدك ولا كفايه والحساب جاي للجميع ياخوي

United States [البلوم] 11-28-2013 01:07 PM
محمد صديق دروس قريب العقيد د عبدالمولى موسى محمد معتمد كوستى الاسبق والذى كان مشاركا فى المحاولة الانقلابية الاخيرة مع ودابراهيم ورفاقة: (( العقيد عبدالمولى زوج شقيقة النائب البرلمانى صديق دروس )
اما حديث البرلمانى صديق دروس يا كاره الكيزان حديث صحيح يااخى فهو ليس كلب كما تدعى


#840842 [عرق التبر]
5.00/5 (4 صوت)

11-28-2013 10:45 AM
الان يستجدون اليانكى الامريكى ليصفح عنهم تبا لكم ايها السفله الاخوان الساقطون الى اين صار ووصل مشروعكم الحضارى وحربكم ضد امريكا؟لم تستحكم عليكم الحلقات بعد!!!


#840817 [عابر]
5.00/5 (3 صوت)

11-28-2013 10:25 AM
شكرًا ا.محمد صديق دروس الحمد لله ان في البرلمان لسه في ناس بتقول الحق وعندها عقل شكرًا شكرًا شكرًا


#840807 [free Sudan]
5.00/5 (2 صوت)

11-28-2013 10:17 AM
هذا زمانك يا مهازل فأمرحـــــــــــــــــــــــــــــــــي !!!!!!!
برلماني - انجليزي - فهم - -وعي - وطنبة + محاباة + جخة انتخابات = انهيار السودان عجبي !!!


#840806 [ابوالمكارم]
4.50/5 (2 صوت)

11-28-2013 10:16 AM
اللة اكبر شوفو التمساح كرتى داير يدخل شركات ووساطات وحرامية ويظبط كومشناتو بالله شوف عالم رمة ؟؟؟؟؟؟؟؟؟؟؟؟؟!!!!!!!!!!!!!!!!!!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة