الأخبار
أخبار إقليمية
علي نايل : استقالة «أبوسبيب» ناقوس خطر وستشعل النار داخل البيت الاتحادي
علي نايل : استقالة «أبوسبيب» ناقوس خطر وستشعل النار داخل البيت الاتحادي
 علي نايل : استقالة «أبوسبيب» ناقوس خطر وستشعل النار داخل البيت الاتحادي


11-28-2013 03:55 PM
الخرطوم: بكري خضر

وصف القيادي البارز بالحزب الاتحادي «الأصل» عضو الهيئة القيادية علي نايل استقالة عضو الهيئة القيادية والمكتب السياسي المشرف على منطقة أم درمان بالحزب مولانا حسن أبوسبيب من منصبه بأنها ناقوس خطر يهدد عرش الاتحاديين، محذراً من أن تقود تلك الخطوة لإشعال النار داخل البيت الاتحادي.وقال نايل في تصريح أنا حزين جداً على استقالة أبوسبيب من الحزب فهو من القيادات ذات العيار الثقيل وله مواقف مشهودة على مستوى الحزب الوطني ولكن استقالته لن توقف التحرك القوي داخل قواعد الحزب الهادف لفض الشراكة مع
المؤتمر الوطني.وتوقع نايل حدوث استقالات جماعية في الحزب خاصة في قطاعات الشباب.وناشد علي مولانا محمد عثمان الميرغني رئيس الحزب بالإسراع في اتخاذ قرار فض الشراكة، وقال «أقول للميرغني نحن معك ولن نرضى بغيرك زعيماً، ولكن في المقابل لن نرضى بأن تهتز عروش الاتحادي فوقنا».

اخر لحظة


تعليقات 12 | إهداء 0 | زيارات 2197

التعليقات
#842071 [عبيد]
5.00/5 (1 صوت)

11-29-2013 10:50 PM
نهاية مؤلمة لحزب الحركة الوطنية . . . والسبب المطبلاتية امثال على نليل


#841896 [أبو حازم]
5.00/5 (1 صوت)

11-29-2013 03:52 PM
الحزب الاتحادي انتهى يوم وفاة الشرف حسين الهندي (عليه الرحمة والمغفرة)..
ولن تقوم للحزب قائمة في ظل رئاسة الاقطاعي الانتهازي مولاهم الميرغني وأتابعه
من الدراويش والمتملقين والمتسلقين..
إن كان للمؤتمر الوثني فائدة واحده فهي كشفه لهشاشة وضعف الحزبين الطائفيين..
ولست أدري لماذا يتمسك أعضاء هذا الحزبين بعضويتهم حتى الآن!!!
استقيلوا يا ثقلاء (أعضاء) الاتحادي والأمة..


#841758 [ملكو]
0.00/5 (0 صوت)

11-29-2013 12:08 PM
كارثة السودان تكمن فى المتعلم الجاهل اجد الاضواء مسلطه على حسن ابوسبيب هذا الرجل الذى رشحة لهاذا المنصب فى انتخابات الحزب هو المرحوم محمد بله الخير من موسسين امدرمان وهو اتحادى بفطره ولكنه رفض هذا المنصب ورشح ابوسبيب لانه متاكد بان كارثة السودان حزب الامه و الاتحادى وحزب الترابى واننى اقولها اذا اردنا سودان جديد لازم نبطر الاعضاء الفاسده والجهاد وجب بقطع ارقاب هوليك وزريتهم لكى نصنع سودان جديد متعافى


#841616 [ام احمد]
5.00/5 (1 صوت)

11-29-2013 04:39 AM
«أقول للميرغني نحن معك ولن نرضى بغيرك زعيماً، ولكن في المقابل لن نرضى بأن تهتز عروش الاتحادي فوقنا ))كيف يستيقيم هذا القول اشرحوا لينا ((انا يقتلني نصف الدفء ونصف الموقف اكثر))مره واحده قولوا كلام واضح وموقف لا لبس فيه وخلوا عصايه نايمه وعصايه قايمه حقت سيدكم دي.


#841604 [حسن سليمان]
0.00/5 (0 صوت)

11-29-2013 03:18 AM
حريقة تحرق السودان القديم من اوله لي اخره


#841574 [حد بيعرف احسن م الحكومه!!]
5.00/5 (1 صوت)

11-29-2013 01:05 AM
يا على يا نايل ..والله حيرتو كل ذى بصيره فى السودان .. ايه التناقض دا.. حزب ما عمل لقاء يجمع اعضاؤ لأكثر من ربع قرن.. ويدار بالريموت كنترول ..ويشارك فى حكومه بوزرا .. لا بهشو لا بنشو.. انت يا تكون مع الميرغنى وتسكت وتلم لسانك جوا خشمك زى ناس كاتم السر الببوس ألأيادى..( ما حكى باللسان ..جابتو التصويره) يا تبقى مع شيخ ابو سبيب اذا انت من المؤمنين بفض "المشاركه" وليس "الشراكه" لأنو لا حزبكم ولا غيرو عندو شراكه مع المؤتمر الوطنى.. البيكون عندو شراكه مع زملاء له بيكون عندو حقوق مساويه مع حقوق ألأطراف التانيه.. كدى اصدقنا القول كان انتو كان ناس الدقير كان غيركم من احزاب الفكه المقطورين فى "السبنسه" (بمناسبة عودة ألقطر لبف انفاسو من جديد) هل انتو واقفين "
on Equal footing" مع ناس نافع والجاز والمتعافى واسامه ( القالو بقى يرافق العيانين للعلاج) او حتى كرتى البقى يشكى لطوب ألأرض انو شغلو فى الخارجيه واقف بسبب العقبات الكتيره الما قادر يفصح عنها..
هل استقالة ابى سبيب (انت حزين عليهاليه) مقتنع باسبابا ولآ ما مقتنع؟ وفى نفس الوقت عاوز مولانا يتخذ القرار بفض المشاركه ومولانا لو كان عاوز يفض المشاركه كان فضاها قبل ما يسافر بس هو قال فى مقر اقامة ولدو مساعد الرئيس : اذا فض المشاركه حتحصل كارثه فى السودان ودا الخلآ الشيخ ابا سبيب يستقيل .. انتو يا ألأتحاديين بالظبط كدا ورّونا عايزين شنو؟ تشاركو فى اكل الكيكه وتحنفظو بيها سالمه؟ خلينا من التعميم انت بزات البتنضم وضّح موقفك وين: مع الحسيب النسيب ؟ مع فض المشاركه؟ مع بقاء ابى سبيب؟ مع على السيد؟ مع ميرغنى المساعد؟ مع البخارى.. بتأيد ترشيح كانم السر لرئاسة الجمهوريه تانى ولآ انت عندك نيه؟ ها ناس الزمن لا ينتظر!!!


#841531 [mohali]
3.00/5 (2 صوت)

11-28-2013 11:32 PM
كلام في كلام
السواي ما حداث
ابو سبيب اثبت انه راجل يملك قراره فاستقال
انتوا اقعدوا صرحوا في الجرايد وراجين القرار عند سيدكم
سبحان الله


ردود على mohali
[wad al mak] 11-29-2013 12:43 AM
LET US HOPE THIS OLD HOPELESS MAN TO RESIGN FROM POLITICS AND GO TO LONDON OR EGYPT WE DON T LIKE TO SEE HIM ANY MORE HERE


#841459 [كاسترو عبدالحميد]
3.00/5 (2 صوت)

11-28-2013 09:51 PM
والله ليس فيكم رجل واعى ومستنير وشجاع ومحترم ونظيف غـير السيد / عـلى محمود حـسـنين .


ردود على كاسترو عبدالحميد
United States [murtada eltom] 11-29-2013 04:53 AM
YES ...MAWLANA Ali Mahmoud..stiff opponent and hard struggler too ...He spared most of his life struggling for benefit of sudan .may Alla Give him health and power to continue


#841362 [Mohamed]
5.00/5 (2 صوت)

11-28-2013 07:39 PM
الاتحادين ديل كترت تقبيلةم ليد الميرغني وأرجلوا في مناسبة وبدون مناسبة ايادي الميرغني بقو رقااااااااق زي المفاريك


#841328 [أحمد التوم عبد الله]
3.50/5 (2 صوت)

11-28-2013 06:50 PM
والله حرام عليكم .... جعلتم من حزب الطبقة المستنيرة ملطشة ..... اســــتحوا ....


#841225 [إتحادي]
5.00/5 (1 صوت)

11-28-2013 04:23 PM
إنتو يا إتحاديين عايزين شنو؟ ما كفاية عليكم أن تأتوا كل شهر مثلا وتأكلوا الفتة وتتشرفون بتقبيل يد مولانا الشريفة دي براها ما مؤتمرات علي مدار العام ! قال لم بعقد مؤتمر منذ عام 67 قال!!!!!!


ردود على إتحادي
[ابوسحر] 11-28-2013 05:39 PM
صحيح كلامك ما كل سنة بنعقد موتمر في الحولية؟؟؟؟؟؟؟؟؟؟؟؟؟؟؟؟؟؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة