الأخبار
أخبار إقليمية
«علي السيد» : «جعفر الميرغني» (قاعد ساي) في القصر
«علي السيد» : «جعفر الميرغني» (قاعد ساي) في القصر
«علي السيد» : «جعفر الميرغني» (قاعد ساي) في القصر


وهل هو أصلاً " قاعد " ؟!!
11-30-2013 08:55 AM

الخرطوم – سوسن يس

هاجم عضو الهيئة القيادية بالحزب الاتحادي الديمقراطي (الأصل) بزعامة مولانا "محمد عثمان الميرغني"، مشاركة حزبه في الحكومة الحالية، وزراء حزبه المشاركين، ونجل زعيم الحزب، مستشار رئيس الجمهورية "جعفر الصادق"، مؤكداً أن وزراء حزبه لا أداء لهم ولا رأي، وقال: (مستشار الرئيس "جعفر الصادق" نجل مولانا الميرغني لا يُستشار وقاعد ساكت ووجوده في القصر وعدم وجوده سوا) ـ بحسب تعبيره.وأقر "علي السيد" - بأن الموافقة على المشاركة في الحكومة تمت بموافقة هيئة قيادة الحزب، لكنه أشار إلى أنهم وافقوا على المشاركة رغم أنها تمت بطريقة غير مؤسسية حفاظاً على وحدة الحزب، التي نوه إلى إنها أهم من المؤسسية، وقال: (حتى لا يحدث انشقاق كبير وينقسم الحزب ضحينا بجزء من المؤسسية ووافقنا على المشاركة على مضض).ووجه "السيد" انتقادات لاذعة للمؤتمر الوطني، لافتاً إلى أنه لا يعرف المشاركة ولا يحترم المشاركين، وقال إنه لا يسمح لهم بإبداء رأي إلا من خلاله هو ولا يشاورهم.وقطع "علي السيد" بأن الحزب الاتحادي لن يشارك في الانتخابات 2015 في ظل النظام الحالي، وطالب المؤتمر الوطني بالموافقة على فترة انتقالية وحكومة قومية وإرجاء الانتخابات، وقال: (عليه أن يترك ما تبقى له من فترة ويتخلى عن الحكم في الأول من يناير 2015).

المجهر


تعليقات 30 | إهداء 0 | زيارات 4344

التعليقات
#843915 [زول]
0.00/5 (0 صوت)

12-01-2013 11:34 PM
يلحقنا ويفزعنا وينجدنا دا زول بركة


#843830 [ود كركوج]
0.00/5 (0 صوت)

12-01-2013 09:26 PM
والله كلام يضحك ويفقع المرارة من الضحك ضحينا بجزء من المؤسسية عشان مصلحة الحزب..انت عارف انك ح تكون ديكور يا على السيد والولد الدلوعة دا افضل منك لانك دلدول...مشورة مين وكلام فارغ ولى شنو اصلا مشاركة وعايزين تتكلمو عن النضال انتو كرت واتحرق خلاص.انا بتمنى الحكومة ما تسقط الا بعد موت الميرغنى والصادق المهدى .


#843310 [ابوالقاسم ادم]
0.00/5 (0 صوت)

12-01-2013 12:32 PM
ياجماعه المسكين ذنبو شنو الزول لقى ليهو كرته بياكل فيها حرام تمغسوه ليها شوفو الناس الضربو الضلع قبيييييييييييييل وقدو سلك وبعدين كلموكم قالو ليكم قاعد ساى تانى شنو


#843228 [الجمبلق]
5.00/5 (1 صوت)

12-01-2013 11:33 AM
كفاية علىنا طلة سيدنا جعفورى بس ان شاء الله يقعد مش ساكت ان شاء الله يقعد نايم دا بجيب البركة يا ناس انتو بتتكلموا كيف دحين.


#842944 [abusafarouq]
5.00/5 (2 صوت)

12-01-2013 12:28 AM
قولو لجعفرينا توقف عن الهوت دوق والبيتزا هوت وهارديز شوية فى لندن تشق كدا وما يسرحروك لو ما عندك شغل فى القصر أقعد فى السودان وأعمل رجيم مع الناس الصايمة ديمة بعدم الاكل .


#842924 [Ahmed]
0.00/5 (0 صوت)

11-30-2013 11:46 PM
مش الجنى الشايل حواجبينو و مكحل عيونو ده

بكرة بعد بكرة ببقى رئيس السودان
ما اصلها بلد سايبة
و نفس الناس البقولو ده ***** و مش عارف
أيه يجو يبوسو الايادي

هو العلينا ده من هين

حاجة تقرف


ردود على Ahmed
European Union [كنكنيته] 12-01-2013 09:56 AM
والله ما قرف الا انت ،،


#842895 [هشام سليمان]
5.00/5 (1 صوت)

11-30-2013 11:02 PM
طيب لو هو حفيد الرسول جاى هنا السودان لى شنو, مايمشى هناك محل اهلو.
هذا حفيد اللص الكبير على الميرغنى الذى نهب بلح اهل الشمالية باسم حفيد الرسول ,ولسع هو كمان عايز ينهب باسم مستشار فى القصر, القصر دا قاعدين يستشيرو فيهو منو, وهو نفسه عارف شنو يستشيرو فيهو.ولله دا من خلقتو دى ما عارف سجم رماده


ردود على هشام سليمان
European Union [كنكنيته] 12-01-2013 09:50 AM
أحفاد الرسول صل الله عليه وسلم من بركتهم لا يوجد مكان فى الدنيا الا وهم فيه ومن اهله .
وهذا الذى تستنكر وجوده فى بلاد السوء قال فيهم المادح ::
بيتو جنب بيت الله جم جم
ومن سرايتو تدخل الحرم
ان درت طوف وان درت زمزم
وافيهو طيب بعدين بينشم

قال نهبوا البلح قال ،، هو انتو عندكم حاجة ينهبوها...؟


#842798 [cour]
0.00/5 (0 صوت)

11-30-2013 09:13 PM
واللة احسن واحد فى القصر الولد ده والدليل وجودة عدمة واحد بالقصر خيرو كتير على البلد . لاكن تعال ورينى احسن انابليد منو مناهل القصر قدم خدمة للعشب خلال العام كل ما عملو بالضد من مصالح العباد بصراحة الولد ده ذكى وقلبو على الشعب والا مان اقلاها تصريح اشتر مستفذ او يحض من كرامة الامة .سيدى حفظك اللة ورعاك


#842671 [ساب البلد]
5.00/5 (1 صوت)

11-30-2013 05:36 PM
خريج روضة دار الحنان


#842665 [مستغرب]
0.00/5 (0 صوت)

11-30-2013 05:26 PM
ليه ما يقرا جرايد ولا يلعب game بالكمبيوتر


#842639 [adil a omer]
0.00/5 (0 صوت)

11-30-2013 04:57 PM
يعنى زول جا لم ايجارات العزب بتاعة ابوهو يقعد يسوى شنو معاكم فى الضبان والقرف الانتو عايشين فيهو ده .. عاوزين تسدو نفسو ولا شنو !!


#842579 [ahmed]
0.00/5 (0 صوت)

11-30-2013 03:32 PM
هو هامو شنو ؟ ماجيبوا مليان من حقنا وحق الغلابة ولو زهج يمشي يتفسح في لندن عندو بيت هناك ...والغلابة في امبدات وبقايا السودان ياكلوا الهواء....بس في الله....والله يغير الله من هذه حكومة الفاسدة...الهم اجعل كيدهم في نحرهم؟


#842572 [الصخرة65]
0.00/5 (0 صوت)

11-30-2013 03:21 PM
ياخي طيرو كلكم قاعدين ساكت


#842547 [شمال و جنوب فى محنة]
0.00/5 (0 صوت)

11-30-2013 02:44 PM
يا جماعة نحن بقينا وهم العند قريشات كلو سيدنا و الهى ده لو عندى سلطة صغيرونة ما اعينو كاتب معاى ابوه و الجلكين ابواتنا عملو ليهم زيط كمان نحن برضو نمشى في نفس الجهل و قالو ثورة تعليمية و ما زلنا في بلمنا اين المثقفين و لا كلهم تاسلمو


ردود على شمال و جنوب فى محنة
European Union [كنكنيته] 12-01-2013 09:59 AM
يا ابو محنة ،،، انت ساقط لغة عربية بالمناسبة ، عشان كده مش سلطة بالضمة سلطة بالسين المفتوحة ما بدوك ليها


#842479 [ودالشريف]
5.00/5 (2 صوت)

11-30-2013 01:35 PM
يادوب اكتشفت الذرة يا استاذ على السيد من يوم تم تعينه وهو جالس دون فائده يعنى تمامة عدد وديكور لا اكثر وحتى السيد اصبح وجوده في رئاسة الحزب كارثة من الافضل للسيد ان يتزعم الطائفة الختمية ويترك السياسة لاهل السياسة ده اذا قدر يلحق لانه السيد بوجوده في زعامة الحزب والطريقة دمر الحزب والطريقة والناس انفضت عن الحزب لانه لايرضى الطموحات واصبح حزب ترلة وحزب ديكور ارتضى ان يكون تمومة جرتك لا اكثر وانحاز للقتلة وهو شريك في كل جرائم الانقاذ بوجوده في السلطة الى متى التلاعب بالالفاظ والتهديد بالانسحاب ياحليل رجال الاتحادى وياحليل مجد الاتحادى الله يرحم الشرفاء والخزى والعار للارزقية الانتهازييين


ردود على ودالشريف
United States [كنكنيته] 12-01-2013 10:03 AM
ود الشريف !!!
كيف شريك فى كل جرائم الانقاذ ، وهو من اودع السجن وصودر بيته وكل ما يملك فى السودان، وهل الانقاذ حكمت فقط يوم دخل الاتحادى الحكومة ،،، يا لحبيب الكيزان يركبو فيكم من 89 وانتو ساااااااااااااكتين ،،، خلاص فجاءة لقيتو شماعة تعلقوا فيها جبنكم وعاركم وذلكم كل تلك السنوات ،،،هيهات


#842425 [Abu Ahmed]
5.00/5 (3 صوت)

11-30-2013 12:45 PM
ياعلى السيد أنت مسطح وطاشى شبكة اذا كنت تقصد القصر الجمهورى بالخرطوم ود سيدى ماقاعد فيهو قاعد فى قصرو فى لندن ومصاريفو ورواتبو والذى منو يجيهو للندن لحدى عندو ....
يقال أن جده كان ممسك بلجام حصان كتشنر عندما دخل كتشنر أم درمان بعد عركة كررى !!!!!!!!!!!
سؤال : أب جضوم ممسحة ونايرة الفى الصورة ده ، بيمشى لياتو كوفير ؟؟؟؟؟
نهدى ليهو أغنية : للبلد العاليات قصورا ... سافر وخلى لى صورة
....


ردود على Abu Ahmed
European Union [كنكنيته] 12-01-2013 09:54 AM
كفى بالمرء كذبا ان يردد كل ما سمع ،،قال : يقال ان جده !!!
على كل حال سؤالك عن الكوفير ينم عن رغبة دفينة لارتياده
ونحن حاضرين نكوفرك فى اى جيهة انت دايرها


#842423 [سيمو]
5.00/5 (2 صوت)

11-30-2013 12:45 PM
الوليد دة فى البداية كدى يودوه مدارس أولاد الحناكيش البى 15 ألف دولار فى السنة عشان يتعلم جغرافية السودان،، طالما هو لا يعرف الفرق بين النيل الأبيض والنيل الأزرق أو شمال كردفان من جنوب كردفان جايز هو ما بيعرف للآن إنو الجنوب إنفصل،،

هو أصلوا مستنى أبوه يرجع من لندن عشان يفك البيرك لهناك،، الود دة ما بيقدر على شتاء السودان الساخن،، شى حروب،، شى فلس،، شى مجاعات،، الله يستر،،،،


#842416 [Adam Ibrahim]
5.00/5 (2 صوت)

11-30-2013 12:41 PM
دغلوبى حفيد الحسن ابو جلابية حفيد الحسن العسكرى حفيد الحسن حفيد النبى.. مدد مدد يا اسياد.. الزول ده مشاركته فى الحكومة فيها البركة وبتجيب خير كتيييير للبلد.. مدد مدد مدد..


ردود على Adam Ibrahim
United States [ابو الياء المريود] 11-30-2013 08:05 PM
يا فضيل يااخوي
سيب الطرطشه ودغمسة الحديث، الاخ ادم ابراهيم قال ليك:(حفيد الحسن حفيد النبى) جده النبي "ص" يعني من آل البيت ...
وانت لو قاريء تاريخ اسلامي كويس كان عرفت ان احفاد الرسول الكريم هم ذريتة من فاطمة الزهراء وعلي بن اب طالب يعني الحسن والحسين.

عالم تجيب الضغط

[مالك الحزين] 11-30-2013 08:04 PM
يمددوك في نار جهنم ,, منو القال ليك ديل عندهم علاقه بالرسول (ص) كدى خلى إى راجل منهم يمشى السعوديه ويقول هو حفيد الرسول ؟؟ ديل يقال إنهم أفغان ,, لان كلمة (( ميرغنى )) يقال إنها بلده في أفغانستان ,, أتى منها هؤلاء الذين يدعون إنهم من بيت النبوه ,, لاحول ولاقوة الابالله

United States [fadeil] 11-30-2013 02:44 PM
ومين القال ليك هم أحفاد النبي ( ص )؟ أحفاد الرسول الكريم صلوات الله عليه وسلم من بني هاشم .. اقرأ التاريخ الاسلامي جيدا حتي تستنير .


#842364 [محتار]
5.00/5 (2 صوت)

11-30-2013 11:48 AM
هو كان قاعد في القصر ساي كويس هو السودان وين زاتو ما عارفو بجي أجازات بس و برجع


#842363 [أب قرن]
0.00/5 (0 صوت)

11-30-2013 11:47 AM
الحزب الاتحادي الديموقراطي يعرف عنه أنه حزب الوسط فإذا استمعت حكومة البشير إلى آراء ومواقف هذا الحزب العتيق لما وصلنا إلى وصل إليه حالنا الآن ، لكن من يسمع ومن يفهم؟ ( وكل في زاره تائه !)


#842332 [أبوعلي]
5.00/5 (3 صوت)

11-30-2013 11:19 AM
عافي منّك وراض ي عنّك ، نوم ولغف ساكات
الدولار ظاهر في جضومك الزّي قرب السقّا


#842331 [صلاح كوكو]
0.00/5 (0 صوت)

11-30-2013 11:18 AM
استاذ علي السيد المحترم لقد هاتفتك قبل مايزيد عن الشهرين بهذا الخصوص ووقتها لم

اجد منك ماتتحدث عنه الان فشكرا لك علي تصريحك وارجو رفع التصريحات لدرجة

المواجهة ولتعرف قيادة الحزب الحالية :

1/ كل القواعد لهذا الحزب العريق تتحسر علي ماوصل اليه الحزب الان .

2/ كل القواعد تطالب بغض الشراكة الغير مجدية والتي حطمت الحزب وفرقته ايد سبا

والان بدات الاستقالات من الحزب كاستقالة الشيخ ابو سبيب ورابطة طلاب جامعة الخرطوم

وبداء التذمر الواضح بالقواعد : لماذا تصر القيادة الحالية للحزب الاستمرار

غي نهجها الغير مبرر ولا معروف اسباب المشاركة " حتي وجود هذا الجعفر بالقصر

ماهي المشاكل التي تدخل لحلها او ماذا قدم للحزب او السؤال هل هو اصلا موجود

في موقع عمله و لا ياخذ مرتبه ومخصصاته وهو بالخارج باجازة علي حساب محمد احمد ؟

نحن مع تغيير هذه القيادة الان قبل باكر وليتجه السيد لقيادة السجادة الختميه

نحن في انتظار الاصلاحات عاجلا ياشيخ ابو سبيب ويااستاذنا علي السيد واخونا نائل


#842324 [الراكوبة تحت الشمس]
5.00/5 (2 صوت)

11-30-2013 11:10 AM
قاعد ساى ما قاعد ساى المهم البركة اللى بيضيفها على القصر


#842313 [جر كان فاضى]
0.00/5 (0 صوت)

11-30-2013 11:05 AM
الحنكوشة دا ما عندو راى فى اى حاجة...شهداؤنا ماتوا وما قال اى شى...تريان ويأكل فى مالذ وطاب...ويضحك على ثقافة البشير المتدنية فى المأكولات...فاقصى ما يعرفه البشير هو البتزا والهوت طوق...وما عارف ان المطعم الايطالى والفرنسى وحتى العربى قد تجاوز هذه الاصناف من زمااااااااااان


#842287 [Mohamed Bandi]
0.00/5 (0 صوت)

11-30-2013 10:51 AM
انا ما عارف ليه كل ما اشوف صورة البشر دا بتذكر مسرحية الواد سيد الشغال؟؟!!! يا ربى بيكون بشبه لى واحد من المهرجين ؟؟


#842260 [welli]
5.00/5 (2 صوت)

11-30-2013 10:30 AM
اب زنقله البشيل ليك حواجبك منو,,شوفو الشلاليف الجنه ده تقول ما فطمو..عالم تحب السلطه بشكل ياخي انته موظف في بريطانيا وله السودان فهمونا يا معلمين يا بتوع المدارس


ردود على welli
United States [fadeil] 11-30-2013 02:55 PM
نفهمك يا ويلي بالمثل القائل ( من أخذ الأجر حاسبه الله بالعمل ) الراجل ده بياخد في ما الضعفاء ساى دون مقابل في حق المسحوقين . ماذا يعني هذا ؟|| يعني مال حرام كما يفعل أهل السلطه الان ، هلا فهمت ؟


#842245 [سايكو]
5.00/5 (2 صوت)

11-30-2013 10:13 AM
ههههههه ود سيدي الما فاهم حاجه ليه قاعد ساي ؟؟؟؟
ما يشرب شأي ؟؟؟


#842231 [Shah]
5.00/5 (2 صوت)

11-30-2013 09:57 AM
هو نان سيدى بيصبغ شعرو؟


#842222 [ام احمد]
0.00/5 (0 صوت)

11-30-2013 09:48 AM
وكت هم قاعدين ساي من كبيرهم الذي علمهم السحر ذي مابقولوا انت اتحادي علي شنو والبباري ألجداد بوديه الكوشه ابوه لمن كان في الحكومه راس الدوله (فته) عمل شنو شوف ليك طريقه اعمل ليك حزب ذي غازي ما جبانه وهايصه


#842207 [ود البلد]
4.00/5 (1 صوت)

11-30-2013 09:35 AM
هو عمر البشير شغال سمسار لعائلته
كما انه لا يمكن أن يتغيب موظف عن
عمله فترة كبيرة كهذه ولا يفصل من العمل
نهاية المسألة ان مرتبه حراااااااااااام
وكل هؤلاء يأخذون أموال بغير حق وهى حرااام



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة