الأخبار
أخبار إقليمية
(15) سودانيا يطلبون التنازل عن الجنسية
(15) سودانيا يطلبون التنازل عن الجنسية
(15) سودانيا يطلبون التنازل عن الجنسية


11-30-2013 09:06 AM
كشفت الإدارة العامه للجوازات والهجرة والجنسية بوزارة الداخلية عن شروعها فى النظر بـ (15) طلبا لإسقاط الجنسية تقدم به سودانيين تمهيدا للحصول على جنسيات دول اخرى تشترط إسقاط الجنسية الاولى .

وقال العقيد شرطة حقوقي إيهاب عبد الحميد من الإدارة العامة للشئون القانونية برئاسة الشرطة أن قانون الجنسية تعديل 2011 ادخل مادة جديدة تجوز لرئيس الجمهورية ان يرد الجنسية لمن اسقطت عنه او الشخص الذي سحبت منه بناء على تنازله متى ما تقدم بطلب لإستردادها .

وحذَّرت المفوضية القومية لحقوق الإنسان من الآثار الاجتماعية والثقافية والأمنية السالبة التي قد تترتب على منح الجنسية السودانية للوافدين من دول الجوار، وقال عضو المفوضية محمد أحمد الشايب إن منح الجنسية سيلقي بظلاله السالبة على السودان.

ودعا عضو المفوضية محمد أحمد الشايب، في ورشة حق المواطنة، أجهزة الدولة الرسمية إلى تفعيل القوانين والسياسات التي تنظم عملية دخول الوافدين عبر الحدود، بجانب وضع التدابير التي تساعد على حفظ السلام الاجتماعي.

وأكد الشايب أهمية إيجاد آلية لمواءمة القوانين السودانية مع القوانين الدولية فيما يتعلق بمنح الجنسية السودانية للاجئين.

وقال "نعني بحق المواطنة هو اكتساب الجنسية، واكتسابها في بلد مثل السودان أو أي بلد آخر، ظروفه مشابهة وتكتنفه الكثير من المشاكل، لأن حدود السودان مفتوحة مع تسع دول، ولدينا عدد كبير جداً من الوافدين واللاجئين، ولذلك منح هؤلاء الجنسية فيه مخاطر".

و لفت عضو لجنة التشريع والعدل والمحامي الناشط في مجال حقوق الإنسان صالح محمود في الورشة ذاتها الى ان الوضع في ابيي يفرض على دولتي السودان وجنوب السودان مخاطبة مشكلة الجنسية عقب حدوث الإستفتاء سوى جاءت النتائج بالإنضمام للشمال او الجنوب او تقسيم المنطقة ،منبها الى تعارض المادة (10) من قانون الجنسية تعديل سنة 2011 مع الدستور الإنتقالي لسنة 2005 والتي تنص على إسقاط الجنسية السودانية اذا إكتسب الشخص حكما او قانونا جنسية دولة جنوب السودان .

وإحتج المشاركون في الورشة على إجراءات الحصول على الجنسية وإعتبروا السؤال عن القبيلة مستفز وبجانب شرط التحدث باللغة العربية كشرط اساسي للحصول على الجنسية بنص القانون فيما خرجت توصيات الورشة بإسقاط شرط اللغة العربية لمنح الجنسية.

سودانتريبون


تعليقات 40 | إهداء 0 | زيارات 17227

التعليقات
#847964 [عمرالحسن]
0.00/5 (0 صوت)

12-05-2013 07:23 PM
العاوز يخلى الجنسية السودانية يمشى غير مأسوفا عليه واصلا مايستحق يكون سودانى خليهو يمشى بره ويشوف قيمة اهلو وناسو وبلدو شباب مندفع فى الراكوبة المعارضة اعمت عيونهم اصبحتم تتحدثون بهستريا اذهبوا غير مأسوفا عليكم لانو كان جابوليكم احسن ناس فى العالم مابتتغيروا المخيخ متحجر فلسفة وطولة لسان وبس


#843013 [وروار]
0.00/5 (0 صوت)

12-01-2013 04:06 AM
هو عليكم الله ميين السوداني عمر البشير وإلا نافع وإلا الخضر كلهم مخلافات أخونا أبين شلاليف لا داعٍ لزكر الأسماء


#842937 [المستقبل المظلم]
5.00/5 (3 صوت)

12-01-2013 12:14 AM
هل نفهم أن المواطنين الموجودين قي أطراف السودان جنوب النيل الأزرق ج كردفان وبعض مناطق السودان لا يتحدثون العربية لا يستحقون الجنسية البائسة؟؟؟؟؟؟؟؟؟؟؟؟؟؟؟؟؟؟؟؟


#842884 [ابو ابراهيم]
4.00/5 (1 صوت)

11-30-2013 10:44 PM
بالمناسبة العالم الغربي لا يعطي جنسيته لمن لا يتحدث لغته فلماذا يوصي هولاء الفاشلين بشرط اسقاط اللغة العربية لمنح الجنسية


ردود على ابو ابراهيم
European Union [ابو ابراهيم] 12-01-2013 11:27 PM
لا ابدا يا عبدو الجمل ما عايزيها عربية بالقوة لكن بمفهموم الديمقراطية الحقة فالاغلبية في السودان تتحدث العربية و لا أعتقد انك سوف تعترض علي ذلك و ممكن يكون هنالك في القانون توضيح للنقطة التي ذكرت فالديمقراطية لا تتجزأ. رأي الاغلبية يمشي حتي لو غلط

United States [عبدو الجمل] 12-01-2013 11:06 AM
ياشيخ ابراهيم لا تتعصب - انت الما فاهم ،، هنالك سودانيين اصليين لا يتحدثون اللغة العربية حتى اللآن ، في اقصى الغرب و في جنوب النيل الازرق منطقة الفاو و الانقسنا و بعض اجزاء جبال النوبة و ربما تجد ذلك في بعض الجيوب في مناطق ريف الشرق و اقاصى الشمال- و عليك السلام عايزنها عربية خالصة بالقوة يعني و الله شنو!!!!!!!!!


#842868 [المأفون]
0.00/5 (0 صوت)

11-30-2013 10:24 PM
15‏ ‏ ،،، +1 .


#842839 [ممغوص.]
0.00/5 (0 صوت)

11-30-2013 09:57 PM
ياخوانا السودان إتكون نتيجة عدة أجناس
حصلت بلإختلاط ومن حق أي شخص أقام بصفة
قانونيه يمنح الجنسيه كل الدول الأوروبيه وأمريكا أكبر
دوله في العالم من كل النواحي تمنح جنسيتها للمقيم بصوره قانونيه
وذلك من مصلحة السودان لنبذ القبليه والعنصريه والتقدم للأمام،خلاف ذلك
حالنا يغني عن سؤالنا.


#842760 [cour]
5.00/5 (2 صوت)

11-30-2013 08:11 PM
التنازل عن الجنسية اواكتسابة حق انسانى يجب ان يتمتع بة كل البشر والجنسية السودانية لااعتقد انها من الجنسيات المميزة ابدا. اقترح بان يكون هناك جواز افريقى اسوة بالاوربى ولى العالم احترام حاملة ومساعدتة للوصول الى مبتغاه


#842748 [عصمتووف]
5.00/5 (1 صوت)

11-30-2013 07:59 PM
اتمني ان اكون الاول لو ما ال16 عشر انا استحي با يحكمون امثال هؤلاء الخنازير الذين لا ينتمون لسلالة البشر عامة وخاصة الجنسية السودانية استحي ان اكون سودانيا الكاروري وعبدالحي يوسف ودفع الله حسب الله ومحمدالحسن ونافع ابومركوب وابوساطور و البشير وعلي وغيرهم من الاوغاد هل هؤلاء بالله عليكم سودانيون بالرغم من انهم يحملون جنسيات مزدوجة ويفتخرون بالجنسية الاجنبية هل دار في خلدكم سؤال عن هؤلاء الاجانب المسيطرون علي مفاصل البلد هل ينفذون اجنده اجنبية لتفكيك البلاد والعباد باسم الدين وهم يعرفون اختلاف الناس علية من السيدين الي الشعب الواقع يدل ذلك صمت العالم عما يدور في المناطق الملتهبة والقتل اليومي الذي يحصل في جميع مديريات السودان


#842741 [تينا]
0.00/5 (0 صوت)

11-30-2013 07:47 PM
أخى الفاضل ((( كريم ))) أشكرك جزيل الشكر على التعقيب . أما الأخ ((( عاااادى ))) ممكن تورينى (((الزييى ))) واحد من الاسباب كيف ؟؟ ولما قلت بعرفهم معرفة شخصية يا استاذ مش زى ما فهمتنى بفهمك السيىء لانه منهم من كانت جارتى ومنهم من تزوجت بسودانى من جيرانا فى السودان سبحان الله على القلوب الوسخانة اتقى الله فينى . لك التحية أخى (((كريم)))


#842738 [Abdulla Eed]
0.00/5 (0 صوت)

11-30-2013 07:35 PM
العرب طاعون انتشر في كل بقاع العالم ليسمم افكارهم الجرثومية ,,,,,

ماذا قدم العرب والمتاسلمون للحضارة الانسان خلال ال600 سنة الماضية؟
الجواب بدون مبالغة انهم لم يقدموا اي شيء مفيد للبشرية منذ 1400م حتى هذه اللحظة
للاسف ان العرب اصبحوا عالة على البشرية وقد حان سحقهم عن الوجود

إعتاد العرب على الأساطير والقصص والروايات ولهذا فهم روجوا لأكذوبة الحضارة العربية والإسلامية وأمة المليار,,,,

أحاديث رسول الأسلام العربي جمعها وكتبها البخاري وهو من أصل غيرعربي بل من مدينة بخارى الأوزبكستانية.


ردود على Abdulla Eed
European Union [ابو ابراهيم] 11-30-2013 10:41 PM
ردك في كلامك النتن يا ..............................................................
(أحاديث رسول الأسلام العربي جمعها وكتبها البخاري وهو من أصل غيرعربي بل من مدينة بخارى الأوزبكستانية.)
يكفي ان يتركوا غير عربي ان يجمع حديث رسول كل الامم صلي الله عليه وسلم وفي هذا قمة الرقي الانساني الذي يتشدق به أسيادك الغربين (عدم العنصرية)
العرب قدموا للعالم الصفر (0) و الواحد(1) و لو لاهما ما عرفت انت الكمبيوتر و كنت لا زالت في دغلال أفريقيا كما خلقك ربك و لا تفرق بين أنسابك.


#842732 [Reality]
5.00/5 (4 صوت)

11-30-2013 07:24 PM
خلاص يعني زي الواحد اتنازل من جنسية أوروبية أو امريكية. انا ارتري وكنت حامل للجنسية السودانية ورفضت استخراج ما يعرف بالرقم الوطني وجدي الكبير وُلد في طوكر, والحق يقال رغم انني من مواليد السودان, مدينة كسلا تحديداً, الاّ ان انتمائ لارتريا كان وما يزال الاقوى وجدانياً حتى بعد حملي للجنسية البريطانية, ارتريا وشعبها رغم صغر مساحتها الجغرافية وقلة عدد سكانها الاّ انها قدمت نموذج فريد في التضحية وانتزعت استقلالها انتزاع رغم تآمر القوى الكبرى امريكا والسوفيت وازنابهم, السودان بلد أُريد له ان يعيش في هذا التخلف ومحاولة اصلاحه عملية قد تستغرق ١٥٠ عام في احسن الاحوال. سوف يتخللها النموذج الصومالي من حرب اهلية ثلاثة مرات لانتزاع الحقوق ,في الغرب و الشرق والشمال بعد تناقص امتيازاته. كل الاجيال التي جاءت بعد (الاستقلال الصوري) تشبعت بالجهوية والقبلية وكلٌ يعرف الوطنية من منظوره القبلي او الجهوي وكل النخب السياسية الحاكمة والمعارضة والدينية واللبرالية, هي قبلية بحته وكان الله في العون


#842727 [لأجل من نتخلي عن الجنسية السودانية؟]
0.00/5 (0 صوت)

11-30-2013 07:08 PM
لأجل من نتنازل عن الجنسية السودانية؟؟؟ لأجل هؤلاء الأوغاد الذي قال عنهم الطيب صالح (من أين أتي هؤلاء) ؟
هؤلاء جلهم يحملون جنسيات وجوازات دول أجنبية .... عليهم هم مغادرة السودان وسحب الجنسية عنهم.........حتماً سيأتي هذا اليوم عندما يفرون بجوازاتهم الأجنبية.


#842721 [عمرالحسن]
0.00/5 (0 صوت)

11-30-2013 06:56 PM
وااسفاى لو ماكنته سودانى واهل الحاره مااهلى هل جنسيتى السودانية اتخلى عنها لمجرد معارضتى للحكومة الوطنيه ليست لها علاقة بالشخص الذى يحكم تتعاقب الحكومات هكذا سنة الحياة ويظل الوطن هو اعز عزيز من الحكومات وهذا ماينقصنا فى السودان الوطنية التى تفصل بين معارضتها للنظام وبين وطنها الذى يسمو فوق الجميع وللاوطان فى دم كل حر يد سلفت ودين مستحق فالذى يتخلى عن جنسيته لمجرد ضيق معيشه وعمل فليراجع ايمانه ونفسة لان الرزق ليس بيد شخص ولاحكومة بيد المولى عز وجل وهو القادر على كل شئ


ردود على عمرالحسن
United States [محمد مجيدي] 11-30-2013 09:54 PM
يا اخي عمر حسن اين الوطنية في هذه الحكومة والجنسية السودانية التي تتحدث عنها صارت في ايدي الاجانب واللاجئين حتى حكام الحكومة الوطنية يحملون جنسيات اجنبية اما عن تعاقب الحكومات كن عارف ان دوام الحال من المحال وان هذا النظام ذاهب ذاهب وهناك من يعقبه,وان الرزق اكيد بيد الله لا غيره...


#842714 [منصور محمد صالح محمد]
5.00/5 (1 صوت)

11-30-2013 06:46 PM
يااخواننا يا سودانيين عادي انو اي شخص يدخل السودان ويعيش يأخذ الجنسية ،،،،المهم انو اي شخص دخل السودان يكون دخل بطريقة رسمية ويكون عاش سنتين اوتلاتة اوخمسة،،، هذا شي عادي معمول به في كل دول الاتحاد الأوربي وكندا واميريكا وأستراليا،،،إجادة اللغة شرط أساسي من شروط التقدم لامتحان الجنسية،، العبد الضعيف لله كاتب هذا التعليق ،، عاش الخمسة سنوات الأولي بالولايات المتحدة الامريكية واجتاز اختبار اللغة والتاريخ الامريكي وأخد الجنسية بكل سهولة،، اتركو العنصرية ياسودانييين وخلو المصري والتشادي والنجيري يأخذ الجنسية طالما هو دخل البلاد بطريقة رسمية وملفه الأمني نظيف ،، كلنا بشر وكلنا اولاد حواء فلا أفضلية لجعلي علي فلاتي ولا شاشايقي علي فوراري فكلنا بشر وكلنا سودانيون،،


#842694 [magboon]
0.00/5 (0 صوت)

11-30-2013 06:07 PM
يا جماعه انتو نايمين فى كسلا الموظفين وافراد شرطه وضباط وكل الجهاز الحكومى ما سودانيين بل الحبش من الخرطوم بيرسلو اوراقهم كسلا عشان يطلعو ليهم اراضى لو داير تتاكد راجع الجاليه السودانية بكسلا


ردود على magboon
[عبد الله] 11-30-2013 07:31 PM
برافو قلت الحقيقه وكسلا الان شىء اخر والغريق قدام


#842678 [عبد الواحد الميت من الاستغراب ولا معين!!]
1.00/5 (1 صوت)

11-30-2013 05:42 PM
المشهد: رجل مسن تجاوز عمره العقد الثامن يجلس على (عنقريب) حبالها باليه وا
لرجل مؤخرته كانت للارض أقرب،وبجواره حفيده الشاب ذو الخمس وعشرون ربيع..
الرجل المسن ولاغراض هذا الحوار الذى تم بينه وبين حفيده سوف أطلق عليه إسم (صابر)وأما الحفيد سنطلق عليه إسم (عبد الصبور)!!.
صابر: كده يا جنى أفتح الداهيه بتاعتك دى وأقرا لينا الاخبار !!
عبد الصبور يفتح موقع الراكوبه ويقراء لجده خبر (15 سودانى يتقدمون لسلطات الداخليه يطلبون التنازل عن جنسياتهم!!).
صابر: قت كدى؟...كده ياولد أدينى يدك و قومنى !!.
عبد الصبور:مالك ياجدو؟.. ماشى وين؟.
صابر:ماشى وين يعنى شنو؟..قسما عظما.. الكلام ده كان المفروض أنا أفكر فيهو من زمان !!
عبد الصبور: زمان متين يعنى يا جدو؟!!
صابر:من ما الجماعه ديل جات وخلو البلد (لخبطيطا..وجابوه فوق تحت !!)الراوى: فوق تحت بلغة زمان هى عاليها سافلها:
عبد الصبور:إنت ياجدو زمنك ده كلو إستحملتهم الفضل ليك فيه شنو.. ما تكمل جميلك وتم معاهم الباقى؟!!
صابر: يا ولدى عمرى ده أنا ما بتلاعب بيهو إنشاء الله كان فضل فيهو يوم واحد !!
عبد الصبور: ياجدو إنت ما كنت قاعد ساكت وعمرك ما فكرة تهاجر ولا تتخلى عن جنسيتك ..ويا ما كنت بتعتز بجنسيتك !!
صابر:اول التبادى أنا ماكنت مقتنع بإنو الواحد مننا ممكن يتخلى عن جنستو بكامل إرادتو و بالسهوله دى إلا كان الشديد القوى يجبرو عليهو ..وكلام ذى ده أصلو ماحصل طوال تاريخنا!!.
عبد الصبور:والجدا هسع شنو ياجدو ؟.. نحن مما فتحنا !!الحال يا هو نفس الحال نفس الاشخاص نفس السياسات وما فى شىء إتغير بل ماشى للاسواء!!.
صابر: والله جيلكم ده مظلوم والظلم ده جيبتوه لرقبتكم براكم وأنا أقصد جيلكم والجيل الكان قبلكم ونحن على أيامنا وكنا فى سنكم ما قدرنا نستحمل نظام عسكرى أكتر من سته سنه والحكم العسكرى التانى بتع النميرى إديناهو ستاشر سنه، وبعد ده الزينا ديل بقى ما فينا حيل إلا كان السياسيون ما عارف بجيبوا للشغلانه دى حيل من وين ؟.
عبد الصبور:هم السياسين على أيامكم كان بيطلعوا الشارع زيكم وبعرضوا نفسم للبمبان والسياط؟!!،
صابر: ابدا ديل كانوا بيجوا فى الجاهز وبعدين لمن يصلوا كانوا بيتشاكلوا ويتصارعوا لغاية ما يقلعوها منهم!!.
عبد الصبور:نرجع لموضوعنا إنت ليه يا جدو عايز تتخلى عن جنسيتك ؟.
صابر: والله يا ولدى فترت تب ومانى شايف آمل فى إنو البلد دى حتمشى لقدام الحاكمننا بيعملوا لصالح أنفسم وناس تانين بيسموهم التنظيم العالمى ...
عبد الصبور مقاطعا:والتنظيم العالمى ديل منو ياجدو؟!!
صابر:ما خليتنى أتم الجمله التنظيم العالمى لجماعة الاخوان ديل مجموعه كده فى سنى وكلهم عواطليه لاشغل ولا مشغله ولقوا ناس دراويش فى دول الخليج وأقنعوهم بأنهم سيضمنوا لهم الجنه إذا مولوهم بالفلوس والعبطه صدقواوالمصيبه إن أمريكا كشفت لعبتم وطلعت الدراويش وتولت الموضوع بشرط ان ينفذوا ليهم أجنداتهم وطبعا الجماعه بعد ما ضاقت عسل الفلوس ما قادره تتراجع وهم مصرين على أن التنظيم لازم يستمر لغاية ما يلاقوا ربهم وبالنسبه لسؤالك ليه أنا عايز إتخلى عن جنستى !! لانى ما عايز اموت فى بلد ده حالو وما بقدر اسوى حاجه أنقذكم منو..كبرنا وفترنا يا ولدى وآخير الاقى ربى وانا فى بلد ديمقراطى حر والواطه دى ما واطاة زول وربنا أمرنا بالهجره لما يضيق بينا الحال ونزل فيها آيه عديل والمسأله ما مسألة جنسيه ما تراهو اوباما تحول من حال الى حال اريتو حالك وده لو ابوه عاش باقى عمرو فى كينيا كان ولدو هسع غسال عربات..وامريكا رغم سيئاتها الكثيره لكنها إدارتها تحترم اى واحد يقيم فيها طالما كان بيقوم بواجبو !!
عبد الصبور:والله ياجدو شهيتنا الهجره وأنا من دربى ده حافتش فى النت على بلد تتاوينى وعلى قولك ذى نظامنا ده خلى الانبياء يهجوا من بلادهم!! وهى بقت علينا نحن بس!!


#842629 [تينا]
2.50/5 (2 صوت)

11-30-2013 04:43 PM
أخى الفاضل ((( ود الباشا ))) صدقت وانا بعرف ثلاثة نسوان معانا هنا فى المملكة معرفة شخصية واحدة أثيوبية وواحدة نيجيرية وواحدة اريترية حاملات جنسيات وجوازات سودانية والبغيظ أكتر بنبزن السودان وبشتمن السودانيات شتيمة سيئة فى شرفهن صدق . السؤال يا اخوى بعد ما تطير حكومة السجم والرماد دى هل ممكن تانى الأخدوا جنسيتنا الهاملة دى تتجرد منهم وترجع الجنسية للسودانيين فقط ولا ما ممكن . تحياتى


ردود على تينا
[عآآآآآآآآدى] 11-30-2013 07:21 PM
قلت لى معرفة شخصية....؟؟؟؟ اهو الزيك ما واحد من الاسباب ....النسوان ديل واللى زيهم ما بكونو أخدوا الجنسيات بسبب المعرفة الشخصية...

European Union [kareem] 11-30-2013 07:13 PM
لازم الفوضى دى تتصلح. عشان نحن شعب اهبل, سمحنا ليهم فى العيش وسطنا. اجيال منهم اتولدت فى السودان. واعداد كبيرة منهم دخلت اوربا بجوازات سودانية وبعد ده كله مافى اى احترام للبلد التى لمتهم وعلمتهم. لازم نحن نكلم السودانيين الفى السودان عشان يعرفوا ديل ياتو نوع من البشر. مهما قدمنا وعملنا لغيرنا, ما بنلاقى الا الذل!!! كفاية على كدة


#842599 [سلوى بوتيك]
1.00/5 (1 صوت)

11-30-2013 03:55 PM
عرض محدود... و«حتى نفاد الكمية»

تأشيرة ذهبية لمن يشتري عقاراً في أوروبا


| كتبت سارة الشمالي (إيلاف) |

بلغ أمر الديون السيادية الأوروبية ببعض الدول إلى عرض تأشيرات دخول إليها وإقامات فيها لمن يرغب من المستثمرين مقابل شراء قطعة أرض.
وأعلنت كل من إسبانيا واليونان والبرتغال وقبرص، أي الدول التي نالت منها الأزمة الاقتصادية العالمية بشكل كبير وأضنتها ديونها السيادية المتعثرة، عرض تأشيرات دخول إلى أراضيها لكل من يشتري عقارًا فيها. وأتى هذا العرض، المحدود حتى نفاد الكمية، تشجيعًا للاستثمار وتقويةً للاقتصاد الأوروبي.
وقد لقي هذا العرض أصداء طيبة من أثرياء صينيين وروس وإماراتيين وجنوب أفريقيين، إذ تقدموا فورًا للاستفادة منه، من خلال توكيل محامين ووكلاء عقاريين لشراء أراض مجدية استثماريًا، كي يستخدموها لرفع مستوى استثماراتهم، لتكون سندًا لهم حين يتقدمون للحصول على حقوق الإقامة في أوروبا، وعلى جنسية التوطين التابعة للاتحاد الأوروبي، إذ من شروط ذلك أن يتجاوز حجم الاستثمار الأجنبي الذي برصيد المستثمر عتبة 340 ألف دولار كحد أدنى.
ونقلت التقارير عن مسؤولين أوروبيين تأكيدهم الانتهاء من طباعة 330 تأشيرة ذهبية خلال العام الأول من بدء العمل بالبرنامج، وأن أوروبا جمعت 225 مليون يورو أي ما يقارب 305 ملايين دولار. ومن المتوقع أن ترتفع المداخيل الأوروبية من هذه التنزيلات على الاقامات والجنسيات، خصوصًا إذا استمرت العروض الحالية.
وأكثر هذه العروض إغراءً هي رخصة الإقامة الذهبية البرتغالية التي تشترط استثمار مليون يورو من الأرصدة المالية على خمس سنوات، أو 500 ألف يورو في القطاع العقاري، أو إنشاء مشروع يوفر 10 فرص عمل للبرتغاليين على الأقل. كما تدرس إسبانيا إصدار رخص إقامة ذهبية بالسعر نفسه.
وتطلب أيرلندا استثمارًا بقيمة 500 ألف يورو مقابل الإقامة الدائمة، بعدما خفضته من مليون يورو في يوليو الماضي. وتسعى دول مجاورة للاتحاد الأوروبي إلى الاستفادة من هذه الفرص، فمقدونيا تعرض تأشيرتها الاستثمارية بـ 400 ألف يورو فقط لا غير، بينما تمنح ألبانيا جنسيتها لكل من لها في بقائه بالبلد مصلحة علمية أو اقتصادية أو ثقافية.


#842598 [الطير المهاجر]
0.00/5 (0 صوت)

11-30-2013 03:55 PM
الخبر اسقاط الجنسية ل 15 سوادانياً ، وباقي الخبر يتحدث عن التجنيس . والتعليقات كل واحد في وادي ، بعدين مافي دوله في العالم بتطلب أسقاط الجنسية الأولي . أو ناس الخبر يقولوا اسم الدولة دي ... بل شرط أساسي معرفة جنسية بلدك الأصلي هكذا القانون أسأل مجرب .


#842580 [ودالباشا]
5.00/5 (1 صوت)

11-30-2013 03:32 PM
يادووووب اتذكرتوا الجنسية ولا عاملين ما عارفين وتبقى دى المصيبة الجنسية يباع ويتم يحصيلها بكل سهووووولة عدد مهول من الارتريين والمصريين وغيرهم من دول الجوار وصلتهم الجنسية السودانية وهم دول المهجر ولم يروا السودان شاهد عيان عديييل ما قول قايل


ردود على ودالباشا
United States [فادي الوطن بروحه] 12-01-2013 05:34 PM
رد على ود الباشــــا

للحصول على الجنسية السعودية عليك النخلي عن جنسيتك الأم و غيرها كثير - أما السودان وبلدان غيره كثر تسمح باذدواج الجنسية - اللهم هل بلغت - اللهم فاشهد.


#842575 [انصاري]
0.00/5 (0 صوت)

11-30-2013 03:24 PM
((وأكد الشايب أهمية إيجاد آلية لمواءمة القوانين السودانية مع القوانين الدولية فيما يتعلق بمنح الجنسية السودانية للاجئين.

وقال "نعني بحق المواطنة هو اكتساب الجنسية، واكتسابها في بلد مثل السودان أو أي بلد آخر، ظروفه مشابهة وتكتنفه الكثير من المشاكل، لأن حدود السودان مفتوحة مع تسع دول، ولدينا عدد كبير جداً من الوافدين واللاجئين، ولذلك منح هؤلاء الجنسية فيه مخاطر".))

*** السودان الحدودُ مفتوحة مع تسع دول ..دة ياتو سودان قبل الإنفصال ولا بعد الإنصال..يا سيد/ شايب

السودان..تجاوره.. (1) من الشمال مصر.. (2) من الشمال الغربي ليبيا..(3) من الغرب تشاد..(4) من الجنوب الغربي أفريقيا الوسطى.. (5) من الجنوب جمهورية جنوب السودان.. (6) من الجنوب الشرقي أثيوبيا..(7) ومن الشرق أرتيريا...

*** وذهب جنوب السودان كدولة مستقلة ومعه الكنغو الديقراطية..ويوغندا... وكينيا...((أصحي يا كوز)!!؟؟


#842559 [ابو فاطنة]
3.38/5 (4 صوت)

11-30-2013 03:02 PM
السودان مأكول مأكول اما من المصرين او من الحبش,كلا البلدين يعاني من الاكتظاظ السكاني و ضيق الرقعة الزراعية و شح الموارد الطبيعة..الرجال في البلدين عمال من الطراز الاول(ما عندهم كسل السودانين) و نساءهم اجمل و اكثر تواضعا من السودانيات و زواجهم ساهل بدون عقد... و عامل اخر خطير هو ان بناتنا مكجنات اللون الاسود و يكرهونه كراهية التحريم و يموتن في اللون الابيض,الواحدة تدفع للمصري الوراها و القداما عشان تتزوجوا!!! خموا و صروا يا سودانين,لا عزاء للسود و الكسلانين


ردود على ابو فاطنة
United States [عبد العظيم] 11-30-2013 05:04 PM
كلامك سليم.

[مستغرب] 11-30-2013 04:55 PM
والله يا ابوفاطنة اصبت كبد الحقيقة وكلامك البسيط دة بالف مجلد تحليل للواقع...والفاس وقع في الراس


#842558 [smart]
0.00/5 (0 صوت)

11-30-2013 03:01 PM
سلام، عندي سوأل ربما يملك أحد القراء الاجابه عليه

في حاله الحصول من دوله أخري تاكيد الحصول علي جنسيتها في حالة التنازل عن الجنسيه السودانيه ، هل يمكن التنازل عن الجنسيه من داخل السودان مباشرة بواسطه الشخص نفسه أم يشترط أن يتم ذلك بواسطه القنصليه السودانيه للدوله المانحه للجنسيه الجديده . صيغة الخبر غير واضحه لكنها توحي أن ذلك تم داخل السودان.


#842556 [jackssa]
4.50/5 (2 صوت)

11-30-2013 02:59 PM
أسهل جنسية في العالم يمكن الحصول عليها هي الجنسية السودانية . وبذلك تحصل عليها نصف ما يدعون الآن انهم سودانيين .


#842520 [ود الشمالية]
2.00/5 (2 صوت)

11-30-2013 02:08 PM
حدثني احدهم بان ضباط في الخارجية والقضايئة ورقيب اول ومساعد واخروون في القضايئة بنو عمارات وفلل وبيوت ورحلوا من الاقاليم لوسط العاصمة لانهم كسبوا الاموال من بيع دفاتر وتلاعب باالجوازات والاوراق الثبويئة للاحباااش والتشادييين الذين يستخدمونها للسفر لاوربا واندنوسيا وماليزيا ومنها لاستراليا وايضا تركيا وليبيا وسوريا وخدماات في الخليج ...الله يرحم السودان


#842506 [Hussein Musa]
0.00/5 (0 صوت)

11-30-2013 01:55 PM
١٥ مواطن شنو.. انا بعرف انه في هولندا فقط هناك أكثر من خمسة الف مواطن سوداني تنازلوا عن جنسيتهم السودانية وقيس علي ذلك دول الاتحاد الاوربي..المعايش جبارة..الاغرب هناك عدد من وزراء حكومة المؤتمر الوثني حاصلين علي جنسيات من الدول الكبري ،امريكية وكندية وبريطانية الخ...ابو العفين وقطبي المهدي وامين حسن عمر والقائمة تطول


#842477 [تينا]
5.00/5 (1 صوت)

11-30-2013 01:35 PM
((( وحذرت المفوضية القومية لحقوق الانسان من الآثار الاجتماعية والثقافية والأمنية السالبة التى قد تترتب على منح الجنسية السودانية للوافدين من دول الجوار وقال عضو المفوضية محمد احمد الشايب ان منح الجنسية سيلقى بظلاله السالبة على السودان ))) يحليلكم يا النايمين على حيلكم هو لسة حايلقى بظلاله السالبة على السودان دا ما القى وانتهى أخير تموا نومكم وواصلوا فى منح الجنسية لكل من هب ودب يعنى جات على الباقين ما خلاص مولد وصاحبو غايب . الله المستعان .


#842471 [أبوالكجص]
5.00/5 (2 صوت)

11-30-2013 01:26 PM
إقتباس:
حذَّرت المفوضية القومية لحقوق الإنسان من الآثار الاجتماعية والثقافية والأمنية السالبة التي قد تترتب على منح الجنسية السودانية للوافدين من دول الجوار.

تحذير غير موزون والمؤسف لأنه صدر من جهة تدافع عن حقوق الإنسان. وليه تحددي يامفوضية دول الجوار فإذا كانت هنالك سوالب تسببها مسألة منح الجنسية فمن الكياسة أن تعممي وتشملي في تحذيرك كل الدول ولا تحددي دول بعينها واعتقد أن كل دول العالم تمنح جنسيات للناس ولكن بمعايير محددة.

هو أصلاً نحن عندنا شنو عشان يجذب الناس لجنسيتنا؟


#842440 [رانيا]
3.00/5 (5 صوت)

11-30-2013 01:00 PM
المصريين هم الاكثر تهافتا علي الجنسية السودانية . من كم سنة رصدت عدد مقدر منهم اتحصلوا علي الجنسية بكل سهولة غالبيتهم ممرضين واطباء ده كافراد لكن الدخلتم الحكومة ووطنتهم كالفلاحين وغيرهم فحدث ولا حرج.


#842431 [ابو فارس]
5.00/5 (1 صوت)

11-30-2013 12:54 PM
كيفن يكون الحال لو ما كنتى سودانى


#842421 [radona]
5.00/5 (3 صوت)

11-30-2013 12:43 PM
ارجوكم ان تفيقوا من تلك البلاهة والغباء التي جعلتكم توقعون على نيفاشا ويكفي انكم اكدتم البلاهة والغباء بل والبلادة بتوقيع البروتوكولات الثلاثة لابيي وجنوب كردفان والنيل الازرق متجاوزين ماتفقتم عليه في نيفاشا بان الحدود هي حدود 1956م .. الى هنا ارجو عدم التمادي ..
الوجود الاجنبي بالسودان اصبح خطر حقيقي ومن اسباب الانهيار الاقتصادي ولكن بما ان النظام الحاكم بسبب الخوف من قرارات مجلس الامن والمحكمة الجنائية فانه يتغافل عن الوجود الاجنبي لان الدول التي يشكل رعاياها الوجود الاجنبي تفتح منبر حوار للحكومة مع معارضيها ومتمرديها الهاءا لمجلس الامن وتاجيلا للمحكمة الجنائية ولو كان ثمن هذا الوجود الاجنبي الانهيار الاقتصادي وهتك النسيج الاجتماعي وانتشار الجريمة التي اقلها المخدرات والخمور والزنا وتفشي الامرض التي من ضمنها الايدز .. يجب ان يتم تنظيم الوجود الاجنبي وفقا لقواعد صارمة جدا وعد اغفال ذلك مهما كانت الدواعي السياسة حتى لانفقد الهوية السودانية تماما لذلك على وزارة الداخلية تجويد عملها وهذه اولى مسئولياتها على الاطلاق ولسنا في حاجة لتذكيرها بواجباتها .. الوجود الاجنبي صار هاجسا وفي بعض الاحياء اصبح السودانيون جالية في وسط الاجانب .. ومهما تكن حدود السودان واسعة وممتدة الا ان وزارة الداخلية لم تقم بالحد الادنى حيال الوجود الاجنبي الذي يجسد انتهاكا لحقوق الانسان والاتجار بالبشر وهذا سوق عرمرم بسمسرته واداراته وسكنه وطعامه ودوائه وبجريمته وممارساته التي تتعارض مع التقاليد السودانية والاسلامية .. ارجو استدعاء وزير الداخلية للمساءلة فورا


ردود على radona
United States [fadeil] 11-30-2013 02:09 PM
ألا تعلم يا رادونا أن وزير داخليه جمهورية صقر الجديان نفسه أجنبي ؟ راجع مفاهيمك .


#842398 [الاصل مابيبقي صوره]
0.00/5 (0 صوت)

11-30-2013 12:16 PM
كيف يتم التنازل عن الجنسيه السودانيه ؟؟؟؟؟؟؟؟؟؟؟؟؟؟؟؟


ردود على الاصل مابيبقي صوره
United States [بت الخرطوم] 11-30-2013 03:05 PM
عشان ضائقت عليه فى السودان والبلد المشى ليها لتكون وطن ثانى اشترطت عليه التنازل من سودانيته وببساطة شديدة وافق وتقدم بطلبه والادهى والامر موافقة السلطات موش البلد بلدهم وهم اسيادها ويا الاصل الما بيبقى صورة برضوقالوا مساعد الياى ما بيبقى ياى


#842388 [صلاح كوكو]
5.00/5 (1 صوت)

11-30-2013 12:06 PM
هم الناس اللي عوزين الجنسيه السودانية دي عاوزين بيها شـــــــــــــــــنو ؟ ؟ ؟

الخمستاشر سوداني ديل ادوهم ده حقهم هم ماعاوزين الجنسيه السودانية وافغبن في

طرقهم ليه ادوهم يمكن يقدروا يعيشوا هم واسرهم احسن من عندكم


#842367 [lwlawa]
2.00/5 (3 صوت)

11-30-2013 11:51 AM
ما علاقة اللغة العربية بالجنسية السودانية ..؟؟!!! يعني بكرة يمكن يسنو قانون لونم ما فاتح جنسية مافي ..؟؟!!..يعني تكون ما أ
(سوداني)...؟؟!!


ردود على lwlawa
European Union [Abdella] 11-30-2013 10:44 PM
لانها هى اللغة الاولى والرسمية فى الدولة,ومن شروط منح الجنسية فى اى دولة فى العالم هى الالمام ولو بالقدر المعقول بلغة البلد الجديد الزى يريد ان يمنحك جنسيته


#842360 [Geddo]
4.00/5 (3 صوت)

11-30-2013 11:43 AM
Iam Sudanese born in sudan
45yars old i know alittl bit of Arabic they gonna take my nationalty ??


ردود على Geddo
European Union [goood] 11-30-2013 05:03 PM
Good.cause your ABC too is poor


#842353 [أب قرن]
3.00/5 (2 صوت)

11-30-2013 11:40 AM
ما أسهل الحصول على الجنسية السودانية وخاصة للاعبي كرة القدم الذين يتم تجنيسهم في رمشة عين وتنتهي صلاحيتها عندهم بانتهاء فترة عقدهم من ناديهم، يحز في نفوسنا هذا الهوان ، حسبنا الله ونعم الوكيل .


#842300 [جر كان فاضى]
4.00/5 (10 صوت)

11-30-2013 10:58 AM
التنازل عن الجنسية ساهل...ما نخشاه ان تجعل الانقاذ المواطنيين يتنازلون عن دينهم


#842255 [محمد عبد الرحمن محمد]
5.00/5 (3 صوت)

11-30-2013 10:22 AM
وماذا عن ماتم منحهم الجنسيه السودانيه وهم الآن بصدد اعلان دولتهم داخل السودان اصحوا وبطلوا النوم ياناس الداخليه الكلام موجه لناس وزارة الداخليه بس (الوزير بره من الكلام ده) صحوة ضمير ياافراد الداخليه


ردود على محمد عبد الرحمن محمد
United States [منشى] 12-01-2013 02:08 AM
كلامك فى محلو ... وزير الداخليه دا ارترى الاصل , هو مولود فى منطقه حدوديه اسمها عيتربه و بيت جدو حتى الآن موجود فى اسمرا اللى هم هاجروا منه ايام الحرب و فروا الى داخل السودان. يا جماعه زول فى بيتو هنا فى الخرطوم مع اهلو بيتكلم معاهم بلغة التقرينجا لامن يشوف مافى سودانى بيناتهم . و لامن يطلع علينا يتكلم عربى . الزول دا هسه عامليهو قانون تحت تحت كدا بيحمى بيهو الحبش و الارترتين بتعونو . انتو بس اسألو العساكر ليه هم خلو كشة الحبس من ما الزول دا بقى وزير. و هناك مخطط استيلاء على مدينة كسلا . وده كلام قال لى ارترى عندما كنا خارج السودان إنو كسلا دى حقتهم و هم شويه ح يجى و يشيلوه بالاستفتاء بعد عملية التسكين السرى اللى بيجرى الآن و بعد الإكتمال ح يشتكو للمحكمه الدوليه و يطلبو استفتاء. و زيارة الرئيس الارترى المفاجئ بعد تخطيطه مع وزير الداخليه من دون ادخال الخارجيه و كمان جيتو لكسلا و منو الى بورتسودان ما ساكت والناس مرروا ساكت . و انتو شفتو عمر البشير كيف كان ضيف عند اساس افارقى فى بورتسودان . بدل ما البشير يستقبلو بالعكس هو مشى قدامو و استقبل البشير . الكلام دا طبعا برضو الناس مرروا ساكت.

United States [العوض] 11-30-2013 03:45 PM
وزير الداخليه نفسوا تحصل على الجنسية السودانية يعني ماعيب الواحد ياخد جنسية زي جنسيتنا الهاملة يعني انت بتحذر وزير مجنس وعاوز يسبت انو الجنسية ممكن اي مقطوع جاي يشيله. قبل فترة كان الاستاذ والشاعر والملحن والكاتب والجلابي وراس المالي والتاجر والترليوني صلاح احمد ادريس عندهم انتخابات في التنافس على رئاسة مجلس الهلال وعشان تنتخب لازم تكون سوداني ولو ماعندك جنسية جاب عسكري ومعاه اختام الداخلية وبصمات ويلا تجي تشيل جنسية وترشح ابوصلاح


#842241 [سايكو]
4.72/5 (7 صوت)

11-30-2013 10:06 AM
شرط اساسي اجأده اللغه العربيه و اكثر من 90% من السودانيين افارقه !!!!!
لماذأ كل هذا الجبروت و الصلف ؟؟؟؟
الا يكفي ان نكون سودانيين فقط ؟؟؟؟


ردود على سايكو
United States [quickly] 11-30-2013 09:11 PM
اصلا لماذ اشتراط تحدث اللغة العربية يامندكورو ؟؟
هل في داعي,,, يعي اهلنا الموجودين في الاقاليم ديل الرطانة ديل,,,, ماسودانيين ؟؟
ولامامعترف انت بلغاتهم وفي ناس ماقروا ولا دخلوا مدارس ,,,, يبقوا ماسودانيين ؟؟
90% من السكان من غير الناطقين بالعربية لماذا اشتراط التحدث باعربية
السودان حق ابو واحد فيهم
والله صحي الفهم قسم زي مابقولوا

United States [مندكورو] 11-30-2013 03:55 PM
أفارقة بمعني شنو؟بنتكلم سواحلي يعني؟ لا ننكر أفريقيتنا بل نعتز ونفخر بها.. ولكن الحقيقة أن أكثر من 90% من السودانيين يتحدثون بالعربية.


#842228 [كوما]
4.00/5 (3 صوت)

11-30-2013 09:54 AM
كانت 9 دول...............!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة