الأخبار
منوعات سودانية
سفير بريطاني: مطار الـخرطوم الأسوأ عالمياً..!
سفير بريطاني: مطار الـخرطوم الأسوأ عالمياً..!
سفير بريطاني: مطار الـخرطوم الأسوأ عالمياً..!


12-01-2013 09:59 PM
واشنطن - ترجمة مختار محمد علي

وصف السفير البريطاني في الأردن "بيتر ميليت" مطار الخرطوم الدولي بأنه الأسوأ في العالم.
ووفقاً لـ(سودان تربيون) فإن "ميليت" طلب من رواد موقع التواصل الاجتماعي (تويتر) بأن يتحدثوا عن أسوأ تجربة لهم في المطارات، بدءاً بنفسه.
وكتب الدبلوماسي البريطاني في موقع (تويتر) "ما هو أسوأً مطار في العالم". وأضاف (إنه بالنسبة لي فإن أسوأ مطار في العالم هو مطار الخرطوم، فقد كان الأسبوع الماضي حاراً ومتسخاً وليست به معلومات أو ترحيب).
ولم يعط السفير البريطاني بالأردن توضيحاً عن سبب زيارته للعاصمة السودانية الخرطوم.
وأثارت هذه التغريدة على موقع التواصل الاجتماعي نقاشاً محتدماً على موقع التواصل الاجتماعي حول مدى دقة هذا التقييم لمطار الخرطوم، وما إذا كان التعليق هو تعليق لائق، آخذين في الاعتبار كونه يحمل صفة دبلوماسي.

المجهر


تعليقات 45 | إهداء 0 | زيارات 8311

التعليقات
#853070 [الوافر ضراعو]
1.00/5 (1 صوت)

12-10-2013 02:54 PM
والله فعلاً منظر كريه قصر نافع أجمل منه


#845076 [Rashid]
1.00/5 (1 صوت)

12-03-2013 03:33 AM
تجربه حقيقية حصلت لي في ياناير 2011 وصلت مطار الخرطوم يوم الجمعة وكنت لا املك بطاقة السودانين الذين يحملون جوازات اجنبيه بسبب ضياعها استلموا منى جوازي في المطار وأستلمت ورقة من ضابط. الجوازات لحين استخراج بدل فاقد واتيت الي المطار في يوم الاحد حوالى الساعة الثانية ظهرا بعد استخراج البطاقه كان المطار هادئافي صالة القادمين توجد مكاتب الضباط في الطابق الثاني قبل كاونتر الجوازات طلعت فوق لاستلام جوازى المفاجئه كان هناك رائحه حله يتم طبخها في مكتب الجوازات داخل المطار مع العلم تجولت في حياتي علي اكثر من 50 مطارا فى هذا العالم لم أشاهد منظرا هكذا
من المسؤول من هذا الستهتار
في كل مطارات العالم يوجد بوفيه للعمال والموظفين


#845059 [siddig awad]
1.00/5 (1 صوت)

12-03-2013 02:38 AM
دقسوك يا عبيد الله انا جيت شايل لي 2 كيلو دهب مشغول و موزع على 3 شنط لكن كنتا حريص و طبلي كانت كبيره وما اديتم فرصه يشكو ولله الحمد و تاني لمن تمشي الخرطوم شنطك اللي في يدك تكون في يدك وما تديهم فرصه قيمه ذي المرات الفاتت


#844688 [حسين دلوكة]
1.00/5 (2 صوت)

12-02-2013 06:01 PM
اكيد السفير ده ما لقى حاجة هو كان دايرها فى ىالمطار وما لقاها زى شوية ويسكى شوية ...... واهو زعل واطمئنوا مطار الخرطوم من انظف واجمل مطارات العالم وهو اطهرهم على الاطلاق


#844651 [ود البطانه]
0.00/5 (0 صوت)

12-02-2013 05:26 PM
والله مره لمى فينى ضابط دنقلاوى (كل الموظفين عدا العمال هم من السودان النيلى ) واصر جدا الا ياخد منى السجاير وعندما رفضت واصريت انو السجاير ليس من الممنوعات!! اخد الموضوع شخصى ورجعنى للتفتيش تانى كحركه اثبات سلطه!!


#844576 [سوداني]
2.00/5 (1 صوت)

12-02-2013 04:23 PM
صدق الطيب صالح عنما قال هذا المطار القمئ . يقصد مطار الخرطوم والسبب الكادر البشري لان مطار مدغشقر ومطار اصغر الدول أحسن منه!!! ليه ؟


#844572 [عبيد الله]
5.00/5 (4 صوت)

12-02-2013 04:20 PM
والله ناس المطار ديل كلما نجي مشتاقين للبلد هم ال بضيعوا شوقنا . مما نشوفهم نذكر خدعهم نزعل ونفقد زوقنا . يروح فرح الوصول ونطرا البلاوي الفوقنا .


#844511 [ياسر المكى]
5.00/5 (1 صوت)

12-02-2013 03:22 PM
صراحة مبنى النقل الجماعى فى الرياض من نظافة وتسوق ومساحة افضل بالف مرة من مطار الخرطوم اعتقد ان مطار بالاسم فقط لا يوجد اى مقارنة بينه وبين مطارات مثل مطار المنامة الدولى بالبحرين او مطار الملك خالد بالرياض.تخبل تنتظر فى الشارع الى موعد رحلتك لا يوجد صالات انتظار جاهزة لاستيعاب اكبر عدد من المسافرين.


#844492 [بدرالنهار]
5.00/5 (1 صوت)

12-02-2013 03:07 PM
غريبة أنا أول مرة أعرف أنو في مطار في الخرطوم يثير كل هذا النقاش هم الحرامية الحاكمين
ديل خلو حاجة في الخرطوم عشان يكون في مطار؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!


#844475 [opti]
4.00/5 (4 صوت)

12-02-2013 02:52 PM
زي ما قال واحد من المعلقين مطارنا قدر امكانياتنا و هو زاتو البلد دي فيها شنو ما شين؟؟ محل ما تقبل تشوف الفضايح, الله ينتقم من الكان السبب..
لكن ما صاح نقارن مطارنا بي مطارات دبي ولا الدوحة, انا نزلت في مطارات بالنسبة ليها مطار الخرطوم كأنه مطار هيثرو مثلا مطار اكرا كوتوكا الدولي (غانا) و مطار نواكشوط الدولي (موريتانيا) ولله بص ما فيهو و الناس بسوقوهم زي الغنم للطيارة و في مطارات في افريقيا لما تنزل فيها تقول بس نزلت في الكلية الحربية كلها جيش و دبابات كأنو حصل انقلاب قبل دقايق (لاغوس نيجيريا مثلا).


#844465 [طائر الهوى]
5.00/5 (1 صوت)

12-02-2013 02:42 PM
والله دى فضيحة .الناس ديل جلدهم جلد تمساح مابخجلوا ومابستحوا .
بعد الكلام البقى يجى من برة دة لو فيهم شوية مروءة ,
لتم هدم هزة الزبالة المسمى مطار دولى وانشاء أحدث مطار دولى فى إفريقيا بالخرطوم والامكانيات موجودة
لكنهم أشحاء على الوطن كرماء فيمابينهم .


#844456 [daim mitry]
5.00/5 (2 صوت)

12-02-2013 02:34 PM
وازيدكم من الشعر شطر بيت زمن السفرية بالطائرة اقل بكثير من زمن الانتظار لظهور العفش على السير المهترئ والذى يصدر اصوات انكر من صوت الحمير وتلف الشنط والامتعة دورات ممللة وتتساقط منها الاشياء ولا يوجد من يلتقط القوارير المعبأة بماء زمزم نحن نلقى الضوء على هذه الملاحظات ونأمل من سلطات الطيران المدنى معالجتها خاصة الرحمة بالمودعين والمستقبلين الذين يكتون بحرارة الشمس والمسافرين الذين يتصببون عرقا


ردود على daim mitry
European Union [sudani] 12-02-2013 04:17 PM
ده لأنهم مشغولين بفحص الشنط عشان البلطجة ، ويسرقو الفيها ، والمابقدرو يلطشوها يحولها الجمارك ،
بلد وسخه وشعب جبان

United States [عبيد الله] 12-02-2013 04:09 PM
ارجوكم اقرؤ بعناية هذه الملاحظات والله كلها حقيقية وحصلت معاي أنا شخصيا بمطار الخرطوم :ـ 1/ جيت راجع من اجازة من الخرطوم الى جدة وعندي جوال قيم في الشنطة المعاي في يدي وادخلتها في السير للتفتيش وكانت الجالسة في جهاز التفتيش بنت قامت قالت لي طلع المقص الصغير الجنب الجوال ده وورتني الصورة وفعلا طلعت المقص الصغير حق حلاقة الشنب وسلمته لها ومشيت حتى سلم الطائرة السعودية جاء واحد لابس أفرول ازرق اللون يعني شغال في المطار وانا في سلم الطائرة طلعت حوالي خمس درجات فام قال لي جيب الشنطة عشان السعوديين مابيرضو علما انها شنطه صغيرة وأخذ معها شنطتين من الناس اللي جنبي ومشى تحت الطائرة من الناحية الثانية وشال الجوال حقي ولم يقفل السستة كويس وفؤجئت في جدة بهذا الخبر وقلت لموظفي السعودية في جدة قالوا اتوكل على الله كثير يحصل هذا وممكن نعمل فاكس للخرطوم ولكن دون جدوى حاتاخد مشاوير زياده وتوكلت على الله بس دعيت عليه في الحرم وفي الروضة . وعشان اختصر سوف احكي لكم رؤس اقلام عن المشاكل التي حدثت لي بمطار الخرطوم الدولي . 2/ راجع من اجازة قالة حجزك اتلغى وباعوا لي حجز جديد برشوه كبيرة والله العظيم . 3/ اخذوا مننا اللاب توب فالو السعوديين مابيرضوا وشنوها وسرقوا منها وسألنا السعوديين في الطيارة قالوا ماعندهم علم بهذا المنع . 4/ اكبر شنطة وأنا راجع اجازة ضاعت لاني ماكتبت عليه اسم عشان عايزها نظيفة عشان داير اديها لعريس مما أدي لفقدها وجاء التعويض قليل مقارنة بمحتوياتها القيمة ومشاوير المطار المكلفة . 5/ ماعندهم عمال جاهزين للعقش والراجل قال اقعدوا ماشين نجيب ليكم عمال للعفش وقعدنا ساعة ونصف في انتظار العمال . 6/ من الملاحظ ان اختيار موظفي المطار يتم بالواسطة زي التلفزيون وزي الاذاعة عشان كدى الخدمة سيئة وهناك لامبالاة من النقد . يقول ليك شنو يعني ! مش مهتمين بأي حاجة وشغالين في عاداتهم السيئة والى اللقاء والله العظيم كلما ذكرته صحيحاوالسؤال المهم البلد دي ماعندها وجيع ليه .


#844425 [مسكين]
0.00/5 (0 صوت)

12-02-2013 01:45 PM
مازيمبي حطم الهلال بخماسية على أرضه ( من يومها تاني ما قامت ليهو قائمة) والانقاذ تدك حصون السودانية بعشارية حارقة -... في أرضه وأرضها!!


#844422 [عاصم]
5.00/5 (1 صوت)

12-02-2013 01:40 PM
والله السفير البريطاني لم يقل سوى الحقيقة ياناس ده مش مطار ابدا وساخة من كل ناحية حتى موظفين لبسهم غير لائق والعمال غاية من الاتساخ والعساكر كأنهم قادمين من مواقع عمليات ميدانية وليس عساكر مطار وهل هذا الهنقر يسمى مطار وفي النهاية القائمين على ادارة المطار مجرد صعاليك لايفقهون عن المطارات ادنى اصولها ناهيك عن ادارتها مطار الخرطوم لايصلح حتى محطة بصات داخلية ارحمونا ياناس دعونا نستقبل النقد ونعترف به ليكون عندنا الاستعداد لاصلاحه بعد ابادة نظام الانقاذ الذي اهان السودان للعالم اجمع


#844410 [sudani]
0.00/5 (0 صوت)

12-02-2013 01:31 PM
طيب قبل فتره ما في مجموعة وليدات كيزان عملو ليهم زيطه وزمبريطه قالو هم المسئولين من ادارة المطار وقالوا انهم نالوا جوائز علي انجازاتهم دي .وين ده من كلام السفير ده


#844398 [[email protected]]
4.00/5 (1 صوت)

12-02-2013 01:07 PM
صدق بكل أسف ، وأنا وصلت من الإمارات قبل 4 سنوات ، وواقفين فى الصف لتكملة الإجرآءآت ، فجأة الكهرباء قطعت ، يعنى هذا شئ مخجل بكل المقاييس ، يعنى يفترض يكون موصل بجنريتر بمجرد إنفصال االكهرباء أوتوماتيكلى الجنريتر يعمل ، وصراحة الموظفين والحمالين ومعظم العاملين بالمطار مرتشين ، وكل واحد عاوز بكشيش ، غايتو ربنا يسهل لكن بلدنا يرثى لها


#844388 [عشنا وشفنا]
5.00/5 (1 صوت)

12-02-2013 12:58 PM
يا سادة
نحن تركنا المطار وبنينا القصور الرئاسية

وحاليا نبنى فى القصر الرئاسى الاعظم

وكل مسئول بنى فلله الفارهة باحواض السباحة والجاكوزى و..و..

وعماراته السامقة بكل جد واجتهاد المشطبة تشطيب عالمى ..و..

ولكن :

المطار لسة ولا بواكى له

المدينة الرياضية لسة و....

الجامعة الالكترونية لسة و..

مستشفى جبرة للحوادث لسة ...

طريق الانقاذ الغربى لسة ....

مشروع سندس !!!!!!!!!!

و......الشعار .... ما لدنيا قد عملنا ....


#844373 [محتار فى خلق الله]
5.00/5 (1 صوت)

12-02-2013 12:42 PM
حقيقى حقيقى/////////شىء مخجل عديييييييييييييييييل مقارنة مطارنا بالمطارات بالدول الاخرى
لكن لدى سؤال شنوا البقى عشان الناس تتكلم فبهوا


#844355 [موسى محمد]
5.00/5 (3 صوت)

12-02-2013 12:24 PM
صدق والله السفير، فمطارنا الدولي أسوأ مطار في العالم من حيث المباني والتجهيزات التقنية وسبل السلامة والراحة، والأسوأ من حيث أخلاق العاملين فيه من موظفين وعتالة، فكم من مسافر فقد حقيبته أو بعض ممتلكاتها، وكم من مسافر تحطمت ممتلكاته جراء الرمي القذف المتعمد للعفش من قبل العتالة.


#844324 [wallo]
1.00/5 (1 صوت)

12-02-2013 11:59 AM
الخواجه ده تلقاهو كان خرمان ليهو على قزازة ويسكي وفتش في السوق الحر وما لقى
الخرمة شدت عليهو وقال كلامه ده
ولو ما مقتنع انه كان خرمان ويسكي، اسأله مطار بن جوريون كيف معاك!


#844290 [د.علي الادهم]
5.00/5 (2 صوت)

12-02-2013 11:37 AM
مطار الخرطوم اسواء مطار شفته.الاضاءة سيئة اللمبات في السقف بايظة .لايوجد تكييف .دورات المياه سيئة ولاتوجد دورة مياه لذوي الاحتيجات الخاصة.


#844158 [hani evan]
4.00/5 (3 صوت)

12-02-2013 09:57 AM
بالجد اسواء مطار في العالم والله شفنا مطارات كثيرة ابسط شيء مطار الملكة علياء بالاردن ومطار الملك خالد بالرياض والملك عبد العزيز بجدة ومطارات دبي وقطر يا خي ابسط شي اضاءة زي الناس مافي مطار عفن وسخان وناس ما عندها اخلاق اللي شغالة فيو والاروع من دا كلو تحصل الشنط بتاعتك مشروطة وماخدين جزء من الحاجة اللي فيها وبعد دا يدفعوك فلوس ومطاعم سااااااااااااااااي مافي وخدمة انترنت زي العالم والناس مافي وتكيف سيء جدا جدا و ودورات المياه اكرمكم الله زبااااااااااااااااااااالة والله العظيم تنزل في مطار سنغافورة تخجل من جزمتك لو ما كانت جديدة والحمد لله علي كل حااااال.


#844132 [صلاح كوكو]
5.00/5 (2 صوت)

12-02-2013 09:32 AM
انا شفت مطار القاهرة الدولي ودخلت مطار المملك عبد العزيز الدولي بجدة ومطار الملك

خالد الدولي بالرياض ومطار المدينة المنورة ومطار القصيم والله لااجد مقارنه اي من

هذه المطارات حتي الصغيرة منها ( مطار المدينة المنورة ومطار القصيم )) لاتوجد اطلاقا

اي مقارنه مع عشة الخرطوم (الدولي) لا من ناحية المدرجات او من ناحية التنظيم داخل

وخارج صالات المطار او بوفيهات تقديم الخدمات للمسافرين او المودعين والمستقبلين 0

حتي مرافق الحمامات والمواضي والمسجد تحتاج لجهد كبير جدا لخدمة الناس .

اكثر من عشرين عام نسمع ان هنالك مشروع مطار جديد وحتي الان لم نسمع عنه اي

خطوات للامام : المشكلة اذا تم توزيع وتسجيل الارض المخصصة للمطار الجديد لبعض ضعاف

النفوس والحرامية ؟


#844124 [ابو خالد الدمام]
1.00/5 (1 صوت)

12-02-2013 09:27 AM
سبحان الله قبل سنين عددا كتب الكاتب الصحفي الراحل انيس منصور وقال انو العرب زمان في ستينيات القرن الماضي كانوا بيجوا الخرطوم عشان يشوفوا مطار الخرطوم لانو كان علامة ومفخرة لكل العرب الان لما تشوف المطار من فوق بالضبط شبه مخازن والوزراء يملوا جيوبهم وكروشهم من مال هذا الشعب المغلوب على امره


#844082 [تينا]
3.00/5 (4 صوت)

12-02-2013 08:36 AM
صدقت أخى الفاضل ((( ساب البلد ))) كل ما قلته صحيح وضحكتنى ((( يلا بيجاى ))) دى حقيقة لغتهم السايدة ومعاها النهرة وأضيف علي كلامك صغير الحجم من الداخل والبضحكنى أكثر يعلنو عن قيام الخطوط الفلانية ويدخلوا ركابها للصالة الداخلية ويشحطوهم الى أن يركبوا طيارتهم حتى يعلنوا عن قيام خطوط أخرى نسبة لصغر الصالة وهذا الشيىء لم أره فى المطارات الأخرى حيث الصالات كبيرة وعادى تجد ركاب كذا خط فى نفس الصالة واقلاع طائراتهم متقارب مع بعض . تحياتى .


#844066 [حازم عبد القادر]
3.00/5 (1 صوت)

12-02-2013 08:02 AM
نعم مطار سىء جدا والاسواء على الاطلاق... بس الما عجبنى تعليقات الاساءة لعموم البلد ...نعم الانظمة الى زوال ويبقى الوطن والبجى مخلوع من برة وكأنه اماراتى او بريطانى او امريكى نقول ليهو حقو تفخر انك سودانى مش تحكى وكأنك لا علاقة لك بمحمد احمد وتراب هذا البلد الطاهر ...وعدم حب الاوطان هو كارثة البلد الحقيقية مش مطار الخرطوم


#844061 [موقف]
4.00/5 (3 صوت)

12-02-2013 07:53 AM
والله الكلام ده صحيح , مرة مشيت اقدم زول جاء زيارة للسودان وكان راجع لبلدو ,وصلنا المطار بدرى شوية وطوالى عمك ماشى يدخل الصالة كما هو متبع فى كل الدول يعنى ممكن تدخل مع الزول المقدمو الى الصالة لغاية ما يوزن وممكن تاخدوا جولة جوة الصالة لغاية ما خلاص يكون ماش الجوازات تقوم تودعوا , المهم فى مطار الخرطوم عمك لقى عسكرى فى الباب ورجعوا قال زمنك لسه ما جاء ما ممكن تدخل قلت ليه يا زول ده نظامنا حننتظر هنا امام المطار لغاية ينادوا زمن طيارتك ,قال لى والله اول مرة اشوف مطار فى الشارع!!!!!! المصيلة دايرين نقعد فى كنبة كدة الاسفنج ممزق والله شفت ليك مسمار طالع يعنى لو ربك ما ستر كان عمل مشكللة للواحد
وبعد ده بيقولوا دولى


#844056 [بركل بدري]
4.00/5 (3 صوت)

12-02-2013 07:43 AM
واحد سنغالي زميلي جاء عبر مطار الخرطوم وصادف ذلك اليوم عاصفة ترابية شديدة جداً؛ قال لي عند أمام ضابط الجوازات [لاحظ ده ضابط] علقت وقلت له هذه عاصفة شديدة جداً ؛؛ الضابط حدر له وقال ليهو دي بلدنا كده عاجبك ولو ما عاجبك ارجع بلدك!!

تصوروا


#844044 [محمدزين]
5.00/5 (1 صوت)

12-02-2013 07:12 AM
ان المشكلة اساسا فى الحكومات التى تولت امر البلاد لم تستطع ان تنجز مطارا واحدا اننا بحق امة
فاشلة كل همها المصالح الشخضية الضيقة من عمارات شاهقة ومظاهر وترف فى غير موضععه
كان الله فى عون الشعب المغلوب الصابر


#843993 [زول بس]
3.00/5 (2 صوت)

12-02-2013 02:06 AM
مطارنا قدر امكانياتنا (اوعة يجى واحد ناطى ويقول كوز وامنجى وشنو كدى ماعارف)


ردود على زول بس
United States [أوكامبو] 12-02-2013 03:58 PM
المشكلة ليست فى الإمكانيات فالامكانيات و الموارد موجودة و الحمد لله لكن المشكلة فى إنعدام الرؤية و إنعدام الأمانة و الغيرة على الوطن و حتى أكبر مسؤول فى الدولة و هو رئيس الجمهورية يتعامل مع الأمر و كأنه لا يخصه. الإمكانيات التى سمحت لهم ببناء قصور و فلل أسطورية لماذا عجزت عن بناء مطار بمواصفات دولية أو عالمية مقبولة و لا أقول مبالغ فيها. إن واجهة فيلا أصغر مسؤول إنقاذى أجمل من واجهة مطار الخرطوم !! و لمن يقول مطارنا قدر إمكانياتنا أساله عن إمكانيات أثيوبيا المجاورة و كيف بنت مطار حديث و جميل بكل المواصفات هو مطار أديس أبابا.

[أبو محمد] 12-02-2013 03:58 PM
في حاجه اسمها رسوم مغادره بياخدوها من قبل ما يحفروا البحر عملوا بيها شنو؟ على الاقل يعملوا مظلات للمودعين تقول لي - مطارنا قدر امكانياتنا


#843987 [مراقب]
5.00/5 (3 صوت)

12-02-2013 01:43 AM
بألفعل ليس مرحبا, فألعاملين بألجوازات تلقاهم صارين وشوشهم كأنهم بقولوا للقادمين جايين هنا تعملوا شنو, لا ابتسامة و لا تحية منتهى السخف و عدم الاحترام لأى زائر وهؤلاء هم الانطباع الاول للبلد.


#843986 [mohamed]
5.00/5 (1 صوت)

12-02-2013 01:39 AM
للاسف هذه هى الحقيقة ....الحقيقة ساعات بتجرح بس اريح هههههههههههه انا مره كنت مسافر من امستردام الى كوتنبرج فى السويد ومعاى زوجتى ولمن نزلنا المطار فى السويد مافى زول سألنا ولا حتى شفنا عسكرى لحدى مالقينا نفسنا فى موقف التاكسى خارج المطار ؟؟؟بكل اريحيه وود فى التعامل خلصنا من المطار وكل زول يلاقيك يبتسم ليك هههههههه وساعتها تأسفت على حال بلدى البائس والتعيس ,,,,,الله يكون فى العون ........مع تحياتى


#843977 [Kamal]
5.00/5 (1 صوت)

12-02-2013 01:17 AM
أسوأ مطار فى أنا شفتو!!!


#843958 [لبنانى]
3.00/5 (2 صوت)

12-02-2013 12:44 AM
بالمقارنة بالمطارات الإقليمية ناهيكم عن العالمية ، فهو أشبه بفريق العرب !!


ردود على لبنانى
European Union [ALIIIIIIIIIIIIIIIIIIIIIIIIIIIIIIIIIIIIIII] 12-02-2013 03:06 PM
المقعدك في بلدنا شنو طيب امرق بره يلا عالم كده زاتوا عجيبة قال فريق العرب حريقة فيك وفيهم

United States [ممكون وصابر] 12-02-2013 06:09 AM
انت لبنني ول شمباتي ؟؟


#843931 [سلوى بوتيك]
0.00/5 (0 صوت)

12-01-2013 11:53 PM
مطار يفتقد خدمات ضرورية كثيرة هذا غير الكوارث التى لاتحمد عقباها ياساتر استر .. واليكم خبر قديم عن كارثة حدثت بمطار الخرطوم الدوووولى .

اصطدام طائرتين بمطار الخرطوم ولا إصابات بين الركاب

الصحافة نشر في الصحافة يوم 01 - 10 - 2010

اصطدمت طائرتان في إحدى مدرجات مطار الخرطوم الدولي مساء أمس، وفور وقوع الحادث سارعت سلطات الطيران المدني إلى تعليق الملاحة الجوية بمطار الخرطوم. ولم تسفر الحادثة عن وقوع ضحايا أو إصابات وسط المسافرين.
ووقع حسب مصادر موثوقة لقناة الشروق الحادث عندما اصطدمت طائرة تابعة لشركة "كي إل أم" كانت تهم بالإقلاع من مطار الخرطوم في طريقها إلى أمستردام بطائرة تابعة لطيران الإمارات، وقد تم نقل ركاب الطائرة الهولندية إلى إحدي فنادق الخرطوم إلى حين فتح المطار أمام الملاحة الجوية.


#843917 [ساب البلد]
5.00/5 (12 صوت)

12-01-2013 11:35 PM
ما قال الا الحقيقة.. المشكلة يا جماعة ما المبني ولا المدرج فقط بل الكادر العامل (الاجهزة الامنية) شرطة, جمارك,جوازات, امن طيران, امن وطني... الخ فاقد تربوي لا لغة ولا ذوق ولا لطافة والله اول ما تنزل من البص و انت داخل علي الصالة اول زول يقابلك بتاع شرطة خاتي سفة دقار لوري ريالتو سايلة ينهر في المسافرين (يلا بيجاي) دا البخلي اي زول ياخد انطباع عن البلد و الشعب.. يا جماعة المطارات و المواني البحرية و النهرية و نقاط الحدود تمثل واجهة البلد والزائر ياخد الانطباع الاول عن البلد.. والله لو يقابلوك بترحيب دا كفاية يغطي علي الحاجات التانية الوساخة و الفوضي الخ....





بعد غيبة طويلة تجي مشتاق للبلد اول ما تصل الجمارك تلعن اليوم الوصلت فيه و تفكر في الرجعة قبل ما تشوف ناس بيتكم...


الاسلام يقول تبسمك في وجه اخيك صدقة .. والكيزان يقولوا تكشيرتك في وجه نفقة


ردود على ساب البلد
United States [AburishA] 12-02-2013 02:04 AM
مع التحية ساب البلد: والله كملت لي كلامي كلو...بعدين كلهم مكشرين!!!! وانا ما بكره في الدنيا دي الا الزول المكشر!!!


#843916 [سمسم]
5.00/5 (9 صوت)

12-01-2013 11:35 PM
فى الشهر الماضى كنت فى مهمة عمل الى جنوب أفريقيا - و نزلت الطائرة ترانزيت فى مطار أنتاناناريفو عاصمة مدغشقر - و هالنى فخامة المطار الذى يماثل مطار نيس بفرنسا فى كل شىْ - مدغشقر هذه الجزيرة الصغيرة التى تساوى فى مساحتها ولاية الخرطوم- يا جماعة لماذا نحن الأسوء فى كل شى،- و ماهذا الانحطاط الذى نعيشه فى كل مناحى حياتنا؟؟؟- الممثلة هالة صدقى عندما حضرت للخرطوم لمباراة مصر و الجزائر علقت على حالة مطارنا وقالت ( مطارهم عبارة عن غرفة وصالة) وقد صدقت - والان هذا الدبلوماسى يوسمنا بأن مطارنا الأسوء فى العالم وهذه حقيقة - وهذا نتاج طبيعى لأسوء حكومة وأسوء رئيس دولة فى العالم - و غفرانك ربنا واليك المصير .


#843914 [الصالح]
5.00/5 (2 صوت)

12-01-2013 11:33 PM
كلامه صاح هو أسوأ مطار بدون شك والكل يعلم بهذه الحقيقة .




وعلى كل الذين سافروا خارج السودان علهم يكتبوا الفارق بين مطار الخرطوم والمطارت الآخرى ،


فستعرف يا مدير مطار الخرطوم موقع مطارنا من بين المطارات العالمية .



دا مطار ما يصلح إلا زريبة بهائم وامكن ما يصلح بعدين بالله شنو الجميل فيه ليس هناك اي حاجة جميلة في مطار الخطرطوم والله لو ما كان الخروج منه للدول الاخرى لما سافر احد من خلاله . لكن اليد قصيرة والعين بصيرة .



لو اي ولاية عملت مطار دولي والله ما في زول بجي بمطار الخرطوم دا اصلاً


#843901 [مستغرب من نفاق وكذب الكيزان]
5.00/5 (4 صوت)

12-01-2013 11:14 PM
نعم السفير البريطاني صادق جدا...والله العظيم اسوء مطار

علي وجه الارض هو مطار الخرطوم..انا بنفسي نزلت في مطار الخرطوم في مايو الماضي .والله لعنت يوم الجابني الخرطوم ..اسوء دولة علي الاطلاق..سيئة في كل شئ ..مطار حقير جدا .المواصلات والاطعمة تافهة جدا والاسعار خيالية واشكال الناسعلي غبرة ترهقها قترة والغضب الإلهي ظاهر علي سيماهم


#843900 [سن ألفيل]
5.00/5 (4 صوت)

12-01-2013 11:13 PM
دي ما محتاجه دوبلوماسي أي واحد عارف انو مطار الخرطوم اوسخ واعفن مطار في العالم ومع ذلك كمية من الحقد والحسد وسؤ المعاملة وووووووووووووووووووووووووووووووووووووووووووووووووو


#843891 [عصمتووف]
5.00/5 (2 صوت)

12-01-2013 10:56 PM
حقيقة حقيقة حقيقة المطارات تعتبر واجهة للبلد ويدل علي تحضرها ورقيها هو المقاس ومعة المواصلات مطار كله شرطة بل معسكر تماما بجميع القوات النظامية الاخري جيش امن شرطة هو مطار ولا قاعده عسكرية وعساكره متجهمون عبسون مكشرون قبيحين مظهرهم غير مشرف وهم عورة البلد والعورة تحت وليس فوق (في واحد فيكم عورته في جبينة ) اجيبوني انه الله خلقة في منطقة لا تظهر كان يكون في القدم او اليد او اي مكان سترها ف استرونا منهم

راجع مقال الاخت الشقية الوقعت في القيد مني ابوعاقلة فوووووو ق جوار حسين خوجلي بالراكوبة هل لمجرد حملنا الجنسية السودانية، يعني أننا إرهابيون؟



11-30-2013 05:42 PM
منى بكري أبوعاقلة

إذا دفعتك الظروف السيئة لتقف وجهاً لوجه مع مصلحة الجمارك السودانية، فتأكد أنك من المغضوب عليهم وتعيسي الحظ، وقطعاً، سيتم سلخك بعد ذبحك حتى لو كانت أغراضك التي تحملها للأستعمال الشخصي فقط وليست مهربة أو غير مشروعة.

أتى بي حظي العاثر، إلى صالة المطار، ووقفت مع المنتظرين لاستلام العفش، وكنت أمنى نفسي، باستلام الشنطة والمغادرة السريعة من المطار بعد رحلة طويلة مكللة بالتعب والسهر. ظهرت شنطتي والتي تزن 15 كيلو بالكمال والتمام، وبها علامة بالتباشير، ابتئست لذلك، وقلت في نفسي، هذا يعني المزيد من البهدلة، والخضوع لتفتيش الجمارك اليدوي، بفتح الشنطة وتقليب وشقلبة كل محتوياتها.

لم أملك من أمري شيئاً، ولابد من الاستسلام للأمر الواقع، وقفت في الصف الطويل، خارج صالة التفتيش، وفي مواجهتها، وكنا نتسابق لمن تكون له الأولوية في دخول الصالة حتى نتخارج من هذا الزحام. أما عن صالة التفتيش فحدث ولا حرج، فكانت مليء بالمسافرين والشنط التي تكسدت محتوياتها على الأرض بعد أن امتلأت طاولات التفتيش على أخرها بتراكم الأشياء عليها.

شعرت كأنني في سوق أم دفسو وليس في مطار عالمي يفترض أن يكون عنوان مشرف للدولة السودانية!! وأكاد أجزم أنك لن ترى مثل هذا المنظر في كل مطارات الدول النامية، ناهيك عن الدول المتحضرة. توالت بعثرة محتويات الشنط، وساد الهرج والمرج بين المسافرين الذين يتحدثون بلسان واحد، كلاً يستفيض في الدفاع المستميت للتهم الموجهة إليه من ضباط الجمارك، وشبهة مخالفة وانتهاك القانون وبالتالي، لابد من دفع الغرامة جراء هذا الانتهاك. شعرت أن كل ما في الأمر، هو جرك لدفع المبالغ التي يقررها ضباط الجمارك حتى يتركوك بسلام!!.


ردود على عصمتووف
[Abu Ali Ali] 12-02-2013 08:42 AM
صدقت يا اخي انا ايضا كنت في اجازة وكذلك ظهرت شطنتي وفيها علامة التباشير وعندما ذهبت الى الجمارك طلب من العمال دفع اي مبلغ من الدولارات واخلاء سبيلي


#843885 [كلام صحيح]
5.00/5 (1 صوت)

12-01-2013 10:46 PM
كلام صحيح 100٪. اصلو دايما الشينة منكورة


#843881 [Elobaidi]
4.82/5 (5 صوت)

12-01-2013 10:42 PM
ما جبت جديد يا سعادة السفير والجواب باين من عنوانه. حالياً أغلب الراجعين من السودان لما تسأله
عن حال البلد يقول ليك والله أحسن حتة فى السودان صالة المغادرة ... وركِز على كلمة "المغادرة"
وطبعاً هذا لمن إستطاع إليها سبيلاً !!!!!


#843871 [sudani khla albld]
4.75/5 (5 صوت)

12-01-2013 10:31 PM
ياريتكم لو ما تطلعتوا هسع كان بقيتوهو زى مطار هيسرو و اتمنى رجوعكم تانى


ردود على sudani khla albld
European Union [siddig awad] 12-03-2013 02:47 AM
سؤال للبشير هل بترضى قصورك تكون معفنه زي مطارنا الجهوي و لا اقول عليه الدولي - بترضى العمال اللي يسهرو عليك يكونو بمستوى العمال بتاعين امطار وملابسهم المهتره؟ يوم واحد منهم جاري لي شنطي قال لواحد زميلو اجدع لي الكيس داير لي سفه كبيره ختا الشنط و قمبر سفتو وواصل مشوارو ودي كانت اول زياره لي من سنوات - قربتا ارجع لو كانت في طياره راجعه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة