الأخبار
أخبار إقليمية
للمرة الأولى ..البشير يعلن مساندته للموقف الإثيوبي بشأن سد النهضة
للمرة الأولى ..البشير يعلن مساندته للموقف الإثيوبي بشأن سد النهضة
للمرة الأولى ..البشير يعلن مساندته للموقف الإثيوبي بشأن سد النهضة


12-05-2013 06:18 AM
الخرطوم: أحمد يونس لندن: مصطفى سري
أعلن الرئيس السوداني عمر البشير للمرة الأولى عن مساندة حكومته للموقف الإثيوبي بشأن بناء سد النهضة الإثيوبي، وقال خلال تدشين مشروع ربط شبكتي كهرباء إثيوبيا والسودان أمس إن «حكومته تساند إثيوبيا في إنشاء هذا السد». وفي غضون ذلك، رحب المعارض السوداني البارز الصادق المهدي بالمجموعة المنشقة عن حزب المؤتمر الوطني الحاكم بقيادة المنشق غازي صلاح الدين العتباني، واعتبرها «مكسبا لصالح إنجاز نظام جديد»، وهو ما يتوافق مع دعوته.

وقال البشير إن «حكومته تدعم الموقف الإثيوبي في إنشاء سد النهضة، لأنها ستحظى بنصيب كبير من الكهرباء التي سينتجها السد».

وأضاف في خطاب جماهيري، عقب تدشينه مع رئيس الوزراء الإثيوبي هايلي مريام ديسالين لشبكة الربط الكهربائي بين البلدين في ولاية القضارف على الحدود الشرقية مع إثيوبيا أمس: «ساندنا سد النهضة لقناعة راسخة أن فيه فائدة لكل الإقليم بما فيه مصر، وسنعمل عبر اللجنة الثلاثية يدا بيد لما فيه مصلحة شعوب المنطقة».

وتعد هذه هي المرة الأولى التي يكشف فيها البشير شخصيا عن مساندة حكومته لإنشاء سد النهضة الإثيوبي، وهي القضية التي تشهد خلافا مستمرا بين أديس أبابا والقاهرة.

وأضاف أنه ورئيس الوزراء الإثيوبي يسعيان لتطوير علاقات شعبي بلادهما وإلغاء الحدود التي وضعها المستعمر لتسهيل حركة التجارة ومواطني البلدين، قائلا: «نحن أصلا شعب واحد، والسودان جزء من منطقة الحبشة الكبرى، التي كانت تضم الصومال وجيبوتي وإريتريا وإثيوبيا، لكن الحدود التي وضعها المستعمر هي التي فرقتنا».

وأوضح البشير أن البلدين ارتبطا من قبل بالطرق وشبكات الاتصالات، والآن ترتبطان بشبكة الكهرباء، وتسعى الحكومتان لربطهما بشبكة سكك حديدية لتأكيد أن شعبي البلدين شعب واحد، ولتكون الحركة بين البلدين حرة وطبيعية مثلما كان الحال عليه قبل الاستعمار.

وقال إنه «اتفق مع ديسالين على إنشاء منطقة حرة على الحدود تمتد من منطقة القلابات على الجانب السوداني من الحدود إلى منطقة المتمة على الجانب الإثيوبي، وإنشاء إدارة واحدة مشتركة».

ووقع السودان وإثيوبيا 13 اتفاقية ومذكرة تفاهم عقب اجتماعات اللجنة العليا السودانية الإثيوبية المشتركة التي انعقدت أمس، وبحضور رئيس الوزراء الإثيوبي هايلي ماريام ديسالين الذي وصل الخرطوم أول من أمس على رأس وفد رفيع من معاونيه.

الشرق الاوسط


تعليقات 29 | إهداء 0 | زيارات 9162

التعليقات
#848123 [عصمتووف]
4.75/5 (3 صوت)

12-05-2013 10:27 PM
اول مره هذا الاخرق يعبر عما ما يطلبة المستمعون وكنا نطالب بالاغنية المحببة نيمم وجوهنا ونرهف باسماعنا شرقا وجنوبا وغربا ما عدا شمالا تلك البلاد لا نشبهم في شئ ولا نعرف لهم تاريخ مشرف او يد عليا غير جامعة القاهرة الفرع وجدانيا قلوبنا تتوق للسمره والخضره وهو عار تتحملة الحكومات السابقة علي مر العصور لماذا لم تمنحنا مصر كهرباء من سدها العالي ولماذا تروح حلفا فداء لهم لماذا يغضبون حين يصحح السودان الخطا اين كانو واين اصبح الاوغاد المصرين فليشربوا من الابيض والاحمر لا يهمنا مصر هبة النيل خرافة كبيره ولن تمر مصالحكم بعد اليوم قبلنا سوف نضع ارجلنا في حلاقيمكم


ردود على عصمتووف
United States [أسمر جميل فتان] 12-06-2013 03:14 AM
هلا بيك عصمتووف
قد يتفق معك الكثيرين فيما ذهبت اليه وهذا ما يظهر من خلال التعليقات ولكن
*هل السياسة ان يصرح الذي سميته الاخرق بذلك علنا؟
**وهل من المفيد لنا في الوقت الحاضر ان يكون الافتتاح بهذه الضجة الاعلامية التي تلفت الانظار وما خلاص المصلحة تمت يفترض انو الافتتاح يكون سكوتي وما شرط على مستوى رئاسي!!!؟؟
***عمك بشه احسن حاجة كان ممكن يعملها انو الجماعة يسكتوه بس خمسة سنين !! تخيل خمسة سنوات الراجل ده يمسك خشمه عليه شنو الممكن يحصل؟ يا اخي الراجل مثير للعدواة بين الدول المجاورة بطريقة غريبة لنا ومستفزة لهم على شاكلة "طرابلس سقطت بسلاح سوداني" ...
شفطة اخيرة
بالله لو لقيت العروس بتاعت المرة الفاتت باصي لاخوك واحدة منهم واكون (بالجد) مقدر ومتشكر واي حاجة
ودمتم


#848083 [الكينابي]
5.00/5 (1 صوت)

12-05-2013 09:38 PM
والله الواحد حاسس انو وسط جدل ماجادي شنو حبش وبشبهونا ومصاريا نحن هنا في السوان للجميع المواطنه في معظم الامم الرافىه تكتسب باالاخلاص حتى نرتقى للامم الراقىه دعو هذا التخلف علينا ان نفهم كل انسان موجود على ارض السودان يجب انيعا مل معا مله طيبه حتى يزداد ولاا فقدنا الجنوب بهذه اللغه تقو الله في السودان وحافظو على ماتبقى باالود والمحبه


#847959 [الحقيقة مرة]
3.00/5 (2 صوت)

12-05-2013 06:20 PM
السودانيين والحبش كوشيين من كوش بن حام بن نوح اصلا اهل وما محتاجين كوز اسلاموعروبي مستلب مريض وسفاح ابادة عنصري قذر يكون هو ونظامو الفاسد ليهم اي صالح او طالح في علاقة ازلية بين اهل وجيران


#847953 [اسامة على]
0.00/5 (0 صوت)

12-05-2013 06:11 PM
الصورة تذكرنى بى اغنية لاستاذ كابلى
الموز روى
قايم سوا
فاطرك ضوى
ياناس بالنار جسمى انكوى

بسم الله ماشاء الله صلاة النبى احسن


#847950 [abuadeela]
5.00/5 (3 صوت)

12-05-2013 06:09 PM
الى اولئك المتباكين على العلاقة الخصوصية مع مصر , يجب أن تعلموا أن مصر عمرها لم تعتبركم ندا لها بل تعتبركم شوية برابرة بوابين ليس إلا . مصر التى تنازلنا لها عن وادى حلفا أعظم وأجمل وأنظف مدينة فى السودان تلك المدينة التى لم يجد فيها من تبقى منهم متمسكا بأرضه ولا حتى كبلوواط من الكهرباء التى تولدت من مياه السد, هذا فى الوقت الذى ترتبط فيه مصر بشبكة كهربائية مع الأردن والسعودية .
لقد آن الأوان لأن ينظر السودان لمصالحه ومصالح شعبه قبل أن ينظر لمصالح مصر أو أثيوبيا لأنهم يفعلون نفس الشيئ قيقدمون مصالحهم على مصالح السودان وهو الشيئ الطبيعى فى علاقات الدول .


#847898 [quickly]
5.00/5 (3 صوت)

12-05-2013 05:04 PM
بالرغم من تأيدنا المطلق للخطوة ,,, الا انها تأتي هنا من جانب البشير في اطار الممحكات والمكايدات بين اسلاميي مصر والكيزان من جانب و بين السيسي ,,,
الكيزان والاخوان عمرهم ماكانوا عندهم تفكير لمصلحة الوطن ,,, وولائهم فقط للتنظيم

والمواطنون الذين قتلوا اليوم على الحدود المصرية وماعندهم ذنب ,,, هذة اول ردود الافعال من الجانب المصري لمكايدات البشير للسيسي ,,, والمصريين غدارين بطبعهم
هل ستطالب حكومة المؤتمر الوثني بالقصاص لمقتلهم من الحكومة المصرية ,,,, ام سيسكتون كالعادةوالموضوع يقفل ,,,, ويتنسى كسابقاتها ؟؟


#847878 [خط هيثروا]
5.00/5 (4 صوت)

12-05-2013 04:46 PM
يا اخوانا حقيقة الحبشيات اجمل من المصريات عشان كدا خلونا مع الحبش


#847871 [ZA HAGAN]
5.00/5 (1 صوت)

12-05-2013 04:41 PM
LET US FIX OUR PROBLEM WITH THE THE SOUTH FIRST , MR. BASHIR IS NOT KNOWELEGABLE ENOUGH TO TALK ABOUT HISTORY , PLEASE LEAVE THIS SUBJECT TO THE HISTORIAN , WITH MY RESPECT TO OUR ETHIOPIAN FREINDS THEY JOY OF OUR FRENDSHIP BECAUSE WE ARE DIFFRENT .


#847762 [ود جبل حلة]
5.00/5 (5 صوت)

12-05-2013 02:49 PM
مافي حاجة غطست حجرنا غير تلصقنا في العرب وهم بنفروا مننا


#847758 [AburishA]
2.00/5 (3 صوت)

12-05-2013 02:42 PM
عدم مساندته لسد النهضة في البداية كان مساندة لمحمد مرسي كتنظيم اخواني... ومساندته الان نكاية مبطنة لحكومة مصر الحالية التي قلبت لهم الموازين..وأدارت لهم ظهر المجن!!!!
أما موضوع فتح الحدود و..و.. فهي كلمة حق اريد بها باطل...خطة الكيزان هي ازاحة المواطنيين الاصليين بشتي السبل..(ليتخارج) واحلال أجانب سواء من الحبشة وارتريا او دول غرب افريقيا ومنحهم الجنسية السودانية كاستراتيجية متوسطة المدي...لزوم الولاء والفوز في اي انتخابات مستقبلية (الكنكشة في السلطة).. لقد بدأ الكيزان في تغيير الجغرافيا السكانية بدافور وهي مستمرة بخطوات حثيثة...وبدأت منذ فترة بالتدرج في شرق السودان ومدن السودان الاخري بما فيها أحياء في الخرطوم تمت (حبشنتها)!! وشوية شوية الى ان يجد السوداني الاصيل أجنبي في بلده...خطط شيطانية!!!!


#847697 [ودالعوض]
5.00/5 (10 صوت)

12-05-2013 01:47 PM
كثير من الأخوة المعلقين ضد الزيارة وضد السد الأثيوبي ليس الا كرها في البشير خصوصا من المرتبطين بمصر لأسباب نعرفها من وراء السطور. السد الأثيوبي رمز انجاز لأثيوبيا ووسيلة ترقية عالية لشعبي السودان واثيوبيا ووسيلة لنهضة الأمتين فدعونا من المصريين اللذين سرقوا ماءكم امام اعينكم لمدة تسعين عاما وانتم تنظرون ليس الا لخنوعكم وطيبتكم الزائدة عن المطلوب مع استهتارهم واستخاففهم بكم. فأذا كان هذا الموقف من البشير بصرق النظر عن دوافعه فأننا نؤيده اي مشروع السد ونتمي انتهاؤه في اقرب وقت فقد ولي زمن الأستصغار والأستفزاز من ناحية اولاد فرعون وصدقوني هم شعب او خليط شعب انتهازي مستغل يريد ان يتمرغ في ماء النيل دون رقيب او حسيب والي الأمام اثيوبيا ونحن ابناء السودان الأصلاء معك وليتنا نتعلم منك كيف تكون الشعوب التي تعمل في صمت وبلالمناسبة فهمت اخيرا ان اثيوبيا تبني السد من مقدراتها الذاتية دون اي قروض واموال من الخارج يعني انجاز عالمي بجهد محلي من ابناء الشعب مبروك لكم ياشعب النجاشي ونحن معكم


ردود على ودالعوض
United States [MAHMOUDJADEED] 12-05-2013 06:34 PM
ده الكلام ... ينصر دينك .


#847688 [جلباق]
3.00/5 (2 صوت)

12-05-2013 01:38 PM
دا كلام مغلوط اننا أصلنا أحباش و الموضوع تملق فقط . نحن أصلنا نوبيون و اختلطنا مع العرب و كونا خلطتنا الخلاسية . الأحباش هم في أصلهم من العرب القدماء لأن قبيلة ( حبش ) كانت هاجرت من جنوب الجزيرة العربية بعد انهيار سد مأرب و هجرة القبائل اليمنية شمالا في الجزيرة العربية , و كانت قطعت البحر الأحمر عند مضيق باب المندب , و قد اختلطت قبيلة حبش مع الأهالي الأفارقة و كونوا خليط خلاسي مثلنا و من هنا جاء الشبه بيننا !!!!


#847657 [ابونادين]
5.00/5 (5 صوت)

12-05-2013 01:13 PM
خطزة مباركة ان نتكامل مع اثيوبيا في الربط الكهربي في نفس الوقت الذي تتجه فيه مصر للربط الكهربي مع السعودية ودول الخليج وتقول ان امن الخليج هو امن مصر!!!!


#847581 [khalid]
5.00/5 (6 صوت)

12-05-2013 12:10 PM
كهربة الحبش حاضرة مش زى كهربة السد العالى المنتظرنها من زمن عبود فالحبيب البشير ستروه اهله الحبش من الذلة بسبب اسامه واولاد بمبة ولاول مرة يتبنى راى سديد وإن كان لا بد منه ..... يا اخى الحبش ديل معلمين .....


#847554 [رانيا]
3.00/5 (4 صوت)

12-05-2013 11:44 AM
وسد مروى ده ما قالوا فيهو اخطاء طيب لزوم الزيارة شنو? علي كل بكرة المصريين يدوه علي راسو ويبلع الكلام عن مساندته لسد النهضة . .هكذا يجرى التعامل مع رئيسنا.


#847546 [ابوبشير]
5.00/5 (3 صوت)

12-05-2013 11:38 AM
انا ماعارف البلد ده مشكلتها شنو ؟ ليه دائما محرومه من حدود معروفه ومحترمه من كل الدول تعبنا من حكاية الحدود المرنه ومناطق التكامل والانصهار والشنو ماعارف ياخى أول شئ نعرف حدودنا وين نحترمها ونصونها وبعدين نشوف التعاون وكفاية تلصق بدون فائدة وانا خايف اكون عمك اتنازل من الفشقه ( الله يفشقك فى خابور ) عامل راسك الماكن ده


#847542 [radona]
3.00/5 (3 صوت)

12-05-2013 11:35 AM
هذا خطأ كبير جدا جدا
ويعتبر الخطأ الثاني للانقاذ بعد نيفاشا المشئومة التي وقعت بمنتهي البلاهة والغباء وهاهي الحكومة تعيد الكرة مرة اخرى .. المؤمن لا يلدغ من جحر مرتين على ايتها حال ..
حسابات خاطئة تماما وآنية وكل ماتنظر اليه الحكومة هو منبر اديس ابابا للحوار مع المتمردين الذي تتمترس خلفه خوفا من قرارات مجلس الامن والمحكمة الجنائية وتؤيد هذا المشروع الصهيوني الاستراتيجي في اطار حرب المياه القادمة .. في المقابل تكون الحكومة قد فتحت جبهة عداء مستحكم مع مصر التي تدرك مدى خطورة هذا السد واثره عليها وعلى السودان في الوقت الذي تتحالف فيه مصر والسعودية وبعض الدول العربية والعالمية لاسقاط انظمة الاخوان المسلمين الناتجة من الربيع العربي
كان من الافضل ان يعلن السودان تحفظه لا سلبا ولا ايجابا ولا يندفع الى هذا التاييد الاعمى الذي سيثير عليه بعض الجهات ولن يكون مكان تقدير اسرائيل الصهيونية التي ما تزال تطمع في الحصول على المزيد من السودان وتدعم متمرديه غؤبا وجنوبا حسب افادة الحكومة السودانية بذلك
هكذا يعطي السودان كل شئ بدون مقابل وبكل بلاهة وغباء ونتيجة حماقة وقتية لا يفوق منها الا حينما يواجه الفشل بعد الفشل .. مازال السودان يتجرع سم نيفاشا المتمثل في الانهيار الاقتصادي والبروتوكولات الثلاثة الملحقة بنيفاشا رغم ان نيفاشا تنص ان الحدود هي حدود 1956م ..
سيبكي السودانيون يوما دما وحسرة على مياه النيل كما يبكون الان على جنوب السودان والبترول الذي اكتشفه لهم المرحوم الرئيس نميري عليه رحمة الله ..


#847523 [مهاجر]
0.00/5 (0 صوت)

12-05-2013 11:12 AM
السيدة وداد بابكر حرم السيد الرئيس لسع ماشبعتوا.


#847508 [مهاجر]
5.00/5 (4 صوت)

12-05-2013 10:59 AM
سند النهضة اصبح واقعا وسواء ايده البشير ام لم يؤيد سيان .


#847501 [عام سقوط الجرذان]
5.00/5 (1 صوت)

12-05-2013 10:52 AM
حاكم ليك عشرو مية سنة لسة ما تعلمت الدبلوماسية فائدة مصر ما بتحددها أنته سيب الدناحة واتكلم عن دولتك الكوزو حرامية دي لحدي ما نشوف شغلتنا معاك بس المرة دي ما تدسى وتعمل فيها إنك بتقود العمليات من مخبئك لأنو ما أفتكر بيت الطيب النص كان فيهو غرفة قيادة أركان.


#847500 [حقاني]
5.00/5 (1 صوت)

12-05-2013 10:51 AM
ما ده كلامي زاتو ياأبكرونا...لمن قلنا انو معظم اهل السودان من أصول حبشية طردونا من السودان...!!وانا احترم كل الشعوب لكن اسأل أهلك ما دايرين يعترفوا ليه؟؟؟!


#847408 [wad]
5.00/5 (7 صوت)

12-05-2013 09:40 AM
يادوب عرفتو انكم اصلكم حبش يا ناس من زمان انتو حبشه من زمن اكسوم والنجاشي عليكم الله هسي انتو اقرب في الشبه للحبش ولا بتشبهو المصريين من زمان تكامل بين مصر والسودان وعاجباكم اللون الابيض ده ساي لكن لابتشبهوم ولا جنبهم ساي لو كان من زمان اتفقتو مع الحبش كان هسي بلدكم دي مشت قدام موش مصر الغير ما تنهبنا مع عملت لينا حاجة حتي خزان جبل اولياء العملو لينا لا بخزن موية ولا كيلو كهرباء واحد بولد لينا هسي ديل الخزان العملو لسه ما افتتحو ادونا كهرباء


#847403 [أسمر جميل فتان]
5.00/5 (3 صوت)

12-05-2013 09:37 AM
لكل زمااااان مقال ولكل وقت آذان.....
------------------------------------------
الراجل ده لسه من زمن الخطب بهذه الطريقة الرعناء وكانه يخاطب في العهود الوسطي من التسعينات القرن الماضي يا اخي حرااااام عليك رجعتنا لوراء مليون سنة لان الخطب هذه في ظل التقدم التقني اصبحت تفند وتدرس وبيجلسوا فيها ايام واسابيع عشان يستخلصوا منها توجه الخطيب على المنبر ويفندوا الاقوال والايماءات والهتافات لانها تعبر عن لسان حال الخطيب .... كيف وهو يعتبر رئيس دولة... يا راجل الكلمة محسوبه عليك وانت ما قادر تمسك كلامك وقادر تفهم انو طريقتك دي غلط في الخطب السياسية من 25 سنة يعني عاوز تقعد كم سنة وتتعلم
------------------------------------------
كلما ما تطلع يا بشه وتقول كلام بتخرب حاجه ويقعدوا الجماعة في السلك الدبلوماسي يوضحوا ويشرحوا ده لو قدروا يعملوا حاجه وبكره بجيك السيسي ولا منصور ولا تمشيليهم وتخرب من ناحية تانية وبكره يجيك الايرانيين تحتفي بيهم وتمشي للسعوديين تتمسح فيهم بكره برضو بتشتم اميركا لو الجنوبيين دخلوا منطقة سودانية وبعد شوية تطلب منهم تاشيرة!!!!
------------------------------------------
والله نفسي اسال سؤال انت يا بشه شايت على وين؟ وماشي وين؟ وجيت من وين اصلاً؟......
وده منو العلمك السياسة دي يا ابن الحلال انت وراك شعب وشعب ما هو هين يا اخي حدد انت تبع اي اتجاه وعاوز ترضي منو ولا منو الله يصلح حالك!!!!!!
----------------------------------------
اي شي في الدنيا له تاريخ انتهاء للصلاحية وانت يا عمنا وصلت هذه المرحلة من التفكير المتنازع والحكومتين العندك في البيت ارحم نفسك وارحمنا وودع الجماعة وودع نفسك وخت المايك واتخارج يا اخي
فقد وصلت في مرحلة الخرف السياسي وكفانا خمسة وعشرين سنة من الالم والصراعات والانفصالات

يا البشير عذبتنا
يا البشير كرهتنا


#847385 [مراقب]
5.00/5 (2 صوت)

12-05-2013 09:28 AM
زمان كانوا بقولوا بعد انشاء سد مروي حا نصدر الكهرباء لغاية سوريا هسي بقوا يفتخروا بانهم استوردوا كهرباء من برا لا حول ولا قوة الا بالله


#847322 [الكاهلية]
5.00/5 (4 صوت)

12-05-2013 08:56 AM
لا يهمنا ان كان ثور او حمار
لكن هذا هو التصرف السليم
بغض النظر عن نظرتنا في هذا الرئيس الا ان المصريين لا يستحقون الوقوف معهم
انهم اغبياء اغرقوا لنا مليون نخلة واكثر من 20 قرية ومدينة ولم نستفد من السد العالي
بل قاموا باحتلال حلايب
تباً لكل من يقف مع مصر المحتلة مصر الجبانة مصر ناكرة الجميل
ان مصر لنا فيها اهل قربى فهم النوبة وهم سكان مصر الاصليين فالتحية لهم
دعك عن بقايا اليهود وبقايا جيش الصحابي الجليل عمرو بن العاص وبقايا الغجر والترك والشركس والمماليك
فلا نامت اعين الجبناء
ونفديكي يا حلايب بارواحنا ودونك انفسنا واهلينا


#847316 [عبد الواحد الميت من الاستغراب ولا معين!!]
3.00/5 (2 صوت)

12-05-2013 08:54 AM
أنا نفسى أشوف وداد بابكر وهى مبتسمه ومقبله على الحياة والوليه دى كان لاحظتوا دائما (مخلوعه..وكأنها ما مصدقه إنها سيدة السودان الاولى .. بعدما أدت فاطمه الامين ..كتف..)..اما بخصوص موضوع الخبر فهذا شأن مصرى والبشير بينفذ ما أمره به التنظيم العالمى الذى تحت سيطرة جماعة اخوان الشياطين وهم يسعون الان إيجاد مبررات لايقاع خلافات بين دول الجوار من الناحيه الجنوبيه بهدف تشتيت جهود القوات المسلحه المصريه التى تحارب الان فى سيناء والمشغوله ايضا بالجانب الغربى!! وكهربة شنو المهموم بيها البشير؟ كل ما فى الامر وكما ذكرة البشير هو عبد المأمور ويتصرف دون أى تفكير طالما سعيه سيؤدى فى النهايه لاقامة دولة الخلافه المزعومه والقضيه ما قضية كهرباء بل هى أكبر من فهم هذا الابله الذى لم يفهم حتى الان أين تكمن مصالح البلاد!!.


ردود على عبد الواحد الميت من الاستغراب ولا معين!!
United States [جنرال زمان] 12-05-2013 01:16 PM
ولا تموت من الاستغراب ولا حاجة. دي من بيت الطين بتاع برهومة المقبور وطبخ التكل وغرف البلاعة وفجأة لقت نفسها ساكنة في بيت نميري العمرها ما كانت تحلم تجي مارة جنبه مع الدلوكة المكلوج دا (بس ثوبها شديد لكن للأسف عايز ليه شماعة مليانة مش زي الملط دي). لعنة الله علي الكيزان

United States [جنرال زمان] 12-05-2013 01:11 PM
مل تستغرب يا مستغرب لأنه دي ابراهومة المقبور كان معيشها في أوضة جالوص وتكل والمغرب تغرف البلاعة النتنة وجاء المكلوج الما مصدق دا ولعبت عليه وهاك يا لغف ولو فتح خشمه تقول ليه دا حق أولاد برهومة وإنت أولادك وين يا معلم؟ عشان كدا هي مخلوعة وحتظل مخلوعة لمن تلاقي عزرائيل وهاك الخلعة الكبيرة في جهنم هي ومن معها. (بس الثوب رهيب وعايز ليه شماعة مليانة مش شماعة ملط)


#847309 [mohd]
5.00/5 (2 صوت)

12-05-2013 08:49 AM
(نحن أصلا شعب واحد، والسودان جزء من منطقة الحبشة الكبرى، التي كانت تضم الصومال وجيبوتي وإريتريا وإثيوبيا، لكن الحدود التي وضعها المستعمر هي التي فرقتنا)

هذه دعوة مطبنة وخيانة عظمى لاحتلال البلد واستبحاتها قلتها يا خسيس للمصريين ولم يقبلوها منك تملقت لهم بالحريات الاربع واعطوك بالجزمة والان جايي تقولها للاحباش ؟ الاستعمار وضع حدود في السودان فقط كي تقول هذا الكلام يا عاجز الفكر والرأي ، انت عايز ترمي البلد لاي بلد ثاني يحتلها ولكن هم مشاكلهم مكفايهم انت واحد باطل رمة خايب شحات لص حرامي فاسد ونشرت الفساد والاجرام وضيعت دين الناس وضيعت البلد ضيعك الله في الدارين


#847246 [نبض التعب]
4.75/5 (5 صوت)

12-05-2013 07:59 AM
مساندة هذا التور لأثيوبيا ولسد نهضتها تنفيذ لأوامر تنظيم الحركة الأخوانية العالمية التي يتزعمها القرضاوي وربيبته دوبلة قطر ، ودلالات هذا التصريح وظهوره علي السطح لأول مرة بصورة رسمية يؤكد أن العلاقة بين العصابة الحاكمة وحكومة مصر ساءت وبلغت من السوء ذروتها بعد طيّ مصر لموضوع خلايب والتي كان الرئيس المخلوع مرسي يريد إعادتها للسودان ، وبما أن منْ يحكومننا أضعف وأوهن من بيت العنكبوت تجاه مواجهة مصر الرسمية في المطالبة بأرضنا المنزوعة منّا عنوة وإقتداراً منذ عام 1995 على إثر محاولتهم الخائبة والفاشلة بإغتيال الرئيس الأسبق محمد حسني مبارك بأديس أبابا ، لذا جاء إعلان التور البشير بمساندته لأثيوبيا والتي بدلاً عن مواجهتها ومطالبتها برفع يدها عن منطفة "الفشقة" نراه يتودد وينكسر لها بهذا الموقف المخزي والغريب.

عموماً فإن في موقف التور هذا فائدة كبرى تتمثّل في أن مصر ستلجأ لإستخدام ملفات صعبة وعصية على نظام التور الحاكم أقربها و"أسهلها" فتح زراعيها للمعارضة وخصوصاً المُسلّحة وهذا ما لن يستطيع التور المجرم تحمّله وقبوله مما يقوده لـ(الإنبراشة والإنبطاحة" للمصريين وسيهرول نحوهم جرياً وزيارتهم للإعتذار وتقديم فروض الولاء والطاعة لهم وسيعود على عقبيه "لاحساً" كعادته تصريحه الغبي المساند لأثيوبيا ولسد النهضة التي تعمل مصر بكل قواها اللوجستية على عدم إنشائه.

كما أن التصريح ومن زاوية غير مرئية يشير بجلاء أن سد مروي ما هو إلاّ دعاية ضخمة روّج لها النظام الدموي مثله مثل شعارها الشهير المرفوع في بداية إنقلابها القائل: (حنشيّد نحنا بلادنا وحنفوق العالم أجمع .. فلنلبس مما نصنع ولنأكل مما نزرع) .. فالتور بإعلانه أن السودان سيستفيد من كهرباء سد الأحباش نسف بذات اللسان الذي ما تعوّد إلاّ الكذب ما قاله يوم عبثية إفتتاح سد مروي أن كهربائه ـ أي سد مروي ـ سيتم تصدير الفائض منها لدول الجوار وحدد منها أثيوبيا وأريتريا ، وهاهو "الكضّاب" يقر ويعترف ودون أن يرمش له طرف بحاجته لكهرباء "خارجية" لتضخ في شرايين أسلاك توربيناته ومحطات كهربائه الواهنة والموشكة على التوقف!.

غايتو .. ربنا إبتلانا برئيس تور ــ ومعذرة للثور هذا الحيوان الجميل والنافع ــ لا يعتلي المنصة إلاّ لتسويد وجهنا وإحراجنا مع العالم الخارجي الذي يفهم حقيقة واحدة أنه (وجه السودان) والمُعبّر عن مكوّنات شعبه الفكرية والعلمية مع أن شعوب العالم لا تدري أن التور كل مؤهلاته لا تتعدّى الغدر والخيانة والكذب .. لعنة الله تغشاك يا تور الله في برسيمه!.


ردود على نبض التعب
[عماد الدين سيدأحمد] 12-05-2013 11:41 AM
والله يانبض التعب ماتور ألا أنت لأنك نصف زول وماعندك وطنية يعنى مصر حتعمل فينا أكثر من العملوا فينا الامربكان خلى يحلوا مشاكلهم أول ماكفاية معاداتهم لنا من زمن الاستعمار والنظرة الدونية التى ينظرون بها لكل سودانى ودعمهم للتمرد فى السودان من قبل جون قرنق الى الان( يلا بلا لمه)

United States [القعقاع الفي القاع] 12-05-2013 10:26 AM
صدقت فهو الكذاب, و ليس بعد الكذب مزمّــة. تبا للكذاب السفاح

United States [سوداني أصيل] 12-05-2013 09:46 AM
اقتباس: (المطالبة بأرضنا المنزوعة منّا عنوة وإقتداراً منذ عام 1995) والله أنا ما عرفتك إنت مصري ولا سوداني. لابد أن تفرق بين الوطن والحكومة وما تقول منزوعة مننا عنوة واقتدارا يا أكبر تور إنت.


#847239 [حقاني]
5.00/5 (4 صوت)

12-05-2013 07:53 AM
بأمانة كده حسع في فرق بين الخلقتين ديل؟؟؟! ما قولنا ليكم اصلكم حبش ما دايرين تصدقوا؟؟؟ ليه أنا ما قادر اعرف!! الحبش ما لم؟؟ طيب ما دايرين تصدقوا جيبوا صورة البشير مع رئيس اثيوبيا السابق ملس زناوي!! وتعالوا غالطوني!!! على قول المثل الماشاف شبهو رب العباد قبحو...


ردود على حقاني
[حقاني] 12-05-2013 01:41 PM
ما ده كلامي زاتو ياأبكرونا...لمن قلنا انو معظم اهل السودان من أصول حبشية طردونا من السودان...!!وانا احترم كل الشعوب لكن اسأل أهلك ما دايرين يعترفوا ليه؟؟؟!

[حاج ابكر] 12-05-2013 10:05 AM
يا حقانى الحبش من اعظم شعوب الارض حضاره و تاريخ و مفخره لافرقيا قاطبه لو نحن حبش المشكله شنو بعدين كل الممالك السودانيه كانت ذات صله قويه جدا بالحبشه و تواصل حضارى قديم وسيمتد بس انت ما تحكم على اثيوبيا بسلوك بعض مواطنيها بالخرطوم ديل عايشين فى ظروف خاصه
حقو نزيد الحقانيه شويه بقريت التاريخ بعدين نعريف صليحنا من عدوناو الله من وراء القصد.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة