الأخبار
أخبار إقليمية
تخصيص أراض سكنية واستثمارية بولاية الجزيرة لمنسوبي الجالية السودانية بحائل بالسعودية
تخصيص أراض سكنية واستثمارية بولاية الجزيرة لمنسوبي الجالية السودانية بحائل بالسعودية



12-05-2013 10:38 PM
(سونا) وعد المهندس مصطفى عدلان عبد الله ، وزير التخطيط العمراني والإسكان والمرافق العامة بولاية الجزيرة بتخصيص أراض سكنية واستثمارية لأفراد الجالية السودانية بمنطقة حائل بالمملكة العربية السعودية وذلك بعد إجراء المسوحات الهندسية لها وتحديد مواقعها .
جاء ذلك لدى لقائه بمكتبه بمدينة ودمدنى مؤخراً رئيس الجالية السودانية بحائل ، الأستاذ حيدر محمد طه ناصر ، بحضور مدير الاراضى بفرع جهاز المغتربين بولاية الجزيرة، الأستاذ نور الدين حسن البدرى ، حيث بحث اللقاء استحقاقات أفراد الجالية من الاراضى السكنية والاستثمارية .
إلى ذلك اقر الوزير بحقوق أبناء الجالية في الاراضى ، وثمن دور أبناء السودان بالخارج عموماً ، ودور أبناء الجزيرة بالخارج بصفة خاصة في دعم وتنمية الولاية .
و من جهته تقدم رئيس الجالية بالشكر للدكتور كرار التهامي ، الأمين العام لجهاز تنظيم شئون السودانيين بالخارج والأستاذ ازهرى محمود سليمان ، مدير جهاز المغتربين فرع ولاية الجزيرة ، لإسهامهما الكبير في إنجاح اللقاء والخروج بنتائج مثمرة تصب في مصلحة أبناء الجالية السودانية بمنطقة حائل بالمملكة العربية السعودية .


تعليقات 9 | إهداء 0 | زيارات 3491

التعليقات
#848949 [samy]
0.00/5 (0 صوت)

12-07-2013 03:16 AM
ياوزير السجم والرماد ليه الاراضي فقط لناس حائل اصلهم هم حايلين ولاشنو ياوزير الغفلة اهل الجزيرة منتشرين في كل بقاع العالم وانتم شردتوهم من حواشاتهم وبعتوا المشروع ياكلاب ياحرامية طيب عندي سؤال أنا من جالية الرياض ممكن تدوني ارض ناصية اكون جار لناس حائل ديل


#848747 [أحمد السوداني]
0.00/5 (0 صوت)

12-06-2013 08:40 PM
لي هي الأراضي دي حقت أبوك تقسم ساكت مفروض يكون في تحديد لتقسيم الأراضي في الجزيرة وتقسم فقط لأبناء الجزيرة فقط للمغتربين من أبناء الجزيرة مش أي مغترب يدوه أرض في الجزيرة .. أصحى يا بريش .. يعني الوزير دا ممكن يقسم الأراضي دي كلها لي أهله وناس الجزيرة يطلعوا ملوص .. ياهو داالإنقاذ


#848718 [سودانى من حائل]
0.00/5 (0 صوت)

12-06-2013 07:52 PM
خبر حلو شديد من زمان بدور على ارض خلاص من بكره امشى احجز وان شاء الله كمان تكون بتقسيط المريح ده الشغل الصح ايوه كده يارئيسنا لا ما بقصد البشير ماقصرت مشكور لفزعتك بالسعودى لمقيمى حائل عروس الشمال السعودى تسلم يا رئيسنا ؟؟؟؟؟؟؟؟؟؟؟؟؟؟؟؟؟؟؟؟؟


#848243 [حسن ود برى]
3.00/5 (2 صوت)

12-06-2013 07:15 AM
اعملوا حسابكم ياناس السعودية لو فى حائل او اى منطقة فى السعودية الجماعة خلاص كيسهم بقى فاضى قالوا نمشى ناس السعودية نبيع ليهم الهواء فى قزاز قروشكم تعبانين تلقطوا فيها عمركم كله ماتكبوها فى البئر الكبير زى الجب دا والله لاتلقوا ارض ولاتلموا فى قروشكم يركبوا فيكم سنبك وماسورة زي بتاعة ليبيا لهسع لا اراضى لاقروش واسألوا ناس ليبيا زمان ولمعلوماتكم انتوا بعاد من السودان الاراضى فى الخرطوم مش الجزيرة ماشة تدق الدلجة ادوهم بس سته شهور لانه اسعارها غير حقيقية واصبحت استثمار غير مضمون ولا مربح والا ليه الكيزان الحرامية اولاد الهرمة بيشتروا فى ماليزيا ودبى والصين واوروبا وامريكا لانهم ناقشين الفيلم اعملوا حسابكم ولاعذر لمن انذر والسلام............


#848227 [مزارع]
0.00/5 (0 صوت)

12-06-2013 04:08 AM
اذا رايت سنون الجكس بارزة .... فلا تظنن ان الجكس قد فصل
السودان اكبر من جاليه حائل واكبر من قطع الاراضى
واى علاقة بين الجاليات والنظام علاقة مشبوهة ونتنه ولا يتشرف بها الشعب .
السودان فى كف عفريت يكون او لا يكون تقول لى قطعة ارض .
العلاقة الوحيدة التى نسمح لجالية حائل بها . ان تكون بعد ارجاع المشروع كما
كان وبعد المحاسبه على التقاوى الفاسده وارجاع بركات والهندسة الزراعيه
والبحوث الزراعيه وسكة حديد السودان وبعد كده لو المهندس عدلان عزمكم
عشاء سمك فى حسن جاد الله ماعندنا مانع ..


#848166 [ياسر]
0.00/5 (0 صوت)

12-06-2013 12:52 AM
ديل بيكون جابهم ليه صديق الطيب علي وزير المالية ( بياع البيض ) أخو الشهيد مصطفي الطيب علي لأنه هو منصب نفسه خبير في الشؤؤن السعودية ووصي علي المال العام .... وقال ليهم طالما أزهري خلف الله جاي انا تاني ما بقعد في كرسيني دا أخير تعالو شوفو ليكم إنشاء الله قطعتين تلاتة لانو فضل يومين بس . وانا حا أرجع معاكم السعودية أهو تشغلوني وتشكروني . دا الحاصل بالضبط ولومكم علي كان طلع كلامي غلط .


#848157 [الحركة السودانية للحرية والعدالة]
2.00/5 (1 صوت)

12-06-2013 12:31 AM
متين حا نسمع بتخصيص أراضي سكنية واستثمارية بولاية الجزيرة للجالية المصرية بمنطقة أبها والجالية الأثيوبية بمنطقة الجوف والجالية اليمنية بمنطقة جيزان؟؟؟؟ ما خلاص الجزيرة بقت أرض نسوان ما فيها رجال، لو فيها رجال ما قامت الطغمة الفاسدة بتدمير المشروع ونهب ممتلكاته، لو فيها رجال ما سكتوا سكوت القبور وأرض الجزيرة تباع وتسرق في وقت معظم سكان الولاية لا يملكون أرض سكنية في ولايتهم، لو فيها رجال ما عاثت فيها الحكومة فساد ونهب وسرقة، ولكنها ولاية عوين بلا حيلة ولا نخوة، أشباه رجالها ولا رجال حنوا ظهورهم فركب عليها الرجال من كل حدب وصوب.
نحن في سودان اليوم في غابة يسودها قانون الغابة وهو البقاء للأقوى وإن لم تكن ذئباً أكلتك الذئاب، متى سيصبح أهل الجزيرة رجال ويحملوا السلاح لرد الظلم والعدوان، ولا خلاص رضوا بالحقارة والدناوة والذل والمهانة؟ نقول للصوص الذين تبوأوا هرم السلطة وأصبحوا يعبثون بأراضي الجزيرة لن تفلتوا من العقاب، ويوم الحساب قريب وقريب جداً، ووحينها سيكون حسابكم عسير وعسير جداً، وستلعنوا اليوم الذي ولدتم فيه.


#848110 [mohd]
0.00/5 (0 صوت)

12-05-2013 11:18 PM
فبركة القصد منهاالهاء الناس بمواضيع فارغة للاستهلاك


#848090 [الختمى المنشق]
0.00/5 (0 صوت)

12-05-2013 10:47 PM
دة كلام فارغ ساكت ولحظي
كلكم حرامية
الظاهر الوزير كان شغال في حائل
ولماذا ناس حائل اذا كان هنالك اراضي
شوف شغلتك ياوزير ومافي هنالك اراضي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة