الأخبار
أخبار إقليمية
د.يوسف الكودة يكتب : في ( وحدة الدجل والشعوذة بجهاز الامن السوداني)
د.يوسف الكودة يكتب : في ( وحدة الدجل والشعوذة بجهاز الامن السوداني)
د.يوسف الكودة  يكتب : في ( وحدة الدجل والشعوذة بجهاز الامن السوداني)


12-06-2013 01:48 PM
كتب الدكتور يوسف الكودة على صفحته بالفيس بوك :

وانا من الطائره المصريه وتحت قبضة خمسه من ضباط الامن ومن علي السلم وقبل ان تحط رجلي علي ارض المطار قال لي احد الضباط وهو صاحب لحية كثه وبنطال قصير ونحن في طريقنا الي المعتقل : ( ما كنا نتوقع من شيخ مثلك يفعل ذلك ) فقلت له وعلي الفور : ( اسكت يا مرتزق ) فرد مندهشا : كيف ؟! فقلت له : كيف تستطيع ان تستمر علي وظيفتك هذه ان لم يسمعوا منك وانت توجه لي مثل هذا القول فتدخل مباشرة احد العقلاء منهم مهدأ للأجواء وانا بعد الوصول ومن مكتبهم بالعمارة والي مكان غرف الاعتقالات فإذا بشاب وسيم لا يتجاوز عمره الثلاثين يقف من داخل غرفته ممسكا بالباب من الداخل ويتحدث وبصوت عالي مرة باللغة الانجليزية ومرة بالعربيه ولساعات طويله.

ويكرر ذلك يوميا وبعد ايام سألت احدهم ممن كان يحسن المعاملة لي : الزول ده مالو ؟ قال لي : مجنون فقلت له : والأمن ماله ومال المجانين ده مكانه مستشفي التجاني الماحي فقال لي : جن هنا ثم أردف قائلا : يا مولانا ديل ما الناس ألما بصلوا ولا بحصنوا رقبتهم
ثم علمت وبعد ذلك وللأسف الشديد ان هذا الجهاز ما يطلق عليه بجهاز الامن والمخابرات يتعامل مع مشعوذين وسحره لإيذاء المعتقلين وكان ذلك الشاب من ضحاياهم فيرسلون المردة من الجن والشياطين والعياذ بالله لإيذاء المعتقلين.

ووالله العظيم ثلاثا لو حدثتكم بمحاولاتهم من ذلك مع شخصي لطال المقام ولكني توفقت بعون الله من هزيمتهم شر هزيمه ورد كيدهم في نحرهم بكل من سورة البقره وآل عمران وآية الكرسي وأذكار وتحصينات اخري كثيره.

اني اعرف ان بعضا من الناس لا يؤمن بذلك ولكني أؤمن به تماماً كايماني بالله عزوجل وبرسوله صلي الله عليه وسلم
ولولا وصايا بعض الصحابه ومنها : ( حدثوا الناس بما يعرفون أفتريدون ان يكذب الله ورسوله ) لحكيت لكم العجب العجاب مما جري لي من محاولاتهم هذه تجاهي
ولكني خرجت من المعتقل بحمد الله بزيادة من الإيمان علي ما عندي من ايمان بالقرآن ومعجزاته
والحمد لله رب العالمين


تعليقات 40 | إهداء 0 | زيارات 15106

التعليقات
#849679 [طه]
0.00/5 (0 صوت)

12-07-2013 05:02 PM
ى شيخ


#849573 [ثقب الازون]
0.00/5 (0 صوت)

12-07-2013 03:00 PM
يا كودة بالله اطلع منها ومن حكاية الجن والشعوذة انت جنك كان في المال والسلطة وهسع راحت عليك واخوك مبارك كان داي ياكل مع التمساح الكبير المتعافي في كركر لكنه يعطي الفتات ولايقب بقسم الكيكة معي احد والله انا من دجل اولئك الشوخ امثال اولاد الكودة وغيرهم بقت تجيي ارتكاريا من الملتحين


#849314 [محمد حسن أحمد]
0.00/5 (0 صوت)

12-07-2013 11:38 AM
يا شيخ الكودة الشاب الذي جن يكون سببه هول مارأى وسمع من أصناف العذاب البدني والمعنوي على يد هؤلاء الكلاب الضالة والذي ربما يكون قد وصل حد قتله معنويا بإنتهاك شرفه وامتهان كرامته وهتك عرضه فما يفعله هؤلاء يعجز ويستحي عن فعله شياطين الإنس والجن فالرجل قد يكون جن بسبب الصدمة التي تعرض لها لأنه ما كان يعتقد أن يكون السودان الذي كان مشهودا لأفراد أجهزته الأمنية على وجه الخصوص والشرطية والعسكريه على وجه العموم بسماحة الأخلاق والعفة والشجاعة والأمانة والمروءة أن يكون وصل إلى هذا المستوى من الإنحطاط الخلقي والديني والشذوذ والإنحراف والفساد


#849310 [Abu Areej]
0.00/5 (0 صوت)

12-07-2013 11:35 AM
يا دكتور لك التحية.. ولكن اعتقد الجن يستعين بهؤلاء وليس العكس


#849294 [ابو مازن]
0.00/5 (0 صوت)

12-07-2013 11:29 AM
ديل بيستعملو السحر والجن قعدو 25 سنة لو كانو بيخافو الله وماشين عديل يحكمو كم سنة؟؟ دكتور الكودة شايف التعليقات منها من هو ساخر والبعض غير مصدق لانك زكرت خطوط عريضة واتهام ولم تاتى باى برهان ودليل طبعاً انت رجل مصدق ومحل ثقة. فقط تعطى دليل لتصبح الرواية حقيقية


#849128 [عمران]
0.00/5 (0 صوت)

12-07-2013 09:42 AM
(ولكني أؤمن به تماماً كايماني بالله عزوجل وبرسوله صلي الله عليه وسلم)
هذه العبارة في غاية القبح


#849089 [ابوريدة]
0.00/5 (0 صوت)

12-07-2013 09:10 AM
انت كنت واحد منهم واخوك مبارك ما عرفتوهم الا بعد ما تفلسوا


#848995 [بركل بدري]
0.00/5 (0 صوت)

12-07-2013 06:20 AM
سؤال يا الكودة:

حينما استقبلت الملايين جون قرنق في الخرطوم، وكان الاستقبال التاريخي الذي لم يسبقه شخص سياسي

سوى ببضعة درجات إلى أدنى عودة محمد عثمان الميرغني بعد توقيع اتفاقية نوفمبر 88. بعد اتفاق

قرنق المشهود وقف الشباب يرتصون الصفوف الطويلة أمام دور الجبهة الشعبية في كل مدن العاصمة

مما حيَّر الحكومة فرفعت الحكومة العين التي تغتال كل منافذ الحرية والديمقراطية التي يدعو

لها قرنق؛ في هذه الأحوال لجأت الحكومة إلى "علماء السودان". وفي الأيام التالية أصدر "العلماء"

بياناً قالوا فيه أن من ينضم إلى الحركة الشعبية فهو كافر..

هل كنتَ واحداً من العلماء حين صدور هذا البيان؟


#848953 [Karam]
0.00/5 (0 صوت)

12-07-2013 03:24 AM
جوازك في أيدك وتزكرتك في جيلك ألب يقولك السودان فيه أمل قلوا أمل ديسمبر تبقي أمك


#848926 [اسماعيل عبدالرحمن]
0.00/5 (0 صوت)

12-07-2013 02:02 AM
السلام عليكم والله العظيم وكتابه الكريم وانافى مكة المكرمة لى عشرة سنوات سمعت من واحد صديقى واقسم لى بالله ثلاث انه عوض الجاز بجى العمرة وبنزل فى فندق دار التوحيدالمقابل للحرم مباشرة وبجى الحرم بقابل مجموعات من الفقرا والشيوخ المقيمين فى شارع المنصور وبديهم قروش كتيرة جداجدا وحسب رواية الراوى بقول ليهم ثبتوا الحكم وهم اهل سحر 0 مع 664ايمانى الكامل بان الامور جميعها بيد الله ودا كلام فارغ بس دا الفهم الموجود0


#848915 [Dr. Martin]
0.00/5 (0 صوت)

12-07-2013 01:35 AM
و الله يا كودة أنا احترمك لمواقفك الشجاعةو لتفاسيرك الدينيةالجريئة لكن بعد دا حنعيد النظر ..بس سؤال انت الدكتوراة بتاعتك في شنو؟


#848888 [الرماد الكال حماد]
0.00/5 (0 صوت)

12-07-2013 12:29 AM
لو ده فهم الدكاترة في السودان ويقوموا بتدريس الشباب في الجامعات نقول الرماد كال حماد والسودان فات عليه الفوات


#848853 [المشروع]
5.00/5 (2 صوت)

12-06-2013 11:39 PM
البرلمان السودان (المجلس الوطني) فيه الآن 347 نائب بعد انسحاب النواب الجنوبيين الـ99 وثلاثة جنوبين غير حركة شعبية ونواب الحركة الشعبية من جبال النوبة والنيل الازرق عدهم ثمانية ..
فهمتو حاجة؟
نواب الشعب الـ 351 منهم 112 أمرأة يمثلن 25% من البرلمان السوداني اجازو قانون الامن الوطني عام 2009م انسحب النواب الجنوبيين من الجلسة ولم يشاركوا في اجازة القانون وحيث ان البرلمان به 312 مؤتمر وطني صرف وبه 17 نائب يمثلون احزاب الشتات والفكة وهم في الاصل مؤتمر وطني (ب) ولكن بمسميات اخرى مثل الاتحادي الدقير والامة الفدرالي والامة الاصلاح والتنمية وغيرها صادقوا ووافقوا على قانون الامن الوطني ..ويجيز القانون للامن ان يبحث ويمشي ويفتش ويعتقل - بس انا ما قريت القانون عشان اعرف له فيه الاستعانة بالجن ومردة الشواطين - بسم الله الحمن الرحيم ..
على العموم
يا نواب الشعب هذه تهمة جاهزة من دكتور ولا يريد ان يحدث الناس بما يعرف حتى لا يكذب الله ورسوله يا نواب فيكم راجل يورينا الحاصل شنو؟ فيكم راجل يقدر يقول كلمة الحق ... فيكم راجل يقدر يستدعي محمد عطاء لمناقشته؟
تحقيق الشباب الذين قتلوا في سبتمبر حصل فيهو شنو؟ يانواب الشعب
حسبي الله ونعم الوكيل


#848851 [cour]
0.00/5 (0 صوت)

12-06-2013 11:35 PM
يا خسارة طيب وزير المالية ما يستعين بالجماعة الطيبين ديل فى معالجة الميزانية وكمان ناس الامن ذاتهم مالهم ما يستعينو بيهم فى انهاء الجبهة الثورية .ولا المردة ديل تخصص زنازين . افتينا يا شيخ الكووودة................لك الرب ياوطن


ردود على cour
European Union [نورة] 12-07-2013 01:33 PM
وكمان يشوف ليه مارد كاااااااااااااارب يحول الجنيهات السودانية لى دولارات............ وبلاش فقر

United States [سعد] 12-07-2013 01:03 PM
هؤلاء المشعوذون خليهم يحلوا مشكلة السودان الاقتصادية وكفي

United States [جنيقراي] 12-07-2013 10:21 AM
وزير المالية لديه ٢ فكي بلغة اهل دارفور امبتارة ساكنين معاه في البيت .. وأكد جازما بان اي وزير لديه شيخ او دجال .. وهناك سمسار بتاع شيوخ يذهب بيجيريا وتشاد والنيجر هذا السمسار يسكن سوبا في راقي جدا من الاحياء المرتبطة بإسم مشهور مرتبط بالابادة الجماعية


#848762 [ameer logman]
3.00/5 (1 صوت)

12-06-2013 09:09 PM
حسبنا الله ونعم الوكيل البلد بقت ضيقة شديد ؟ سؤال : كم كانت عدد المجانيين في التعداد السكاني الأخير ؟


#848753 [alihassansalouka]
0.00/5 (0 صوت)

12-06-2013 08:52 PM
في واحد عجلاتي عرف انو الجماعة اغتصبوا شباب من الحزب الشيوعي فاصر بانهم هم من سمحوا لهم بدلك وانه لو كلن مكانهم حا يقمطها و ب ليبور ما حايقدروا يفكوها


#848748 [فيصل محمد خير محمد]
0.00/5 (0 صوت)

12-06-2013 08:41 PM
طيب ياكوده...

صدقناك

ويمكن الاستعانه بالجن والسحره في حكم البلاد والعباد

وهمسة وسر أنا سمعت من رجل اثق فيه أنو أسـامه عبدالله مدور ليهو تيم كامل من الجن والسحره عشان الرئيس ما يشيلو من التشكيل الوزارى الجديد ؟؟؟؟؟؟؟؟؟؟

ماعلينا لو الرئيس فضل في الحكومه أن يفضل اسامه وغيره في الحكومه ...

نرجع للكوده ...

ياكوده الجماعه ديل بيدعموك في الحكومه الجايه ماتخرب علاقتك معاهم ...


#848737 [طوفان]
0.00/5 (0 صوت)

12-06-2013 08:26 PM
يااكارم لكم عاطر تحياتي .كل الشعب السوداني يعرف عن حكاية الفقرة والشيوخ والفكي الكارب والشعوزة والدجل فلا تستغربوا من لجوء بعض ضعاف النفوس والايمان لهذه الوسائل لتحقيق اغراض دنيوية (قال صلي الله عليه وسلم من سحر فقد كفر ) (ولكل داء دواء علمه من علمه وجهله من جهله ) فالتصدي لعمل هؤلاء يتم بالتحصينات الشرعية من المداومة علي قراءة اذكار الصباح والمساء والمعوذات (الاخلاص .الناس .الفلق )ثلاث مرات وقراءة ماتيسر من القران وذلك هو (الصارم البتار في التصدي للسحرة الاشرار )وهو عنوان كتاب للمعالج المصري الشيخ الاستاذ وحيد عبد السلام بالي الذي كان يدرس بالمملكة السعودية واظنه لا زال في هذا الكتاب ذكر المعالج قصص من صراعه مع الدجالين والسحرة وتسليط الجن .وله ايضا كتاب سابق عن العلاج بالقران وفيه قصص ونسيت ذكر اسمه .


#848713 [ساب البلد]
5.00/5 (2 صوت)

12-06-2013 07:41 PM
و الله ما في مردة غير ابوالعفين و جماعتو .. طيب و كت كتبت ما تم الباقي


#848650 [abuadeela]
5.00/5 (2 صوت)

12-06-2013 06:11 PM
ولماذا لاتحكى يامولانا ؟ أحكى وقول فقط للذكرى . قل كل ماتعرفه ومامر بك من تجارب مع أشباه الرجال هؤلاء فالذكرى تنفع المؤمنين . .


#848645 [ود الغرب]
5.00/5 (2 صوت)

12-06-2013 06:06 PM
يا اخوانا قبل كم ستة مش المهندس عثمان ميرغني مش كتب عن علاقة الجن بجهاز الامن في عموده حديث المدينة


#848628 [السم الهارى]
0.00/5 (0 صوت)

12-06-2013 05:29 PM
انت يا كودة عاقل كدة وبكامل قواك العقلية : وعاوزنا نصدقك ؟؟؟؟؟؟


#848626 [ابومروه]
0.00/5 (0 صوت)

12-06-2013 05:25 PM
بس دايرين نعرف عملو ليك شنو كان بشر كان جن يا شبخ الكوده


ردود على ابومروه
European Union [كلو من ديلا] 12-06-2013 07:45 PM
هههههههههههههههههههه عمااااااااااااااايل سوادااااااااااااااااااا


#848611 [لوبين]
5.00/5 (2 صوت)

12-06-2013 05:02 PM
للناس المستغربين الكلام ده هل تعلمون أن وحدة الدجل والشعوذة موجودة في أقوى أجهزة المخابرات في العالم كال CIA و mossad و Mi6


#848605 [كسار الثلج]
5.00/5 (1 صوت)

12-06-2013 04:53 PM
سلامة النظر يا الكودة. أعرف أنك كنت أعور وسط عميان.


#848573 [ابو على النيل]
5.00/5 (3 صوت)

12-06-2013 03:55 PM
فيرسلون المردة من الجن والشياطين والعياذ بالله لإيذاء المعتقلين..
طيب نافع و جماعتو مصنفين شنو..
هسى كدا كويس يا ادارة الركوبة الواحد يرد و ين , و يعلق يقول شنو. .
يا شيخنا انت عندك عسر و لواك فكرى ..


ردود على ابو على النيل
European Union [كلو من ديل] 12-06-2013 07:43 PM
الزول دا يا ابو النيل عندو لواك فكري بس ما لواك بالكاف لواك بالطاء

European Union [طوفان] 12-06-2013 07:03 PM
قرأت سابقا كتاب لمعالج مصري معروف في مصر ورجل متعلم يعالج فقط بقراءة القران ذكر انه قرأ علي مريض مصري فنطق علي لسان المريض شخص اجنبي اوروبي فسأله المعالج ما اسباب تسلطك علي هذا الشخص فقال نحن نرسل من الفاتيكان لاشخاص للتأثير علي عقيدتهم .فأمره المعالج بالخروج فخرج منه وشفي المريض وان ارتم المزيد فمتوفر .(الشخص الاجنبي الذي ذكرته هو من الجن )يدخل الجسم لانه مخلوق اثيري له قدرات علي التشكل .وتمنعه الاذكار والوضوء وقراءة القران من دخول الجسم .


#848564 [حسن سليمان]
5.00/5 (8 صوت)

12-06-2013 03:42 PM
يا دكتور يوسف يا حبيب قد جانبك الصواب في هذا : لا يصاب الشباب بالجنون في سجون الامن بسبب السحر والجن بل بسبب التعذيب والاغتصاب وكل ذلك موثق له من ضحايا وشباب سبق وعملوا بجهاز الامن


#848563 [ودعز]
5.00/5 (2 صوت)

12-06-2013 03:40 PM
ما بعيده عليهم الكيزان ممكن يعملوا اى شىء حتى يبقوا فى السلطة


#848562 [تينا]
5.00/5 (2 صوت)

12-06-2013 03:39 PM
دا كلام غريب وجديد شديد وما بكذبك طال ما حلفت بالله سبحانه وتعالى لكن نريد منك التفاصيل وكيف يسخرون الجن . أعوذ بالله من الدجل والشعوذة


#848557 [نصر الله]
4.50/5 (2 صوت)

12-06-2013 03:31 PM
(قل من كان في الضلالة فليمدد له الرحمن مدا ) صدق الله العظيم --- ذكرتني يااستاذ فكي الحركة الانقلابية لود ابراهيم ورفاقه--- هؤلاء يعملون هذه الاشياء وبكثرة ورايت ذلك منهم يوما ما--- والله من ورائهم محيط

والسبب لانهم لا يثقون في علاقتهم بالله نتيجة ارتكابهم لكثير من الفواحش واعمال االقتل غير المبرر وحب الدنيا واكل اموال الناس بالباطل وخيانة الامانة واغتصاب الرجال والنساء وهم اسرى لديهم ومقيدون -- والادهى وامر ان يتم ذلك باسم الاسلام ---- حسبنا الله ونعم الوكيل 600 مرة منهم


#848553 [المشتى السخينه]
4.88/5 (6 صوت)

12-06-2013 03:19 PM
هذا ما صنعته ايديكم ياشيخ الكوده .. انها الدولة الدينيه .. كل من يعارض الرئيس الدائم .. يعارض رب العالمين ويستحق السجن والاذلال والقتل كمان ..قلتو الديمقراطيه حرام والشفافيه والتبادل السلمى للسطة والمساءله وحكم القانون كلها دجل ليبراليين .. انت الان فى دولة الرئيس الحاكم بأمره وخليفة المسلمين..يأمر فيطاع ولا يسأل عما يفعل وكانه إله ..معا لاسقاط دولة الكهنوت الدينى الظالم المرتشى المتاجر بالدين .. معا لاقامة دولة العدل والقانون والحريه والديمقراطيه التى تساوى بين الناس ولا بديل غيرها الا الدولة الامنيه .. دولة الرئيس الفرد المعبود من دون الله ..


#848552 [الجــــزيرة ابا]
3.82/5 (5 صوت)

12-06-2013 03:18 PM
يا دكتور الكودة انت قبلما تدخل المعتقل عارف ناسك مما جوا السلطة شغالين بالدجل والشعوذة وما سحرة السنغال وبوركينا فاسو ببعيد واتفاقاتهم مع ادريس ديبى فى ذلك وتبادلهم للدجالين وجهاز الامن يمتلك خزينة ضخمة من اسرار هؤلاء وفيهم من يتعامل معهم ايضا فى تزوير العملات .. والحكاية دى مكشوفة ومعروفة وانهم بحاولوا يسيطروا على السياسيين بهذا السحر كلو مكشوف بس الداقس هو البقع فى رقبتهم .. على المجتمع ان يتخذ موقف واضحة من امثال شيخ مايرنو وبلة الغائب وكل الدجالين السريين داخل قصورهم ومزارعهم ...

قراءة سورة الفاتحه (7)مرات
بسم الله الرحمن الرحيم
الم
ذَلِكَ الْكِتَابُ لاَ رَيْبَ فِيهِ هُدًى لِّلْمُتَّقِينَ
الَّذِينَ يُؤْمِنُونَ بِالْغَيْبِ وَيُقِيمُونَ الصَّلاةَ وَمِمَّا رَزَقْنَاهُمْ يُنفِقُونَ
والَّذِينَ يُؤْمِنُونَ بِمَا أُنزِلَ إِلَيْكَ وَمَا أُنزِلَ مِن قَبْلِكَ وَبِالآخِرَةِ هُمْ يُوقِنُونَ
أُوْلَـئِكَ عَلَى هُدًى مِّن رَّبِّهِمْ وَأُوْلَـئِكَ هُمُ الْمُفْلِحُونَ

قراءة اية الكرسي (7)مرات

امن الرسول بما انزل اليه من ربه والمؤمنون كل امن بالله وملائكته وكتبه ورسله لانفرق بين احد من رسله وقالوا سمعنا واطعنا غفرانك ربنا واليك المصير*لايكلف الله نفسا الاوسعها لها ماكسبت وعليها مااكتسبت ربنا لاتؤاخذنا ان نسينا او اخطانا ربنا ولاتحمل علينا اصرا كما حملته على الذين من قبلنا ربنا ولاتحملنا مالاطاقة لنا به واعف عنا واغفر لنا وارحمنا انت مولانا فانصرنا على القوم الكافرين ) ثلاث مرات

لقد جاءكم رسول من انفسكم عزيز عليه ما عنتم حريص عليكم بالمؤمنين رؤوف رحيم فان تولوا فقل حسبى الله لا اله الا هو عليه توكلت وهو رب العرش العظيم – ثلاث مرات

وَأَلْقِ مَا فِي يَمِينِكَ تَلْقَفْ مَا صَنَعُوا إِنَّمَا صَنَعُوا كَيْدُ سَاحِرٍ وَلَا يُفْلِحُ السَّاحِرُ حَيْثُ أَتَى

فلَمَّا أَلْقَوْا قَالَ مُوسَىٰ مَا جِئْتُمْ بِهِ السِّحْرُ ۖ إِنَّ اللَّهَ سَيُبْطِلُهُ ۖ إِنَّ اللَّهَ لَا يُصْلِحُ عَمَلَ الْمُفْسِدِينَ

1. والصَّافَّاتِ صَفًّا
2. فَالزَّاجِرَاتِ زَجْرًا
3. فَالتَّالِيَاتِ ذِكْرًا
4. إِنَّ إِلَهَكُمْ لَوَاحِدٌ
5. رَبُّ السَّمَاوَاتِ وَالأَرْضِ وَمَا بَيْنَهُمَا وَرَبُّ الْمَشَارِقِ
6. إِنَّا زَيَّنَّا السَّمَاء الدُّنْيَا بِزِينَةٍ الْكَوَاكِبِ
7. وَحِفْظًا مِّن كُلِّ شَيْطَانٍ مَّارِدٍ
8. لا يَسَّمَّعُونَ إِلَى الْمَلإِ الأَعْلَى وَيُقْذَفُونَ مِن كُلِّ جَانِبٍ
9. دُحُورًا وَلَهُمْ عَذَابٌ وَاصِبٌ
10. إِلاَّ مَنْ خَطِفَ الْخَطْفَةَ فَأَتْبَعَهُ شِهَابٌ ثَاقِبٌ

هو اللَّهُ الَّذِي لَا إِلَهَ إِلَّا هُوَ عَالِمُ الْغَيْبِ وَالشَّهَادَةِ هُوَ الرَّحْمَنُ الرَّحِيمُ * هُوَ اللَّهُ الَّذِي لَا إِلَهَ إِلَّا هُوَ الْمَلِكُ الْقُدُّوسُ السَّلَامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ سُبْحَانَ اللَّهِ عَمَّا يُشْرِكُونَ * هُوَ اللَّهُ الْخَالِقُ الْبَارِئُ الْمُصَوِّرُ لَهُ الْأَسْمَاءُ الْحُسْنَى يُسَبِّحُ لَهُ مَا فِي السَّمَاوَاتِ وَالْأَرْضِ وَهُوَ الْعَزِيزُ الْحَكِيم ) ثلاثة مرات ُ

وان يكاد الذين كفروا ليزلقونك بابصارهم لما سمعوا الذكر ويقولون انه لمجنون وماهو الا ذكر للعالمين ) ثلاث مرات

يا معشر الجن والانس ان استطعتم ان تنفذوا من اقطار السماوات والارض فانفذوا لاتنفذون الا بسلطان فبإىء الاء ربكما تكذبان يرسل عليكما شواظ من نار ونُحاس فلا تنتصران – ثلاثة مرات

سورة الكافرون (3)مرات
سورة الاخلاص (3)مرات
سورة الفلق (3)مرات
سورة الناس (3)مرات

وقراءة هذا الدعاء( اللهم رب الناس اذهب الباس واشفي انت الشافي لاشفاء الا شفاؤك شفاء لايغادر سقما) سبع مرات

اعوذ بعزة الله وقدرته من شر ما أجد واحاذر) سبع مرات

اعوذ بكلمات الله التامة من شر ماخلق ) ثلاث مررات


اعوذ بكلمات الله التامه من كل شيطان وهامه ومن كل عين لامه ) ثلاث مرات


اعوذ بكلمات الله التامة من غضبه وعقابه وشر عباده ومن همزات الشياطين واعوذ بك ربي ان يحضرون - ثلاث مرات


#848550 [NjerkissNajrta]
3.00/5 (1 صوت)

12-06-2013 03:16 PM
الزول ده دكتور في شنو؟ و أنتاجه شنو؟ قال هو بيصدق أنه فى شياطين و مردة بيستعين بيهم جهاز الأمن والله لن تقوم للسودان قائمة


#848541 [عبد الحميد السوداني]
4.94/5 (5 صوت)

12-06-2013 02:56 PM
عوام العوام ومحدودي السقف العقلي من يسخر بكلام الشيح يوسف الكودة فالجن موجود في القرءان وفي الانجيل و التوراة وكل العالم يؤمن بذلك في امريكا او في لندن وتعقد جلسات لاخراج الجن وللاضرار بالبشر والقرءان ذكر ذلك ومن ينكر وجود الجن والسحرة فهوى لايؤمن بالقرءان والحكومة استخدمت السحرة في حروبها وفي اجهزتها الامنية ولعل كثرة السحر في السودان هو السبب في الصعوبات المعيشية التي يعيشها الشعب السوداني وحد الساحر في جميع دول الخليج القتل بينما نحن حول الجامع الكبير في الخرطوم الاف السحرة ولا احد يسالهم وكل يوم يضرون ملايين البشر .

واقبلوا الاحترام واخيرا ،،اسمعوا كلامي انا لفيت العالم ودرست وعرفت ،،،،،،،،،،،،،،،،،،،،،


ردود على عبد الحميد السوداني
United States [الراجل] 12-06-2013 10:10 PM
والله الا تكون لفيت العالم فى ورقة محاية


#848523 [مهندس محمد الحاج]
5.00/5 (1 صوت)

12-06-2013 02:39 PM
حكاية غريبة بس ممكنة في السودان


#848518 [الحزين]
5.00/5 (2 صوت)

12-06-2013 02:26 PM
منكم نستفيد ونتعلم ياكودة ......ياريت تكتب تفاصيل اكثر لانو دة كلااااااااااااااام غريب


#848506 [حمد]
0.00/5 (0 صوت)

12-06-2013 02:11 PM
كراماتك يا سيدنا الكودة


#848500 [ود البلد]
5.00/5 (1 صوت)

12-06-2013 02:05 PM
طيب يا شيخنا
وناس الجبهة الثورية ما قدروا عليهم
زي ما بقولوا
كلو كلو بينتهى ويبقى حكاوى
فى النيجر حرقتهم السلطات
فما هو حكمهم فى الشرع فى هؤلاء السحرة ؟؟؟


#848495 [منعم]
0.00/5 (0 صوت)

12-06-2013 02:03 PM
بجد دى جديده كرت وانت صادق يا شيخنا


#848491 [wafi114]
0.00/5 (0 صوت)

12-06-2013 02:00 PM
يا راجل ده كلام ده ,,,,,,,,,,,,,,,,,,,,,,,,,, عشان الجن والسحر ديل عايشين 25 سنه ، يب يا شيوخنا نعمل شنو عشان نحرر البلد من الشياطن والجن .... ده شر - ( شعر ما عندنا لهو رقبة )



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة