الأخبار
أخبار إقليمية
خميس كجو كنده وزير التعليم العالي والبحث العملي : لا تمانع في التفاوض مع المتمردين حال قبولهم الحوار لحل الأزمة
خميس كجو كنده وزير التعليم العالي والبحث العملي : لا تمانع في التفاوض مع المتمردين حال قبولهم الحوار لحل الأزمة
خميس كجو كنده وزير التعليم العالي والبحث العملي :  لا تمانع في التفاوض مع المتمردين حال قبولهم الحوار لحل الأزمة


دعا المتمردين المحاصرين غرب مدينة (الدلنج) لتسليم أنفسهم
12-07-2013 07:16 PM
دعت الحكومة السودانية، يوم السبت، حملة السلاح من المتمردين والمواطنين بالمناطق التي يحاصرها الجيش السوداني غرب مدينة (الدلنج) بولاية جنوب كردفان، إلى تسليم أنفسهم عند مواقع القوات المسلحة المنتشرة بالمنطقة حفاظاً على أرواحهم وممتلكاتهم.


وقال وزير التعليم العالي والبحث العملي السوداني، خميس كجو كنده، لدى مخاطبته اجتماع الدورة الرابعة لمجلس أمناء جامعة الدلنج، إن القوات المسلحة السودانية تستهدف من عملياتها الحالية تحرير المواطنين الذين تحتجزهم حركات التمرد، وتستخدمهم دروعاً بشرية، وتحرمهم من حقوقهم الوطنية في العيش بسلام في قراهم.


وأكد كجو أن الحكومة رغم تدافعها في قتال المتمردين، إلا أنها لا تمانع في التفاوض مع المتمردين حال قبولهم الحوار لحل الأزمة.


ونوه كنده إلى أن الحكومة السودانية أعطت المتمردين فرصاً عديدة للحوار، إلا أنهم رفضوا ذلك، مستفيدين من وجود المواطنين لتستخدمهم كآليات تدعمهم في الحرب.


نهاية التمرد
وقال الوزير كنده إن القوات المسلحة تتعامل بمسؤولية مع حملة السلاح والمواطنين العائدين من مناطق سيطرة التمرد، انطلاقاً من واجبها الوطني تجاه مواطني الدولة، مؤكداً أن الدولة تراهن على زيادة الوعي والتعليم للأجيال القادمة لإنهاء الحروبات ومنع تجددها.



من جانبه، ثمَّن والي جنوب كردفان آدم الفكي دور القوات المسلحة في توسيع الدائرة الأمنية بمحلية الدلنج، لتمكين المواطنين من القيام بأنشطتهم الحياتية بشكل طبيعي، خاصة استقرار التعليم في مراحلة المختلفة.


وقال إن الانتصارات التي حققتها القوات المسلحة على قوات التمرد بمسارح العمليات تبشر بقرب نهايته، ونظافة مناطق غرب الدلنج من المتمردين.


وطالب الفكي من العلماء بجامعة الدلنج بالمساهمة في بناء السلام والحفاظ عليه بشكل علمي، انطلاقاً من المسؤولية الاجتماعية للجامعة تجاه مجتمع الولاية، والمساهمة في تعزيز التنمية والاستقرار.


وقال إن الأمية والجهل هما أكبر داعم للحرب لجهل حملة السلاح بواقع الأمر وحقيقة المشكلة، وجرهم في حرب لا جدوى منها سوى الخراب والدمار.


شبكة الشروق


تعليقات 42 | إهداء 0 | زيارات 8513

التعليقات
#850802 [علي باحش الدكوك]
1.00/5 (1 صوت)

12-08-2013 05:00 PM
تصريح خميس كجو كنده بمحاصرة المتمردين في غرب الدلنج ومطالبته لهم بتسليم أنفسهم، يسمى في السياسة بـ "حلي بؤك"، أي رشوة لقادة النظام على أمل الأستمرار في الوزارة.

لكن بكل أسف خسر خميس كجو كنده مرتين، مرة بإراقة ماء وجهه والثانية بفقدان المنصب الوزاري الذي اراق من أجل كرامته ومصداقيته.


#850325 [سامي]
0.00/5 (0 صوت)

12-08-2013 10:08 AM
ياجماعة روقو المنقة السياسة دي بتعمل ليكم ضغط؟


#850235 [الفحل]
0.00/5 (0 صوت)

12-08-2013 08:59 AM
لية تفصل النوبة ودارفور والنيل الازرق هو السودان ملك لمين كل بل يجب ان يطردد المؤتمر الوطني الزى اثار الفتنة وفرق بين القبائل الله يفرق جمعهم


#850089 [الديامى]
4.25/5 (3 صوت)

12-08-2013 02:24 AM
حررت قواتنا الباسله منطقة والي و كجورية و جبل ام مريوم وجبل ابو دموع بالكامل


#850064 [ُُEMO EMO]
5.00/5 (1 صوت)

12-08-2013 01:16 AM
أنتو ياكجو كندة وأدم الفكي نسيتوا أيام الأنتخابات مناطق غرب الدلنج دي الحركة الشعيبة أكتسحت الأنتخابات فيها كيف ولا شنو ... وديل هم نفس المواطنين الصوتوا للحركة بيقاتلوا قواتكم ومليشياتكم.. وحسب معايشتي للواقع في غرب الدلنج وريفي سلارا المواطنين هناك كفروا بشي أسموا المؤتمر الوطني .. شوفوا غيرها..


#850053 [Draige]
1.00/5 (1 صوت)

12-08-2013 12:56 AM
لاحولا ولاقوة الى بالله الذول دا مغيب ولا ايه


#850028 [kafoury]
1.00/5 (1 صوت)

12-08-2013 12:16 AM
هذا بتكلم بدل الصوارمي الناكر الرسمي ..من المفروض ان نطلق اسم وزراء الحرب لحكومة الانقاذ ...كل وزير عايز يتكلم في الحرب ..وزير تعاني منظومته التعليمية من انهيار فبدلا من ان يبحث آليات لانقاذ التعليم حشر نفسه في المؤسسة العسكرية واصبح الناطق الرسمي باسم القوات المسلحة ..الوزير مسكين ما عارف الناس ديل عاوزين ياكلوا الثوم بفمه قالو له انت ابن المنطقة اذهب واقنع اهلك في الجبال لانهم اغتنموا كل عتاد مليشيات اولاد نافع وفروا واحتموا بحامية شيكان اما الحصار الذى يتحدثون عنه هو حصارهم لان منطقة غرب الدلنج عجز الانجليز والاتراك من دخول المنطقة وهل سيهين الامر لاحفاد عجبنا ومندي .


#850020 [خضر]
1.00/5 (1 صوت)

12-08-2013 12:06 AM
لا دفاعا عن وزير الصحه بس اعرف هذا الرجل قبل خروجى من السودان وحاولت اصحح للاخوه المعلقين الاخ وزير التعليم هو مقدم سابق فى الجيش السودانى و من الناس الحاربو فى لبنان فى قوات حفظ السلام السودانيه واخر القيادات هى القياده الوسطى الهجانه هذا فقط للتوضيح.


#849999 [AburishA]
2.00/5 (4 صوت)

12-07-2013 11:35 PM
والله كلامك ده لو سكتّ كان افضل ليك.. لتحفظ به ماء وجهك.. لو اصلا عندك وجه!! خلاص النظام وداكم هناك لتثبيط همم الوطنيين والشرفاء من بني جلدتكم.. بئس الحديث!!!
واقول للسيد الوالي عن اي انتصارات للنظام تتحدث؟؟... والمستشفي العسكري بالابيض والسلاح الطبي بامدرمان لايوجد به شبر لاستقبال جرحى العمليات من الجنجويد ومليشيات النظام..


#849982 [ويل اسميث]
1.00/5 (2 صوت)

12-07-2013 11:06 PM
الجماعه شكلهم اتعصرو تقول لي ماسكين زمام الامر انت زير تعليم ولا جركانه دفاع ما تمش تشوف ليك طباشير بي وين بلا معاك حرب شكلك كنت نايم صحيت مع التعديل الوزاري دة واقول ليك انت بالذات شايتنك برة ما تخاف


#849979 [ساب البلد]
1.88/5 (5 صوت)

12-07-2013 11:04 PM
دائما حكومة الموتمر الوطني تدفع بالماجورين من ابناء المناطق المهمشة لمواجهة اهلهم.. مثل كندة و اللؤاء بتاع غرب كردفان و كذالك الجنوبي بتاع ابيي واخرين في محاولة لابعاد شبهة العنصرية و التطهير العرقي.. علي جميع ابناء الهامش القصاص من هولاء الخونة قبل اولياء نعمتهم...


#849977 [سوداني بس]
1.00/5 (1 صوت)

12-07-2013 11:00 PM
مناطق غرب الدلنج دي ارض السلطان عجبنا لو كنت جاهل و ما ادراك ما السلطان عجبنا و الأميرة مندي


#849966 [ابو العباس]
4.94/5 (6 صوت)

12-07-2013 10:50 PM
والله انا من رايي طالما متمردين ومحاصرين,, ادفنوهم وخلصونا من النهب والسلب,, وكفاية سرقة المواطنين


ردود على ابو العباس
United States [ابن السودان البار] 12-08-2013 07:48 AM
يا ابن العباس يا ليتك سكت عن التعليق انت وقت ما عارف حاجة محشر نفسك ليه


#849964 [الجبهة الثورية]
2.00/5 (3 صوت)

12-07-2013 10:47 PM
مفتكرك عبد الرحيم محمد حسين يا عميل نحن ما محاصرين ...... دعوتك دي وجهه للامن الما وطني والملشيات والمرتزقة ولامثالك .... في كل معركة منتصرين بعون الاله الواحد القهار....... والي وابو سعيدة وكجورية تشهد ...... لمعرفة الاخبار الحقيقية تابع المواقع الالكترونية .....سمي نفسك محمد احمد وبعد داك قول كلامك دا


#849959 [سى سى]
0.00/5 (0 صوت)

12-07-2013 10:42 PM
افتونا يا عالم .. ما علاقة وزير التعليم العالى بلامن و الدفاع ..


#849955 [ali alfred]
2.00/5 (3 صوت)

12-07-2013 10:38 PM
خميس كجو كنده,أتمنى من كل قلبي أن تستيقض من غفوتك هذه وترافق الجبهةالثورية في طريقهم نحو التخلص من سفاح السودان. قطار الجبهةالثورية الآن بمحطة الدلنج,أنصحك بالصعود وأخد مكانك قبل صفارة الإقلاع.تحية الى الجبهةالثورية وليخسأ مليشيات المؤتمر الوطني وكلابهم.


#849938 [الكلس]
0.00/5 (0 صوت)

12-07-2013 10:19 PM
ما علاقة وزير التعليم العالي بالتمرد والجيش ؟؟؟
هذه قمة الجهل الذي وصلناه مع الانقاذ وهذا الوزير يتناسي مهامه الجسام التي بانتظاره ويترك الجامعات تعاني علي مستوي الاساتذه والطلاب والعاملين وياتي ليتكلم عن التمرد ؟؟؟؟
ليتني كنت في اجتماع مجلس الامناء ده عشان اوريه مهامه وحدود شغله هذا الكوز النتن...!!


#849932 [الكجور]
5.00/5 (1 صوت)

12-07-2013 10:12 PM
طريقان لا ثالث لهما : فإما حياة تسر الصديق * وإما ممات يغيظ العدا


#849930 [عبود]
1.00/5 (1 صوت)

12-07-2013 10:07 PM
اود ان ارد على السيد الوزير وانا اتساءل هل هذا وزير للتعليم ام للتأليم !اظن انه وزير الدفاع وليس التعليم ان كان هنالك تعليم


#849911 [قال الزبير محمد صالح]
5.00/5 (1 صوت)

12-07-2013 09:34 PM
يا جماعة نحنا ناس بسِيطِين .. أولاد مزارعين .. لو شفتونا راكبين عربات .. و بنِينا العمارات .. أعرفونا فسدنا


#849904 [7abeeb]
3.00/5 (2 صوت)

12-07-2013 09:30 PM
عوير ده


#849901 [حمدان جابر]
2.00/5 (3 صوت)

12-07-2013 09:27 PM
انا ما عارف بس شوفنا ضباط جيشكم و معاكم خادمك احمد هرون يقولون( امسحوه ، قشوه ، ما تجيبه حى) ، هذا كلام الخادم ، اما ضابط جيشكم سمعناه بيقول ( مش عاوزين عبء اداري)!! الان انتم تجوا و تقولوا انتكم محاصرنهم لكى يستسلموا!!! انتم سلاسة كذابين. يبدوا انكم انتم المحاصرين، بفتح الحاء.


#849899 [ابو حمدي]
0.00/5 (0 صوت)

12-07-2013 09:24 PM
بدل ما يخبرنا اين وصل البحث العلمي في البلاد يحدثنا عن الحرب والتمرد ياخي انت مالك انت
هذه من سقطاط الانقاذ منذ فجرها وزير الصحة يتحدث في السياسة والحروب التي اشعلوها اكثر من وزير الخارجية والدفاع


ردود على ابو حمدي
United States [ali alfred] 12-07-2013 10:12 PM
العزيز ابو حمدي الله يبارك هذا حال هذه الناس(المؤتمر الوطني) صم بكمون لا يفهمون


#849896 [موجوع وطن]
1.50/5 (2 صوت)

12-07-2013 09:23 PM
ماشغالين بالمستوزر كجو دا لكن من حقو القحة لإنه صمة الخشم طالت وهو ذاته عارف إنه في فضاء الإعلام المفتوح أبسط زول عارف منو المحاصر التاني ما محتاجة لمحاضرة برف أو بوق لكن المشكلة في دجل الفكي دا لإنه الزول دا ما بحترم عقول من يخاطبهم وكلامه القاله عند إستوزاره للولاية صداه لسع ما رجع هو قال بالحرف الواحد هو زول سلام و الحرب دا ما عنده بيه علاقة وكلام عسل من هذا القبيل و عسي الكلام شنو ؟ نظافة منطقة غرب الدلنج.. ودا من قبيل قشو و أمسحوا.... إلي آخر ما أنتجته قرائح الإنقاذيين من شعارات السلام تصدقوا في ناس لسع بصدقوهم.


#849889 [زاهراحمد]
0.00/5 (0 صوت)

12-07-2013 09:15 PM
النفس امارة بالسوء والدكتور العالم باع علمه وخلقه


#849883 [karkaba]
0.00/5 (0 صوت)

12-07-2013 09:04 PM
ما لازم تنافق غشان مايطير كرسي الوزارة تبا لك


#849880 [مصطفى شفا]
2.00/5 (3 صوت)

12-07-2013 08:59 PM
من يملك زمام المبادرة لا يطلب الجلوس في مفاوضات -- ودا يعني انو الجماعة بايلين بول


#849875 [الحاج]
1.25/5 (3 صوت)

12-07-2013 08:52 PM
بالله ود باندية ده وزير تعليم وكمان عالي


#849874 [شاطئ النيل]
0.00/5 (0 صوت)

12-07-2013 08:50 PM
ده كسير تلج عشان مايشيلو ا من الوزارة


#849873 [اخربا ليكم]
1.50/5 (3 صوت)

12-07-2013 08:47 PM
بالله قوموا ياوهم بلا كجو كنده بلا ادم الفكى كلكم فطايس


#849871 [KODI]
1.75/5 (3 صوت)

12-07-2013 08:42 PM
و هل يوجد فى هذا البلد أجهل من هؤلاء البروفات و الذين قضوا جل وقتهم فى البحوث النظرية و أصبحوا جهلاء فى الحياة العملية و ما ينفع الناس فصاروا أدوات فى أيدى القتلة و صارت قدوتهم هى اصحاب الأنواط العسكريةو قادة المتحركات لإبادة الشعوب بدون فكر أو وعى فماذا ننتظر من هؤلاء؟ قال انتشار الجهل قال!!هل يوجد من هو أجهل من هذا الوالى و الرجرجة الدهماءالتى تأتمر بأمره؟ ثم من يحاصر من؟ فلننتظر و نرى من الذى يفك أسر الآخر؟ غن غدا لناظره قريب و عند الثورية الخبر اليقين


#849870 [عصمتووف]
1.75/5 (4 صوت)

12-07-2013 08:41 PM
النوبة المحاصرين والحاملين السلاح هم اهلك ممتلكات اية يحافظون عليها والثائر فيهم باع روح لماذا تجعلنا نصدق مقولة الساسة العبد اضربة باخية هؤلاء الثوار وليس الثيران مثلكم يريدون الحرية والحياة الكريمة بدلا حديثك الذي يخدم سادتك في القصر انضم لهم اركل المنصب الزلزال قادم اما رايت كيف انهم يتقافزون من حمارهم الاعرج الطريق اصبح اتجاة واحد لاتنفع فية الخطب والمواعظ بعد التضحيات التي قدمت انهم لا يخونون رفقاء سلاح استشهدوا او اسروا انصح نفسك وغيرك من ابناء النوبة ق الكرسي زائل لامحال لاتكون مغفل مقفول نافع


#849866 [الكجور]
1.00/5 (1 صوت)

12-07-2013 08:37 PM
هههها منْ يحاصر منْ ؟!


#849855 [david wosong]
1.00/5 (1 صوت)

12-07-2013 08:19 PM
هل هذا الرجل، وزير التعليم العالي والبحث العلمي، لا وزعيم المليشيات؟..


#849853 [ودشمنو شق زروق]
1.00/5 (1 صوت)

12-07-2013 08:18 PM
ههههههه حصار شنو يازول انت ماجادي ولاشنو ؛قال تسليم قال ؛انتظر حنسلم ليك قريب في القصر الجمهوري؛
وماتسئ حمله السلاح ديل افهم من كل حكومتك دي


#849841 [Petro]
0.00/5 (0 صوت)

12-07-2013 08:08 PM
اقتباس! مؤكدا ان الدولة تراهن علي زيادة الوعي والتعليم لأجيال القادمة لإنهاء الحروبات
يعني نهاية الحرب في يد الجيل القادم!!!


#849839 [taluba]
0.00/5 (0 صوت)

12-07-2013 08:07 PM
وزير التعليم العالي هههههههه........لذالك نجد التعليم هابط لهذه الدرجه، السؤال الذي يطرح نفسه ،نعم لقد فشلت في تطوير التعليم إيه دخلك بالحرب؟ إذا تريد الدعايه لنفسك يجب ان لا تكون بهذه الطريقه الرخيصه يا باطل.النوبه هم اهلي واهلك وافضل ان نموت بكرامتنا احسن من المزله والاهانه التي نعيشها.


#849836 [شرف]
1.00/5 (1 صوت)

12-07-2013 08:05 PM
هو مين المحاصر يا بروف السجم ناس الجبهة لو هدفهم دخول الدلنج ده كان حصل من زمان كده طلع رأسك وراء حامية الدلنج و شوف لو استقر مكانه بلا ياخدك يا عميل


#849833 [عام سقوط الجرذان]
0.00/5 (0 صوت)

12-07-2013 08:04 PM
ما هي علاقتك بالحرب يا وزير التعليم حتى التصريحات يا كافي البلا ما بتعرفوا ليها ممكن تكون مبلوعة شوية لو قلت ان الحرب هي سبب مباشر لتعطيل العملية التعليمية وللتسرب التعليمي وغيرها من المسائل المرتبطة بالتعليم كصحة البيئة والصحة المدرسية. ومع ذلك نقول لعصابة المؤتمر الوطني أوقفوا حربكم اللعينة ضد الأبرياء والعزل وأعطوهم حقهم كاملا.


#849811 [عزة]
0.00/5 (0 صوت)

12-07-2013 07:32 PM
جيب صور يا وزير الهناء
انت مالك ومال الامور العسكربة وفهمك فيها شنو


ردود على عزة
United States [كاك] 12-08-2013 12:29 AM
الراجل خات عينة على وزارة الدفاع بدل عبدالرحيم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة