الأخبار
منوعات سودانية
حفرة دخان إمرأة سودانية تسبب هلعا في امريكا
حفرة دخان إمرأة سودانية تسبب هلعا في امريكا
حفرة دخان إمرأة سودانية تسبب هلعا في امريكا


شاهد فيديو
12-09-2013 01:23 AM
صدقي البخيت
هرعت فرق الاطفاء الي شقق رويال بالم في أمريكا وذلك بعد تلقيها عدة اتصالات علي 911 من السكان بوجود دخان كثيف جدا في المجمع وعند وصول فرق الاطفاء والشرطة وجودوا امرأة سودانية ملتحفة ببطانية سميكة , بينما يتصاعد منها الدخان بكثافة ويغطي العرق وجهها .
واعتقد الجميع لوهلة ان السيدة تحاول الانتحار بحسب ما هو موجود امامهم . الا ان وجود بعض السودانيين من الذين هرعوا الى المجمع مع الجيران شرحوا لهم ما يحدث امامهم . واقتيد الجميع الى قسم شرطة قريب ثم عادت المرأة الى منزلها لاحقا بعد ان
تم استيعاب الأمر من قبل الشرطة ..

..


تعليقات 53 | إهداء 1 | زيارات 24263


التعليقات
#871184 [وقاص]
5.00/5 (1 صوت)

12-30-2013 02:48 AM
ياجماعة عايزين تشوهو للواحد حياتو ولا شنو انا يداب عايز اعرس السنة ده خلوني نجربها بعدين قولوا العايزين تقولوا والناس البيقولو السودانيات 99 ماديات ديل اعملوا حسابكم السودانية لاتقدر باي ثمن ولا يهانهن ببساطة كده .لكن ممكن واحد منهم تزوج ليهو حبشيه وقال ليهو فى البدايه سودانيه عشان كده


#867182 [ابوهيثم]
0.00/5 (0 صوت)

12-25-2013 01:53 PM
الدخان كدة ولابلاش


#856841 [زول]
5.00/5 (1 صوت)

12-14-2013 12:47 PM
انا متزوج لى قرابة 9 سنوات . اول شروط لى مع زوجتى انى ما عاوزها تتحنن ولا تدخن. لا حنة ولا دخان . والاجمل انها قالت لى انها لا تحب هذه الاشياء اصلا وتعتبرها تخلف ولو ما اشترطت عليها لطلبت هى ذلك.

هذه ثقافات اعتبرها بدائية فى رايي . غريبة نحن نعيش فى عصر التكنولوجيا والرقى ولسه النسوان السودانيات متعلق قلبهم بهذه التفاهات.

الواحدة تقعد فى الحنة ساعات وكأن على راسها الطير لا تتحرك ولو راجلها دخل البيت هو من يكنس ومن يهتم بالاولاد رغم انى لست ضد مساعدة الزوجة الا ان هذا يعتبر شلل مؤقت للحياة الزوجية

هنالك اساليب راقية لجمال المرأة وحتى من يخوض فى ان للدخان فوائد خاصة اقول له هنالك وسائل كثيرة جدآ لا داعى للخوض فيها تغنيك عن ان تتعذب زوجتك فى هذه الحفرة الحارقة . اى أمة نحن من بين الامم؟


ردود على زول
United States [مها] 12-29-2013 02:24 PM
مغشششششششششششششششوششششششششششش . عرس عليها عشان تعرف الفرق وتعرف العرس


#856492 [احمد صالح]
0.00/5 (0 صوت)

12-14-2013 03:49 AM
هو الدخان شنو ما ساونا تقليدية(SAUana) صحة جدا للجسم والبسرة كمان.
واكيد زى ماقال احد المعلقين لو اليانكى عرفوهو كويسًحيطلعو منو بحاجة تفكهمزمن (smoke- dtectors) العماتةالمشكلة لاختنا السودانية دى ولووما كانت فى شقة ما كان فى حد ادخل.


#852684 [haitham]
0.00/5 (0 صوت)

12-10-2013 09:03 AM
nice


#852516 [kamuzu]
1.00/5 (1 صوت)

12-10-2013 06:43 AM
طرفة بمناسبة الدخان
مرة في واحد جاء من شغلو علي البيت ولما فتح الباب لقي نسيبتو شايله الولد وهو يصرخ صراخا شديدا فقال لها بعصبية وين المرة ما تجي تشيل الولد وتسكته فقالت له نسيبته (قاعدة في الحفرة ) فقال لها الرجل .. لا كدة معليش خلاص هاتي الولد...


#852371 [atib]
3.00/5 (1 صوت)

12-10-2013 12:01 AM
ههههههههههههههههههههههههههههههههههههههه السودانية قالت إيه !! ؟؟؟؟؟؟ بس ال narrow ذاتها هي لله هي لله ههههههههههه


#852287 [فايذ]
0.00/5 (0 صوت)

12-09-2013 09:33 PM
هههههههههههههههههههههههههههههههههههههههههههههههههههههههههههههههه يديك العافية يا اختى عافى منك.


#852243 [سودانيه]
5.00/5 (2 صوت)

12-09-2013 08:35 PM
ماحريفه بس الخطوات كالتالي تولعي ليك جمرتين بس والحطب تبلي في مويه محلب وتخلي شويه عشان الحطب الناشف دخانو كتير بعد داك تشغلي كل الشفاطات في المطبخ والحمامات وتغلفي اجهزه الانذار بتاعت الدخان بورق فويل وتلفيها باكياس عشان الدخان مايصلها وتصفر وتقومي تنادي جارتك تقعد معاك أثناء البوخه عشان لو كبست الشرطه وده احتمال ضعيف جارتك تشغلهم شويه لغايه ماتلبسي وتنستري


ردود على سودانيه
European Union [الله يكفينا شر إسرائيل] 01-06-2014 08:42 AM
رجاءً عدم نشر هذهـ الأسرار الحربية على الشبكة العنكبوتية ,, لئلا تستثمرها الدول الغربية وإسرائيل !! يا جماعة نحنا مستهدفين من قوى البغى والإستكبار ,, مستهدفين فى دينناوفى مقدرات بلدنا وفى نسواننا المدخنات ديل !!

European Union [الرسح ود السنهورى] 12-10-2013 05:14 AM
الظاهر عليكي فنانة فى الحتة دى, الله يدى الصحة لسعيد الحظ (زوجك)


#852239 [wahid]
5.00/5 (1 صوت)

12-09-2013 08:23 PM
الحلب عادة ليس لديهم حرج في التكلم علانية عن الجنس...


#852165 [سوداني الجوه وجداني بريدو]
4.50/5 (3 صوت)

12-09-2013 06:52 PM
شي جميل يبعث علي الفخر و اﻻعتزاز .عادتنا و تقاليدنا الاتوارثناة من اجدانا و حبوباتنا هي البتميزنا عن غيرن ..كيف يمكنك ان تميز بين اﻻريتري و الحبشي .بين اللبناني و السوري .بين المغربي و الجزائري ولكن يمكن ان تميز السوداني بعاداته و تقاليدة .انا اتزوجت سودانية و عربية ..والسودانية ﻻ يعلو عليها في السرير و ﻻ المطبخ .اسالو مجرب و ﻻ تسالو طبيب


#852014 [السودانية]
3.97/5 (10 صوت)

12-09-2013 04:13 PM
99٪ من نسوان السودان ماديات ولا عهد ولا شرف لهم أمام المال
والله العظيم ندمان على أني تزوجت سودانيه ولولا اطفالي لفارقتها فراق الطريفي لجمله
السودانية تبتزك بحبك لاطفالك وتستغل شهامة الرجل السوداني وخوفه من تشتت أولاده رغم الأذى الذي يلاقيه من زوجته وتتمادى في الطلبات وإذا لم تستجب لطلب واحد من
إياهم فانت لست رجل ففلانه الفرطقانه راجلها جاب ليها وجاب ليها وهي ما أحسن مني
يا ويلكم يا حريم من عذاب الله ..فوالله النشوز على الزوج كعقوق الوالدين
والله قهر ...تنظر في عيون أطفالك فتعجز تماماً عن فعل أي شي قد يشتتهم وقد يضطرهم للعيش تحت رحمة زوجة اب او زوج أم لو وجدت هي انتحاري آخر ليتزوجها
وبعد ده كله تجئ واحده من النوع داك ويقطع ليك رقم من رأسها وتقول ليك الحريم مضطهده ..والله نحن المضطهدين
لعن الله كل ناشز على زوجها وعذبها دنيا وآخره وكل امرأة مؤذية لزوجها


ردود على السودانية
[dokhaaan] 12-15-2013 06:14 AM
دي ذكرتني قصة واحد واحد فالوا اتزوج خواجية ..جابها عند أهلوا شبكوه ليك مالقيت غير الكافره دي .. المهم سموها الكافرة.. الراجل دا قام سافر كم يوم كدا وخلى الكافرة في البيت .. من ما مشى شبكت ليك ابوه عصائر و مساج وونسة .. اهتمام شديد .. بعد كم يوم رجع صاحبنا سأل ابو (اها .. الكافره كيف) قال ليه و الله الكافرة امك.

European Union [أنا] 12-11-2013 12:00 PM
الرد على (زول مهم )
اولا:تقديرك خليه لنفسك، ثانيا ردي على سؤالك -حقو تكوني موضوعية وتقولي رايك فيما كتبتة (السودانية)مثلا هل صحيح 99% من السودانيات ماديات ، جوابي هو روح اسأل أمك ولا أختك وكان ماف عمتك ولا خالتك وكان ماف يبقى لازم تقبل على نسوان الحلة وبعدين كدي تعال قلي النتيجة ؟؟

United States [زول مهم] 12-10-2013 02:53 PM
يا [انا]
الزعل شنو؟
سيب [السودانية] تعبّر عن رأيها .. انشاء الله تكرره مليون مرة هنا او هناك ... فالمكان حر والراكوبة فسيحة تسع الجميع.
بدل الكلام العاجز ده ... حقو تكوني موضوعية وتقولي رايك فيما كتبتة (السودانية)مثلا هل صحيح 99% من السودانيات ماديات ؟؟؟
مع تقديري

European Union [أنا] 12-10-2013 07:18 AM
انتي ولا انت قصتك شنو بالظبط كل ما يجيبو سيرة السودانيات تعمل كوبي بيست لنفس الاجابة وتختها خلاص فهمنا الاجابه دي شوف لينا غيره


#851996 [ابو الدرداء]
0.00/5 (0 صوت)

12-09-2013 04:04 PM
شكيتك لله شرطي عينا ما في شي احدث من كده لكن برضوا ما نستقنا عنها


#851981 [ساب البلد]
4.00/5 (5 صوت)

12-09-2013 03:48 PM
الي الذين يقولون فضيحة .. وين الفضيحة هي عادة من عاداتنا مفروض نفتخر بيها و نتطورها.. اكيد الجماعة الانتقدوا الدخان (عزابة).. والله حاجة جميلة علي الاقل تميز المراة السودانية من غيرها.. وقد ثبت علميا و عمليا ان الدخان له فوائد صحية كثيرة...


نناشد وزارة الزراعة و الزراعيين بالتوسع في غابات الطلح و الشاف..


#851958 [الحلاوي]
1.00/5 (1 صوت)

12-09-2013 03:23 PM
its make a women narrow
الخواجية كده عرفت الرصة كلها ههههههههههههههههههههههههههههههههههههههه


#851849 [kafoury]
5.00/5 (1 صوت)

12-09-2013 01:37 PM
بعض العادات التقاليد السودانية اصبحت اقوى من المعتقدات الدينية ..نذكر منها على سبيل المثال لا الحصر مثلا السوداني مهما بلغ درجات العلم والايمان لا يمانع من ختان بناته وكذلك تناول المرارة النية رغم معرفته التامة بخطورتها ومع الاسف حتى الاطباء السودانيين يكرسون هذه العادات السيئة في المجتمع السوداني مصداقا للمقولة الماثورة ..القلل من عادتو قلل من سعادتو ؟


ردود على kafoury
United States [سوسن] 12-10-2013 02:47 PM
يا [أنا] عفيت منك
فشّيت غبينتي في العوير الاسمه كافوري
عليك الله شِنّ جاب اكل المرارة و عادة الختان (وهما الاثنين ضارين)
مع حفرة الدخان تلك العادة الحلوة الجميلة التي ورثناها عن اجدادنا بكل فخر واعزاز.

غايتو في ناس كده تسبب ليك وجع ضُرس بتعليقاتها العجيبة

European Union [أنا] 12-10-2013 07:20 AM
عوير ،يقولوا ليك دخان وريحة حلوه تقول لي مرارة وزفره الله يقرفك


#851843 [يحيي العدل]
0.00/5 (0 صوت)

12-09-2013 01:32 PM
قالت إييييه ؟
قالت :It makes woman hole narrow
شكييتك


ردود على يحيي العدل
United States [كلمة حق] 12-09-2013 04:57 PM
السودانيات حالتهم بقت صعبة ... عليكم الله شوفوا جنس المره دي ... فتتو عادي.. وقدام الكاميرات يعني ممكن تقول يساعد او يشجع في الرغبة الجنسية ... بس narrow مره واحدة دي قوية دي.

European Union [ansary] 12-09-2013 04:07 PM
She said : it makes woman a bit narrow not ( hole narrow ) , hahahahahahahah


#851832 [تينا]
0.00/5 (0 صوت)

12-09-2013 01:21 PM
لك جزيل الشكر أخى الفاضل ((( الكردفانى العديييييل )))) وبارك الله فيك . تحياتى .


#851829 [اوكامبو]
5.00/5 (3 صوت)

12-09-2013 01:19 PM
أتعجب من الذين يرددون كلمة (فضحتينا ) !! أين الفضيحة؟ هذا جزء من عاداتنا و تقاليدنا و ثقافتنا و المطلوب تطويره و تقديمه للآخرين بصورة تتناسب مع طبيعة البلاد الأجنبية التى يتواجد فيها السودانيين و نأخذ بعين الإعتبار المحاذير الأمنية و ألا نتسبب فى أى مضايقة للآخرين بفعل الدخان و ربما إذا فكرنا فى تطويره و تسويقه لنساء العالم ربما يصبح مصدر مهم للعملات الصعبة بتصدير الشاف و الطلح على شكل ألواح مصنعة بطريقة جذابة علما بأن فى أوربا و أمريكا لا تزال توجد الدفايات التى تعمل بالحطب و تعتبر من مظاهر الأبهة و الفخامة.

سادتى هذة دعوة للإبداع فهل من مبدعين ؟


#851785 [تينا]
0.00/5 (0 صوت)

12-09-2013 12:43 PM
أخى الفاضل ((( عمر احمد حسن خليفة ))) كلامك صحيح فى حتة رحول الجيران العرب بسبب الدخان وانا كمان أعرف جيران عرب كانوا بنقوا كتير ومتضايقين من دخان واحدة سودانيةالكتير جارتنا.وهنا ويقولون علية البخور السودانى وكانوا يقولون أنه سبب لأطفالهم الأزمة . والغريبة لدى صديقات سعودية بدوية وأخرى حضرية والثالثة يمنية معجبات جدا بالدخان السودانى وكذا مرة سألونى منه ويردن أن يجربنه وقالن أنه عاجبهن جدا ودائما يسألونى عن كيفية عمله . تحياتى


ردود على تينا
United States [بركة البركة] 01-02-2014 08:12 AM
طيب ماتعلميهن وتعطيهن دورة تدريبية - بعدها انا متأكد انك سترحلين من جانبهم لانهم سيعتادون عليها وانت ستتعبين في التجهيزات والمواعيد لعملها


#851773 [الطلح والشاف]
4.00/5 (1 صوت)

12-09-2013 12:31 PM
غايتو الخواجية وقعت في المرا البتجيها تب الباقي مابعرفوا.


#851767 [رقم صفر]
5.00/5 (3 صوت)

12-09-2013 12:27 PM
السودانيون يسافرون بحطب الدخان ويرجعون بالبذورة


#851766 [Kudu]
5.00/5 (2 صوت)

12-09-2013 12:26 PM
الدخان خطيير علي الرئة وبسبب تسمم اول اكسيد الكربون والصداع الذي تشتكي منه المتدخنات هو دليل علي تسمم اول اكسيد الكربون مما يؤدي لنقص الاكسجين بالجسم والشعور بالصداع.


ردود على Kudu
United States [عاشق الدخان] 12-10-2013 02:38 PM
لا بالله


فكّها في الجِداد يافردة

وبرررررضو الدخان ما بنخليهو .


#851747 [حنونة Unidentified Chemical Weapon]
0.00/5 (0 صوت)

12-09-2013 12:14 PM
الله شافك ساي يختي !

أنتي جنني ولا شنو في الايام دي البتحلصو فيها من الاسلحة الكياماوية السورية وأعصابهم بايظة
تمشي تولعي ليك دخان في المجمع بدون إخطار رسمي مسبق وتاخدي إذن من البنتاجون أول

يختي هوي حمد الله على السلامة والليي، وأمشي كرمي طوالي،
شوفي ليك وعل كبير أضبحيه!-بس بي إذن المره دي!
االله شافك ساي يختي!

ديل كان ممكن مع الريحة الغريبة جدا للدخان ده يفتكروها سلاح كيماوي جديد
Unidentified Chemical Weapon

ويعلنو حالة الطورايء والاستنفار القصوي ويفومو يدكو ليك المجمع بلي فيه كلهم!

غاينو جنس سواتكن دي جايبا لينا المصائب في أي حته !


#851729 [أبو مونتي.]
5.00/5 (1 صوت)

12-09-2013 11:51 AM
مافي رجل أعمال ناجح
يطور الشاف والطلح المعطر
من شوالات إلي سحنه وصنعه مربعات
صغيره وتغليفه بصوره جميله وتصديره.


#851724 [امواس]
0.00/5 (0 صوت)

12-09-2013 11:48 AM
هلْ المرأة السودانية هي الوحيدة التي تتدخن أم هناك غيرها ؟ من؟ الأثيوبية ولذا أقرب الشعوب لنا الأثيوبيون . وبعدين نسوانا في أمريكا وكندا والسعودية يتدخن. وبالمناسبة المرأة السعودية أيضاً تتدخن . ولو عرفت الأمريكية قيمة الدخان لفعلته وادخلته في برامج الكوافير .


ردود على امواس
United States [أشجان] 12-10-2013 02:34 PM
ياميسو
انت الكذاب
انا مقيمةبالمملكة اكثر من 10 سنة وبعرف عشرات السعوديات يتدخنن ويرسمن الحناء.
قولك شنو يا

United States [ميسو] 12-09-2013 02:10 PM
كذاب مافي زوجة سعودية بتدخن يا


#851710 [د.منتصر فؤاد]
0.00/5 (0 صوت)

12-09-2013 11:37 AM
narrow


ردود على د.منتصر فؤاد
[الحلاوي] 12-09-2013 03:25 PM
اتخيل الكلمة دي العجبتني في المناقشة كلها زولتنا ادتا الرصة والمفيد


#851628 [الشاعر]
5.00/5 (1 صوت)

12-09-2013 10:27 AM
كونك تعرفى الاجنبيات بعادة الدخان وفوائده الصحيه فهذا لاغبار فيه اما ان تذكرى كلمة narrow وتضحكى امام بناتك واولادك بهذه الطريقه فهذا لايقبله الدين ولا الخلق السودانى القويم واستغفرى الله العظيم وتوبى اليه


ردود على الشاعر
United States [ياسر المريود] 12-10-2013 02:29 PM
يا الشاعر ياخوي
قوم لِف كده
فهمكم في كل حاجة: ده حرام ..!! وده حلال ..!
الزوله دي قالت الحقيقة فالدخان علميا يؤدي لانكماش الجلد وبالتالي يجعل عضلة المهبل ضيقة .. ودي لا عايزة ليها استغار ولاتوبة ..@
وانت اذا كنت متبرع بالقاء النُصح والارشاد عليك بالذين يتجاورن باسم الدين فينهبون الاوطان وينتهكون الحرمات.

عينك في الفيل وتطعن في ضُلّه ...!!!!!!!

خسئت يارجل.


#851524 [DUKHAN]
0.00/5 (0 صوت)

12-09-2013 09:14 AM
أهو يرضو من ضمن كفاحات ونضالات المرأة السودانية

ينزل في ميزان حسناتها إن شاء الله

ولولا الدخان


#851500 [مريود]
5.00/5 (2 صوت)

12-09-2013 08:58 AM
مطلوب مرة ست بيت .
دخان ودلع بس .
أنا بطبخ وبسوي الشاي.
وبودي الملابس الغسال.
الأطفال يمتنعون.
العمل يمتنع.
الأسواق للضرورة بس .
رحلات قعدات سفر ونسة عامة.
دلكة ( مساج ).


#851467 [محجوب عبد المنعم حسن معني]
5.00/5 (4 صوت)

12-09-2013 08:38 AM
نسأل الله ان ينعم على اهل السودان جميعاً بدوام هذه الالفة والمحبة والسعادة
معقولة يا جماعة ناس بالروح الحلوة ده ، تستاهل يحصل ليها كده
اللهم اهدي حكام السودان جميعاً الى ما فيه خير هذا البلد العظيم
اللهم لا نسالك رد القضاء ولكن نسالك ان تلطف بينا يا كريم يا حنان يا منان
الواحد مرات بيطالع تعليقات الاخوة والاخوات وجد بيلاقي المرح وروح الدعابة ياهو ده السودان
مع مؤدتي للجميع


#851456 [أبو عكــــاز]
5.00/5 (4 صوت)

12-09-2013 08:33 AM
إيراد الخبر عموماً لا بأس به ... غير أن من صاغ الحبر حرص على وصف حالة المرأة بقولة ملتحفة و يتصاعد منها الدخان و يتصبب العرق من وجهها لغايات الإثارة و جذب القراء ( ما فضل إلا يقول مستعجلة ) ... يا أهل أمريكا ألم تسمعوا بالدخان السودانى ؟ ألا تدرون أنه وسيلة للمرأة و غاية للرجل فى مجتمعاتنا ؟ هووووووى حاجة ما ضقتوها ما تشنّفوها !!


#851445 [omera]
0.00/5 (0 صوت)

12-09-2013 08:21 AM
لا فضيحة لا شي ، بل المراة السودانية مخلصة في التزين لزوجها ونحن لماذا لا ننشر ثقافتنا ليعرف العالم ان الدخان هو عبارة عن ساونا ومعطر للجسم بس يا محجوب شوقتني اشوف الخواجية على الدخان خليتني ابحث في القوقل يمين شمال وانا عايج ومتوتر عشان اشوف الخواجية في الدخان منك لله كان بوظته اعصابه


ردود على omera
European Union [أبورؤى] 12-09-2013 10:20 AM
والله الخواجية يا Omera لو قومت ليها شجرة طلح فى رأسها ما تشم فيها ريحة دخان

European Union [محجوب عبد المنعم حسن معني] 12-09-2013 10:07 AM
حبيبنا عميرة
اهو ناس الراكوبة جابو شمار الموضوع صورة وصوت بالدرب اها خم وصر
مع مؤدتي


#851438 [عمر أحمد حسن خليفة]
5.00/5 (1 صوت)

12-09-2013 08:19 AM
هذه العادة يجب أن تنتهي خاصة لدى السودانيين في بلاد الاغتراب ليس بسبب صعوبة الحصول على الوسائل والمعينات اللازمة من خشب طلح أو علبة نيدو فاضية، ولكن بسبب المشاكل التي تحدثها ريحة الدخان لدى الجيران وجيران الجيران إلى سابع جار .. كلنا نعلم أن شفاط المطبخ يشفط الدخان إلى المنور لينتقل بعد ذلك الدخان برائحته إلى جميع الشقق - رغم أنف ساكنيها - من خلال المكيفات التي تفتح في المنور ..

حكت إحدى السودانيات (وكانت مدمنة دخان تراه بوضوح في اصفرار قدميها) حكت لزوجتي أن جيرانها من جنسية عربية اضطروا إلى الرحيل وترك العمارة كلها بسبب تأذيهم من رائحة دخان الطلح التي تنبعث من شقتهم وصبغت جميع ممرات العمارة، وأضافت أن الجيران قالوا لهم عند مغادرة الشقة: سايبين لكم العمارة كلها عشان ريحتكم العفنة يا سودانيين ..

المفروض أننا وقد دخلنا القرن الحادي والثلاثين (دي زيادة مني) أن نبحث عن بدائل أخرى للطلح ولا شك أنها موجودة في الصيدليات والعطارين ومحلات أدوات التجميل لكي نريح أنفسنا ونريح جيراننا خاصة من التلوث البيئي الذي يحدثه دخان الطلح ..

كذلك مرور كراتين الطلح في المنافذ والمطارات والموانئ مسألة تثير فضول موظفي الجمارك وهم بلا شك ينظرون إلى صاحب هذه الكراتين نظرة لو ترجمناها وعرفنا معناها لتوقفنا عن هذه العادة مهما كلف الأمر ..


#851384 [عصمتووف]
5.00/5 (6 صوت)

12-09-2013 07:45 AM
ساره ابو الموظفة بالامم المتحده تجده بتلفزوين النيل الازرق وغيره واليوم مع حفرة الدخان يوتيوب واكيد بنت جون تعمل معها او زوجة احد العاملين بالمنظمة بالله عليك انت والاخري كل ثقافات السودان من اثارية وفنية لم تجدوا الا ثقافة العنقريب وحفرة الدخان والحطب والدلكة والخمرة الا متي تظل المرأه السودانية وعاء تصريف للرجل في عرف الدخان تجد جوالات الطلح مرافقة للمراة اين ما حلت ونزلت ب اي دولة اصبح الطلح علم الدولة وجواز سفرها بين الامم خاصة بالسعودية وامارات ومشايخ الخليج تلك الفضائح الزوجية اصبحت صناعة انتاج عقلنا الضخمة بدلا عن صناعة السيارات والطائرات ميروك عليكم ابتكاراتكم


ردود على عصمتووف
United States [مها] 12-29-2013 02:05 PM
اولا المرأة وعاء تصريف للرجل ليست السودانية فقط (من بداية الحديث الشريف الى ... لامرت المرأة ان تسجد لزوجها)تصريف (امتاع الرجل) وانجاب اطفال هذا هو دور المرأةاي حاجة زيادة تانية اجتهاد منها تؤجر علية ان شاءالله . لذلك نحن السودانيات قبلنا بحكم رب العالمين وبنؤدية بريحة حلوة ومظهر جميل. والله لا علم ولا تكنولوجيا ولا ساونا ولا فيشل ولا ليزر تضاهي الكبريت (فتحة على الكاف) السوداني ، وهو موروث وليس ابتكار والراجل كان خواجة ولا خليجي ولا عالم مخترع طيارة ولا سايق درداقة ياهو الراجل عايزة المرة حلوة الطعم والشكل والريحة وبلاش انفصام انت زاتك تلقلك لما تشم ريحة الدخان سواد عيونك يتلاقى

European Union [عصمتووف] 12-09-2013 06:13 PM
ي ليت لوكنت متزوجا العمر فات فات فات وما بتدي حريف



عيرتني بالشيب وهو وقار ليتها عيرت بما هو عار

وان سفاه الشيخ لا حلم بعده وان الفتى بعد السفاهة يحلم

United States [ممغتربة] 12-09-2013 08:55 AM
يسلم عقلك عصمتووف ...ياريت كل الرجال مثلك ...هنئيا لزوجتك

United States [اسامه الشايقي] 12-09-2013 08:42 AM
هوي يا عصمتوف !! انتو والله اظنكم اولاد صغار كلكم !!!! الدخان جزء جيد ويبعث علي الفخر من ثقلفتنا ولا يتعارض مع الديمقراطيه وحقوق المراه وصناعه الطائرات ! الدخان نظافه وريحه طيبه وطهاره
وكل شعب عندو المقابل بس حقتنا مميزه .....والما مجرب ما ينظر ... وشكرا لساره ابو وزميلتها علي عكس ذلك للناس


#851352 [تينا]
4.75/5 (7 صوت)

12-09-2013 07:29 AM
هههههههههههه . بالمناسبة دى وصلتنى الرسالة دى عبر الواتساب ... واحد لخويه ... خاطرى أتزوج لبنانية مثل التفاحة أو أردنية مثل الفراولة . رد عليه خويه ... الفراولة والتفاح يومين ويعفن خد لك سودانية مثل التمرة 50 سنة ما تخرب وكل يوم يزيد حلاها . أنشرها لعيون السودانيات . فديتكم والله يا السودانيات . النساء حسب تصنيف مهندسى الزراعة ... ((( التركية ))) مثل الريحانة شكل بس طعمها مر وتسبب تسمم . ((( اللبنانية ))) مثل شجر الزينة تاخذ جهد ومال ومكان ولا فيها ثمر . ((( المغربية )) مثل الأثل مجمع للأفاعى ولا منها فايدة . ((( المصرية ))) مثل الهيبان يشرب الماء ويخرب الزرع ((( الاماراتية ))) أكل ومرعى وقلة صنعة وكلو عالخدامة . أما ((( السودانية ))) مثل النخلة صبورة على حر الصيف وبرد الشتاء وطول السنة تاكل ثمرها الطيب وكلها بركة وأصالة الله يخليها . رسلوه للجميع رجالا ونساء خلوه يصير برودكاست الاسبوع ... كفو والله يا السودانية . لييه لانو السودانية سوقها قايم لانها بعد الزواج تصير طباخة وسباك وكهربائى وأم ومربية ومدرس خصوصى وطبيب ومستشار نفسى ومحقق ومنبه وااامر بالمعروف وناهى عن المنكر وشماعة يعلق عليها الكل مشاكل الأسرة ومستحيل تنكسر . ههههههه والله انهم صادقين ((( جميع ما تحتاجونه تحت سقف واحد ))) السودانية ليست مجرد امرأة حملة ((( أحمد ربك انك متزوج سودانيييييييييييييييييييييية )))) . ههههههههه نهديه لكل الرجال الذين يسيئون للمرأة السودانية ويوصفونها بالقبح ..


ردود على تينا
European Union [القبح] 12-09-2013 04:01 PM
هو قبح بس

European Union [راجل] 12-09-2013 03:55 PM
اعملي حسابك

United States [أنا] 12-09-2013 12:00 PM
برافووووووووووووووووووووووووووووووو، لكي مني ألف تحية

United States [الكردفاني العدييييييييييييل] 12-09-2013 09:14 AM
جزيت خيرا


#851337 [أبوقرجة]
0.00/5 (0 صوت)

12-09-2013 07:23 AM
ههههههههههههههههههههههههههههههههههههههههههه


#851322 [حيدر عبدالكريم]
0.00/5 (0 صوت)

12-09-2013 07:15 AM
ماهي فائدة الدخان يا سودانيين ؟ ومن الذي جاء بهذا العادة الضارة دي؟ الله يجازيكم الواحد يكون نائم في بيته يختنق في الاخير زوجة جاره فلان هي السبب هل المرأة بدون دخان تصبح ناقصة ؟ اه يا شعب يا سوداني


ردود على حيدر عبدالكريم
United States [مها] 12-29-2013 02:21 PM
فوايد الدخان : 1- مقشر ومنعم للجسم مثل الساونا بتكرارة تجف الطبقة القديمة وتظهر الجديدة بلون اصفر 2-العرق المصاحب لجلسة الدخان يخلص الجسم من الاملاح الزائدة والدهون المتراكمة 3- يعطي الجسم بأكملة رائحة عطرة جدا لا تزول بسهولة بل تبقى لعدة ايام بعد الجلسة الواحدة 4- طبيا يقضى على نوع معين من البكتريا التى تصيب الجهاز التناسلي للمرأة 5- اثناء جلسة الدخان وبتعرض المنطقة الحساسة تضيق العضلات المرتخية وهذا يغني عن العمليات الجراحية المؤلمة التى قدتلجاء المرأة لها بعد سنوات من الزواج 6- محفز جنسي شديد الفعاليةعند استنشاقة (واعتى راجل ما يقدر يقاومة). لو في اضافة افيدونا مع الشكر

[ود حبوبة] 12-09-2013 10:18 AM
يا حيدر انت برلم و الله شنو -
الدخان عادة سودانة صحية حضارية قديمة موروثة من عهود الملكات النوبيات .
و هي مفيدة للمرأة و الرجل سويا حيث يمتص دخان الطلح الامراض و المواد السامة من الجسم و يشد الجلد و يقي من أعراض الشيخوخة المبكرة و يعالج البواسير - وعبارة عن ساونا سودانية. و ينشط الجسم و يشد العظام مع بعضها.

[جاد الرب] 12-09-2013 08:57 AM
هههههههههههههههههههههه حيدر هو انت متزوج ولا لسع بتعرف لوحدك لما تتزوج وعليك بالسودانية بنصحك

United States [اسامه الشايقي] 12-09-2013 08:27 AM
يازول انت ما مجرب واظنك ما معرس !!!! الدخان اهم شي وهو نظافه وطهاره وصحي وظريف والتخلف فيه شنو ؟؟؟ لانه مافي ناس بيض بيعلرفوهو يبقي تخلف !!! ننصح الاخت بعمل بتاعه من الخشب والدخان في البلكونه وخلاص !!! وانت قايل الساونا دي شنو ما ياهو الدخان بس نحن اكتشفناه بدري .... خلي عقده الدونيه دي ..... قال ضاره قال ... حليل الرجال الماتو في كرري !!!!!


#851309 [محجوب عبد المنعم حسن معني]
0.00/5 (0 صوت)

12-09-2013 07:05 AM
هذه ليست المرة الاولى من قبل وقعت عدة حالات مشابهة في مدن امريكية مختلفة بل وفي بريطانيا وفي عدة مدن اوربية، لدرجة ان احدى المذيعات البريطانيات المشهورات قامت باجراء حلقة وثائقية عن الدخان بداً من شارع البحر في ابوروف الى ان جلست في الحفرة. الحلقة موجودة في اليوتيوب، نشرت قبل عام تقريباَ.

https://www.youtube.com/watch?feature=player_detailpage&v=lsHGMMBKo6Y


ردود على محجوب عبد المنعم حسن معني
European Union [محجوب عبد المنعم حسن معني] 12-10-2013 08:02 AM
abdu almarraty
الله يديك العافية واضحك الله سنك يا رائع وان شاء الله دائماً مبسوط.
تحياتي يا زعيم

[abdu almarraty] 12-09-2013 06:16 PM
الله يهدك يا محجوب جبت الرابط دا من وين......والله الموضوع دا خلاني بضحك اليوم كلو.....وبقول للناس البقول انو البت فضحتنا...الزيكم ديل الفاضحننا لانكم بتتنكروا لعاداتنا وتقاليدنا....ونرجوا من بعض المتخلفين البقولوا الدخان فضيحة ارجعوا شاهدوا المقطع بدقة من الدقيقة1.55 الى الدقيقة 2.08 السودانية قالت لمن سالتا الخواجية عن اسم الشجرة am not sure what's called in english, but it's grows wild والخواجية قالت it's grows wild,we know that wood it's AKEAYSHA burning AKEAYSHA for perfume has along history,it's even mentioned in THE BIBLE. كسرة,,,,,it's make woman abit narrow ههههههههههاااااااييييي قوية دي ورتا الرصة كلها والبلاطة كماااااااااااان.

European Union [أبورؤى] 12-09-2013 10:23 AM
عليك الله ما تورينى اليوتيوب دا عشان اشوف الخواجية عندما يدخل الدخان فى عيونها


#851288 [الاروبى]
0.00/5 (0 صوت)

12-09-2013 06:44 AM
ليس بجديد انها حوداث متكررة فى اروبامن جانب السودانيات عبارة عن غربة عن الواقع


#851286 [Tarig Amman]
5.00/5 (1 صوت)

12-09-2013 06:42 AM
تشوفوا ..بعد ما الامريكان عرفوا الدخان ...حيطوروه و يعملوه ماركة تجارية ...هذه هى العقلية الامريكية


#851262 [مجدي دفع الله الجوكر]
0.00/5 (0 صوت)

12-09-2013 06:13 AM
قهقهقهقهقهقهقه،مبالغة والله


#851248 [ابونازك البطحاني المغترب جبر]
0.00/5 (0 صوت)

12-09-2013 05:57 AM
ههههههههه ، ان شاء الله بس ماتكون عملت حفرة في بلاط الشقة وخربتها ليهم !!!!!


#851243 [abdelkhaleq mohammed]
5.00/5 (1 صوت)

12-09-2013 05:50 AM
طلعتي ليهم بي بطانيتك يا الفالحة كمااااااااان ,,,المرة الجاية عليك الله ما تولعيه شديد عشان ما تحرقي انتي ذاتك


#851240 [alsmany]
5.00/5 (1 صوت)

12-09-2013 05:44 AM
كان صبروا ليها شويه كانت طلعت الدخان باضنينها


#851238 [ابو شريف]
0.00/5 (0 صوت)

12-09-2013 05:39 AM
من عجائب السودانيين في الغربة ...... كيف حفرت هذه المرأة الحفرة داخل شقة ؟؟؟؟؟


ردود على ابو شريف
United States [بدون اسم] 12-09-2013 09:01 AM
انت من زمن الدخان يسو ليو حفرة ، تم ابتكار طرق جديدة تغني عن الحفرة !!! بس ماح اقول ليكم


#851219 [الصارم دوما]
5.00/5 (1 صوت)

12-09-2013 05:03 AM
ان شاء الله يكون ودوها ببطانيتهاوهى عريانة


#851216 [ابو محمد]
0.00/5 (0 صوت)

12-09-2013 04:56 AM
دي نكته العام 2013


#851208 [ما مرتاح ....وما مرتاح]
5.00/5 (1 صوت)

12-09-2013 04:11 AM
هى امريكا ما رفعت ضرائب حطب الدخان ولا شنو؟
الله يجازي محنكن ...فضحتونا.... العتب على الزول وليست على الزولة!!!!!


#851202 [سوداني جد]
0.00/5 (0 صوت)

12-09-2013 03:34 AM
ههههههههههههههههههههههههههههههههههههههههههههههههههههههه...انشاءالله حطب الدخان ما رفعوا منو الدعم..؟؟؟


#851201 [عثماN]
0.00/5 (0 صوت)

12-09-2013 03:13 AM
فضحتينا.


#851193 [سوسو]
5.00/5 (1 صوت)

12-09-2013 02:37 AM
ههههههههههههههه وتاني ههههههههههه لكن بيكون الدخان ده طار ليك طيره تاني في السودان ما تدخني


#851185 [عزو]
1.00/5 (1 صوت)

12-09-2013 02:07 AM
هههههههههههه،،،،،،،،،،والصقط جا هووووووى اللليلة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

تقييم
4.88/10 (4 صوت)




الرئيسة |المقالات |الأخبار |الصور |الفيديو |راسلنا | للأعلى


صحيفة الراكوبة السودانية... راكوبة الأغاني السودانية، في رحاب الراكوبه ستجد السودان بمختلف مناطقه وعاداته وموروثاته خلال أقسام منتدياته المتعددة مثل المنتدى العام، العنقريب، المدائح ومنتدى التلاوة الذي يحتوي على تلاوة للشيوخ: صديق أحمد حمدون , عوض عمر , الفاتح محمد عثمان الزبير , محمد عبدالكريم , نورين محمد صديق , عبداللطيف العوض , صلاح الدين الطاهر سعد , الزين محمد أحمد الزين , وأحمد محمد طاهر. إلى جانب هذا هنالك منتدى مخصص للمدائح النبوية، هنالك المادح: الامين احمد قرشى وعلى الشاعر , الشيخ مصطفي محي الدين ابوكساوي , أولاد حاج الماحي , عبدالله محمد عثمان الحبر , اسماعيل محمد علي , السماني أحمد عالم , الجيلي الصافي , خالد محجوب (الصحافة) , علي المبارك , حاج التوم من الله , عبدالعزيز قورتي , ثنائي الصحوة , فيحاء محمد علي , الجيلى الشيخ , نبوية الملاك , عبدالعظيم الفاضل , عاصم الطيب , فرقة عقد الجلاد , سيف الجامعة , عثمان محمد علي , المدائح النبوية , فرقة الكوثر. علماً بأن المشاركات والآراء المنشورة في منتديات الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.
Powered by Dimofinf cms Version 3.0.0
Copyright© Dimensions Of Information Inc.
Copyright © 2014 alrakoba.net - All rights reserved

صحيفة الراكوبة