الأخبار
أخبار إقليمية
خبير يكشف التضخم الحقيقي بالسودان
خبير يكشف التضخم الحقيقي بالسودان
خبير يكشف التضخم الحقيقي بالسودان


12-10-2013 05:41 AM
الخرطوم - أنور بدوي

أكد خبير اقتصادي أن معدلات التضخم الحقيقية حالياً في السودان أعلى بكثير من المعدلات الرسمية التي تعلنها الحكومة، مضيفاً أن مستويات التضخم الحقيقية تتراوح بين 60% و80%، وليس كما يؤكد الجهاز الحكومي للإحصاء، أنها عند مستوى 42%.

وكان الجهاز المركزي للإحصاء في السودان قد أعلن مواصلة معدل التضخم ارتفاعه لشهر نوفمبر، حيث بلغ 42.6% مقارنة مع 40.3% لشهر أكتوبر بمعدل تغير 5.7%.

وسجلت أسعار السلع الاستهلاكية والخدمية خلال 11 شهراً من العام الحالي ارتفاعاً بلغ 36% مقارنة مع 33,8% لـ11 شهراً من 2012، في حين أكد خبراء لـ"العربية نت"، أنهم يرون أن نسبة التضخم أعلى من ذلك بكثير، بسبب الفهم الخاطئ للمسؤولين وكذلك لاجتهادات المضاربين في السوق.

وأشارت المذكرة إلى أن أسعار مكونات مجموعة الأغذية والمشروبات سجلت تبايناً في حركة أسعارها صعوداً وهبوطاً خلال نوفمبر، فيما تراجعت أسعار اللحوم ذات الوزن الإنفاقي الأكبر في مجموعة الأغذية بنسبة 1,9% وأسعار الفواكه تراجعت بنسبة 2,7% والأسماك والأغذية البحرية بنسبة 0,8%.

وأكد الخبير الاقتصادي الدكتور عبد الله الرمادي أن معدل التضخم في السودان الآن أعلى بكثير مما ذكره جهاز الإحصاء، وأنه يصل ما بين 60% - 80%، مشيراً إلى أن الجهاز الحكومي يحاول بهذه النسب عدم بث القلق وسط المواطنين، وطالب الرمادي بضرورة أن تكون هناك شفافية في البيانات المعروضة.

وأوضح الخبير الاقتصادي أن أسباب ارتفاع معدل التضخم في البلاد يرجع في المقام الأول إلى الفهم الخاطئ للمسؤولين عن الاقتصاد للأسباب الحقيقية وهي أن التضخم ناتج عن زيادة في تكلفة الإنتاج وليس عن زيادة في الكتلة النقدية كما يعتقد المسؤولون.

وقال الرمادي إن توقعات التجار والمضاربين في السوق لأسعار السلع له تأثير كبير على ارتفاع التضخم والسلع، وتابع في هذا الصدد "زيادة السلع تتضاعف تلقائياً مع التفاعلات الاقتصادية التي تحدث زيادة عن المتوقع".

وأضاف الرمادي "آفة الاقتصاد السوداني الآن أن القائمين على أمره ليسوا من ذوي الدراية والمهنية حتى يحللوا ويشخصوا المشاكل بصورة صحيحة، ومن ثم الخروج بمعالجات صائبة".

العربية


تعليقات 10 | إهداء 0 | زيارات 7931

التعليقات
#853634 [NjerkissNajrta]
0.00/5 (0 صوت)

12-11-2013 03:44 AM
Let them watch this simple video to learn the basics about the inflation but; hay it is too little too late
http://www.investopedia.com/video/play/what-is-inflation/


#853531 [زول ساي]
0.00/5 (0 صوت)

12-10-2013 11:44 PM
خرشة زول ســــــــــــــــــــــــــــــــــــــــــــــــــــــــــــــــــاي
-السفاح البشير يطالب الوزراء الجدد بعدم التردد في طلب أي مشورة من الرئاسة
-الطاهر: إن كان البقاء بالإنجاز لظل الجاز إلى الأبد
-ابوساطور الحاج ادم : ندعو قيادات القوى السياسية المعارضة التي طالت أعمارهم وبقوا كباراً أن يفسحوا المجال للشباب عشان ما تجيهم ثورة من تحت أو تمرد

مدخل لايؤدي للنص مطلقا :-
انتو خبر الساقطة القالت الطلاب المكفوفين بشوهو صورة الجامعه شنو مايكون جابوها وزيرة تعليم عالي !!!!!!!!!!!!!!!!!!!!

مقطع اول :-
يا السفاح مشورة شنو البياخدوها منك انت كدي اقدر على حقك اولا وقالوا لي ماشي تعذي في مانديلا والله صحي الفيل كن وقع بتكتر سكاكينه لكن احذر سكين اوكامبو برضو مسنونة وخايف عليك من المساككات الجويه (بتتذكر جرية الصين)

مقطع تاني
انت ود الطاهر ده جن ولا شنو الجاز غير السرقة عمل شنو وياريت لو بسرق قروش بس ده بسرق بيار انا والله لمن باقان قال لقينا البيار زايدة اتزكرتا قصة الواحد السرق ليهو غنماية ولمن قبضو قال للقاضي انا ما سرقتها القاضي قال ليهو اها طيب قول ما سرقتها ورينا دخلت بيتك كيف ؟ قام الحرامي بكل بساطة قال والله الا لو جات براها !!!! والجاز برضو الايقول زادن براهن !!!!!!!!!!!!!!!!!!!!!!
المهم وبعد ده الكيزان شايفنو انجز والله بيني بنكم يا كيزان هو انجز فعلا انجز كل قصورو في ماليزيا

مقطع تالت
ابو ساطور والله صحي ابو سنينة بضحك لي ابو سنينتين انت هسي قول لي الشاب منو في الجبتوهم ديل حسبو ولا بكري ولا بتاع المالية ولا ولا ياخ عليك الله كدي قد شوف ليك نجيلة اسقيها !! ولا اقول ليك شئ انت ما تعكس الجرة والله ممكن تفتح امشي الشعبي (دور اللص) يمكن تجي نائب اول

خرشة قبل الاخيرة
زين العابدين (ده بتاع الحركه الوطنيه للتغيير )بقول: الشريعة سلوك شخصي ،
والشعبي (الترابي) بقول: الحرية قبل الدين
وغازي سليمان :بقول انا يساري لاني مسلم
والمحبوب عبد السلام :بقول منذ ان دخلت الحركة الاسلامية كنت في يسارها
والسفاح قبل يومين في قري بقول: هي لله هي لله
وللسائحون والاصلاحيون تغريدات هارمونيه
وبنبر الخراب العاجل طبزها بتسريبات ماليزيا قبل اسبوعين
والله حركاتكم كترت ياناس (الحركة )
وصدق الصادق النهيوم لما قال (اسلام ضد اسلام)

خرشة اخيرة
الان تعقد اجتماعات مكثفة لكل شلة من الشفوت اعلاه والكل يحلم بالاستفراد بالسودان ما لينا شغلة بيهم وانسحاب علي عتمان انا مابجيب سيرتو
وبقول لنافع ما كل مدردم ليمون!!!!!!!!!!!!!!!!
اما ناس احتفظنا بمفاتيحنا عبثا وقد غيروا الاقفال بقول ليهم سيحوا في الارض فسوف تجدون الاصلاح الان بعد الخراب العاجل
يالكاروري الاغاني والمعاني اقصد المعادن كيف معاك وهل البنبان بفطر الصايم؟؟؟؟؟
وهسي القال الجبهة الثورية منو؟؟؟؟؟؟؟؟؟
ياابو الحس نايب رئيس ما بتحلك من الجنائية المتحزم بالايام عريااااااااان
قالو موسى هلال في البحير يبحث عن السلام !
نقول ليهو الممعوطة مابتطير
وبكرة قال في جلسة في البرطمان لاختيار الرئيس
بقول لي الناس الناية هناك عليكم الله بعد تنتهوا لمو لي معاكم باقي البلح
عشان داير اسوي بيهو عرقي اسكر !!!!!!!!!!!

خريشة مخرج
حليلك بتسرق سفنجة وملاية
وغيرك بيسرق خروف السماية
تصور في واحد بيسرق ولاية


#853520 [شمال و جنوب فى محنة]
0.00/5 (0 صوت)

12-10-2013 11:20 PM
اسعار اراضى وهم اسعار مواد البناء دليل على ان التضخم يوازى سعر الدولار والدولار ماهو ناقص يعنى التضخم تراكمى بتزايدية هندسية خبير اقول ليك 60 و اخر ازاود شوية و كلنا نعلم ان القيمة الشرائية الحقيقية للجنيه السودانى خيال و وهم و شوف كم قروض و كم اموال اتهربت و هكذا دواليك منذ ان تاسلمنا كل اعتمادنا على قدرة فول متروسة موية ومافى ليها زيت


#853135 [الوالي]
5.00/5 (1 صوت)

12-10-2013 03:38 PM
يعني سبتو المقال دا كوووووووووووولو وبقيتو علي الوالي ,,, الله المستعان , بقيتو زي الناس الاتغالطو في كلب اهل الكهف انها كلبة وللا كلب
عايزين غلاط بس عشان كدا السودان اصلو ما بتقدم اذا حتي في التعاليق بتنظرووو
والبشير دا ح يكمنا لي يوم الدين بالطريقة


#852924 [radona]
5.00/5 (1 صوت)

12-10-2013 01:33 PM
كتبت كثيرا جدا عن الشان الاقتصادي ولكن لاحياة لمن تنادي ولكن لاباس ان اكتب مرة اخرى عسى ان تصيب هذه المرة وعسى ان يصل صوتنا للقائمين على الاقتصاد والبلاد تشهد التشكيلة الوزارية الجديدة التي نامل ان تصحح الاخطاء المتراكمة والتي ظلت الوزارة السابقة تعيد انتاجها دوريا وباصرار مريب وعليه الموضوع ومافيه :
.. التوصيف الدقيق للاقتصاد السوداني : هي حالة انهيار شبه كامل ( قاب قوسين او ادنى من القاع) وذلك نتيجة اصابة الاقتصاد ب (المرض الهولندي) بعد انفصال الجنوب وذهاب البترول وايراداته وقبل ذلك لم تحسن الحكومة في توظيف عائدات النفط الذي استمر تصديره منذ 1999م وحتى 2011م ولم تحدث التنمية في الزراعة ولا الصناعة التحويلية المرتبطة بها بشقيها الحيواني والنباتي انما ظلت الحكومة تصرف اموال البترول ببذخ يمنة ويسرى دون هدى مثلها مثل الدول البترولية الخليجية وصاحب ذلك نمو طبقة طفيلية من الاغنياء تحت مظلة الفساد الذي ضرب البلاد والعباد .
.. التدمير .. تم اهمال المشاريع الزراعية العملاقة مثل مشروع الجزيرة الذي كان من المفترض ان يصرف عائدات البترول على تحسين نظام الري فيه بواسطة الانابيب بدلا عن الترع مواكبة للعصر وعلاجا لمشكلة الري باسلوب عصري وكذلك طال الاهمال المشاريع الاخرى بنفس القدر والكيفية .. ومع الترهل الحاد في الحكومة وتفشي الحكم المحلي ( الولايات والمحليات ) والقوانين المحلية الولائية للجبايات لايجاد موارد مالية للصرف على مرتبات وحوافز وبهرجة الولاة والمعتمدين ومجالسهم التشريعية وحكوماتهم المترهلة هي الاخرى هذه الجبايات كانت مصدر ضيق وخنق مما اجبر الكثير من المزارعين ترك مزارعهم والرعاة ترك مراعيهم والصناع تركوا مصانعهم ويكفي مثالا ان مدينة الباقير الصناعية بسبب الجبايات تدمرت بفعل معتمد من الجباة والعتاة وقس على ذلك المناطق الصنعية ببحري وام درمان كما الخرطوم .
.. الاكثر تدميرا .. الاصلاحات الاقتصادية برفع اسعار المحروقات وزيادة ضريبة القيمة المضافة وعودة ضريبة رسوم الانتاج والتي كانت معينا وبيئة صالحة لنمو المرض الهولندي وما صاحبه من تضخم وعدم مقدرة على التحكم بسعر صرف الجنيه السوداني وخابت معه كل السياسات والنظريات الاقتصادية الاكاديمية وصار المضاربين هم من يتحكم في سوق صرف العملة تماما وبمباركة الحكومة العاجزة بل والمشلولة حيث القت السياسة بثقلها على الاقتصاد الذي لم يجد بدا من الانكماش اثر الانكماش حتى دخل غرفة الانعاش في غيبوبة كاملة وتفشى الجوع والمرض والفقر ونما الفساد بشكل غير مسبوق حتى تم تصنيف السودان بواسطة منظمة الشفافية العالمية كاحد الدول المتقدمة جدا في هذا المضمار ولا يجدي ان نقول ما تسمى بمنظمة الشفافية وانها منظمة يهودية كاستهلاك سياسي انما هي منظمة تعتمد تقاريرها كل دول العالم ويوجه الاغنياء استثماراتهم بناءا على تقاريرها بدون مغالطات جوفاء .
.. الاصلاح .. حتى نبدأ في اصلاح ما افسدناه بفعل الفساد وبفعل السياسة يجب اولا ان نعترف بالمشكلة ونتواضع لها ونعرف اين يكمن الورم الخبيث ثم نمسك بالمشرط لاستئصاله املا في شفاء الاقتصاد ونهضته على ايتها حال ولنبدأ في الاصلاح وهو دواء مر جدا للحكومة ولكنه السبيل ولا سبيل غيره مهما تفنن الاقتصاديون والاكاديميون والسياسون فلن يكون هنالك اصلاح بغير الوصفة الاتية :
.. الحكومة : مترهلة بصورة مبالغ فيها وفوق الحاجة الفعلية للدولة تماما ومطلوب اعادة هيكلة الحكومة الى اقل من 20 وزارة و5 اقاليم للحكم (ولايات) وخفض رواتب الدستوريين بنسبة اقلها 50% وتخصيص سيارة واحده صنع جياد لكل دستوري ومنع الحج والعمرة وتعليم وعلاج الابناء بالداخل والخارج على نفقة الدولة تماما
الغاء كافة القوانين المحلية والولائية المتعلقة بالجبايات حتى يتمكن المزارعين من العودة الى مزارعهم والرعاة الى مراعيهم والصناع الى مصانعهم وتخفيض الضرائب الى ادنى حد ممكن تحفيزا للانتاج الذي هو العلاج الوحيد للمرض الهولندي وليس العكس كما فعلت الوزارة السابقة بزيادة اسعار المحروقات والضرائب وذلك قصر نظر ادى الى الانهيار الاقتصادي لقتلهم الانتاج تماما
.. سياسيا .. كما هو مشاهد ان التمرد اصبح الوسيلة الاسرع للوصول الى الجاه والسلطة كما يفعل متمردي دارفور حيث وصل اركو مناوي للقصر الجمهوري ثم خرج طلبا للمزيد من السلطة والمال ..اصبح التمرد هو المؤهل .. وذلك تسبب في ترهل الحكومة وادى الى تقسيم البلاد الى كنتونات ولائية على سبيل المثال دارفور وكردفان تقسمت الى جزيئات شرقية وغربية وشمالية وجنوبية واذا استمر الحال على مهو عليه سنشهد شمالية شرقية وجنوبية غربية وهذا وضع شاذ وغير طبيعي فقط 5 اقليم للحكم هي الخرطوم والجزيرة والبحر الاحمر وكردفان ودارفور والشمالية فقط وليس غير
.. انهاء الحروب الاهلية .. تعلن الحكومة عفوا عاما عاما عن كل المتمردين في كافة انحاء السودان ويكون ذلك مكفولا من الامم المتحدة بمجلس امنها والاتحاد الاوربي والاتحاد الافريقي وجامعة الدول العربية والدعوة الى كتابة دستور دائم تودع نسخة منه لدى الامم المتحدة ولا يجوز التعديل او الالغاء او الحذف منه لفترة 25 عاما وبذلك نكون قد قطعنا الطريق على التمرد وفعلنا الدستور والقانون ومن يخرج بعد ذلك على الدولة هو مجرم يعاقب على جرمه لا ان يكافا بمنصب دستوري وزيرا او واليا انما هو مجرم قد يسجن او يعدم ايهما يعاقب به القانون والدستور

هذه طوط عامة وباسلوب السهل الممتنع حتى يتسنى للاقتصاديين والاكاديمين والاميين من القراءة والله ولي التوفيق .. والله من وراء القصد


#852682 [نبض التعب]
4.63/5 (5 صوت)

12-10-2013 11:02 AM
والله فعلاً: (عدم الإحساس مُشكلة) .. فعدم الإحساس بمعاناة المواطن يقوده لـ( التذمر ثم الغضب فالعصيان فالتمرد ومن ثمّ حمل السلاح) .. وعدم الإحساس واللامبالاة هذه هي أصل القصّة ودعكم من مفردات الإرتزاق والعمالة والركوع للغرب النصراني ، فبمثلما تحسّون وتهتمون ــ يا كيزان ــ بمأكلكم ومشربكم وسكنكم الفاخر وأنتم منْ كنتم قبل إنقلابكم المؤوم حُفاة وعُراة ومعمظكم يسكن بالإيجار فإن المطلوب منكم فتح مشاعركم وأحاسيسكم نحو اتلمواطن ، وبما إنكم بلا أحاسيس ، ولأن فاقد الشئ لا يُعطيه فالحال لن ينصلح طالما ألأنت على هرم السُلطة وقابضون على مفاصلها ولو خدعتمونا بتمثيلية الإطاحة بعلي عثمان والإطاحة بالمانافع وحرق (الجاز) بإبعاده من وزارة البنزين والغاز والجاز .. مرحباً بالتضخم و"الورم" وإرتفاع الأسعار عسى ولعلّ أن تُحرّك الشارع الصائم و.. نائم!.


#852630 [aljamed]
0.00/5 (0 صوت)

12-10-2013 10:26 AM
الرمادی دا منو?


#852625 [جركان فاضى(تطير سكينة العيشتا سخينة)]
5.00/5 (1 صوت)

12-10-2013 10:24 AM
طيب التضخم وصل ما بين 60%-80%...فهل هناك احتمال انفش والا لا؟...الموضوع ليس المستوى الذى وصل البه التضخم بل الموضوع كيف نفشووووووووووووووووووو


#852467 [الوالي]
5.00/5 (1 صوت)

12-10-2013 07:41 AM
هههههههههههههه شر البرية ما يضحك يا بابا اكتشفت الزرة انت ؟؟؟ عايزين حلول كفاية اكتشافات الله يرضي عليكم
والله طفشنا من الاكتشافات اذكر حلولك حتي ولو لم تتيح ليك الفرصة في تنفيزها عسي ان تاخد المسؤولين بيها ونستفيد منها نحنا كمان


ردود على الوالي
European Union [محمد همت] 12-10-2013 11:10 PM
وأنت يا ود الغرب البعرف الدرب العامل فيها متعلم ومتفلهم تعليقك أيضاً فيه الكثير من الأخطاء وأولها إنك لا تستخدم الهمزة فى كثير من المواضع التى يتوجب كتابتها مثل أرجو - أن - أولاً - يأخذ - للتأنيث - لأن ( عندما تكتب لان فهى تعنى اللين ) كما إنك لا تستخدم التنوين فى آخر الكلمات مثل أولاً ( أولا بدون تنوين لها معنى آخر وتستخدم كثيراً فى اللغة بغرض الإستفهام ففتش عنها لتعلم الفرق ) وبعدين تتاح تكتب بالحاء وليس بالجيم - وكلمة المرء ليس بها واو بهمزة – فبرضو تعليقك الكلو كم سطر دا ملياااان غلطات .. فلو كان عشرين سطر كنا نوديك الجنائية وللا شنووووووو يا بتاع سيبويه إنتا ؟!؟!؟!؟! .. وبيت الشعر الكتبتو دا إنتا محتاج ليهو أكتر لأنو شكلك من عينة الجمل ما بشوف عوجة رقبتو.

United States [ود الغرب البعرف الدرب] 12-10-2013 01:34 PM
ياسيادة الوالى (ارجو ان لايكون قد انتفض سبويه فى قبره) اولا زى ماقال اخونا هجام شر البليه من البلاء ثانيا الذره وليست الزره لان الذره هى من القنبله الذريه ثالثا ( حتى ولو لم تتيح ليك فرصه)
والصحيح حتى ولو لم تتاج لك وليس تتيح ليك رابعا (فى تنفيزها) والصحيح فى تنفيذها بالذال وليس
بالزين خامسا (عسى ان تاخذ المسئولين) والصحيح عسى ان ياخذ المسئولين لان ياخذ للتذكير وتاخذ للتانيث
(تعلم فليس المرؤء يولد عالم ولااخو علم كما هو جاهل) بعدين كل تعليقك سطرين حمل هذه الاخطاء لو كانو عشرين سطر نرفع عليك دعوه ولاشنو؟؟؟؟؟؟؟؟؟؟

[هجام] 12-10-2013 11:41 AM
تصحيح "شر البرية" ..............شر البلية ، من البلاء يا أخونا الوالي ـ يعني إذا تفاقم البلاء ووصل البكاء إلى ذروته وانتهى يأتي بعد ذلك الضحك ، والضحك ليس ليس سببه الفرح هنا وإنما لأن الحزن وصل ذروته خلاص ... وشكراً

United States [ياسر عبدالحميد] 12-10-2013 10:15 AM
يالـ (الوالي) الراجل ذكر سبب المشلة، واورد الحل ايضا.
ارجع اقرء المقال تاني... ليس بالضرورة ان يكون الكلام بالتفصيل الممل.

تحـــــــــــــــياتي


#852464 [منطقي]
0.00/5 (0 صوت)

12-10-2013 07:35 AM
أنا أعتقد أن الغزو أو التدخل الفرنسي سمه ماشئت آتي لا محالة لدارفور بسبب تردي الأوضاع المعيشية والأمنية،
وصراخ النجدة سيكون من الخرطوم لا محالة بسبب تردي الأوضاع الأقتصادية"لأن معظم السودانيين يعشقون أن تحك جلودهم من قبل أظفار الآخرين!".
فكيف لمثل هذا الأنزلاق الأقتصادي الكارثي سيساعد أو سيساهم حتى في استقرار البلد سياسيا ثم امنيا!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة