الأخبار
أخبار إقليمية
السفاح : بعض الوزراء رفضوا التكليف لكننا ضغطنا عليهم
السفاح : بعض الوزراء رفضوا التكليف لكننا ضغطنا عليهم



بابنا مفتوح لتقديم المشورة للوزراء
12-10-2013 11:11 AM

الخرطوم مناهل يوسف
كشف رئيس الجمهورية عمر البشير بان بعض الوزراء في التشكيلة الحكومية الجديدة رفضوا التكليف وزاد :"ما دعانا للضغط عليهم ليشغلوا المناصب الوزارية".
وقال البشير في حديث مقتضب عقب انتهاء مراسم القسم لنوابه ومساعده والوزراء الجدد بالقصر الجمهوري امس (الاثنين) ان مسالة الاختيار لم تكن سهله وجاءت بعد تمحيص وتدقيق مشيرا الى ان السودان ملئ بالكفاءات والخبرات في المواقع المختلفة مؤكدا حرصهم لاختيار افضل العناصر للمناصب العامة.
ولفت لدى مخاطبته الوزراء الاتحاديين ووزراء الدولة الجدد، ان التشكيلة الجديدة اخضعت لمشاورات ومداولات مكثفة للاختيارلصعوبة واهمية المواقع المراد تكليفهم بها لاسيما ظل الظروف الراهنة. واوضح الرئيس بان العمل العام تكليف وليس تشريف موكدا تقديم الدعم للوزراء الجدد ولن تكون هنالك حواجز وان الباب مفتوح للمشورة في اي وقت. وذكر البشير ان البلاد تواجه تحديات كبرى و تحتاج لطاقة شبابية ودعا الوزراء للعمل بروح الفريق والمسؤولية الجماعية وان يحافظو علي الامانة.

الاهرام اليوم


تعليقات 8 | إهداء 0 | زيارات 2911

التعليقات
#853472 [ممغوص في الغربة]
0.00/5 (0 صوت)

12-10-2013 10:12 PM
شئ عجيب بعض الوزراء رفضو ولكننا ضغطنا عليهم ياخي مافي وزير ما جري للدجالين والمشعوزين وبالعكس تماماً في بعض منهم بكي وصرخ واتحسر وقال هناك مؤامرة
لكن الأيام سوف تكشف ما اخفيتموه هل علي عثمان والجاز وأسامة كهرباء كمال بتاع الدهب وقوش هل حايصمتو


#853195 [Saloomi]
0.00/5 (0 صوت)

12-10-2013 04:32 PM
عليك اطرد النائب الدق صيوانات الفرح دهـ ما منه خير


#852949 [عزة]
5.00/5 (1 صوت)

12-10-2013 01:42 PM
ناسك داقو صيوانات تقول رفضوا وضغطنا عليهم
عليك الله يا ريس استحلفك بالله الا تكذب لان الشغله كترت وانت ما محتاج حليفه انت خليفه المسلمين ولا شنو


#852785 [aldufar]
5.00/5 (1 صوت)

12-10-2013 11:57 AM
متى كان بابك مفتوح للمساكين والمظلومين من افراد الشعب السوداني؟


كل ابواب الوزراء لا يصلها إلا المقربون من الحكم فقط أو من كان من قرابته او بينهم لحسة مالية تجارة بين اي وزير ومواطن موال لهم فقط .

ابوابك اي مشرعة مثل ابواب أولادالملك عبدالعزيز آل سعود طيب الله ثراه ،
ايها السفلة المنحطين .

كان راجل افتح بابك عشان املوه ليك دخان لان الظالم دائما ما يكون خائف وانتم ظلمتم كل اهل السودان منذ حكمكم للسودان وحتى تاريخ اليوم .


#852780 [AburishA]
0.00/5 (0 صوت)

12-10-2013 11:53 AM
كشف رئيس الجمهورية عمر البشير بان بعض الوزراء في التشكيلة الحكومية الجديدة رفضوا التكليف وزاد :"ما دعانا للضغط عليهم ليشغلوا المناصب الوزارية".

بدل تغرق براك... قلت احسن يغرق معاك الجماعة ديل.. موت الكتيرية عيد !!!
مركب النظام غرقااااانة... والتغيير الشامل آت لا محالة!!!!


#852771 [ابو محمد]
0.00/5 (0 صوت)

12-10-2013 11:50 AM
هههههههههههههههههههه قلت لي ضغطتوا عليهم - نحنا راسنا فيهو قنابير - علي عثمان ده مالوا ماضغطتو عليهو - رغم انو اساسي في المشروع الحضاري - هاك المشروع الحضاري ده


#852716 [قمر]
0.00/5 (0 صوت)

12-10-2013 11:23 AM
يحكي ان احد الحكام طلب من احد القضاء ان يساعده في ادارة الدوله فكان رد القاضي
(ببابك الف مظلمه فاقضي منها ما تستطيع بعدها سوف اتي واساعدك )
كدي شوفو لينا اجابه لسؤال عمنا الفاتح جبره المشهور...فقد بح الصوت وجف المداد وئيس الخلق من ان نجد جواب لسؤال بسيط
اين ذهب خط هثرو
نعتبرو بالونه اختبار



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة