الأخبار
أخبار إقليمية
اميرة السر تعتذر عن وزيردولة بالسياحة
اميرة السر تعتذر عن وزيردولة بالسياحة



انتصار ابوناجمة تؤكد اهمية وجود امير خارج اطار العمل التنفيذي،
12-10-2013 11:19 AM

البرلمان: خالد الفكي : شاذلي السر

فى خطوة مفاجئة دفعت رئيسة لجنة الشؤون الاجتماعية بالبرلمان اميرة السر باعتذارها لرئيس الجمهورية عن تولي منصب وزير الدولة بالسياحة والاثار والحياة البرية ، وامسكت اميرة عن مسببات الاعتذار وقالت للصحافيين بالبرلمان امس (الاثنين) عقب اعلان اسمها بالتشكيلة الوزارية الجديدة :"انها تجد نفسها فى العمل الاجتماعي ، ان المنصب وسيلة وليس غاية"، يُشار ان الرئيس البشير قبل الاعتذار و عيَن عادل حامد دقلو وزير دولة بالسياحة والاثار. في حين اكدت امين المرأة بالمؤتمر الوطني انتصار ابوناجمة ان الامانة هي التي ترشح اسماء من يتولون المناصب الوزارية من النساء ، واشارت الى ان اميرة السر نائب امين المرأة بالوطني ولم ترفع الامانة اسمها لتولي منصب وزاري، واكدت اهمية وجود امير خارج اطار العمل التنفيذي، وقالت في تصريحات صحفية بالمركز العام للموتمر الوطني امس (الاثنين) :"الاخت اميرة تمسك بملفات مهمة في الامانة، بينها الملف السياسي بالامانة وينتظرها عمل كبير في مجال البناء الحزبي والاستعداد للانتخابات .

الاهرام اليوم


تعليقات 5 | إهداء 0 | زيارات 4184

التعليقات
#853383 [حد بيعرف احسن م الحكومه!!]
0.00/5 (0 صوت)

12-10-2013 08:11 PM
ويا جماعة الخير.. ما كدى شوفولكن ظريقه اصلو الحاجه هديه ام البشير كلموها اتّقول لولدا " حسّا ما فات شي .. الوزير الباكى دا الياخد فيهو ألأجر ويسكّتو من النحيب الفيهو دا..بس اليرجعو وبأى درجه وزاريه .. نائب وزير او وزير دوله .. مساعد وزير ان شالله .. حتى ان بقت فى وزارة التعدين زات نفسا .. بيقبلبها نعمنو ما فى زول بقدر على الشماتة "
وما ينسى كمان عمر يثبت قلب ود امحمد حسين وقوام يحوّل وزير الدوله الجابو للدفاع لجيهة آخرا.. يعنى هو عمر دا ما عارف ريسين بغرّقو المركب.. يقوم يسويهن وزرا اتنين فى وزاره ما محتاجالا لأربعه عيون ؟ هو قايل ألأتنينات طوالى بيسكتن ويسلكن متراضيات كل واحده بليله..فى كل محل؟ دا كوللو من اسامه.. بركه العمر سلآّ مرقو وكمان رجّع مكاوى وزير كبير .. انا ان كان عارفا الحصل دا ماشى يحصل قوّام كدى كان خليتو ( الله يباركو عمر) ختّا مكاوى فى كرسى اسامه.. على ألأقل كان يمكن تكفّر ليهو عن ضربتو لى بالحديده فى عضم شيطانى .. ولي حسّ كلما اطراها احس بالوجع .. الله يجازيهو ويحفظو ليكم يا ناس السودان..بس ولدا ما كان زى اخوانو ... كان مشاتر من يومو مسخوت وممسوخ وأديه الكضب والرقيص كلما سمعلو مزيقه.. "فى مارش اورطه 14" يقوم يرقص.. الله يديهو العافيه .. انا راضيه عليك يا ولدى والله يديك الفى مرادك بعد الحاله.. وليدا ولآ بنيّه .. انا والله كنت متمنيالو السبعه المتبعه.. ألا الله ما اراذ ..لكن نرضى بقسمة رب العالمين ,, ترى الله عوّضو بشفّع ود شمس الدين الموسوس ذاك السوّى الما بشبه ..الله يرحمو ويغفرلو .. بس المصيبه كمان الشفّع يطلعو زى ابوهن يقومو يوم يطلع ليهن جن ابوهن فى روسنن يلحّقو عمر دا امّات طه!.!!!


#853155 [رحّال]
0.00/5 (0 صوت)

12-10-2013 03:55 PM
الريس ما بشاور من يعينهم؟!!!


#853109 [alhaj alsedique]
0.00/5 (0 صوت)

12-10-2013 03:23 PM
الله اخيبنا نحن اميرة ترفض وكمال عبد الطيف ابكى
طيب ما كان تحول المنصب لكمال عشان اسكت من البكاء


#853022 [نارين]
0.00/5 (0 صوت)

12-10-2013 02:18 PM
سبحان مغير الأحوال يا بت امجركل جيتي سكنتي الخرطوم وبقيتي تصرّحي كمان بعد كدا عايزين تصريح من راجلك ابريالة ود محجوب شاور .. على فكرة برضو خلّ امجركل وجا سكن الخرطوم .. تفوووووووو على زمن الغفلة


#853000 [أمير علي وعلي قلبي الكبير]
0.00/5 (0 صوت)

12-10-2013 02:10 PM
الله يخيبكن قالت أمير قالت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة