الأخبار
منوعات سودانية
لجنة المسابقات بالاتحاد السوداني تفرض عقوبات علي الهلال
لجنة المسابقات بالاتحاد السوداني تفرض عقوبات علي الهلال
لجنة المسابقات بالاتحاد السوداني تفرض عقوبات علي الهلال


12-11-2013 12:59 AM

فرضت لجنة المسابقات بالإتحاد السودانى لكرة القدم اليوم الثلاثاء عقوبات مالية علي نادي الهلال لانسحابه من نهائي كأس السودان امام المريخ والذي كان مقرراً لها أن يقام بالدمازين حاضرة ولاية النيل الأزرق يوم 25 نوفمبر الماضي.

وقررت اللجنة في اجتماعها الطارئ الذي استمر لأكثر من ثلاث ساعات، برئاسة أسامة عطا المنان أمين صندوق الإتحاد نائب رئيس لجنة المسابقات، إعتبار فريق الهلال الخرطوم مهزوماً صفر/2 ، وبالتالي اعتماد المريخ فائزاً بكأس السودان لموسم 2013، وتوقيع عقوبة مالية على نادى الهلال وقدرها 25 ألف جنيه سوداني، وقررت اللجنة الإكتفاء بالعقوبة المالية فقط تقديراً للجهود التى بذلها مجلس تسيير نادى الهلال لتجهيز فريق الكرة للمشاركة في المباراة النهائية.

كما قررت اللجنة توجيه إنذار للمدرب ياسر حداثة مدرب فريق كرة القدم بنادى الإتحاد مدنى بعدم تكرار ما حدث منه من سلوك في مباراة فريقه أمام الأهلي شندى في المباراة التى جمعت بين الفريقين في دوري سودانى الممتاز.

وقررت اللجنة رفع عقوبة الإيقاف عن المدرب محسن سيد مدرب فريق الكرة بنادى المريخ الفاشر والإكتفاء بمدة العقوبة التى قضاها.

وقررت اللجنة مخاطبة الاتحاد المحلى لكرة القدم بالحصاحيصا باتخاذ التدابير الإدارية والتنظيمية والأمنية الخاصة بالمباريات التى تلعب بإستاد الحصاحيصا، وتوجيه إنذار للاتحاد بتوقيع عقوبات رادعة إذا تكرر ما حدث في مباراة النيل الحصاحيصا وحى العرب بورتسودان في إياب ملحق سنترليق البقاء أو الهبوط من دوري سودانى الممتاز.

وقررت توقيع غرامة مالية على نادى النيل الحصاحيصا مبلغ وقدره سبعة ألف جنيه سوداني نسبة لإلقاء جماهيره الحجارة على الملعب في مباراة النيل وحى العرب بورتسودان، وقررت حرمان فريق النيل الحصاحيصا من اللعب بارضه أول مباراتين له في الدوري الممتاز لموسم 2014م.

وبالمقابل يلعب فريق حي العرب بورتسودان أول مباراتين له في المنافسات القومية لموسم 2014 خارج ملعبه.

ونظرت اللجنة الشكوى المقدمة من الإتحاد المحلي لكرة القدم ببورتسودان ضد عضو مجلس إدارة الإتحاد مساعد الرئيس محمد سيد أحمد سر الختم وقررت إحالتها لمجلس الإدارة للنظر فيها.

كووورة


تعليقات 12 | إهداء 0 | زيارات 4768

التعليقات
#854460 [حد بيعرف احسن م الحكومه!!]
0.00/5 (0 صوت)

12-11-2013 07:12 PM
يا اتحاد يا كرة يا قدم .. ويا لجنة المسابقات .. ويا اسامه يا عطاء المنان :وماذا عن قوارير فيتامينات ال WC اللى تركها عابثو القلعه الحمرا فى تلاجة اتحاد الحصاحيصا وتكسير اثاثات وحاسوب ألأتحاد يوم معركة ذات الفيتمينات؟ هل اتحادكم يا اهل الحصا حيصا غض الطرف عن تلك ألأحداث ولم يرفعها السيد مراقب المباراه فى تقريرو تلبية لطلب المدعو "عبصمض " رئيس بعثة المريخ للمدعو محمد سيداحمد "ماتثيروا لينا مشكله..جمال الوالى كان اصلو ناوى يتبرع لأتحاد الحصاحيصا بميتين الف جنيه..وخنصلّح ليكم كل ألأتكسر!!
هل قام حنم المباراه بجمع زجاجات الفيتمينات وتفريغ محتوياتها فى النيل!! كتب شنو الحكم فى تقريرو؟ عالم وهم ورياضه اى كلام!!!


#854394 [ابوفارس]
0.00/5 (0 صوت)

12-11-2013 06:03 PM
ال25 مليون دي استنادا علي سابقة انسحاب المريخ قبل موسمين....الاتحاد العام لا يمكنه انزال عقوبة اكثر من ذلك على الهلال ... لانه انفس قبل ذلك امام المريخ والذي انسحب بلا سبب سوي ان المباراة يجب ان تكون بعد نهاية الممتاز.... دي كورتنا وده اتحادنا.... وده حالنا عشان كده عمرنا ما ح نتقدم ...نتقدم كيف والجاكومي من مسئولي الرياضة في بلدنا!!!!


#854316 [الجــــزيرة ابا]
0.00/5 (0 صوت)

12-11-2013 04:36 PM
وليه ما قررتوا فى انسحاب اتحاد بورتسودان من الاتحاد العام السودانى ؟!!!
لانكم حرامية وفاشلين وشغالين شغل مشاطات ... لو فى حرمان فعلى كان يفترض ان يوقف الاتحاد الجاكومى المسئ للرياضة وللحصاحيصا معا .. زول بنبز الناس على الملأ بطريقة عنصرية .. ياتو رياضة الاخلاقا زى دة ؟!!
وليه ما عاقبتوا ناس المريخ على البول اقصد فيتامين سى يا بدوى ؟


#854175 [مجروس ق ش م]
0.00/5 (0 صوت)

12-11-2013 02:39 PM
ﻻ حول الله و ﻻ قوة اى بالله خمس و عشرين مليون حتة واحدة اﻻتحاد دة مستهدف للهﻻل هسة قروش قدر دة يجوبها من وين ..دة فريق جوفنتس اﻻيطالي الماجمخ لما خرج علي القانون .خصم من نقاط و نزلوة دوري الدرجة اﻻولي


#853977 [ود النوبة]
0.00/5 (0 صوت)

12-11-2013 11:44 AM
افشل اتحاد كرة يمر على تاريخ السودان!!!!!!!!!!!!!!!!!!!!!!!!!!!!!!!!


#853935 [aljamed]
0.00/5 (0 صوت)

12-11-2013 11:18 AM
العقوبات الهلامية دی نفسی اعرف استندت لای قانون?


#853876 [ود البلد]
0.00/5 (0 صوت)

12-11-2013 10:37 AM
اتحاد واطي


#853839 [ميسو]
0.00/5 (0 صوت)

12-11-2013 10:04 AM
ليه مافي عقوبات عن البول


#853722 [الكيل بمكيالين]
4.00/5 (2 صوت)

12-11-2013 08:23 AM
وماذا عن أحداث مباراة نيل الحصاحيصا والمريخ الشهيرة ؟؟؟!!!!!

يحيا العدل ،،،،، يحيا العدل،،،،، يحيا العدل


#853711 [أبوعلي]
4.00/5 (1 صوت)

12-11-2013 08:07 AM
لعب عيال


#853659 [ابو مركوب]
4.00/5 (1 صوت)

12-11-2013 05:54 AM
علي مجلس ادارة الهلال ان كان يمثل شعب الهلال ولا يمثل حكومة المؤتمر الوثني الانسحاب من اي منافسة بواسطة الاتحاد الواطي الاحمر بقيادة معتصم جعفر وابن عمه الاهبل الجاكومي وانسحاب الهلال والانضمام لبورسودان من اجل اسقاط اتحاد المريخ الاحمر


ردود على ابو مركوب
European Union [عادل] 12-11-2013 01:20 PM
شكلك زول اهبل


#853628 [هشام بابكر]
4.00/5 (1 صوت)

12-11-2013 03:16 AM
تمخض الجبل فولد فارا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة