الأخبار
أخبار إقليمية
الخرطوم تُبلغ الصين رسمياً احتجاجها على إنتاج فليم مسيء للسودانيين
الخرطوم تُبلغ الصين رسمياً احتجاجها على إنتاج فليم مسيء للسودانيين



12-11-2013 09:26 AM
بكين: الخرطوم: سارة تاج السر
أبلغ سفير السودان ببكين عمر عيسى؛ الحكومة الصينية رسمياً احتجاج الخرطوم على إنتاج فيلم سينمائي توجيهي مسئ للسودانيين، صادر من جهات أمنية بمقاطعة ايوا جنوب الصين، وعرضت مقاطعاً منه على موقع "اليوتيوب" وطالبت الحكومة الصينية بحذف الفيلم من الإنترنت فوراً وتقديم اعتذار رسمي للسودان.
وقال مصدر بالجالية السودانية المقيمة في ايوا "للجريدة" إن الفيلم يمثل إهانة وإشانة سمعة متعمدة ضد السودانيين خاصة أنه صدر من جهات أمنية وأوضح المصدر أن الفيلم تدور أحداثه حول شاب سوداني مقيم في الصين يعمل نادل "جرسون" في إحدى المطاعم الإسلامية، تعرف على شاب صيني واتفق معه على احتيال التجار الصينيين قبل أن يتم القبض عليهما من السلطات الصينية، وأشار المصدر الى أن إنتاج الفيلم جاء على خلفية احتجاز شاب سوداني يدعي "ع .ه" من قبل تجار صينيين بطريقة غير مشروعة بعد أن فشل في سداد مديونيات التجار.
وعلمت "الجريدة" من مصدر دبلوماسي أن سفير السودان ببكين أبلغ وزارة الخارجية الصينية رسمياً احتجاج الخرطوم على الفيلم وأبلغ مسؤولٌ رفيع في الخارجية الصينية أن الواقعة تسيء للسودان والسودانيين خاصة أنه صدر من جهة حكومية قبل أن يطالب المسؤول الصيني، بسحب الفيلم من الإنترنت فوراً وتقديم اعتذار رسمي للسودانيين، وأضاف المصدر بأن السفير أخطر المسؤول الصيني بقضية التاجر السوداني "ع .ه" المُتحجز من قبل تجار صينيين بطريقة غير مشروعة في مقاطعة ايوا والمحظور من السفر خارج الصين واستعجله بالتدخل لإطلاق سراحه، وأضاف المصدر بأن المسؤول الصيني أعرب عن أسفه البالغ تجاه ما ورد في الفيلم وذكر أن الواقعة فردية ولا تعبر عن الرأي الرسمي لبكين، مشيراً الى عمق العلاقات الصينية السودانية، وتعهد بالتدخل لإطلاق سراح التاجر السوداني المُحتجز لدى الصينيين.

الجريدة


تعليقات 24 | إهداء 0 | زيارات 15130

التعليقات
#854610 [ود احمد]
0.00/5 (0 صوت)

12-11-2013 11:13 PM
لقد حبك هذا الفلم بعناية حيث اختير جرسون في مطعم اسلامي ولماذا لا يكون اي مطعم اخر وحسب تحليلي ان هذا رمزا لحكومة الانجاس التي ترفع الاسلام شعارا وانه اعتدى على اموال فهذا رمزية اخرى لان الانجاس لم يوفوا بالتزاماتهم المالية بالدولار للشركات العاملة في قطاع البترول المنهوب اما الصين فتعرف الشعب السوداني جيدا الذي خلصها من غوردون فعفوا ايها الشعب انتم لستم المقصودين على الاقل من ناحية درامية


#854499 [عصمتووف]
0.00/5 (0 صوت)

12-11-2013 08:16 PM
عن اي اهانة يتحدث الكان طالبا ببكين واصبح سفيرا نحن في بلدنا مهانون عندك من المحتلون وزير قناة القلب بلال مع المغترب السوداني بسلطنة مسقط وما اكثرهم براس هرم السلطة ويقال ايضا بالسفارات اعضاء دائمون يمثلون دولة مربط الحمير المهانه اصلا نعم ما اكثر السودانيون المنحرفون في شتات العالم لو مسكنا الصين صاحبة المليار نسمة واربعة دو تعدادها ماذا يعمل هناك وما ذا تستفيد شعوب الصين منه لا خبير ذره لا صواريخ لا عالم فضاء وكل واحد يمثل نفسة ولو كان الموضوع حقيقي او غيرة يجب التحقيق معه لو كان مذنب يدان لتعريضة لسمعتنا للخطر وللقيل والقال وليس الاحتجاج اعرف ان الجرائم في الصين تواجة بالردع القاسي اقل شئ اعدام وليس من مصلحة التجار الصينين مواجهة سلطاتهم وتلك الاحكام والله الا يكون من اخوان الخنازير انتم غير كوالالمبور وبيقن وهانوي ودبي عندكم شنو هي اسواقكم لله


#854381 [ود احمد]
5.00/5 (1 صوت)

12-11-2013 05:45 PM
اول شيء لماذا نرتمي في احضان الصين التي تعتبر السوق الافريقية عموما مكبا للزبالة وهذا نتيجة السياسة الخارجية السيئة التي انتهجتها الانقاذ منذ ان استولوا على البلد لماذا لا تكن علاقاتنا جيدة وممتازة مع امريكا واوربا انها العنجهيات الفاضية ولسع حاتشوف الكتير من نتائج هذه التبعية الي اذلت الشعب حتى الصين اصبحت تذدرينا سبحان الله


#854255 [محمد]
5.00/5 (1 صوت)

12-11-2013 03:30 PM
في السودان كل واحد بقول لك فلان قريبي او صديقي يعمل في الجمارك وفلان في المطار وفلان في البنك وفلان في وزارة التجارة وفلان في وزارة الاسكان
أن الفساد إستشرى في كل الشعب السوداني واوله في الحكومة دي حقيقة مية المية واخرها سمعنا عن قيام شهود الزور بالسودان يقسموا بالكذب لاخراجك من الاعدام


#854208 [جاك سبارو]
4.75/5 (3 صوت)

12-11-2013 03:05 PM
و اشمعنا المصرييين لما يقلوا ادبهم علينا مابتسالوهم ؟


#854205 [محمود]
0.00/5 (0 صوت)

12-11-2013 03:05 PM
اوع السودان يقع في الفخ المرسوم من أمريكا و إسرائيل فقد اصبحت الالاعيب المعادية لا تنطلي علينا بمثل هذا الأفخاخ وستكون الخطوه التالية غبن ثم قطيعة ثم تناحر لتجد إسرائيل و امريكا الفرصة في الإستفراد بالسودان ولكن نحن شعب معلم ومفتح وعى الدرس و سنفوت الفرصة الشعب الصيني شعب حبوب معروف في كل العالم بالوضوح واللعب على المكشوف و مساعد وشعب صديق و في وقت الضيق كمان


#854183 [صالح]
0.00/5 (0 صوت)

12-11-2013 02:49 PM
العالم شاهد ومازال يشاهد فيلم الفساد الانقاذي الذي استمر اكثر من اربعة وعشرين عاما ومازال العرض مستمرا!!! حسبناالله ونعم الوكيل


#854133 [عشنا وشفنا]
5.00/5 (1 صوت)

12-11-2013 02:01 PM
مع احترامى الشديد لسفارتنا فى الصين

ولكن لا أرى هنا اى نوع من الاساءة

فالسيئون والاشرار موجودون فى كل مكان

اليس عندنا سجون وملأى بالمحتالين والنصابين؟؟

اذا تمكن احدهم من الخروج ومارس عمله هناك .


#854050 [أبومصطفى جيفارا]
3.50/5 (3 صوت)

12-11-2013 12:52 PM
سلام سلام بنو نبتة الكرام...الراشدين...المستنرين...بضياء الرشد
اللعنة على الجبناء...السذج...اللقطاء...الآتين من رحم...الوطني والشعبي
رضعوا من ثدي السحاقيات... فطموا على النهب المصفح ...تربوا موتورين غير اسوياء
تتلمذوا على يد المخنثين الشواذ....فشبوا وشابوا...نصابين....حرامية...ومن شابه أباه ما ظلم
فساحوا في الارجاء....يسيئون...لنبتة...ونبتة منهم براء...دعك من الصين...سل عما حدث ..ويحدث
بالخليج....واروبا...و...و....شيء يندي له الجبين...مثلهم الاعلى وقدوتهم تجارالمخدرات
وارباب غسيل الاموال..(.واللهط والهبر من مخصصات الصرف البذخي للدستوريين...والامن..و..و...)
وأبن الشيخ الذي احتكر التموين....الاسمنت ...والسكر...والطحين حتى انتفخت...اوداجه...واتخم .
لذلك سنرى ..عجبا عجاب....ونسمع...ما تشيب له ...الرضع..والشباب....نسأل الله ...اللطف بنبتة...وآل نبتة
وكل إناءِ بما فيه ينضح...
واخر الختام....كلام....ما هو كلام رحيق...الفل والياسمين...نبض...الزين...بضيء العين
هتاف الملاحم....لما يطل بفجرنا....ظالم....نحمي شعار الثورة نقاوم.....
نبتة...حبيبتي....أمي وديرتي...هكذا..هاشم....وسيظل هاشم صديق...ضياء رشدِ ينير لنا الطريق:-
كل شيتاً صِبح بالعكس وطن كامل أذاهو القص حتي الضُل دخل القش
سماع ءاضني كورك كش
كل شيتاً صِبح بالغش العولاق صبح عملاق والرمة صَبح قِمة
ديك الوادي صار والي ..( الباطل ) صبح راجل كمان كاتل.
والمهبوش قدل منفوش. ده بس زمن الكضب مفروش
وبيع شرف البنات بقروش وصوت النخوة صار مقروش
يا مولانا يا ( بشبش ) أمير الدين ما جاب المطر بنزين
وما شفناك عدالة ودين
حريقنا وَقَد حسابنا ولَد مرقنا نأدب الباطلين
جوه السُلطة رقاصين وهراشين
وبره نِعام يوم الزَرّة ما فيكم ءاسم راجل وما بتموتو مستورين .


#854032 [alakrory]
2.00/5 (1 صوت)

12-11-2013 12:43 PM
ما غريب اذا كانت الدولة بتنهب فى الشعب على عينك يا تاجر وباسم الله راجين شنو من بقية العفن ...والله شعب ما بيستاهل الا امثال هولاء الارزال ليحكموه


#854011 [mohammed mersal]
4.00/5 (3 صوت)

12-11-2013 12:18 PM
التجار السودانيين كثير منهم قامو بعمليات احتيالية علي الشركات الصينية يفوق المليارات الدولارات لهذا الفلم الصادر فيلم حقيقية وليس اهانة لنا والله العظيم في احدي اصحاب الشركات في الصين قدم الي السودان قبل سبعة اشهر تقريبا يطلب من احدي تجار سوق ليبيا مبالغ فاق المليارات الا ان التاجر اختفي وترك الدكان لولده ويقول الولد ان ليس مسؤلا عن ذلك لان لايدري اي معاملة حول ذلك والضحية هنا الشركة الصينية والقانون الصيني لا يقبل الدعاوي في مثل هذا التصرفات


#853963 [محمد طاهر]
5.00/5 (3 صوت)

12-11-2013 11:35 AM
وزارة خارجية ماعندنا


#853959 [DR SAMI ALI]
5.00/5 (7 صوت)

12-11-2013 11:34 AM
قصة سوداني يعيش في لندن

انتو علمتم الشباب بان الحرام حلال انا خرجت مع قدوم الكيزان وشغال في لندن من 1995 بشتغل 10 ساعات يوميا وباخد شهريا مايعادل 15 مليون سوداني زرت السودان ووجدت الفوضي منتشرة والناس دايرة تحصل فلوس باي طريقة تزوير عملة شيكات جاز غاز احتيال زيبق علي الخليجيين اختطاف عطات مزورة موظفي بنوك يلعبون تزوير تصاديق سيارات وتموين نهب مشاريع بيع دفاتر جوازات للاحباش والتشاديين ووو والغريبة قعدت 6 شهور ود جيرانة كان عاطل في الضل بقي غني اي كيف دا المحيراني لكن عم ا ز عندو الشمارات كلها سالتوا قال لي اخوه مهندس اتزوج زميلتوا وابوها بقي وزير وشغل المهندس الخريج مدير شركة كباري واخوه خريج اداب بقي مدير حسابات ...نعم انها الحقيقة الكيزان دمروا كل شي حتي الانسان السوداني اتغير ...احتجوا علي فلمكم الشغال 24 سنة واساء وبوظ السودان..


ردود على DR SAMI ALI
United States [reallyisthis us] 12-11-2013 01:28 PM
So true, each and every word you wrote
I wish more of us see it the way it is
I wish we can all return to our home,
and live like the humans for once
first these Kayzan MUST go
and go for ever

Long live Sudan
Heart of Africa


#853948 [انقاذى سادر فى فساده]
5.00/5 (2 صوت)

12-11-2013 11:25 AM
نضب بترولكم وستنضب علاقتكم بالصين
ال ايه علاقة وطيدة
الاقتصاد سيد المواقف
ودولة فاشلة وفاسدة لن تجد الا الاحتقار والازدراء


#853944 [ساب البلد]
5.00/5 (3 صوت)

12-11-2013 11:22 AM
يا جماعة العارف الرابط ينزلو لينا عشان تعم الفائدة... اكيد التاجر من ناس هي لله في غيرهم قاعد يمشي الصين؟؟


#853934 [ابو محمد]
0.00/5 (0 صوت)

12-11-2013 11:18 AM
الغيب شنو من شعب مقهور 24 سنة وجيعان العجيب شنو اذا كان المسؤلين وكبار المسئولين حرامية قال السفير احتج مايحتج يعني شنو


#853910 [sudani]
5.00/5 (1 صوت)

12-11-2013 11:02 AM
عشان تعرفو و توعو يا كيزان السجم انو الصين الفرحانيين بها دي اكبر منتفع انتهازي في العالم
متخيلين حا تقيف معاكم في كل شي ... اها بعد الانفصال راحو بترول الجنوب .... ولمي الامريكان ساوموهم السودان ولي بحر الصين الجنوبي باعو دين السودان.... اوعو اصحو يا اغبي خلق الله ...


#853906 [osman]
3.00/5 (2 صوت)

12-11-2013 10:59 AM
والله مافي اساءة نحن شعب زبالة بينصبوا علينا 23 سنة لابسين طرحنا وقاعدين نقوول الله اكبر وسير سير وهي لله فالحين ننظر في السياسه والثقافه والرياضة بس كلام مافي عمل والعمايل الحاصله من السودانين تستاهل يعملوا منها مساسل مكسيكي مش فيلم


#853885 [محمد شداد]
0.00/5 (0 صوت)

12-11-2013 10:44 AM
اذا كان هذا الامر حقيقة ... فالتصرفات الغير مسؤولة من بعض السودانيين هي السبب المباشر فيما حدث و يحدث لنا من اساءات خارج نطاق القطر ... اما ما يقدمه التلفزيون المصري من خلال بعض قنواته فذاك مبني على احقاد و جهل من بعض الجهلاء من حثالة القوم اذ ان الحقد يعمي البصر !!!!


#853883 [صلاح علي الشيخ]
4.44/5 (5 صوت)

12-11-2013 10:42 AM
وين الإساءة ،، النصب أصبح على عينك يا تاجر ،، يا من نصبتم على إسامة بن لادن نفسه ،ماذا قدمتم خلال ربع قرن سوى انتاج الحرامية والنصابين و القوادين أيها الموتمرجية القذرين الساقطين المنحطين الشاذين ،، إنتو بتين سمعة السودان بتهمهكم ، يا من لا تهمكم سمتعكم الشخصية


#853869 [الشايل المنقة]
5.00/5 (9 صوت)

12-11-2013 10:30 AM
...ايضا نحن اهل السودان متضررين من الفيلم بتاعكم الشغال 24 سنة بدون توقف,اضر بالسودانيين فى الداخل والخارج احياء واموات,بس قاعدبن يشكوكم للخالق ,وهذا ما اضعف بهمة اهل السودان لوقف الفلم..!!


#853866 [الخير عز]
3.50/5 (3 صوت)

12-11-2013 10:25 AM
وما خفىء كان اعظم, باما مقيمين سودانين بالصين نصبوا على تجار ومستوردين عرب ولكن تتحمل الصين مسئولية ذلك, احتال علينا سودانى صاحب مكتب خدمات بالصين وتم تحويل مبالغ له عن طريق البنك رسميا وصور التحويلات موجودة ولكن لم تصل البضائع للعام الثانى حتى الان وبمراجعة الملحق التجارى بالسفارة الصينية بجدة, ذكر بان الحكومة الصينية لا تستطيع فعل شىء, مع العلم بان السودانى صاحب المكتب مسجل رسمى ويحمل ترخيص من الحكومة الصينية بمزاولة العمل( علشان كده التجار الصينين احتجزوا النصاب بطريقة غير مشروعة)


#853862 [تينا]
5.00/5 (1 صوت)

12-11-2013 10:22 AM
غايتو حاجة غريبة شديد وقت هى الصين دى أنتجت فيلم بسيىء للسودانيين انتو عاملين ليها راس وقعر ليه. يوم أمس عارضين لينا صينى وصينية فى قناة الشروق وعاملين معاهم لقاء وقومة وقعدة وهم يشيلوا ويعملوا فى اعلانات لمهمتهم الأتوا من أجلها وقالوا عندهم اسبوع كامل فى السودان حيعرضوا فيه عن بلدهم فى قناة الشروق حاجاتكم كلها بالقلبة الله يعينا عليكم .


#853848 [ابو الخير]
5.00/5 (1 صوت)

12-11-2013 10:09 AM
علاقات عميقة مين ياعم البترول اصبح عن سلفاكير
الجماعة يعني عارفين انه بعد كدة هم ذاتهم حايفكرو في تسليم البشير للجنائية
الصين دي بلد منضبطة لايسمح فيها بالنصب والاحتيال
زي الجماعة النشالين المشو دبي يشرطو الجيوب بالموس الكاميرات الامنية جابت خبرهم تاني يوم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة