الأخبار
منوعات سودانية
الهلال يؤجل حسم انتقال فيصل العجب
الهلال يؤجل حسم انتقال فيصل العجب
الهلال يؤجل حسم انتقال فيصل العجب
فيصل العجب


12-11-2013 07:01 PM

أرجأ مجلس ادارة نادي الهلال السوداني في اجتماعه الطارئ الذي عقده في ساعة متأخرة من مساء الثلاثاء اتخاذ قرار نهائي بشأن انتقال كابتن المريخ السابق فيصل العجب لاجتماع الغد، وذلك لمزيد من التشاور الفني والاداري.

كما قرر المجلس الاسراع في الإجراءات المتعلقة بوصول المحترفين الأجانب الذين ينوي الهلال التعاقد معهم للانضمام لصفوف الفريق في التسجيلات الشتوية الرئيسية بتوصية من لجنة التسجيلات حسب تقرير الجهاز الفني.

وقرر المجلس ايضا مراجعة الجانب المالي بخصوص الوضع الراهن والمستقبلي لنادي الهلال والمواصلة في حل كل القضايا العالقة ضد نادي الهلال خاصة استحقاقات اللاعبين الاجانب.

كووورة


تعليقات 16 | إهداء 0 | زيارات 7587

التعليقات
#855858 [صلاح كوكو]
0.00/5 (0 صوت)

12-13-2013 07:13 AM
والله عشان كده الكوره عندكم واقفه في مكانها بل متأخرة للخلف / نحترم فيصل العجب

وفنه ايام الشباب بس بعد العمر ده اظنه لايمكن ان يقدم شيئا يضيفة الي ماضيه

وكان علي المريخ احترام وتقدير تلك السنوات التي قضاها العجب يجري في الملاعب حاملا

شعار المريخ ويحتفظوا به في سجلات المريخ ويخفضوا قيمة راتبه الشهري الي النصف ويستفيدوا

منه في هدارة الكره او منسق بين اللاعبين اللذين يجترمونه مع ادارة النادي


طالما ادارات الانديه بتشتغل بالطريقه دي والمكايدات فعلي الدنيا السلام


#855430 [جيمي]
0.00/5 (0 صوت)

12-12-2013 04:33 PM
العجب والله أنت لاعب فنان وحريف وخلوق وابدا لن يتكرر في الملاعب السودانية
ليك كل المحبة والاحترام
لكن للعمر احكامو برضو
الله يديك الصحة والعافية وتظل في في ذاكرتنا كما عرفنك


#855246 [ود ام درمان]
5.00/5 (1 صوت)

12-12-2013 02:12 PM
ياجماعة العجب دة لاعب ذو اخلاق عالية ومطيع لو ما كان مطيع كان الا الان يلعب فى المريخ. لان ناس جمال الوالى بى مكروهم ومزمل بدجله اقنعوا العجب عشان يعتزل وكانت من شروط هيثم مصطفى لكى يسجل فى المريخ لابد ان يعتزل العجب لكى تخلى له الساحة. علما بان هيثم كان يعمل علم اليقين بان جماهير المريخ بتكرهوا عما وكذلك الدجال المنافق مزمل ابوالقاسم.وهدف هيثم شطب كل لاعبى القدام لكى يكون كابتن للمريخ وخير دليل شطب العجب وكذللك سعيد السعودى والباشا وموسى الزومة طبع دايما احتياطى واكرم حدو قريب وما لاعب اساسى. هذه هى انانية هيثم ومزمل كتب فى ذلك كثيرا وانتقاده للهيثم اكثر من انقاده للفريق الهلال. ونعود لموضوع العجب هنالك محموعة تحاول ان تلعب عقل الالاعب وتصور له انه قادر على العطاء.نحن لا نشك فى امكانياتهحينما كان يلع قبل سنوات.ولكن الان وهى مثالة انتحار رياضى لمسيرته.رغم وعود المريخاب بتكريمه ولكن المريخ لم يتوعد بتكريم لاعبيه وخير دليل على ذلك معظم لاعبى المريخ يعيشون جد الكفاف.عكس لاعبى الهلال. اذا لم يتم تسجيل العجب وهو الارجح يكون العجب فقد بعض اراضيه فى المريخ وضربة البداية وسياط النقد تكون من مزمل لان ما يكتبه مزمل يوكله دايما يؤثر فى بعض الجماهير اصحاب القلوب الرهيفة .اقسم بالله انا هلالابى
ولكن ما يتعرض له الملك العجب يعتبر موامرة. بداها المريخاب باجباره على الاعتزال. ولم يتم تكريم ثم جاءت نغمة اعادة تسجيله. نتمنى ان يوفق العجب فى الهلال اذا تم تسجليه ويختم مسيرته فى هلال العز.ويسلم من سياط الحاقد مزمل ابوالقاسم.


#855242 [أب قرن]
0.00/5 (0 صوت)

12-12-2013 02:10 PM
العجب داير يرفع من اسهمو حتى يكرمه المريخ - لا المريخ دايرو ولا الهلال دايرو - دي حجوة أم ضبيبينة


#855095 [mohd]
0.00/5 (0 صوت)

12-12-2013 12:07 PM
هذا الموضوع الغرض منه الهاء الناس عن واقع البلد المزري ، واصبحت الرياضة وجماهيرها في كف المؤتمر العفني يتلاعب بها كيفما يشاء ويوظفها لتحقيق مؤامراته وخساساته ونجاساته واغراضه الانتهازية الحقيرة ، واصلا لا توجد كورة ولا رياضة في البلد ولا اقتصاد ولا سياسة ولا شي بلد منهارة في جميع النواحي واخطرها الاقتصادية والاخلاقية والاجتماعية، دا كلام فارغ


#854978 [عبد الباقى الطيب]
5.00/5 (1 صوت)

12-12-2013 10:55 AM
لكم التحية
صدقوني واقسم لكم بالله بانني هلالابي منذ ان ولدت والا ان اموت انشا الله وكغيري من اي هلالي غيور خاصة ضد المريخ اتمتع بروح الذاتية والتحيز للقلعة الزرقاء ولكن عندما ياتي الامر علي خدش تاريخ وشخصية مثل الفنان فيصل العجب فهذا ما لا يقبله العقل ولا المنطق فننا كوسدانيين لنا اخلاقنا وطبائعنا الحميدة التي تحفظ لكل ذي حق حقه فمن منا ينكر الاضافة الحقيقية التي وضعها الانسان والفنان فيصل العجب علي خارطة المريخ بصفة خاصة وعلي الكرة السودانية بصفة عامها ولتنذكر جميعا ذاك الدور الكبير والحاسم لفيصل العجب في استعادة السودان الي خارطة الكرة الافريقية وهذا لوحدة بطاقة عرفان وشكر ناهيك عن اخلاقه الحميدة المعروف بها منذ زمن هذا من ناحية ومن ناحية اخري فلو قدر لنا ووجدنا اسم فيصل العجب علي لائحة كشوفات لاعبي الهلال فانا اعتبر هذا فخرا لنا ليس وكما يفهم الاخرين اصحاب العقول والقلوب الخربة بان هذة نكاية في احد الطرفين ولكناه حرفية الاحتراف التي تسود كل ملاعب العالم وليس الهلال او المريخ , لا يهمني كثيرا انتقال العجب او غيره ولكن ما يهمني احترام هذة القامة الرياضية الكبيرة التي ندين لها بالكثير الكثير لما قدمه من جهد وعرق في ساحة الرياضة السودانية وليكون تعليقنا عي الموضوع بعيدا عن خدش وجراحة كرامة هذا الفنان ولكم الشكر


ردود على عبد الباقى الطيب
European Union [عادل] 12-12-2013 01:11 PM
الاخ عبدالباقي ،، انا مريخابي علي السكين واحي فيك روحك القومية وافقك الواسع وفهمك وادراكك وتقديرك للمبدعين في بلادي ويا ريت لو في منك 100 واحد عشان ننهي التعصب الاعمي ( وفقك الله اخي ) ،،،،،، اما المدعو ( hima ) يبدو انك لا تمت الي الرياضة بصله ،، المريخ لم يظلم الملك فيصل بدليل الاكاديمية ومهرجان التكريم ( باعتبار ما سيكون ) ان شاء الله ،، ومن كلامك مريخي وهلالي انك بعييييييد عن تشجيع الكورة والسودان ايضا علي ما اعتقد لاننا بنقول ( مريخابي وهلالابي )

[hima] 12-12-2013 12:39 PM
انامريخى واتمنى ان يلعب العجب للهلال لانه ظلم فى المريخ والعجب موهب من الصعب ان تتكرر واذا تم تسجيل العجب للهلال ساكون هلاليا لان العجب ظلم فى المريخ ولا يجب ان النشجع الظالمين


#854655 [عمدة السودان]
4.00/5 (1 صوت)

12-12-2013 12:46 AM
كورة مدارة من قبل الساسة مصيرة سيكون ذي السودان


#854568 [متسكع]
5.00/5 (3 صوت)

12-11-2013 09:56 PM
غايتو ما بعرف لكن الهلال لو سجلو الفاتيه مزمل ابو القاسم بموت


#854563 [الكيماوى]
1.00/5 (1 صوت)

12-11-2013 09:50 PM
دي مكايدات ساكت .ناس الهﻷل عينهم علي ﻷعب تانى وبشغلوا ناس المريخ بالعجب .وحيفاجؤا ناس المريخ بتسجيل ﻷعب فعﻻ حيكون مفاجاه.


#854541 [ابوفارس]
4.75/5 (3 صوت)

12-11-2013 09:20 PM
الله حلانا من هيثم مصطفي عايزين تجيبوا لينا العجب.......؟؟؟؟ الناس دي عايزة تودينا التوج؟؟؟ الهلال بالشفع بويا ومحمد عبدالرحمن فاز علي المريخ بعواجيزو .... نرفض تصفية مشاكل المريخ بكشوفات الازرق....والله يا ناس التسيير شكلكم ذي ناس عصام الحاج وعبدالصمد..


#854540 [ابو احمد]
5.00/5 (2 صوت)

12-11-2013 09:18 PM
هل معقول أدارة مجلس الهلال المؤقته تتصرف وتدير الهلال بعقلية ناس المريخ ؟
نادى الهلال نادى الحركة الوطنية نادى عريق وأصيل وفريق مثالى وهو الغدوة الحسنة للاندية الرياضية السودانية و التفكير فى تسجيل العجب لا يتماشى مع مبادئى الهلال صاحب المبادئى الرياضية المعروفة منذ تأسيسه.
فيصل العجب لاعب خلوق وقدم الكثير للمريخ وللمنتخب السودانى وهو من اميز اللاعبين الذين مرواعلى تاريخ الكرة السودانية ونحن نحترمه وكنا نتمنى ان يكون ضمن كوكبة الهلال ولكنه لعب للمريخ واشتهر فى المريخ وحقق للمريخ كثيرا من الانتصارات و الانجازات مع زملاءه فى المريخ.
ان صح أن ادارة الهلال تخطط لتسجيل العجب فى الهلال فهذا تصرف اهوج من ادارة هوجاء لا فرق بينها وبين الاطفال الصغار فى مكايدة المريخ.
الهلال اكبر من مكايدة الصبيان، و يا ناس المريخ ومبروك عليكم هيثم مصطفى وزملاءه وما فضل ليكم الا تجيبوا بوابين نادى الهلال وتعينوهم بوابين فى نادى المريخ، يا حليلك يا ابو العائلة!! وبرضو كان هلالابى زعـلان!!!!!!


ردود على ابو احمد
European Union [عادل] 12-12-2013 10:04 AM
(القدوة ) ( مبادئ ) ،، نحن في زمن الاحتراف ،، وين المشكلة لو واحد لعب 60 سنه في فريق ومشي لفريق آخر ؟؟ اتكلم كلام منطقي يا اهبل !!!


#854521 [سكسك]
5.00/5 (3 صوت)

12-11-2013 08:48 PM
ياجماعة الزول كبري الخرية مشي مابقدر يقطعو عليكم الله وفرو قروشكم بلاش مكايدات فارغة العجب ده بقي هاي مايل وطبلونه قلب عشرة مرات وركبه بقت تعمل صوت لوحدها


#854511 [بت الخرطوم]
5.00/5 (3 صوت)

12-11-2013 08:33 PM
يا ود البشير اخوك دمر البلد وانت عايز تدمر الهلال عجب شنو البتسجلوه انتو مساطيل بشاش فاطمة شاش قال العجب والله انتم العجب العجيب زاتو لو سجلتوه


#854485 [مهاجر]
5.00/5 (1 صوت)

12-11-2013 07:49 PM
رحمونا يرحمكم الله كم عمر كابتن العجب لكي يسجله الهلال .


#854477 [عصام علي دبلوك]
5.00/5 (3 صوت)

12-11-2013 07:43 PM
وين قروشكم ؟؟؟ استفيدوا بيها في حاجه يرجي منها العجب خلط مويه وبنزين دي ادارات شنو


#854475 [عزة]
5.00/5 (1 صوت)

12-11-2013 07:40 PM
عجب يا وهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة