الأخبار
أخبار إقليمية
آخر فساد الوزير " البكاي " كمال عبد اللطيف قبل اقالته
آخر فساد الوزير " البكاي " كمال عبد اللطيف قبل اقالته
آخر فساد الوزير


12-11-2013 07:41 PM
ناصف صلاح الدين


عقد بـ 2 مليور دولار لاعادة هيكلة وزارة المعادن وسمسار الصفقة نجل عثمان الهادي


وقع كمال عبد اللطيف قبل مغادرته الوزارة عقداً مع شركة BGS International البريطانية لاعادة هيكلة الوزارة بـ(2)مليون دولار وكان سمسار الصفقة نجل عثمان الهادي.

وسبق إتفق مع لواء متقاعد على شراء عقار له بمساحة 4000 متر مربع كمقر جديد لوزارة المعادن ، وذلك بمبلغ 50 مليون دولار ، فى صفقة لم تتبع فيها الاجراءات الحكومية المعروفة في الشراء والتعاقد ، وكلف الوزير المقال مدير الشئون المالية والادارية بالهيئة العامة للجيولوجيا (الشيخ حسين الشيخ) باتمام الصفقة . والشيخ حسين الشيخ احد كوادر الامن الشعبي الذين فرضهم الوزير علي الهيئة رغم انه غير ديواني ( اي لم يعمل فى السابق بديوان الحسابات ويفترض فى اي مدير ادارة مالية حكومية ان يكون منه) وطرد من سنار في قضية فساد مالي ولكن كمال استوعبه لينفذ به سرقته لاموال الجيولوجيا . ويعطى الشيخ حسين المدير التنفيذى لمكتب كمال عبد اللطيف 40 مليون جنيه شهرياً كنثرية مكتب ، مما يشير الى حجم الاموال الاخرى التى تذهب الى كمال .

وكان قد إنتابت كمال عبد اللطيف الوزير المقال عن وزارة المعادن نوبة بكاء مع موظفي الوزارة ، أثناء حفل أقيم لوداعه صباح امس.
وتضيف المصادر ان كمال كان أحدث حالة من الهرج والمرج أثناء إجتماع المكتب القيادي للحزب الحكومي ، وعقب البت في أمر إقالته من الوزارة كان غاضباً وطفق يصيح (هذه مؤامرة .. هذه مؤامرة )، ليعود وينفجر بالبكاء داخل مقر وزارة المعادن صباح امس الاول




تعليقات 49 | إهداء 0 | زيارات 29023

التعليقات
#859579 [ممغوصة]
0.00/5 (0 صوت)

12-17-2013 01:27 PM
ياربي ال44 حرص جنب باب بيتو في المنشية وال44 عربية وال44 سواق بشو شالن منو وللا خلوهن ليهو لزوم الترضية عشان ما يبكي حبيب قسايا


#856397 [انصاري]
0.00/5 (0 صوت)

12-13-2013 11:31 PM
وزير المعادن كمال عبد اللطيف : السودان سينضم إلي قائمة الدول العظمي في المستقبل القريب


قال انه لن يهدا له بال ولن يرتاح أن لم تدخل عائدات التعدين إلي جيب المواطن مباشرة



الخرطوم في 16-1-2013م (سونا)

- توقع وزير المعادن كمال عبد اللطيف أن ينضم السودان إلي قائمة الدول العظمي في المستقبل القريب بفضل المعادن التي يمتلك منها السودان احتياطيات كبيرة من أنواعها .

وقطع عبد اللطيف -في مفتتح زيارته لولاية البحر الأحمر التي ابتدرها صباح أمس إلي حاضرة الولاية وتستمر يومين برفقة وفد كبير من الوزارة- بأعادة تنظيم قطاع التعدين الصغير بالولاية بجانب تكوين صندوق اجتماعي تشارك فيه كافة الشركات العاملة بالولاية لتقديم كافة الخدمات لمناطق التعدين والقرى ، واصفا الخدمات التي سيقدمها الصندوق بغير المسبوق لأهالي تلك المناطق في جميع القطاعات " تعليم ، صحة ، مياه".

وأكد عبد اللطيف حرص الدولة على دعم فطاع التعدين التقليدي عن الذهب ، مشيرا إلي ان عائدات التعدين يجب ان يستفيد منها المواطن . وقال انه لن يهدا له بال ولن يرتاح أن لم تدخل عائدات التعدين التقليدي إلي جيب المواطن مباشرة حرصا على دعمه ، وزاد هذا الشأن " شايلين فيهو سيف ".


#856282 [المريود]
0.00/5 (0 صوت)

12-13-2013 07:39 PM
بالنسبة لفساد الوزير هذا شان الجهات المختصة ولا نخوض فيه بدون معلومات تؤكد ذلك نرجو توثيق اي ملفات تدعم ذلك
اما بخصوص الشركة البريطانية BGSi والتي جاء ذكرها فقد زارت مؤخرا وزارة المعادن في الخرطوم لبدء مشروع كبير يهدف إلى تطوير وتنويع قطاع التعدين في السودان. سيقوم المشروع 3 سنوات إجراء إعادة الهيكلة والإصلاح المؤسسي للمسح الجيولوجي، ووضع الفهرسية للبيانات جيولوجية مقتنيات الوزارة، ورفع مستوى معدات تكنولوجيا المعلومات والبرمجيات، بما في ذلك تطوير نظام إدارة المعلومات بيانات جيولوجية. هذه الخدمات تساوي اكثر بكثير من المبالغ المتفق عليها وهناك احد احتمالين هما اما ان الشركة لن تقوم بهذه الاعمال او ان الجماعة في الوزارة طلعوا شطار جدا جدا لاقناع الشركة بتنفيذ مثل هذه الخدمات بهذا المبلغ ولعلمنا التام بعملاء الشركة حول العالم والدول المجاورة لم نسمع عن فساد مسؤوليها واعين البريطانيين مفتوحة اكثر من اعيننا نحن


#856269 [ابن البلد]
0.00/5 (0 صوت)

12-13-2013 07:15 PM
ارجو عدم إظهار بريدي الالكتروني وتغيير ابن البلد الي
الابن البار او ابن الجزيرة او الفقير او العديل والزين
ولكم الف شكر


#856177 [ابن البلد]
0.00/5 (0 صوت)

12-13-2013 03:29 PM
أخبرني صديق عزيز وصادق انشاء الله ومستثمر مع اجانب في الذهب حضر اجتماع مع مستثمرين والبكاي حيث طلب البكاي من احدهم زيادة المدفوع في العفد المبرم معه ولما اصر المستثمر علي الاتفاق التفت البكاي الي احد موظفيه وطلب منه الغاء العقد ورضخ المستثمر اخيرا وهكذا تدار الددولة

أحبتي أرغب من يعرف عن


#856143 [ABOALKALAM]
0.00/5 (0 صوت)

12-13-2013 02:38 PM
الفت نظر الأخوة المغتربين الي فقرة جديد المقالات

ومقالة مع الشغالة اغتصب البرائة


#856134 [mohame eisa]
0.00/5 (0 صوت)

12-13-2013 02:25 PM
لي شقيق سمسار وعارض منزل لاحدي كريمات الشريف الهندي وسط الخرطوم خلف سينما كلوزيوم تخيل منزل بمساحة اكثر من 500 متر مربع يزيد سعره عن الخمسماية الف دولار امريكي بقليل, فما بالك الخمسين مليون دولار مقترح الوزير البكاي, هل يريد شراء واطة ببابل أم على سطح القمر, ديل والله قمل الله يسحقهم دنيا واخره


#856118 [abuadeela]
1.00/5 (1 صوت)

12-13-2013 02:06 PM
بتبكى ياكيمو عشان فطموك من الرضاعة ؟ لكن ولا يهمك وماتزعل بكرة عمو عمر حيعمل ليك بزازة تشفط منها زى ماعايز ياأمنجى يالص .


#855939 [taluba]
0.00/5 (0 صوت)

12-13-2013 09:57 AM
عمر البشير اعطاهم فرصه كبيره للهروب من السودان بالاموال التي نهبوها، ليعيشوا في الدول الغربيه متجدعين ومفرفشين.


ردود على taluba
European Union [فيصل] 12-13-2013 03:06 PM
انت الوحيد الذي أراه صائباً في قراءته.. بدأ الهروب يا مساكين!!


#855678 [salaheldin]
4.25/5 (3 صوت)

12-12-2013 10:29 PM
الناس ديل خرتو لحم السودان كله وهسع بنهشو فى العضم،،،،،،والله نحن الاجيل الجايه ما حا تسامحنا لاننا مشتركين بالسكوت،،،،زى الشيطان،،،،،،اصحو يا بشر


ردود على salaheldin
United States [AburishA] 12-13-2013 12:02 AM
فعلا الاجيال سوف لن تسامحنا يا صلاح الدين.. كلامك في الصميم لك التحية


#855640 [بري]
1.00/5 (1 صوت)

12-12-2013 09:50 PM
خلو الناس فى حالا ياخى
اى زول فى الحكومة اكيد عندو اهل .. ما مقطوع من شجرة يارعاع
ياوهم ..
الداير يسف يمشى ليهم والما داير يشرب من اقرب حفير


ردود على بري
United States [بري] 12-14-2013 12:19 PM
تبرا ,,يا مناضل
ايه الاصرار العجيب دا ،،فى الردود وفرض الراى
يعنى مثلا اذا اقنعتنى بغلطى خلااااص خلصت السودان من احد المارقين والعملاء..
سيب المماحكة والخرف الكيبوردى بتاعك دا وعاين انت وين وبتقول فى شنو والبشتغل بكلامك منو؟ م تحرق فشفاشك فى حاجة ,,انا شخصيا بعتبرا ملى فراغ ,,لا اكثر ولا اقل
وريتنا والله الهرف والخرف والقرف
عيش مودك وسيب الترصد والمعاتبة فى راى م عندك حق تحجبو او ترفضو ...
بالمناسبة لو واصلت طوااالى فى تفتيشك للراى المخالف ليك فى الصفحات عشان ترد بنفس اساليبك دى م حتلحق نفسك من الامراض النفسية
وبررررضو تبرا وتستبرا من الهم والوهم والعبره

[تبرا و تستبرا يا...............!] 12-14-2013 03:45 AM
قلت لينا "الفيك بادر بيهو والعندو ثقافة اسفيرية يرد بهدوء يعنى برااحة براحة..الكواريك والزعل فوق شنو؟" (منقول من ردك)

*أولا...ياخى خليك راجل و موت على دينك , الفيك تراك بادرت بيهو و أسأت للناس إبتداءً,تقول ليهم "وهم و رعاع" .... بعدين ياتو ثقافه وهدوء بتتكلم عليهم , شكلك بتكتب بدون وعى , والدليل إنك البديت بالزعل و الشتيمه.
*ثانيا...المصييبه إنك وضعت الناس أمام خيارين أحلاهما مر "إما يسفوا بالحرام أو يشربوا كدرا و طينا" (إرجع لتعليقك و تمعن فيه و إنت واعى) سوف تكتشف إنك قليل حيا و ما عندك مانع تسف و تلف و تدور).
و [اسكراب] كلامه صح "انت بتشجع على السرقة يا عديم التربية".

*ثالثا...أما حكاية "اى زول فى الحكومة اكيد عندو اهل"...كلامك صح و ما جبت جديد,و لكن لا تلوم الناس فالمفسد يسىء لأهله قبل الناس لأنه لم يراعى الله فبهم ناهيك عن ما تعكسه تصرفاته لنشأه وتربيه لا تليق بمن عنده أصل و فصل يحترمه , فمن لا يحترم نفسه ولا يحترم الناس غير جدير بالإحترام...بعدين ياخى فرعون ذاتو المذكور فى القران عنده أهل , وين المشكله.

أخيرا أنصحك ألا تهرف بما لا تعرف ...إنت البادرت بالشينه ونحن بنتمها ليك !

[برى] 12-13-2013 09:21 PM
اسكراب ..اسم على مسمى
ابومحمد،، البادية عز ،،انت فاقدو
تبرا,, تبرا من الهم والوسواس،، وناس زمان قالو ..الفيك بادر بيهو.. ان بتفهم كلام زمان
..
دا كلو كوم والكوم التانى يا عنقالة ،،الواحد فيكم اكان عندو حبة ثقافة اسفيرية يرد بهدوء
يعنى برااحة براحة..الكواريك والزعل فوق شنو؟
فى النهاية سودانى زيكم " اكان ترضو كلامى كان تزعلو....والماعاجبو بررررضو يشرب من اقرب مصرف مياة اوحوض او جردل

European Union [اسكراب] 12-13-2013 12:38 PM
يعنى انت بتشجع على السرقة يا عديم التربية...يعنى اى زول عندى اهل يمشى يسرق عشان يصرف عليهم كده يا برى الظاهر عليك علبة

European Union [abumohamed] 12-13-2013 02:53 AM
حفير مشو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ هسي منو الرعاع و منو الوهم

European Union [تبرا و تستبرا يا...............!] 12-13-2013 02:28 AM
و إنت مع منو...جماعة السف ولا بتشرب من بلاعتهم الفكريه يا وهـم ؟

من إسمك "برى"...شكلك ما شادِّ حيلك زى جماعتك بتاعين السف يا........!


#855626 [الغربة طاااالت]
0.00/5 (0 صوت)

12-12-2013 09:31 PM
تبكى بلا دموع ان شاءالله ياتمساح
ازهب غير مأسوف عليك الامزبلة التاريخ من
خلى اللهت اللهتو ينفعك يوم الدين
المعروف انو المسامح كريم
بس نحنا معاكم والله ماكرماء
انا غايتو عن نفسي مابسامحك ولا بسامح اى انتهازى طلع فوق اكتاف الغلابة من ابناء بلادى اى واحد اجرى واكل حقنا نحنا قدام الله ونتحاسب بالتعريفة اتخيل معاى الحاسب ح يكون كيف؟
وجاى تبكى ...


#855538 [حداثة صالح]
0.00/5 (0 صوت)

12-12-2013 07:02 PM
ليه حق يبكي ........يا زول لو فضل ليك شئ امشي اشتري جهاز دهب وشوف الدهب والمعادن علي ارض الواقع ههههههههههههههههههه


#855536 [صالة المغادرة]
5.00/5 (4 صوت)

12-12-2013 06:59 PM
فى واحد صحفى سال زولكم البكاى ده عن موضوع وكان وقتها وزيرا للمواردالبشرية فكان رد الوزير البكاى للصحفى بان قال له انا اشرف منك ومن قبيلتك وقام الحاج ساطور والذى ينتمى لنفس القبيلة بدعوة البكاى وناظر قبيلة البنى هلبة ومجموعة من الارزقية واعتذر البكاى عن كلمته للصحفى وقام الحضور بالتهليل والتكبير كانهم حرروا بيت المقدس فهذه هى احدى نماذج وزراء حكومة الرقاص قبلها ايضا امين حسن عمر صاحب الطفولة غير البريئة فقد كان رده على احد الصحفيين عن مصدر المال الذى شيد به مسجد والد الرقاص بكافورى بان قال للصحفى انت دخلك ايه المال ده حق ابوك والجمت الصحفى الدهشة لهذا الرد القبيح والمستفز الذى يعبر عن تربية واخلاق صاحبه وهذه هى كوادر الحركة الاسلامية الذين ابتلى الله بهم اهل السودان اهل الدين الحقيقى سماحة وتسامحا ووسطية واعتدالا ونبلا ومروءة وشهامة وتبا لعصابة الرقاص اهل اسوا قاموس فى لغة التنابذ والشتم والتجريح .


#855452 [د. مجدي علي]
0.00/5 (0 صوت)

12-12-2013 04:53 PM
يعتبر العاشر من شهر ديسمبر هو يوم تسليط الضوء على الفساد الذي تمارسه الحكومات وانعكاساته كممارسة مستشرية في المجتمعات ذات الصلة ، وقبل أسبوع أيضا أعلنت الهيئة الدوليىة للشفافية ومقرها برلين قائمة بالدول الأكثر شفافية وبالتالي أقل فسادا لحين الوصول لتلكم الدول التي تغيب وتنعدم فيها الشفافية وبالتالي يعم فيها الفساد ويرتع كما هو الحال في بلدنا الحبيب...
وبهذه المناسبة دعونا نتأمل الأحوال في بلادنا وبلاد ذات صلة ومدى انتشار هذه الممارسات التي أصبحت كالنار في الهشيم... وفي رأي المتواضع أن القدوة الحسنة وتوفير الضمان الاجتماعي الذي يضمن الحد الأدنى من العيش الكريم لأفراد المجتمع هو مفتاح حل هذه المُعضِّلة.. والشيئ الذي يأسى له الإنسان هو أن شعارات الاسلام السمح المُنزَّه عن كل عيب هي السائدة !! ولكن ، ... هل تكفي الشعارات مع غياب الممارسات والتطبيقات الحقيقية ؟ وهل انتهاج الطريق الاسلامي للحكومات هو تطبيق عقوبات وكبت حريَّات؟ وهل تطبيق تلك العقوبات يكون انتقائيا بحيث أنَّه يلمس ويردع أناس دون الآخرين؟ وهل هو احتكار وتكريس لكل مصادر الثروة والتجارة في أيدي مجموعة دون بقية شرائح المجتمع المختلفة؟ أم هو تكالب على السلطات واستحواذ على كل منافذ القرار في كل مناحي الحياة دون أن تسلم من ذلك مواقع الترفيه والرياضة والفن والأندية الاجتماعية وعلى امتداد الوطن ما قد كان وما سيكون وتلك التي هي خارج الوطن؟. أم هل هو الصرف البذخي في أشياء لاتُمثِّل عصب الحياه لمعظم شرائح المجتمع التي تترنح نحو الانهيار من العوز والعجز والاضمحلال .. بل والتلاشي؟
المنهج الاسلامي أحبتي هو منظومة متكاملة أساسها العدل وقوامها العدالة الاجتماعية والاقتصادية والمعنوية والروحية ... نبراسها القدوة الحسنة .. ويقود دفتها الزهد والتواضع واحترام القِيٌّم الانسانية ومن ثمٌّ يتوفر الشعور بالانتماء للمجتمع وللبلد وللكيان وللأمة... ولن تجدي سياسة الإقصاء للآخرين وتهميش المعارضين .. ولا تشريد أبناء الوطن في أصقاع العالم ودفعهم دفعا للهروب بجلدهم من أجل لقمة العيش الكريمة وانسيانتهم المُهدرة بحجة نصرة دولة الاسلام
المشكلة الحقيقية لأولئك الذين يرفعون شعارات الاسلام السمحة هي أنهم يدورون حول الحلقة دونما ارتياد لأعماقها .. يهتمون بالإطار الذي حول الصورة دونما الاهتمام بالصورة داخل الإطار ... أو كالذي يلبس جلبابا نظيفا بينما يئن جسمه من مرارات تراكم الأوساخ التي لم يعبأ يوما بازالتها وتطهيرها قبل الدخول في ذلك الجلباب الأبيض النظيف ، وذلك ينطبق في العديد من الدول والأصقاع في عالمنا المعاصر .......
المشكلة الأخرى أحبتي هي عدم قبول مشاركة الآخر وإدعاء المعرفة لكل مناحي الحياة وأسرارها وتنظيماتها، ولو سمحوا ووافقوا لإشراك شريحة أخرى معهم في الحكم فهو قبول تكتيكي وفي غالب الأحيان سيكون شكليا دونما السماح لهم بسلطة فعلية وتنفيذية .. والآن أحبتي حيِّوا معي اليوم العالمي لإعلان محاربة الفساد وهو العاشر من ديسمبر


#855400 [ابو شهاب]
3.00/5 (2 صوت)

12-12-2013 04:12 PM
يا اخونا والله الوزير بعذره يبكى ويسف التراب ويدردق فى شارع الزلط

هسع الواحد كان ساكن فى حى 20 سنه بالايجار وربنا فتحه عليه وعمل لى بيت ( طبعا الزمن ده من المستحيلات ) وعايز يرحل ناس الحله كلهم بيبكوا لفراقه ويعتبرونها عشره عمر

لكن كمال عبداللطيف ببكى لانه مالحق يأمن مستقبله ومستقبل اولاده او اولاده بدرسوا فى مدارس خاصه ولسع ما كملوا وطبعا افكاره حتكون مشتته عشان كده ليهو حق

اصلوا شغالين بالمثل البقول دار ابوك كان خرب شيل ليك منه شليه

وحقوا بدل منسوبى الوازه يبكوا معاهو حقوا يجيبوا انصاف مدنى تغنى ليه وين وين تانى تلقوا ذى ده

طيب ده وزير المعادن جوعر جنس ده امال وزير الماليه يرمى بنفسه من كبرى المك نمر !!!!!!!

ورغم انه عوض الجاز بشهدوا ليه بالنزاهه لكن تلقى استحمه ببرميل بنزين كيه للحكومه


ردود على ابو شهاب
United States [محاسن ام الفارس] 12-12-2013 05:52 PM
ورغم انه عوض الجاز بشهدوا ليه بالنزاهه لكن تلقى استحمه ببرميل بنزين كيه للحكومه

ياتو نزاهة لابوالجاز, ؟؟ اما انت امنجي الكتروني او مابعرف ناس المؤتمر الوثني. ابو الجاز بتاعك ده اكبر عنصري وهو اللي ابتدع وضع خانة القبيلة في استمارات التقديم للوظائف عشان يملاها كلها شوايقة . وشوف مؤسسة النيل للبترول فيا منو الماشايقي . حتي انه لما الموضوع انتشر والناس همهمت نادوه للاستجواب في البرلمان ابي يمشي وحرن عدييييل , ياهو ده النزيه بتاعك. ربنا ينتقم منهم كلهم.
وفي كلام يدفع لولده في جامعات امريكا 100الف دولار سنويا .
بعدين نسيت ولده المسكوه في مطار دبي بعشرة مليون دولار كاش لاهطهم من البلد المنكوبة ؟؟
قال نزيه قال؟؟


#855208 [salah El hassan]
1.00/5 (1 صوت)

12-12-2013 01:42 PM
اذيدكم علما دخل هو وعوض الجاز وعلى عثماى واحد اخوان عمر البشير شركاء فى 4 من شركات التعدين عن الذهب ...
شركة مناجم ارياب تم بيعها الى نجيب سواريس واستلم هو و بعض الرؤس الكبيرة اكثر من 5 مليون دولار عمولة ...!!! وما خفى اعظم....!!!!!!


#855157 [ممكون وصابر]
0.00/5 (0 صوت)

12-12-2013 12:55 PM
البكاء للنساء ودموع الرجال غالية ده وزع السودان كله لشركات النهب دهب وماس وما خلا حاجة للناس ليه مايبكي
بكيت وشكيت وشكيت وبكيت زي ما قال الفنان


#855150 [عشنا وشفنا]
5.00/5 (4 صوت)

12-12-2013 12:48 PM
50 مليون دولار ؟؟

دى كانت تبنى كل مدارس الاقاليم

وتوفر كتب لجميع مدارس العاصمة

وكذلك وجبة الفطور للتلاميذ الفقراء

لطيلة العام الدراسى بكل مدارس السودان


#855023 [الدهمشي]
0.00/5 (0 صوت)

12-12-2013 11:26 AM
الراجل دا ود عم الريس لزم بديري دهمشي أصلي مش تايوان ولو ما بكاهو وجعيرو الفضح بيهو نفسو ودخل الجميع في حرج, كان بشبش حيعمل ليهو ترقية لوزارة سيادية فيها الخم الصاح الما خمج وما في حد يقدر يقول بغم ودخلوها وصقيرها حام


#855016 [الدهمشي]
0.00/5 (0 صوت)

12-12-2013 11:23 AM
الراجل دا ود عم الريس لزم بديري دهمشي ولو ما بكاهو الفضح بيهو نفسو كان بشبش حيعمل ليهو ترقية لوزارة سيادية خيها الخم الما خمج وما في حد يقدر يقول بغم


#854989 [kamuzu]
0.00/5 (0 صوت)

12-12-2013 11:07 AM
الريس قال العندو دليل يقدمو اهو دا الدليل القدامك... الناس جيعانة وديل في في اعادة الهيكلة هيكلة علي شتو ما عارفين ....ناس واطية وما حاسة بهموم مواطن هذا البلدالغالي فلوس زي دي لو استثمرت في الزراعةاو توفير الدقيق او الدواء او الكتب والاثاث المدرسي اما كان الاولي .. كلو من راس البلوي فارغ المخ العسكري الاهبل الحاكمنا


#854939 [ابومروان]
0.00/5 (0 صوت)

12-12-2013 10:26 AM
الكلب بيجعر خوفا علي ضنبه


#854929 [حيرتونا]
0.00/5 (0 صوت)

12-12-2013 10:20 AM
50 مليون نثرية مكتب ... حسبي الله ونعم الوكيل ،،، ومال الحوافز قدر شنو؟؟؟


#854928 [كلحية]
5.00/5 (2 صوت)

12-12-2013 10:20 AM
هؤلاء اللصوص نهبوا علي مدار 25 عاما البلد ، وكلنا نعلم علم اليقين فسادهم هذا ونعرف مواقع قصورهم بما فيها من حدائق وأحواض سباحة .أي سوداني عادي تسأله يشير لك علي موقع عمارات صابر في اللاماب وقطع أراضي مصطفي أسماعيل في شارع عبيد ختم وعمارات الحاج ساطور في حي الصفا وعمارات عبد الرحيم حسين في العمارات شارع 15 . أما فساد البشير وآل بيته حدث ولا حرج . طيب ماذا فعل الشعب السوداني وهو يسمع ويقرأ ويري كل هذا الفساد أمام عينيه؟ وأخيراً يمضي اللصوص الي سبيلهم دون محاكمة ولا يحزنون .ألا نستحق كل ما حدث لنا ما دمنا صم بكم عمي وخرس .!!


#854927 [كلحية]
0.00/5 (0 صوت)

12-12-2013 10:18 AM
هؤلاء اللصوص نهبوا علي مدار 25 عاما البلد ، وكلنا نعلم علم اليقين فسادهم هذا ونعرف مواقع قصورهم بما فيها من حدائق وأحواض سباحة .أي سوداني عادي تسأله يشير لك علي موقع عمارات صابر في اللاماب وقطع أراضي مصطفي أسماعيل في شارع عبيد ختم وعمارات الحاج ساطور في حي الصفا وعمارات عبد الرحيم حسين في العمارات شارع 15 . أما فساد البشير وآل بيته حدث ولا حرج . طيب ماذا فعل الشعب السوداني وهو يسمع ويقرأ ويري كل هذا الفساد أمام عينيه؟ وأخيراً يمضي اللصوص الي سبيلهم دون محاكمة ولا يحزنون .ألا نستحق كل ما حدث لنا ما دمنا صم بكم عمي وخرس .!!


#854856 [ناصح]
0.00/5 (0 صوت)

12-12-2013 09:30 AM
البكاء وفرو لي بعدين يوم الحساب ... حساب غي الدنيا وحساب في الآخرة ؟؟؟ يا امنجي يا


#854851 [وزير جديد]
5.00/5 (1 صوت)

12-12-2013 09:26 AM
ردود علي ود الفضل البشير يريد الكرسي دا اخر كلام


#854843 [وزير جديد]
0.00/5 (0 صوت)

12-12-2013 09:20 AM
الرجاء محمود يريد ان يعرف من هو كمال الموش نظيف اسف كمال عبد اللطيف الذي طلع من الوزارة التي اخرتها خسارة ؟؟؟؟؟؟؟؟؟


#854841 [Mustafa]
0.00/5 (0 صوت)

12-12-2013 09:19 AM
والله عند الله تلتقي الخصوم,والله من اخذ من مال المسلمين قطمير سوف يحاسب به امام الله.ومن دخل الانقاذ من غير مال وخرج منها مغتني وهذا هو الغالب عليهم.لابد ان تبنى لهم قبور,وللقبر ظلمة ووحشة,والديان الايموت,ومن يعمل مثقال ذرة خيرا يره ,ومن يعمل مثقال ذرة شرا,وياليت لنا بامثال سعيدبن جبير,(قبورنا تبنى,وماتبنى,ياليتنا تبنى قبل قبورنا تبن) والله حتى الرئس سوف يسال امام الله,من ين له هذا,والناس تموت في المستشفيات من قلة الحيلة,والبعض بعد ان يموت لا توجدنقالة ينقل بعا,وحكام الانقاذ واهلهم يعالجون في الدول الخارجية من مال ضريبة حاج محمد ,وابكر البسطاء,وليس الله غلفل عما تعملون.


ردود على Mustafa
United States [alakrory] 12-12-2013 04:59 PM
والله والله حاج محمد ,وابكر البسطاء يستاهلوا اكتر من كدا لانهم هم الذين صوتوا وهللوا للبشير ووقفوا يتفرجوا عندما خرجنا للتظاهر

European Union [ابوعبدالرحمن] 12-12-2013 12:06 PM
الله عليك ياأخى الكريم كفيت ووفيت وجزاك الله خيرا


#854830 [الدندور أبوعوه]
5.00/5 (8 صوت)

12-12-2013 09:03 AM
ما قلت ليكم الجوعاره دي فيها إنَّ !!! يا أهل الموده دي لقي ليهو شطر يرضع فوقو سنين عديده عاوزنو ينفطم من غير بليه وجوعاره ود الغلفه شافط بماسوره 10 بوصه والله زي دا خزان سنار ما يرويهو حراميه أولاد كلب من شيخكم حسن لأصغر كلب كوز ومن بشيركم لغفقيركم حراميه وأولاد كلب.


#854779 [وزير جديد]
5.00/5 (1 صوت)

12-12-2013 07:53 AM
بس تبكي دا كمال عبد اللطيف ولا كمال ترباس عينيا ما تبكي


#854721 [علاء البدرى]
3.00/5 (2 صوت)

12-12-2013 04:30 AM
كدى كلمونى هو في في السودان حد ماحرامى هسع ....... كلهم حراميه ولمن يلقوا فرصتهم ما بيتذكروا الله ولا يوم الحساب


#854714 [مو يوسف]
0.00/5 (0 صوت)

12-12-2013 03:42 AM
كبر برضو بكى للبشير


#854695 [Sudani]
5.00/5 (2 صوت)

12-12-2013 02:18 AM
يا ناصف صلاح عليك الله ما تملانا فقر ما انتوا الجبتوا الحراميه ديل وحميتوهم ومشيتوا الجهاد وكذبتوا علي الشعب السوداني انت قايلنا بننسا انا بعرف من الثانوي تشبه قبيح الوجة واللسان اسحاق احمد فضل الله تعال اتكلم عن جرائمكم انتوا في حق الشعب السوداني والناس القتلتوهم في الجنوب عشان شنو عشان الله ما عشان جنس ناس كمال عبد اللطيف الحرامية ديل يدكم ملوثه بدماء ابناء شعبنا ما تجوا هسي تعملوا لينا فيها ملائكة يوم الحساب قرب وحقنا بناخدوا منك انت اول شي بعدين ناس كمال ديل


ردود على Sudani
United States [aymn hsyen] 12-12-2013 08:39 AM
تعليقك غير موفق ابدا" أولا" ناصف لا يشبه سيء الذكر "إزهاق" لا من قريب ولا من بعيد،ثانيا" ما هو العيب في أن يكون ناصف مؤيدا" ثم يكتشف خطأه؟ حتي في ميدان الكفر الإسلام يجب ما قبله..أنا معجب جدا" بهذا الشخص فهو زكي واله قدرة فائقة علي التحليل السياسي وسوف نستفيد منه لذات السبب الذي تكرهه من أجله وهو "أنه كان منتميا" لهؤولاء في يوم من الأيام" لذلك فهو مفيد ووزنه ذهب ..مرحبا" بكل سوداني حر تراجع عن طريقه المعوج ..هل أنت معصوم يا أخي؟ أم أنت كتكوت الكتروني مندس؟ إن مثل هذه العواطف والترهات هي التي تمد في اعمار المجرمين من أمثال هذا النظام


#854614 [زكى]
5.00/5 (2 صوت)

12-11-2013 11:25 PM
هههههههه ... تبكى النساء عندما يرمى عليها الطلاق ... فماذا جرى لك يا رجل !!!!


#854598 [radona]
5.00/5 (2 صوت)

12-11-2013 10:50 PM
اضبط اضبط اضبط
حتى ولو تمت الاقالة فمازال الحساب ولد
سيتم مراجعة كل شئ وبدقة
وهذا حساب سيكون في الدنيا
والحساب الاكبر يوم الحساب
ارجو من الحكومة واخص وزارة العدل فتح ملف للتحقيق


#854592 [panda]
4.75/5 (3 صوت)

12-11-2013 10:46 PM
ده فى الدنيا يادة الوزير
كيا سف يكون الحال يوم لا ينفع مال و لا بنون

تذكلر كم عائلة شردت؟؟؟؟؟؟ كم طفل حرمت من الدراسة
كم مريض مات بسببك
كم معتقل برىء عذبت ايام كنت فى الامن


#854579 [ايفوري]
5.00/5 (3 صوت)

12-11-2013 10:18 PM
وعرض مقر الوزارة الحالي بشارع النيل للبيع بمبلغ 15 مليون دولار لكي يشتري مقر جديد بمبلغ 50 مليون دولار بمساحة 4000 متر بمنطقة المقرن وماعارف حكاية البيع بالدولار مع ان القطعتين في الخرطوم


#854575 [ود محريب]
3.00/5 (2 صوت)

12-11-2013 10:06 PM
كمال عبد اللطيف افسد من مشى على وجة الارض وعديم الاحترام ,, قبل اسبوعين شاهدتة وهو فى حالة هياج مع احد افراد شرطة المرور وطبعا الوزير غلطان لكن العسكرى المسكين..
اخبرانى شخص اثق بة بأن عبد الرحيم حسين بكى بشدة للرئيس وهو ذهاب الى المكتب القيادى ..وكانت النتيجة عودتة الى الدفاع.


#854564 [الفاتح]
5.00/5 (2 صوت)

12-11-2013 09:51 PM
البكاء الجماعي .. يعني الحال بيقول وزير زي ده تاني وين تلقوه .... ده كان منقنق كل الوزارة ..
40 مليون شهريا دي نثرية مكتب الوزير فقط ( شاي وقهوه ومرطبات لضيوف الوزير ) وتعال شوف ماموريات وعمل إضافي وحوافز وسلفيات - ليهم حق يبكوا


#854556 [ابو الفضل]
4.50/5 (2 صوت)

12-11-2013 09:38 PM
نسال الله ان يكون هذا اخر عهدنا بالرويبطة والمنحطيين اخلاقيا. وكما اسال الله العلى العظيم ان يهدى عمر البشير لتجنيب البلاد من الخراب الاكبر وأن يسلم الحكومة لحكومة انتقالية موسعة تعمل على انجاز الدستور الدائم واقرار الديمقراطية والعدالة الدائمة ويجب ان يتم ذلك في عقد صفقة معة ليتنازل بموجبها عن الحكم ....فائن دماء السودانيين غالية لايجب ان تراق وهنالك حل سلمى ...واعتقد ان السياسيون يعرفون ماذا يريد البشير ..... فيجب ان يمنحوه ما يريد ....حتى يتنازل بطريقة لاتترك الولة في فراغ .....يؤدى الى الخراب


#854554 [مهاجر]
4.75/5 (3 صوت)

12-11-2013 09:36 PM
2 مليون دولار لحسة الوداع .


#854544 [ود الدكيم]
5.00/5 (4 صوت)

12-11-2013 09:24 PM
تبكي زي الحريم يا عواليق الزمن ده المرة أكان طلقوها ما بتبكي


ردود على ود الدكيم
United States [باسطة] 12-12-2013 12:35 AM
صادق يا ود الدكيم الزمن ده في حريم بيعملوا بارتي بعد الطلاق


#854510 [جنوبي]
3.00/5 (2 صوت)

12-11-2013 08:29 PM
سمح ما ليهو حق يجوعر قدر داك !! شوفو ال 2 مليون دولار كان حيجيهو منها كم وال 50 مليون كان حيطلع منها بي كم ؟
50 مليون دولار قطعة وااااطة !؟؟ في المريخ ولآ شنو ؟


ردود على جنوبي
United States [عشنا وشفنا] 12-12-2013 12:46 PM
50 مليون دولار !!
دى كانت تبنى كل مدارس الاقاليم

United States [كباشي] 12-11-2013 10:04 PM
وبعدين سؤالنا للكضاب دا. نحن حنصدقك والا نصدق الموظفين كلهم؟روح يا جحش


#854500 [عمار]
4.00/5 (1 صوت)

12-11-2013 08:23 PM
اموال تستحق البكاء...
لمثل هذا تزرف الدموح


#854492 [ساب البلد]
2.00/5 (1 صوت)

12-11-2013 07:58 PM
**********وكان قد إنتابت كمال عبد اللطيف الوزير المقال عن وزارة المعادن نوبة بكاء مع موظفي الوزارة ، أثناء حفل أقيم لوداعه صباح امس************قروش متل دي نالة عليهو من غير تعب, اتحرم منها في لحظة واحدة غبينتها ما بتبكي يا نااااااس؟؟؟!!!***************


ردود على ساب البلد
United States [حاج ابكر] 12-13-2013 06:57 PM
بتسكلب

[بي كرت] 12-11-2013 09:04 PM
بتشق عديل ..


#854491 [أبو مونتي.]
5.00/5 (1 صوت)

12-11-2013 07:57 PM
بصراحه ،،،كده الترطيبه
بتستاهل الجوعاره والسكلبه
وخم الرماد ،،،ده لوأنا بجوعر جوعار
الكلب البشيله من لحم الغزال.


#854484 [عزة]
0.00/5 (0 صوت)

12-11-2013 07:47 PM
حرم وليه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة