الأخبار
أخبار إقليمية
نذر أزمة فى تشكيل حكومة ولاية الخرطوم
نذر أزمة فى تشكيل حكومة ولاية الخرطوم



12-12-2013 11:34 AM

الخرطوم : حيدر احمد خيرالله

فى مؤتمره الصحفى الذى عقده د. عبدالرحمن الخضر فجر اليوم 12/12/2013 عقب اجتماع المكتب القيادى للمؤتمر الوطنى بولاية الخرطوم والذى تقدم فيه د. مندور المهدى والفريق عبدالكريم باستقالتهما من مناصبهما للإفساح المجال لدماء جديدة على حد قول الوالي ، فيما بقي بروفيسور مامون حميدة وزيراللصحة واحتفظ المهندس / صديق على الشيخ بمنصب نائب الوالي متفرغاً .. وقد افاد الوالى بانه قد قام بتحويل عددا من الهيئات الى ادارات محاولة منه لتقليص الصرف ..و الاسماء الجديدة فقد كانت كالاتى :

1/ الاستاذ / عادل محمد عثمان ، خريج اداب جامعة القاهرة فرع الخرطوم 1987و يعمل مديراًعاماً لوزارة المالية ولاية الخرطوم ـ واختير وزيرا للمالية .
2/ الاستاذ / المدثر عبدالغنى عبدالرحمن . خريج ادارة اعمال جامعة الخرطوم 1993ويعمل حاليا وزيرا للمالية بولاية نهر النيل .وعين وزيرا للزراعة والثروة الحيوانية ..
3/ د.عبدالمحمود النور محمود الامين . خريج علوم سياسية جامعة امدرمان الاسلامية 2000وعين وزيرا للتربية والتعليم .
4/ م. ابوعبيدة محمد دج ، جامعة الخرطوم ـ جامعة الخرطوم ، هندسة، 1982 ، وعين وزيرا للتخطيط والتنمية العمرانية ..
5/ د. احمد قاسم محمود حسين . جامعة الخرطوم هندسة مدنية 1985، وعين وزيرا للبنى التحتية والنقل والمواصلات .
6/السيد/ الصادق محمد حسن احمد معتمداً لمحلية كرري .
7/ السيد/مجاهد الطيب محمد سعيد العباسي ـ معتمدا لمحلية جبل اولياء

فيما بقيت محليتى بحري وامدرمان ولم يتم الاتفاق على تسمية معتمديهما ..اللافت فى حديث الوالي دفاعه المستميت عن وزير الصحة .. ورداً على سؤال احد الصحفيين عن استقالة الولاة وكيف يقوم سيادته بتشكيل حكومته كأنه ضامن لبقائه والياً اجاب بانه يعمل بالحديث النبوي لوان بيد احدكم فسيلة فليغرسها وزاد بان هذه الاستقالات تعني الولاة المعينون وهو والي منتخب .. وقد فسر بعض المراقبين هذه الاجابة بانها تحدى واضح من المؤتمر الوطنى بالولاية للمركز .. ممايشير لأزمة جديدة داخل الحزب الحاكم .. سيما وان الوالي قد ذكر باننا سنرى مايحدث فى الايام المقبلة .. وذكر احد قيادات المؤتمر الوطني وفضل حجب اسمه ان الايام القادمة حبلى بالجديد ..


تعليقات 17 | إهداء 0 | زيارات 9054

التعليقات
#856420 [سرور]
0.00/5 (0 صوت)

12-14-2013 12:12 AM
الشعب السودانى فى النزيه ما عندو نصيب. الرجل الشعله الرشيد ففيرى ففد لمظاليم الاراصى ولمشاريع البنيه التحتيه


#855717 [والي اوسخ عاصمه!!]
0.00/5 (0 صوت)

12-12-2013 11:16 PM
والله بشه بعد طير الكيزان الكبار ود الخضر الوالي الاعلامي الفاشل لازملواا شلوت كبير للزبالة الماقادر يخمها من شهور!!! فقد نقل الينا ذباب القضارف لتصبح العاصمة عاصمة الذباب وليس الضباب وشتان مابين الاثنين!! وكفايه عليهو الهبر والفلل والشقق التي نهبها او اهديت اليه تلطفا والمزارع ويمكن يشتغل سبابي مواشي لمزارعه وهي مهنته والكرير الاصلي !! وممكن يشفوا او يستعيروا ايله!!! ذي لعيبة الكوره علي الاقل الهدندوي بياكل شوية وبيشتغل كتير!! ماذي بتوعنه ديل نهبوا الولاية وخلوها عضم !!اي مشروع قسموه النص من المتعافن الي الخدر وزبانيته ومعتدمديه السماسرة!!! وبس يابشه عليك الله الضبان والبعوضه دي ما واصلاك!! كلنا في الهواء سوا الوزير والغفير!!! ضبان وبعوض!!! وعاصمة ذي الطين!!! ده طبعا غير انجازات المزواقف الكارثيه والمشافي التي اضحت خرابة!!!
kick him out!! we are not animal and if we are we are not sick!!!!1


#855558 [الحقيقة اولا]
0.00/5 (0 صوت)

12-12-2013 07:30 PM
يعني ياجماعة نرجع ليكم المتعافي ولاشنو؟


#855497 [الراصد]
5.00/5 (2 صوت)

12-12-2013 05:55 PM
أداء عبدالرحمن الحضر حتي الان غير مقنع بالمرة... بدايته متعسرة بسيرة غير مشكورة بالقضارف تصارع عليها (لم يعرف بعد الغنيمة وان تصاعد دخانها) مع رئيس مجلسه التشريعي انتهت باستقالته وتعيين الخضر واليا للخرطوم... سقط مرتين امام سكان الولاية بتصريحه المضحك وهو (يهرف بما لايعرف) و(الاسوأ) ان كان يعرف عقب الهجوم الاسرائيلي علي مجمع اليرموك... ثم المعالجة الضعيفة لكوارث السيول اخيرا والتي تكررت طوال سنوات حكمه وهو لايرعوي... اضف الي ذلك مساعديه كمعتمد الخرطوم الذي يكثر من (الظهور والحديث والادعاء) وهو يتحدث عن احلامه بالخرطوم اجمل عواصم افريقيا واكثرها خضرة وهو غارق الي اذنيه في زبالتها وصحرائها... بقيت ان اختم ان الوالي الذي يدعي الزهد والحكمة لايمر شهر دون ان يكون في سفرية خارجية بحثا عن صفقات فاشلةويقضي وقته في الخرطوم متنقلا بسيارة (لاندكروزر ليكزس) ومعتمديه (لاندكروزرات موديل السنة) ومواطني الولايه ينام اطفالهم جوعي ومحرومين...


#855253 [amer]
0.00/5 (0 صوت)

12-12-2013 02:22 PM
الوالي يستعين بمجموعته التي عملت واخلصت له حينما طرد من القضارف بعد معرفت استثمارته في الشخصيه في
شركه القضارف للاستثمار وشركه النيل الازرق للادويه


#855239 [عزة]
0.00/5 (0 صوت)

12-12-2013 02:08 PM
حلوة منتخب قاصد منخب قومى
يأخى قوم لف واعمل ليك همه خلى عندك كرامه
انتو مشيول يا عم من زمان
حدك بعد اخراج جميع منتسيبيك فى جهاز الامن
ههههههههههههههههههههههههه


#855233 [CAB]
4.00/5 (1 صوت)

12-12-2013 02:05 PM
رسالة لعمر بشير:
الزول الاسمه عبد الرحمن الخضر بيرسل ليك اشارة تهديدية بان اليوم
خمر وغدآ أمر وكمان قصة (فسيلة) تعنى انه قيامتك قامت وحكمك فى
رمقه الاخير، فننصحك بسرعة التخلص منه وتعيين دكتور عبد المعين
عوارة مكانه لان ال IQ بتاعه اعلى من الخضر. الرجاء الاستجابة
لطلبنا حتى نستمتع برؤية الخضر وهو يبكى ويولول ويتبول فى ملابسه
وناس الراكوبة ما حيقصرو وحنشوف الفديو.


ردود على CAB
Hong Kong [الطاهر] 12-12-2013 06:25 PM
مقرعة تمام والله


#855205 [انقاذى سادر فى فساده]
0.00/5 (0 صوت)

12-12-2013 01:40 PM
سيتم قصقصة اجنحة الولاة بتاعين على عثمان وافهموها


#855139 [المتجهجه بسبب الانفصال]
0.00/5 (0 صوت)

12-12-2013 12:39 PM
السيد/مجاهد الطيب محمد سعيد العباسي ـ معتمدا لمحلية جبل اولياء ،،،


مجاهد دة زول طيب ومسكين يا زول المدخلك في المعمة دي شنو بعد ما قطت ،، اتخارج فكلام الخضر يؤخذ بدلالاته قال لو ان بيد احدكم فسيلة فليغرسهايعني في الرمق الاخير أو ما قبل عملية اذا نقر في الناقور ،،


#855125 [الزول المنسي]
4.00/5 (1 صوت)

12-12-2013 12:27 PM
الجماعة ديل كلهم مسطولين قالو شباب الظاهر العمرو 63 سنة قرأوها 36 سنة والعمره 72 سنة رأوها 27 سنة


#855120 [عزالدين]
2.00/5 (1 صوت)

12-12-2013 12:22 PM
يا سلااااام شوفو ال cv والله حاجه تحير فعلا...هؤلاء ينطبق عليهم ريسهم وتيسهم(ريسم وتيسم)


#855097 [الحارث]
0.00/5 (0 صوت)

12-12-2013 12:08 PM
د.عبدالمحمود النور محمود الامين . خريج علوم سياسية جامعة امدرمان الاسلامية 2000وعين وزيرا للتربية والتعليم .
خريج علوم سياسية سنة 2000 وزير للتربية و التعليم
يا هوان التربية و التعليم
!!!!!!!!!!!!!!!!


ردود على الحارث
United States [دا كلام ما صاااااح] 12-12-2013 05:22 PM
هو نفسه فاقد تربوى من ضحايا ثورة التعليم العالى


#855083 [واحد]
3.00/5 (1 صوت)

12-12-2013 12:02 PM
الخدر بعد الفشل دا كلو المقعدو شنو, كان لازم يشيلوه برضو.


#855068 [aldufar]
5.00/5 (1 صوت)

12-12-2013 11:53 AM
حكومة فاشلة قبل ان تبدا عملها لانها من المؤتمر الوثني الفاشل ومن الصف الثاني للمؤتمر .


#855066 [aldufar]
5.00/5 (1 صوت)

12-12-2013 11:53 AM
طبعا ديل جايين في راسهم اصلاح الحال العامة ولكن سيبدأوا اول شيء لهف كل شيء امامهم لان معظمهم مستجد للسلطة وغدا نراهم من اثرياء السودان ،،،،،،،،،،، وسجلوا ذلك في مذكراتكم ايهاالاخوة المعلقين جميعا او معظمهم معدم .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة