الأخبار
منوعات سودانية
وفاة عامل بالخرطوم بسبب البرد القارس
وفاة عامل بالخرطوم بسبب البرد القارس



12-15-2013 08:01 PM

الخرطوم: هاجر سليمان
تسببت موجة البرد القارس التي ضربت أجزاءً واسعةً من ولايات البلاد منذ الخميس الماضي، في وفاة عامل بإحدى المزارع بضاحية (الأزهري) جنوبي الخرطوم.
وكشفت مصادر مطلعة لـ(السوداني)، عن العثور على العامل متوفى صباح أمس بالقرب من المزرعة التي يعمل بها، وتم نقله إلى مشرحة الخرطوم لمعرفة أسباب الوفاة عقب فتح بلاغ بالشرطة تحت المادة (51) إجراءات، وأوضحت المصادر أن المعاينة الأولية أشارت إلى أن وفاته نتيجة توقف الدورة الدموية بسبب البرد القارس.
وذكرت تقارير الإرصاد الجوي أن درجات الحرارة ستوالي انخفاضها، وستبلغ اليوم (11) درجة للدرجات الدنيا و(24) للعليا، أما غداً فستبلغ درجات الحرارة أدنى درجات البرودة لتصل إلى (10) درجات، في حين يعبر أجواء الخرطوم نسيم متوسط, شمالي, بسرعة تبلغ 18 - 25 كم / ساعة، وتتراوح درجات الرطوبة بين (27 و 34 %).

السوداني


تعليقات 6 | إهداء 0 | زيارات 5621

التعليقات
#859100 [Jop]
0.00/5 (0 صوت)

12-16-2013 10:15 PM
كلام في الصميم يا (ساب البلد)---لكن لو أي واحد ساب البلد زيك ما ح نلقي ناس زيك يعملوا الكلام القلتو ده!


#858568 [lwlawa]
5.00/5 (2 صوت)

12-16-2013 12:08 PM
برد شنو ..؟؟..ده مات من الجوع..!!.. الناس بتمشى وتلعب على الصقيع ذاتو.. وهو الثلج...؟؟!!.. تقول لي مات من البرد..!!..اسألو الطبيب الكشف عليه اسالوه من تفاصيل الدم الذي تجمد..؟؟..والطاقة التي يحويها..؟؟.. واكيد كان تلقاه غفير حارس المزرعة وما متعشي..؟؟..وما لاقي حق العشا..؟؟


ردود على lwlawa
United States [ميسو] 12-16-2013 01:08 PM
هههههههههههههههههههههههههههههههههههههههههههههه
والله يا لولوا كلام في محلوا .
برد شنو البيكتل الزول

الجوع كافر ... جوعتي الناس يا إنقاذ


#858377 [silk]
5.00/5 (3 صوت)

12-16-2013 09:59 AM
يشكر (ساب البلد )لتعليقه الأيجابى الذى يحث على التبرع...ولنرفع أيدنا بالترحم .والدعوة بالجنة الدافئة أبدا. مثوى لهذا العامل الكادح الشهيد .والذى رحل الى دار خير من دارنا. مؤكدا عزة وكرامة السودانى التى لم تسحقها شمولية المتأسلمين والعسكر وإستهتار الطائفين..وكل السلطة وسعاتها..لعنة الله عليهم جميعا ..فجهنم مثواهم... وطوبى لفقراء شعبنا الكادحين الصابرين..الذين عجز عرقهم عن سد رمقهم وستر جسدهم..وأطعم الأنقاذ السائلين منهم سياطا حسب قانون النظام... فالتهب رياح الإنتفاضة المستدامة..لتبحر بنا نحو غد مشرق ..زاده هذه الكرامه.. والمقل الممتلئة دمعا أستعصى ذرفه ..شجنا يسكن جسدى سنبلة الغضب...نحن رفاق الشهداء..الصابرون نحن ..وليرحما الله..


#858123 [الروسي]
0.00/5 (0 صوت)

12-15-2013 11:39 PM
تغمدة ه بواسع رحمته ، الروس من زمن قديم وجدو روشتة علاج للبرد القارص الا وهي كأس فودكاكارب والتي تعادل كباية عرقي سيوبر عندنا. ومع ارتفاع أسعار العرقي الأيام دي ناس كتار حتموت من البرد الله يكون في عونهم جميعاً


#858063 [suloleman]
0.00/5 (0 صوت)

12-15-2013 10:19 PM
In Western Canada and north is -40 and in;; our city Calgary -35 more than one week .it means 12 and 15 is good weather or that is our summer


ردود على suloleman
United States [ابولكيلك] 12-16-2013 12:40 AM
and so...... ??..f


#857977 [ساب البلد]
5.00/5 (11 صوت)

12-15-2013 08:47 PM
*********والله يا جماعة عيب علينا دا يحصل في السودان*********في بلاد الكفار والله في رحمة************نحنا ما عندنا حكومة كلنا عارفين الكلام دا******** بس لو اي واحد اتفقد الحواليهو ح يلقي في ناس عايزين مساعدة*********اكيد معظم الناس عندهم بطانيات قديمة انشاءالله بتاعت المكوة********* لانو حياة اخوك اهم من المكوة***********اكيد عندنا هدوم برد قديمة او بقت صغيرة*********اكيد عندنا عيش ناشف قرقوش*************اكيد في حاجات كتيرة ممكن نعملها************




*********لا تستحي من اعطاء القليل فالحرمان اقل منه****************
***********الله يلعنكم يا كيزان اموال الزكاة بنيتوا بيها العمارات و ركبتوا بيها الفارهات وين تمشوا من الله******************
************************قلبي علي وطني**************



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة