الأخبار
منوعات سودانية
ضبط (10) براميل«عرقي» داخل منزل سيدة!!
ضبط (10) براميل«عرقي» داخل منزل سيدة!!



للاستهلاك الشخصي
12-15-2013 07:33 PM

مايو - علي بلدو

عثرت شرطة أمن المجتمع بالخرطوم جنوب على عشرة براميل مليئة بـ (العرقي)، إضافة إلى عدد من (الكريستالات) المعبأة، في منزل سيدة، وذلك خلال حملة لمحاربة الظواهر السالبة وأوكار الجريمة المنظمة بمناطق (الخرطوم جنوب) و(مايو). من جهتها ادعت السيدة أن هذه الكمية قد قامت بصناعتها لـ (الاستهلاك الشخصي) وليس بغرض التوزيع والبيع، وتم عرض المتهمة للقضاء وحكم عليها بالسجن لمدة ستة أشهر وإبادة المعروضات ومصادرة (العدة) وفق القانون لعام 1991م في ما يختص بالخمر والتعامل فيها.

المجهر


تعليقات 11 | إهداء 0 | زيارات 2213

التعليقات
#859136 [ود امدر]
0.00/5 (0 صوت)

12-16-2013 11:03 PM
عشرة براميل مستحيل لانو شوال التمر الواحد بعمل ليهو ستة زجاجات دي معناتو ساكنة في العراق واللا شنو .


#859130 [شمال و جنوب فى محنة]
0.00/5 (0 صوت)

12-16-2013 10:49 PM
يا اخى دى مفروض ادوها تاج 10 براميل فيول الجماعة دفقوها و كنانة شغالة ويسكى ما برضو عرقى


#859087 [مهاجر]
0.00/5 (0 صوت)

12-16-2013 09:51 PM
10 براميل استخدام شخصي دي تسكر السودان كلو .


#858984 [ود تلودي]
5.00/5 (1 صوت)

12-16-2013 07:19 PM
يا حليل العرقي - اخر سكرة كانت قبل 7 شهور قبل مغادرة السودان


#858745 [Huyam]
5.00/5 (1 صوت)

12-16-2013 02:32 PM
مالكم ومالها خليها تبيع العرقي وكل الشعب السوداني نايم نهاراً وسكران ليلاً وهي تقدم خدمة زيادة الكسل للكسول وهذا عرف سوداني معروف ومشروبات بلديه يعرفها القاصي والداني والعايز إسكر علي كيفو والعاوز أمشي الجامع أو الكنسية علي كيفو طالمالم يرتكب جرم يضر بالناس أو الصالح العام... وبعدين تعالو هنا أنتو فالحين لي في فلان سكران وعلان مسطول مالكم ومالهم وليه لحدي هسي لم تقبضوا على الفاسدين الذين دمروا البلاد والعباد وهربوا أموال الشعب لسويسرا وماليزيا وهم قاعدين قدام عينوكم وعمارتهم تطاول السحاب وباينين ومعروفين لماذا لم تقبضوهم ماقلتوا مسلمين وين إبراء الذمة يالصوص الشاويش !!!!!!!!!!!


#858601 [ابولكيلك]
5.00/5 (3 صوت)

12-16-2013 12:29 PM
المرأة دى صادقة ويجب اطلاق سراحها فورا .... من عادات كثير من القبائل السودانية ان الرجل لا يستطيع ان يجامع زوجته او يقترب منها الا اذا شرب ليهو جردل مريسة او جك كبير من العرقى الاصلى والسبب اعتقد معروف .....الكلام ده حقيقة ويعرفه الذين تجولوا فى اصقاع السودان اما سحاسيح الخرطوم فلا يعرفونه ..لذلك حفاظا على التعايش السلمى والوحدة الوطنية يجب عدم مضايقة صانعى الخمور البلدية بل يجب تشجيعهم على الاقل لتخفيض العاطلين عن العمل وللمساعدة على تحمل رؤية وجوه المتاسلمين من الكيزان والكوزات الكريهة المقززة يوميا..


ردود على ابولكيلك
United States [بومدين] 12-16-2013 11:46 PM
أضــم صــوتـي لـشقيقي ابولكيلك ..
أريتو حــالـي .. عـشــره برامــيل إسـتـعـمال شــخصـي .. يا مـفـتريه ؟؟.
وبـعـدين برضــه مسـألـة ( الـمضـاجـعـه ) بـجـردل دقــه ، وجـردل كــوارع ، بـصــراحـه وشـفافـيه ، برضــو وارده ..
لذلك وحفاظا على التعايش السلمى ، والوحدة الوطنية ، يجب عدم مضايقة صانعى الخمور البلدية .
بل يجب تشجيعهم على الاقل لتخفيض العاطلين عن العمل ..
وللمساعدة على تحمل رؤية وجوه المتاسلمين من الكيزان والكوزات الكريهة المقززة يوميا.
(( برضــو ( أنا كمــان ) أضــم صــوتـي فـي ( الـحـته دي )).
يـجـازي مـحـنك أبو الـكيلك !!!!.


#858595 [المشتهى السخينه]
4.50/5 (4 صوت)

12-16-2013 12:24 PM
الخمر تباع فى كل الدول العربيه والاسلاميه .. الخليج .. مصر .المغرب .تونس .العراق .الجزائر .وفى مصر الازهر التى جاءنا منها الاسلام هناك شارع للبارات والخمارات هو شارع 26يوليو ..اشمعنى سودان العبيد ؟ فعلا التركى ولا المتورك ..


ردود على المشتهى السخينه
United States [مهاجر] 12-16-2013 09:56 PM
اذا كان الخمر تباع في كل دول العالم فهذه مفخرة لنا ان لاتباع علنيا في السودان الهم ارحم الرئيس جعفر النميري حيث دمر الخمر وقفل بيوت الدعارة الهم اجعلها في ميزان حسناته . وعلي فكرة بالرغم كل ماقيل عن فساده فالراجل مات فقيرا . يعني اخبار كانت كلها كذب× كذب


#858474 [عبدالاله]
5.00/5 (1 صوت)

12-16-2013 11:00 AM
طيب عرقى بلح ام عرقى عيش - وهناك فرق فى الجودة ما يتطلب فرقا فى العقوبة ؟؟؟؟؟؟؟؟ البلح صعب


#858435 [bika79]
0.00/5 (0 صوت)

12-16-2013 10:42 AM
والله انا لو محل الحكومه دى اشجع صناعة الخمور و اوزعا مجانا عشان الشعب يغيب عن الوعى اكتر ما هو غايب - و فى زول كده ما بعرف اسمو منو عندو قصيده بقول فيها خذ كأسا لتنسى - ويلا ادوها كاسات


#858333 [عصمتووف]
0.00/5 (0 صوت)

12-16-2013 09:27 AM
استعمال شخصي ههه ههههي اصلك قطار ولا محطة طاقة حرارية لا عليها القاعدة القانونية تقول(( كل سابقة قانون )) اصلا التبريرات موجوده من هرم السلطة كلهم يبررون وعلي المحكمة اطلاق سراحها فورا وتبرئتها والشواهد في السوابق السياسية و الدينية والدنيوية


#858244 [أبو فارس]
5.00/5 (1 صوت)

12-16-2013 06:22 AM
10 براميل وإستهلاك شخصي ؟؟!!! الشي بطاااح ..,,,


ردود على أبو فارس
United States [بدون اسم] 12-16-2013 10:26 AM
لو كلو واحد يخلص ويجتهد في عملو زي الولية دي كان حالنا اتغير



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة