الأخبار
أخبار إقليمية
احمد سعد عمر القيادي البارز بالحزب الاتحادي الديمقراطي : ندعو الاحزاب للمشاركة في الحكومة
احمد سعد عمر القيادي البارز بالحزب الاتحادي الديمقراطي  : ندعو الاحزاب للمشاركة في الحكومة


قال : مشاركتنا تنبع من قناعة زعيمنا مولانا محمد عثمان الميرغني بخطورة المرحلة الحالية،
12-15-2013 07:20 PM
الخرطوم:
طالب القيادي البارز بالحزب الاتحادي الديمقراطي "الاصل" وزير مجلس الوزراء احمد سعد عمر الاحزاب السودانية بتغليب صوت العقل والعمل من اجل مصلحة الوطن والمواطن، داعيا القوى السياسية الى المشاركة في الحكومة لضمان استقرار السودان. وقال في تصريح خاص - ان البلاد في حاجة ماسة الى توافق وطني حقيقي، وانه ينبغي على كل القوى السياسية ان تعمل من اجل مصلحة الوطن والمواطنين، ولفت عمر الى ان مشاركة الحزب الاتحادي الديمقراطي "الاصل" في الحكومة تنبع من قناعة الحزب ومن قناعة زعيمه مولانا محمد عثمان الميرغني بخطورة المرحلة الحالية، وان المشاركة جاءت من اجل مصلحة الوطن والمواطنين، ورحب احمد سعد عمر بالتاييد المتواصل لقرار المشاركة في الحكومة من قبل قيادات وقواعد الحزب، واردف يقول: "نحن نرحب بتمدد حالة الرضأ تجاه المشاركة في الحكومة وخاصة لدى الاصوات التي كانت تقف ضدها في السابق، ومضى يقول: "نرحب بمشاركة كل القوى السياسية في الحكومة من اجل مصلحة الوطن".

الاهرام اليوم


تعليقات 24 | إهداء 0 | زيارات 2749

التعليقات
#859183 [Mohammed]
0.00/5 (0 صوت)

12-16-2013 11:50 PM
نهر النيل
عاشق السودان
***************
كلكم خونة وجبناء
ميرغني على كاذب المهدي
والكرور المعاهم الله يلعنكم دنيا
وآخرة انتم اساس المحنة
والقتل مصيركم يامجرمين.


#858694 [ابو محمد]
0.00/5 (0 صوت)

12-16-2013 12:50 PM
اله يلعنك ويلعن سيدك الميرغني


#858600 [هناي]
0.00/5 (0 صوت)

12-16-2013 11:28 AM
بالله ده حزب يقولوا له تاريخ وطني طويل يصبح مصيرة مرهون في كلمة ينطق بها الميرغبي ان شاء نطق
وان لم يشاء يطول الانتظار ..............وجماهير الاتحادي اليوم كأنهم راكبين رقشة وماشين مشوار والعارف الطريق بس السواق ومحل ما يكبهم ينزلوا ......... قال نضال وطني قال ويغرق في شبر ميه كما يقول المصريون ...............هانت زلابية السياسة .......


#858583 [lwlawa]
0.00/5 (0 صوت)

12-16-2013 11:17 AM
استغرب من انسان عاقل يدعو امثال المرغني ب زعيم..؟؟


#858363 [bika79]
0.00/5 (0 صوت)

12-16-2013 08:51 AM
عجبى عليكم يا من تسمون انفسكم الحزب الاتحادى الديموقراطى و انتم ابعد ما يكون منها - لقد شوهتم صورة الحزب و تاريخه الناصع ولا خلاف بينكم و بين الانقاذ فقد انقلبتم انتم ايضا على الديموقراطيه عندما وقع زعيمكم و مولاكم محمد عثمان الميرغنى مع حكومة الانقاذ ممثله فى المخلوع على عثمان محمد طه اتفاق جده الاطارى عام 2002 - التاريخ لا يرحم يا احمد سعد ولا بد من مسائلة كل من اجرم او ساهم او شارك فى حق وطننا و شعبنا

تخريمه :
احمد سعد الذى يدعو الاحزاب للمشاركه اين كان عندما كان خطاب زعيمه و مولاه

سلم تسلم - سلم مفاتيح البلد سلم


#858344 [نبض التعب]
0.00/5 (0 صوت)

12-16-2013 08:36 AM
( مشاركتنا تنبع من قناعة زعيمنا مولانا محمد عثمان الميرغني بخطورة المرحلة الحالية) .. عليك الله يا أحمد سعد أخجل وما تخلّي نفسك مكان سخرية وإستهزاء الشعب الواعي والفاهم .. تُريد القول أن مشاركتكم في السُلطة مُستمدة من "قناعة" الميرغني لا قناعاتكم أنتم وقناعة قواعد حزبكم الإتحادي "المفتت"!! .. وأي خطورة تريدون مواجهتها وتفاديها؟ .. خطورة الشعب السوداني المُتفق على فساد قادة المؤتمر البطني ونهبهم لموارده وخيراته؟ .. أم خطورة الغليان الذي أخذ يتمدد في كل مساحة من أرض الوطن الهادف لنسف العصابة الحاكمة والتي تسعون لإرضائها بالفتات المُتساقط منها في أطرافكم؟! .. إختشي و"نقّطنا بي سُكاتك" .. فما أنت سوى فاسد وقذر ومأجور .. لعنة الله عليك دنيا وآخرة.


#858259 [حد بيعرف احسن م الحكومه!!]
0.00/5 (0 صوت)

12-16-2013 06:45 AM
يا احمد يا سعد يا عمر..واضح جدا انك الليله نسيت نفسك وظهرت على حقيقتك.. فلقد اثبت انك اخ مسلم حتى النخاع مدسوس على ألأتحاديين زى عبدالله محمد احمد اللى اعترف انو جنّد الصادق المهدى للأخوان سنة 1953 فى كلية الخرطوم الجامعيه فهو كان غواصه زى الصادق فى حزب ألأمه.. احمد سعد .. انطبق عليك القول الماثور " دعها فان الحق انطقها" فهاهى الكلمه مرقت من خشمك زى السهم دون ان تشعر يا مرتزق آل ايه آل "نرحب بمشاركة كل القوى السياسيه فى الحكومه" اكيد دا كلام زول اصيل فى الشغلانه .. ما كلام زول هو ذات نفسو مشارك ومقطور .. احمد سعد خليك قاعد لحد ما يزفوك برّا مجلس الوزراء قريبا وتشمت فيك "ابلآ ظاظا"انت وعصمان الشريف ..نفهم انك انت قلّبت صوت العقل..موش غلّبتو.. يا سلام بالليل!! هو وين العقل ووين الصوت اللى عندكم يا اللى فاكرين لسّ عندكم حزب!!!
انت قاعد بتشتغل شنو بعد تعيين ألأبن صلاح ونسى الوزير الكامل الدسم فى رئاسة مجلس الوزراء!!!


#858235 [سودانى شديد]
0.00/5 (0 صوت)

12-16-2013 04:18 AM
خطورة المرحلة الحالية!!! ياخى سيبك من الفلسفة الكتيرة أكل أكلك ساى. مشكلة السودان ..... و الله ما عارف المرة دى!!


#858234 [محمد درقو]
0.00/5 (0 صوت)

12-16-2013 04:17 AM
اولا :- احمد سعد عمر ده مش فوراوى بس حبوتو فوراوية بالتالي على دينار او ما جرى فى فلكه من الذكور لا يتحملون تصرفات هذا الإرعن الانتهازى الوصولى .
ثانيا:- هذا المدعو احمد سعد مستعد فى سبيل القرش يبع امه وأبوه .
ثالثا:/ هذا المدعو احمد سعد القريشات الشوية العندوا البسمسر جابوا من وين اوريكم يا جماعة لقد تحصل عليه من الزعيم الليبى معمر القذافى ولكن من خلال صديقه السمسار الاكبر سليمان الساسى الشحومى الليبى الذى يقيم حاليا فى المغرب وهذا الشحومى كان فى عهد القذافى ماسك ملف السودان وتعرف عليه احمد سعد فى احدى رحلاته المكوكية الذى بعثه سيده الميرغنى الى ليبيا ليغترف غرفته من تكية القذافى فوجد ضالته عند الشحومى ففتح معه برنامج البيزنس فمشت معاهم


#858214 [عام سقوط الجرذان]
0.00/5 (0 صوت)

12-16-2013 01:46 AM
يا أشباه البشر ما سألتوا أنفسكم ليه سودان الجن ده دايما بمر بمرحلة الخطر.. أنا أقول ليكم عشان انتوا ما بتفكروا إلا في أنفسكم وأسركم، والواحد عاوز يكون عندو رصيد في البنك، وياكل كويس ويلبس كويس، ويتزوج في السر وفي العلن، ويسافر ويقعد ليهو في شاطيء بحر ولا حوض سباحة، مفتكرين دي الحياة، وما عارفين ده هو الموت بعينه، كم واحد في هذا العالم يملك الملايين ومات من منكم سمع باسمه.. كم يملك أحمد فؤاد نجم، وكم يملك مانديلا، وكم يملك جون قرنق، يا لكم من بؤساء التحية لكل شهداء الحرية، التحية لذلك الشاب المجهول الذي مات من أجلنا، تبا لكم، وتبا لطعامكم وشرابكم وملبسكم ومسكنكم الذي يختلط بدماء الشهداء. وتأكدوا تماما سوف يزول هذا الخطر بزوالكم أيها الجبناء.


#858212 [gamar alanbya]
0.00/5 (0 صوت)

12-16-2013 01:34 AM
مشاركة الاتحادي الديموقراطي خيانه لدماء الشهداء والمناضلين من اجل الحريه والديموقراطيه ، وضع ايديكم في ايدي القتله والمتاجرين بقوت الشعب ابشع جريمه ترتكب بحق المواطن ، اذا تغير الوضع تأتي نفس الوجوه لتدعي انها ناضلت من اجل تحرير الوطن من ايدي الطغاة وسيهلل لهلم فاقدوا الذاكره .


#858204 [حكومة الطيار!!!]
0.00/5 (0 صوت)

12-16-2013 01:07 AM
ما انتو لو بتشاركو ما ترله ساي ولغف قروش كان البطن مافيها مغصة!!!قال مولانه قال!!! هو بشارك في حكومتنا وله حكومة لندن!!هو ولدو ناطين كل يوم بره تقول مشاركين في حكومة الطيران المدني!!!!


#858197 [عام سقوط الجرذان]
0.00/5 (0 صوت)

12-16-2013 12:51 AM
يا أشباه البشر ما سألتوا أنفسكم ليه سودان الجن ده دايما بمر بمرحلة الخطر.. أنا أقول ليكم عشان انتوا ما بتفكروا إلا في أنفسكم وأسركم، والواحد عاوز يكون عندو رصيد في البنك، وياكل كويس ويلبس كويس، ويتزوج في السر وفي العلن، ويسافر ويقعد ليهو في شاطيء بحر ولا حوض سباحة، مفتكرين دي الحياة، وما عارفين ده هو الموت بعينه، كم واحد في هذا العالم يملك الملايين ومات من منكم سمع باسمه.. كم يملك أحمد فؤاد نجم، وكم يملك مانديلا، وكم يملك جون قرنق، يا لكم من بؤساء التحية لكل شهداء الحرية، التحية لذلك الشاب المجهول الذي مات من أجلنا، تبا لكم، وتبا لطعامكم وشرابكم وملبسكم ومسكنكم الذي يختلط بدماء الشهداء. وتأكدوا تماما سوف يزول هذا الخطر بزوالكم أيها الجبناء.


#858160 [Game over]
0.00/5 (0 صوت)

12-15-2013 11:39 PM
يا أحمد سعد والله كذاب وعارف نفسك بتكذب، بتعمل كدا لصالح المواطن؟ كذاب، لصالح السودان؟ كذاب وألف كذاب!!! قول لصالح الميرغني أو لمصلحتك الشخصية!! الكلام دا محسوب عليك وعلى كل البيحملوا إسم علي دينار!!!!!


ردود على Game over
United States [murtada el tom] 12-16-2013 01:42 AM
this is last call for union d party to quit from this regime ... otherwise the wohle party including Moh.Osman mergani ,,,and yourself Ahmad Saad shall go to trash basket ,,think it over..


#858135 [طباخ الفتة]
0.00/5 (0 صوت)

12-15-2013 11:03 PM
مشاكتكم (نابعة) من بحيرة فكتوريا يا أحمد سعد !!!!!!!!!


#858128 [كاك]
0.00/5 (0 صوت)

12-15-2013 10:45 PM
نرحب بمشاركة كل القوى السياسية///// ايه الكرم الحاتمي ده عايز تقاسم القوي السياسية الفتات البيعطيك لهيا الانقاذ /// الاختشوا ماتوا


#858085 [عصمتووف]
5.00/5 (1 صوت)

12-15-2013 09:48 PM
قناعة الزعيم مولاكم الشخصي والهام جدا جدا
1 منافسة ضرتة الامام الحبيب في كل شئ
2 المال
3الجاه
4 السلطة
ولا يهمه شئ بعد مثلة وشعاة بعد ما خرجت من بطن امي ان شاء الله تنسد والدلايل تشير بذلك انتم ليس اقوي من الحركة الشعبية وحركة مناوي رجال وسلاح غادروا المنصب وكان ضيوف علي موائد اللئام وغدا جبهة الشرق اعملوا حساب الفتة الحاره لا تدخلوا ايديكم فيها نصيحة ختمية من جد الختمية الكبير


#858061 [جنرال زمان]
5.00/5 (1 صوت)

12-15-2013 09:17 PM
يا أحمد سعد يا خريج الأهلية الثانوية أم درمان (الدفعة اللي قبلنا علي طول) مع إحترامي لك من الناحية دي فقط، إنت متصور أنك وزير كدا بالفعل ولا عايش في وهم ساكت وإنتوا كلكم أحزاب الفتة كان حزبكم ولا ناس الغمة ولا ناس الدقير (وين قروش المرحوم الرجل الشريف الهندي يا دقير) الكيزان لا يكنون لكم سوي الإحتقار الشديد ووريني أي وزير فيكم إتخذ قرار وزاري وتم تنفيذه (زي قرارات بشة كلها كلام جرائد) وبعدين زولكم الميرغني دا لما ولعت طوالي كب الزوغة لي لندن وخلاكم هنا تصرخوا وهسع جايي يقول ما حينسحب من الحكومة!! لا بلاي يا أبو هاشم. أنا المحيرني كيف ناس متعلمين واقعين بوس في كرعين راجل زيهم يعني فعلاً القلم ما بزيل بلم. والله ألقي لي كدة في السودان دا حرم الجماعة اللي خدعوكم طول عمركم ديل إلا أخليه يشحدوا في زقاقات أمبدة.


#858057 [مدحت عروة]
0.00/5 (0 صوت)

12-15-2013 09:12 PM
الحكاية اظنها ابدال الحركة الاسلاموية باحزاب اخرى وايجاد طريقة للمخارجة من المساءلة والمحاسبة!!!!!!!!!!
علينا جاى طلعنا الاسلامويين من الحكومة احصل على وزارة ونديك معاها وزارة اخرى مجانا او وزير دولة !!!!!!!!!
الايام القادمة حبلى بالكثير المثير ودوام الانقاذ بهذه الطريقة حروب ومشاكل اقتصادية وخلافها غير ممكن!!!!!!
هل هناك صفقات لا ندرى عنها؟؟؟؟؟؟؟


#858050 [الصلاحابي]
0.00/5 (0 صوت)

12-15-2013 09:03 PM
تبرير فطير وغير منطقي
حجج فارغة لمشاركة الحرامية والظلمة
اول مرة اعرف مشاركة الظلمة والحرامية لمصلحة الوطن


#858049 [شمال و جنوب فى محنة]
0.00/5 (0 صوت)

12-15-2013 09:01 PM
من فتة الحولية لفتات البشير ياهو كاركم


#858043 [ايفوري]
5.00/5 (2 صوت)

12-15-2013 08:48 PM
حزب الازهري والهندي يأخذ قراراته باخذ رأي الأغلبية وليس لقناعة شخص او زعيم


#858038 [ساب البلد]
5.00/5 (1 صوت)

12-15-2013 08:43 PM
*********الشرفاء يدعوا لاسقاط الحكومة************والشرفانين يدعوا للمشاركة في الحكومة**************لعن الله احزاب الفتة والفكة***************


#858002 [Mohamed]
5.00/5 (1 صوت)

12-15-2013 08:02 PM
ههههههه قال قيادي بارز ديل حوار مولاهم ميرغني من العيب ان نصف التبعيين بدون فكرة بالقياديين هذا بمثابة اجحاف في حق القادة الحقيقين في العالم

هؤلاء اصحاب الحولية قيادتهم لا تري النور لإنها تحت ثبت تحت اقدام الميرغني



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |الصوتيات |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة