الأخبار
منوعات سودانية
وزيرة الاتصالات تعلن خطة للإنتقال إلى البث التلفزيوني الرقمي
وزيرة الاتصالات تعلن خطة للإنتقال إلى البث التلفزيوني الرقمي
وزيرة الاتصالات تعلن خطة للإنتقال إلى البث التلفزيوني الرقمي


12-17-2013 10:14 PM

الخرطوم: smc

أعلنت وزارة العلوم والاتصالات عن خطة للانتقال من البث التلفزيوني العادي إلى البث الرقمي، كاشفة عن عدد من التحديات التنظيمية والإدارية التي تواجه الانتقال من ضمنها ضرورة مراجعة الهيئات التنظيمية لشروط التراخيص بما في ذلك حقوق استعمال الطيف والبث والتكنولوجيا التي تستخدم في ضغط المواد المبثة والمذاعة وسياسات البث المتزامن.
وقالت الدكتور تهاني عبد الله وزير العلوم والاتصالات لدى مخاطبتها اليوم لورشة العمل الإقليمية حول الانتقال للبث التلفزيوني والتي رصدتها (smc) إن عملية الانتقال إلى البث التلفزيوني الرقمي عملية معقدة تتطلب مشاركة الأجهزة التشريعية والهيئات والتنظيمية وشركات البث التلفزيوني داعية إلى اتخاذ قرارات بشأن القضايا السياسية والتكنولوجيا تستند على تحليل تقني واقتصادي وتوافر الأجهزة والمعدات المناسبة مع مراعاة اللوائح التنظيمية الدولية ذات الصلة، مشيرة إلى وجود عدد من البلدان في المنطقة العربية تفتقر إلى وجود خطط فعالة لإدارة الطيف الترددي.
من جانبه أوضح د. عزالدين كامل المدير العام للهيئة القومية للاتصالات أن الورشة تأتي في إطار الحاجة لسعات أكبر في الترددات، داعياً إلى ضرورة التنسيق من أجل إنجاح الانتقال السلس من البث التلفزيوني العادي إلى الرقمي.


تعليقات 12 | إهداء 0 | زيارات 3564

التعليقات
#861170 [ود امدر]
0.00/5 (0 صوت)

12-19-2013 10:38 AM
بث تلفزيوني شنو ياخ الناس بقيت في الحكومة الالكترونية والله البلد في قاع من التطور


#860646 [master]
5.00/5 (1 صوت)

12-18-2013 04:49 PM
المشكلة ما فى جودة البث ,المشكلة فى المادة الاعلامية , ولو عملتوا استطلاع لنسبة المشاهدين حتلقو 99.9% من المواطنين ما قاعدين يشاهدو تلفزيونكم دا ...احسن حاجة تبيعوهو للصين وتريحونا منكم وترتاحو ..اصلو انتو وشوشكم دى ما وشوش تلفزيون ولا حاجة لكن راكبين الشغلة عضل , تلفزيون سودان قال.


#860512 [المشروع]
5.00/5 (1 صوت)

12-18-2013 01:58 PM
تلفزيوني رقمي دا تطور ولا نوع جديد من الجبايات افضل طريقة اعملوا تلفزيون جمرة خبيثة تدفع تشاهد الخزبعلات والكذب .. يعنى نشتري الكذب بقروشنا ..ما عايزين لا تفلزيون رقمي و رقمك


#860376 [المر]
5.00/5 (1 صوت)

12-18-2013 11:34 AM
حيكون عبء علي المواطن المسكين يا اخي في ناس جهاز تلفزيون ما قادرين يشتروا تقول ليهم شاسة ، شوفوا لينا الاكل والشراب والتعليم والصحة وصدقوني تلفزيون السودان مافي حد بيشوفه ما تتعبوا ساكت وتحولوه لبث رقمي .


#860307 [ابوالقاسم ادم]
5.00/5 (1 صوت)

12-18-2013 10:37 AM
غايتو لو جيتى فيهو انتى ممكن نشاهدو لكن نافع او مهدى ابراهيم يع عووع


#860231 [[email protected]]
5.00/5 (2 صوت)

12-18-2013 09:47 AM
الاستاذة البروفسور تهانى عبد الله
اود ان اتفدم باقتراح لسعادتكم وهو القيام بفرض ضريبة على كل منزل
به جهاز تلفزيون مثل الدول المتقدمة كانجلترا. واقترح مبلغ ١٢٠ دولار سنويآ على ان يتم تخصيص مبلغ ٢٢ دولار للاذاعة والتلفزيون و ٩٨ دولار للعاملين بوزارة التكنولوجيا من وزراء وغيرهم كمساعدة
مالية. وارجو تعيينى كمستشار رقمى digital حتى اتمكن من تنفيذ
هذا الاتقتراح.
جزاكم الله خيرآ والله اكبر
امضاء:
[email protected]


#860157 [تهاني السمحة]
4.00/5 (3 صوت)

12-18-2013 08:22 AM
يا اخوانا اشهد الله انه في تغيير في السودان . هسي الزولة دي بتشبه ناس المؤتمر الوطني شكلها لذيذ ومهضومة ما ذي ناس سامية والعوار بتاع المؤتمر الوطني . شكله كده الناس دي عايزة تغمرنا بالنسوان السمحات ديل ويقول لينا خلونا نحكم بس . اما عن موضوع التلفزيون الديجيتك فاظنك قد اخطأت العنوان فنحن همنا اكل وشرب وصحة وتعليم . بعدين نشوف الموضوع ده . حقوا تعرضية في ندوة داخلية للمؤتمر الوطني فهم احوج الناس واقدرهم على مثل هذه الهطرقات


#860120 [كوز كنافه]
5.00/5 (1 صوت)

12-18-2013 05:53 AM
المصاريف دي يابنت الناس كان عملتي بها عزومة عداء لعمال التلفزيون والله احسن وافيد لانه تلفزيونك ده علي الطلاق لي سنتين لم اشاهده وماعندي اصلاً في البرمجه وعليك الله اصرفي مال الدرلة في المكان المهم


#860094 [سودانى]
4.50/5 (2 صوت)

12-18-2013 02:39 AM
ما قالوا باعو التلفزيون للصين ؟


#860080 [اورو]
5.00/5 (1 صوت)

12-18-2013 01:31 AM
بث رقمي ولاسجمي الفاضي اعاين ليكم منو


#860042 [omda]
5.00/5 (2 صوت)

12-17-2013 11:57 PM
دى مشكلة جديدة للشعب لان الانتقال للبث الرقمي محتاج الناس كمان تغير اجهزة التلفزيون لشاشة بلازما او توصيل جهاز مع التلفزيون القديم عبارة عن محول من البث العادي للرقمي يعني باختصار كده مصاريف للناس مافي ليها داعي وكمان طبعا بكونو فتحو توكيل لواحد من الكيزان عشان يجيب الاجهزة دي.يعني الشعب السوداني بس عضم وكبس فيهو النمل ماعارف يلقاها من من ولا منو.


#860009 [mohd]
5.00/5 (3 صوت)

12-17-2013 10:59 PM
دي مشكلة البلد ؟

بعدين تلفزيونك دا البعاين فيهو منو كله كذب ومخصص للمؤتمر العفني ولا يعني البلد والمواطن في شي

الرقم اليقدك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة