الأخبار
أخبار إقليمية
حزب البشير : اشتراكات عضويتنا (8) مليار جنيه شهرياً..حزبنا لا يستخدم أموال الدولة في الانتخابات.
حزب البشير : اشتراكات عضويتنا (8) مليار جنيه شهرياً..حزبنا لا يستخدم أموال الدولة في الانتخابات.
حزب البشير : اشتراكات عضويتنا (8) مليار جنيه شهرياً..حزبنا لا يستخدم أموال الدولة في الانتخابات.


" شر البلية ما يضحك "
12-18-2013 10:49 AM
الخرطوم: سعاد الخضر
قطع رئيس القطاع التنظيمي بالمؤتمر الوطني المهندس حامد صديق عدم إجراء تعديلات في الدستور قبل الانتخابات المقبلة، وقال إن قيام الانتخابات في العام المقبل من مطلوبات الدستور وبرأ في الوقت ذاته ساحة حزبه من استخدام أموال الدولة في الانتخابات وأكد عدم احتياجه لها وقال في تصريحات صحفية بالمركز العام أمس إن الوطني سيعتمد على اشتراكات عضويته التي تصل 8 مليون عضو وقدر قيمتها بـ8 مليار جنيه شهرياً .

وتابع: إذا دفع كل عضو جنيهاً ما قيمته نصف "كباية شاي تصل أموال الحزب الى (8 مليار)، ورفض التعليق على المحاولة الانقلابية بالجنوب باعتبارها شأن داخلي. وجدد المؤتمر الوطني في تصريحات صحفية أمس بالمركز العام دعوته للقوى السياسية لممارسة حقها الدستوري في إقامة مناشطها السياسية استعداداً للانتخابات، ونفى تحكم حزبه في الدولة وعدم منع القوى السياسية من إقامة نشاطها والتقائها بعضويتها حسب الدستور ونوه إلى أنه مجاز من كل القوى السياسية. ورفض صديق التعليق بأي تعليق حول المحاولة الانقلابية في عاصمة جنوب السودان قائلاً إنه شأن داخلي ولا يخص السودان وتابع: إن الأحداث تدور في دولة أخرى وعلينا أن نرتب حالنا وأكد أن استقرار الأوضاع بالجنوب يلقي بظلال جيدة على البلاد.


الجريدة


تعليقات 25 | إهداء 0 | زيارات 3654

التعليقات
#860850 [عصمتووف]
0.00/5 (0 صوت)

12-18-2013 09:23 PM
حزبكم اكبر ورطة اكبر خرافة قوم من الطفيليين اللصوص واصحاب المصلحة الخاصة واللسان الواحد هي ما يجمعكم لا اري فيكم سوي ف س و ة ديك


#860831 [معاويــــــــــــــــــــــــــــــــــة]
0.00/5 (0 صوت)

12-18-2013 08:46 PM
طيب يا صديق انتو 8 ميون وباقى الشعب 25 مليون ماعاوزنكم رايكم شنو تمشو
كفاية اللهطو والكتلتو والهربتو والناوين تهربو لسع خلاص الشعب ده دينو
طلع منكم ومن كذبكم ده ياتافهين يا حراميهانتو وين كان عندكم حزب قبل كده ياهو الحبل المعلق ده والله غيرو يغشى ماشى الدرب وضالو اللاماكم المصلحه بس ليس الا منهجم القتل والتذوير والسرقه والنهب عشان كده قواعدكم كلها من بقايا الاستعمار واللقيط ولفاف الشوارع يا لقيط انتو زز


#860812 [مسطول]
0.00/5 (0 صوت)

12-18-2013 08:24 PM
بالله عضوية المؤتمر الوطنى حصلت تمانية مليار سوادنى و السودان فيو 8 مليار كباية شاى؟؟؟كمان تقولوا الجوع 24 مليار معلقة سكر و الله بلد غنى خلاص


#860777 [الشاميها قدحة]
0.00/5 (0 صوت)

12-18-2013 07:39 PM
هسع عليكم الله 8 مليون في جنيه تساوي 8 مليار ؟ اها شفتو التزوير والهب بتم كيف !!


ردود على الشاميها قدحة
United States [مع الحق] 12-18-2013 10:34 PM
ههههههههههه يالشاميها قدحة مافي داعي للعب الضاغط ...اصلا هم فاكرننا بنصدق اي حاجة مشيها 8مليون *1 جنيةيساوي 8مليار المافي شنو...


#860769 [AburishA]
5.00/5 (1 صوت)

12-18-2013 07:29 PM
اولا: احتمال قيام الانتخابات مازال...(صفر كبيرا)! الا لو تعملوه استفتاء بين محسوبيكم لتكون النتيجة والنسبة 99.99% !!
ثانيا: نعرف الكثير جدا من الاهل والاصدقاء من منسوبي النظام(المؤتمر الوطني) خارج السودان وداخله..من الذين اوضاعهم المالية ميسرة جدا.. لكن لم نسمع عنهم بمساهمات او اشتراكات شهرية او قل سنوية لصالح حزبهم... يمكنك القول بان الثمانية مليارات قد يتم توزيعها شهريا لعضوية ومحسوبي الحزب...عندها سنصدقك الحديث...
ثالثا: في ظل انشقاقات الحزب والانسلاخات منه.. سيأتينا من يفند هذه الدعاوى والاكاذيب (مجانا)!
رابعا: ما لا يختلف فيه اثنان... في ظل هذا النظام فان الدولة هي الحزب.. والحزب هو الدولة..الدولة هي الحزب ..والحزب هو الدولة... يالله الصفقة..الصفقة ياجماعة...انتو الراكوبة دي ما فيها مؤتمر وطني... الصفقة الصفقة...


#860705 [ahmed//]
1.00/5 (1 صوت)

12-18-2013 05:56 PM
من وين 8 مليار ، كل أعضاؤكم من الرئيس لأقل واحد فيكم اتيتكم لحكم هذه البلاد جاعنيين ، وبعضكم سروالو واحد ومقدود وجلابيتو واحدة، هى عرق الغلابة والمغلوبين والمساكين الذين اكتوا بنيار الأسعار والضنك حتى حتى يقوم حزبكم على انقاض الجوعى والجماجم
والله سودان هامل ، 8 مليار أكيد سنوياً بيتم اسثمارها خارج البلاد لمصلحة الحزب وطز فى البلد ....أخخخخخخ من ندالتكم وجشعكم وخوائكم الوطنى ..


#860620 [الجمبلق]
0.00/5 (0 صوت)

12-18-2013 04:15 PM
بالله يا حرامية لاتتكلموا عن الشرف


#860582 [حسكنيت]
3.00/5 (2 صوت)

12-18-2013 03:39 PM
إذا افترضنا أن تعداد السكان 30 مليون بعد الإنفصال
وأن ثلثهم فقط دون 18 سنة ( يكون باقى 20مليون)
وأن 8 مليون منهم خارج السودان (مغضوب عليهم) يكون باقى 12 مليون
وأن المعارضين فى جنوب النيل الأزرق وكردفان ودارفور ( إتنين مليون فقط) إكون باقى 10 مليون
خليك من البقرأ الراكوبة والإنسلخ من ناس ( سيدى ) والشيوعى والبعثى والناصرى والمزارع والمسيحى والما عندو دين واللى ضاق بيه المكان والما عارف طظ من سبحان الله ..والكرهكم لوجه الله و....
قال 8 مليون ، ( إلا يكون حسبتوها بالسعر القديم)


ردود على حسكنيت
[جركان فاضى] 12-18-2013 06:40 PM
ياحسكنيت يا حبيبى والله ان حساباتك مظبوطة 100%...وازيدك من الشعر بيت..جميع سكان الجزيرة مش مع الانقاذ وديل براهم عشرة ملايين...واليومين ديل بعد طرد على عثمان طه انسحب الشوايقة من المؤتمر الوطنى..وناس الشرق عندهم جبهتهم الخاصة..والصالح العام...والمناصير..وعمال السكة الحديد..ووووو..قال 8 مليون قال...طبعا تمويل المؤتمر الوطنى من خزينة الدولة من خلال بنود مايعة..اضافة الى جبايات الاسواق..فقد تبرع تجار سوق ليبيا لحملة انتخاب البشير الاخيرة بعشرين مليار...خلى الحزب يفارق السلطة يوم واحد وتعال شوف حالتو المالية


#860570 [أبوالكجص]
0.00/5 (0 صوت)

12-18-2013 03:14 PM
والثمانية مليار بتجمعوها كيف مُش من سرقة المال العام؟


#860559 [مدحت عروة]
0.00/5 (0 صوت)

12-18-2013 03:04 PM
وانت يا حامد يا صديق رايك شنو فى انقلاب الانقاذ الواطى القذر وبالقوة العسكرية على نظام دستورى ديمقراطى منتخب من الشعب والعطل التطور الديمقراطى والمؤتمر القومى الدستورى؟؟؟؟
انا فى رايى انها جريمة وخيانة عظمى تستحق المساءلة والمحاسبة وليس المعارضة التى تريد اسقاط نظام مجرم اتى بصندوق الذخيرة وليس الانتخاب !!!!!
ولماذا تنتقدوا الجبهة الثورية وهى تستخدم نفس اسلوبكم؟؟؟؟


#860533 [ابوصالح]
0.00/5 (0 صوت)

12-18-2013 02:19 PM
8 مليار الشهر الفات ذهبت لدعم اخو البشير عشان يرأس لجنة تسيير الهلال ويحل ديون ومشاكل الهلال


#860507 [أبوديدى]
5.00/5 (2 صوت)

12-18-2013 01:52 PM
والله إلا تكون قاصد شوالات السكر شفتها كتيره ولونها أبيض إفتكرتها دى عضويتك ﻷنو كل شوال سكر بتشيلوا منو أكتر من3جنيه!!!!


#860497 [radona]
0.00/5 (0 صوت)

12-18-2013 01:37 PM
اولا لا انتخابات قبل وضع دستور جديد ولا نريد انتخابات مثل انتخابات 2010م والمؤمن لا يلدغ من جحر مرتين واذا راى النظام الحاكم فرض هكذا انتخابات فمن العبط والسخف ان ينازله اي حزب في هذه الانتخابات لانها محسومة سلفا بالتالي فاننا نعتبر المؤتمر الوطني فائز بالتزكية وتوفير منصرفات الانتخابات الانصرافية هذه وجلب ماكينات غسيل الكلى والحاضنات الالكترونية بهذا المال حتى ينظر الشعب في هذا الامر بصورة قاطعه
اما حكاية الصرف من اشتراكات العضوية هذه فاسطوانه ممجوجة وفاقدة الصلاحية وكل الشعب يدرك ان النظام الحاكم يسيطر على المال والاقتصاد ويفسد فيها كما يفسد ويسيطر على الجيش والشرطة والقضاء والاعلام وكل اليات الدولة بما فيها العربات ولو كانت هنالك عضوية تستطيع جمع هكذا مبالغ تحت ظل الوضع الاقتصادي الراهن بالتالي فمن الاخلاق تفعيل قانون من اين لك هذا ياهذا
الامر لايحتاج المغالطات لذلك ارجو الاتفاق على الحد الادنى من الشفافية وعدم استفزاز الشعب اكثر من ذلك ويكفيه صبره على الجوع والفقر والمرض
هؤلاء قد يكونوا ياجوج وماجوج لانهم يمتازون بشره ونهم غير طبيعي وغير مسبوق في الجنس الادمي


#860479 [انقاذى سادر فى فساده]
5.00/5 (1 صوت)

12-18-2013 01:17 PM
هذا الرجل يريد ان يبرئ حزبه من اموال الشعب ولا يحترم عقول المخاطبين
الثمانية مليون هذه التى ذكرتها كانت عضوية حزب مبارك فى مصر اضعافها مرات ولكنها تبخرت فى سويعات لانه وكما انتم حزب النمل لاتجتمعون الا حول السكر


#860455 [صابر]
0.00/5 (0 صوت)

12-18-2013 12:51 PM
"الوطني سيعتمد على اشتراكات عضويته التي تصل 8 مليون عضو وقدر قيمتها بـ8 مليار جنيه شهرياً .

وتابع: إذا دفع كل عضو جنيهاً ما قيمته نصف "كباية شاي تصل أموال الحزب الى (8 مليار)" انتهى الاقتباس.
يعني إذا كان عضويةالمؤتمر الوطني وحده 8 مليار عضو، ما شاء الله تبارك الله، طيب عدد سكان السودان كم يا كوز الجهل النشط. الإناء بما فيه ينضح. وهذا اعتراف صريح بأن المال العام ملك للمؤتمر الوطني. يعني الواحد لما يكذب يصلح "الكضبة" شوية. كان يقول نحن عضويتنا 8 مليون ولو أي واحد دفع 1000 جنيه بتعمل 8 مليار. دي نصيحة ليك يا كوز أو بخرة كما نسميها عندما كنا طلبة، استخدمها في المرة القادمة لكي لا تكون ساقط في الأخلاق والسياسة والحساب كمان.


#860449 [lwlawa]
0.00/5 (0 صوت)

12-18-2013 12:47 PM
هذه هي النسبة المسروقة شهريا والتي تخصم منها 10% لصالح الحزب..؟؟..الذي بمهد ويقنن لمثل هذا العمل .


#860446 [ود الدلنج]
0.00/5 (0 صوت)

12-18-2013 12:40 PM
طيب يا المتحدث من أين أتي أعضاء حزبكم بقيمة الاشتراك في الحزب ؟ الإجابة بسيطة أنتم تسمحون لمن هم في عضوية حزب السارقين بأكل أموالنا وأموال اليتامى والفقراء والمساكين ، ومال التنمية ، والتعليم ، والصحة والضرائب والزكاة والجمارك وكل مورد من موارد الحكومة وغير موارد الحكومة ، فهم يسرقون ما ليس لهم ويدفعوا أقل القليل من غنائم السرقة النهب المنظم إلى الجهة العليا التي علمتهم الرقة والنهب في شكل اشتراكات العضوية . بس المسألة في غاية البساطة . لأنه ليس هناك عاقل يدفع من جيبه من حر ماله لهذه العصابة لو لم يكن من المستفيدين من الانضمام إلى عضويتها .


#860436 [عباس]
4.00/5 (1 صوت)

12-18-2013 12:27 PM
انا بشوف انو مافى داعى للانتخابات لان نتيجتها معروفة واقسم لكم انو نتيجتها معروفة لذلك مافى داعى لضياع الاموال فى الفاضى وكفاية هلاك فى اموال الشعب المسكين لانو ما ناقص وحتى انكم ما تضطرون تكذبون على الله وهو اعلم بكم .


ردود على عباس
United States [هاجرحمد] 12-18-2013 04:24 PM
ما اصلها ضايعة ! يعني حيفرقوها عليكم لو الغوا الانتخابات ؟


#860385 [ابومحمد]
0.00/5 (0 صوت)

12-18-2013 11:45 AM
بكره بنشوف عربات الحكومه وصالات الدوله ودواوينها ومسئوليها وموظفيها وكل قرش فيها يعمل فى الانتخابات لصالح المؤتمر الوطنى وفى الاول والاخر حتكون ( انتخابات نزيهه ) لكن الحق ما عليكم ا، الحق على الأحزاب الرمم ديل لو قاعدين ليكم بالمرصاد ما كان ده حصل .حسبى الله ونعم الوكيل,


#860373 [أبوقرجة]
4.75/5 (5 صوت)

12-18-2013 11:32 AM
طيب خلاص دخلوا اشتراكات عضويتكم في الميزانية ... وخففوا شويه على الشعب السوداني ....

دا معقولا الكلام دا يا ناس ...


#860368 [Osama]
5.00/5 (1 صوت)

12-18-2013 11:27 AM
هولاء الكيزان لديهم فصول مسائية لدراسة الكذب والاحتيال لدي الشعب كاننا قطيع ضان. ولديهم كذبه جاهزه لكل شي ذي الرد الاتوماتيك aut respose


#860364 [المغتاظ]
0.00/5 (0 صوت)

12-18-2013 11:25 AM
ما شاء الله ربنا يزيدكم من السحت


#860353 [بقولوا علي مواطن]
5.00/5 (1 صوت)

12-18-2013 11:19 AM
اشتمكم اخاف اقابلكم في جهنم ..
ازكر محاسنكم للاسف ماعندكم .. بلاي السودان فيه 8 مليون حرامي ..؟


#860345 [قمر]
5.00/5 (1 صوت)

12-18-2013 11:12 AM
والله اليشير مستمر في مسلسل تحالفه مع الكيزان ....
شيلني واشيلك وما التغيرات الاخيره الا طلاء باهت لخرابه وغطاء لجنازه بحر
......
..........
وطن
ضاع



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة