الأخبار
أخبار إقليمية
عبد الرحمن الصادق يدعو الأحزاب الى اتخاذ خطوة مماثلة أسوة بحزب البشير في تغيير قياداته الحاكمة.
عبد الرحمن الصادق يدعو الأحزاب الى اتخاذ خطوة مماثلة أسوة بحزب البشير في تغيير قياداته الحاكمة.
عبد الرحمن الصادق يدعو الأحزاب الى اتخاذ خطوة مماثلة أسوة بحزب البشير في تغيير قياداته الحاكمة.


12-20-2013 06:48 PM
الخرطوم - دعا مساعد رئيس الجمهورية عبد الرحمن الصادق المهدي الأحزاب السياسية باتخاذ خطوة مماثلة أسوة المؤتمر الوطني في تغيير قياداته الحاكمة.

وطالب في حديثه بالاحتفال بذكرى الاستقلال من داخل البرلمان بمجلس تشريعي الخرطوم الخميس باستلهام روح الآباء في تنيل الاستقلال لتحقيق وحدة الصف الوطني، وتجاوز الخلافات والجراحات وتأسيس المجلس القومي للسلام ووضع دستور يُلبي رغبات الجميع.

من جهته طالب القيادي بحزب الاتحادي الديموقراطي (الأصل) بخاري الجعلي، المؤتمر الوطني الحزب الحاكم في السودان، بضرورة التراضي والتوافق على إرادة سياسية لتخرج البلاد من أزماتها وكتابة دستور عاجل، والشروع الفوري في الاتفاق على آلية لكتابة مسودته

واقترح الجعلي في خطابه أمام الاحتفال بذكرى الاستقلال من داخل البرلمان تشكيل مفوضية تضم الأحزاب السياسية على قدر المساواة مع المؤتمر الوطني تفادياً لتصميم الدستور على مقاس حزب منفرد، وتوطئة لتمهيد الأجواء السياسية لانتخابات شفافة، باعتبار أن البلاد شهدت انتخابات نزيهة مرة واحدة في العام 1953م.

ووصف الجعلي اعتذار موقف النائب الأول السابق لرئيس الجمهورية علي عثمان محمد طه، عن القصور والأخطاء بمثابة ضربة البداية لإنقاذ البلاد الحقيقي.

سودانتريبون



تعليقات 21 | إهداء 0 | زيارات 2201

التعليقات
#863013 [حسام السر / دنقلا]
0.00/5 (0 صوت)

12-21-2013 04:13 PM
ده كلو كلام فاضي النظام لازم نصيح بيهو في ثورة عارمة


وتاني لا إنت لا أبوك لا أخواتك تشموها قدحة .


ويا الجعلي إنت ذاتك خلاص كفاك كرهت الناس دراسة القانون يا راجل خرفتا


إنتو متشعبطين لمتين !


طبعا الجعلي يا جماعة صاحب تفكير وسلوك متعب جدا , خرج المتعمر من البلد


لكن من وجدان و سلوك الجعلي لازال موجــــــود ! ! ! .


#862721 [جدودنا زمان]
0.00/5 (0 صوت)

12-21-2013 10:57 AM
جمجار


#862719 [ود الامام]
5.00/5 (1 صوت)

12-21-2013 10:54 AM
وقت بديت الكلام براك يا عبد الرحمن الصادق اها خم وصر نطلب حاجتين اثنين اولا ان يكون رئيس حزب الامة من خارج اسرة المهدي ثانيا ان يتم انتخاب رئيس الحزب ويمارس مهامه لفترة زمنية لا تزيد عن خمس سنوات


#862566 [أبوديدى]
0.00/5 (0 صوت)

12-21-2013 03:11 AM
عمر.. بكرى ..اللمبى..
ديل نسميهم شنو فارات؟!
كلام الطير فى الباقير مثل شعبى حنغيروا لى كلام الطير فى البرلمان!!
فى مثل تانى حنغيروا على شان خاطرك (الجمل مابشوف عوجة رقبتوا) للجمل مابشوف عوجة(أبوهوو)؟!!!!


#862551 [abdo]
0.00/5 (0 صوت)

12-21-2013 02:17 AM
دعا مساعد رئيس الجمهورية عبد الرحمن الصادق المهدي الأحزاب السياسية باتخاذ خطوة مماثلة أسوة المؤتمر الوطني في تغيير قياداته الحاكمة.ما فاهم حاجة ياجنبو عبدالرحمن


#862493 [مدحت عروة]
5.00/5 (2 صوت)

12-21-2013 12:14 AM
طبعا ولماذا لا تغير الاحزاب قياداتها اسوة بالمؤتمر الوطنى الذى غير قيادته باحد القيادات الشابة اسمه عمر حسن البشير ؟؟؟؟؟؟؟؟؟
السودان يا سيد عبد الرحمن الصادق محتاج لتغيير فى السياسات وليس الوجوه !!!!!!
انا كل يوم ازداد اقتناع ان عودة الاستعمار البريطانى افضل للسودان من الاستعمار الداخلى حتى يتعلم السودانيين الحكم البرلمانى الديمقراطى واخير يستعمرنى بريطانى ولا يستعمرنى سودانى وكلكم تفهموا لماذا ؟؟؟؟؟
الهند كانت مستعمرة بريطانية وعندما استقلت بنضال سلمى حقيقى لم تسلب شعبها الحرية والديمقراطية ولم تستعمر قياداتها شعبها بدلا عن البريطانيين والتزم جيشها المهنية والبعد عن الانقلابات وصبروا على الممارسة الديمقراطية بكل اخطائها وسلبياتها حتى استعدلت وبقت ثقافة شعب وامة وحصل استقرار سياسى ودستورى وتتنمية وتطور عكس مصر والسودن والعراق وسوريا وليبيا والجزئر وهلم جرا ناس الرئيس القائد والحزب الرائد الورثوا شعوبهم المذلة والفقر ولجهل وفقدان الاراضى وصارت دولهم زبالة مقارنة بالهند التى لم تبلغ الكمال ولكنها فى طريقها اليه وبخطى ثابتة!!!!!
السودن بلد غنى بالامكانيات ولكنه فقير جدا فى القيادات!!!!!!!!
57 سنة استقلال منها حوالى 47 سنة حكم شمولى ولحد هسع لا يوجد استقرار سياسى ولا دستورى اللى هو اهم من الطرق والكبارى والسدود والبترول وصف الرغيف والبنزين وهلم جرا بلد عملاق ولكن قيادات قزمة!!!!!!!
الف مليون تفوووووا على اى نقلاب عسكرى سودانى عطل التطور الديمقراطى واصبح الجيش السودانى يطارد المعارضة ويسكت على احتلال ارضى الوطن والمعتدين عليه وكمان ما يخجلوا ويقدلوا فى البلد!!!!!!!!!!!!


#862468 [أنس]
5.00/5 (2 صوت)

12-20-2013 11:21 PM
ونحن بدورنا نقول ليك هذه الرسالة يجب ان تقولها لوالدك دغري ومن غير لف ودوران ‘ عليه ان يتقاعد ‘ ويبتعد عن الساحة السياسية ويتركها لغيره ‘ كما نأمل ان لا يتولي قيادة الحزب من بعده
أي واحد يحمل اسم المهدي ‘ اذا كنتم فعلا تطبقون الديمقراطية التى تنادون بها على انفسكم .


#862438 [قانون مافي]
5.00/5 (2 صوت)

12-20-2013 10:27 PM
عبد الرحمن ... الكلام دا تقولوا لي أبوك في البيت


ردود على قانون مافي
United States [شمال و جنوب فى محنة] 12-20-2013 11:41 PM
ما بقدر خليهو اكلم اختو تكلم ابوه


#862430 [ود المكي]
5.00/5 (1 صوت)

12-20-2013 10:17 PM
الـجـدع دة عايز يطيح بأبوة ولا أية ؟ ولا طلع عوير ماعارف مرمي الحديث ؟ وفي كلتا الحالتين العذر أقبح من الذنب !!!!!


#862411 [ود الدكيم]
5.00/5 (2 صوت)

12-20-2013 09:37 PM
أمشي قول الكلام ده للسيد والدك القاموا ليهو سنون اللبن تاني ولسة متشعبط في السلطة


#862404 [صادميم]
5.00/5 (1 صوت)

12-20-2013 09:27 PM
يا زول شاورت أبوك في الاول و لا عايز تدحرج أبوك و تأخذ مكانه


#862393 [suloleman]
5.00/5 (1 صوت)

12-20-2013 09:03 PM
Please start from your dad then ask others. However thank your


#862383 [Faisal]
5.00/5 (1 صوت)

12-20-2013 08:35 PM
أنت أمشي أدعو أبوك الأول وبعداك تعال للتانيين!!! فعلاً الاختشوا ماتوا والرخيص يظل دوماً رخيص


#862375 [الصلاحابي]
5.00/5 (1 صوت)

12-20-2013 08:23 PM
ان تكون غبي هذا يخصك
اما تستغبى الناس هذه مهزلة
عن أي تغير تتكلم
هل هنالك تغير من الشمولية الى الدولة الديمقراطية ‘لكي نتحول الى دولة مؤسسات
ويتم محاسبة المفسدين والحرامية وتوزيع الثروة بالعدل
انك غبي
من الذي اختارك لتكون في القصر وتعيش على حساب الشعب؟
وكيف تم تحديد راتبك؟
انت مجرد حرامي شارك الانقاذ في المعاناة للشعب السوداني يا غبي.


#862360 [نبض التعب]
5.00/5 (1 صوت)

12-20-2013 08:00 PM
خلاص أيها الشاب مساعد الرئيس (الشاب) .. كلّم أبوك وكمان كلّم (زوج عمتك) ، وبعد داك أدخل المكتب المجاور ليك وكلّم (ود سيدنا) الشاب يكلّم أبوهو .. وبي كده تكون ما قصرتّ تب!!.


#862353 [bitalshaik]
5.00/5 (1 صوت)

12-20-2013 07:49 PM
رأيك شنو يبدأ ابوك بالاول؟


#862347 [المهند]
0.00/5 (0 صوت)

12-20-2013 07:35 PM
انني ادعو سيدي عبد الرحمن المهدي ان يقوم بتكملة نصف دينه وهذا هو الاهم ومن ثم يدعو الاحزاب لتغير قيادتها


#862345 [مجذوب محمد عبدالرحيم]
5.00/5 (3 صوت)

12-20-2013 07:34 PM
ياحفيد المهدي في حاجة انا محتار فيها شديد انت مؤتمر وطني؟ ام حزب امة؟ وهل دخلت للحكومة ممثل لنفسك فقط؟ يعني دخلت مع الكيزان بصفتك حفيد المهدي وابن السيد الصادق والله شنو؟ اذا دخلت لانك تملك مقدرات سياسية فهذه غير واردة فياريت نعرف انت شنو وتبع ميبن بالظبط؟


#862335 [البحراوي]
5.00/5 (1 صوت)

12-20-2013 07:24 PM
الزول ده شكلو كده بعد ما خشه مع الكيزان واصابته لوسه السلطه عايز يطيح بي ابوه


#862328 [كمال الشناوي]
5.00/5 (1 صوت)

12-20-2013 07:18 PM
عندما تتغير حكومة الانقاذ وتتم محاسبة البشير ومعه الذين قتلوا وشردو ابناء الشعب السوداني سوف تغير الاحزاب قياداتها يامتسلق يا وسخ ياعفن


#862324 [jini]
5.00/5 (2 صوت)

12-20-2013 07:13 PM
وحات الله الجنا دا بوم ونى وعر و نعجة و طنقة وبعامة و تبيعة...الخ


ردود على jini
United States [بدون اسم] 12-20-2013 09:10 PM
الطنقة والبعامة ما عرفتهم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة