الأخبار
أخبار إقليمية
خطيب المسجد الكبير : منظمات دولية تعمل على مضايقة الفتيات المحجبات في الطرقات والأماكن العامة
خطيب المسجد الكبير : منظمات دولية تعمل على مضايقة الفتيات المحجبات في الطرقات والأماكن العامة



قال : الفتاة التي ترتدي الإسكريت لا تُسأل
12-21-2013 10:37 AM
الخرطوم: وليد النورا
رسم خطيب المسجد الكبير صورة قاتمة لمستقبل الشباب بالبلاد، واتهم منظمات دولية لم يسمها وقال إنها تعمل على مضايقة الفتيات المحجبات في الطرقات والأماكن العامة واستنكر الاحتفال بأعياد رأس السنة والكريسماس وقال يجب ألا يكون المسلمون تُبَّعاً ودعا الى ضرورة محاربة التجنيب؛ وأضاف: أصبح آفة للفساد،

وقال للوزراء الجدد اتقوا الله في شعبنا من المخالفات والفساد وتابع أقول لوزير المالية الشعب جاع خفف عنه وكشف الشيخ كمال رزق عن مؤامرة تُنفذ بواسطة عصابات تستهدف الفتيات المحجبات وذلك للتخلي عن الزي الإسلامي المحتشم مشيراً الى أن تلك العصايات تقوم بمضايقة الفتيات اللاتي يرتدين العبايات لأسباب أخلاقية وقال إن الفتاة التي ترتدي الإسكريت لا تُسأل وقال هذه مؤامرة كبيرة ينبغي لولاة الأمر الوقوف عندها وحسمها نهائياً.. وقال إن الموضوع خطير في وقت طالب فيه الحكومة بوقف التبغ نسبة للأضرار التي يسببها محملاً الدولة مسؤولية موت ودمار الشباب المتعاطي له وقال ينبغي أن تزول هذه الظواهر وطالب وزير الداخلية الجديد بتفعيل قانون النظام لاجتثاث الظواهر السالبة وتساءل هذه العادات لا تشبه السودانيين وأضاف ما عارف ليه أنا متفائل بالوزير الجديد أنه سيحسم المتفلتين لافتاً النظر الى أن الزيادة المطردة للشقق المفروشة والتي معظمها تُمارس فيها الدعارة،

واتهم بعض الأجانب باستدراج الفيتيات الى أماكن لا يعلمها إلا الله وأردف الشباب الآن في خطر ويواجه الغزو الغربي في الميوع ونعى التعليم بالبلاد وقال يوجد تعليم في المدارس بدون تربية وطالب السلطات بوقف التراشق بالبيض والطماطم أثناء احتفالات رأس السنة، ويجب عليها أن تحسم مثل هذه الأمور ونادى بضرورة استحداث وزارة للزكاة حتى تقوم بدورها كاملاً، وقال الزكاة الآن تتصارع عليها الوزارت والأمين العام مرؤوس وليس مخولاً له تنفيذ صلاحياته كاملة، ودعا المالية لرعاية المال العام ومحاربة الفساد ومحاربة التجنيب وقال إن المال الحرام أفسد الحلال وأصبح بدون بركة وقال إن المواطنين سعدوا بالتغيير وقال إن التغيير في السياسات وليس الوزارات لأنها تغير واقع البلاد من الأزمات الحالية.

الجريدة


تعليقات 13 | إهداء 0 | زيارات 4877

التعليقات
#863223 [عصمتووف]
1.00/5 (1 صوت)

12-21-2013 09:20 PM
هذا الرجل لا يهمه شئ في الدين غير المظهر كم وكم من محجبات يمارسن الرزيلة وكم وكم من السافرات عفيفات وطاهرات الظواهر الموجوده ليس عيبا وهي قديمة منذ نشاة السودان والسودان ليس كان هوالوحيد مختص بالفضيلة هل سالت نفسك لماذا عم هذا الداء البلاد ولماذا فلت العيار من رب الاسرة و البيت الاسباب معلومة لديك ولن ينفع بعد اليوم اجهزة البطش العام ي شيخنا وعلي بلاطة كده وخلينا من المؤامرات الشماعة حوجة بعض الفتيات والمتزوجات والارامل والمطلقات والمسنات لبعض المال لمواجهة ظروف الحياة من دراسة لمعيشة لتامين مستقبل لعلاج لرعاية اطفال هجرهم المعيل او معيل عاطل او دخلة لا يتناسب مع واقع الحياة الانقاذ ومن شايعها افسدت حياة الناس وافسدة دينهم ولاتنسي دورك والخنازير الاخري في صمتكم الغريب والمريب ووقوفكم في صف اكبر نظام فاسد منحط حقير وجاهلي والله ابولهب افضل منكم وبظلمة وكفره وقف في وجة نبينا الكريم صلي الله علية وسلم مدافعا عن اصنامة المهم تحدث هل تحدثم انتم في الصواب والخطا لا اظن ف ابوجهل اصدق منكم وارجل اما انتم فلا


#863217 [أبوعلي]
0.00/5 (0 صوت)

12-21-2013 09:14 PM
وأنت هل تجزم يأنّ بناتك لا يمارسن ما تنهي أنت عنه إن لم يكنّ أسوأ من ذلك؟
وهل أنتم فاضين من السهر واللّهث وراء النهب والنفاق وما يجري في الظلام أعجب


#863126 [قوز دونقو]
5.00/5 (2 صوت)

12-21-2013 07:03 PM
يا شيخ كمال رزق الفتاة التي تخرج سافرة الرأس تقبض عليها السلطات و تعاقبها بالجلد أما العصابات التي تعاكس الفتيات المحجبات فلا يتعرض لهم أحد؟؟ هذه فزرة محتاجة لفتوي منك ؟؟؟
لماذا يعاقب المحسن من قبل السلطات و لا يعاقب المسئ من ذات السلطات ؟؟؟ و هذا لا يمكن إلا أن يكون الشخص الذي يقوم بالعقاب هو نفس الشخص؟؟؟؟بمعني أن السلطة تغض الطرف عن المسئ و تعاقب المحسن ؟؟؟؟؟
وقع ليك كلامي و لا لسع عايز شرح أكثر ؟؟؟؟
أما بالنسبة للعبغ يكفي أن التبغ يزرع في مساحات شاسعة في دارفور و الحكومة تفرض عليه ضرائب باهضة و كذلم علي التبغ المستورد أيضا الحكومة تفرض عليه ضرائب باهظو جدا ؟؟ و من باب تدمير الشعب تسمح الدولة باستيراد و زراعة التبغ و لا يهم إن كان الشعب أدمن أو خسر أو ضاع أو أو أو أو أو .....
و دولة تقر القروض الربوية من داخل برلمانها بمكن أن تفعل أي شئ ؟؟؟ أليس كذلك ؟؟؟؟ يا شيخ كمال رزق ؟؟؟؟

يا دوبك و بعد 25 سنة حكم أنتبهت يا شيخ كمال رزق ؟؟ أين كنت طيلة هذه المدة ؟؟ في الخلوة بتدرس ؟؟؟
الله يكون في عون شعب أضحي (أمثالكم) علماؤه ؟؟؟


#863084 [NjerkissNajrta]
3.00/5 (3 صوت)

12-21-2013 05:48 PM
مثال العبط و الجهل:
(أقول لوزير المالية الشعب جاع خفف عنه)
مثال للأرهاب:
(وطالب وزير الداخلية الجديد بتفعيل قانون النظام لاجتثاث الظواهر السالبة)
مثال للهوس الجنسي:
(لافتاً النظر الى أن الزيادة المطردة للشقق المفروشة والتي معظمها تُمارس فيها
الدعارة)
مثال لأدعائه بعلم الغيب:
(واتهم بعض الأجانب باستدراج الفيتيات الى أماكن لا يعلمها إلا الله)
مثال لرمي اللوم على الغرب:
(الشباب الآن في خطر ويواجه الغزو الغربي في الميوع)
مثال لتلميع نفسه لوزير الزكاة القادم بالأدعاء أنه صاحب فكرة الوزارة و يجب مكافأته على ذلك:
(ونادى بضرورة استحداث وزارة للزكاة حتى تقوم بدورها كاملاً)
مثال للكلام الهبوب:
المواطنين سعدوا بالتغيير وقال إن التغيير في السياسات وليس الوزارات لأنها تغير واقع البلاد من الأزمات الحالية.


#863009 [تينا]
3.50/5 (2 صوت)

12-21-2013 04:07 PM
يا اخوانا بغض النظر عن كلام الشيخ هذا وفى حاجات أهم من كدة لكن صراحة فى حاجات فى السودان تحير مع الوضع الحاصل من حكومة السجم والرماد فى تناقض شديد فى حياة الناس والحكاية دى محيرانى . مثلا لما مشيت السودان فى الاجازة لقيت الناس بشكوا من غلاء الأسعار والحالة الصعبة وحكوا لى عن طبق البيض أصبح بالشيىء الفلانى وكانت الطماطم فى أوج غلاءها فى تلك الأيام وحزنت جدا للحال لكنى اندهشت جدا عندما كنا مستقلين حافلة وراجعين من الخرطوم لأمدرمان من زواج ابن خالتى وكان فى يوم راس السنة ولموا فينا الشباب فى الشارع شيىء لا يوصف من كثرتهم وكانوا يمسكون بطباقة البيض وكراتين الطماطم وأخذوا يرموننا بشبابيك الحافلة بالبيض والطماطم الى أن اتسخت ملابسنا وحمدنا الله اننا كنا راجعين بعد انتهاء الزفاف لا أدرى لو كنا ذاهبين ماذا كنا سنفعل . المهم حزنت جدا لعدم احترام النعمة واللعب بها بهذا الشكل السيىء فى وقت أن هناك أناس يشكون من عدم قدرتهم على شراءها وهل الاحتفال برأس السنة الا برمى واهانة النعمة ؟؟ شيىء كان مؤسف حقا .


#862944 [Shah]
0.00/5 (0 صوت)

12-21-2013 02:52 PM
ليس هنالك خطر على الشباب اخطر من الاخوان المتاسلمين


#862854 [المشتهى السخينه]
1.00/5 (1 صوت)

12-21-2013 01:23 PM
هذا الشيخ الا يرى الحروب التى شردت المنتجين والمزارعين والارض الخراب التى كانت بالامس تزرع ذرة وسمسم وفول وكركديه وترعى فيها الماشيه وغنيه بانتاج اللبن واللحوم .. ؟ فقط يرى الاسكيرت الضيق والعبايه .. هذا هو مقدار عقلهم .. السودان موعود بالمجاعه الطاحنه .. وهو يعلم ان الدين بلا عجين امر غير ممكن ..


#862836 [الحقيقة مرة]
4.50/5 (3 صوت)

12-21-2013 12:58 PM
هو نحن بقينا علمانيين ساي ما بفضل شيوخ الصدق والحقيقة ديل جزاهم الله خيرا


#862835 [سوداني متابع]
1.82/5 (5 صوت)

12-21-2013 12:57 PM
يا جماعة اتقوا الله , لمتين نفس اللبانة تلوكوا فيها , هل التعليم انهار من نفسه ولا انتم الدمرتوه , امثال الناس البفكروا بطريقة الشيخ المتكلم هم الذين ضيعوا البلد , زمان لمن كنا في الجامعات و كان الكيزان خاتين كلاب يضربو البنات عشان ((( الطرحة ))) !!! كنا بنقول حقو ماهية العسكري الما بستحقها ديها تدوها لي معلم مدرسة ابتدائية يعلم النات من ضغار كيف يلبسوا , مش ننتظرهم يكبروا و نجي نجلدها , المهم الحصل شنو ؟؟ كل البنات لابسات الما برضيكم . و الجلدتوهم و ادبتوهم بالقوة هسه قواعد من النساء يعني عسكريكم ما عمل اي حاجة ... أسأل الشيخ المتحدث هل يا شيخ سمعت بحاجة اسمها التنمية البشرية و ممكن تتخيل هي شنو و بتعمل شنو و طريقة تنفيذها !!! و لا الموضوع بس الواحد يصحا الصباح و عندو كمين صوفة قامت ليه في وشو و يجي يفتي في اربعين مليون ,
تقول مكافحة الايدز يقولوا ليك تسهيل الزواج !! و اها ده ما يعني تسهيل للطلاق برضو ؟ و هل حضراتكم عرفتو نسبة اللاتي سبق لهن الزواج من بين الماشات ام فكو في الشوارع , و لا عايزيين تفهمونا انو البنشوفهم كل يوم ديل في الشوارع هم بنات بنوت , و كل يوم !! . السودان من أكبر دول العالم علي مستوي انتشار الايدز . ناس تنصحهم بالواقي الذكري كمثال يجيك استاذ عن العفانة بتاعة المرأة يفتي بغير علم , و في النهاية السودان يربي أطفال العالم في المايقوما . و لا الشيوخ ديل فاهمين مثلاً اطفال الحبش الملو البلد ديل بيرجعوهم أهلهم !!!! بالجد نفسي افهم امخاخ الكيزان من جوه فيها شنو . يا عباد الله مافي انسان طبيعي و ود ناس عايز الانحلال لكن ما في واحد بيضبح خروف من ضنبه , القصه كلها برامج مدروسة لي أهداف واضحة ما رؤي و بصارات ..

الفشل الانحنا فيه ده سببو شلل التفكيـــــــــــــــــــــــــــــر . خير من يتحدث عت المرأة هو أخبر الناس عن عفانة المرأة و البلد بتديه ماهية عشان يتحفنا بالدرر .!!!!! دنيا عجيييييييييييييييييييبة


#862833 [عنقالي]
5.00/5 (5 صوت)

12-21-2013 12:56 PM
معقولة يا كيمو ؟؟
ولغاية متين ؟؟
أها ياخ الضل زاتووو مافضل فيهو حتا يطعن فيها
ياخ الضل بقى غربال عديل من كترت البتابيت العليهو
إلا برضوا ما بصفي عولاق الكلام
وبالمناسبة ياشيخنا
اغلبية الشباب اليبزنى ما حبآ في الزنى لكن عدم قدرة على تكاليف الزواج
وكتير من الناس البتسرق ديل ما حبآ في السرقة لكن اتقطعت بيهم سبل الرزق الحلال
وكتير من الاحتفالات والبرامج والاعياد في ناس بتمشيها ما حبآ فيها في عضمها ولا بركزوا لمناسبتها كل الفكرة شباب يمتلك طاقات وبلد ما قادرة تستوعب الطاقات دي وتوظفها في مواعين تستفيد منهم ويستفيدوا منها والاحتفالات دي زي الصفارة في حلة "البريستوا" تنفيس و في نفس الوقت انذار لكن نعمل شنو في غشامة وسجامة ست البيت؟؟

ف شنو يا شيخنا

اظن جربتوا كل الخزوعبلات الفي راسكم في الاربعة وعشرين سنة الفاتوا والنتيجة وزي ما انت شايف من سيء لي اسوء ويقينا نقول اريت الحال لو فضل في حالو ..ف شنو جربوا مرة واحدة ان شاء الله من باب الترفيه والتسلية وكسر الزمن لغاية نهاية الشهر وينزل الراتب تعالجو جدور المشكلة وفروا للشباب ديل فرص يشتغلو ورواتب تلبي احتياجات المعيشة افتحوا للمبدعين والمبرزين في كل المجالات ابواب عشان ما يطوروا من قدراتهم افتحوا ليهم مراكز واندية مجهزة تستوعب هواياتهم واهتماماتهم اجتماعية,سياسية,رياضية,اكاديمية وحرفية وبعد تعملوا دا الحفضل من الشباب الحتعدوا وقتها بالاصابع ولسه مواصلين في ضلالهم القديم فديل الناس والفئة المحتاجين مننا نوفر ليهم مساعدة طبية ونفسيه تأهلهم سلوكيآ عشان ما يقدروا ينخرطوا مرة تانية في المجتمع بصورة ايجابية


#862817 [ابومرام]
5.00/5 (3 صوت)

12-21-2013 12:39 PM
هذا الشخص كلامه مردود عليه فايام كان سمن على عسل مع الحكومة لم يجهر بقوله هذا كما انه هو نفسه واخوته صتروا من الاغنياء في عهد اللوثة هذا فلهم من العمائر الكثير والكثير واخرها خلف مستشفى فضيل اي واحد داير يتاكد يمشي هناك ويسال عن العمارة العالية دي حقت منو بلا شيخ رزق با دجل معاك دي قولها لي ناس مابتعرفك وتعرف اخوانك كلكم منتفعين وقاعديين ومتسلقيين


#862800 [من المركز]
5.00/5 (2 صوت)

12-21-2013 12:22 PM
كل ما يسمي بالشيوخ والاامه الايام ديل ماعندهم شغل الا الكريماس وراس السنه. دي مصيبه كبيره ان يستمع المصلين نقد علي سفاسف الامور التي تحصل في المجتمع السوداني. من الواضح ان كل الخطب موجهه من جهاز يمكن يكون الامن لكن ما ليس فيه شك انهم موجهون. وتركوا الامور الجسام وهي النظام والفساد وكتم الحريات وتعذيب وقتل المسلمين لانهم لهم راي مخالف عن رآي الطغمه الحاكمه . الذين اكثروا في الارض الفساد ونهبوا مقتدرات البلاد والعباد باسم نفس الدين الذي يدعون له هؤلاء الشيوخ . لابد من التشخيص السليم حتي تآتي بوصفة العلاج وان هم علي علم بما هي الاسباب فهي مصيبه وان هم لا يعرفوا وماهي الاسباب فالمصيبة اعظم. والله انهم لمسئولون . الا لعنة الله علي الظالمين


#862754 [Mohamed]
5.00/5 (3 صوت)

12-21-2013 11:31 AM
ههههههه الشيخ دا بيتكلم عن الفساد والزكاة والتجنيب كتير يا ربي المرتب أتأخر وللا شنو وكمان ما بيخجل قال وزير المالية اما علي الزكاة دا لو عملتوا وزارة او لغيتو حاجة اسموا الزكاة ما بيفرق معانا لتنو لا عندنا في زول بيشيل مننا ولا العندو بدينا
اما الشقق المفروشة دا ديل انتوا بس يا صعليك ما عندكم فائدة غير الكذب والنفاق اما الشعب الغلبان لا يملك حق الوجبة كيف يفكر لحياة الترف يا خرتيت



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة