الأخبار
أخبار إقليمية
وزارة النفط تؤكد وفرة الجازولين وانسيابه بصورة طبيعية لشركات التوزيع
وزارة النفط تؤكد وفرة الجازولين وانسيابه بصورة طبيعية لشركات التوزيع
وزارة النفط تؤكد وفرة الجازولين وانسيابه بصورة طبيعية لشركات التوزيع


12-23-2013 12:25 AM

الخرطوم (smc)

أكدت وزارة النفط توفر جميع المشتقات النفطية بما فيها الجازولين وانسيابها بصورة طبيعية.
وقال مدير عام امدادات وتجارة النفط بالوزارة السيد/ هشام تاج السر ان ما تناولته وسائل الاعلام عن شح الجازولين بولاية الخرطوم منافي تماماً للصحه مؤكداً ان شركة مصفاة الخرطوم وحدها تنتج أكثر من 50% من حاجة البلاد من الجازولين وتغطي ضعفي حاجة ولاية الخرطوم من الجازولين ، ونسب السيد/ هشام ما تردد عن شح في الجازولين وصفوف للسيارات الي توقف بعض الشركات عن استلام حصتها من الجازولين خلال اليومين الماضين سيما يومي العطلة (الجمعه والسبت) واكد ان وزارة النفط دفعت بكميات اضافية من الجازولين الي شركات توزيع المشتقات النفطية بولاية الخرطوم حتى تبث الطمأنينة في نفوس المواطنين بالولاية .
واشار تاج السر الي ان تخوف المواطنين ادى الي شراء كميات تفوق حاجتهم اليومية وضح ذلك من خلال الكميات الكبيرة المسحوبة التي ضختها المؤسسة السودانية للنفط للشركات والتي تفوق المعدل اليومي المعتاد وأكد ان الجازولين وبقية المشتقات النفطية تنساب بصورة طبيعية مضيفاً ان لدينا ما يكفي حاجة المواطن وزيادة من المنتج محلياً والمستورد.


تعليقات 12 | إهداء 0 | زيارات 3053

التعليقات
#864752 [ودهارون]
0.00/5 (0 صوت)

12-23-2013 10:38 AM
يا جماعة خلونا من التصريحات الفارغة اذا توفر الجازولين سينعكس ذلك في انعدام الصفوف والعكس صحيح ولا يحتاج الامر لتصريحا ت انتو المسؤلين ديل عينوهم عشان يصرحو وبس وكل تصريحاتهم تكذبها الحقايق الماثلة


#864750 [عنقالي]
0.00/5 (0 صوت)

12-23-2013 10:36 AM
ياخ انتو دايرين يجننونا ؟؟؟
عينا هديييييييك في صفوف الجاز والناس مجدعة في الشوارع مالاقية مواصلات وتجوا تقولوا ما تناولته وسائل الاعلام منافي تماما للصحة !!!
والله حاجة تحير وتطير باقي المخ الفي كنكوجنا دا؟؟؟
ياخ والله شككتوني في روحي اكون قاعد ياربي في بلد تانية وقايلوا دا السودان؟؟ اكون جنيت وماعارف وفاكر الناس النصاح هم الجنوا ؟؟ اكون طالع لي شيطان في راسي وقاعد بهيئي لي صفوف البنزين ؟؟ اها يطيب و الناس المجدعة في الشوارع و مالاقين مواصلات يكون راس السنة جا والناس ديل واقفين في الشوارع بحتفلوا وبرقصوا وانا قايلهم(على حسب الشيطان الفي راسي) مالاقين حافلات؟؟


#864716 [bullet ant]
0.00/5 (0 صوت)

12-23-2013 10:17 AM
ادمان الكذب من طرف الحكومة
ادمان الغباء حين تصدق الكذاب


#864674 [الدنقلاوى]
0.00/5 (0 صوت)

12-23-2013 09:50 AM
this is not acceptable the main problem that the Tanker delayed andarrived the day before yesterday , this is big jok dont insalt the intenlegenc of the peoples , is a crisses it is not a matter of holiday it is a short of fuel No Fuel ,and the fainancial problem clear and this crisses it will continue


#864616 [مهاجر]
0.00/5 (0 صوت)

12-23-2013 08:58 AM
معظم مشاكل الندرة في المواد وراءها تماسيح المؤتمر الوطني انه فن جمع الفلوس والمواطن يشرب من البحر.


#864614 [Baleela]
0.00/5 (0 صوت)

12-23-2013 08:55 AM
يا اخوانا المعلقين هونوا على انفسكم فهشام هذا ليس الا سكرتيرا خاصا لعوض الجاز طوال خدمته. فمن سخريات الأقدار ان يؤتى الينا برجل خبرته كلها سكرتير خاص او مدير مكتب ويضعوهو فى محل حساس زى ده. ودها زول بلاويه متلتلة (بليله-خط الانابيب- بترولاينز ......وهلمجرا).قوموا الى صفوفكم يرحمكم الله


#864588 [saffeldeen]
0.00/5 (0 صوت)

12-23-2013 08:16 AM
السكرتير السابق في وزارة النفط الفجاة بقا مدير هشام تاج السر ,غير مؤهل لتولي منصب غفير خليك من مدير , من مامسك مدير في الشركة السودانية للنفط جاب خبرا واليوم الموظفين بيستلموا مرتباتم بعد ثلاث واربع شهور, دا غير خط الانابيب النفزوا مع شركة بتروانرجي وظهرت فيهوا مشاكل من اول سنة ,ياسيد هشام خليك مع مداحينك البتجيبن كل جمعة في البيت فانت ممكن تكون شيخ طريقة وليس مدير لمؤسسة مهمة في البلد.


#864576 [هاشم ود حجة هانم]
0.00/5 (0 صوت)

12-23-2013 07:52 AM
والله احنا فترنا من الحكومة والافظع الشعب الما عجبو العجب نحنا الواحد هنا في الغربة بطنو يبست من العدس والجوع للعيش الكريم والناس جو البلد تتفاصح وتتراشق بالكلام ولا تقدم ولا تاخر والحاصل ده من نفسنا من اللف والدوران وعدم اليقين والحمد علي القليل والاستعداد للرحيل ياناس الزمن فات والموت قريب خلو البشير والتنظير وادعو


#864510 [ابوكلام]
0.00/5 (0 صوت)

12-23-2013 02:24 AM
الجماعة يستحقوا درجة دكتوراه في النفاق والكذب والتضليل


#864506 [ابوالبشر]
0.00/5 (0 صوت)

12-23-2013 02:16 AM
يا Mohamed صدق اى جهه عدا الحكومه ,وما تقوله الحكومه اعتبره العكس يعني لو قالت ليك ده الشرق معناه ده الغرب


#864455 [محمدزين عبدالله]
0.00/5 (0 صوت)

12-23-2013 12:47 AM
ناس الشركات ديل دا اول خميس وجمعه يمر عليهم ولا دخلن عليهم ليلا ودون اضاءة والناس في صلاة العشاء


#864452 [Mohamed]
0.00/5 (0 صوت)

12-23-2013 12:41 AM
لو قلنا الصحفيين كذابين ومثيري الفتن بين الحكومة والشعب. بالأمس خبراء النظام الاقتصاديين أكدوا شح في المنتجات البترولية واليوم الوزارة نتفي الخبر وتكدرس السيارات تكذب حديث الوزير
نصدق من يا عالم



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة