الأخبار
أخبار إقليمية
مولد و(ربيعه) غائب‎
مولد و(ربيعه) غائب‎
 مولد و(ربيعه) غائب‎
ربيع عبد العاطي


12-24-2013 09:57 AM
‎صلاح الدين عووضة‎


* قبل حكاية (في خلافات، لا ما في خلافات، لا في)- التي تزامنت مع التغييرات الأخيرة في سدة الحكم- كانت هناك حكاوى غيرها..
* فخلال مفاصلة رمضان- مثلاً- أدعى كلٌّ من معسكري القصر والمنشية أنه مع (الحريات!!) والآخر (شمولي) ما أدى إلى (فرز العيشة)..
* وقبل ذلك بزمن طويل- مع بدايات الانقاذ- تضاربت التصريحات: (أنحنا جبهة)، لا (أنحنا ما جبهة)، (لا لا أنحنا وطنيين بس معانا إسلاميين)..
* وإبان إجراءات الإستفتاء الخاص بحق تقرير المصير قال فريق إنقاذي إن الأنفصال فيه (الخير كل الخير!!) للشماليين بينما حذر فريق آخر من (ذهاب الخير بذهاب النفط!!)..
* والتضارب في الأحاديث هذا- إلى حد أن يرقى لمستوى (الظاهرة)- هو (علامة سياسية!!) مسجلة باسم الإنقاذ (وحدها)..
* فما من حدث يستحق تسليطاً لضوء الحقائق عليه إلا انبرت عشرات (الأفواه) الإنقاذية متكفلةً بما يفترض أنه من صميم عمل (الناطق) الرسمي الذي (لا ينطق) أبداً..
* أو- تحرياً للدقة- ينطق فقط حينما (يُطلب!!) منه أن ينطق في ما (لا يهم) الناس في شيء..
* بالمناسبة؛ متى آخر مرة سمعتم فيها تصريحاً من وزير الإعلام أحمد بلال في شأن (ذي قيمة) عدا القيام بدور (المذيع!!) لبعض (البدريين) من أهل (العظم والرأس)؟!..
* وقبل أن نأتي لسبب كلمتنا هذه نشير- استلهاماً- لقصة أشهر سفينة غارقة في التاريخ الحديث هي الـ(تايتنك)..
* فقبيل اصطدام السفينة هذه بجبل الجليد تباينت وجهات نظر بعض من طاقم قيادتها..
* فأحدهم- وهو إداري يمثل الشركة التي تتبع لها السفينة- اقترح اطلاق العنان لمحركاتها الجبارة (تباهياً) بسرعتها قياساً إلى سرعات سفن ذلكم الزمان..
* وآخر- وهو مساعد القبطان- رأى في مثل السرعة المقترحة هذه خطورة على التايتنك مع ترجيح احتمال وجود كتل جليدة في ذلك الفصل من فصول العام..
* وثالث- وهو الكابتن سميث نفسه صاحب الخبرة الطويلة- وا فق على الإنطلاق بالسرعة القصوى مع أخذ الحيطة والحذر..
* وحين وقع المحذور لم يُجد رهان (الريس) على (متانة!!) سفينته و (مرونة!!) حركتها و (سرعة!!) انحرافها..
* والآن لنستمع إلى تصريحات بعض (كباتن!!) الإنقاذ حيال أزمة الجازولين هذه الأيام..
* فوزارة المالية رهنت إنفراج الأزمة بوصول باخرتي جازولين (خلال اليومين القادمين) ما يعني (أن لا جازولين الآن!!)..
* ووزارة النفط قالت- ما معناه- (منو القال ليكم في أزمة؟؟!.. ما في أزمة خالص!!)..
* ومدير عام امدادات النفط أرجع أسباب الأزمة إلى (عطلتي الجمعة والسبت!!) وكأن لم تكن هنالك (عطلات!!) قبلهما..
* والبرلمان أدلى بدلوه- هو الآخر- ليقول على لسان محمد الحسن الأمين: (الأزمة ليست بسبب أحداث الجنوب)..
* ولو كان ربيع عبد العاطي لا يزال (مُفَّعلاً!!) لقال إن الأزمة (مُتوهَّمة) في أذهان المعارضين..
* بقىَ أن نذكِّر بأن التايتنك كان شعارها (السفينة التي لا تغرق!!!!!!!).

آخرلحظ


تعليقات 31 | إهداء 0 | زيارات 7617

التعليقات
#867579 [أبوداؤود]
0.00/5 (0 صوت)

12-25-2013 11:29 PM
عبد العاطى فاتح قناة الشيعة وراح يبقى شيعى وبعدين يخطرف زى أخوه محمد طه محمد احمد يلقى ليه واحد يضبحوا زى الشاه .. امين يارب العالمين قريب ..


#867416 [ربيــع حــــار جــدا"]
0.00/5 (0 صوت)

12-25-2013 08:05 PM
اها مسؤلين من الخير دحين قبطان السفينة لسة برقص ولا خلي الرقيص .. رقصني يا جدع علي جالون ونص جـــــــــــــــــــــاز والسفينة شغالة بالجـــــــــــــــــــاز ..


#867358 [معاويــــــــــــــــــــــــــــــــــة]
2.00/5 (1 صوت)

12-25-2013 06:59 PM
مسعولين من الخير يا اخوانه وينو الواطى عبد العاطى ده خرمنا ليهو بالمناسه مع انو كلامو زى بول الحمار لكن برضو كان بنشط الداره زى المره البتهج وهى اصلا ماب تعرف الرقيص المهم بس انها تكون فى الداره هسع عبد العاطى وين يا اخوانه والله دورو انتهى الزول ده بالمناسبه زول بسيط جدا موضوعوا كلو بيت وعربيه وتلفون سمح وفهلوه بس وشوفونى رحم الله البلد اللى كان اسمو السودان ..............


#866565 [عباس الضو]
5.00/5 (2 صوت)

12-24-2013 11:26 PM
الأستاذ صلاح عووضة

لك مقال خطير جدا جدا إبان ما عرف بالمفاصلة ارجو منك إعادة نشره تحدثت فيه عن ان الترابي نزل من سفينة الإنقاذ طوعا ولسبب ما


#866550 [ربش]
1.00/5 (1 صوت)

12-24-2013 11:08 PM
و نحنا نقول البلد دي ماشه رييوس ليه . تراكم يا أنجاس بتحكمونا بالفكر الشيعي يا مجوس و تقلبو الحق باطل و الباطل حق . لكم من الله ماتستحقون يا سفله .


#866517 [lwlawa]
4.00/5 (1 صوت)

12-24-2013 10:09 PM
يعني الجماعة غرقو في شبر جاز... اقصد مويه.؟


#866382 [ود بحرى]
5.00/5 (1 صوت)

12-24-2013 06:57 PM
ونحن نقول البلد اتملت تشيع ,هاترى المسؤلين كلهم متشيعين وتلفزيوناتهم فى المكاتب قنوات شيعية والله خطير يا ربيع الخمينى


#866301 [ابو دعاء]
1.00/5 (1 صوت)

12-24-2013 05:16 PM
ما هو الفرق بين ربيع عبد العاطى وسامى بريطع ؟؟؟


ردود على ابو دعاء
United States [الكرباج] 12-24-2013 06:25 PM
هو الفرق بينكم وبين السودانيين الاصليين


#866248 [عزوز]
3.00/5 (3 صوت)

12-24-2013 04:25 PM
,والله الزول الاسمو ربيع عبد العاطى وأمين حسن عمر والمتعافى التقول بتنفسو معاى برئه واحدى نعلت الله تغشأهم ديل ازبل خلق الله وعا ملين فبها عارفبن اى شئ وبتكلمو في موضوع بدون اى خلفيه


#866108 [عشنا وشفنا]
3.00/5 (1 صوت)

12-24-2013 01:56 PM
يعنى هم الجماعة ديل شيييييييييييييييييييعة ؟؟؟؟؟؟؟؟؟؟؟؟؟؟؟؟؟؟؟؟؟؟


#866097 [العنطـــــــــــج]
4.00/5 (1 صوت)

12-24-2013 01:47 PM
القناه الشغاله في التلفزيون تتحدث عن عقلية المسخ ده، شيعه وهم


#866060 [ود كركوج]
4.50/5 (2 صوت)

12-24-2013 01:20 PM
والله يا صلاح عووضة مقالك بديع.واحلى حتة فيهو(لو كان ربيع عبد العاطى مفعلا)activatedحللللللوة دى.هذا غياب الشفافية مشكلة المؤتمر الوطنى بيحكم بعقلية اتحادات الجامعات..عايزين يمشوا البلد بالغش والكذب وحبل الكذب قصير طبعا.


#866027 [عام سقوط الجرذان]
4.25/5 (3 صوت)

12-24-2013 12:51 PM
هههههههههه. الشريعة ليها بالظاهر فعلا الزول الشايفو أنا ده عامل دماغ ودماغ قوي كمان.


#866021 [صالح]
5.00/5 (3 صوت)

12-24-2013 12:48 PM
لقد افتفدنا الخبيث الوطني عبد العاطي الذي كان يسليناويضحكنا بتصريحاته البلهاء الغبية.


#866012 [sudana foag]
5.00/5 (3 صوت)

12-24-2013 12:44 PM
يحلو لى منداته بربيع الواطى


ردود على sudana foag
United States [جبور] 12-24-2013 04:16 PM
الصحيح : الواطي جدا


#866000 [كبسول]
5.00/5 (3 صوت)

12-24-2013 12:29 PM
ولو كان ربيع عبد العاطي لا يزال (مُفَّعلاً!!) لقال إن الأزمة (مُتوهَّمة) في أذهان المعارضين
لو كان مفعلا .....دس حلوة اوي
شريحة ربيع اصبحت غير مسجلة....ولدلك فانه يعرض خارج الحلقة....وصدقوني بعد ان تفشل مساعيه الانتهازية في الحصول علي (حاجة)....ستسمعون منه نفس نغمة علي عثمان ونافع المشروخة بطلب السماح والعفو....ولا نامت اعين الجبناء


#865988 [sayyed]
5.00/5 (2 صوت)

12-24-2013 12:15 PM
جزاك الله خيرا يا البديري، سبقتني على التعليق، فهذه القناة هي قناة الشيعة قاتلهم الله،فقل أي فضائية تكثر مشاهدتها أقل لك من أنت، ايتيني بأي واحد من الأخوان المسلمين استخرج لك منه شيعيا جلدا، فالأخوان المسلمون هم أعداء السنة، رغم ادعائهم أنهم يحبون السنةبهتانا وزورا وسياستهم لا تخفى على ذي لب.


#865983 [قعر الدوكة]
5.00/5 (1 صوت)

12-24-2013 12:11 PM
وسفينة الرمم سارت لاتبالي بالأمم


#865953 [قعر الدوكة]
5.00/5 (5 صوت)

12-24-2013 11:44 AM
ربيع ده زول بتاع لقيمات ساي لقى البلد هامله على بالطلاق كان عندي غنم مأخليهو يسرح بيهن .. !!
جيب الصوت آآجنا ..... صصصصصصصصججج التهقلك هقلة..!!


ردود على قعر الدوكة
United States [مكاوي محمد] 12-24-2013 11:09 PM
انهم شوايقة ا وجدو البلد هامه في لحظة غفلة وتم طردهم بعد ان كشفنا عن تامرهم بواسطة تنظيم انشئوه يسمي المجلس الستيني لتطوير مروي يراسانه علي عثمان وعوض الجاز واعضاءه كمال عبد اللطيف وقوش واسامه عبدالله والحاج عطا المنان واخرون وحافظ علي مراحك ودلوكتك ........ولي ودي


#865952 [غريب ديار وغريب اهل]
4.00/5 (2 صوت)

12-24-2013 11:43 AM
ياصلاح باشا التح0ية طيب لو قلنا هذا الحمار الحقير نقلوه ليفارتهم بحجدجنوب افريقيا

وبعد ما ضربوا نافع بالجزمه اها منو اللي حايكون ناطق باسم حديقة الحيوانات ك:::

ربيع عبد العاكي ده واحد من اتفه خلق الله واكثرهم كذبا ؟ عامل الحرالسات بفندق

شقق مفروشة بالطائف وطبعا الان عنده عمارات بطائف الخرطوم / محكمه والله وحكايه


ردود على غريب ديار وغريب اهل
United States [ابو الزيك] 12-24-2013 01:05 PM
استغفر الله ما ينبقى ان تقول عبد العاكى...تعلى الله عن ذلك علوا كبيرا...معنى الحديث ان ابن ادم يلقى الكلمة لا يلقى لها بالا....تهوى به فى النار سبعين خريف


#865945 [مدني الحبيبة]
5.00/5 (2 صوت)

12-24-2013 11:38 AM
اظرف تعبير عن ربيع عبد العاطي لو كان مازال مفعلا ،،،،


#865939 [المستعرب الخلوى]
0.00/5 (0 صوت)

12-24-2013 11:32 AM
التضارب فى الأقوال والتصريحات سمة وعلامة فارقة لهؤلاء القوم لدرجة إنو المواطن السودانى ما عاد يهتم بأى تصريح يرد فى اياً من وسائل الإعلام ..
وهاهو وزير الدولة بوزارة المالية لا يزال يردد أن عائدات النفط لن تؤثر على الميزانية فى حين تم رصد اكثر من مليارين ونصف من الجنيهات إيرادات عائد النفط فى الميزانية ..أها العجز دا حيغطوه من وين ؟؟ أكيد من زيادة الجبايات على محمد احمد المغلوب على امره..
بقينا ما عارفين نصدق منو ونكذب منو ..


#865937 [محمد]
2.00/5 (1 صوت)

12-24-2013 11:32 AM
الجماعة ديل انسلاخ غازي هزاهم هزة شديدة المخوفم من الزول دا كدا للدرجة دي شنو بقو جاريين في كل الاتجاهات صراحة غازي رفع شعارات ومبادي يراها معسكر البشير باهظة التكاليف والخسائر ان فكر حزب البشير العمل بها وغازي يعرف ان تلك نقطة ضعفهم لذلك يبتزاهم ويعريهم بها اللعب سخن شديد [email protected]


#865931 [جنوبي]
3.00/5 (2 صوت)

12-24-2013 11:26 AM
حلو شعار التايتنك ده وبررررضو غرقت !!!
الجنوب لو جاتو نزلة الشمال بيعطس !!


#865920 [الجمبلق]
5.00/5 (1 صوت)

12-24-2013 11:19 AM
والله انت خترى يا ود عووضه


#865913 [garagandi]
5.00/5 (4 صوت)

12-24-2013 11:12 AM
أها يا ود عووضة , الزول المكاجرو دا , اللي هو ربيع هذا , قالوا ودوهو ملحق اعلامي في جنوب افريقيا... نحن عارفين لا شغل لا مشغلة هناك, بس لزوم الترطيب وكدا ... الله يقدك يا ربيع ويقد الجابك


#865888 [shah]
3.96/5 (7 صوت)

12-24-2013 10:44 AM
أنا عندى كرفتة زى دى ... تانى كان لبستها ... الله يلعنى.


ردود على shah
United States [shah] 12-24-2013 05:50 PM
لا والله يا دقنة أخوى ... حردتها تب.

United States [دقنة] 12-24-2013 01:17 PM
يازول ألبس ساي ،،، على الأقل إنت لابسه من قروشك وتعبك وعرق جبينك ,, مش زيو لابس وماكل وشارب ومبرطع بقروشنا نحن المساكين ديل !! وجابت ليها بوبار كمان ،،، صحي المال السائب بعلم السرقة ،،،، علي الحرام الزول ده شايفو ،، الكرسي القاعد فوقو ده تقعد عليهو حيطة والستارة البي وراو والشاي البيطفح فوقو والسكر الجواو والملعقة الساطوهو بيها والتلفزيون الجنبو ده والرسيفر الفوقو كلو كلللو من قروشنا والله ،،، عليكم الله شفتو ليكم قوة عين جنس ده !!!!!


#865883 [ودالشريف]
5.00/5 (3 صوت)

12-24-2013 10:38 AM
مصيبتنا يا استاذ صلاح انه هولاء البدريين بيفتكرونا لسة بريالتنا جهلة لا ذاكرة لنا فهم يكذبون ويتلونون كما الحرباء لعنة الله على المنافقين وسارقي قوت الشعب نسال الله ان يفك اسر السودان من هذه العصابة الفاسدة المتاجرة باسم الدين


#865880 [خالد حسن]
5.00/5 (1 صوت)

12-24-2013 10:33 AM
ًوسفينة اللصوص سارت لاتبالي بالشعوب


#865850 [Sam7]
3.00/5 (1 صوت)

12-24-2013 10:14 AM
يا أبو صلاح إنت ما سمعت ب " سفينة الإنقاذ سارت لا تبالي بالرياح " و " الضلمة ولت و جاء دور الصباح"


#865848 [بديري]
5.00/5 (1 صوت)

12-24-2013 10:12 AM
دا كلو هين قناه الشيعه الفاتحه بي وراهو دي ومتكيف وعامل دماغ .!!!
اوع بس دي تكون مصادر ثقافتو وحججو الغريبه. طبعا ديل اساتذه في قلب الحقائق.


ردود على بديري
[كبسول] 12-24-2013 12:31 PM
والله صدقت
اخشي ان يكون الرجل شيعي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة