الأخبار
منوعات سودانية
ضبط أكثر من (3) آلاف زجاجة خمور مهربة بالخرطوم
ضبط أكثر من (3) آلاف زجاجة خمور مهربة بالخرطوم
ضبط أكثر من (3) آلاف زجاجة خمور مهربة بالخرطوم


12-24-2013 04:44 PM
الخرطوم (smc)

تمكنت إدارة شرطة أمن المجتمع قسم المقرن من ضبط كميات كبيرة من الخمور المستوردة المهربة بلغت في مجملها (3,315) زجاجة بيرة ووسكي في منزل بمنطقة كافوري بالخرطوم كانت تعد لتوزيعها خلال أعياد رأس السنة.
وأفادت الشرطة أن المضبوطات تمت متابعتها إثر توفر معلومات عن قيام شخص بإدارة عملية منظمة لترويج الخمور بشارع النيل والعمارات والمنشية وشارع محمد نجيب حيث تمكنت الشرطة بعد عمل كمين محكم من ضبط المعروضات في عربة دفار جامبو وصلت من الحدود الشرقية إلى المنزل المرصود.
وحاول المتهم الأول في البلاغ تمويه الشرطة بوضع تانكر مواد بترولية اعلى المعروضات إلا أن الفريق العامل تمكن من كشف العملية بعد متابعة ورصد استمرت لأربعة أيام وتم القبض على المتهم وتحريز المعروضات والتي بلغت (2,078) زجاجة بيرة و(1,047) زجاجة وسكي كبيرة وعدد من الأكياس للتوزيع فضلاً عن مبلغ (7800) جنيه سوداني إضافة للعربتين موضوع البلاغ وتم بلاغ تحت المواد (79) و(81) و(60) من القانون الجنائي برئاسة قسم أمن المجتمع بالمقرن.
من جانبه أشاد معتمد محلية الخرطوم اللواء عمر نمر في تصريح لـ(smc) لدى تفقده الضبطية بأمن المجتمع بالمقرن بحضور العميد د. عامر عبد الرحمن علي مدير شرطة أمن المجتمع بالجهود التي اضطلع بها الفريق الذي نفذ العملية بمهنية عالية أسفرت عن ضبط الكمية الكبيرة من الخمور المستوردة التي كانت ستسهم بشكل كبير في انتشار الجريمة خلال احتفالات رأس السنة.


تعليقات 10 | إهداء 0 | زيارات 2179

التعليقات
#867824 [الكجور]
0.00/5 (0 صوت)

12-26-2013 09:57 AM
بكري نصيبو كم في الكوتة دى؟؟؟


#867502 [قوز دونقو]
0.00/5 (0 صوت)

12-25-2013 09:38 PM
إذا إختلف اللصوص بان المسروق ؟؟؟ و هذه هي العاقبة تهريب قال ؟؟ طيب كدا ورونا كيف دخلت هذه الكمية الكبيرة إلي العاصمة ؟؟ و من أي جهة دخلت ؟؟ المسألة دي فيها (إن) كبيرة لازم يكون فيها واحد أمنجي كبير علشان يسهل عملية الدخول و المرور عبر البوابات الكثيرة من و إلي الخرطوم ؟؟؟؟ و ما بعيد يكون ( بكري )مساهم في هذه العملية ؟؟ لزوم الأحتفال بعيد\ الكريستماس و رأس السنة و عيد الإستقلال ؟؟؟؟؟
ما طرشقت و كدا ؟؟ ما منعونا و كدا ؟؟؟


#867385 [issam]
0.00/5 (0 صوت)

12-25-2013 07:28 PM
شكيتكم لي الله , طرشقتو للجماعة الكريسماس و راس السنة , حسع الواحد لو قاعد في السودان كان مشى جاب ليهو حبة حبتين لزوم المزاج لانها ما حا تتلف حا تتباع زي بتاعة ابعاج


ردود على issam
United States [لولاو] 12-25-2013 10:00 PM
قزاز احمر و اخدر و ابيض و اسفر بس هو قال بيرة و ويسكي باقي داك شنو


#867209 [الدبيب]
0.00/5 (0 صوت)

12-25-2013 04:21 PM
الكيزان اختلفو فى البيعة والسودان الانا شايفو ده ما فية اى متابعة امن شنو فى السودان يتحصل على معلومات الجماعة اختلفو فى البيعة عشان كدا اتفتنو


#867159 [ابتهاج]
0.00/5 (0 صوت)

12-25-2013 03:33 PM
خلوا الناس تبتهج بالنضيف ياحكومة ياعالم

البهجة اهم شئ فى الدنيا , ما تقفلوها عليهم من كل ناحية

انتو ضاغطين الشعب فى المعيشه , كمان ما تضغطوهم فى البهجة والابتهاج


#867082 [أبوديدى]
0.00/5 (0 صوت)

12-25-2013 01:59 PM
البركه فى عرقى بلحنا..
مافى زول عادى عندو القدره يهرب كميه قدر دى من أثيوبيا أوأريتريا ده كوز مشغل و مرسل ليهو واحد أدى ماعليه والباقى التسويه مع الضباط أشان يتقسموا الغنيمه وخلونا من الفبركه يابوليس والقزاز ده حدو القصر الجمهورى؟؟!!


#866979 [شيمس]
0.00/5 (0 صوت)

12-25-2013 12:20 PM
خسارة كبيرة عوووووووووك


#866852 [سايكو]
0.00/5 (0 صوت)

12-25-2013 10:19 AM
الخمور دي ما حيتم ابادتها و لا حاجه
حتتباع للناس لكن طبعا المستفيد حيكون منهم
بعدين يا جماعه نمر دا لسه معتمد في محله و مباري لي الحاجات الفارغه ؟؟؟؟؟
الفاتح عز الدين العوير الجهلول بقي رئيس برلمان
انتوا سعاده اللواء دا ما برقوهوا ليه زي اخوانه متخلف عقليا و لا شنو ؟؟!؟


#866843 [موسى الضو]
5.00/5 (1 صوت)

12-25-2013 10:10 AM
يمكن استخدام شخصي زي ما قالت بتاعة الانداية القبضو عندها عشرة براميل عرقي قبل يومين... غايتو البلد بقا فيها جنس بلاوي


#866782 [الجقديب]
0.00/5 (0 صوت)

12-25-2013 09:36 AM
ياااااااااااااا سااااااااااااتــــــــــــر
يا ساتر ..

هل فاطمة شاش كانت عارفة الشمار دا ..
يا شماتة أبلا شاشا فينا ..
آآآآه يا عيني ..
وأقسم بجلال الله إتخلعتا لامن ما قادر هسي أتنفس ..
كمان كافوري يا وسخ ..
الدلاهات ديل مش قالوا البلد ملانة جداد وأمن وقرف ومش عارف صندوق رفع الرزيلة ولا شنو ؟؟؟
الزجاج التقيل دهههه شنوووو
أعووووذ بالله من غضب الله ..
كمية قدر دي البشربها منو ..
زمان قلنا الخواجات كانوا كتار ..
هسسسي طردوهم ؟؟؟؟؟؟؟


ردود على الجقديب
European Union [Tatto] 12-25-2013 08:06 PM
البشربها منو كيف يعني ؟ .. يازول تلاته قعدات كاربات ومايفضل القوا.

United States [شمال و جنوب فى محنة] 12-25-2013 08:02 PM
يعنى فاكر حيوزعوها في العشرة ما لازم مكان الفكة التمام



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة