الأخبار
أخبار إقليمية
سجن (الهدى) يجمع أب وابنه بعد (28) عاماً من الافتراق
سجن (الهدى) يجمع أب وابنه بعد (28) عاماً من الافتراق



حكاية أغرب من الخيال
12-26-2013 07:47 PM
أم درمان: حكايات

جمعت صدفة نادرة شاباً في الثلاثين من عمره، بوالده الشيخ في مشهد لا يصدقه عقل، بعد (28) عاماً من فراقهما، عاشها الابن محتسباً والده في زمرة الشهداء، فجمعت بينهما الأقدار خلف أسوار سجن الهدى غربي أم درمان، ليلتقيا وجهاً لـ (دهشة)! لم يكن الشاب (عين) يتوقع أن يلتقي والده الذي لا يتذكر صوته ولا صورته، لأنه عرف بموته وهو بعد صغير في السن، قبل أن تقذف الاقدار بالشاب نزيلاً خلف أسوار سجن الهدى على ذمة مديونية بلغت خمسة آلاف جنيه (فقط)، كانت كفيلة بأن يلتقي فيها والده الحبيس بسبب ضمانة مالية بعشرين ألف جنيه. وعلمت (حكايات) أن الأب الذي كان يعمل بالقوات المسلحة وترك أسرته في (الجزيرة أبا) بولاية النيل الأبيض، وذهب لمناطق العمليات ولم يعد منها، قيّدته السلطات في سجل الشهداء. وبعد سنوات، تكشفت لأسرته بأنه (حيٌ يرزق ويتعالج)، فبدأت رحلة البحث عنه دون جدوى، فعادت واحتسبته شهيداً! وبينما كان الإبن المحبوس بذات السجن ينتظر جلسة حكم خاصة بقضية توقيفه أمس (الأربعاء)، تصادف ان الأب لديه تسوية بمصلحة المعاشات، فخرجا من السجن سوياً، وعندما أخذا يسجلان اسميهما في الكشف الذي يسمح بخروجهما لقضاء أمرهما قبل العودة للحبس، لاحظ الأب تطابق إسم الشاب مع إسمه، فسأله: هل أنت ابن فلانة؟! أجاب الشاب بنعم، فعاجله بسؤال آخر: وهل خالك فلان؟! ولمّا كانت الاجابة نعم، صرخ الوالد بأعلى صوته (يا زول انت ولدي، والله ولدي)، وانخرطا في نوبة بكاء أذهلت الحاضرين.
وذكرت صحيفة (حكايات) بإنها سوف تورد القصة كاملة مع الصور غداً.


تعليقات 37 | إهداء 0 | زيارات 13969

التعليقات
#869618 [الدهشان الممغوس]
0.00/5 (0 صوت)

12-28-2013 03:23 PM
في عدد الجمعة من الجريدة حكايات نشرت حوارا في صفحة كاملة. مع الولد وابنه مع صور كثيرة وقالت ان بعض اهل الخير سيجمعون قروش المديونية لهم.
حكاية تحير بالجد ليه الاب ما سال من ولدو السنين دي كلها؟!
كتر خير السجن الخلاهو يشوف ولده بالصدفة.
كم من مفقود في حروب السودان التي لا تنتهي وكم من قصص طي الكتمان.


#869469 [rقيسونى]
0.00/5 (0 صوت)

12-28-2013 12:36 PM
هاها قصة سخيفة و لو حقيقية اب حقير


#869466 [سالم السالم]
0.00/5 (0 صوت)

12-28-2013 12:34 PM
يستاهلوا ضحكة السر قدور ههههههههههههههههههه


#869115 [نعيش]
0.00/5 (0 صوت)

12-28-2013 01:08 AM
ربنا علي كل شي قدير اتمنا لم شمل كل من ضاع في تلك الحرب الارهقتنا


#869084 [المهاجر]
0.00/5 (0 صوت)

12-27-2013 11:33 PM
الدنيا دبنقا والزمن دفيس المابلقا الناقة يحلب التيس ...


#868897 [Tatto]
4.75/5 (3 صوت)

12-27-2013 05:07 PM
ديل أنا بعرفهم .. كومار اب شلخه وولده دهرمندرا .. المطره صبت والموسيقي دقت.


ردود على Tatto
United States [مسطول بتعلم جديد!!!] 12-28-2013 12:51 PM
دُدُدُددل .... دُدُدُددددل
أول مرة اعرف انو الذاهبون الي مناطق العمليات قبل الانقاذ كان بيسموهم شهداء!!!
ولك التحية ولكل السينمات بابطالها الهنود الذين ذكرتهم
يخرب بيتك رجعتنا وراء 35 سنة
هههههههههههههههههههههه


#868861 [تينا]
0.00/5 (0 صوت)

12-27-2013 03:55 PM
سبحان الله قصة غريبة شديد ... رب ضارة نافعة ... يا ناس حكايات نحن فى انتظاركم بكره انشروا لينا القصة كاملة ... مبروك للأب وابنه وحمدا لله على السلامة ...


#868808 [الجــــزيرة ابا]
0.00/5 (0 صوت)

12-27-2013 02:24 PM
هل فى القانون العشرين الف جنيه (حتى لو ) كانت سنة 56 هل حكم السجن فيها باكثر من 28 سنة ؟ ولسة ما معروفة ﻻنه ما زال فى السجن ؟!!!
مافى زول من الجزيرة ابا بتسجن بقروش شوية زى دى واهله احياء - ﻻنه ناس ابا معظمهم ( غير ) انهم اسرة واحدة بعتبروا قبائل كبيرة وفيها عمليات الدية والشيرنق هى المميزة البتعاملوا بيها بمثل هذه المواقف .
هل السجين دة فاقد للوعى وﻻ يدرى ما يقوم به ؟ ﻻنه لو فعﻻ واعى كان اتصل باهله او باى زول من الجزيرة ابا وقام بالواجب لتوصيل قضيته ... واذا اعتبرنا ان اﻻسرة هجارت الى مدن اخرى فكل اهل الجزيرة يعرفون بعضهم البعض واين هاجرت اسرته .
نسأل الله ان تكون فبركة اعﻻمية وحينها معروف ان الكاذب بمشى وين .وعليهم ان يورودوا الصور واﻻسماء واﻻ سيكون لنا معهم كﻻم اخر فى المستقبل
وان كانت القصة غير ملفقة نقول حمدا لله على السﻻمة قد يجمع الله الشتيتين بعد ان ظنا ان ﻻ تﻻقيا


#868794 [ابوملاذ]
0.00/5 (0 صوت)

12-27-2013 01:54 PM
والله دي قصه غريبه عسكري في الثمانينيات وفي العمليات يضمن ليهو واحد لاهف ليهو عشرين مليون ياربي يكون ضمن باقان اصلو غيرو مافي حرامي في الزمن داك يضمنو ويزوغ


#868734 [حكاية دايرة صبر]
0.00/5 (0 صوت)

12-27-2013 12:13 PM
الولد دا شقي عديل ماكان يخلي ابوه مع الحور العين الشهادة البقت ارخص من شهادى السكن دي في اعس يرجع والده تاني لاباء والامام يعني والدته المسكينة دي بعد ماقفلت علي بلي في الجنة ترجع تاني للدينا بشايب معقولة ماسمع الولد دا بالكوت الرحيم ولا شنو .لكن ياحكاسات دي حكاية اخر اﻻسنة


#868710 [ود الدكيم]
5.00/5 (1 صوت)

12-27-2013 11:41 AM
هوِّنوا عليكم أيها الباكون من هذه الدراما الموضوعة وهاهم جميع الأبناء ضائعون عن آبائهم في هذا الوطن المحتضر فما الغرابة في هذا ال fiction


#868676 [خالد]
5.00/5 (1 صوت)

12-27-2013 10:35 AM
القصص الخيالية دي الفايدة منها شنو ؟؟؟!!!


#868480 [chinma]
0.00/5 (0 صوت)

12-27-2013 12:11 AM
القصة هذه طالما من حكايات فهي حكاية .....
الوالد ذهب إلي مناطق العمليات..... متي كان ذلك هل قبل الإنقاذ أم بعد الإنقاذ المشئومة ؟
الإبن والأب لما يشاهدا بعضهما بعض إلا بعد 28 عام ............ يعني أكبر من عمر الإنقاذ بأربعة سنوات.

هل قبل الأنقاذ كانت في حروب ومناطق عمليات ؟؟؟؟؟؟؟؟؟؟؟؟


ردود على chinma
United States [أبو الزينة] 12-27-2013 07:33 AM
بالتأكيد قبل الإنقاذ والحرب بدأت من جديد 1983 عقب إعلان قوانين سبتمبر وذلك بعدأكثر من 11 عاما من سلام 1972


#868436 [الحقيقة مرة]
5.00/5 (5 صوت)

12-26-2013 10:39 PM
الدنيا دي غريبة انا برضو بعرف لي زول وابوهو كدا لكن ديك ما تفارقو ابدا بس الاتنين عايشين في سجن كبير اسمو السودان


ردود على الحقيقة مرة
[mohamed bandi] 12-27-2013 03:01 AM
والله بالجد الحقيقه المره.


#868432 [ابوريدة]
5.00/5 (2 صوت)

12-26-2013 10:26 PM
دا سيناريو جاهز لي فيلم هندي


#868430 [مجروس ق ش م]
0.00/5 (0 صوت)

12-26-2013 10:22 PM
طبعا بعيدا عن القصة حقيقة ام فبركة صحفية تبقي الحقيقة ان هنالك فساد كبير في ما يخص ملف الشهداء و المفقودين من ابناء القوات المسلحة والمعروف ان 90 % من جنود القوات المسلحة ينحدروا من المناطق المهمشة في دارفور و كردفان و جبال النوبة واهل هؤﻻء الجنود ينتشر بينهم الامية و الفقر .كثير من المفقودين يقيدوا في خانة الموتي او الشهداء و يتم صرف مستحقاتهم .وبعض اﻻسري كانت تصرف مراتباتهم لعشرات السنين وهم في اﻻسر يقف دليﻻ علي دالك فضيحة ضباط الهجانة في منتصف التسعينات وكان بينهم ضباط دفعة امتلكوا العمارات و اللواري و البصات السفرية وان كنت شخصيا حرس لبعض الضباط الموقوفين و بعد محاكمة صورية اﻻن اغلب هؤﻻء الضباط من اعضاء المؤتمر الوطني او تجار كبار في السوق .انهيار اﻻخﻻق شمل جميع نواحئ الحياة في السودان و الاقوات النظامية ليس ببعيد عن الفساد ولكن هدا الفساد لدية تبعات اجتماعية خطيرة فكم من ضابط او جندي شهيد فك الله اسرة ليعود ليجد زوجتة قد تزوجت او ان والدتة قد فقدت نور عينيها من البكاء علية
و تكسب بعض كبار القوات المسلحة من موضوع الشهداء و المفقودين بفسر بوضوح عدم اهتمام الحكومة بمتابعة موضوع اسري القوات المسلحة او التفاوض ﻻطﻻق سراحهم .و انا و مجموعة من ضباط القوات المسلحة نجمع معلومات عن العقارات و الشقق و الفلل المملوكة لكبار ضباط القوات المسلحة في الخرطوم .دبي .القاهرة .ماليزيا واندونيسا


ردود على مجروس ق ش م
European Union [عصمتووف] 12-26-2013 11:41 PM
ان 90 % من جنود القوات المسلحة ينحدروا من المناطق المهمشة في دارفور و كردفان و جبال النوبة
دائما اداعب اصحابي من النوبة واولاد كردفان ودارفور بقول ليهم عددكم كثير ماشاء الله كتير اضنين زرق ليه ما تقلبوها وتمسكوا الحكم بحكم الضباط الغالبية فيهم اضنينهم بيض فعلا اهلنا في الهامش نيتهم بيضاء وسليمة لو كان غالبية الجيش نوير ولا دينكا كان حصل المقدر


#868422 [بكرة نشوف]
5.00/5 (1 صوت)

12-26-2013 10:09 PM
وذكرت جريدة (حكايات )أنها ستنشر الخبر مع الصور غدا ... بكرة نشوف !


#868416 [نوع من الدعاية...]
2.00/5 (1 صوت)

12-26-2013 10:00 PM
نوع جديد من الدعاية....

لرواية كاتبها مغمور..... وعايز يشتهر....على حساب الجمهور.... المقهور!

بكرة يقول ليك... دي رواية للكاتب .... حسن دوشكا....


#868407 [واحدن كان عندو راي]
0.00/5 (0 صوت)

12-26-2013 09:43 PM
يا سن الفيل ...

قالوا ليك 28 سنة !! هي الإنقاذ تمت 28 ؟!

ما في غير نقول ليكم :

قولوا للإنقاذ :
نحن هل جنينا أم عقولنا نصاح


ردود على واحدن كان عندو راي
United States [ود الدكيم] 12-27-2013 11:27 AM
مالو كذب الريس دوبني في الاتراح


#868406 [حمد]
5.00/5 (1 صوت)

12-26-2013 09:43 PM
واضح شغل الدجل والاستهبال طيب الوالد دا كان وين الفترة دى كلها لما رجع البلد وبقى يبيع ويشترى ويتسجن كمان


#868405 [Mohamed]
5.00/5 (2 صوت)

12-26-2013 09:42 PM
الزول دا لو من الجزيرة ابا دا يمكن المهدي المنتظر


حمدالله علي السلامة


#868401 [ابو شربيك]
0.00/5 (0 صوت)

12-26-2013 09:39 PM
حكاية تورد القصه كامله ده تسوق لعدد الصحيفة انتو
فاكرين عندنا قنابير ولا شنو !


#868400 [كدارى]
0.00/5 (0 صوت)

12-26-2013 09:39 PM
يا جماعة العشرين مليون قيل 28 سنة كانت كم

افتكر كدا والله اعلم دشليون مليون


#868381 [www]
0.00/5 (0 صوت)

12-26-2013 08:57 PM
خيال في خيال


#868371 [ساب البلد]
0.00/5 (0 صوت)

12-26-2013 08:38 PM
******** حمدالله علي السلامة **********


#868369 [ود كركوج]
4.50/5 (3 صوت)

12-26-2013 08:36 PM
دا فيلم مكسيكى عديل كدا ابطاله من الجزيرة ابا هذه المرة....امشوا للصادق المهدى او ولده عبدالرحمن يخلى يضمنكم عشان تكملوا باقى فصول المسرحية.


#868368 [الشايل المنقة]
5.00/5 (1 صوت)

12-26-2013 08:36 PM
تعتبر الهند من اكثر الدول سكانا واديانا وشعوبا ولغات ,واكثرها حكايات اغرب من الخيال,وكل فرد منها يريد ان يدخل موسوعة غيتيس باى طريقة..والسودان فى الطريق الى ذلك ..اذا سكتنا ليهم اكتر من كدة..!!..يلا ياشباب شيرينغ كدة بـ 25000 جنية لناس حكايات عشان يمرقوا الاب وولدو للجزيرة ابا..انا ح انتظركم فى المرابيع ود اللبيح جنوب الترعة!!


#868367 [كدا ولا ما كدا]
0.00/5 (0 صوت)

12-26-2013 08:35 PM
اقتباس [.... لأنه عرف بموته وهو بعد صغير في السن]


إن كان الشاب في الثلاثين من عمره وتقابلا بعد 28 وعشرين عاما معناها إن الولد ترك الابن وعمره سنتان.. هل علم الابن بوفاته والده لحظة تركه البلد إن كانت الاجابة نعم فمعناها إن الاب ترك الابن وهو في سن الثانية من عمره وفي هذه السن لا يعي ولا يعرف حتى معنى الموت؟

ما معنى لانه عرف بموته وهو بعد صغير في السن[ صياغة غريبة] تفند أنهم تقابلا بعد 28


اخيرا الحمد الله الذي جمع الابن بابيه وبالاسرة والله خبر جميل أن يلتئم شمل الاسرة


#868365 [عصمتووف]
5.00/5 (2 صوت)

12-26-2013 08:32 PM
ي ما انت كريم يارب والله عيني ادمعت الحمدلله


#868360 [Observer]
4.50/5 (2 صوت)

12-26-2013 08:25 PM
الاب دا كان فاقد للذاكرة خلال هذه الفترة!!!!!


#868359 [سن ألفيل]
0.00/5 (0 صوت)

12-26-2013 08:24 PM
الحمدلله الذي جمع بينهما (إِنَّ اللَّهَ عِندَهُ عِلۡمُ السَّاعَةِ وَيُنَزِّلُ الۡغَيۡثَ وَيَعۡلَمُ مَا فِى الۡأَرۡحَامِ وَمَا تَدۡرِى نَفۡسٌ مَّاذَا تَكۡسِبُ غَدًا وَمَا تَدۡرِى نَفۡسٌ بِأَيِّ أَرۡضٍ تَمُوتُ إِنَّ اللَّهَ عَلِيمٌ خَبِيرٌ)
لكن ما أردت اشير اليه كيف تتعامل حكومة الانجاس مع افراد وضباط مليشاتها المسلحة حيث لا تهتم بان قضو موتا ام تم أسرهم فبعد مرور عامين من الفقد او الاسر تعتبرهم في اعداد الموتى او الشهداء كما تسميهم ولا تكترث في البحث او السؤال عنهم والادهى في الامر لا توفر اي معلومات لاسرهم وذويهم فتذيد معاناتهم على ماهم عليه والكل يعلم ما فعلته الحكومة الاسرائلية مع الجندي شاليط


ردود على سن ألفيل
United States [كاسترو عبدالحميد] 12-26-2013 08:56 PM
يا اخ سن الفيل , الحكومة اعـتبرته شهيد وفى الجنة وسط زوجاته من الحـور العـين


#868357 [ابو اسامه]
4.50/5 (2 صوت)

12-26-2013 08:21 PM
قصه لا يمكن تصديقها اين كان الاب طيلة 28 عام


#868354 [بيكو]
4.50/5 (2 صوت)

12-26-2013 08:18 PM
الشكية لي الله مايتلاقوا الا في الكركون!

ع العموم ألف مبرووووك وبركة الشوفة...وربنا يفك قيدكم


#868351 [عثمان حمد]
0.00/5 (0 صوت)

12-26-2013 08:10 PM
تنفع فليم هندى


#868347 [ود تلودي]
0.00/5 (0 صوت)

12-26-2013 08:07 PM
الحمد لله ان الله جمعهما


#868345 [رانيا]
0.00/5 (0 صوت)

12-26-2013 08:07 PM
لا حول ولا قوة الا بالله والله ولا الافلام الهندية سبحان الله !


#868339 [ابومرام]
5.00/5 (3 صوت)

12-26-2013 08:02 PM
سبحان الله عدد خلقه وزنة عرشه ومداد كلماته



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة