الأخبار
أخبار إقليمية
جثة مجهولة الهوية - الحلقة الثانية
جثة مجهولة الهوية - الحلقة الثانية
جثة مجهولة الهوية - الحلقة الثانية


12-28-2013 01:18 AM

عثمان ميرغني

مع سبق الإصرار والترصد، هذه جريمة مزدوجة.. ازدحم فيها الفساد المالي مع الكذب والغش والتدليس في رابعة النهار وأمام الجميع.. ومع ذلك لا أحد حتى هذه اللحظة خضع للمحاسبة.. كأنما الكل إما مشارك أو متواطؤ بالفعل أو بالصمت.. إن لم يحرك هذا التحقيق ساكن هذه القضية.. فلا حاجة لأحد أن يذرف الدمع على وطن لا بواكي عليه.

• الحلقة الثانية:

بعيداً عن المال العام السائب الضائع.. ركزوا معي في حجم التلاعب و(الكذب) الصراح في شأن عام هو من صميم حقوق الشعب السوداني كله. صحيح أن الحكومة أعلنت سياسة الخصخصة منذ بواكير تسعينيات القرن الماضي.. وشملت كثيراً من مرافق الدولة على رأسها قطاع الاتصالات.. وكان مطروحاً من ضمن برنامج الخصخصة قطاع النقل وعلى رأسه الخطوط الجوية السودانية (سوادنير) والخطوط البحرية السودانية. وجرى حديث كثير وكبير عن دخول شكراء استراتيجيين في شراكة مع الحكومة لخصخصة (سودانير) وطرحت أسماء شركات عالمية سامقة مثل الخطوط البريطانية British airways.. ولكن فجأة من بين غيوم الغيب هبط من السماء اسم مجموعة (عارف الاستثمارية) الكويتية. وللحقيقة هي مجموعة مالية معروفة ومقتدرة مالياً.. لكن معرفتها بصناعة الطيران كمعرفتي باللغة الصينية. ومن هنا كانت الكارثة واضحة حتى قبل أن تبدأ فصول المأساة.
الكذب الرسمي..!!

منذ لحظة إعلان صفقة شراكة مجموعة (عارف الاستثمارية) مع حكومة السودان في شركة الخطوط الجوية السودانية لم تكف أجهزة الإعلام المحلية والخارجية عن تكرار تصريحات كبار المسؤولين التي توضح تفاصيل الصفقة.. كانت كل تصريحاتهم تكرر حقيقة واحدة لا تحتمل التأويل أو اللبس.. حقيقة أن مجموعة (عارف) الكويتية حازت على نسبة (49%) فقط من أسهم شركة الخطوط الجوية السودانية. وأن (السودان)!!.. وأرجوكم تنتبهوا جيداً لكلمة (السودان!!) هنا.. السودان يمتلك الـ(51%) الباقية.. وبذا تظل شركة الخطوط الجوية السودانية حاملة للجنسية السودانية بالميلاد ببقاء غالبية الأسهم في يد الشعب السوداني.. شركة سودانية أُماً عن أب وتستحق لقب (الناقل الوطني) وتستفيد من كل مزايا الناقل الوطني. بما فيها الحقوق التاريخية لـ(سودانير) في مطار الخرطوم ومطارات العالم الأخرى.. وليس أقلها حق الهبوط (التاريخي) في مطار هيثرو في لندن.

من بين فكي الأسد خرجت كلمات خفيضة تتحدث عن شريك سوداني محلي هو جزء من المكون السوداني في شراكة الخطوط الجوية السودانية.. شركة أو مجموعة اسمها (الفيحاء).. لا تشغلوا أنفسكم كثيراً بأي اسم من رجال الأعمال السودانيين تلتصق.. ولا حاجة للذهاب إلى المسجل التجاري (التابع لوزارة العدل) للاستفسار عن المالكين لهذه الشركة.. مجموعة الفيحاء.. فهي وَهم ابن وَهم، حفيدة خيال وكذب بواح.

حسب عقد الشراكة تحوز عارف على 49% من أسهم (سوادنير).. وتمتلك مجموعة الفيحاء 21% وحكومة السودان الباقي 30%..
مراسم توقيع عقد الشراكة اكتملت هنا في الخرطوم، حضر الوفد الكويتي برئاسة علي الزميع رئيس مجموعة عارف الكويتية (آنئذ)..
مدير عام شركة الخطوط الجوية السودانية –آنئذ - أدلى مباشرة بعد حفل التوقيع بتصريحات صحفية نشرتها غالبية الصحف قال فيها: (العقد أبقى على نسبة 30 بالمائة من أسهم الشركة باسم الحكومة السودانية، و21 بالمائة للقطاع الخاص السوداني)، مبيناً أن الوضع الجديد تأسست بموجبه شركة برأسمال مليار دولار.)
حصرت مثل هذا التصريح على لسان عدة شخصيات رئيسة في السودان كلها تجمع على هذه النسب في الشراكة بين الشركاء (الثلاثة!!!)..

حسناً.. نحن شعب يؤمن بالحكمة التي تقول إن (المؤمن صديق).. علينا بالظاهر.. نصدق ما يقال لنا ونتفاءل بالخير عسى أن نجده. فما الذي حدث بعد ذلك؟.
تماماً كما يحدث في مشاهد فيلم درامي مثير.. لن أطلق أية أحكام من عندي.. سأنقلكم مباشرة لنفس هؤلاء المسؤولين بعد فض عقد الشراكة مع مجموعة عارف.. بالله اسمعوهم ماذا قالوا:

هذا الخبر من من موقع (العربية نت):
(أعلنت شركة عارف للاستثمار الكويتية، اليوم الثلاثاء، أنها وافقت على بيع حصتها وحصة شركتها التابعة في الخطوط الجوية السودانية لحكومة السودان بمبلغ 125 مليون دولار.
وأكد مدير عام الشركة السودانية للخطوط الجوية العبيد فضل المولى في تصريحات خاصة لمراسل العربية نت بالخرطوم صحة هذا الاتفاق.

وقال إن الاتفاق الذي وقعه عن الجانب السوداني وكيل وزارة المالية مصطفى حولي فيما وقع عن شركة عارف الكويتية الرئيس التنفيذي للمجموعة محمود خالد الجسار، ستعود بموجبه كل الأسهم الـ 49 المملوكة لشركة عارف الكويتية و 21 سهما لشركة الفيحاء إلى الحكومة السودانية.)

صحيفة الرأي الكويتية نشرت في شهر مارس 2011 هذا الخبر:
(إن مجموعة عارف للاستثمار الكويتية باعت كامل حصتها في شركة الخطوط الجوية السودانية إلى الحكومة السودانية بقيمة تربو على 100 مليون دولار. وكانت مجموعة عارف للاستثمار قد تملكت في يونيو 2007 نسبة 49 في المئة من شركة الخطوط الجوية السودانية بمبلغ 56.3 مليون دولار).
وواصلت الصحيفة: (حصة عارف في السودان إير رئيسية تتجاوز الخمسين في المئة.)
ونسبت الصحيفة إلى مصادر لم تسمها أنه (بهذه الصفقة يكون من المتوقع أن تحقق عارف أرباحا من استثمارها مقارنة بالقيمة المسجلة بها الحصة في دفاتر الشركة.)
مجموعة عارف الكويتية أصدرت بياناً نشرته في موقع سوق الأوراق المالية في الكويت قالت فيه إنها قامت بتوقيع عقد مع الحكومة السودانية يتم بموجبه إعادة استحواذ ‏هذه الحكومة على حصة مجموعة عارف الاستثمارية وشركتها التابعة الفيحاء القابضة في الخطوط الجوية السودانية.

أين ذهب الشريك السوداني المحلي؟؟
المفترض أن الشعب المسكين ذاكرته لا تسعفه للرجوع إلى ليلة توقيع عقد الشراكة في الخرطوم. والتصريحات التي أدلى بها كبار المسؤولين وأكدوا فيها أن شريكاً وطنياً سودانياً حاز على 21% من أسهم شركة (سودانير)..
الواقع أنه في لحظة بيع الأنصبة وفض الشراكة نسي الشركاء ما قالوه للشعب في السابق.. وكشفوا أن شركة الفيحاء (السودانية) ماهي في الحقيقة إلا شركة (عارف) الكويتية..
(الفيحاء هي عارف.. وعارف هي الفيحاء)..!! هذه العبارة قالها لي بالحرف شخصية قيادية في الصف الأول من الحكومة..
لماذا رضوا بدور (المحلل)؟..

شركة الفيحاء (السودانية!!!) حسب سجلها الرسمي تحوز مجموعة عارف على 96% من أسمهما.. والـ(4%) الباقية من نصيب أسماء سياسيين سودانيين لا علاقة لهم بالمال والأعمال.
لماذا رضي هؤلاء الساسة أن يمثلوا دور (المحلل).. بوضع أسمائهم في هذه الصفقة المشبوهة؟.. الله اعلم..
لماذا رضوا أن يكونوا أداة كذب في حق عام يملكه الشعب السوداني؟.. الله أعلم..
لا يهم كيف سولت لهم أنفسهم الارتباط بهذه الصفقة الصفعة. لكن المهم أنهم كانوا يعلمون أن شركة الفيحاء من الأصل مجرد (لعب وكذب) على شعب تهدر موارده وتقتل ثرواته أمام عينيه. لماذا كذبتم على الشعب مالك هذا البلد وخطوطه الجوية؟.. مالك رأسمال الشركة المذبوحة قرباناً للمنافع الشخصية؟.. لمذا كذبتم؟. السؤال وجهته لحوالي ثمانية شخصيات مرتبطة بالوقائع، الإجابة كانت واحدة.. أقرب لاسم الرواية الشهيرة للكاتب المصري الراحل إحسان عبد القدوس: (أنا لا أكذب لكني أتجمل)..
قالوا لي: (كذبنا نعم.. لكننا لم نكذب على شعب السودان.. كنا نكذب على العالم الخارجي.. لنستفيد من مزايا الناقل الوطني..)
حسناً (المؤمن صدّيق) كما أسلفنا لكن دعونا نجرد بعد ذلك المكاسب.. فالنتائج باهرة على قارعة الطريق.. الشراكة انفضت واتضح أن شركة الخطوط الجوية السودانية كانت في أفضل حالتها قبل الشراكة.. وأن الشراكة ما زادتها إلا وبالاً وقضت على الأمل الباقي في إنقاذها من المصير المحتوم.. المصير الذي جعلها مطلوبة في محاكم إمارة دبي تحت لائحة (مجهول العنوان)..
تصوروا خطوطنا الجوية السودانية.. جثة مجهولة الهوية تبحث عن عنوانها محاكم إمارة دبي!.
ربما يتبادر إلى ذهن القارئ سؤال عفوي: وما الذي استفاده أبطال هذه الدراما من كل هذه اللعبة؟..

هنا بيت القصيد!!
تعالوا معي أفصل لكم ما جنوه من هذه الصفقة الصفعة..!. وبالوثائق..!!
نواصل.. غداً بإذن الله

اليوم التالي


تعليقات 45 | إهداء 1 | زيارات 11701

التعليقات
#870061 [حيدر م]
0.00/5 (0 صوت)

12-29-2013 07:48 AM
فساد في فساد يساوي مليون فاسد وبلد لا وجيع ولا نصير له ولا حول ولا قوة الله بالله


#870053 [Shah]
5.00/5 (1 صوت)

12-29-2013 07:21 AM
اجبر صحفى امريكى قبل سنوات الرئيس نكسون على الاستقالة بكشفه لفساده ... اين انت من ذلك الذى تعتقد فى اعماقك انه "كافر"


#869934 [الني للنار]
0.00/5 (0 صوت)

12-28-2013 11:55 PM
اهلالالان سيادة العميد !!!


#869918 [khaled]
0.00/5 (0 صوت)

12-28-2013 11:33 PM
وماذا عن فساد شركة النيل للبترول ؟


#869858 [تاكسي]
0.00/5 (0 صوت)

12-28-2013 10:04 PM
كل المتابعين عارفين قصة النهب والسرقة والغائب هو الاسماء والمستندات , اذا لم توف بوعدك ستكون بك صفة من النفاق. طيب عثمان لو الجماعة ديل رجعوا ليك (التيار)هل ستتوقف عن سرد الفضائح أم ستكون لديك القوة والجرأة في السير في نبش فساد القوم ,ان الى الغد منتظرون.لك التحية والتقدير


#869853 [Sadig]
0.00/5 (0 صوت)

12-28-2013 09:58 PM
يا أستاذ شوف ليك قصة تانية ده كلام معروف للجميع وكتر خير أخونا الفاتح جبرا ولسا مواصل في الموضوع ده أحسن تشوف موضوع اخر


ردود على Sadig
United States [mustafa] 12-28-2013 11:56 PM
والله كلامك صاح والزول دا كيسو فاضي وبتكلم عن تاريخ ليهو هسا سبعه سنه انا اصلو من يوم بقا يتلجل يوم التقاوي دا عرفتو حرق


#869850 [عادل احمد]
4.00/5 (1 صوت)

12-28-2013 09:56 PM
قال الله تعالي في محكم تنزيله : ( ظهر الفساد في البر والبحر بما كسبت أيدي الناس ليذيقهم بعض الذي عملوا لعلهم يرجعون ) صدق الله العظيم .
كثر الفساد والظلم والقهر في بلادنا بسبب هؤلاء الحكام الذين ابتلينا بهم فكيف يسكت حاكم وولي أمر علي مثل هذا الفساد وهو لعلمكم ذرة في بخر الفساد المتلاطم الامواج الموجود في بلادنا والذي بات يعرفه الجميع داخل وخارج السودان حتي اصبحنا موضع تندر من الجميع خاصة خارج السودان .
بالله انظروا كيف أن وزيرة داخلية برطانيا قبل فترة وجيزةاقل من عام استقالت من من منصبها بعد أن علم عنها أن شركة خاصة دفعت لها قيمة مبيت ليلتين في فندق خارج بريطانيا بمبلغ لا يتجاوز 400 جنيه استرليني (اربعمائة )
وكيف ان نائب الرئيس الامريكي الاسبق نيكسون وهو السناتور اسبريو اجنيو استقال من منصبه لانه ثبت انه لم يذكر في اقراره الضريبي عن ذكر مبلغ صغير تقاضاه لم يدرجه في اقراره الضريبي ( لا يتجاوز 1000 دولار ) . وفي بلجيكا سقطت الحكومة بكاملها لأن شرطي في المطار ضرب امراة نيجيرية مبعدة بحكم قضائي ورفضت ركوب الطائرة ونحن تضرب نساءنا يوميا بالسياط من خلال قانون النظام العام اللبس الفاضح .
أين حكامنا من الخليفة الراشد عمر بن عبد العزيز الذي جري ذكره في العالمين لأكثر من الف ومائتان وخمسون عاماً وقدحكم فقط عامان وخمسة اشهر وليس خمسة وعشرون عاما( ربع قرن ) .
دخلت عليه زوجته فاطمة ابنة عبد الملك بن مروان ( ليست وداد بابكر ) فوجدته في مصلاه يبكي بكاءاً شديدا فقالت ما يبكيك ياعمر فقال يافاطمة ( اني تقلدت امر امة محمد صلي الله عليه وسلم وقدفكرت في الفقير الجائع والمريض الضائع والعاري المجهود والمظلوم المقهور والغريب الماسور وذي العيال في اقطار الأرض فعلمت ان ربي سيسالني عنهم وان خصمي دونهم محمد صلي الله عليه وسلم فخشيت ان لا تثبت لي حجة عن خصومته فرحمت نفسي فبكيت ) شتان مابين عمر وعمر .


#869815 [ابو محمد]
0.00/5 (0 صوت)

12-28-2013 08:54 PM
يا البادراب اقيفوا قراب


#869800 [cour]
0.00/5 (0 صوت)

12-28-2013 08:27 PM
قال المشير عمر حسن احمد البشير انة وحزبة سوف يجريان الانتخابات فى مواعيدة ولا يمكن تاخيرة ولو لساعة واحدة والماعاجبة يلحس كوعة.وانت يا باش قدم مستنداتك للمحكمة والا


#869782 [ساب البلد]
5.00/5 (2 صوت)

12-28-2013 07:52 PM
********* اذا اختلف اللصوص ظهر المسروق ******** ايام البيع والشراء حار كنت وين ؟؟ ********** ليه جايي تكتب هسي ؟؟؟ ************ و ليه ما ذكرت الاسماء ؟؟؟ ********* هذا موسم فتنة الكيزان و نشر الغسيل القذر و الضرب تحت الحزام ********** الله يكتر فتنكم و مشاكلكم عشان تتحفونا ******


#869772 [وحيد]
0.00/5 (0 صوت)

12-28-2013 07:31 PM
عارفين من اول يوم ان شركة الفيحاء عبارة عن فيل ابيض و وهم لسرقة ممتلكات الشعب السوداني بواسطة الإسلاميين أصحاب الايادي المتوضئة و ان أسماء كبير اللصوص الشريف بدر و المهندس مين كده عبد الوهاب و آخر من كبار لصوص الانقاذ ارتبطت بشركة الفيحاء.... و المسالة كلها نصب و احتيال و تنفيذ للمخطط الصهيوني بتدمير مقدرات السودان و نهب كل ما يخص الشعب السوداني بواسطة لصوص الإنقاذ .... المحصلة نهبوا كل أرباح التشغيل ثم باعوا امتيازات كل الخطوط الاوربية و خط هثرو ليس الوحيد و لكنه اكبرها ... ثم دفعت الحكومة من مال الشعب اضعاف ما دفعه اللصوص لارجاع سودانير كجثة البحر بلا مقومات و لا كوادر بعد ان تم تصفيتها و بلا طائرات و بلا خطوط ... زيادة في النهب عين الشريف بدر رئيس لمجلس إدارة سودانير أيام خصخصتها ... ليس بصفته شريك في البيعة و لكن من جانب الحكومة حتى تزيد مخصصاته من دم الشعب ...... نهب و كذب و تدمير لمقدرات البلاد ... الجريمة ساهم فيها كل جماعة الإنقاذ بما فيهم رئيسهم الراقص .... اذا كان هنالك حساب فليشمل الجميع بما فيهم الابله الراقص


#869744 [ود الشيخ]
5.00/5 (2 صوت)

12-28-2013 06:47 PM
ياباشمهندس إنت قبل كده كتبت عن الفساد فى شركة السكر السودانية وقلت عندك كل الوثائق..
وسكتوك..ماتفتكر نحن نسينا الحكاية المبتورة {دِيك}
وبرضو بكرة بسكتوك...
ولو داير تثبت للشعب السودانى مصداقيتك تم القصة الأولى..
ولا ريح نفسك وريحنا الحكاية باين ماليها أول ولاآخر..
دخلت نملة أخدت حبة وطلعت............


#869737 [عوض ياسين]
5.00/5 (1 صوت)

12-28-2013 06:28 PM
فعلا اليهودي لما يفلس يمشي يفتش في دفاتره القديمة . وده حالك . يا دوبك يا عثمان ميرغني جايي تكتشف الفساد في سودان إيرويس وتتحدث عنه؟ إنت باين عليك أفلست عديل وبقيت ما عارف تقبل وين وشكلك كده داير تقفز من المركب قبل ما تغرق . لكن ده كله ما بيحلك وإنت واحد محسوب على الأخوان المسلمين من بداية انقلاب 1989


#869721 [ابو وليد]
0.00/5 (0 صوت)

12-28-2013 05:42 PM
اشد من يدك يااخ عثمان وافتكر انه الرجل عمل واجبه وبشجاعة ربما تعرضه لكثير من المخاطر او المضايقات والباقي يكون مسؤلية الشعب الذي ارتضي هولاء المفسدين المتاجرين باسم الدين .


#869712 [سجمان]
5.00/5 (1 صوت)

12-28-2013 05:26 PM
اذا اختلف اللصوص ظهر المسروق


#869691 [عصمتووف]
0.00/5 (0 صوت)

12-28-2013 05:03 PM
هو مسلسل علي الصحف كلام معاد والكل عارفة الحلقة الاسبوعية مللنا اعادتها لنا جيب من الاخر او ارر-حل هات لنا اسم السياسين وغييرهم وكم قبضوا الشعب ماسكنا الشعب وعارف وفيحاء لت وعجن في طبيخ نئ وماكول يلا


ردود على عصمتووف
United States [الدنقلاوي] 12-29-2013 07:55 AM
يا عصمتوف كلنا عارفين عثمان ميرغني وتاريخه، لكن المرة دي هبش قريب من اللحم الحي،والدلالة الجداد الإلكتوني/الأمني الملا الراكوبة بالتعليق على مقاله، خلوهو يكمل نحن خسرانين شنو!! خلوهوا يورينا:
1) الثمانية بتاعين الفيحاء ديل منو بلاسم.
2) وقبضوا كم بالأرقام,
وتحاياي


#869646 [جيران وما سكران لكن ده زمن الكيزا]
0.00/5 (0 صوت)

12-28-2013 03:51 PM
يا عثمان ميرغني فهمنا راس مال الشركة مليار دولار ونصيب شركة عارف 49 % من راس المال كيف يكون 56 مليون دولار غايتو كلامك البتقلو ده ممكن يمشي على النجة الكبيرة لكن نحن ما بمشي علينا


#869593 [Boob Maley]
3.00/5 (1 صوت)

12-28-2013 02:48 PM
وازيدك من الشعر بيتين....

الفيحاء كان مديرها العبيد فضل المولى... الكان مدير هجليج الاشتروها الكوايتة الاسلاميين من اسلامى السودان ومصر وشركة الاشغال ...هجليج الكان مديرها يوسف احمد يوسف رئيس اسبق للهلال الكان فى اديس ايام اغتيال حسنى مبارك الممنوع من الدخول الى بعض الدول ...(كل كلمة كتبت وراءها قصة فساد تشيخ من هولها الولدان)... عارف ذاتها قصة وسخةوتافهة.... قصة طويييييييلة. الله يجيب اليوم اليكون فيهو قضاء عادل عشان تعرفو انو حواء السودانية والدة واولادها ما برضو الظلم ولا الحقارة.


#869568 [قنقر]
5.00/5 (2 صوت)

12-28-2013 02:18 PM
يا عثمان تسترك عن ذكر اللصوص الذين كانوا فى سودانير و الفيحاء و وزارة المالية يعنى بأنك متواطئ لأن كل ماذكرت يعلمة اى انسان سودانى بسيط لماذا تخفى اسماء لصوص دولة الخلافة الاسلامية . نريد اسماء و ليس قصص للترويج لصحيفة الامن . اخيرا لماذا صحوة فجأة من سكرة هى لله لا للسلطة و لا للجاة ؟ اظن بأن علاقتك ساءت مع احد المجرمين اللذين سرقوا سودانير . يا خى بطل إستخفاف بعقولنا ! لعنة الله على سفلة الانقاذ .


#869502 [kamy]
5.00/5 (1 صوت)

12-28-2013 12:56 PM
تم بيع سودانير ب 56 مليون دولار ثم تم شراؤها ب 125 مليون دولار هذة الغلوتية لم تعلق عليها ياباشمهندس


#869481 [shakshuka]
0.00/5 (0 صوت)

12-28-2013 12:41 PM
اخى عثمان انك بهذا الحديث تبهت اخواننا فى الله ومن قبل سبقك عروة وكان ما حدث له وانت تعلم اتمنى منك البعد عن قذف الاخرين بتهم انت نفسك لا تستطيع ردها ان ردت اليك ..

فى مثل هذه الاجواءالتى يمر بها الوطن والعصابات الدولية التى تستهدف وطننا ووحدته وتوجهنا الحضارى الذى يغيظ الاعداء فلا تكن معهم اخى وكن سندا لما احتكمنا اليه ولا تكن مخذلا مع اعداء الله


ردود على shakshuka
United States [الغضنفر] 12-29-2013 01:20 PM
يا أخ/ أخت Shakshuka

خلينا ننتظر الحلقة الجاية و نشوفو حيجيب لينا الوثائق زي ما قال و إلا لا..

أما السطرين الأخيرين من مداخلتك : استهداف الوطن و التوجه الحضاري و الأعداء الخ .. الخ فكلام فاضي و اسطوانة مشروخة لا تقنع أطفال الروضة..

شكراً لسعة صدرك


#869463 [محمـــــــــــــــــــد]
0.00/5 (0 صوت)

12-28-2013 12:33 PM
يا ود مرغـــنى الحاصل في الخطوط الجوية السودانية وشركة الاقطان ومشروع الجزيرة والحج والاوقاف .................... الخ ، كــل دا " للـــــــــــــــــــه "

ســـؤال

ما هو رايك في قول الاستاذ محمد طه في هؤلاء
ما هو رايلك في قول الطيب صالح في هؤلاء

هذا الموضوع والموضوع السابق واللاحق أهـدية نيابة عن قراء الراكــوبة الى أمام مسجد بالله حسن احمد البشير ( د. عصام البشير ) وكـــــــــذلك أهدية الى الشيخ الورع الحبر يوسف نور الدائم والى مجلس علماء السودان.

أبحــث معي عن الجزور الجهويــه لكبار المفسدين.


ردود على محمـــــــــــــــــــد
United States [واحــد من العــــوام] 12-28-2013 08:37 PM
لم ياتي ود مرغني بجديد ، ما نشرة بصورة مطولة ومشوقة معلوم لدى العوام امثالي . وهو يعلم انها معلومة قديمة ومعروفة لدى الجميع بتفاصيل ادق لدى بعض الناس ، لكن بعد ان تخاصم اللصان وجد ان الوقت مناسب للنشر .

أنــا بدوري اهديها ايضا للدكتور الحبر يوسف نور الدائم وكذلك دكتور عصام البشير وعلماء السلطان وكذلك الصحفي راشد عبد الرحيم وابــن الانصار مهــدي ابراهيم.


#869457 [الشايف الحقيقة]
4.75/5 (4 صوت)

12-28-2013 12:30 PM
يا عثمان ميرغنى الكلام دا كله الناس كتبوه فى وقته قبل سنوات وفى بوست مشهور اسمه عارف وربك عارف وانت كل ماعملته هنا من هناك سيب السلبطة كلكم حرامية اى كوز حرامى بالفطرة وانت برضه كنت مساهم معهم واحتكروا ليك الكمبيوتر
خلينا بالله من حكاية الزعل مع اخوانك اعترف بانكم كلكم فاشلين وكلكم فاسدين


#869454 [fattah]
0.00/5 (0 صوت)

12-28-2013 12:25 PM
ان كان هنالك عدل لحسم لهذا الموضوع وطى صفحته ان يحاكم اولاءك الذين كان نصيبهم 4% من الصفقه ومعهم الشريف بدر رئيس مجلس الاداره وفضل المولى المدير العام محاكمه عادله بواسطة قضاه متخصصين فى مثل هذا النوع من القضايا واجبارهم على توضيح كل خفايا هذه الالاعيب التى ادت الى تدمير اكبر ناقل وطنى فى افريقيا حتى ثمانيات القرن الماضى وان يكون السؤال المحورى لماذا الخصخصه من اساسو ان لم يكن هنالك طمع من هولاء المجرمون لكنز ملايين الدولارات الم يسالو انفسهم هل تم بيع ناقل وطنى واحد فى هذه المنطقه حتى يقدموا الى مثل هذه الخطوه الخطيره الم يرو رصيفاتها مثل الخطوط الاثيوبيه والكينيه والمصريه الى اين وصلو وهم يحملون اسم الناقل الوطنى بكل جداره واستحقاق رغم ان اقتصباد بلادهم لم يكن بافضل من السودان ...لك الله يابلادى


#869414 [المناقل]
0.00/5 (0 صوت)

12-28-2013 11:44 AM
الحكومة بها تيارين متنافسين ولكل فساد وعثمان تابع لاحداهم يكشف في فساد الجهة الاخري وليس حبا في الوطن _نرجو منك ان كان قلبك علي الوطن ان تفضح كل الفساد


#869387 [عبادي]
5.00/5 (1 صوت)

12-28-2013 11:24 AM
المرة الجاية عاوزين بالاسماء عديل اسماء من سرقو ونهبوا
وبعدين يا ريت تحصلوا المواني البحرية قبل الفاس من تقع في الراس
ما تخاف يا ابو عفان ونحنا كلنا معاك


#869360 [mustafa]
0.00/5 (0 صوت)

12-28-2013 10:56 AM
يا باشمهندس انت زول زميل وهيا الى الخط المستقيم: السؤال هو هل ريسنا وقائدنا وزعيمنا البشيرعندو خبر بالذى تسرده علينا؟ وكمان الشيخ الاسلامى الورع كان عندو خبر بهذا الموضوع قبل استقالته اما السؤال الاخير فان قائد التغير اهو عرف الفصة معنا . فيا ترى ماذا سيفعل؟


#869352 [التجاتى]
0.00/5 (0 صوت)

12-28-2013 10:51 AM
شركة الفيحاء قبضت عمولة عن هذه الصفقة 4% وصارت شريك بهذه النسبه واكيد بعد بيع الشركه مرة أخرى بمبلغ 125 مليون دولار قبضوا مبلغ 5 مليون دولار كا.... وما أبخسه من ثمن كل تاريخ الخطوط السودانبه والتى حطت فى عام 1948 فى مطار هيثرو


#869345 [جادو]
5.00/5 (2 صوت)

12-28-2013 10:43 AM
امنجي معفن


#869319 [aljamed]
5.00/5 (1 صوت)

12-28-2013 10:16 AM
ياريد المرة دی تكون شجاع ياعثمان وتكشف عن الاسماء الضالعة فی هذة الكارثة.........
والا فما قيمة التحقيق اذا اكتفی بكشف الفساد وغض الطرف عن المفسدين


#869310 [وهبه]
0.00/5 (0 صوت)

12-28-2013 10:06 AM
سير سير يا عثمان وربنا معاك وكل الشعب السوداني معاك ز


#869309 [ابوعاصم ال شريف]
5.00/5 (2 صوت)

12-28-2013 10:05 AM
حسين خوجلي + عثمان ميرغني +الافندي + الطيب مصطفي + حيرتونا والله


#869248 [ابن آدم]
0.00/5 (0 صوت)

12-28-2013 09:11 AM
لا حولة لا قوة إلا بالله العلي العظيم


#869241 [الجعلي الفالسو]
5.00/5 (1 صوت)

12-28-2013 09:03 AM
هؤلاء قتلوا مل جميل في للسودان وأحرقوه وذروا رماده في البحر ، بالله قل لي أين النقل النهري ؟!!! أين المخازن والمهمات التي كانت تمد المؤسسات بكل ما تحتاج إليه ؟!! أين النقل الميكانيكي؟!! أين سكك حديد السودان ؟!! هؤلاء اللصوص قضوا على كل شيء ويدعون التدين والشرف والله ليس له من الدين إلا هذه اللحي القميئة وليت اللحى كانت حشيشاً فتعلفها حمير أم بدة


#869239 [تيوماقيقي]
0.00/5 (0 صوت)

12-28-2013 08:59 AM
يا عثمان ميرغني يا بعـــاتي والله دا البيحصل الان في هيئة المؤانئ البحرية بالخص في الميناء الجنوبي


#869237 [العـــــــــــــــــــــــــــــــــــــــــزابى]
5.00/5 (1 صوت)

12-28-2013 08:54 AM
احترنا فى امركم .. مره مع حسين خوجلى ومره مع عثمان ميرغنى
حضر الوفد الكويتي برئاسة علي الزميع رئيس مجموعة عارف الكويتية (آنئذ)..
لماذا لم تزكر وفد السودان ورئيسه صاحب التوقيع ؟؟
شوف ياهندسه اى عجوز ممكن احكى ليك عن الفساد والتلاعب والهبل الحاصل
وكل يوم نسمع الجديد من الفساد واللامبالاه من اصحاب الشأن وحتى اللحظه
فى نظرهم لافساد يوجد ولا يحزنون وهم من اصحاب الايادى المتوضئه لايعرفون
السرقه .. وانت ياهندسة قبل كده كتبت عن التقاوى وتم ايقاف الجريده
ومازالت الناس فى حيره من امركم .. على اى حال حاليا الجنوب مليان
امم متحدة ومليان حيوش متحدة والوضع مسخن زى سودانير بتاعتك دى
كلم البشير قول ليه العزابى قال ليك صلى الصبح فى البيت مافى داعى
للمسجد . الكماندوز حائم فى حلة كوكو


#869236 [جعفر صالحين]
0.00/5 (0 صوت)

12-28-2013 08:53 AM
هذه كارثة ... لقد اصبنا بالغثيان ... وفى انتظار المزيد من الاحباط ...


#869207 [EzzSudan]
0.00/5 (0 صوت)

12-28-2013 08:15 AM
Free Sudanese Hero Tageldin


ردود على EzzSudan
[ZOOL] 12-28-2013 12:00 PM
. PLEASE , BE SUBJECTIVE

[ZOOL] 12-28-2013 11:59 AM
. PLEASE , BE SUBJECTIVE


#869188 [خالد الجاك]
5.00/5 (3 صوت)

12-28-2013 06:56 AM
عثمان ميرغني نحن اصلا ماقاعدين نحترمك بس ياخي ماتخلينا كمان نطلق عليك صفه نصاب ومحتال . ياخي كل المعلومات الكتبتها دي نحنا عارفنها وبالاسامي الانت طلعت جبان واخفيتها وكل كلامك ده سمعناهو في برنامج المحطه الوسطي لما الولد الشاب الاصغر منك مقدم البرنامج استضاف الشريف الحرامي الكبير.فلو كنت عاوز تعمل تسويق للصحيفه وانا افتكر ده الهدف من حلقاتك المهببه دي فتبقي زول محتال ونصاب


#869185 [ودالبله]
5.00/5 (1 صوت)

12-28-2013 06:02 AM
طيب الدلوكة الاسمو الشريف بدر الجابو يرجف ويطربق في قناة الشروق نصيبو كم الحرامي المابيخجل .. والرئيس النعجة ده اكبر الكزابين والحرامية ..اها يقول شنو؟


#869169 [jaaakm blaaaaa]
5.00/5 (1 صوت)

12-28-2013 04:01 AM
هؤلإء هم بقايا ابرهه و المجوس و التتار دخلوا بلدا لم يجدوا لها صاحب ففعلوا وما ذالوا يفعلون فهل من احد بداخله وجيع لهذا البلد ؟الم يخلف رجال كرري احد ؟


#869157 [Adam Ibrahim]
3.00/5 (2 صوت)

12-28-2013 03:10 AM
الكلام دا سبق واتنشر مليون مرّة.. المهم كسرات جبرة التمّت سنتين دى اخبارها شنوووووووو؟؟؟


#869156 [عطا المنان]
0.00/5 (0 صوت)

12-28-2013 03:10 AM
يعني خلاااااااااااااااااااااااس جبت الديب من ديلو
زميلك خالد ابواحمد اصدر كتاب اسمه (عباقرة الكذب) قبل 4 سنوات انت ياااادوبك اكتشفت كذب الجماعة.
ديل في اول يوم في الانقلاب كذبوا قال اذهب للقصر وانت تمشي للسجن عشان نغش الناس، وبعدين نطلعك من السجن وكأنه نحن ما جبهة اسلامية.
مسكين يا ود ميرغني...


#869151 [غبينة]
5.00/5 (1 صوت)

12-28-2013 02:49 AM
حفظك الله من كل سؤ يا عثمان ميرغني و انت تريح ضميرك و تجتهد لتنوير المساكين بحقوقهم المنهوبة ..

لكن المشكلة تكمن في تعمد ولاة الأمر بتجاهل الأمر .. مع بجاحة المشاركين في مؤامرة الفيحاء و بيع خط هيثرو و تحديهم للقانون كما فعل الشريف ود بدر بالتلفزيون .. و لا حياة لمن تنادي رغم ( واوات جبرا الرئاسية ) ..


ردود على غبينة
United States [عصام دبلوك] 12-28-2013 09:42 PM
ياخوي كل السوء لعثمان ميرغني ماهو كوز وكوز مع سبق الاصرار وياتو اجتهاد ده انت نايم ولاصاحي الكلام ده معروف من سنين ودنين فما تدي الراجل اكثر من حجمه اكتر صحفي مكروه وصحفي منفوخ علي الفاضي والكلام اللي بتقرأ فيهو ده وكلام المشاطه حسين خوجي دي فرفرة ناس بحاول القفز من مركب الانقاذ ولكن هيهات هيهات الحساب آت والشنق والسحل في الشوارع آت ولا والف لا لعفا الله عما سلف


#869147 [عـووود العشــــــر]
5.00/5 (3 صوت)

12-28-2013 02:37 AM
في الحقيقة لم تأت بجـديد في ســردك هــذا ,,,, فمن لحظة توقـيع الصفقـة كتب كثيرون ان ( الغيحاء ) تتبع لعـارف باسـماء ســودانية و طالبوا بالتحـقق من الامر و ايقـافه ولكن طلع الحرامية اياهم و نفــوووووا و اقســموا ان الفيحاء ســودانية 100% و ثار جدل اســتمر لفترة طويلة بين الطرفين ,,, وافقـت حكومتكم على الصفقة برغم تحذير المخلصين من ابناء الشـعب و كالعادة تغلب حراميتكم من اجـل مصالحهم الخاصــة كما في بيع الفلل الرئاســية و كل المرافق
عارف ســرقت اموالنا بمباركة المسـتفيدين من حراميتكم و اتحداك ان تذكـر اسـماءهم وهم بعض من اصبح عضـو في مجلس اداAرة سـودانير و موباتيل ,,,,, انهم مجموعة معرفة تشـاركت اللغف من مجالس الادارات و قبضـت الرشـوات ,, شـراكتهم في الفيحاء بملاليم دفعوها من رشـوات عارف لهم وقبضـوا الملاين
هل طرحك للموضوع الآن لرجه الله والشــعب ام عاوز تقبض انت ايضــا ,,, كلكم ( يا كيـزان ) اوســ خ من ال وســخ فما تعمـل فيها بطل فلنا ذاكـرة ( ارجع لصحف تلك الفترة )



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة