الأخبار
أخبار إقليمية
(المعارضة) تحذر من تفاقم الأوضاع الاقتصادية بسبب محاصرة النظام داخلياً وخارجياً
(المعارضة) تحذر من تفاقم الأوضاع الاقتصادية بسبب محاصرة النظام داخلياً وخارجياً
 (المعارضة) تحذر من تفاقم الأوضاع الاقتصادية بسبب محاصرة النظام داخلياً وخارجياً


(بروفة) سبتمبر الماضي ستتحول إلى واقع في العام 2014م
12-29-2013 01:22 PM
الخرطوم: أميمة عبد الوهاب:

قطعت أحزاب المعارضة بالإطاحة بالمؤتمر الوطني من سدة الحكم خلال العام 2014م، لافتة النظر لاكتمال كافة الترتيبات لإنزال خططها الهادفة للتغيير لأرض الواقع خلال المرحلة المقبلة، وتوقعت في الوقت ذاته مزيداً من التضييق على النظام ومحاصرته داخلياً وخارجياً لأن ذلك يقود لتفاقم الأوضاع، مشيرة إلى أن الحزب الحاكم فشل في كافة القضايا مما جعل الإطاحة به هو الخيار الأوحد، وأكد السفير نجيب الخير عبد الوهاب أمين العلاقات الخارجية بحزب الأمة القومي - أن السياسات الخاطئة للنظام وراء استمرار الفشل الاقتصادي الذي فاقم من مشكلات البلاد وأزماتها، مبيناً أن ذات السياسات عقدت حلحلة مشاكل السودان مع مؤسسات التمويل الدولية، وقال الأمين السياسي للمؤتمر الشعبي كمال عمر عبد السلام إن (بروفة) سبتمبر الماضي ستتحول إلى واقع في العام 2014م، حسب قوله في إشارة للأحداث التي صاحبت رفع الدعم عن المحروقات، وأكد القيادي بحزب البعث العربي الاشتراكي عثمان أبو رأس أن إصرار الوطني على سياساته الخاطئة سيقود البلاد لمزيد من الكوارث.

اخر لحظة


تعليقات 13 | إهداء 0 | زيارات 3625

التعليقات
#870863 [عصمتووف]
0.00/5 (0 صوت)

12-29-2013 08:49 PM
ي جماعة مش نجيب الخير كان وزيرا جناح مبارك الفاضل واستمر بعد مغادرة مبارك ثم عمل سفيرا ببروكسل علي ما اعتقد ماذا يريد بعد استفاد من النظام ماديا وادبيا سابقا بعد تم لفظة بالباب يريد الرجوع بالشباك كنت احترم اي انسان لدية مبادئ افتراضا لو كان ودالخير سفيرا او وزير للنظام ماذا كان يقول في المعار ضة لو تريدون نجاح ثورتكم اولا ابعاد لصوص الثورات والانتهازين وفاقدي المبادئ كل الثورات تخمد وتموت وتفشل بامثالهم انهم لا يظهرون تجدوهم في الظل لا يحبون ان يتعرضوا للشمس الساخنة او ضربة سوط او سجن او ميتة مشرفة او دخان بمبان انهم ينتظرون سقوط الثمره منتظرين فاغرينافواهم ف من يريد ان يصبح وزيرا او رئيسا علية التعرض مثلما يتعرض الباقون من ضرب وسجن وذلة وموت الحرية نور ونار من اراد نورها عليه الاصطلاء بنارها


#870860 [ابومرام]
0.00/5 (0 صوت)

12-29-2013 08:46 PM
ان الثورة قادمة لا محالة وان كانت بروفة سبتمبر قد اشارت الي ان النظام لن يتهاون في استخدام الرصاص الحي لان من سقطوا خلال يومين فقط فاق 200 شهيد وبعملية حسابية بسيطة اذا استمرت الثورة فان عدد الشهداء سوف يفوق شهداء سوريا التي تستمر ثورتها منذ مايقارب ثلاثة سنوات وهذا يدل على ان هذا النظام اسوأ من نظام بشار واكثر دموية وحبا للسلطة ولكن الشعب قادم ولا عفى الله عما سلف بعد اليوم وافهموا كويس ياناس المعارضة مادايرين معارضين يناموا في بيوتهم ويمنعوا اولادهم من الخروج للشارع وعندما تنجح الثورة يظهروا ليسرقوا الثورة وليتولوا امر البلد فلن نسمح بهذا بعد الان يجب ان يشارك كل رموز المعارضة ومشاركتهم لا تعني اننا سوف نتخبهم لاننا نريد تغيير حقيقي في الاحزاب بشكلها القديم وفي كل الوجوه التي مللنا حتى ان نراها والتي لم تقدم شيئا لهذا البلد المكلوم كما ان معظم رموز المعارضة يحتفظون بعلاقات بعضها اسرية وصداقات مع كل رموز النظام الحالي وسوف يلعبون دور الوسيط عندما تبدا محاكمات سدنة النظام فهذا نسيبي وهذا قريبي وهذا متزوج ماعارف مين هذه الاشياء لن تكرر وافهموا كويس مؤتمرجية ومعارضة ان هذه البلد ليست ضيعة لكم فنحن الكادحون هنا وسوف يكون كل الكادحين في الموعد بحول الله ولن نسمح لكم بعد الان لتجاملوا بعضكم البعض على حساب هذا الشعب الصابر والله المستعان


#870795 [حمدي]
5.00/5 (1 صوت)

12-29-2013 07:07 PM
تاني شباب يطلع مظاهرات اعزل مافي -- هؤلاء اللصوص المنافقيين الخونة و الجبناء تجار الدين --- الي اخر قاموس المفردات السيئة التي تنطيق عليهم --- لا ينفع معهم الا السلاح و النار
دب في قلوبهم الرعب بعد الهزائم المتلاحقة علي اخر كرت لديهم الجنجويد و المرتزقة التشاديين و الماليين و بقايا التنظيمات الارهابية الدولية --- كثير منهم وفق اوضاعه استعدادا للهروب الكبير --- انضربت تنظيمات الاسلام السياسي قي كل من مصر و تونس و الان المعقل الرئيسي في تركيا .
سدنة الانقاذ و القطط السمان يدركون جيدا ان القادم أسوأ ---- و الكل بعلم انه ليس هنالك أي ضمانة من عدم حدوث تصفيات جسدية لعدد مقدر من الذين ثبت تورطهم في اراقة دماء السودانيين في الجهات الاربعة .


#870742 [ali]
0.00/5 (0 صوت)

12-29-2013 05:52 PM
والله ياخى الحكومه اثناء وبعد المظاهرات بعثت وما زالت رسائل واضحه من خلال الضرب فى المليان والشوارع الكل يوم تعبى وتفضى عساكر وسلاح العايز يمرق الشارع يشيل سلاحو ويجينا مارق ما تقولوا لينا سلميه البطلع بياخد طلقه فى راسو مسالم ولا محارب رايى الشخصى انو الناس ما تتظاهر لانو الدم حايصل الركب ولمن يقول بالحرب فى العاصمه نحيله للعراق سوريا ليبيا اليمن جنوب السودان وزالقائمه تطول عليه نصبر ونحاول بطرق اخرى وعسى الله زى ما خلصنا من الانجليز بدون حرب يخلصنا من ديل على انى ارى نهايتهم قربت وسيرد كيدهم لنحرهم والفتن بينهم مدوره اللهم اضرب الظالمين بالظالمين واخرجنا من بينهم سالمين


#870687 [ayamzman]
0.00/5 (0 صوت)

12-29-2013 05:08 PM
يا الحكومة ارجو الراجيكم مشار رجع تاني ومعاهو الجيش الابيض والفرقة التاسعة والعاشرة حاتصحو من جديد وووب عليك يا البشير الا تقوم جاري تسدها من جاي تنقده من جاي


#870632 [بتاع بتتييخ]
0.00/5 (0 صوت)

12-29-2013 04:24 PM
الشي المعروف انو جماهير الغبش والشباب المقدام الخالي من اي انتماءات سواء سياسية ام طائفية ولا ختمية هو الممكن يتحرك ويموت في سبيل (.... الحمام ....)


#870594 [المدافع عن وحدة السودان]
4.00/5 (1 صوت)

12-29-2013 03:50 PM
البقول انو المعارضة في مظاهرات سبتمر ماعملت شي دا شي من اتنين اما شخص ماعارف الحاصل ودا بنقول ليهو كوادر المعارضة هم النظمو المظاهرات وقادوها ،، ومن المعروف انو مئات من كوادر من الكوادر دي تم اعتقالم علا سبيل المثال بوشي وغيره من الكوادر .. اما النوع التاني من الناس البتتكلم فديل امنجية دايرين احبطو الناس بنقول ليهم اخرصو ياكلاب .. يا اخوانا ماتسمعو كلام الامنجية دا .. خططم مدروسة لاحباط الناس .. ناسرالمعارضة شغالين وانشاء الله دي اخر سنة للكيزان الناس ماتحبط .. اهم شي انو ننظم صفوفنا .. اي زول في الحلة من حتتو انظم نفسو وناس حلتو . بي بساطة اقول لي اولاد حلتو عن الازمات العاملاها الحكومة وانو الحل بي المظاهرات السلمية . وانشاء الله حا نسقط النظام .. يا اخوانا النظام خلاق ماقادر اصرف ماعندهم قروس صدقوني بي ضغط بسيط ممكن نتخارج من الملاعين ديل .. تحياتي ..


#870577 [ود البلد]
0.00/5 (0 صوت)

12-29-2013 03:33 PM
والسلام عليكم يا جماعة الخير
والله بلدنا ده بقه عامل زي خروف الضحية ، السياسيين ديل كلهم دايرين يضبحوهوا، بنصح الأخوة القراء لمطالعة رواية بعض هذا القرنفل فهي لكاتب سوداني شاب توصف حال السودان بصورة جميلة جدا. اما بخصوص الحل للبلد و الله بس الناس تشوف شغلها و تبدأ تنتج ، واشتغل بإخلاص لو انتظرنا حكومة ولا معارضة ولا شنوا و الله مانمشي خطوة واحدة، لكن المصيبة أنوا احنا قاعدين نهري من البلد السودانيين ألبرا البلد حرم تلقاهم أكتر من الجوة ، المشكلة ما في الشباب عرفناه عايز يعيش و يحقق أحلامه ، الناس الكبار الاستفادوا من الغربة ولو نسبيا ما يرجعوا و يفيدوا البلد دي ، والله المستعان.


#870518 [حكومة عمكم تيتيه]
4.00/5 (1 صوت)

12-29-2013 02:40 PM
أنا ما عارف مشكلتكم شنو مع الحكومة. انتو عاوزين حرية ولا عاوزين الشعب دا يجوع ويجوع عشان يعمل مظاهرات ويقلع الحكومة عشان تجوا في حتتا انتو ديل
اذا كنتم عاوزين تتجارو بي جوع الشعب فانكشفتم ودا بعدكم اذا عاوزين تسقطوا الحكومة


#870517 [محجوب حرزاوي]
5.00/5 (2 صوت)

12-29-2013 02:38 PM
نحي الجخ والسواي ما حداث , نشوفكم معانا في الشارع !!!!!!!!!!!!!!!!!!!!!!!


#870508 [ود البلد]
5.00/5 (1 صوت)

12-29-2013 02:27 PM
ربنا يزح الصادق و نسيبو منكم
اميييييييييييييين يا كريم


#870487 [ابو محمد]
5.00/5 (1 صوت)

12-29-2013 02:05 PM
زعم الفرذق أنه سوف يفتل مربعا فابشر بطول سلامة يامربعى
طال ما المعارضه يتزعمها كمال عمر فذلك يعنى أن النظام لايعانى من أى متاعب جماهريريه


#870479 [مصطفى الرقيع]
4.00/5 (2 صوت)

12-29-2013 01:59 PM
الحاليين والله معارضة جديدة ، قرفنا من ترهات المعارضة واكاذيبهم ( رحم الله نقد حضرنا ولم نجدكم ( خطة المائة يوم لاسقاط النظام ) انتفاضة سبتمير الغائب الاكبر تحالف المعارضة ؟؟!!!! اكتمال الترتيبات لانزال الخطط على ارض الواقع ( لا بالله ترتيبات ايه وهباب ايه . الفيكم اتعرفت) قال بروفة الشارك منو فى البروفة غير الغبش وعامة الناس ( يعنى دايرين الناس يعملوا ليكم البروفة وانتو تعملوا الفلم ؟؟ البروفة كانت ثمنها غالى مائة شهيد ياربى المعارضة قادرة تدفع ثمن الفلم ؟؟؟هههههههههه) ..
ابشر بطول سلامة ياانقاذ ؟؟!!!



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة