الأخبار
أخبار إقليمية
السفاح يوجه البنك المركزي بافراد سياسة خاصة للسودانيين العاملين بالخارج
السفاح يوجه البنك المركزي بافراد سياسة خاصة للسودانيين العاملين بالخارج
السفاح يوجه البنك المركزي بافراد سياسة خاصة للسودانيين العاملين بالخارج


12-29-2013 10:46 PM

الخرطوم (سونا) وجه المشير عمر البشير رئيس الجمهورية البنك المركزي بافراد سياسة خاصة للسودانيين العاملين بالخارج تمكنهم من تحويل مدخراتهم للبلاد.
ودعا البشير خلال لقائه بالقصر الجمهوري اليوم عبد الرحمن حسن عبد الرحمن محافظ البنك المركزي الي تمكين المصارف من القيام بدورها في تعزيز الانتاج عبر حشد الموارد وتسهيل اجراءات المستثمرين من خلال حرية انتقال رؤوس اموالهم وارباحهم وفقا لقانون الاستثمار.

واوضح عبد الرحمن في تصريحات صحفية عبر اللقاء انه اطلع البشير علي محاور سياسة البنك للعام 2014 ومدى استعداد البنك لدعم الاستقرار الاقتصادي بالتركيزعلي حشد المدخرات الوطنية عبر تبسيط الاجراءات وتوسيع قاعدة خدمات المصارف بالبلاد رأسياً وأفقياً .
واكد ان البنك سيضع اهتماماً لمدخرات السودانيين العاملين بالخارج والاستثمار والتركيز علي محور الاستقرار النقدي بحيث لا تزيد نسبة التضخم بنهاية العام القادم عن 20.9 % حسب ماهو مقرر في موازنة هذا العام وذالك عبر ادارة السيولة من خلال الجهاز المصرفي وتوجيه موارد المصارف لدعم الانتاج الزراعي والصناعي وخاصة سلع البرنامج الثلاثي الاقتصادي بهدف احلال الواردات وزيادة الصادرات.
واضاف سنركز علي مسألة بناء الاحتياطات النقدية عبر زيادة الصادر واحكام وترشيد الاستيراد لاستقرار سعر الصرف بجانب الاستمرار في تنفيذ سياسة سعر الصرف المرن وتعزيز سياسية التمويل الاصغر لتحقيق العدالة الاجتماعية وتخفيف حدة الفقر.


تعليقات 25 | إهداء 0 | زيارات 8709

التعليقات
#871997 [ابو خباب]
0.00/5 (0 صوت)

12-30-2013 05:10 PM
يالبشير لو وضحت لينا مشروع سندس حصل فيهو شنو بالضبط حانحول كل اموالنا
وده تحدى بيننا وبينك الى يوم الدين


#871842 [صلاح كوكو]
0.00/5 (0 صوت)

12-30-2013 03:01 PM
الحاقا لتعليقي اعلاه اود تصحيح انني في اخر العام 2010 وليس 1990 كما


ورد عن طريق الخطاء والزعل في الكتابه وانتهزها فرصة لاحكي موضوع آخر


عندي اسهم كميه غي احدي الشركات المساهمة كنت استفيد منها سنويا بمبلغ


يتراوح بين 450 الي 500 جنيه سنويا .


وفي نفس اجازتي العام 2010 حملت شهادة المساهة وكان ذلك في نفس يوم بنك


العمال الوطني وكانت الصدمة الثانية بان ابلغتني الموظفة بان اخر عام كان


فيه ارباح هو العام 1905 م ثم بعد ذلك بدأت الخسائر وكان آخر ارباح


استلمناها من الشركة . وعندما سألت عن السبب علمت بأنه وبمناسبة اتفاقية


نيفاشا تم تسليم شخص مهم جدا بالحركة الشعبية رئاسة مجلس ادارة هذه الشركة


وهو برطع فيها علي مزاجه ويمين شمال ومافيش رقيب ولا حسيب وأدت هذه الهمجية


الي خسائر كبيرة للشركة حتي أن الموظفين والعمال لم يتسلموا رواتبهم لعدة أشهر :


يعني الخيل تجقلب واللهف لي حماد ؟ ولي اسهم بشركة مطاحن دقيق لم استفد منها


غير وجود اسمي ضمن كشوفات أسماء الماهمين وعمر هذه المساهمة اكثر من عشرون عاما


(( مغتربين مغتربين مغتربين الضائي عضة الدبيب بيخاف من جرة الحبل ))


آسف جدا للاطاله ولكن خوفي عليكم واظنها شهامة راحت وطي كما اسمع


#871803 [abusami]
0.00/5 (0 صوت)

12-30-2013 02:14 PM
أنا شخصياً ما عندي مانع أحول رصيدي الموجود خارج السودان باليورو من بكرة وهو مبلغ لا يقل عن 100.000 يورو كرمال البشير بس بشرط واحد يصرف المبلغ ده في لاهاي


#871706 [قوز دونقو]
0.00/5 (0 صوت)

12-30-2013 12:34 PM
لو أوقفتوا إستيراد الثوم من الصين و الصلصة من الأردن و القمح السوق السوداء و الملابس من الهند و باكستان و الصين و العمالة الأجنبية من بنقلاديشو السلاح من روسيا و الصين و إيران و إحلال المنتج المحلي (الوطني) محله و قتها يمكن للإقتصاد السوداني أن يتعافي و أن ينمو ؟؟ لكن ما دمنا نستورد إحتياجاتنا من وراء البحار فلن تقوم لنا قائمة إلي يوم القيامة ؟؟؟؟


#871630 [حمدى]
4.00/5 (1 صوت)

12-30-2013 11:40 AM
البشير
هوى يا البشير
البشير هوى يا البشير
انت بتقول شنو
كلمنى انا مغترب
عايز شنو؟
كان بتلحس كوعك دولارى حايتلحس
يا سيدى كل مغترب اصبح محافظ على بنك فلوسه
والكايةوااااااااضحة


#871614 [lwlawa]
0.00/5 (0 صوت)

12-30-2013 11:32 AM
ابواب الريده كلها انسدت..؟؟.. ولم يتبقى الا انتم..!!.. اولئك الذين تم تطفيشهم وتحويلهم الى الخارج وادخارهمم لمثل هذه الايام مثل مدخرات ماليزيا (دخري الحوبه)..؟؟..
آآآآآآآآهه يا المغتربين... قبلو عليكم عديييييل... فماذا انتم فاعلون..؟؟


#871596 [مغترب شبعــــان]
5.00/5 (1 صوت)

12-30-2013 11:18 AM
عندي ليكم نصيحة يا ناس الحكومة...ارجعو اخدو مننا الضريبة زي زمان 100 دولار سنويا عن كل مغترب مقابل منحنا حق ادخال سيارات قديمة سيارة واحدة كل 3 سنوات وبي كدا تكونوا لقيتو قروش ونحنا لقينا فايدة والجميع مبسوطين


#871517 [العريبية]
5.00/5 (1 صوت)

12-30-2013 10:31 AM
وهى يادوب لبنت دايرنا نديها الطير ياطيرة فعلا عسكرى نبطشى رئاسة

قوم اضرب تعظيم سلام للمغتربين الكرام الفى المنافى شايلين حمولهم وساترين عروضهم


#871444 [الدنقلاوي]
5.00/5 (1 صوت)

12-30-2013 09:54 AM
(واضاف سنركز علي مسألة بناء الاحتياطات النقدية).

كيف حيكون في احتياطي نقدي والتجنيب شغال بلا هوادة.


#871425 [محمد عبدالله]
5.00/5 (1 صوت)

12-30-2013 09:44 AM
علي هامان يافرعون الكضاب


#871396 [nashaby]
0.00/5 (0 صوت)

12-30-2013 09:23 AM
لاتلتفت للمحبطين ياسيادة المحافظ ولامستحيل تحت الشمس فقط تحتاج لإتخاذ قرارات صارمة فى بعض الجوانب ويجب أن تبدأ بها .
1/ رتب البيت من الداخل أولاً فالعنصر البشرى هو أغلى رأسمال إذ أن التحولات والنقلات الإيجابية لا تتكتمل ولاتنجح مالم تحدث صيانة داخلية وهنالك مظالم كثيرة جداً جداً تحتاج معالجة أولاً .
2 / ثم الإتجاه نحو الموارد أولها إعادة النظر فى أنشطة الشركات التى تعمل فى مجال إستخراج الذهب وضبط هذه الشركات على أن تعدًل طريقة المحاسبة وسداد العائدات عبر البنك المركزى وليس عبر البنوك التجارية مع ضرورة حفظ نصيب هذه الشركات أولاص بأول .
3 / إصدار قرارات مصرفية بإغلاق كافة حسابات الشركات الحكومية وشبه حكومية بالبنوك التجارية وتحويلها للبنك المركزى وهذه أولى خطوات التجنيب .
4/ تفعيل الصادرات غير البترولية وهناك تسريب كثير وكبير لهذا المورد والمطلوب صياغة بعض القوانين واللوائح التى تنظم عمليات الصادر.
إذا بدأتم بهذه الطريقة فنتوقع لكم النجاح عما قريب .


#871389 [صلاح كوكو]
5.00/5 (1 صوت)

12-30-2013 09:17 AM
مساكين المغتربين كدي اديكم حكايه شويه غريبه العام 1982 يعني قبل حوالي ثلاثين عاما

جانا وفد من بنك العمال الوطني وعملنا ليهم استقبال باحدي الاستراحات وكان الوفد

بقيادة السيد عبد القادر همت العضو المنتدب ومعه سكرتير البنك اسمه عبد الوهاب وآخرين

المهم طرحوا علينا فكرة مساهمة المغترب بعدد خمسون سهم للفرد عشان تكون في مساحة

للناس بداخل السودان للمساهمة وبسعر السهم عشرة ريال سعودي وفعلا تحمسنا لدعوتهم وفي

نفس الجلسه سجل جميع الموجودين طلبات مساهمة بعدد خمسون سهما وبمبلغ خمسمائة ريال .


تم اعطاؤنا ايصال مؤقت وبعد شهرين او ثلاثة ارسلوا لنا شهادات المساهمة باسمئنا


نهاية العام 1990كنت بالسودان ومشيت البنك قسم المساهمين ومعي شهادة المساهمة


والله فوجئت بما لم اكن اتوقعه وما ل يحدث في اي مكان بالعالم . استلمت الموظفة


شهادتي واستخرجت لي شهادة اخري بان الاسهم اصبحت اثني عشر سهما فقط وان المبلغ


اصبح اثني عشر جنيها فقط . زعلت وهجت ورفعت صوتي واكدت للموظفة انني عملت لمدة


ثلاثة وعشرون عاما باكبر بنكين بالسعودية وعملت خلالها بعض الوقت بقسم المساهمين


ولم يحدث ان رايت او سمعت بانخفاض عدد الاسهم ولكن يمكن ان تزيد عدد الاسهم بعد


اضلفة سهم او سهمين او ثلاثة او اكثر من مجلس ادارة الشركة المساهمة وذلك لوجود


ارباح بالشركة ولزيادة راس مال الشركة ؟ ويمكن ان يحدث تغيير بقيمة السهم انخفاضا


او ارتفاعا حسب سعر السهم المتداول ولكن عدد الاسهم نفسها لايمكن ان يحدث انخفاض فيها


اها ياريسنا بعد ده دايرين تجروا المغتربين ( لكن مابالغت ياريسنا )


تحذيري لكل المغتربين الم تساهموا او تسمعوا بالمساهمين اللذين اخذوا المواسير خاصــــة


بمشروع سندسي لصاحبه رئيس هيئة الذكر والذاكرين انتبهوا يامغتربين انتبهوا


ردود على صلاح كوكو
European Union [ABOALKALAM] 12-30-2013 12:41 PM
شكرا ياصلاح كوكو علي هذه المداخلة التي نفعها عظيم وفايدتها الي شباب

المغتربين الي كشف احوال دولة الا لادولة ولوكان واحد مثلك يوعظ المغتربين

لما اتخرب بيوتهم وبيوت اسرهم في مشاريع الحرامية

مثل مشروع ستدس وشعهادات شهامة التي ادت الي تدمير اسر كامله

شكرا وارجوا اعادة الموضوع في مقالات اخري ليستفيد من الموضوع المزيد من الشباب

شكرا


#871376 [ودالشريف]
5.00/5 (1 صوت)

12-30-2013 09:11 AM
كلام الطير في الباقير من يصدقكم فانتم تتحايلون لتسرقون شعبكم تعرفون مصالحكم ولا تعرفون ماهو واجبكم انتم فاشليين لاتتعلمون ونحن لا نثق فيكم ولايمكن ان نحول اموالنا عبر بنوك الضلال والنهب المصلح كفى خداع وضحك على الدقون ماذا قدمتم لنا نحن المغتربين حتى تطلبو منا ان نحول قروشنا عبر مصارفكم فهى ليست ملك لنا لانكم للاسف شديد امتلكتم الدولة ولعتبرتموها من ملكية المؤتمر اللاوطنى واقول لكل مغترب انتبه فهولاء ينصبون لك الفخاخ وهم لايهتمون بك بل يهمهم جيبك وقروشك وان وجدوها انت مامهم انتبهو من هولاء الفاسدين


#871349 [رئيس خرع !!!]
5.00/5 (1 صوت)

12-30-2013 08:48 AM
الرئيس الخرع ده ما بفهم !!!!!!!!! أول شيء يشوف مشاكل المغتربين ويحلها وبعدين يفكر في قروشهم ..... الله لا بارك فيك يا البشير ربنا يريحنا منك بأي داهية ومصيبة.أقسم بالله لو بنوككم بتدينا أكتر من السوق الأسود ما نحول ليها.


#871318 [hafiz]
0.00/5 (0 صوت)

12-30-2013 08:32 AM
الليبي بيقول السوداني ما بيقول ليك كذاب ولكن بيقول ليك كلامك كويس لكن ما معقول أي انت كذاب أسئل الحكومة ماذا فعلت للمغتربية؟ على مدي حكمها للسودان في الفترة السابقة الرجاء الرد لو كان هناك رجل رشيد من الحكومة


#871302 [ابوحاتم]
0.00/5 (0 صوت)

12-30-2013 08:18 AM
سياسة بنك السودان في جذب مدخرات المغتربين عجيبة ،استبشرنا خير عندما أعلن البنك حق المغترب في استلام تحويله من العملة الصعبة بالدولار أو الريال الخ . ولكن فوجئنا بأن الصرافات في السودان تتحصل على رسوم قدرها 2 % من المبلغ المحول لماذا لاندري . علماً بأن الصرافات في الخارج لا تتحصل على أي رسوم وحتي عندماتتحصل بعضها على رسوم خدمة فإنها لاتذكر .

الان رجع غالبية العاملين بالخارج للطرق القديمة في التحويل للسودان ،وذلك اما عن طريق البيع للوكلا في مكان عمل المغترب أو الارسال عن طريق المسافرين .
يعني ترسل 10000 دولار الصرافة في السودان تتحصل على 200 دولار .( وهذا ما حصل لى مع صرافة أرقين )


#871257 [ابونديبو]
5.00/5 (2 صوت)

12-30-2013 07:33 AM
كثرت توجيهات البشير لبنك السودان في الآونة الأخيرة بل أصبح يدير بنك السودان بتلك القرارات
الغير مدروسة فقد أصدر قراراً في اكتوبر الماضي بتعيين ثلاثة موظفين في البنك الزراعي السوداني
اثنان منهم من أصحاب السوابق وتم فصلهما من مواقع عملهما وهم:-
1- البكري ابراهيم السيد المكي
الشهير ببكري ابدقق وكان لاعب كرة قدم بالأبيض تم فصله مرتين بسبب التجاوزات المالية وسوء السلوك
ورغم ذلك تم اعادة تعيننه مدير ادارة بالبنك الزراعي قبل شهرين....
2- الثاني اسمه يوب وتم فصله من البنك الفرنسي لتجاوزات مالية وتم استيعابه أيضاً بقرار من رئيس الجمهورية والسؤال هل تم تزوير في المستندات وان القرار لم يصدر أصلاً من رئيس الجمهورية؟؟؟ من يحمل أختام رئاسة الجمهورية ومجلس الوزراء ومن هو وراء تعيين هؤلاء في مؤسسة تعاني من فساد متأصل ومتتابع اي لماذايصدر الرئيس قراراً بتعييين مفصولين بمجالس محاسبة لتورطهم في فساد مالي بالجهات التي سبق وان عملوا بها.
والسؤال لماذا يتجاوز الرئيس المؤسسات القائمة ويصدر قراراً فوقياً دون الرجوع اليها....؟؟ ولماذ يخص الرئيس بخدماته اشخاص متنفذين وبقية خلق الله لا تصل اليه ؟؟؟
اذا كان البنك المركزي وصي باعادة تعيينهم فتلك مصيبة اكبر لان الجهاز المصرفي سيكون في خطر لمشاركته في الفساد... ولاداعي ان يستمر بازعاج المؤسسات المصرفية بالمراجعة والتفتيش وهو به مجموعة من المفسدين؟؟


#871250 [أبو احمد]
5.00/5 (1 صوت)

12-30-2013 07:24 AM
ما بصدقكم ...مع الإعتذار للمرحوم عثمان حسين


#871197 [سيد احمد الشايقي]
5.00/5 (1 صوت)

12-30-2013 04:55 AM
ههههههههههها شاطر يا المكلوج . اسع دحين أمك الولدتك بتصدقك خل نحن


#871186 [الدبيب]
0.00/5 (0 صوت)

12-30-2013 04:07 AM
اللعبو غيرة يا بشه بنوك بنوك مين يا جكسا والله انتو القصة دى ما بتتحلة الا تجيبو اموالكم الفى الخارج المغتربين ديل يا دوب ارسلوها بالسود عشان تكفى العائلة منصرفات والله اخير نختها برة فى البلاد الغربية من ما نختها فى بنوك السودان انتو والله توبة تانى


#871150 [زهجان جدا]
5.00/5 (1 صوت)

12-30-2013 01:24 AM
ا جيبوا اموال الشعب التي نهبتوها وادعتموها البنوك الماليزية وغيرها - وبعدين فك سيرة المغتربين وشيلها من راسك كفاية سندس - القامت عمارات في المربع الذهبي بالسوق المحلي - ولم تنتج سندس بعد -
مافي رئيس دولة في العالم طرد كوادره من اساتذة الجامعات والاطباء والمهندسين والعلماء- كما فعلت ايها السفاح - ثم تاتي الان لتخدعهم بان هناك سياسة خاصة للمغتربين - اما كفتك موارد البترول وموارد وطن بحالو - بقيتوا سمان وليكم خضوم وكروش من دم الشعب السوداني المغلوب على امره - بالله عليكم الله ستة وعشروت ستة حكم - قدمتوا شنو فيها للشعب السوداني - نفهم من كده انت طردتهم عشان تستثمر فيهم - ديل افهم واذكى منك مليون مرة يا غبي - تلقاها عند الغافل يا داقس


#871137 [منصور محمد صالح محمد العباسي]
0.00/5 (0 صوت)

12-30-2013 01:00 AM
خطوة في الاتجاه الصحيح ،،


ردود على منصور محمد صالح محمد العباسي
[عزة] 12-30-2013 09:39 AM
كوز وسخان عاوز ليك منصب
قال منصور قال انت معزوم يا وهم


#871113 [ساب البلد]
5.00/5 (1 صوت)

12-30-2013 12:28 AM
************ تلقاها عند الغافل يا بشة ********* شوف ليك حاجة تانية ************


ردود على ساب البلد
United States [YASEEN] 12-30-2013 08:38 AM
بيدوك قطعة ارض كان حولت ...كدى انت حول وبعدين الجماعة حايشوفوا تحويلاتك لو كتيرة يمكن تفوزبجوائز أخرى .......وقالوا ود البدرى ثمين...خليك حريف ياظريف


#871079 [mohd]
5.00/5 (4 صوت)

12-29-2013 11:32 PM
المغتربين ديل كرت محروق بالنسبة ليك يا ابوتلاليش الكضاب

الثقة فيكم سالب 1000000 لو بتفهم يا لصوص يا كذابين يا علوج


والله المغتربين ديل لو مسكتوا بنك السودان دا للسديس والبنوك الثانية لبقية ائمة الحرمين وهم تحت رئاستكم انتوا ما حنثق فيكم لانكم انتوا ناس فاسدين ومنحطين وسفلة ولصوص ونهابين

بعدين انت من زمان يا البشكير بتوجه وتقول في هوشاتك ورقصاتك اتبرعنا للجهة الفلانية بكذا مليون وللجهة العلانية بكذا مليون ولما الناس مشوا يطالبوا بالتبرع ما لقوا شي بل واحد منهم قال لهم امشوا له خلوه يديكم ، دا معناه انك فعلا كذاب وما عندك شي وتصريحاتك كلها انفعالية وعاطفية ودا افقدك الاحترام والناس عرفوك دلوكة وقاعد طرطور وخاتنك ساتر ليهم وحامي ليهم تغطي عن سرقاتهم وفسادهم وتملاا منكبيك اوزار والله لو تقعد تحاسب نفسك بالليل تلقى انه منكبيك ديل بشيلوا اوزار بالالاف في الدقيقة لانكم افسدتم الناس وانطبق عليك حديث (من سنة سنة حسنة فله اجرها واجر من عمل بها الى يوم القيامة ومن سن سنة سيئة فله وزرها ووزر من عمل بها الى يوم القيامة) فانت واللصوص المعاك من الوزراء والولاة وكلاب الامن ناركم دي اضمنوها بل بعد ما تمتوا تاكدوا انه عداد اوزراكم حيشتغل لسنين طويلة يشيل ويرمي عليكم لو فيكم عقول ولو بتحسوا ، اكثر من 300 الف قتلتهم في دارفور وغير كردفان وجبال النوبة وغير المتظاهرين وغير الضباط الـ 28 وبعد دا كله بتتكلم بالدين وربنا قال والرسول قال ؟
يازول والله انتوا المحلكم يشوف له غار وينقطع فيه قبل ما تلقوا انفسكم في حفر من حفر جهنم (القبر)


ردود على mohd
[مهاجر] 12-30-2013 02:32 PM
لله درك

United States [زولاً مسيكين] 12-30-2013 07:46 AM
عفيت منك تب
والله جيهتو جيهة

عليك الله شوف الحرامي الما بيخجل ده


#871061 [Mohamed]
5.00/5 (2 صوت)

12-29-2013 11:13 PM
شكرآ اهتموا لأخوانكم الكيزان اما نحن المغتربين وغلابا هذا الوطن لا نؤمنوا اقوالكم لأنكم لا يوجد امين بينكم كلكم لصوص و مجرمين اموالنا في البنوك الغربية اكثر امنآ لآنهم اصحاب امانة وثقة يحترمون القوانين لا تمييز بين الناس كلنا سواسية امام القانون لذلك من العار ان اضع اموالي لآيادي اسلاموية خائنة خبيثة لا تحترم دينهم الاسلامي



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية

الاكثر تفاعلاً/ق/ش

الاكثر مشاهدةً/ق/ش

الاكثر تفاعلاً/ش

الاكثر مشاهدةً/ش







الرئيسة |المقالات |الأخبار |الفيديو |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة