الأخبار
أخبار إقليمية
الخرطوم تضع شروطا جديدة للتصديق على احتفالات أعياد رأس السنة
الخرطوم تضع شروطا جديدة للتصديق على احتفالات أعياد رأس السنة
الخرطوم تضع شروطا جديدة للتصديق على احتفالات أعياد رأس السنة


12-30-2013 06:47 AM

ا.ش.ا
وضعت حكومة ولاية الخرطوم، شروطا جديدة للتصديق بإقامة الاحتفالات لاستقبال العام الجديد، والتي تتزامن مع استقلال السودان، أبرزها رفع علم السودان، وعزف النشيد الوطني في الدقيقة الأولى للعام الجديد، في الأندية والأماكن التي تقام فيها الحفلات.

ووقفت لجنة تنسيق شئون الأمن بولاية الخرطوم في اجتماع ترأسه الوالي عبد الرحمن الخضر على استعدادات الأجهزة الشرطية والأمنية لتأمين الاحتفالات بأعياد الاستقلال والسنة الميلادية.

وراجعت اللجنة استعدادات المحليات لإقامة الاحتفالات بهذه المناسبة في الحدائق والأندية والأماكن العامة، ووجهت اللجنة الأجهزة الشرطية بمنع الاستحمام في النيل حفاظا على أرواح المواطنين.

ودعا والي الخرطوم، المواطنين المحتفلين، الى الالتزام بالهدوء والتحلي بالأخلاق الفاضلة والقيم الإسلامية النبيلة، ومساعدة القوات الأمنية في أداء واجباتها الهادفة لأمن الوطن ومواطنه، والتخلي عن الممارسات التي يقوم بها البعض في مثل هذه الاحتفالات والتعديات على المحتفلين بشتى الوسائل.

وقرّرت لجنة تنسيق أمن الخرطوم، أن يتم رفع العلم وعزف النشيد الوطني في تمام الساعة الثانية عشرة منتصف الليل مع بداية الدقيقة الأولى للعام الجديد، في كل الأندية والأماكن التي تقام فيها الحفلات، وأن يكون ذلك شرطا من الشروط الأساسية للموافقة على هذه الحفلات.


تعليقات 21 | إهداء 0 | زيارات 7987

التعليقات
#873431 [نورة]
0.00/5 (0 صوت)

12-31-2013 10:25 PM
لكل زائرى وزائرات الراكوبة:- القابلة ياناسى العزاز رايقيييييييييييييين وأيامكم لذاااااذ
والدنيا ذى ماتشتهوا.....سنة حلوة.


#872074 [اورو]
0.00/5 (0 صوت)

12-30-2013 07:27 PM
ايهما اقرب لقلوب السودانيين الوطن ا م البطن


#871807 [زول مكتوي بنار الكيزان]
0.00/5 (0 صوت)

12-30-2013 03:18 PM
عليكم الله ابعدو مننا ناس النظام العام ديل


#871755 [تينا]
4.50/5 (3 صوت)

12-30-2013 02:23 PM
وقصة جديع الناس ووسيخ ملابسهم بنعمة الله من بيض وطماطم الفى كتير من خلق الله مالاقنها للأكل دى ما شفتوا لينا ليها حل ؟؟


#871680 [قوز دونقو]
0.00/5 (0 صوت)

12-30-2013 01:12 PM
الإحتفال بالسنة الجديدة يعني عملية جرد لما تم إنجازه في العام المنصرم ؟؟ يا تري ما هو الحدث الأهم الذي نفتخر و نعتز به بحيث يكون محور أحتفالنا بالعام الجديد ؟؟
لقد فتشت و بحثت و نقبت فلم أجد سوي السراب فهل يجوز الإحتفال بالسراب ؟؟؟
ما هو الإنجاز الهام الذي حققته حكومتنا( الرشيدة) خلال العام المنصرم ناهيك عن الأعوام السابقة ؟؟؟
هل إقالة مجموعة الثلاثة يعد إنجازا ؟؟ و حتي لو إعتبرناه _ مجازا_ إنجازا فهو إنجاز ناقص ما لم يتوج بالمحاسبة و جرد حساب المقالين ؟؟ ماذا قدموا للبلاد خلال فترة شغلهم للمناصب التي أقيلوا منها ؟؟؟؟؟
و الله لو تم تقديم أي واحد من المقالين للجنة تحقيق ( كيف كان و كيف أصبح ) و تطبيق قانون من أين لك هذا أكون من ضمن المحتفلين بالعام الجديد أيما إحتفال ؟؟ لكن هيهات ما دام العود أعوجا ف سوف يظل الظل كذلك أعوجا؟؟؟ و لا أنا غلطان ؟؟؟؟


#871679 [المشتهى السخينه]
5.00/5 (2 صوت)

12-30-2013 01:12 PM
انا حزين جدا لنيل السودان استقلاله ..بدل مانكون تابعين اليوم للتاج البريطانى العظيم وملكته اليزابيث وديمقراطيته العريقه التى حلت كل مشاكل الانسان العصريه ..واحسرتاه اصبحنا تابعين لحمير لحوش بانقاومفكرنا الذى يقود الدولة هو المشير عمر البشير الرئيس الدائم .. حياة افضل منها الموت الف مرة .نعاتب فى هذا اليوم كل جدودنا السذج الذين سعوا لنيل الاستقلال البغيض ..


ردود على المشتهى السخينه
United States [الممغوص] 01-15-2014 02:45 PM
يسقط حمار حوش بانقأ لنعمل معا ﻹدخال أكبر عود في مؤخرة حمار حوش بانقا

United States [اورو] 12-30-2013 07:23 PM
بدل عربات المؤتمرجيه بشارع النيل يكون حصين حكامنا الءنجليز

European Union [اسمع منك الكريم] 12-30-2013 01:49 PM
و الله يا المشتهى السخينه مرات كده بتقول درر !!!!


#871634 [lwlawa]
0.00/5 (0 صوت)

12-30-2013 12:41 PM
يريد الإنقاذيون الآن تعليم الشعب السوداني الوطنية بعد فشل مشروعهم الضلالي وقد اصبحو في ارزل العمر وبلغوا من الكبر عتيا وحتى لا يعلمو بعد علم شيئا..؟؟..وقد ضاع ربع قرن من الزمان هباء..؟؟


#871608 [موسى الضو]
4.00/5 (3 صوت)

12-30-2013 12:26 PM
هسع الناس القاعدين في الصورة دي منتظرين ينتشلوا غريق ولا قاعدين يتفسحو في الكترابة دي؟؟؟ النجيلة زي الضاربه قوووب من شدة ما ممعوطة


#871521 [حبيب المسكين]
2.00/5 (3 صوت)

12-30-2013 11:33 AM
هههههههههههههههههههههههه يا وطني انت
ضحكت حتى كدت ان اتبول علي ملابسي
كلام يسبب التبول اللا ارادي

قال علم وقال نشيد


بالمناسبة الوطنية دي
زمان كان اي مؤسسة بيكون معلق فيها علم السودان
لكن تعال الليلة امشي شوف اي مؤسسة معلق فيها البشير
ودي دلالة علي انو الناس دي نست امر الوطن
ويجي الموهوم بتاع امن المجتمع ده يقول ليك ارفع وعلق علم السودان
الله يعلقك من لسانك يا وسخ


#871468 [مواطن]
4.00/5 (3 صوت)

12-30-2013 11:10 AM
السودان يا لصوص لم ينال استقلاله بعد, فهو يرزح منذ ربع قرن تحت سطوتكم الاجرامية و الدمار الذى حاق به تحت أيديكم, قال علم و نشيد قال و السودان كله عبارة عن بيت مأتم.


#871411 [ودالشريف]
0.00/5 (0 صوت)

12-30-2013 10:38 AM
حتى الاستقلال عايزين تستغلو زى ما استغليتو الدين ويصبح شعارات وخطب خاوية المضمون هو انتو خليتو في قلوب الناس وطنية كفي نفق واستهتار وضحك على الدقون انتم سلبتم حتى الضحكة من شفاه الاطفال انتم حسبنا الله ونعم الوكيل فيكم


#871359 [المتغرب الأبدي]
5.00/5 (1 صوت)

12-30-2013 09:57 AM
أحسبوا 9 شهور من الأسبوع دا وقولوا يا ناس دار المايقوما جاكم بلا


#871334 [chinma]
5.00/5 (1 صوت)

12-30-2013 09:40 AM
جاء في النشيد الوطني :- ويحمي أرضكم
والأرض غير محمية محتلة من قبل المصريين والأثيوبيين فكيف نحتفل بعيد الاستقلال ؟ كمان الشعب مقهور ومخنوق بالأجهزة الأمنية فكيف نحتفل بعيد الإستقلال؟
الاحتفال لرأس السنة فقط لأنه في نظرنا السودان محتل من قبل التنظيم العالمي للإخوان المسلمين, لذلك لا احتفال بالاستقلال ولايحزنون.


#871332 [الفيل]
0.00/5 (0 صوت)

12-30-2013 09:39 AM
كان بحل عوجة والله لي تاني يوم الضحى نعزف نشيد العلم
كل مرة نستغرب لتصريحاتكم
ونقول دي قوية
بس الظاهر التصريحات ما ليها اخر معاكم
وكل تصريح ح يكون اظرط من القبليهو
وكلو خارم بارم


#871320 [عصمتووف]
0.00/5 (0 صوت)

12-30-2013 09:33 AM
شروط قرقوش الخضر كلها عدم المشغولية تلك الاستعدادت الشرطية عليها توجيه تلك القوات لنظافة الشوارع والحجارة وردم الحفر وشوارع الظلط والقبض علي زوار الليل وقلة الادب والسفاهة محصورة في حراس وكلاب الفضيلة
*حد بستحم في النيل وفي عز الشتاء
** الالتزام بالهدوء والتحلي بالأخلاق الفاضلة والقيم الإسلامية النبيلة، ي حسره علي
*** و أن يتم رفع العلم وعزف النشيد الوطني في تمام الساعة الثانية عشرة منتصف الليل مع بداية الدقيقة الأولى للعام الجديد


#871292 [hafiz]
0.00/5 (0 صوت)

12-30-2013 09:09 AM
مافي راجل يقلبهامع الاستقلال


#871287 [شمالية شرقية متوسطة السرعة]
5.00/5 (1 صوت)

12-30-2013 09:03 AM
ليه الناس المسلمين دايما بحتفلو براس السنة ومابحتفلو بالعام الهجري الاجابة عشان الاحتفال براس السنة تقليد غربي والعرب موهومين بالاجانب هل كان يحتفل الرسول ص في عهده براس السنة يامسلمين فوقوا بلاش كلام فااارغ


ردود على شمالية شرقية متوسطة السرعة
United States [عطوى] 12-30-2013 05:27 PM
نحنا احفااد كوش وبعانخى فكينا من حتة العرب دى الله يتم ليك عرسك ببركة شيخنا الامين وحوارو البشير ...

وكل سنة وانت طيبة ....


#871259 [XYZ]
5.00/5 (1 صوت)

12-30-2013 08:35 AM
هـهـهـهـهـهـــــــــــــــــــــــــاياتو علم وياتو وطن تقصد يا....(اكمل حسب ما سئت)


#871248 [قانون مافي]
5.00/5 (7 صوت)

12-30-2013 08:18 AM
وأن يععلقوا صورة الرئيس ويغنوا (في حماك ربنا * من حرامي جنبنا ) ... ويعلقوا صورة الوالي ويغنوا ( الخوف يا والي * تسرق طوال/ تفرض رسوما * فوق أحتمالي)


ردود على قانون مافي
European Union [The Obsrever] 12-30-2013 08:00 PM
Sorry Ganoun Mafi..... I meant to say to you. ... Fannaan .. Bijad..... Really Fannaan ...!, you gave me a very good laugh ...!! Ah

United States [ود كركوج] 12-30-2013 01:04 PM
لكن بخاطرك زيد فى مخاطرك.....احلى تعليق قرأته...شكرا

European Union [The Obsrever] 12-30-2013 12:26 PM
Fan aaas.....Bihar..!!

[المتغرب الأبدي] 12-30-2013 09:50 AM
الله يديك العافية ..


#871242 [سايكو]
0.00/5 (0 صوت)

12-30-2013 08:06 AM
شروط ساذجه و غبيه الناس بتحضر الحفلات عشأن تحتفل براس السنه ما بالاستقلال و دي الحقيقه شئتم ام ابيتم الناس حتحتفل براس السنه و حتطلع الشوارع .


#871226 [د محمد]
5.00/5 (1 صوت)

12-30-2013 07:45 AM
ههههههههههههههه والله غلبهم البسو. والعلم مننا ولا منكم؟ ممكن نلقاهو بس حكايه النشيد الوطني دي جد مابنقدر عليها. نجيبو من وين ياخ. والله نحنا لو مالكوره كنا نسسيناوا ظاطو. بعدين بس عليكم الله ابعدو مننا ناس النظام العام ديل. بنكرهم ياخ. ياخ ديل بعد ماكتلو عوضيه بقينا نكرهم اكتر من اسرائيل ظاطا.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة