الأخبار
أخبار إقليمية
معادلة عبدالرحمن المهدي رئيسا..!!
معادلة عبدالرحمن المهدي رئيسا..!!
معادلة عبدالرحمن المهدي رئيسا..!!


12-31-2013 07:51 AM
عبدالباقي الظافر

كان يوم تدريب شاق كما تصفة السيدة ان سمث للمتدربين في احدى الجمعيات الطوعية بشيكاغو..خفف من الامر وجعل الحدث شيقا وجود الشاب الاسود الوسيم باراك القادم من جامعة هارفارد ليحاضر الناس..واحد من الحضور صاح "هذا الشاب سيكون يوما رئيسا للولايات المتحدة"..الالة الاعلامية تلتقط باراك اوباما حينما شارك في المؤتمر العام للحزب الديمقراطي عام 2004 .. بخطبة تفيض بالامل والرغبة في توحيد الناس جذب باراك اهتمام الشعب..منذ ذلك التاريخ بات باراك اوباما الشخصية المفضلة للنخبة السياسية والاعلامية في واشنطن.

حسنا افتتح السيد رئيس الجمهورية الحديث عن مواصفات الرئيس القادم..اهمية الاشارة تؤكد ان الرئيس راغب وجاد في مغادرة الملعب السياسي..كرر هذه الرغبة اكثر من مرة وفي اكثر من محفل..الان الرئيس مضى الى ابعد من ذلك باثارة الحديث عن الخلافة السياسية.

بداية هل نحن نحتاج الى مواصفات رئيس ام مواصفات برنامج..بمعنى هل نسمي رجلا ونطلب منه اعداد برنامج..ام البداية تتطلب تشخيص الازمة ثم البحث عن خارطة طريق..بصراحة بلادنا تعيش في ازمة ربما تفضى الى نهايات صعبة ان لم ينتبه الناس..في مثل هذه الاوضاع نحتاج الى حلول غير عادية..اسوا ما يواجه بلدنا تلك العزلة الخارجية التي جعلتنا جزيرة مغلقة..اسوأ من العزلة الخارجية اختها الداخلية..الان اذا اجريت انتخابات لن يجد المؤتمر الوطني حزبا يركض معه في الساحة الا شركائه اليتامي في السلطة..الاوضاع الاقتصادية قاتمة مع توقع خروج عائدات نفط الجنوب التي تزيد علي الملياري دولار.

في مثل هذه الظروف نحتاج الى حل سحري..ماذا اذا اغمض المؤتمر الوطني اعينه واعلن تاييده للعقيد عبدالرحمن المهدي مرشحا مستقلا لرئاسة الجمهورية.. العقيد عبدالرحمن يمثل جيل الشباب..خلفيته كضابط تجعله مقبولا للمؤسسات العسكرية.. مجرد طرح اسمه في السباق يمنح طائفة الانصاروحزب الامة اشارات خضراء تعزز من فكرة التداول السلمي للسلطة..الاحزاب البعيدة والموغلة في المعارضة لن تستطيع ان تتهم العقيد المهدي بانه (جبهة) وبعدها لن تجد خيار سوى المشاركة بفاعلية في الانتخابات المقبلة.

عبدالرحمن المهدي الذي اتخذ قرار الاستقالة بشجاعة من حزب الامة يستطيع ان يوحد هذا الشعب المهدد بالحروب والفتن..جذور الرجل تتصل بدارفور عبر جدته التي كانت حفيدة واحد من اعظم سلاطين دارفور..كما ان الخلفية الانصارية تيسر للقائد الجديد التمدد في كل المكونات الاجتماعية بغرب السودان.

معادلة عبدالرحمن المهدي يجب ان تكون مقبولة للحزب الحاكم الذي من المتوقع ان يهيمن على البرلمان باعتباره الحزب الاكثر ثراء والاصلب تنظيما.. عمل العقيد عبدالرحمن في القصر الجمهوري في ظروف بالغة التعقيد ييسر له من سبل التواصل مع المشير البشير فيما بعد رئاسته..هذه المعادلة تمنح الحزب الحاكم ضمانات الاستمرار في الساحة بعيدا عن هواجس العزل السياسي والتجريم الجماعي.

خارجيا سيكون الرئيس عبدالرحمن المهدي مقبولا..سيتمكن واستنادا على (كرازما) الاسم ان يفتح كثيرا من ابواب التواصل المغلقة.

وصول المهدي الصغير الى القصر الرئاسي بهذه المعادلة سيمثل هبوطا ناعما للازمة السودانية وكسر للقاعدة التي تتحدث ان الحكومات الانقلابية في السودان لا تستطيع ان تعدل مسارها الا بانتفاضة شعبية.
عبدالباقي الظافر
[email protected]


تعليقات 127 | إهداء 0 | زيارات 19019

صفحة 1 من 3123>
التعليقات
#874587 [Sudani 2014]
0.00/5 (0 صوت)

01-02-2014 03:33 AM
و نسيت اقول
ظزززززز فيك و في مهديك
ياااااااا الظافر اقصد يا الفاشل


#874560 [azoonaazia]
0.00/5 (0 صوت)

01-02-2014 02:24 AM
كما ذكرت يا "عبد الباقي" :- "هذا الشاب سيكون يوما رئيسا للولايات المتحدة"..الالة الاعلامية تلتقط باراك اوباما...... يذمتك لو عندك ذمة ,هل سمعت ب أوباما قبل أن يصير رئيساً؟ يعني سمعت جعجعة؟؟
عموما " شن جاب لى جاب"
لكن بقى عليناالمثل:- " بلدآ مافيها تمساح إقدل فيها ورل"
آل المهدي شغالين "جوكر" مع كل نظام. أختوهم قبلما يبقى علينا:"لبتسويهو بإيدك يغلب أجاويدك"
أنار الـلـه بصيرتنا


#874521 [الثورى]
0.00/5 (0 صوت)

01-02-2014 01:27 AM
ده اسمو كتابه والسلام والله زولك ده يا ظافر مايلقه عشره من شباب دارفور يمشى معاه ده زول راسو فاضى


#874437 [Hamed Ali]
0.00/5 (0 صوت)

01-01-2014 11:04 PM
عبد الرحمن المهدي يمثل اانقطه رقم واحد للتقارب بين البشير والصادق المهدي فهوا الرئيس المرتقب وتحت التدريب في القصر الجمهوري 0ليس لانه يملك برنامج لانقاز الوطن من كل المشاكل المحيطه به بل انه كرت الاس للاستمراريه وعدم تسليم لاي من المطلوبين للمحكمه الجنائيه في لاهاي0ففي الانتخابات القادمه نتوقع التحالف بين الموتمر الوطني وحزب الامه وحزب الوطني الاتحادي وكزالك حزب الموئتمر الشعبي والاحزاب الجديده كحزب الاصلاح وغيره من الاحزاب المشاركه الان في الحكم0 فكل ما يسعي له النظام الحاكم هو الوصول للانتخابات وتغير الوجه والاستمراريه واكتساب الشرعيه


#874150 [محمداحمد حسن اوشي]
5.00/5 (3 صوت)

01-01-2014 04:01 PM
الحبيب عبد الباقى الظافر تحيه طيبه انت كورتك فكت ولا شنو ؟؟ عبد الرحمن الصادق غير مرغوب فيه حتى من قبل طائفة الانصار وحزب الامه نفسه لان عبد الرحمن تحاوطه السطحية والفوقيه عبد الرحمن ليس له القدره للتحرك فى تشخيص الازمه السودانيه والعمل على حلها افقه السياسي ضيق يعتمد على العنجهيه مثله كمثل الرئيس البشير ..ومن ثم اعتمادك على ان عبدالرحمن سيجد القبول من الجميع لخلفيه اسرته فهذا ظن خاطي لان انتماء الناس لم تكن لاشخاص بل حول فكره ومبداء.


#874112 [سوداني مجدد]
0.00/5 (0 صوت)

01-01-2014 03:23 PM
ياخوانا أنتو لسه ما فهمته اللعب ؟ عمر البشير ماشي لكن حيخلي في السلطة زول يثق فيو ويضمن انو ما حيسلمو للمحكمة وما حيحاسبو ويعمل ليو حمايه عامه زي الحصل في اليمن يعني باختصار اما بكري ودا الظاهر او عبد الرحيم ودا محتمل للثقه الواضعا فيو الرئيس ومافي مرشح تاني بره الاتنين ديل لاعسكري لا سياسي .


#873767 [عصمت محمد مختار]
0.00/5 (0 صوت)

01-01-2014 10:13 AM
بس المقام ما بيسمح أقول العاوز أقولها سأحاكم بتهمة إستخدام ألفاظ ناابية و إستخدام الزراع و اليد للإتيان بحركة مسيئة للأدب


ردود على عصمت محمد مختار
United States [كمال ابو القاسم محمد] 01-01-2014 12:17 PM
مفهموم...ومعاك ألف حق...نحن أدب وتهذيب إدارة الراكوبة دا (عاجبنا وما عاجبنا)
ولك منى التحية والمودة


#873733 [مواطن x]
5.00/5 (2 صوت)

01-01-2014 09:52 AM
مجرد أسئلة تداعب المنطق/ وهل تستطيع تلك الزواحف اللطيفة المنزلية!إن توجت على رأس مملكة الزواحف!القضاء على سطوة و وحشية التماسيح والافاعي؟!!!!

اشرح لنا ذاك التمثيل لجيل الشباب الذي تتحدث عنه؟وعن أي قبول لدى المؤسسات العسكرية الذي تتحث عنه هنا؟وماذا عن تلك الجذور الدارفورية هل تجدها حقا حلا لمشاكل دارفور!أم أنك تتحدث بلغة الستينات ونحن الآن ب2014؟!!
قد يسكن هذا الرجل بعض آلام الشعب بقليل من مهدئات الحريات الزائفة!،وليس الوطن الذي سيرحب بدوره بما يسمى بالدولة العميقة التي ستتمثل في الإنقاذيين خلف الستار..

رسالتي إلى الإعلاميين والصحفيين كفاكم تخبيص! بعقول الشعب السوداني وكفاكم وصف المسكنات فهي ليست بعلاج!أنت تعي جيدا داخل أعماق منطقك أن الحل لسوداننا هذا هو جراحة جذرية لأستصال كل الأورام ثم وصف المسكنات لاحقا.. مع احترامي لشخصك ولعبد الرحمن هذا.


#873616 [سوداني]
0.00/5 (0 صوت)

01-01-2014 05:43 AM
الظافر يحب الاتيان بالافكار الغريبة


#873574 [Khalifa Majien]
4.50/5 (2 صوت)

01-01-2014 03:59 AM
خير حل لمشاكل السودان هو برامج الجبه الثوريه لانه سوف ياتي بالذي يرضا به كل ابنا الهامش لان المتضرر الوحيد من كل الحكومات التى حكمة السودان هم ابنا الهامش غير ذالك سوف يكون الامر عسير علئ كل من يحاول ان ينصب نفسه ملكا علي السودانيين الاحرار


#873570 [banjo]
0.00/5 (0 صوت)

01-01-2014 02:59 AM
حسى دا بلد ماشى لى وين


#873568 [امان ادم]
0.00/5 (0 صوت)

01-01-2014 02:49 AM
يا عبدالباقى السودان منذ الاستقلال ليه 58 سنه كل الحكام رحال البلد ماشى للخلف فشل*فشل*فشل نحت ما نكون متعصبين ندى النسوان فرصه احتمال الحل يكون عندهن وانا برشح ليكم ثلاثه امراه 1)د/مريم الامام(الصادق) 2)فاطمه احمد ابراهيم 3)بت الخرطوم2المحاميه بت عبدالرحيم


#873541 [شيبة]
5.00/5 (1 صوت)

01-01-2014 01:19 AM
عمرو مساعد الياي ماببقا ياي,ماهذة الهطرقة,وهل السودان اصبح مملكةو ليحكم بالاهواء والامزجةو والنفوس النرجسية, ياصحفي الغفلة, الشعب السوداني, برغم الظروف والمحن, اوعي بكثير من امثالك من سخفي وليس صحفي الغفلة,وحتي في الانظمة البيروقراطية, اسوء نموزج لها وهو النموزج الذي يستمد شرعيته وسلطته بالتوريث, ياخي مع احترامنا للسيد عبد الرحمن المهدي, وابوه, واخوانه, واخواته, فهم اسرة تستحق الاحترام, لكنه لايصلح ليكون رئيس ولو بالتعيين, الا اذا اتي بالصندوق, ولااظن ذلكو برغم اجتماعياتهو ومجاملاته, والتي كثرت في الفترة الاخيرةو يمكن لتلميع نفسهو برغم انه مع الزواتو واصحاب النفوذو والغبش, لايجدون منها نصيبو وهم الاكثريةو ولكنه يفتقد كريزميةو وشخصيةو الزعيمو او الرئيس القائدو وحتي والده يفتقد هذه الكريزماو ويمكن في هذة الاسرة الكريمةو السيدة الفضلي مريم الصادق تتمتع بكريزما قيادية, وكفاية كسير تلج والواطة بقت برد من كثر كسير التلج, لكي لاتصاب بالبردو والكحة


#873522 [ود ابوزهانة]
5.00/5 (4 صوت)

01-01-2014 12:47 AM
الطفل المعجزة مش فى الاول يكمل نصف دينه ويجرتقوهو عريس (بشار الاسد مثالا) بعدين يجرتقوهو لينا عشان يحكمنا؟ .. على الاقل يبدأ بمسئولية الاسرة الصغيرة بعدين يتعلم فينا الحلاقة ؟ مصيبتنا فى بعض الصحفيين كبيرة


ردود على ود ابوزهانة
[حسكو] 01-01-2014 06:00 PM
ههههههههههههههه قوية يا ود ابو زهانة


#873521 [الدبيب]
4.50/5 (3 صوت)

01-01-2014 12:46 AM
الناس لقولو ثور ده اقول احلبو يا زول انت ما عندك شغلة انحنا نتخلص من الصادق اجونا الانقاذ ونتخلص من الانقاذ نجيب ناس الامة والله انت راجل ما عندك شغلة


#873516 [ابونازك البطحاني المغترب جبر]
4.50/5 (4 صوت)

01-01-2014 12:40 AM
كم كانت قيمة الشيك يا عبد الباقي ؟؟؟؟


#873511 [ساب البلد]
3.00/5 (5 صوت)

01-01-2014 12:32 AM
******* و الله لقد قاومت رغبة في التقيؤ ****** و انا اتطلع علي الهراء ********** تلك افرازات الانقاذ الصحفية المقززة التي تسيل منها صديد الكلمات المريضة ****** تلك هي كلاب الصحافة الكيزانية ذات العقلية الامنية الخربة ******** تنبح علي صفحات الصحف ****** حتي تنال عظم الرضا من اسيادها ******* هذا زمن الانحطاط الصحفي ****** الذين تركوا السبق الصحفي بالتسابق علي موائد السلطان ********* يجب كتابة اسماءهم المخجلة في قائمة سوداء كوجوههم ******* عندما تذهب الانقاذ الي الجحيم يكونوا في مقدمتها غير مأسوف عليهم ******


ردود على ساب البلد
United States [سودان وضااااااااع] 01-01-2014 09:09 PM
انت صح ياساب البلد وانا برضو سبت البلد

United States [منطق عجيب] 01-01-2014 06:57 AM
كلام عبد الظافر موضوعي ومعقول. بالله ما الذي يدعوا للتقيؤ!ومن تتوقع ان يحكم ومن اين نأتي به هل ننتظر مخلص يأتينا من السماء. عبد الرحمن المهدي شخصية عامة تتمتع بالقبول والقدرة .وهل تعتقد اذا كلفت بأختيار البديل هل تستطيع ان تأتي بشخص اكثر مقبولية لااظن هذا. ياجماعة نحن نريد التغيير والحرية والتداول السلمي للسلطة.نبدأ بأي شخص يمكن له ان يأمن الحد الادني من القبول وسط عموم السودانيين.ياسر عرمان او عبد الواحد محمد نور او أي شخص. كل السودانيين لا يعجبهم العجب للصيام في رجب حتى ولو جاء الملك سليمان عليه السلام لما رضوا به.كل المطلوب الحرية واي شخص يحكم يمكن تغييره لك اربع سنوات. والسلام


#873510 [jahman]
4.50/5 (2 صوت)

01-01-2014 12:30 AM
اقتباس : جزور الرجل تتصل بدارفور عبر جدته التي كانت حفيدة واحد من سلاطين دارفور . هههههههههههههههههههههههههههههههههههههههههههههههههه . انت يا ود الظافر الظاهر عليك مسطول لسه عايش وهمة المهدي باهل دارفور 2014قال المهدي قال


#873509 [النيل أبونا والجنس سودانى]
5.00/5 (1 صوت)

01-01-2014 12:29 AM
الببارى الجداد بيوديهوه الكوشه .


#873455 [AburishA]
2.69/5 (6 صوت)

12-31-2013 11:13 PM
لك التحية أخ الظافر... هذه هي الحيثيات التي استندتم عليها لترشيح عبدالرحمن الصادق للرئاسة..واسمح لي التعليق عليها (بطريقتي الخاصة)!!

1/اتخذ قرار الاستقالة بشجاعة من حزب الامة يستطيع ان يوحد هذا الشعب المهدد بالحروب والفتن..
**(ماهي العلاقة بين قرار الاستقالة من حزب بشجاعة وبين توحيد الشعب)!! وهل الاستقالة تمت قبل التعيين مستشارا ام بعد التعيين؟ (هناك اتفاقات تحت التربيزة ياظافر)..

2/خلفيته كضابط تجعله مقبولا للمؤسسات العسكرية..
** من ملازم....الى عقيد...خلفيته العسكرية ضعيفة.. أسال أهل الذكر عن ذلك!!!!

3/جذور الرجل تتصل بدارفور عبر جدته التي كانت حفيدة واحد من اعظم سلاطين دارفور..كما ان الخلفية الانصارية تيسر للقائد الجديد التمدد في كل المكونات الاجتماعية بغرب السودان.
** أهل دارفور الان ليسوا كما كانوا قبل 50 عاما (كانوا يتبركون بالتراب..درب العربية التي مرّ بها ود المهدي)!! عندما كانت المناطق مقفولة لحزب الامة!! وكذلك العقول!! لاتقل جدته كانت ابنة أو حفيدة اعظم سلاطين دارفور... صدقني لو هو زاتو أصبح سلطان سلاطين دارفور.. No chance

4/لاحزاب البعيدة والموغلة في المعارضة لن تستطيع ان تتهم العقيد المهدي بانه (جبهة) وبعدها لن تجد خيار سوى المشاركة بفاعلية في الانتخابات المقبلة.
** لو لم يكن جبهة فهو مؤتمر وطني من (الباطن) او حزب أمة (ناكر).. وياخي اشتراكه في هذا النظام في حد ذاته (جريمة!!) أكيد حينزل ضده ( جعفر الميرغني) ما فيش حد احسن من حد.. ونقعد نشيل من البحر ونكب في البحر.. وكأنك يا ابوزيد ما غزيت!!!

5/عمل العقيد عبدالرحمن في القصر الجمهوري في ظروف بالغة التعقيد ييسر له من سبل التواصل مع المشير البشير فيما بعد رئاسته..
** ما يهمنا هو: ماذا قدّم !!!!

6/هذه المعادلة تمنح الحزب الحاكم ضمانات الاستمرار في الساحة بعيدا عن هواجس العزل السياسي والتجريم الجماعي.
** ليصبح السودان أكثر (ضَيعة)مما هو عليه الان.. الهواجس هي ليست العزل السياسي والتجريم الجماعي.. بل المحاسبة والقصاص..

7/خارجيا سيكون الرئيس عبدالرحمن المهدي مقبولا..سيتمكن واستنادا على (كرازما) الاسم ان يفتح كثيرا من ابواب التواصل المغلقة.
** كارزما الاسم!!!! هذه اغنية هابطة في عالم اليوم... ما يهم هو الرؤية والفكر والبرنامج..

عموما يا استاذ الظافر الورنيش بتاعك مويته كتيرة.....لك الود


#873420 [داير لي منيم في الحكومة]
5.00/5 (2 صوت)

12-31-2013 10:14 PM
يجب اغتيال (ليس القتل بمعنى الهلاك) الشخصية المهنية لمثل هؤلاء الصحافيين الذين يعملون على تجهيل وتغييب البسطاء لهوى وغرض في نفوسهم المريضة مما يستوجب القضاء على سيرتهم الصحفية حتى لا تقوم لهم قائمة Character assassination
يا قراء اشتغلوا شغل ممنهج وأشعروهم بضآلتهم في كل منبر.


#873407 [قدو قدو]
3.25/5 (3 صوت)

12-31-2013 09:55 PM
الله يخلصنا من الحكومة ومن الاشكال دى


#873390 [زهجان]
3.00/5 (1 صوت)

12-31-2013 09:32 PM
لو قلت معادلة عبدالرحمن المهدي عريساً بنتفق معاك يا الظافر


#873381 [مراقب]
5.00/5 (2 صوت)

12-31-2013 09:12 PM
تفتكر ياود الظافر ابوه الجنو سلطة ده ح يخليه ناهيك عن المؤتمر اللاوطني ...ياخ فكنا من احلامك النرجسية دي !!!!


#873361 [فارس عبدالرحمن]
4.00/5 (3 صوت)

12-31-2013 08:46 PM
ونعم الرأى والفكره يا الظافر ود المهدى يستحق ان يكون رئيسا للسودان وان شاء الله فى يوم ما سيكون هو الرئيس


#873338 [سوداني %]
5.00/5 (1 صوت)

12-31-2013 08:18 PM
دي هرطقات ساي


#873329 [moneim]
4.50/5 (2 صوت)

12-31-2013 08:03 PM
انت جادى يا الظافر ؟


#873316 [منصور محمد صالح محمد العباسي]
3.00/5 (2 صوت)

12-31-2013 07:53 PM
فكرة جميلة ،،،اذكر حينما كنا صفارا كنا نلعب البولي وكرة الشراب مع عبدالرحمن الصادق المهدي في منزلهم بحي الملازمين ،،لقد طيبا ،،سوف أرشحه واتمنى ان يفوز برئاسة الجمهورية ،،الف مبروك الرئاسة مقدما ياسليل ال المهدي ،،اصلو السودان ما يحكموه غير ال المهدي ولا ال الميرغني ولا العسكر ،،،


ردود على منصور محمد صالح محمد العباسي
European Union [ود امدر] 01-01-2014 12:20 AM
انت عبيط ولا كسار ثلج

European Union [سلطان] 12-31-2013 08:45 PM
أول حاجة إنت كاتب اسمك رباعي :"منصور محمد صالح محمد العباسي" ما عندك جواز سفر عاوز سعادتو يطلع جواز و"فيسا" للسعودية؟؟
تاني حاجة "حينما كنا صفارا" صفار دي شنو؟؟
"كنا نلعب البولي"
البولي دي فولي Volly Ball ولا بولو ولا بليِّ ولا لعبة جديدة؟؟
ها يا ناس ما تحطموا آمالنا أكتر من كده


#873308 [جاكومه]
4.50/5 (2 صوت)

12-31-2013 07:44 PM
كدى يا جماعة باركوها , قبل كده جربتو ( نميرى 16 سنة ) وكان فضل ليهو 3 سنوات ويكون فى عمر الزهور عمر الهنا < وحليل وردى > ويمكن كان ان يرزق بطفل يغير مجرى تاريخ السودان ,!!

وبعد داك جربتو ( البشير ) صاحب الرقم القياسى الذى تجاوز عمر الزهور فى الحكم عن سابقه ب 6 اعوام ولم يلد حتى فارا لهذا البلد !!

عشان كده باركوها ياجماعة وجربو ( حكم العزابى شوية )!!

وكده نكون قد اكملنا 3 اركان ( ما بين القادة والاركان ) لنحقق للشاعر نزار قبانى ( فنجاله)انى
خيرتك فاختارى ما بين الموت على صدرى ,, او فوق قصائد شيكان!!!


#873303 [sudani2014]
4.75/5 (4 صوت)

12-31-2013 07:40 PM
دا شنو يا الظافر
انتو يعني عشان محمد احمد المهدي كذب زمان قبل اكتر من مية سنة على السودانيين البسطاء الذين كانو يعانون من بطش و جور المصريين و الاتراك و قال هو المهدى المنتظر و صدق كضبته و صدقه السواد الاعظم من اهل السودان - لازم يجو اولاده و احفاده يحكمو السودان واستنادا على (كرازما) الاسمزي ما قال الظافر.

وروني عبد الرحمن دا قدم للسودان شنو - خريج الكلية الحربية الملكية الاردنية دا

فر مع ابوهو في تهتدون - و حارب الكيزان في الشرق مع بقية العملاء التانيين

دفن الالغام بشرق السودان بهمشكوريب و التي لا يزال يعاني منها اهلنا البسطاء في الشرق

ثم صالح به ابوه المؤتمر الوثني و ادخله في السلطة.

ظز فيهم كلهم - وانا شخصيً ضد الديموقراطية القائمة على الطائفية و السذج من اتباع سيدي و سيدي

شعب السودان فيهو الملائين من المتعلمين و المثقفين الذين لديهم المقدرة على حكم السودان.

بلا مهدي بلا كلام فارغ.


#873265 [صابر]
5.00/5 (2 صوت)

12-31-2013 07:01 PM
دا الناقصنا يا عبد الباقي الظافر
طيب ما ترشح نفسك إنت أو أحمد البلال الطيب ما برضو سودانيين وشغالين في "السلطة الرابعة" في هذا الزمن الكئيب. وكما زيكم كثيرين من الطبالين والعشابين والدجالين، أصلو الشعب دا ما جرب كل أنواع الخوازيق.
حسبي الله ونعم الوكيل


#873263 [صابر]
4.00/5 (1 صوت)

12-31-2013 07:01 PM
دا الناقصنا يا عبد الباقي الظافر
طيب ما ترشح نفسك إنت أو أحمد البلال الطيب ما برضو سودانيين وشغالين في "السلطة الرابعة" في هذا الزمن الكئيب. وكما زيكم كثيرين من الطبالين والعشابين والدجالين، أصلو الشعب دا ما جرب كل أنواع الخوازيق.
حسبي الله ونعم الوكيل


#873252 [أبومصطفى جيفارا]
4.50/5 (3 صوت)

12-31-2013 06:54 PM
نقدم إعتذرات النابغة الذبياني لنبتة عساها تشفع عند محياها الموشح بالمهابة
وليلة الميلاد....تحفنا...صبابة ...لكي نبتة...الخلود...أبد الوجود...غدا لكي نعود
مازال هذا الشعب يثبت إنه حقير الا النذر اليسير....يقول مقدم العريضة إنها
أي...الأستاذة/فاطمة ...أسأت للشهداء ....كيف ذلك؟؟؟أم إنك معتوه....أوضمن من ذكرتهم
هل أسأت لشهدائنا بعد مهزلة محاكمة الشجرة....؟هل أسأت لشهيدنا بالأمس القريب .....
عبد الجليل محي الدين عبد الجليل الذي أٌقتيد من بقالته بكادقلي!! هل أسأت للشهيد د/خليل..
أم لجون قرنق الذي أغتيل....غدراً وغيلةً....كفى ...كفى ...قطيع النعام......وأ/فاطمة نسيت أن
تشير لمقالة الدكتورة حرم شداد بصحيفة الوطن قبل عدة سنوات....وكيف أن الصالح العام هدم
كل إرثنا....ماذا فعل الجنويد....بنساءنا بدارفور الكبرى وكردفان..وميليشات الحكومية تحت سمع وبصر
العالم أجمع ....وأمس راينا بيان آل المسيرية بالراكوبة....المٌوقع ب(شمم) عما فعله الجنويد بالخرصانة عاثوا
فسادا...وإفسادا....وما ذكرته البرلمانية....عن زواج المثليين داخل البرلمان بالأمس.....أليس كافيا أن الشعب زاني... وتافه...وساذج ...مدمن...وسطحي...حرامي...وحقير ألا........... ألا...النذر اليسير.....
يبحث مقدم العريضة عن شهرة كذلك المحامي... لماذا لم ترفع ضد البرلمانية الشهيرة التي أصابت كبد الحقيقة
الحكم المطلق مفسدة مطلقة....والتعميم ...قد يكون فيه بعض الإجحاف....للأخرين ...لكن نسبة الإنحطاط علية جدا وقناة النيل الأزرق أفردت حلقات عن المخدرات بالمدراس والجامعات ..والمال الذي يدور في المخدرات
أكثر من نظيره بالبترول...كان هذا عدة سنوات ..إرجعوا لأرشيف القناة.. ولا أدري مغزي أن يكون مقررا لنا يوميا ان نلتقي بهذا الفاني الخاسر السمج...رايته مرات عديدة عبر...قناة أمدرمان..قمة السذاجة والسطحية
(عبدالباقي....وما ادراك ما عبد الباقي.....كيف ...باقيا...وكيف ظافرا....لا اسلوب سلس....ولافكرة...ناضجة)
وهذا لعمري...ما يوصف...ببرجزة..التفكير...وعهر..الأسلوب ...ونرجسيةذاتٍ.. خاوية....فيصدق إنه..الصواب
كيف لا...............وعلى شاكلته كثر راشد...وضياء...والهندي و..الخ...كان الله في عون نبتة وأبناء نبتة
أن الفاتح التجاني وحسن ساتي..وعبدالرحمن وحسن مختار.وبشير محمد سعيد...وبقية العقد الفريد
لاشيء ...أمام إبداعه...وتفرده...(واليوم تتضح سذاجته}.الاحزاب البعيدة والموغلة في المعارضة لن تستطيع ان تتهم العقيد المهدي بانه (جبهة) وبعدها لن تجد خيار سوى المشاركة بفاعلية في الانتخابات المقبلة{.
قمة السذاجة والسطحية...ماذا يفعل أبطالنا الاشاوس الرفاق في الجبهة الثورية..؟؟ طرحك غبي كغباء المتأسلمين أمثالك...هيهات....هيهات...إنتخابات..هيهات...ويتجلى التبلد والبلاهة..انظر ماذا يقول...
(وصول المهدي الصغير الى القصر الرئاسي بهذه المعادلة سيمثل هبوطا ناعما للازمة السودانية وكسر للقاعدة التي تتحدث ان الحكومات الانقلابية في السودان لا تستطيع ان تعدل مسارها الا بانتفاضة شعبية.)
ومقالاته مرة...’ينظر...بناءا لإمرة شيوخه...ومرة يمدح..ولي نعمته...عليوة..غراب البين (نقاءه كبياض ثوبه
هو حر...في نفاقه وترهاته...وفساد خلقه...لكن ...أن...تفرضه علينا الراكوبة...فذاك مدعاة للدهشة والتعجب
أ/فاطمة...نختلف معها...كثيرا....ولكن...لانها أنثى....كل من هب ودب يتطاول عليها..وذلك المعتوه الذي قدم عريضة...لينال شهرة...أو وطرأ... فهذا زمن الإنحطاط السوداني في كل شيء...وذاك المحامي ...الذي إنتفخت أوداجه...ونفش ريشه...مطالبا بجمع التواقيع...بدلا من هذا أرفع...دعاوى عن إغتصاب النساء..بمناطق التماس...إرفع دعوى تنصف أهلنا ..المسيرية...ضد ما أرتكبته ميليشيات الحكومة بمنطقة الخرصانة ومناطق عديدة عاثت فيها كلاب الجنجويد...فسادا...، لم أتشرف قط...بمعرفة الأستاذة فاطمة...ولكن هذا حتمه علي واجبي وضميري...وإحقاق الحق ...ونحن بالمهاجر والمنافيء.....يصلنا بعضاً من إنحطاط الداخل
نعزي نبتة...من نمولي..لحلفا...في أبنة نبتة البارة.....القامة...الشامخة...سعاد...لها...الرحمة...ولنا الصبر...
وأن يمد الله في أيام أستاذنا/الفيتوري.....ويمتعه بالصحة والعافية.....مع تحياتي...عيد ميلاد مجيد...


ردود على أبومصطفى جيفارا
United States [مواطن x] 01-01-2014 11:40 AM
لا أعلم إن كنت أدركت مغزى رسائل من هم بالسلطة الرابعة أو من هم بالسلطة الحاكمة يا جيفارا


لكن سأوضحها لك بالسوداني البسيط،((هم بكل بساطة بردوا على الشعب برديحة مكاواة،فكلام فاطمة والبرلمانية و البرلماني بتاع الكسرى بالطاطم،وغيره،فحوى رسالتهم كالآتي: نحن عارفين انتم بتعملوا في شنو ما برانا نحن الكعبين انتم زاااتكم كعبين ونجسين ما أطهر مننا فما تعيشوا لينا دور شعب الشريف الرضي!،وتتكلموا عن حاجات ما ليكم فيها شغلة،لو كنتم شعب فاهم ومتعلم كان نحن حكمناكم بالعدل وبالقانون لكن انتم كده شعب بليد مسكين مليان بأمراض نفسية وعقدة نقص وخرمان،فرووقوا عشان ما نفتح الدفاتر القديمة المليانة عفنكم وعفنا!!،وطبعا هم بعمموا لأنه عارفين كويس ما كل الشعب كده،وعارفين كويس جزء كبيييير من الناس الما كده حتنشغل بالمواضيع السطحية دي زعلة ساي وكمان لأنو معظمنا بنحب السواطة في العجين،فهم عارفين شغلهم وعارفين يمغصوا الناس وعارفين يجننوا العاقلين ويدخلوهم في مية صينية!،لكن الأمل الطفيف الواحد بتفائل بيه هو انو ده كلو عبارة عن مواجهة بين الشعب والسلطة بالكلام ودي البداية ده البنتفائل بيهو))

انتهى التبسيط السوداني الظريف الأكيد انت عارفه،بس حبيت للماعارف.....والسنة الجاية انشالله من دون كيزان ولا جركانات ولا باغات...

European Union [ود الدكيم] 12-31-2013 08:29 PM
"لاكين" يا زميل الفصاحة وامتلاك نواصي الكلم ما حقتك براك.
جننت الكلم جن


#873235 [الصلاحابي]
0.00/5 (0 صوت)

12-31-2013 06:43 PM
من الواجب والاخلاق والوطنية ان نحترم الشعب السوداني
واحترام الشعب باسقاط هذا النظام وبديله دولة المؤسسات
والديمقراطية والتداول السلمي للسلطة.
اما ترشيح من شارك في نظام القمع وشارك في نهب مال الشعب
غير لمؤهل لتطبيق دولة المؤسسات وهي ليست توريث الشعب يطالب
بكيفية الحكم والضمان هي دولة المؤسسات والشعب السوداني به رجال
وطنيين


#873205 [و البلد المثالي]
5.00/5 (1 صوت)

12-31-2013 06:22 PM
ياخيبتك على هذا الكلام كم دفعوا لك ايها الجبان لتكتب كم الثمن الذي قبضه مقابل ان تتحدث عن سيدك ارحل عنا انت و هو فالسودان لا يحمكم بالاسياد


#873189 [ابوالديس]
0.00/5 (0 صوت)

12-31-2013 06:13 PM
1-هذا المسمي الظافر هو واحد من افرازات سبيل الانقاذ الخلفي
2-لم يصدع ولا مره بكلمة حق واضحه امام جنرالات الانقاذ ودائما يلف ويدور امام الحقائق ويتعامي عن ضل الفيل وله خلفيه كيزانيه معروفه
اما عن الرجل الذي ينادي بتنصيبه رئيسا للبلد:
1-لم يتزوج حتي الآن ما يعني قطعياانه فاقد للاهليه الاجتماعيه التي تؤهله لتكوين اسره وما يعني نظريا انه قد يكون فاقد للاهليه الذكوريه للنكاح (يعني ما كويس) ولسخرية القدر فهذا يتسق تاريخيا مع اتنين من العساكر الحكمو السودان نميري والعجل الاسمو البعير دا.
2-هو وابوهو الاتنين فشلو ولم يستطيعو توحيد حزب الامه فكيف يكون هو خيار لحكم السودان؟
3-وضع يده في يد الحراميه والفاسدين مما سيعرضه للحساب طال الزمن ام قصر
وسخ وقلة حيا...................


ردود على ابوالديس
European Union [اب زرد] 01-01-2014 02:31 AM
لذيذه نمره 1 و 1


#873170 [ام عمرو]
5.00/5 (1 صوت)

12-31-2013 05:51 PM
قال عبدالرحمن قال..هسي عبدالرحمن ده سوي شنو منذ تعيينه في القصر. والله اي راجل يسعي علي رزق عياله مؤهل اكتر منو للرئاسة.


#873169 [اسامة على]
5.00/5 (2 صوت)

12-31-2013 05:48 PM
ولماذا لم ترشح السيد جعفر الصادق ماهو برضو عندو اتباع ويعتبر شخصية محترمة وليس مهاترا ولم يحمل السلاح ضد الدولة وعينو ملانة وحسن التربية وبرضو يعتمد على كاريزما الاسم
وماشى بعيد ليش ماترشح شيخ الامين بتاع بيت المال مابرضو عندو اتباع من الجكسى ومحايتو ببسى
...خليك فى عدسك بالزبادى احسن


#873168 [احمد]
5.00/5 (2 صوت)

12-31-2013 05:48 PM
والله لم اكمل قرا'ة هذا السخف بعد ان قرا'ت وقد قدم عبدالرحمن المهدي استقالته من حزب الامه بشجاعه ، قدمها عشان يحرر السودان من المستعمر؟ قدمها عشان الوظيفه والرتبه الفي كتفه دي ومنو قال ليك حيكون مقبول في الجيش زول قاري عسكريه في الاردن وما ضرب طلقه واحده ورقوهو با'تر رجعي من ملازم لعقيد وما حصلت لضابط واحد من الالاف الصيعوهم الكيزان من الجيش والشرطه وبتفتكر الامام الحبيب بصيع في شعب السودان والبلد ليه لانه كله بتمنه ، وديل بعد كدا الا تعيين ، انتاخابات تجيبهم الا في الحلم ، ما تفتكر السودان بعد زوال هذا النظام حيكون السودان طايفيه وانتخابات والصادق والميرغني وووو. لا يا اخي اللعبه اتغيرت ديل زبحوا الشعب وتفرجوا علي زبحه من قبل الكيزان والشعب مغبون عليهم كالكيزان واكتر ، قاتلهم الله جميعا, ما دام حكمنا السفاح لا نستبعد (تعيين) (اليوزباشي) عبدالرحمن المهدي حاكما عاما علي عموم السودان.


#873145 [احمد]
0.00/5 (0 صوت)

12-31-2013 05:35 PM
والله لم اكمل قرا'ة هذا السخف بعد ان قرا'ت وقد قدم عبدالرحمن المهدي استقالته من حزب الامه بشجاعه ، قدمها عشان يحرر السودان من المستعمر؟ قدمها عشان الوظيفه والرتبه الفي كتفه دي ومنو قال ليك حيكون مقبول في الجيش زول قاري عسكريه في الاردن وما ضرب طلقه واحده ورقوهو با'تر رجعي من ملازم لعقيد وما حصلت لضابط واحد من الالاف الصيعوهم الكيزان من الجيش والشرطه وبتفتكر الامام الحبيب بصيع في شعب السودان والبلد ليه لانه كله بتمنه ، وديل بعد كدا الا تعيين ، انتاخابات تجيبهم الا في الحلم ، ما تفتكر السودان بعد زوال هذا النظام حيكون السودان طايفيه وانتخابات والصادق والميرغني وووو. لا يا اخي اللعبه اتغيرت ديل زبحوا الشعب وتفرجوا علي زبحه من قبل الكيزان والشعب مغبون عليهم كالكيزان واكتر ، قاتلهم الله جميعا.


#873135 [كاك]
5.00/5 (3 صوت)

12-31-2013 05:23 PM
العقول الصغيرة تفكر في الاشخاص والعقول المتوسطة تفكر في الاحداث والعقول الكبيرة تفكر في الافكار في القرن 21 جالس تتكلم فلان ابن فلانة وعلان يقدر يحكم جابوك من وين انت مفصول من الصحافة من اليوم فصاعداً الحمار يفكر احسن منك


#873134 [Sarah]
0.00/5 (0 صوت)

12-31-2013 05:23 PM
تم الناقصة بلى يخمكم


#873130 [النعمان عباس]
0.00/5 (0 صوت)

12-31-2013 05:19 PM
الاستاذ عبدالباقي الظافر كنا نحسبك قائل حق و صحفي متمكن لكن بمقالك هذه بينت لنا العكس تماما ننادي و تنادي بالحريه و الديقراطيه الاصيله بحكم الشعب بالشعب و للشعب و لكن امثال الساده و اولادهم ليسو من الشعب وهل السودان اصبح عقيما حتي يراسنا ابن الامام ونتوقع ان يظهر واحد من امثالك ليولي مريم رئيس علي سودان الخير الذي تكالبت عليه المحن


#873120 [silk]
5.00/5 (4 صوت)

12-31-2013 05:13 PM
.


ردود على silk
United States [silk] 12-31-2013 09:19 PM
رحم الله خضر بشير عندما شدا (إن فى الصمت كلاما)..لم نصمد بها وأكررتعليقى المفقود الذى ه نودع به أخبارالعام المنصرم :ـ(الأميرة)مريم..وشقيقها (الأمير) المساعد عبدالرحمن.. نسل (أمام النرجسية).بل أبو الكلام الذى أصبح (أبو الزفت) معبد طريق السلام حتى الفلبين ليتسلم جائزة (قوسى للسلام). التى طمرت جائزة( نوبل) المغمورة فى أرض الجزيرة و(الجنوب!) المغمورة.. تجرى فى دماءهم حب السلطة والتسلط. ويهدفون الى تبوء منصب رئاسة الجمهورية.وأمكن تتوج ب (الملكية).وهى حلم أبيهم وجدودهم..وولوجهم دنيا السياسة المورثة من صلب الطائفية يهدف لذلك... نكرر لهم ( تثميننا لدورالئائر (مجمد أجمد بن عبالله) فى مسار الثورة السودانية ضد (الجباية) والظلم..لن (يورثهم) البلاد والعباد ..وأن (النار) قد ولدت (رمادا) ..ولم ولن يلد (الرماد) نارا..فعلى جميع نسل (سجم الرماد).وأد الانتفاضات . وبقية الطائفين .والمتأسلمين .أعتزال السياسة..و(الهؤلاء)صدق عليهم قول الله تعالى..*(إِنَّكَ إِن تَذَرْهُمْ يُضِلُّوا۟ عِبَادَكَ وَلَا يَلِدُوٓا۟ إِلَّا فَاجِرًۭا كَفَّارًۭا)الآية﴿٢٧﴾نوح* صدق الله العظيم.....نحن رفاق الشهداء..الصابرون نحن..وثورة حتى النصر.. لتكنس (بصمة) الأحزان التى خلفها (الأمام)..وعام (جديد)..ليصبح (سعيد) بإنتصار الإنتفاضة المستدامة..بإذن الله ..والله أكبر ولله الحمد..والشكر..


#873107 [صلاح خضر عثمان]
0.00/5 (0 صوت)

12-31-2013 05:05 PM
موضوع يرفع الضغط والسكرى .... انت يالظافر بى جدك يتكتب .. بمعنى آخر هل انت جاد فى طرحك هذا ... ام بتكتب فى مسرحية جديدة يتم عرضها على الشعب السودانى ... ياخى نحن كرهنا الكيزان ودين الكيزان واى واحد عمل مع الكيزان ولا جابوا الكيزان ... فكنا من المسرحيات البايخة دى ....


#873099 [ود الدكيم]
4.00/5 (1 صوت)

12-31-2013 04:57 PM
.


ردود على ود الدكيم
European Union [ود الدكيم] 12-31-2013 08:20 PM
أبيات الشعر ديل لكُثَيَّـر عـزَّة:

ويـعجبك الـطرير إذا تراه ** فيخلف ظنك الرجل الطرير
بـغاث الطير أطولها رقاباً ** ولم تطل البزاة ولا الصقور
خشاش الطير أكثرها فراخاً ** وأم الـصقر مـقلات نزور
ضعاف الأسد أكثرها زئيراً ** وأصـرمها اللواتي لا تزير
وقـد عظم البعير بغير لب ** فـلم يـستغن بالعظم البعير
يـقوّده الـصبي بكل أرض ** وينحره على الترب الصغيرُ

والزول ده ورنيشو أخير منو الزيت الراجع


#873092 [حد بيعرف احسن م الحكومه!!]
0.00/5 (0 صوت)

12-31-2013 04:48 PM
اها يا عبّاقى يا ظافر .. النائب ألأول بتاع عبرحمن (المرشح بتاعك لرئاسة الجمهوريه) منو فى نظرك حيكون او حقو يكون ؟ طبعا ما حترشح (ود المرغنيه) جعفر الصادق عشان الناس الما "ناقشه" يقومو يفتكروهم اشقاء او اولاد ابو بجامع اسم "الصادق" اللى يتبع ألأسمين عبرحمن وجعفر.. احسن مرشح لمنصب النائب ألأول هو الزول ألأتعشيت معاه "عدس وزبادى" فى ودمدنى. قول لى ليه؟
* اولا..بحكم تكوين اسمو ثلاثيا : "ألزبير ... بشير... طه" فهو يمثل ألأمتداد الطبيعى للأنقاذ وللمؤتمر الوطنى اسماء ورموز ..اسم الزبير امتداد للكبير محمد صالح.. بشير وطه ما دايراتن ليهن شرح!!
* ثانيا.. انوهو الوحيد اللى جر!ب العمل فى اكثر من خمسه مواقع ذات حضور واسع المرتكزات فى العهد ألأنقاذى "الظافر" ..(1) كبير الدبابين ..(2) مدير جامعة الخرطوم..(3) وزير الداخليه...(4) وزير الزراعه..(5) والى الجزيره .. هذا اضافة الى درجته ألأستاذيه ومعرفتو الفلسفيه الرفيعه وتدريسو فى جامعة الخرطوم..
ثالثا.. الراجل دا بحكم عملو فى التعليم (وكمان تعليم عالى) يخليه يكاد يكون من الرسل كما قال امير الشعراء .. فهذا تميز وظيفى متعدد الخبرات متفرد بيهو براه بين ألأنقاذيين ..
رابعا.. ما اكتسبه من مهارات ادارة الحروب والقيادة الميدانيه ومشاركته فى "ألأبو كرشو لها" الى جانب خبراتو مع ألأجهزه النظاميه كوزير للداخليه .. وما تنسى يا ظاهر خبرتو الزراعيه كوزير للزراعه ووالى الجزيره .. اكيد ألأمام الرمو حيرشحو للفلبينيين لأستحقاقو جائزة القواسى بعد ما يصتح نائب قائد جيش ألأمه .. لأنو دى تتكامل مع خبراتو السابق ذكرها.
خامسا.. منو فى ألأنقاذيين يفترض ان يترقى الى منصب اعلى اكتر ممن اكلت معاه "ملح وملاح" .. اها رايك شنو.. بس لازمة تتكلم مع ألأمام الحبيب الرمز عشان يتولى الموضوع مع البشير قبل ما الحاجه هديه بكون اوصت بتقديم عبرحيم ود امحمد ود الحسين للوظيفه .. عشان البركه تتكامل وألأسناد يتم.. "عبرحمن وعبرحيم" .. شوف حلاوة النغمه والجرس (بسكون ألراء) خير وبركه على الشعب السودانى ان شاء الله سبحامه وتعالى..


#873083 [زول وطني غيور]
0.00/5 (0 صوت)

12-31-2013 04:43 PM
لا زال البعض يصدق أن البشير سوف يترك الكرسي ويغادر كده بسهولة، هل نحن مغفلين إلى هذا الحد؟؟ إذا كان البشير سوف يترك السلطة ويمشي بسهولة كده لماذا أذا تلك الوحشية التي قمعت بها المظاهرات الأخيرة؟؟ ياناس فكروا شوية!!


#873075 [ابو دعاء]
5.00/5 (2 صوت)

12-31-2013 04:36 PM
مقال لا يساوى المداد الذى كتب بة
مقال مدفوع الاجر
مقلا لشخص منبطح
غور بلا يخمك بلا عبد الرحمن بلا مهدى


#873062 [أنس]
5.00/5 (1 صوت)

12-31-2013 04:29 PM
بئس الفكرة والمقترح وبئس صاحبهما


#873010 [ابو لينه]
5.00/5 (2 صوت)

12-31-2013 03:50 PM
ارحمنا رحمك الله
يالظافر فترنا من المربع دا


#873003 [احمد]
5.00/5 (3 صوت)

12-31-2013 03:44 PM
ما عندك موضوع يالظافر داير تلمع ود المهدى عشان يكون رئيس ..يبدو إنك حلمت فى المنام ودالمهدى بقى رئيس السودان وبمجرد ما قعد فى كرسى الرئاسه اصدر مرسوم بتعيينك مستشار إعلامى


#872986 [ابوفارس]
4.82/5 (5 صوت)

12-31-2013 03:33 PM
انت ماشي بعيد ليييه ؟؟؟
ندي القلعة أفضل من تدير الحكم بالسودان ...علي الأقل لها اتباع وقبول اكثر من زولك ده .... يا جماعة نحن اصابنا الهوان للدرجة دي!!!!!!!!!!!؟؟؟؟!!!!!!!!!!!!!! زولك ده ما عندو قبول , والقبول شئ رباني ...بصراحة الزول ده انا في المواصلات ما بركب جمبو


#872968 [Saloomi]
4.91/5 (6 صوت)

12-31-2013 03:21 PM
حل المشكلة يبدأ من سكوتك او اسكاتك وأمثالك فكرة ضيقة وفطيرة يتكلم كأنه عبقري زمانه روح نم


#872960 [seraj]
5.00/5 (2 صوت)

12-31-2013 03:17 PM
لعنة الله على الأمة أن كان مثقفيها على شاكلتك ،،،،،،، ويهون السودان أكثر بأمثالك وأمثال من ترتضي أن يحكومك ،،،،،، عسكر مين وبطيخ مين قم جاك بلاء


#872922 [hijazee]
5.00/5 (2 صوت)

12-31-2013 02:48 PM
يا ادارة الراكوبة حرام عليكم ما تبقوا انتم كمان علينا مع الانقاذ والزمن مقال كريه من هذاالنوع يجب الا ينشر فى الراكوبة بدعوى حرية الراى. التعليقات الواردة على هذا المقال توضح مدى فوران الدم الحصل للقراء.بالله يا الظافر انت ما تختشى على حالك معقول تهبط لهذا الدرك السحيق من الافكار الفطيرة. رد الله غربتك النفسية والعقلية امييييين


#872906 [مطر الرشاش]
5.00/5 (3 صوت)

12-31-2013 02:29 PM
خربانة أم بناية قش بلدما فيها تمساح يقدل فيها الورل . القنطور أصلو تراب .الصادق دخل السياسة وهو شاب ولحق يبقى رئيس لكن ماذا قدم ؟ .... أم جركم ما بتاكل خريفين ... وعبد الرحمن الصادق ليس بالجدارة التي تؤهله لحكم السودان طال الزمن أم قصر ..معليش نحرم أنصارية الذين يطبلون بدون وعي ولا موضوعية ... الله يكون في عون كل من تسول له نفسه حكم بلد أهله ليسوا على قلب رجل واح أو رشيد ...


#872900 [كاتوحة]
0.00/5 (0 صوت)

12-31-2013 02:26 PM
أنا هسع شفتا الصورة دي قلت الزول ده خلاص (دخل القفص الذهبي) يعني عرس واختو فرحانه بي جديدو وبتزرغد ليهو؟؟!!!


#872885 [يوسف الخليفة]
5.00/5 (2 صوت)

12-31-2013 02:13 PM
تنفع يا عبد الباقى مؤلف قصص الخال العلمى


#872883 [ماجد]
5.00/5 (2 صوت)

12-31-2013 02:12 PM
يا الظافر رشّحت ولد الصادق و نسيت ولد الميرغني و هذا خطأ فالسودانيين محتاجين لإسياد يجعلوا نساءهم ملكات يمين ينكحوا منهن ما طاب مائة أو مائتين كما أجدادهم المهدي أو الميرغني ... و طبعا السودانيين محتاجين لمن يعملون له بالسخرة مقابل عشرة أمتار في الجنة .. العالم يسير للأمام و ناس عبد الظافر يريدون جرنا للخلف حيث الظلام و العفن و النتانة ، ياخ ده ما ينفع رئيس نادي رياضي من الدرجة الثالثة تقول رئيس جمهورية .. ده شنو ده ... قوم لف .



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


صفحة 1 من 3123>
مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة