الأخبار
أخبار إقليمية
ابراهيم غندور : انتهى عهد شيلني وأشيلك في الخدمة المدنية
ابراهيم غندور : انتهى عهد شيلني وأشيلك في الخدمة المدنية



تكوين لجنة لوضع معايير للخدمة المدنية للتعيين في الحزب والدولة
12-31-2013 09:23 AM
الخرطوم: سعاد الخضر
أقر المؤتمر الوطني بوقوع تجاوزات في الخدمة المدنية ووقوع مظالم فيها بسبب الشلليات وما أسماه بنظرية شيلني وأشيلك كاشفاً في الوقت ذاته عن تكوين لجنة لوضع معايير للخدمة المدنية للتعيين في الحزب والدولة وقال مساعد ونائب رئيس الجمهورية لشؤون الحزب بروفيسر إبراهيم غندور إن السودان مستهدف ولم يرتاح يوماً لأنه اتجه للتنمية والبناء واتهم جهات لم يسمها بتسليح وإنشاء حركات التمرد، وترغم كدا مسيرة التنمية ماشة ، كاشفاً عن تكوين لجنة لوضع المعايير وتابع: نريدها معايير تتجاوز الاستلطاف والشلة و شيلني وأشيلك وجدد تمسك الحكومة بأن إكمال السلام لن يكون إلا بالحوار ولكنه عاد ليؤكد أن الحوار لن يكون مفتوحاً وتابع: «ما أي زول شال ليهو سلاح ويقتل الناس نحاورو » مؤكداً على أن الحوار مربوط بالقوة حتى يتم حسم المتفلتين وقطع بأن السلام في دارفور سيتم وفق ما تم الاتفاق وشدد على إعمال مبدأ المحاسبة بالحزب بتفعيل لجانها في كافة المستويات وإعمال معايير العدالة في الخدمة المدنية وقال: في كثير من الأحيان تغيب قضية العدالة ونأخذ البعض بدون معايير، وأكد إن حاجة الخدمة المدنية لإعمال مبدأ الشفافية وأن كثير من مؤسساتنا يقودها شخص واحد إذا صلح صلحت، وأقر بصعوبة الظروف الاقتصادية التي تمر بها البلاد، وقال إن قضية الحديث باسم الحزب سيتم حسمها في مصفوفة الإصلاح حتى لا يبدو أن للحزب أكثر من رأي فيها.

الجريدة


تعليقات 16 | إهداء 0 | زيارات 2566

التعليقات
#873388 [الجبلابي]
0.00/5 (0 صوت)

12-31-2013 09:27 PM
يا أهل المؤتمر اللا وطني أنتم صحيح كما قال فيكم أديبنا الراحل ( من هؤلاء ومن أين أتوا) أنتم ليسوا ببشرية أننم شياطين رجيم نسأل الله أن يرينا فيكم يوماً ( ما بتخجلوا جاين بعد ربع قرن من الزمان تتلاعبوا بعقول الشعب السوداني وشبعتوا وأكلتوا أموال الشعب وفصلتوا البلاد إلى قسمين عايزن بعد ده كله تقولوا ما في تمكين ولا أشيلك وتشينا نعلة الله عليكم في القبل الأربعة يا حرامية يا اولاد الكلب من رئيسكم السفاح إلى أصغر حرامي عندكم


#873367 [المأفون]
0.00/5 (0 صوت)

12-31-2013 08:52 PM
انتهي عهد شيلني واشيللك ! طيب تعين د/ هدي يقولو عليهو شنو


#873307 [كاك]
0.00/5 (0 صوت)

12-31-2013 07:44 PM
انا عايز اعرف غندور كان وين قبل ما يبقي مساعد يتخيل لي اما كان بره البلد او كان في غيبوبة وصحى 24 سنة بالغلط ما اتكلم عن شيلني واشيلك وزعيط ومعيط وكسير التلج الكلمات السوقية دى


#872985 [البركان]
0.00/5 (0 صوت)

12-31-2013 03:33 PM
هذا المأفون الروبيضة هو من دمر النقابات تماما كما فعل السافل الطيب سيخة بالخدمة المدنية, بعد 24 سنة دمار ثم تمكين كوادرهم الفاسدة في مفاصل الدولة يتحدث هو ورئيسه الرقاص ان عهد التمكين قد انتهي الي غير رجعة , علي مين بتضحكوا ياحسرة.
انتظروا يوم الحساب فقد اقترب و لن يفلت احدا منكم من العقاب الصارم واسترداد كل ما سرقتم.
اينما تهربون سوف نلاحقكم و نقتص للشهداء و للذين تم تعذيبهم و للمفصولين.


#872958 [سيمو]
0.00/5 (0 صوت)

12-31-2013 03:16 PM
((((وشدد على إعمال مبدأ المحاسبة بالحزب بتفعيل لجانها في كافة المستويات)))))،،،

أى محاسبة أو لجان وبطاكس،،، أها يا هو دة القيادى فى حزب المؤتمر الوطنى بالبحر الأحمر الزانى فى نهار رمضان ب 4 فتيات فى شقة مفروشة بالخرطوم بالرغم من أنه متزوج ب 4 زوجات والملقب بالبلدوزر (الدفع الرباعى) قد تم تعيينه وزيرا فى حكومة إيلا والى البحر الأحمر فى الوقت الذى كان يجب فيه أن يتم رجمه حسب دستوركم الإسلامى،، فماذا فعلتم به؟؟

كلما يجرم أحد منكم يتم تطبيق مبدأ شيلنى وأشيلك وتتم ترقيته كيتا فى هذا الشعب الصابر،، مثال آخر المدعوة فاطمة شاش تشتم وتسب الشهداء فتنال إشادة من رئيس الجمهورية،، قبحكم الله،،


#872910 [سيمو]
0.00/5 (0 صوت)

12-31-2013 02:31 PM
((((وشدد على إعمال مبدأ المحاسبة بالحزب بتفعيل لجانها في كافة المستويات)))))،،،

أى محاسبة أو لجان وبطاكس،،، أها يا هو دة القيادى فى حزب المؤتمر الوطنى بالبحر الأحمر الزانى فى نهار رمضان ب 4 فتيات فى شقة مفروشة بالخرطوم بالرغم من أنه متزوج ب 4 زوجات والملقب بالبلدوزر (الدفع الرباعى) قد تم تعيينه وزيرا فى حكومة إيلا والى البحر الأحمر فى الوقت الذى كان يجب فيه أن يتم رجمه حسب دستوركم الإسلامى،، فماذا فعلتم به؟؟

كلما يجرم أحد منكم يتم تطبيق مبدأ شيلنى وأشيلك وتتم ترقيته كيتا فى هذا الشعب الصابر،، مثال آخر المدعوة فاطمة شاش تشتم وتسب الشهداء فتنال إشادة من رئيس الجمهورية،، قبحكم الله،،


#872908 [مقهور]
0.00/5 (0 صوت)

12-31-2013 02:31 PM
ابراهيم غندور : انتهى عهد شيلني وأشيلك في الخدمة المدنية

هههههههههههههههههههههههههه

انت ذاتك شايلنك و رئيسك شالينو... اه الفهم كيف..؟


#872842 [ضل الدليب]
0.00/5 (0 صوت)

12-31-2013 01:31 PM
انا اقول لك يا غندور فقد انتهى عهد الحديث فى المنابر ، فلا انت ولا غيرك يستطيع ان يصلح الخدمة المدنية فى الوقت القريب وتظل شيلنى واشيلك وطريقة ما تيسر فى العمل مستمرة الى زمان طويل. الشاهد ان الوضع فى السودان يحتاج الى معجزة وهذه المعجزة مفتاحها العلم والاخلاص فلا صلاح لعلم بلا اخلاص ولا اخلاص بلا علم اصلا.
نظرية المؤامرة وان السودان مستهدف اصبحت غير منطقية ولا يقبل بها عامة الناس ناهيك عن المثقفاتية ،،، دعونا نجلس فى التراب ونلقى لينا وسائل تخرجنا من ظلمات التخلف ومستنقعات التقهقر القذرة.....ولكن لا يصلح العطار ما افسد الدهر...


#872827 [ابوريدة]
0.00/5 (0 صوت)

12-31-2013 01:12 PM
زمان السودانيين بقولوا علي الزول البليد وفهمو تقيل (دا مخه بجي الساعة 12) ، لكن يا ناس الانقاذ إنتوا كملتوا البلادة كلها ومخكم بجي بعد 25 سنة !!!!!!!!!!!!!


#872825 [amar kuku]
0.00/5 (0 صوت)

12-31-2013 01:12 PM
I think this is new chapter open from biggest liers in the world the national congress party


#872808 [عزة]
0.00/5 (0 صوت)

12-31-2013 12:54 PM
أووووووووووووووووووووووووووووووععععععععععععععععع
طمام استفراغ ولا اقول ليك تعمل طراش يا بتاع كسيرالتلج
مطلب الشعب السودانى هو زوال الانقاذ بكل الوسائل
مقابل عدم تسليم البشير فقط لاغير
احسبوها صاح يا شعب السودان الابى
ضمان عدم تسليم البشير هو احد الوسائل لذهاب الانقاذ عاجلا


#872781 [مظلــــــــــــــــــــــوم]
0.00/5 (0 صوت)

12-31-2013 12:36 PM
تقـــول هذا بعد ربع قرن تقريبا من التمكين والفساد وافساد الخدمة المدنية، الولد المولود من ساعـة مجيئكم اليوم صار خريجــا، ربنا ينتقم منك ومن الطيب سيخــة ومن امثالكم.

قولي معى آمـــــــــــــين


#872650 [العنطـــــــــــج]
0.00/5 (0 صوت)

12-31-2013 10:52 AM
قال:
**أقر المؤتمر الوطني بوقوع تجاوزات في الخدمة المدنية ووقوع مظالم فيها بسبب الشلليات وما أسماه بنظرية شيلني وأشيلك**
تاني جا قال:
**إن السودان مستهدف ولم يرتاح يوماً لأنه اتجه للتنمية والبناء**
حاجه تمرض!! كيف يعني يكون السودان مستهدف بسبب تنميه غير موجوده اصلا بدليل ناس شيلني و اشيلك؟؟
ايه هي موجبات الاستهداف؟؟
هل في زول بيستهدف ليهو بلد مستهدفه اصلا من الداخل و مزعوطه في المقام الاول من النظام الحاكم؟؟
و كيف تكون في تنميه في وجود ناس شيلني و اشيلك؟؟؟
و بعدين تعالو هنا تنمية شنو و اصلاح خدمة شنو الجايين تعملوهو بعد ربع قرن ده؟؟؟
و متين حتحترمو عقول الشعب ده يا بجم يا وهم؟؟؟؟؟؟؟؟


#872643 [الدنقلاوي]
0.00/5 (0 صوت)

12-31-2013 10:42 AM
كاشفاً في الوقت ذاته عن تكوين لجنة لوضع معايير للخدمة المدنية للتعيين في الحزب والدولة....
نحن مالنا ومال الحزب، ما يهمنا هو الدولة فقط.


#872624 [خالد حسن]
5.00/5 (1 صوت)

12-31-2013 10:31 AM
مادام اعترفتوا بالتمكين وين المحاسبه .. يعني بس تقولوا لينا انتهي عهد التمكين بس بدون محاسبة من فصل وقطع الارزاق ودمر الخدمه المدنيه
انتو عبطه ولابتستعبطوا ياغندور السجم والرماد


#872554 [من المركز]
0.00/5 (0 صوت)

12-31-2013 09:47 AM
السؤال الاول كيف انت اصلا جيت ماري جنب نقابات العمال والسؤال الثاني كبف انت بقيت نائب رئيس الجمهوريه؟ كلكم في مواقعكم لانه ما سميته انت شيلني واشيلك وما نسميه نحن الولاء . اضحكوا بالكلام ده علي دقونكم . نحن نريدها حريه ديموقراطيه ليست تعينات وتزوير. اﻻ لعنة الله علي الظالمين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة