الأخبار
منوعات سودانية
نائب رئيس المريخ : الذين يشككون في ودية بايرن يجهلون تاريخ النادي
نائب رئيس المريخ : الذين يشككون في ودية بايرن يجهلون تاريخ النادي



01-01-2014 12:53 AM

حدد نادي المريخ السوداني ،الساعة الثالثة من بعد ظهر الجمعة موعدا لإقلاع بعثته الى العاصمة القطرية الدوحة ، وذلك لمواجهة بايرن ميونيخ الالماني في المباراة الودية المقررة لها التاسع من يناير المقبل.

وأكد عبد الصمد عثمان نائب رئيس المريخ الذي سيقود بعثة الاحمر الى الدوحة في تصريح خص به موقع مساء اليوم ، بأن بعثة المريخ ستغادر العاصمة السودانية الخرطوم متوجهة الى الدوحة ظهر يوم الجمعة علي متن الخطوط القطرية ببعثة قوامها (36) شخصاً، وذلك لإقامة معسكر اعدادي هناك استعداداً للاستحقاقات المحلية والافريقية، ومواجهة بطل اندية العالم بايرن ميونيخ في الثامنة والنصف من مساء التاسع من يناير المقبل بملعب نادي السد.

وقال رئيس القطاع الرياضي إنهم يتوقعون وصول تأشيرات دخول البعثة الي الدوحة يوم الأربعاء.

وقال عبد الصمد عثمان إن الذين يشككون في إقامة مباراة المريخ بطل الدوري والكأس وبطل اندية العالم يجهلون تاريخ ومكانة نادي المريخ العظيم وأردف بقوله "عليهم انتظار الساعة الثامنة والنصف من مساء الخميس التاسع من يناير المقبل ليشاهدوا بأم أعينهم عظمة المريخ".

كووورة


تعليقات 3 | إهداء 0 | زيارات 1117

التعليقات
#873877 [omer]
0.00/5 (0 صوت)

01-01-2014 11:55 AM
قال مريخ انتو ما قدرتو ولا مرة واحدة تصلوا الى دوري الثمانية في كاس ابطال افريقيا ما لكم ومال بايرن ميونخ لو لعب معاكم بالحارس ومعه روبين ودانتي يغلبوا منتخب السودان القومي 12 صفر اما المريخ فخليها 13 صفر فقط ونشوف يوم الخميس 9 يناير


ردود على omer
[أبو أذكار] 01-02-2014 01:02 AM
1975 : اقصى فاتيما بطل أفريقيا الوسطى ثم انترفوتبول البورندى

ليخرج في دور الثمانية أمام غزل المحلة المصرى اثر فوز المحلة 2/1 في مصر والتعادل السلبي في امدرمان.

2009: أقصى أتراكو الرواندي والاتحاد الليبي وكمبالا سيتي

قبل أن يخرج من مرحلة المجموعات من مجموعة ضمت بجانبه كانوبيلارس النيجيري وزيسكو الزامبي والهلال السوداني.

[ابوصالح] 01-01-2014 03:32 PM
وانتو لما وصلتوا عملتوا شنو غير الفضائح خمسات وستات ماليهن حد وتغيير الأرقام سيكافا البتقولوا عفنة ما وصلتوا التالت فيها لسان طويل بلا فايدة وصول لأدوار التمانية بالصدف والرشاوى موتوا بغيظكم المريخ فوق فوق فوق هام السحب وانتوا فى الثرى


#873823 [زول]
0.00/5 (0 صوت)

01-01-2014 11:14 AM
يا ناس مافي داعي للحسد الموضوع كله ان كروجر اقنع اهله بانه بدلا من عمل تمرين ساخن شوية سيحضر لهم فريق من افريقيا تتمرنوا معه وكمان تاخدو قروش زيادة وما تنزعجو من المشجعين السودانيين الذين سوف يملاون الملعب فهم بعد القون الاول سيشجعونكم ...
.وطبعا لو لعب البايرن مع اي نادي قطري فانه لن يحقق ربع الدخل مع اي فريق سوداني والبركة في المشجعيين السودانيين الغلابة...واهي فرصة لبعثة المريخ تنزل في فنادق فخمة وتاكل وجبات بوفيه بعد ان شافو المر في فنادق افريقيا


#873777 [أب جاكوما]
5.00/5 (1 صوت)

01-01-2014 10:27 AM
عظمة شنو وساعة شنو وخميس شنو؟؟ هو بايرون ميونخ دي في جولة خليجية بتفتش عن الدراهم يلعب مع المريخ يلعب مع أم طرقاً عراض ذاتو... ما تعمل فيها مهم وتعمل فيها أن بايرون ميونخ وافقك يلعب معك عشان انجازاتك والوهم الكبير دا وكأس مانديلا اللي من القرن الفائت دا.. بلا عظمة بلا بطيخ


حاجة واحدة بايروت ميونخ وافقك يلعب عشان الدولارات وبس.. يعني لاعبين بايرون ميونخ حا يستفيدوا شنو من احتكاكهم بناس بلة جابر واكرم الهادي. وبالمناسبة دا شرف كبير للمريخ كون البايرن يلعب معه مباراة تكريمية ودية دا زاتو انجاز يحسب لمسيرة البايرن في التواضع ورفع المعنويات والأخذ بيد الضعيف حتى يقوى عوده وترجع له الثقة في نفسه. هذا تواضع الكبار

ما تقدونا عظمة والساعة ثمانية والخميس وكاس مانديلا ولعبنا مع بايرون ميونخ.. العبوا ساي بس ما تعلموا لينا فيها عظمة ولعبنا

بالله شوفوا التصريح الأرعن دا بين بطل الكاس والدوري وبطل كاس العالم،،،،، بالله العظيم (اسع دا ما كاسترد بملاح ويكة)


ردود على أب جاكوما
[ابوصالح] 01-01-2014 03:36 PM
موتوا بغيظم ايها الحساد الصفراب الربراب الجعجاعين الجعانين ماكلين قروش الشعب ولسانكم طويل والله غايظكم غيظ ياهو دا المريخ وروحنا مرفوعة بالدورى وكاس الهروب وانتوا مع شنو؟؟؟؟؟

United States [meela] 01-01-2014 01:01 PM
ما قصرت معاهو تب .. بس نفسي اعرف القطريين دافعين قروش قدر دي للبايرن عشان يلعب مع المريخ مصلحتهم شنو؟



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية






الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة