الأخبار
منوعات سودانية
نادي المريخ يوقع عقد مباراته مع بايرن ميونيخ الألماني
نادي المريخ يوقع عقد مباراته مع بايرن ميونيخ الألماني
نادي المريخ يوقع عقد مباراته مع بايرن ميونيخ الألماني


12-31-2013 10:56 PM

اعلن نادي المريخ السوداني عن تطورات جديدة وإجيابية حول مباراته المرتقبة الشهر القادم بالدوحة مع بطل العالم واوروبا فريق بارين ميونخ الالماني وقال النادي عبر موقعه الرسمي بشبكة المعلومات أنه تم توقيع عقد مباراة الفريق ضد بايرن ميونيخ الالماني ظهر اليوم الثلاثاء بنادي السد القطري بحضور الامين العام لنادي المريخ الفريق طارق عثمان الطاهر والعقيد صديق علي صالح عضو مجلس الإدارة ووممثل الشركة وعدد من مسؤولي نادي السد وعدد من اقطاب روابط المريخ فى قطر , وتم الاتفاق على كافة التفاصيل ومناقشة الحملة الاعلامية والملصقات والتذاكر .

وعلى هامش التوقيع قام وفد المريخ بجولة فى استاد السد لتفقد المنشاءات برفقة مسؤولي النادي , كما قام وفد المريخ بزيارة فندق كونكورد وتم التأمين على نزول البعثة فيه, وقد تمت دعوة الوفد لحضور مباراة قطر والسعودية فى بطولة غرب اسيا .

كووورة


تعليقات 8 | إهداء 0 | زيارات 3888

التعليقات
#874337 [زعيييييييمكم]
0.00/5 (0 صوت)

01-01-2014 08:31 PM
الوالي .. الوالي .. الوالي وكفى .......... الما عاجبو يحلق حواجبو ... والينا خط احمر يا اصفار العالم ...لمن زعيمكم يلاقي بطل البوندسليجا وكأس المانيا وبطل السوبر الاوروبي وبطل ابطال الاندية الاوروبية وبطل اندية العالم .. في قمة اكثر واكبر من كده في عالم المستديرة .. وروني البافاري باير مونشن واقعدوا فراجة كعادتكم ..... الكلام اكبر منكم كتيير ههههه بالمناسبة شعار عصمت اخباره شنو ؟؟


#873967 [meela]
0.00/5 (0 صوت)

01-01-2014 12:55 PM
كم هو المبلغ الذي سيتقاضاه بايرن ميونخ حسب العقد المبرم بلعبه مع المريخ السوداني.. و ماهي الجهة التي تكفلت بدفع المبلغ..وماعلاقة زيارة وفد المريخ لحمامات وصالات ملعب السد بالمباراه وبالخبر ككل..لم أفهم هل هذا نادي رياضي أم سرية عسكرية حتي يتزعمه عقيد و فريق !!


#873919 [خاتي اللوم]
0.00/5 (0 صوت)

01-01-2014 12:27 PM
طيب شنو هي التطورات الجديدة والايجابية بخصوص المباراة؟


#873838 [MOHAMED BABU]
0.00/5 (0 صوت)

01-01-2014 11:27 AM
بدل ماترفعوا من الروح المعنوية لي اللعيبة ياها حالكم ناس مثبطين لى العزيمة والمريخ لما يلعب ح يلعب بي اسم السودان وحايمثل الكورة السودانية بى كل الوانها اذا كان اهلى شندى او هلال او غيرهم من الفرق يعنى ارفعوا من مستواكم شوية وابقو داخلين فى الصورة ........


#873832 [أب جاكوما]
0.00/5 (0 صوت)

01-01-2014 11:21 AM
عظمة شنو وساعة شنو وخميس شنو؟؟ هو بايرون ميونخ دي في جولة خليجية بتفتش عن الدراهم يلعب مع المريخ يلعب مع أم طرقاً عراض ذاتو... ما تعمل فيها مهم وتعمل فيها أن بايرون ميونخ وافقك يلعب معك عشان انجازاتك والوهم الكبير دا وكأس مانديلا اللي من القرن الفائت دا.. بلا عظمة بلا بطيخ


حاجة واحدة بايروت ميونخ وافقك يلعب عشان الدولارات وبس.. يعني لاعبين بايرون ميونخ حا يستفيدوا شنو من احتكاكهم بناس بلة جابر واكرم الهادي. وبالمناسبة دا شرف كبير للمريخ كون البايرن يلعب معه مباراة تكريمية ودية دا زاتو انجاز يحسب لمسيرة البايرن في التواضع ورفع المعنويات والأخذ بيد الضعيف حتى يقوى عوده وترجع له الثقة في نفسه. هذا تواضع الكبار

ما تقدونا عظمة والساعة ثمانية والخميس وكاس مانديلا ولعبنا مع بايرون ميونخ.. العبوا ساي بس ما تعلموا لينا فيها عظمة ولعبنا

بالله شوفوا التصريح الأرعن دا بين بطل الكاس والدوري وبطل كاس العالم،،،،، بالله العظيم (اسع دا ما كاسترد بملاح ويكة)


#873545 [دا كلام ما صاااااح]
5.00/5 (1 صوت)

01-01-2014 01:35 AM
الناس دى جادة ؟؟
اسع مالقوا غير الألمان يلعبوا معاهم ؟؟

ناسنا البياكلوا الويكة والفتة حيلعبوا مع ماكينات اوربا؟؟
غايتو الشافن مدلدلين لسانهم من اول ربع ساعة ما كضب


#873496 [خالد حسن]
5.00/5 (1 صوت)

01-01-2014 12:16 AM
الناس مالاقيه حق الكسره بموية الطماطم والوالي الحرامي ببعزق في قروش البلد فيكلام فارغ
هسع دفعته للبايرن كم مليون عشان يلعب معاكم
ياخي انتو وين كورتكم ياها الملطشه الفينا نحن دي وماقدرين نشيل لينا كاس زي الناس من سنة 70
هسع حاتتغلبوا كم 14 ولا 25
عالم فارغه جلدا ماجلدك جر بيه الشوك وقرشا جاك بالحرام بعزقوا


ردود على خالد حسن
[ELSHAFYA A.ALI] 01-01-2014 09:22 AM
يا هلالابي ما عندك شغله؟؟
هلالك قبل ايام أنقذته الحكومه من الافلاس...
شوف الحراميه داخل بيتك قبل مهاجمة الوالي...
مليون شنو المدفوع؟؟ بلاش سخف يا راعي الصفر...
هذه أكبر من عقلياتكم المريضه...


#873480 [عصمتووف]
0.00/5 (0 صوت)

12-31-2013 11:46 PM
يعني ناس بايرن ميونيخ ح يدفع للمريخ من اجل ان يستفيد من قدرات الفريق العريقة وتاريخة الكثير العطاء ويستفيد من مهارت لا عيبة الفنية ليستفيد منها الشعب الالماني لكن لم يفيدونا بالسعر كم قبض المريخ وماهو نصيب كل واحد عاش المريخ لنا رمز السياده والكوره



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة