الأخبار
أخبار إقليمية
مرشح حزب البشير يفوز بمنصب نقيب المحامين السودانيين
مرشح حزب البشير يفوز بمنصب نقيب المحامين السودانيين



01-01-2014 02:35 PM
(سونا) - أعلن مولانا أسامة حسن محمد احمد رئيس الجهاز القضائي بالخرطوم ورئيس اللجنة القضائية العليا لإنتخابات إتحاد المحامين السودانيين دورة 2014م - 2017م بمكتبه برئاسة الجهاز القضائي الخرطوم اليوم وبحضور أعضاء اللجنة المركزية للانتخابات مولانا عوض حسن عوض رئيس الجهاز القضائي امدرمان ومولانا بابكر محمد بابكر التنى رئيس الجهاز القضائي بحري أعلن فوز الأستاذ الطيب هارون على بمنصب نقيب المحامين السودانيين بجملة أصوات بلغت (3174) صوتا .كما أعلن أعضاء اللجنة المركزية للاتحاد وعددهم عشرين عضواً يتقدمهم الأستاذ عثمان محمد الشريف النور بجملة أصوات بلغت (3127) صوتا .
يذكر أن عملية الاقتراع بدأت صباح الثلاثاء واستمرت حتى المساء و تم فرز الأصوات عند الساعات الأولى من صباح اليوم الأربعاء .


تعليقات 42 | إهداء 0 | زيارات 13700

التعليقات
#875811 [سناء نورى]
0.00/5 (0 صوت)

01-03-2014 04:20 PM
يا عصنتووف ولا اسمك شنو انت الاعلنت الحرب بشتيمتك للمحاميين وبقيت فاطمة الصادق الاخر هى شتمت السودانيين وانت شتمت المحاميين مافى زول اعلن عليك حرب ياكذاب واذا اتكلمت عن الفوز والهزيمة مافى زول برد ليك ولا بنشتقل بيك لانو دة فرفرة مذبوح ..لكن انت الظاهر كنت عاوز فرصة عشان تتطلع احقادك تجاه المحاميين ولقيت الانتخابات فرصة وقلت تتفشى لان البع والسمسرة ماعندها علاقة بالانتخابات


#875697 [سناء نورى]
0.00/5 (0 صوت)

01-03-2014 12:24 PM
وقت عرفت طرق التزوير ما كان تزور المرة دي


#875401 [سناء نورى]
0.00/5 (0 صوت)

01-02-2014 11:07 PM
يا الاسمك عصمتووف انت فعلا اف وجدادة قديمة ومابتساوى جدادة انا محامية موثقة وبدافع عن حقوقى يامعفن انت منو ومالك ومال المحاميين والتوثيق دة سلطة المحامى وانت الظاهر نفسك تبقى محامى وموثق ومالقيت طريقة عشان كدة حاقد علينا وكلامك دة كلو حقد وموووت بغيظك ..وزولك النزل المقال دة قول ليهو الما بتحصلوا جدعوا وامشى شوف لبك بار ياشيوعى يامعفن المحاميين والمحاماة مهنة شريفة


#875399 [ابكجه]
0.00/5 (0 صوت)

01-02-2014 11:04 PM
سوء الحال من بعضه>>> فاذا كان التحالف الديموقراطى مثل احزاب المعارضه لا تهش ولا تبش فلماذا يتم اعطاء الشرعيه للاتوقراطيين اتمنى الاستفاده من الدرس. وليعلم السودانيون انه لا ينفع الخوض مع هؤلاء غمار اى مباراه طالما الميدان غير مهيأ للعب. فلتتوحد الكلمه ويعمل السودانيون جميعا لكنسهم ومحاسبتهم.


#874407 [د/ نادر]
5.00/5 (3 صوت)

01-01-2014 10:07 PM
ما في اي تزوير الناس دي كسالة والواحد ما بيمشي الانتخابات عشان ما يفوت نوم الضهرية والله ماشي لسماية في الحاج يوسف
وانا كتبت كثيرا قبل الانتخابات عشان الناس دي تحشد كل اطياف المعارضة ولا ما تمشي الانتخابات يعني المقاطعة احسن الف مرة من المغصة دي كل مرة وانا بتكلم عن تجربة وحضرت انتخابات المحامين من قبل باختصار الناس دي لا بتجدد اشتراكتها ولا عندها بطاقات والالاف من الاقاليم ما بيجوا ويقولو ليك ما عندهم حق المواصلات الي اخره من اعذار فارغة والله الواحد ممكن يحضر ليه مناسبة زواج في اخر الدنيا لكن موضوع الانتخابات دي ما يديها اي اهمية
وانا متاكد تماما والله لو مشوا عدة الاف دار المحامين ووقفوا وقفة رجل واحد لما تمكنوا من التزوير وحتي الان انا ما عارف كم الذين صوتوا لصالح التحالف يمكن عشرين والله تلاتين ما عارفهم كم من الطبيعي نشر الارقام كلها
والله نحن كنا في الثانوية نعد الاصوات المضمونة عد 1’2’3’..........كدة بالحتة بعد داك ندخل الانتخابات مش ساكت كدة والله الواحد بقي يشك فياي زول الزمن ده والله انا بقي يجيني شك ان المسالة مبيوعة كدة حتة واحدة لانو ما ممكن المحامين النخبة بتاع الشعب العالمين بكل صغيرة وكبيرة الناس البيشاهدو المهازل يوميا في محاكم النظام ودواوين الحكومة ما يمشوا الإنتخابات
اصلا واحد من الاتنين الفوز او المقاطعة مافي تالت علي الاطلاق
والي قراء الراكوبة لدي ايضا تعليق في نفس الموضوع (نقيب المحامين الجديد: فوزنا بالانتخابات نتاج للبرنامج الوطني المطروح
نقيب المحامين الجديد: فوزنا بالانتخابات نتاج للبرنامج الوطني المطروح )


#874363 [الصليحابي]
0.00/5 (0 صوت)

01-01-2014 09:09 PM
عمر البشير منزعج من وسائل الاعلام الاليكترونية
January 1, 2014
تمزيق السودان( حريات )
أبدى المشير عمر البشير انزعاجه من وسائل الاعلام الاليكترونية .
و في خطاب ألقاه بمناسبة ذكرى الاستقلال بالقصر الجمهوري بالخرطوم امس 31 ديسمبر ، قال عمر البشير: ( … ان من يطلع على وسائط الانترنت ويقارنها بالواقع يصاب بالدهشة والاسف للبعض من ابناء السودان الذين يعمدون الى تشويه صورة السودان غير مدركين انهم بذلك يسيئون لبلدهم واهلهم ويفيدون جهات لا ترضى بان يتقدم السودان .السودان الذى تسعى تلك الجهات الى اضعافه وتشويهه يشهد كل يوم واسبوع انعقاد مؤتمرات ومناشط وفعاليات فى شتى المجالات العلمية والاقتصادية يحضرها آلاف الضيوف من مختلف بلدان العالم ،لم ولن تتوقف … ) .
واللافت ان عمر البشير الكذاب لم يجد ما يدحض به اخبار المواقع الاليكترونية سوى انعقاد المؤتمرات بالخرطوم !


#874336 [كروري]
3.00/5 (1 صوت)

01-01-2014 08:29 PM
من الذي اقتع تحالف المحامين بأن يخوضوا انتخابات مع ناس المؤتمر الوطني؟!!!!!!!!!!!!!!!!!!!!!!!!!!!!!!


ردود على كروري
United States [صحراوي] 01-02-2014 11:23 AM
تضخيم الذات هو الذي أقنعهم بأنهم قادرون على الفوز المريح اقرأ تصريحاتهم قبل الانتخابات !!


#874298 [WasWas El Khanass]
0.00/5 (0 صوت)

01-01-2014 07:31 PM
كلّنا آلات بيد النظام..

متى تمتد يد الله إلينا لتنقذنا من هذا النظام الفاسد، الجاثم على رقاب شعب ضعيف، مستسلم، جاهل؟ ومتى تُحرَق مزارعنا التي زرع لنا فيها النظام الشوك والهراس؟ ومتى يطهرنا الله من آيات النفاق والكذب والتملق والتزلف للحاكم التي علّمنا إياها هذا النظام المستبد؟ لقد استطاع النظام أن يصنع شعبا على مقاسه، أراده ضعيفا مستسلما جاهلا منافقا متملقا يحصد الشوك..


ردود على WasWas El Khanass
European Union [emad alawad] 01-01-2014 09:21 PM
لن يغير الله مابقومٍ حتى يغيروا ما بأنفسهم


#874290 [ود البلد]
0.00/5 (0 صوت)

01-01-2014 07:13 PM
هههههههههه من 14000 الف محامي مسجل في النقابة ،، اللي صوتو بس 6200 بس طيب البقية مشو وين وبعدين شنو الانتخابات العج دا سعتين ويقفل الصندوق ،،كيزان كيزان حريقة فيهم


ردود على ود البلد
European Union [سناء نورى] 01-02-2014 12:31 PM
يا متخلف اولا المحاميين ما 14000 والالاف الانت بتسمعها دي رقم سجل وهو رقم متسلسل وعلى افتراض انهم 14000 فيهم الما مجدد وفيهم الماعندو رغبة يجى الانتخابات وفيهم المسافر وفيهم العندو مناسبة وفيهم الترك المهنة والمشى القضائية او اي مصلحة اخرى وبعدين الاقتراع ماكان ساعتين يا شيوعى يا كذاب الاقتراع بدا الساعة الثانية عشر وحتى ساعات متاخرة من الليل وعليك الله اتدخل فى حاجة انت بتفهم فيها ما عليك بانتخابات المحاميين وانتو عشان كذابين ما بتفوز ولا فى الدنيا ولا فى الاخرة


#874287 [AbassHndawy]
0.00/5 (0 صوت)

01-01-2014 07:00 PM
في الانتخابات اعرف واحد من الاتحادين دخل الانتخابات وكان عنده عده خلاوي يقدر عددهم اكثر من الفين واسرته كبيره جدا .نتيجة الانتخابات كانت صفر فقال لهم حيراني واهلي عملاء كلهم انا صوتي وينو .تخيلوا ناس صوتك ما يدوك ليه .يأوهم دارين تفوزا بالانتخابات بتاعت الخج


#874281 [ساب البلد]
5.00/5 (1 صوت)

01-01-2014 06:53 PM
************* الجفلن خلهن ************ اقرع الواقفات **********************


*********** من ما اتدخل ابوالعفين *********** النتيجة محسومة سلفا ************** اكيد في محامين ملايكة ********* جو صوتوا للحركة الاسلامية ********* ما في تزوير ******** معروفة انتخابات الخج ********** عشان كدا ما في حاجة ********* اسمها انتخابات رئاسية ************* يا الناس تنتفض تطرد الكيزان ************ يا نستكين و نتظر الفرج ***************


********* كنا نبيعك او نسرق ************* اخترنا النار الضلها بحرق **************


ردود على ساب البلد
European Union [سناء نورى] 01-01-2014 10:36 PM
انت ما حافظ اية ولا حديث كلامك كله امثلة وشعر (حمانا الله )احسن تحفظ ليك اية تدلل بيها عشان يمكن تموت قبل ما الفرج يجى ولو ربنا زاد فى عمرك عشان تعارض بيها فى الانتخابات الجاية عشان ما تغلطوا زي المرة دى فى قراءة الاية اواقصد زي اخوانك بتعين التحالف


#874264 [حد بيعرف احسن م الحكومه!!]
0.00/5 (0 صوت)

01-01-2014 06:24 PM
يا جماعة الخير.. كدى ما تتحنفشو ساكت أدونا وجهة نظر معاكم.. المتنافسين ألآخرين جابو كم صوت ..
الشي التانى يعنى كنتو عاوزين او متوقعين الطيب هارون ما يفوز يعنى ولآشنو .. عايزين منو يفوز
لجنة الموتمر الوطنى الحزبيه للأشراف على الأنتخابات المكونه بتكليف من العندور ,, برئاسة منو؟ موش برئاسة نافع!!! وتيّب!!! شغل على راسو نافع بعد خبرة 24 سنه متوقعينو يفشل.. انتو يا ناس ما ناقشين ولآ شنو,,انتو مجردان يخطر ببالكم ان الطيب هارون ما يفوز يجب يقدموكم للمؤاخذه والمساءله .. معليش ... اها الليله الما كنتو عايزينو يحصل داس مشاعركم وحصل.. دى "بروبه" اولانيه الكلام كلام الجايى قدام . ما يبقى انسحاب فى آخر اللحظات زى المرّه الفاتت بعد مسح ألأشناب وتحنين الدقون ولآ شنو الراى يا عبدالله آل ابراهيم و يا آل سكينوجوّا ويا افوكاتوهات اسياد وجعليين!!!


#874245 [مخلص]
5.00/5 (1 صوت)

01-01-2014 05:56 PM
بصراحة, بالرغم من انى لست محام و ليس لى من المحامين من ادافع عنه لكنى اقول بان الذين خاضوا هذه الانتخابات هم وطنون بحق ,لان كل من فى السودان الان يعرف تماما من ههم الاسلاميون فى السودان و ما هى سطوتهم و مقدرتهم المالية و السياسية و دهاءهم فى الغش و التذوير. وكان يمكن للاخوة الانسحاب خوفا او طمعا و لكنهم قاتلوا بشارسة بالرغم من انهم يعلمون بالنتيجة لانهم افراد فى المجتمع السودانى واكثر الافراد خبرة بدهاء الاسلاميين .ومن هنا نحن نحى شجاعتهم . و ما قدموه اليوم لم يقدمه كثير من مناضلى الكى بورد.


#874241 [ابومرام]
0.00/5 (0 صوت)

01-01-2014 05:53 PM
لايمكن ان تكون حكما ولابعا في نفس الوقت شئ طبيعي واي انتخابات في هذا العهد سوف تكون لصالح المؤتمرجية الا اذا لم يرغبوا هم في الفوز


#874240 [جركان فاضى]
0.00/5 (0 صوت)

01-01-2014 05:52 PM
وقد قالها غازى المراسى...قال انتخابات شفافة شفافة شفافة ..ويفوز فيها الطيب هارون...قالها بعد ماطبق سكرة الكريسماس بسكرة راس السنة..فانعدل رأيه...وراق مزاجه..وفكر ثم قدر..ثم قال اياه الطيب هارون الشفاف اللفلاف...المن الله ما بخاف


#874230 [عصمتووف]
5.00/5 (1 صوت)

01-01-2014 05:39 PM
قلنا ليكم الجماعة فائزين ومافي داعي لمضيعة الوقت والجهد والمال والحلم في شئ معروف اعد له سلفا للاسف تصد لي احد العبطاء الجهلاء الحالمين بتغيير النظام السلمي ونعتني بما يشتهي وتشتهيه نفسة السوداء وقلت البسيط وليس الكثير اتم الكلام ولا حرج وسط القضاء الواقف كبقية الاوساط الفنية والرياضية والخدمة المدنية والعسكرية بل القضائية كل اواسطنا تجدون فيها المصلحة الشخصية ووسط القضاء الواقف غالبيتة معفن ومعطون ومخلل في العفانة غالبيتهم في السمسره وبيع القضايا تفتكروا كم محامي تم شراؤه واقول للاخوة المحامين الشرفاء هاردلكم عملته العليكم لكن هزيمتكم وخزلانكم من داخل المحامين وهو ما كان متوقع مني


ردود على عصمتووف
European Union [عصمتووف] 01-02-2014 07:42 PM
شكرا ي راكوبة لاتاحة الرد واسف للازعاج

منقول من حريات ي سناء وسوداني هاكم ي كتاكيت الكراتين وليس من عندي لتخرسوا

لحقوقي البارز محمد الحافظ يكشف عن عمليات التزوير التي شابت انتخابات المحامين
January 2, 2014
(حريات)
أعلنت اللجنة المشرفة علي انتخابات المحامين – من قضاة الانقاذ – عن فوز قائمة محامي المؤتمر الوطني بالانتخابات .
واورت ان الطيب هارون فاز بمنصب نقيب المحامين بجملة أصوات بلغت (3174) صوتاً.
واكد الاستاذ محمد الحافظ – المحامي والحقوقي البارز واحد مرشحي قائمة تحالف المحامين الديمقراطيين – اكد في تصريح لـ ( حريات ) ان الانتخابات غير نزيهة وشابتها عمليات تزوير واسعة .
وقال ان التزوير لم يكن بالأمر المستغرب بل كانت كل الممارسات الفاسدة التي سبقته تدل عليه ، فمنذ تكوين لجنة الانتخابات قام تحالف المحامين بالطعن بها اذ ان اللجنة كانت من محدثي القضاة وكسرت القاعدة المتعارف عليها منذ 52 بتحديد لجنة محايدة من كبار المحامين ذوى الخبرة .
واضاف بان من أهم الممارسات الفاسدة ما يخص انتخابات الأقاليم فقد طالبنا بان يتم التنسيق لاقتراع اليكتروني حتى يتمكن محامو الأقاليم من التصويت دون الحضور للخرطوم الا انه تم رفض طلبنا ولم نتمكن بالطبع من احضار المحامين الديمقراطيين في حين أحضروا هم منسوبيهم” المؤتمر الوطني ” بالطائرات والباصات وتمت استضافتهم في الفنادق الفخمة كفندق كورال وخلافه. والمؤسف ان من وصل الخرطوم من المحامين الديمقراطيين لم يمنحوا حق التصويت رغم بطاقاتهم. ووجد البعض انه تم التصويت عنهم زوراً.
وقال ان اتحاد محامي المؤتمر الوطني صرف رشاوى لم يخجل من ان يوردها في خطاب ميزانيته فذكر انه أنفق للتجديد للمحامين “غير القادرين” هذا غير الرشاوى الضخمة غير المعلنة والتي شملت قطع أراضي وعربات. ولقد رعت الحكومة الانتخابات بكل ثقلها فوفرت الأموال والرعاية التامة وكانت اجتماعات محامي الوطني تتم بمكاتب المعتمدين والولاة.
واضاف محمد الحافظ ان من أبرز اعتراضاتنا والتي قدمنا طعنا بها سجل المحامين حيث لم يتم تسليمه لنا الا قبل يومين فقط من الجمعية العمومية وهو وقت قصير جدا لتنقية السجل من حاملي البطاقات الذين يعملون بالأجهزة التنفيذية والبنوك والأراضي بل الأسوأ هناك من يحملون بطاقة المحاماة وهم لديهم رتب بجهاز الأمن، ونحن نؤكد بكل ثقة ان السجل زائف بمعنى الكلمة ولقد رأيت اناسا يدعون بانهم محامون لم أرهم قط طوال حياتي المهنية الطويلة رغم اني عملت بكل السودان .
وقال لقد كان واضحا منذ لحظات انعقاد الجمعية الأولى المسرحية التي كانت جاهزة فقد تم تأخير متعمد لانعقاد الجلسة فبدلا عن ان تبدأ الساعة 9 بدأت الساعة 11 صباحاً دون سبب وجيه وكانوا يقرأون كلمة ثم كلمة ليضيعوا الوقت ومن ثم وأدوا النقاش بحجة ميعاد اغلاق القاعة وقاموا بدراما رديئة خلقت جوا من الهرج أجازوا وسطه خطاب الميزانية ورفعت جلسة الجمعية العمومية دون أي مقترحات.
وحول خطوتهم القادمة ذكر الاستاذ محمد الحافظ انهم بصدد تقديم طعن، وانهم سيحافظون على صيغة التحالف الذى سيواصل عمله وسيكون حريصا على الاستفادة من خبرات الشباب الذين برزوا في هذه التجربة والذين يتمتعون بروح عالية وقدرات مميزة في المتابعة والمثابرة والقدرة على البحث والتقصي، وانهم شرعوا بالفعل في تجميع الأدلة ورصد كل الأساليب الفاسدة في هذه الانتخابات لاصدار كتاب أسود توثيقي عنها لمنع تكرارها وكشف فساد السلطة.
واضاف انه على المستوى الشخصي كان يرى ان تشكيل نقابة موازية هو الأجدى فمهنة المحاماة حسب الدستور المادة 134 هي مهنة خاصة ومستقلة وبالتالي يجب ان تكون هناك حرية في العمل النقابي ولكن حماس الشباب ورغبتهم في التجربة هو ما دفعهم لخوض الانتخابات وليس الأمل في ان تسفر هذه العملية الانتخابية عن شيء سوى التزوير المعتاد.
وأكد محمد الحافظ في ختام حديثه ان هدفهم هو جموع المحامين والبالغ عددهم قرابة ال30 ألف محامي وليس الذين صوتوا فقط فهؤلاء يمثلون أقل من 10% من قاعدة المحامين ، وان مطمحهم اعلى من النقابة وهم يستهدفون تجميع المحاميين للمعركة الفاصلة لكسب الديمقراطية والتي سيقوم المحامون بدور فاعل بها فهم رواد للتغيير وان هذه التجربة بالتأكيد لها ما بعدها.
هذا وسبق واكدت الاستاذة آمال حسين الزين – مسؤولة الإعلام بتحالف المحاميين الديمقراطيين – ان اللائحة الخاصة بالانتخابات لاتصلح لاجراء انتخابات حرة ونزيهة .
وقالت: إن اللائحة نصَّت في ( ثالثاً (1) : علي أن تنشر اللجنة القضائية لانتخابات اتحاد المحامين المُشكّلة بأمر رئيس القضاء قوائم المحامين الذين يحق لهم حضور الجمعية العمومية، وذلك بعد الحصول عليها من لجنة قبول المحامين، وأوضحت أن: ذلك يعني أن اللائحة لم تحدد تاريخاً لنشر الكشوفات، مما يهدر الفرصة في الطعن فيها، آخذين في الاعتبار أن الجمعية العمومية تبقى لها في تاريخ نشر اللائحة إسبوعا واحدا فقط، وأضافت آمال أن: اللائحة جعلت الكشف الصادر من لجنة قبول المحامين محصناً من الطعن فيه.
واشارت الي ان قانون المحاماة يمنع الجمع بين المحاماة والمهن والوظائف الاخري. وذكرت انهم رصدوا عددا ضخما من الاشخاص غير العاملين في مهنة المحاماة يصوتون في انتخابات المحامين. وسمت آمال الزين عددا من الاسماء منهم على سبيل المثال :عبد الرحمن حسين معتمد نيالا ، عمر سليمان وزير الصحة بولاية جنوب دارفور نيالا ، وعاطف حسن عبد اللطيف يتبع لاحد الاجهزة الامنية ، و ادم ابراهيم مدير مدرسة بمايو .
وقالت: إن اللائحة أوجبت في البند (19) منها حضور اللجنة العليا للانتخابات عمليتي الفرز وإعلان النتيجة على الرغم من أنها نصت على تعدد لجان الإقتراع مما يعني ترحيل صناديق الإقتراع من اللجان المختلفة لمكان الفرز، وأشارت آمال إلى أن هذا الإجراء يمثل ذات التكنيك الذي استخدم في تبديل صناديق الإقتراع في انتخابات العام 1997م .

التعليقات

European Union [عصمتووف] 01-02-2014 04:24 PM
ي اخوة اسف للمهاترات لكن كتاكيت الكيزان هم من اعلنوا الحرب علي وعلي الراكوبة السماح بالرد والبادئ اظلم انا وصفت جزء منهم و من سمسارتهم ولعبهم بالبيضة والحجر مستعدين يبيعو رفاقهم وكان هو كل قصدي اعرف فيهم الشرفاء والخبثاء وهي في كل المهن وتاسفت علي ضياع المحامين ناس ودالسيد وغيرهم للهزيمة والشماتهة فيهم وكل شئ وارد لعب خشن ونعام في جميع الانتخابات وكنت لا اريدها لهم حفاظا لكرامتهم لكنني اتهمت ووصفت بالجداده من الكتاكيت


ردود على عصمتووف
[سوداني ساكت] 01-02-2014 12:02 PM
سناء نوري . احدث جداده في الراكوبه

[سناء نورى] 01-02-2014 01:19 AM
معفن انت يا ما عندك اسلوب وماتتكلم فى حاجة انت ما عندك عليها دليل ..قال تعالى ..وقل هاتوا برهانكم ان كنتم صادقين )كدى جيب اسم محامى واحد باع قضية ..وبعدين انت مالك ومالنا نقابتنا يشيلوها الكيزان والا الشيطان دخلك شنو انت شوف ليك نقابة اتلم عليها ياعفن يافاشل ومنو ال قال الهزيمة من داخل المحاميين اتكلم فى حاجة انت بتفهم فيا يامتخلف



سنا نوري سنونك بالسوس نعم من انت يا فاطمة الصادق الاخري الحقيقة المرة المعفنون والمعفنات زيك ديل هم ارخص من مشي علي الارض عناصر رخوة امشي دلالة السيارت امشي الاراضي تعالي سوق بحري اوريك المحاميات الحاسوب كله خرط بيوت ديل محامين ولا الاسكان الشعبي وغير التزوير وبيع القضايا لماذا تهربوا من الحقيقة وهي موجوده في كل الوزارات والمصالح ي كوزة معفنة ووسخة وده ما من عندي وانت عارفة زي جوع بطنك لو ما عجبك كلامي اقرب سيفون غطسي راسك وشربي ي هبلة ي مجنونة
اما سوداني صامت انا جداده قديمة في الراكوبة وراجع مداخلتي لتعرف من انا كثير من المحامين زي ما قلته عفنين ي معفن وقذر ي ما بتسوي حتي كوز
ي اخوة شكرا

United States [سوداني ساكت] 01-02-2014 01:02 PM
سناء نوري . احدث جداده في الراكوبه

European Union [سناء نورى] 01-02-2014 02:19 AM
معفن انت يا ما عندك اسلوب وماتتكلم فى حاجة انت ما عندك عليها دليل ..قال تعالى ..وقل هاتوا برهانكم ان كنتم صادقين )كدى جيب اسم محامى واحد باع قضية ..وبعدين انت مالك ومالنا نقابتنا يشيلوها الكيزان والا الشيطان دخلك شنو انت شوف ليك نقابة اتلم عليها ياعفن يافاشل ومنو ال قال الهزيمة من داخل المحاميين اتكلم فى حاجة انت بتفهم فيا يامتخلف


#874225 [الكوز الفى الزير التحت الراكوبه]
5.00/5 (2 صوت)

01-01-2014 05:29 PM
أذا طلعت مظاهره ضد هذه النتيجه قوامها أربعه آلاف محامى , فقط فى هذه الحاله نعتبر الانتخابات مزوره وألا اياكم أن يحدثنا أحد عن تزوير وسيطره على مفاصل الدوله وأستخدام أمكانيات الدوله لصالح المجموعه الفائزه .


ردود على الكوز الفى الزير التحت الراكوبه
European Union [سناء نورى] 01-04-2014 12:00 PM
الكوز كلامك صاح ..تانيا انا كمحامى ماضرورى اعرف كل المحاميين وانا لي خمسة عشرة سنة فى المهنة ما بعرف كاتب هذا المقال (محمد الحافظ ولا امال)وهم مابيعرفونى لان العدد كبير ..واي واحد ما محامى ناس اللجنة ما بخلوهو يصوت واللجنة المراقبة فيها اعضاءمن كل الاحزاب والحراسة مشددة حتى تمام الفرز .والمحامى ذات نفسه لو اسمه سقط من الكشف سهوا ما عنده حق الاقتراع ناهيك من زول اصلا ما محامى والكلام دة بنسمعوا فى كل الانتخاباتت وما فى واحد فيهم قدر يثبت تزوير

United States [الحقيقة] 01-01-2014 06:26 PM
البشير ما قال انتهت مرحلة التمكين لسه الحبر ما نشف وبيقول الكفاءة هي المعيار أي حاجة في السودان فيها تزوير أو أوامر تنفذ في الحال بدون لولوة وفي واحد بلدياتنا عينوه في الخدمة الالزامية وقاعد يدبيع الاعفاءات وشهادات أداء الخدمة بالملايين وباني بيت دورين في القطعية وبيت دورين في وادي حلفا وشهادته اكمال ثانوي وين الكفاءة يا سيادة الرئيس ...


#874222 [ابو مركوب]
5.00/5 (2 صوت)

01-01-2014 05:19 PM
اولا المحامين انتهازين وعارفين ناس المؤتمر برطب لهم وبريحوهم فلذالك ان اصدق انهم وقفوا مع مرشح النظام من اجل مصالحهم ومعروف المحامي يبيعك بسجارة لاتحزنو علي مجتمع المحامة الانتهازي


ردود على ابو مركوب
United States [YasserMoustafa] 01-01-2014 07:35 PM
اي مجتمع فيه الصالح والفاسد ولكن المحاماه مهنة الشرفاء لانو مافى زول رئيسهم ومافى زول بديهم مرتب او مكافاة وانا كمحامى يامركوب.. ولا اسمك شنو..المحامى غير انتهازى ولكن الجهل مصيبه.

European Union [خال داليا] 01-01-2014 06:43 PM
كلام سليم مية المية


#874217 [بعشوم]
5.00/5 (1 صوت)

01-01-2014 05:17 PM
خلاص ؟؟ اديتوهم الشرعية ؟؟
يلا خمو


#874210 [كاك]
4.00/5 (3 صوت)

01-01-2014 05:08 PM
بالله في محاماه في السودان ديل 99% منهم شغلهم سمسرة اراضي و1% كتابة عقود البيع والشري وايجارات العقارات والداكين لو ما مصدبق امشي مكاتب الاراضي واماكن سمسرةالاراضي ودلالات السيارات


ردود على كاك
United States [YasserMoustafa] 01-01-2014 07:48 PM
كاك...ذكرتنى اغنية ياجدادتى كاك.. كاك بالمناسبه انت اظنك خريج الشارع وكنت عاوز تكون محامى...وماقدرت ...قمت اتلصقت فى السماسر عشان تتقرب من القانون ولاكن السمسره خشم بيوت ومدارس ..لكن يمكنك ان تكون مرسال لى سمسار وهذا يعتبر سلم لصعود مرتبه القانونيين.. يافاشل

[الكوز الفى الزير التحت الراكوبه] 01-01-2014 05:59 PM
الكديسه واللبن .


#874206 [aboody]
0.00/5 (0 صوت)

01-01-2014 05:05 PM
تشاهد غدا


#874202 [steal]
1.00/5 (2 صوت)

01-01-2014 05:01 PM
لم يكن هنالك داع لهذه للانتخابات اصلا ..فالجميع يعرفون النيجة سلفا ...لماذا يرهق المرشحون الاخرون انفسهم بالمشاركة فى هذا الهراء الذى لا طائل منه.


#874194 [واحد قرفان جدا]
3.00/5 (3 صوت)

01-01-2014 04:49 PM
في خج و لا نقول شنو ... اذا المحاميين ما قدروا يحموا انتخاباتهم فعلي الدنيا السلام


#874192 [أبو أهل الكيزان]
5.00/5 (1 صوت)

01-01-2014 04:47 PM
زيتكم في بيتكم يا بني كوز عليكم اللعنة إلى يوم الدين. آمين يا رب


ردود على أبو أهل الكيزان
European Union [سناء نورى] 01-01-2014 10:13 PM
اولا كويس انك بتعرف يوم الدين لان الله سبحانه وتعالى لعن اليهودومادام بتعرف يوم الدين مفروض تعرف ان مالك يوم الدين نهى اللعنة على من نطق الشهادة


#874191 [احمد محمد]
1.00/5 (1 صوت)

01-01-2014 04:47 PM
اللعبة مكشوفة من البداية


#874189 [المؤمل خير]
3.00/5 (2 صوت)

01-01-2014 04:46 PM
تاني ما تحاولوا تترشحوا ولا تقولوا انتخابات وديمقراطية ... أدوهم بالتزكية والله يحب المحسنين.


#874175 [عز الدين فرندقس]
1.00/5 (1 صوت)

01-01-2014 04:32 PM
ان المحامين هم اكثر طبقات المجتمع استنارة وعلما وثقافة ولا غرو ان ينحازوا الى حزب الطبقة المستنيرة لا غرو ولا عجب


#874153 [مغبون]
3.00/5 (2 صوت)

01-01-2014 04:03 PM
كيف قبل المحامين الدخول في هذا الفخ ؟ولماذا منحوا المؤتمر الوطني فرصه للتبجح واثبات انه مرغوب ولا بديل سواه ؟ وهلكان يستطيع محامي ما يسمي بالتحالف مجاراة الوطني في الصرف وجلب اعضائهم من الاقاليم ........ ما حصل في انتخابات المحامين متوقع ان يحصل في اي انتخابات قادمه وعلي الجميع التعلم وأي حزب ليس له القدرة الماليه التي تضاهي قدرة المؤتمر الوطني عليه ان لا يجازف وان لا يمرمط بسمعة الآخرين
هاردلكم يا محامين التحالف فقد أكلتم الطعم بمزآجكم ورغبتكم


#874147 [محمد الزول]
1.00/5 (2 صوت)

01-01-2014 03:58 PM
الف مبروك عقبال رئاسة الجمهورية والمجلس الوطني


#874144 [كركاب]
1.00/5 (1 صوت)

01-01-2014 03:55 PM
اذا كان المحاميين ما قدروا يحموا اصواتهم ،على الدينا السلام
برغم الحشد الكبير لاسقاط مرشح البشير جات النتيجه مخيبه
الكيزان مع الانتخابات خبيثين حتى وان كانوا محاميين
الناس تكون واضحه يا ترتب جيدا او الامتناع
احسن ما نخلق شرعيه زائفه لهم


#874141 [Emam]
1.00/5 (1 صوت)

01-01-2014 03:51 PM
هذا زمانك يا مهازل فامرحي
انا الوم اخوتنا في التحالف للمشاركة غي هذه المهزلة
لانهم جربوا المجرب عدة مرات


ردود على Emam
European Union [سناء نورى] 01-01-2014 10:06 PM
اخوانك فى التحالف ديل ال لخبطوا الايةالقرانيةفى منصةقاعةالصداقة اثناءانعقادالجمعيةالعموميةوالا واحدين تانيين لو هم ديل ذاتهم عليك الله وزع ليهم مصاحف عشان يحفظوا


#874137 [عبد الله]
1.00/5 (1 صوت)

01-01-2014 03:48 PM
نتيجه عاديه ومتوقعه فى هذه الظروف


#874132 [عثمان خلف الله]
3.00/5 (2 صوت)

01-01-2014 03:43 PM
المهم فى تزوير ولا لا


ردود على عثمان خلف الله
[الكوز الفى الزير التحت الراكوبه] 01-01-2014 06:02 PM
أرضيه الملعب سيئه ومافى اوكسجين والحكم ماسوره .


#874123 [ابو منيب]
1.00/5 (1 صوت)

01-01-2014 03:34 PM
الحــل فى نقابة وبل نقابات موازية لهذا العبث


#874122 [المشروع]
3.00/5 (2 صوت)

01-01-2014 03:33 PM
وذبحت العدالةفي السودان
اذا كان في مثل هذا العدد من المحامين مؤيدين لهذا النظام الأعرج بين عرجه والظالم الواضح ظلمه معنى ذلك كان يا ابزيد لا غزيت ولا شفت الغزو
وبعد دا نقول على العدالة السلام في السودان.


#874118 [لن ترتاحوا يا لصوص]
1.00/5 (1 صوت)

01-01-2014 03:28 PM
لم يكن هناك اى داع للدخول فى انتخابات غير نزيهة وغير متكافئة الفرص مع حزب يملك مفاصل السلطة ويدفع من جيب المواطن لتحقيق اغراضه ويجيد التزوير والخداع والغش والكذب ويستخدم اموال واعلام الدولة لتحقيق اغراض حزبية ضيقة ..فحزب المؤتمر الوطنى وبالاضافة للتزوير والغش والمماطلة فى اعلان مواعيد الجمعية العمومية ..اخطر عضويته ومنسوبيه فى كل ولايات السودان بما فيها البحر الاحمر والشمالية ودارفور وغيرها ومن اموال الشعب اجر لكل مجموعة بص للسفر والعودة والاقامة والنثريات !!! دون مقابل للمعارضة هذا وحده يكفى للسقوط ناهيك عن استخراج بطاقات لغير المستحقين ..يكفى ان طبالهم حسين خوجلى قال بالحرف :( المؤتمر الوطنى حيفوز حيفوز العندو القلم ما بكتب نفسو شقى ) فى اشارة صريحة للتزوير للفوز باية وسيلة !! حسبنا الله ونعم الوكيل ..


ردود على لن ترتاحوا يا لصوص
European Union [سناء نورى] 01-02-2014 01:11 AM
قال تعالى )(وقل هاتوا برهانكم ان كنتم صادقين)صدق الله العظيم وقال رسول الله (ص)اذارايت مثل الشمس فاشهد والا فادع )ان شاءالله يوم القيامة بينتك تكون جاهزة ماينفع تقول انا سمعت ,,, والجمعية معلنة للكل ولو ماعارفين المواعيد الناس الجوا طبزوا فى الاية القرانية ديل جوا كيف ولمعلوميتك التصويت فى انتخابات المحاميين ما بالبطاقة انما بالرول (رقم السجل )وايجار البصات اخير من فتح البارات والاقتراع بتم بعد مراجعةالاسم والسجل امام اللجنةوماتتكلم فى حاجة ما بتفهم فيها


#874116 [Faisal]
0.00/5 (0 صوت)

01-01-2014 03:25 PM
فوز مستحق لماذا؟ لأنهم اجتهدوا واتفقوا ونظموا أنفسهم بعكس الآخرين شغالين ردحي وعبط وعايزين يفوزوا!!! شوفوا التحالف الكبير عمل شنو غير النضم؟!! أمس المهدي جرى عشان قطعة قماش غشوه بيها..!!


#874111 [وارقوا]
1.00/5 (1 صوت)

01-01-2014 03:22 PM
كذاااااااااااااااااااااابيييييييييييييين يا المدعو جورا بمولانه..أسامة حسن محمد احمد,وياالمدعوعوض حسن عوض والمدعو/بابكر محمد بابكر التنى ... منو الولاكم اولاُ.
لماذا قمتم بتشتيت المراكز ؟قال حروف ابجديه قال بالله قومو لفوا ياخي.
مزووووووووووووووووووورة من امها.


ردود على وارقوا
European Union [سناء نورى] 01-04-2014 03:12 PM
يا ارقو والا اسمك شنو ...القضائية كجهة مشرفة ما عندها سلطة الا على المراكز التابعة ليها زي المحاكم والتقسيم بالاحرف لتسهيل عملية الاقتراع اتخيل ان الالف المحاميين فى مركز واحد ..ويا متخلف هل تعلم ان بعد التوزيع كان فى زحمة فى بعض المراكز ؟ والناس اصلا ما فى حاجة بتعجبهم فى البلد دي..ولو كنت محامى كنت ح تعرف فائدة التوزيع بالحروف شنو لكن واحد زيك ما ممكن يفهم نظام زي دة طبعا ..وال ماقدر يمنع تزوير او يحمى صندوق حديد وا اهل لانو يحمى حقوق نقابة اعضاءها يفوق ال 20 الف محامى


#874101 [د/سعد]
4.25/5 (4 صوت)

01-01-2014 03:13 PM
انا ما بعرف محامي واحد مؤتمر وطني !!!
الا يكونو بيظهروا خلاف ما يبطنو


او .............


ردود على د/سعد
European Union [سناء نورى] 01-02-2014 01:48 AM
لو قلت الكلام دة من بدرى كان دعيتك للقاءالنقيب فى برى او الجمعية العمومية فى قاعة الصداقة لكن هسع ما فاتت حاجة انت مدعو فى اول لقاءبس اذاجاتك صدمة انا ما مسوءلة لان العدد كبير خالص وبكدةتكون فرزت بين المحاميين والشياطين واكون ماقصرت معاك واذا انت ما بتعرف محامى واحد مؤتمر يبقى ما بتعرف المحاميين

European Union [سناء نورى] 01-02-2014 01:18 AM
لو كنت عارفة الكلام دة من بدرى كان دعيتك للقاء النقيب فى ارض المعارض او الجمعية العمومية فى قاعة الصداقة عشان تعرف عدد المحاميين الوطنيين بس فى ولاية الخوطوم خليك من الاقاليم لكن برضوا ما فاتت حاجة انت مدعوفى اول لقاءبس لو جاتك صدمة انا ما مسوءلة لان العدد كبير جدا


#874099 [faisal.abdel rahman]
1.00/5 (1 صوت)

01-01-2014 03:10 PM
للاسف الشديد نقابه المحاميين في السودان من افشل منظمات المجتمع المدني لم نسمع يوما انها تصدت للدفاع عن انتهاكات الدوله ضد الافراد والمجتمعات او حتى الخروقات الدستوريه ومااكثرها في بلدنا المنكوب.......نظره سريعه لدول الجوار تجد ان صحفهم تحوي نماذج مشرفه للمحاميين الذين ينافحون من اجل كثير من القضايا الانسانيه والحريات.....ذلك الدفاع المشرف الذي يجعل للحياه قيمه ومعني......كليات الحقوق في بلادي تخرج مشاريع سماسره اراضى وعربات .....اسف ان كانت كلماتي قاسيه وهذا من العشم ان يكون دوركم اكبر من هو ماهو باد الان


ردود على faisal.abdel rahman
European Union [سناء نورى] 01-02-2014 01:40 AM
يا شاطر انت شقال شنو كدى ورينا نجاحك اوع تكون مراسلة بتع سمسار ..انت عارف الزيك دة حقو نقدمو لمحاكمة وننزل ليك اصغر محامى عشان تعرف معنى الدفاع ال بتتكلم عنه اما لو جاتك واحدة زيى كدة يومك حيكون اسود وانت منو عشان تقيم المحاميين ان شاء الله تكون شقال شقلانة شريفة ..انت نفسك كان تبقى محامى وفشلت ما مشكلة اقرا بنساعدك


#874076 [Kamal]
4.00/5 (3 صوت)

01-01-2014 02:45 PM
بهذا ستكون نتيجة انتخابات 2015 لرئاسة الجمهورية
ما رأيكم؟


ردود على Kamal
United States [[جركان فاضى] 01-01-2014 05:47 PM
دى المناظر لانتخابات رئاسة الجمهورية...احب الشفافية واحب الشفافين


#874071 [د/سعد]
3.50/5 (3 صوت)

01-01-2014 02:41 PM
ههههههههههههههههه

مافي شئ غير نضحك
مافي داعي للمهازل اذا الناس ما قادرة تحمي اصواتها ما تتدخل
في اللعبة دي


ردود على د/سعد
European Union [سناء نورى] 01-03-2014 12:19 PM
صدقت يا دكتور فعلا ال ماقادر يحمى صوت ما ممكن يحمى نقابة اعضاءها 20الف محامى

European Union [حسن سليمان] 01-01-2014 05:20 PM
يا عزيزي كان لابد من الاشتراك في الانتخابات .. ولولا المشاركة في انتخابات الجامعات لما عرفنا طرق هؤلاء الابالسة عديمي الاخلاق حتى تمرسنا في مراقبتهم حتى فزنا بالانتخابات عدة دورات بعد سنين من الاحتكار.. والآن بالاشتراك في هذه الانتخابات كشفنا الكثير من طرقهم المحترفة في التزوير وكسبنا الكثير من الخبرة لمنازلة اخوان الشياطين



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة