الأخبار
أخبار إقليمية
قرارت بمنح اوسمة لعدد من الشخصيات الوطنية والسياسية
قرارت بمنح اوسمة لعدد من الشخصيات الوطنية والسياسية
قرارت بمنح اوسمة لعدد من الشخصيات الوطنية والسياسية


01-01-2014 02:40 PM
(سونا) اصدر المشير عمر البشير رئيس الجمهورية اليوم قرارات جمهورية منح بموجبها عدد من الشخصيات الوطنية والسياسية اوسمة عرفانا وتقديرا لدورها فى ترسيخ المبادئ السامية فى قضايا الوطن وابراز الصورة المشرفة للانسان السودانى .

وقد تلا السيد صلاح ونسى وزير رئاسة الجمهورية قرارات رئيس الجمهورية مساء اليوم بالقصر الجمهوري خلال احتفالات البلاد بمناسبة الذكرى الثامنة والخمسين لعيد الإستقلال
ومنح البشير وسام الجمهورية من الدرجة الاولى لكل من السيد محمد عثمان على الميرغنى والسيد الصادق الصديق عبد الرحمن المهدى .
كما منح سيادته وسام الجدارة للموسيقار الفنان محمد الامين ووسام العلوم والاداب والفنون الذهبى لكل من الدكتور احمد البدوى محمد الامين والدكتور محمد عطا السيد مصطفى كما منح البشير وسام الامتياز من الطيقة الالولى للسيدة السريرة عبد الله الصوفى
ومنح البشير وسام الرياضة الذهبى للراحل عبد المجيد عبد الرازق عبد الحفيظ.


تعليقات 35 | إهداء 0 | زيارات 10195

التعليقات
#874612 [احمد]
0.00/5 (0 صوت)

01-02-2014 05:27 AM
تكريم من لا يملك لمن لا يستحق ومن خايب رجا الي تعسا'.عدا محمد الامين لا ادري ما الذي اتي به الي سوق النخاسه ليصافح الحجاج بن يوسف مع هو'لا' المرتزقه الصادق والميرغني.


#874589 [GSSOM]
0.00/5 (0 صوت)

01-02-2014 03:38 AM
حلوة دي ههههههههههههههههههه وسام للصادق والميرغني كان بي مرة الترابي ونافع وعلي عثمان هههه


#874561 [حسبو]
0.00/5 (0 صوت)

01-02-2014 02:24 AM
مسطول يكرم مسطول


#874541 [علي حبور]
0.00/5 (0 صوت)

01-02-2014 01:55 AM
والله يا ابو الامين خزلتنا فى شيبك
مع انك جدير بالاوسمه تدوس بتاريخك في لحظة
رخيصة خايف على شنو بعد عمرك لو كنت رفضت كان دخلت تاريخ و لكن خرجت بخفي حنين وخرج منك من احبوك مناضلا


ردود على علي حبور
European Union [ود الامين] 01-02-2014 03:18 PM
الموسيقار ما إتكرم من البشير الموسيقار إتكرم من جمهورية السودان ....


#874458 [مجنون ليلى]
0.00/5 (0 صوت)

01-01-2014 11:39 PM
وين الترابي من المولد ده ؟؟ كانوا يكرموهو ويتموا الناقصة ؟؟


ردود على مجنون ليلى
United States [hassan] 01-02-2014 08:40 AM
الترابي واسرة المرحوم نقد رفضوا التكريم من السفاح


#874434 [ابو امل]
5.00/5 (1 صوت)

01-01-2014 10:44 PM
اين حفظة القران


#874389 [رانيا]
5.00/5 (3 صوت)

01-01-2014 09:45 PM
كل سنة والجميع بخير وصحة وعافية إنشاء الله . . وأنا بس حبيت أقول يا أخوانى الأعزاء مافي داعي تزعلوا نفسكم حتى في تذوق الفنانين عاملنها حكاية يعنى الأستاذ محمد الأمين ولا الكابلي ولا وردى كله بنكهته الخاصة ما معقول الكل حيفرض ذوقه علي الآخر . . ويا أخى عباسي شوف وحدك علماء القرآن الكريم عملوا فينا شنو وخلي الطابق مستور. . إن شاء الله السنة دى كلنا نبقي علي قلب رجل واحد ونعرف نحب ونحترم بعضنا.


#874380 [مواطن]
4.00/5 (5 صوت)

01-01-2014 09:27 PM
عندما منحت تركيا وسام أتاتورك للمناضل الراحل نلسون مانديلا, رفض قبوله لتعارضه مع مبادئه و قيمه, كيف يقف هؤلا الاقزام من موقف مانديلا العملاق, فتلقى الصادق و الآخرين أوسمة من يدى الطاغيةالبشير هو صفعة لأقرب مأساة و عمل أجرامى نفذه البشير و هو قتل الشهيد السنهورى و رفاقه من الشباب وهو حدث مريع لم يتوقع أى مواطن ذو أخلاق و ضمير أن ينسى بهذه السرعة, يبدأ ذوى النفوس الصغيرة فى عهد الانحطاط الاحتفال مع أسوأ سفاح عرفه تاريخ هذا الوطن.


#874375 [الكلس]
5.00/5 (1 صوت)

01-01-2014 09:24 PM
اذا تقبل الامام الصادق او الميرغني هذه الاوسمة فهذا هو النفاق نفسه وإلا كيف نفهم انهم معارضون ويقفون في المنابر ويقولون يسقط النظام ثم يعودون الي نفس اليد ليلقون اليها السلام ويباركون لهم نظامهم المشؤوم ؟


#874373 [الكلس]
5.00/5 (2 صوت)

01-01-2014 09:15 PM
ديل كلهم ما فيهم اي شخصية وطنية...... لا الذي يكرم وطني ولا الذي يتم تكريمه وطني.. كلهم في نظري انتهازيين وعديمي ضمير وخونة للوطن


#874370 [saifeldin]
5.00/5 (2 صوت)

01-01-2014 09:13 PM
بنقو في بنقو وشديده ملفوفه ود لامين والبشير حاجة معروفه وياحسدين غرامنا وياقاصدين خصامنا واسمر جميل فتان وتستحق وسام


#874364 [Almo3lim]
3.00/5 (3 صوت)

01-01-2014 09:09 PM
آآآآآآآآخ يا ود اللمين ....

أحزنتني أكثر من أبناء البيوتات السياسية و أنت الذي رددنا وراءه:

يا ظالما في الغيب أحذر ملاقاتنا ...

و لو لسه ما ولدوك أحذر وليداتنا ...

لم يبق للبشير إلا أن يشتري صمت نساءنا و نحن نتفرج ...


#874360 [سوداني]
0.00/5 (0 صوت)

01-01-2014 09:08 PM
دقو واتعذرلو


#874317 [منصور محمد صالح محمد العباسي]
1.00/5 (1 صوت)

01-01-2014 08:09 PM
كان الأولي ان تكرم ثورة الإنقاذ حفظة القران الكريم وأئمة المساجد لا ان تكرم الفنانين ،،حفظة القران الكريم ساهمو في نشر الفضيلة بين الناس ،،بينما الفنانين نيرو الرذيلة في السودان ،،،فعلا ثورة الأناقة بدات تحيد عن الطريق حينما أقصت الإسلاميين الحقيقيين،،،الي الله المشتكي!!!!!!!


ردود على منصور محمد صالح محمد العباسي
United States [المشروع] 01-02-2014 01:58 PM
كلامك صحيح يا منصور والله كان الاولى تكريم حفظة القرأن ورعاة الخلاوي والمسايد وحاملين تقابة الحق والفضيلة في السودان لكن من الذي يكرمهم ؟ اتنتظر من حكومة يدها ملوثة بالدماء ان تكرمهم؟ ولما كان الجماعة الذين تقصدهم موجودين لم يقوموا هم ايضا بتكريمهم لانه بصراحة لا يوجد اسلامي لا حقيقي ولا مزيف وهؤلاء الذين يقولون هم (اسلاميين) رغم تحفظي على هذه التسمية هم يزكون انفسهم بأنهم اسلاميين وهم يلبسون لباس شهرة ما كان عليهم ان يلبسوه وعلى الانسان ان يسعى لخير نفسه ويسأل الله من فضله ولكن الاسلاميين الذين تقول انهم حقيقين هم الذين جاءوا للسلطة بالكذب ثم شردوا الناس وقتلوا وفصلوا وجلعوا السلطة تتداول فيما بينهم فقط وهم الذين كانوا شاهدين على بيوت الاشباح وتعذيب الناس لمجرد انهم معارضين للنظام مع العلم ان الرسول صلى الله عليه وسلم لم يعذب معارضا واحدا لفكره او لرايه بل حتى المنافقين الذين ابلغه الله بهم لم يفعل لهم شيئا وكانت حروبه صلى الله عليه وسلم مشروعة بل كانت الحرب من اجل اعلاء لا إله الا الله ولم تكن من اجل السلطة ونحن اليوم مسلمين ونشهد ان لا اله الا الله ونصلى ونصوم ونسال الله ان يتقبل ذلك منا ولكن انا اعلم تماما انه لا مكان لي في السودان بل لا مكان لابني الذي جاء اول السودان ولا بنتى وهي في اولى ثانوي وجاء ترتيبها الاولى على مدارس البنين والبنات في مرحلتها اعرف ان دولة التمكين ستفضل ابن كمال عبد اللطيف على ابني وابن نافع وبنته على بنتي هل تقصد مثل هؤلا الاسلاميين؟ ومع ذلك اتفق معك انه يجب ان يكرم حفظة القرآن الكريم ولكن من يكرمهم ؟

[الدنقلاوي] 01-02-2014 02:40 AM
(حفظة القران الكريم ساهمو في نشر الفضيلة بين الناس)
يا سلام يا سلام
نشروها وين؟؟
والله كان أولى انو حفظة القرآن ديل ينشروا الفضيلة في السودان كمان، مش بلدهم أولي بالفضيلة، ولا انت بتتكلم عن حفظة القرآن الإسكندنافيين، لو كان كدة، معليش، لكننا والله نحن محتاجين للفضيلة برضو ووروني الفضيلة وأقيفوا فراجة
ممكن تقيفوا جنب ديوان المراجع العام، أو بيوت الآطقال مجهولي الأبوين أو جنب شركة الصمغ العربي أو وزارة الزراعة، أو سودانير، أو ...في الحقيقة ممكن تقيفوا في أي حتة فالبلد ما شاءالله مليانة فضيلة والبركة في حفظة القرآن

[ابو امل] 01-01-2014 11:24 PM
التكريم امانه

[ابو امل] 01-01-2014 11:10 PM
اين انتي يا استاذيوسف بدري الصادق وكرموه!!!

[ابو امل] 01-01-2014 11:05 PM
يا جماعة الخير كما يقول الاخ عبد السيد حمد ابن قريتنا شبعانه.ود الامين ده راجل مفلس وتعبان خلوه يمكن يلقي ليهو قطعة واطي ولا حاجه تنفعو الي الان ود الامين مؤجر الحساده شنو.خلوه يستفيد .والله السودان مليان بالعلماء الجديرين بالتكريم.يلا ما علينا .يلا اهو كلام والسلام.حلو مشكلة دارفور ومشكلة جبال النوبه لكن من دون العميل ياسر طرشان والعميل الحلو ،حقو يسوه المر.يا جماعه كير احسن لينا من مشار باقان ده يكره الشماليين موت.الله ما جابو تاني راجع.باقان ده عميل .وكلام الاستاذ الطيب مصطفي صاح فوق باقان.مشار وباقان اذا جو تاني مشكلة جبال النوبه تولع نااااار تاني!!!

[ابو امل] 01-01-2014 10:51 PM
الزمن ده كله مصالح.بل كان الاجدر تكريم حفظة القران وعلماء السودان في كل المجالات.تكريم السيد الصادق والسيد محمد عثمان الميرغني عشان الحكومه تكسب جانبهم.محمد عثمان ده ما كان شريك قرن وبعد الاتفاقيه قرنق شاته وخلي خشمه ملح مل!!!؟.

[ساب البلد] 01-01-2014 10:14 PM
******** انت قصدك مغتصبو الاطفال ؟؟؟ ********

European Union [الكلس] 01-01-2014 09:11 PM
يا اخي عليك الله كدي فكنا ما تعمل لينا ضغط يا .........
وين نشر الفضيلةبين الناس والبلد غرقانة برمتها في الفساد؟
وهل تقصد ائمة المساجد الذين اصبحوا العوبة في ايدي النظام الفاسد واصبحوا يحلون الربا من اجل الفوز برضا السلطان ام من ؟


#874301 [واحد]
5.00/5 (1 صوت)

01-01-2014 07:36 PM
والله هذا زمانك يا مهازل فامرحى الصادق المهدى ومحمد عثمان الميرغنى صحيح الاختشوا ماتوا انتو الناس ديل ما جوا على ظهوركم واخدوا الحكم منكم عنوة وقوة يضحكوا عليكم باوسمة يا اخى والله صحيح نحن شعب لنا الله وانتو طالبى سلطة وجاة لعنت الله عليكم جميعا وانتو الضيعتوا السودان واسال الله ان ينتقم منكم كلكم انصار على ميرغنية على مؤتمر وطنى والى مزبلة التاريخ


#874297 [Kunta Kinte]
0.00/5 (0 صوت)

01-01-2014 07:27 PM
يعنى الشباب الذين لم يجدوا أى شئ من هذا البلد غير دعوتهم بكل ما هو سئ أثبتوا انهم افضل من العجزة الذين كنا نظن فيهم خيراً ، وهنا أذكر فيديو ذلك الطالب الخريج فى مصر وهو يرفض التكريم من الطفل المعجزة

ليت الأخوة فى الراكوبة ارفقوا ذلك الفيديو ليقرأ مع الخبر


#874284 [د.علي محمد احمد الفضل]
0.00/5 (0 صوت)

01-01-2014 06:56 PM
اين وردي يا سيادة الرئيس وهل رجعنا تاني لسياسة التمكين انت رئيس السودان فابق رئيس لنا كلنا .وردي ورغم الاختلاف من كل ما قدمت لهم من اوسمة


ردود على د.علي محمد احمد الفضل
United States [ح] 01-01-2014 10:08 PM
وعثمان حسين


#874280 [معاويــــــــــــــــــــــــــــــــــة]
0.00/5 (0 صوت)

01-01-2014 06:53 PM
هذه ام المهزل وانها لمهزلة الشعب السودانى اولا هؤلاء من امنهم الشعب على حقوقهم وحرياتهم واليوم تباع لسارقيها عيانا بيانا
من اليوم وصاعدا يجب على الشعب السودانى اجمع ان يعرف ويحدد مساره من طريق الاحزاب التى تعرف بالطائفية ,, لقد خزلونا اليوم وهم يطا طئوون رؤوسهم للسفاحين والقتله لياخذو منهم انواط الجداره التى منحها لهم الشعب قبل الدكتاتور الذى نصب نفسه رئيسا عليهم بقوة السلاح وتحت جنح الظلام فكيف ناتمنهم مره اخرى لنسلمهم الامانه ليدرك الشعب السودانى مخازى هذه الطوائف التى تقتاق من شقاء المساكين ومن مسروقاتهم لعنة الله عليهم اجمعين تفووووووووووووووووووووووووووووووووووووووو


#874273 [Abu sami]
5.00/5 (2 صوت)

01-01-2014 06:34 PM
و من انت يا بشكير لتمنح الأوسمة . لعنة الله عليك. الصادق و الميرغنى اودعتهما السجن فى بداية انقلابك المشئوم و اليوم تمنحهما الأوسمة؟ لعنة الله عليك أيها السفاح.


ردود على Abu sami
United States [A. Rahman] 01-01-2014 08:04 PM
لعنة الله عليهما لانهما لو كانا يملكان ذرة من كرامة لرفضا التكريم من هذا الأهطل . لماذا لم يكرم الترابي مثلا، فهو اسواهم جميعا لكن مدفع الدلاقين عارف انه كان حيرفض. الميرغني لا يهمه شيء سوى المال و عندما يستلم الوسام سيسال ما اذا كان معاه ظرف مدنكل ام لا. اما امام السجم فهو يحب التكريم من حيث هو بصرف النظر عن من يكرمه، و لو كان أعطوه وسام لجمهورية للدلاديل لما رفضه.


#874247 [جركان فاضى]
5.00/5 (1 صوت)

01-01-2014 06:00 PM
الكل يستحق التكريم ما عدا الامام الصادق المهدى ومولانا محمد عثمان الميرغنى...انا كان اصبحت لدى سلطة بنزع منهم هذا التكريم وافكهم فى الهواء...الفنان الكبير محمد الامين يا جماعة ارحموه..الرجل كبر فى السن ولايتحمل الصراعات فى هذا العمر..ثم انه يستحق التكريم من رئيس الجمهورية سواء كان البشير او غيره...غير اننى ما كنت ان اتمنى ان يكون البشير هو الرئيس الذى يمنح التكريم


#874243 [الدنقلاوي النوبي]
5.00/5 (1 صوت)

01-01-2014 05:55 PM
حينما استولى البشير على السلطة جاء في خطابه الاول ان السطو على السلطة ماكان الا لفساد في الديمقراطية والاحزاب، وان السطو جاء لينقذ البلاد من المهزلة التي ادخلها فيها الصادق.

كان الصادق في نظر البشير وقت جاء للحكم يستحق السجن بسبب الوهن الذي اصاب السودان... عجبا الآن البشير يكافئ الصادق على انجزاته من اجل الوطن.

من هو الكذاب البشير ام الصادق؟ ام نحن لانفهم؟


ردود على الدنقلاوي النوبي
[زول عربي..] 01-02-2014 01:25 AM
نحن لا نفهم ....


#874235 [حد بيعرف احسن م الحكومه!!]
1.00/5 (1 صوت)

01-01-2014 05:48 PM
هل جاء اسم الحسيب النسيب اولا قبل اسم ألأمام الحبيب الرمز فى المرسوم الجمهورى؟
* انا لو كنت محل الحبيب الرمز لرفضت الوسام!! كيف يعنى ؟ ولدنا "عبرحمن" "هاجر اكمال نصف دينو رغم انو مستطيع مما جميعو مال وباءه وخيره طويله وممتازه " وطول وقتو قاعد فى السودان ما فكر يسافر اصلو.. ما بفكر فى شى الآ فى مساعدة الرئيس بكل ما اوتى من جهد وفكر ويشيل ويتولى الأشراف على كبريات المهام الرئاسيه .. فى الوقت اللى فيهو المساعد التانى ال"عن وطنو طال غيابو" وجهودو فى شرح احوال السودان للانكليز ولفتح ابواب التقارب مع المصريين كحزمه معالجيه لما اصاب تعاون السودان مع محيطو العربى وألأفريقى لا ترقى الى المستوى المنتظر من المدافعه والمجاهده لتوثيق العلاقات الثنائيه وتامين المسارات لتواصل الاسناد ألأستراتيجى المتوقع للمساعده فى حل الضوائق وألأزمات الجاريه..
* يجى بعد جهود عبرحمن اللى لا تقارن بما يقدمو المساعد الغائب طول زمنو تقوم يا ود شيخ ونسى (لله يرحمو ويقفر لو) تقدم وتأخر كدا بدون معنى ولآ يعنى المعنى انت ركزت على المشاركه الفاعله ذات المرتكزات البائنه النوعيه المعبره عن المصالح والتطلعات للمزيد من المشاركه.. لكن برضو ايش جاب لداب..كان لا بد من اعطاء اعتبار للحضور الواسع والدور الرائد الموصزف بالمهنيه وتفعيل التصدى لأمهات القضايا الوطنيه اللى بيقوم بيها ولدنا عبرحمن (المسمى على راجلا ما هيّن) من داخل السودان..
فضلا عن سابق خبرات ألأمام الحبيب الرمز فى تركيز دعائم الديموقراطيه واستمرار الحكم الراشد فى السودان خلال فترات توليه الحكم مرتين (الآ العسكر الله يجازيهن متل اتكنو بس قاعدينلو) مما اهله لنيل جائزة قوش الفليبينيه.. اها دحين دى فاتت ..العتره بتصلّح المشى وخت بالك لقدام .. ابوى.. باقى انت ولدا مبروووك من جهلتك ومتمنين ليك طول العمر والقعاد فى فكانك دا ولقدام وللأعلى كمان انشاءالله


ردود على حد بيعرف احسن م الحكومه!!
[احمد] 01-02-2014 05:40 AM
هههههه والله حقو تكتب روايات ، انا عارف كتار ( مو) فهموا اسلوبك الشيق، لك التحيه.


#874224 [سيد اللبن]
5.00/5 (1 صوت)

01-01-2014 05:26 PM
وين الملحمه يا ود الأمين ,, عندما تقول ولسه بنقسم يا أكتوبر لما يطل في فجرنا ظالم ,,نحمى شعار الثوره نقاوم ,, ولاخلاص ؟؟ وبعدين الوسام ده عشان شنو ؟؟؟؟


#874219 [حزب الراكوبة]
5.00/5 (2 صوت)

01-01-2014 05:17 PM
لما يطل في وجهنا ظالم
ولا يطل ولاحاجة قدامك face to face


#874211 [AburishA]
5.00/5 (1 صوت)

01-01-2014 05:09 PM
وسام السيد الصادق ومولانا الميرغني.. دي صكوك غفران ولا شنو!!!


#874204 [بومدين]
5.00/5 (10 صوت)

01-01-2014 05:04 PM
هــــذا زمــانك يا مـهـازل .. فـتجـدعـي ، وأمـرحـي ، وفـنجـطـي ، وبرطـعـي !!!!.
تـكــريم مــن لايمـــلـك .. لـمـــن لايســــتحـــق ؟؟؟.
حـينمــا قــلـنا هـــذا زمـــان الـمـفـنقســــين .. لـــم نـظـلـم مـفـنقس !!!!.
كــيف لـرئيس وزراء .. يفـترض .. أنه مـنتخـــب مـن الـجـمـاهــير ؟؟؟؟.
كــيف تســـني لــــه .. أن يطـأطئ راســــه .. ويفنقس أمــام مـغـتصــــب ،ومـنتهــك أمــانته اللــتي ( أمــنهـا لــه الـشــعـب )؟؟؟!!!!.
آل الـمهــــدي .. وآل الـمــرغـني !!!!.
هــم آفــة الـســودان الـكــبري ؟؟؟؟؟.
الـبيوتات الـتي عــاونت الإسـتـعـمـار ، ومـكنت الـمسـتـعـمـر مـن رقــابنا ..
أرباب الإقــطـاع ، والإســتـغـلال ، والإسـتهبال ، ولإسـتـغـفال ، والـشــعـوذه ، والــدجــل !!!!.
أباطــرة ، ومــلـوك .. الأوانطــــه ..
أول مــن إفـترش ( برش ) بـضــاعــة تجــارة الـدين عـلـي أرض الـشــارع الـسـياسي الـســوداني ؟؟؟!!.
أول مــن باعـوا ( شــــبر فـي الـجــنة ) ؟؟؟؟!!!!.
لـــن لــيكــون لــهــم مـكـان بيننا ؟؟؟.
الغضب الساطع آتٍ .. الغضب الساطع آتٍ .. الغضب الساطع آتٍ .. وأنا كلي ايمان
الغضب الساطع آتٍ .. سأمر على الأحزان
الغضب الساطع آتٍ .. وأنا كلي ايمان
الغضب الساطع آتٍ .. سأمر على الأحزان
من كل طريق آتٍ .. بجياد الرهبة آتٍ
و كوجه الله الغامر .. آتٍ آتٍ آتٍ .
ســـنري أي مـنقـلـب .. ينقـلـبون .


#874197 [خازوق]
2.00/5 (2 صوت)

01-01-2014 04:52 PM
اخي عليك

أصلاً ياود الأمين إنت كئيب وما عندك موقف مما اتنكرت للأكتوبريات

الفنان ود الأمين أو ود البشير

قرف يقرفكم كلكم


#874195 [بهاء]
3.25/5 (3 صوت)

01-01-2014 04:49 PM
بالله عليكم دة فنان يستاهل التكريم ؟ عمل شنو للوطن ؟ قال موسيقار قايل روحو وردي


ردود على بهاء
United States [قصاص] 01-01-2014 09:00 PM
احترم نفسك
والله محمد الامين دا في نظرنا افضل بمراحل من وردي المتعجرف..


#874177 [zico]
4.50/5 (2 صوت)

01-01-2014 04:35 PM
متعك الله بالصحة استاذنا محمد الأمين


#874176 [zico]
4.00/5 (2 صوت)

01-01-2014 04:34 PM
الأستاذ عندو كلام كثير بيقول فيه في سرو لبشة بيقول شوف وين روحتنا وديتنا وين


ردود على zico
[ود كركوج] 01-01-2014 07:49 PM
ولو وشوش صوت الريح فى الباب كنت اقول ديل كلاب الامن جايين يعتقلونى...الشعب السودانى مسكين شوف الصادق والميرغنى اخر ضحك وتكريم وجايين بكل نفس مفتوحة لاوسمة البشير الذى مرغ انوف السودانيين وكمان تقول لى نضال ...حاجات قرف وتضحك وتبكى فى ان واحد..بلد ما عندها اما بتبكى عليها.


#874172 [madibo]
4.00/5 (1 صوت)

01-01-2014 04:30 PM
السؤال المطروح م الشئ التي فعله كل من الصادق والمرغني للبلاد لكي يمنحو هذه الاوسمة؟


#874146 [ابو علي]
3.00/5 (1 صوت)

01-01-2014 03:56 PM
الوجيدان الذان استحفا التكريم عن جدارة هما هم الدكتزر احمد البدوي وهو كاتب وباحث اكاديمي محتخصص في الاداب وعبد المجيد عبد الرازق وهو ناقد رياضي كبير اما السيدين فلا يستحقان وعلى لماذا يكرمان زهم اس البلاء في البلد ونحسب أن تكريهم من باب الكسب السياسي الرخبص


#874125 [محمدين]
3.00/5 (1 صوت)

01-01-2014 03:36 PM
للأسف يلاحظ على ود الأمين أنه قد وضع نفسه في موقف صعب بالأخص مع جمهوره العريض نظرا لتأييده لهذا النظام البائد وقبوله للهدايا من (على عثمان) وكذلك نراه بالأمس يسلم رقبته للبشير طائعا مختارا ... الله يرحمك يا (وردي) ورد الله غربتك يا (كابلي)!


#874120 [Faisal]
0.00/5 (0 صوت)

01-01-2014 03:29 PM
حاجة لذيذة!!


#874094 [ثروات]
3.00/5 (1 صوت)

01-01-2014 03:07 PM
بشة يبدا باهل بيته ودة اولا وابلقية تاتى



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة