الأخبار
أخبار إقليمية
وداد تؤكد جاهزية السودان لاستضافة اجتماعات منظمة المرأة العربية
وداد تؤكد جاهزية السودان لاستضافة اجتماعات منظمة المرأة العربية
وداد تؤكد جاهزية السودان لاستضافة اجتماعات منظمة المرأة العربية
وداد بابكر widad babiker


01-02-2014 12:10 AM
(سونا) - اختتمت حرم رئيس الجمهورية وداد بابكر سلسلة اللقاءات التي اجرتها مع السفراء العرب المعتمدين بالخرطوم حيث التقت امس بكل من سفير دولة جيبوتي وعمان وتونس والصومال و اطلعتهم علي جاهزية السودان لاستضافة اجتماعات المجلس الاعلي والمجلس التنفيذي لمنظمة المرأة العربية بالخرطوم في يومي 24 و25 يناير 2014م واستضافة السودان للمؤتمر القادم للمنظمة بالخرطوم في مطلع العام ا 2015م بمشاركة السيدات الاول والمنظمات العربية والاقليمية والدولية .
واكدت السيدة وداد بابكر رئيسة الدورة الحالية لمؤتمر منظمة المراة العربية اكتمال كل الخطوات والاجراءات الفنية والادارية واللوجستية لانعقاد هذة الاجتماعات مشيرة الى اهمية مشاركة السيدلت الاول ومرحبه بحضورهن للسودان للمشاركة في هذة الاجتماعات والدفع بقضايا المراة العربية .
وامتدحت حرم الرئيس جهود الدول العربية والكسب الكبير للمراة العربية في شتى المجالات ومثمنة العلاقات القوية والمتطورة بين السودان والدول الصديقة والشقيقة .


تعليقات 23 | إهداء 0 | زيارات 3432

التعليقات
#875334 [ابوطارق]
5.00/5 (1 صوت)

01-02-2014 08:48 PM
يا سبحان الله .... الشعب شغال يشد في الحزام لمن اتقلب الحزام من شدة تلاشي البطون ...
في حين السيدة الأولى في البلد شغالة تدعو في الحريم لحضور انعقاد المجلس الأعلى للمرأة العربية .... والله شر البلية ما يضحك ....
في مثل زمان كان بنسمعو من حبوباتنا بقولوه لمن يكون الواحد ما عندو شيئ وبتفشخر ..
(عريان ولابس ليه سديري )
آآآآآآآه يابلدي الحبيب !!!!!!!؟؟؟؟؟؟؟


#875292 [غريب ديار]
4.50/5 (2 صوت)

01-02-2014 07:47 PM
يا مره ماتقعدي في بيتك تضبطي الحنه والدلكه والدخان للمكعوج ده يمكن يجيب

ليه وريث يحكم السودان ؟ هذه ايامك يامهازل فامرحي " ماتنسي ياوددددددددددددده


النسوان الجايات ديل توريهم سيرتك الذاتيه وسيرة اهلك من القريه الي القصر


الجمهوري ومن ركوبك الحمار حتي ركوب سيارات القصر اوعك تنسي ::::


#875268 [وداد شمس الدين]
4.00/5 (1 صوت)

01-02-2014 07:24 PM
وداد تؤكد جاهزية حفرة الدخان لاستضافة اجتماعات منظمة المرأة العربية


#875181 [abo yousif]
5.00/5 (1 صوت)

01-02-2014 05:36 PM
ان شاء الله ما تنسى تطرح قضية ستات الشاى دى واحدة من مشاكل المراة فى السودان ليه فى ست شاى بس فى السودان ارجو يا وداد ان تركزى على الموضوع شوفى لينا خبر الحريم ليه بسون شاى


#875115 [نسيب نافع]
0.00/5 (0 صوت)

01-02-2014 03:43 PM
السيدة وداد بابكر كرمتها الدول الأجنبية وانتوا تزموا فيها

ياناس والله حرام عليكم


#875032 [ابومحمد]
5.00/5 (1 صوت)

01-02-2014 01:55 PM
عرفتو اموال الشعب السوداني بتتصرف في شنو
قال مراة عربية قال
الميزاينة بتاعت المؤتمر ده مفتوحة ..
نصها في المحفظة وربعها للكريمات بتاعت وداد والربع الاخير للضيوف


#875014 [Sarah]
5.00/5 (1 صوت)

01-02-2014 01:41 PM
مهازل وكله على حساب الشعب المسكين نسال الله ان يعجل برحيلكم وعذابكم اليوم قبل الغد


#874856 [أب قرن]
5.00/5 (1 صوت)

01-02-2014 11:20 AM
انعقاد مؤتمر المرأة العربية في السودان له فوائد عظيمة على المستوى المحلي ومن شانه ان يعكس التطور الخرافي الذي وصلت إليه المرأة السودانية والتي يجب عليها أن تطالب بإلغاء الرسوم والضرائب التي فرضتها الحكومة على الطلح !!!!1


#874813 [ayamzman]
5.00/5 (1 صوت)

01-02-2014 10:47 AM
ياوداد خلي تافارغة وممقدودة انتي عندك عقدة نقص من الفقر الكنت عايشاهو مع شمس الدين وقبلو في بيت اهللك بطلي السرقة واكل الحرام منظمة شنو وكلام فارغ شنو يعني حاتعملي شنو للمراة العربية شوفي المراة الافريقية السودانية اول حاجة بدين الدول الاجتمتعي مع سفراءها دي دول شنو ديل يدعموك بي شنو جيبونتي والصومال ديا جايين يتعشو زي ما قال هاني رمزي الممثل بتريق المهم دا كلو عبط وهبل نحن ما محتاجين لي منظمات مراة وكلام فارغ نحن محتاجين لي اقتصاد قوي يحمي المراة الافريقية يا افريقية من البوس والزنا وهلم جرا


#874780 [عنتر]
5.00/5 (1 صوت)

01-02-2014 10:15 AM
الله لا يجيب تاليكم


#874744 [الجعلي الفالصو]
5.00/5 (1 صوت)

01-02-2014 09:53 AM
وبعدين من يدفع لهذا الجيش الجرار من الزوار والمتطفلين ، هذا سيكلف خزينة الدولة المليارات هؤلاء قوم تحركهم نساؤهم وإلا بالله البوبار عليكم شنو وقد بلغ التضخم حداً غير مسبوق وحال المواطن في عسر وضيق واقتصاد البلد كله في كف عفريت ميزانية طرشقت وعجزت قبل أن يبدأ العمل بها ، وبعد ده كلو الست الأولى ودو عاوزة تعمل ليها عيزومة للسيدات الأول في العالم العربي والطريف أن سيادتها قابلت سفراء الدول العربية بس انظروا الدول الصومال وجيبوتي وتونس وعمان آها يا السمحة وين باقي الدول العربية ؟!!!!!!!!


#874721 [مهاجر]
5.00/5 (1 صوت)

01-02-2014 09:33 AM
والله حرام هلكتونا بهذه المؤتمرات والصرف عليها ونحن نعاني حتي من توفر الاتدوية الضرورية اتقي الله سيدي المشير .


#874708 [جنوبي]
5.00/5 (1 صوت)

01-02-2014 09:22 AM
واجتماعات منظمة المرأة العربية دي حنجيب ليها قروش من وين والميزانية معجّزة !!
بس ياها حكاية إتديّن و إتبيّن !!
فترنا نحنا من ضياع القروش في الحاجات الفارغة دي ....


#874703 [وطني غيور]
5.00/5 (1 صوت)

01-02-2014 09:19 AM
الوليه ام جضوم دي الله يحلنا منها
سطحيه
غجريه
متخلفة
الصدفة المدبره خلتك السيدة الاولي
بل انت المتخلفة الاولي
شغاله نهب و بذخ في اموال الشعب
لعنة الله تغشاك انت و البشكير بتاعك ده


#874702 [bullet ant]
5.00/5 (1 صوت)

01-02-2014 09:19 AM
لصة السودان الاولي بعدين ما بتقدرى على الجهجهة


#874669 [القعقاع الفي القاع]
5.00/5 (1 صوت)

01-02-2014 08:44 AM
إنت خليك جاهزة بس و الباقي ما مهم


#874608 [saifeldin]
5.00/5 (1 صوت)

01-02-2014 05:15 AM
ماشه معاك جوائز واجتماعات سفراء وطالعة ونازلة وينه ضرتك مجرد سؤال في عهد عمر العادل عندنا اربعة وعشرين عام رماد أكل المال العام و79 الف مريض إيدز واطفال شوارع واطفال حاجة كده في المايقوما والبحرق اطفال مدارس ماعندهىم حق الفطور بصفتك انت أم حنني قلب الفاروق بمناسبة فطور الجنيان وعارفين مابحن ماعنده الشوفع ولا بعرف التسنين والحصبة ولا التطعيم ولا الحفاظات ذي النار في السوق ولكن ياوداد في ليلة حمراء وبقميص نوم أحمر لي هنا0000 يمكن يحن شرحنا ليك الحال ما انت طالعة في الكفر وينه ضرتك ياوداد والحمدلله النور الجيلاني استعاد العافية


#874586 [الزين الزين]
5.00/5 (1 صوت)

01-02-2014 03:26 AM
جيبوا ليكم 50 واحد من الناس المابتحلم انها تنوم فى فندق وسكنوهم واكلوهم مده 5 ايام احسن من المؤتمر بتاعك ده -كدى نتخيل الفائده منو شنو للشعب السودانى بالله كل واحد يكتب الرؤيا بتاعته فى فائده هذا المؤتمر غير الماكله -


#874558 [ابو منتصر]
5.00/5 (1 صوت)

01-02-2014 02:20 AM
بالله دي مش مسخرة الناس ما لاقية تأكل


#874551 [رانيا]
5.00/5 (1 صوت)

01-02-2014 02:07 AM
علي رأيك يا ساب البلد أفريقيا دى ما في واحد معبرة ههه.


#874550 [fathigadal]
5.00/5 (1 صوت)

01-02-2014 02:05 AM
اكيد الموضوع فيه ضربه قويه


#874533 [ahmed]
5.00/5 (2 صوت)

01-02-2014 01:43 AM
حلوه شديد يابشه صحه


ردود على ahmed
European Union [مسقرط ساى] 01-02-2014 07:26 PM
لا حلوه لا زفت


#874493 [ساب البلد]
5.00/5 (1 صوت)

01-02-2014 12:45 AM
*********** المرأة الافريقية ما عندها منظمة يا ناس ؟؟؟؟ ***********************


ردود على ساب البلد
[مهاجر] 01-02-2014 03:00 PM
ماتخاف كلهم سنستضيفهم بس مراعاة لحالة البلد ماراح نكتر الضيوف مراعاة لحالة البلد. برضو نحنا حاسين بحال المواطن الغلبان الذي دخله فقط 11000 دولار في السنة .والله شبعنا مسخرة ومؤتمرات وخايف بكره يعملوا مؤتمر لكلاب السيدات الاوائل.



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة