الأخبار
أخبار إقليمية
والي الخرطوم : ادخال تجارب اليونان وإسبانيا لتحقيق طفرة في الانتاج الزراعي
والي الخرطوم : ادخال تجارب اليونان وإسبانيا لتحقيق طفرة في الانتاج الزراعي
والي الخرطوم : ادخال تجارب اليونان وإسبانيا لتحقيق طفرة في الانتاج الزراعي


01-04-2014 11:46 PM

الخرطوم ( سونا) - شرعت ولاية الخرطوم الاستعانة بخبرات أجنبية لتوطين صناعة البيوت المحمية لتنفيذ خطتها الاستراتيجية في زيادة الانتاج وتشغيل الخريجين من خلال الاستفادة من قرار الدولة بتخصيص 12% من التمويل المتاح في البنوك لمشرعات التمويل الأصغر .

فقد وقف د. عبدالرحمن الخضر والي ولاية الخرطوم اليوم يرافقه وزراء الزراعة والمالية والإستثمار على بدء عمليات تصنيع البيوت المحمية بواسطة خبراء يونانين بمقر مجموعة الجداول بمشروع السليت الزراعي ومجمع إنبات للبيوت المحمية .

واكد د. الخضر ان دخول الخبرة اليونانية في تصنيع البيوت المحمية والخبرة الاسبانية في تقانة الزراعة وأيلولة أغلبية أسهم الجداول والإنبات لولاية الخرطوم سيمكن الولاية من الذهاب بخطوات سريعة نحو تشغيل 8 ألف خريج وشاب خلال عام 2014م عبر (7) مجمعات كبيرة للانتاج الحيواني والزراعي بواقع مجمع واحد في كل محلية

وقال سيادته ان تجربة إنبات قد ساهمت بقدر كبير في توفير قائمة من الخضروات في موسم الندرة كالخيار والطماطم والفلفلية وأصبح وجود منتجاتها واضحاً في الأسواق بين المنتجات الاخرى .

واكد ان الغاية من استخدام البيوت المحمية هو تحقيق الاستخدام الامثل للأراضي الزراعية مشيراً الى دخول الولاية في اتفاقية مع مجموعة إسبانية بدات الآن توريد وتركيب تقانة متطورة للبيوت المحمية الغرض منها إنتاج محاصيل بمواصفات السوق الاوربية لتصديرها الى هناك في مواسم الندرة وتوقع الوالي ان يحدث التعاون مع اليونان والأسبان نقلة كبيرة في مجال الانتاج الزراعي بالولاية عبر التقانات الحديثة .


تعليقات 20 | إهداء 0 | زيارات 3377

التعليقات
#877570 [الليل]
0.00/5 (0 صوت)

01-05-2014 06:52 PM
اليونان والاسبان بس ؟ ما سمعتوا بالدنمارك ؟


#877474 [ابوسحر]
0.00/5 (0 صوت)

01-05-2014 05:05 PM
كل الوزراء بما فيهم وزير الزراعة السابق المتعافي زاروا البرازيل
وين تجارب البرازيل في الزراعة والصناعة؟؟؟
واليوم يريد الوالي تتطبيق التجارب اليونانية والاسبانية
هو ما يمشي الاردن القريبة التي تصدر لهم الطماطم؟؟؟؟
وليه ما يمشي البرقيق ويشوف التجربة السودانية ويطبقها؟؟؟؟؟؟؟؟؟؟


#877444 [الطريفى ود كاب الجداد]
5.00/5 (1 صوت)

01-05-2014 04:29 PM
"فقد وقف د. عبدالرحمن الخضر والي ولاية الخرطوم اليوم يرافقه وزراء الزراعة والمالية والإستثمار على بدء عمليات تصنيع البيوت المحمية بواسطة خبراء يونانين بمقر مجموعة الجداول بمشروع السليت الزراعي ومجمع إنبات للبيوت المحمية ."
ياسلام عليك يالخدر مثابرة واجتهاد لايوصف انتو ياناس هوى نسيتو انو قبل كم سنة استورد وجاب كم باخرة تحمل فضلات بشريةده كان فى اطار الخطة المرسومة لتخصيب الارض وحان الان وقت جلب اليونانين والاسبان لتطبيق شعار ناكل مما نزرع
الله ينشف ريقك وضراعك يالخدر


#877395 [ابو محمد]
5.00/5 (1 صوت)

01-05-2014 03:29 PM
انهم لايخاطبوكم انتم ايها المفتحون من رواد النت..انهم يخاطبون العوام وبعض من المغتربين الاوهام ليضللوهم بهذه العبارات الوهمية (بيوت محمية،مواصفات اوروبية،تشغيل 48 الف خريج،اليونان،اسباني)
اليونان دي الا تجيب منها خمرة باخوس النقية وهي التي اشهرت افلاسهالتلقي المعونات الدولية..اما اسبانيا حيث مصارعو الثيران المغاوير فجيبوا لينا منها البارسا والريال عشان يلاعبوا المريخ والهلال


#877298 [ابوعبدالرحمن]
5.00/5 (1 صوت)

01-05-2014 01:56 PM
مخير الله علينا اليونان وأسبانيا كمان !!!


#877104 [عزة]
5.00/5 (1 صوت)

01-05-2014 11:11 AM
الجقر
الله لااعطاك العافيه
يا امنجى ياى حقير
قربت فربت


#877004 [ابومحمد]
5.00/5 (1 صوت)

01-05-2014 09:44 AM
السودان لا تنقصة خبرة اسبانية ولا يونانية كل ما نفقده للاسف الشديد الرجل المناسب في المكان المناسب والسودان يزخر بالعلماء في جميع المجالات وخبرات تستفيد منها كثير من الدول ولكن جري علينا المثل القائل لا كرامة لنبي في ارضه


#876997 [المتفائلة جدا]
5.00/5 (1 صوت)

01-05-2014 09:41 AM
أشم رائحة فساد فى حكاية البيوت المحمية دى.. تكون ياربى مضروبة؟؟ أكيد المتعافى شغال من منازلهم ..مش أبو العفين برضو شغال سياسة من منازلهم ؟؟ وعلى عثمان وهلم جرا..
السؤال يا والى الخرطوم ممكن ياعبقرى تورينا إشمعنا زراعة فى البيوت المحمية ومن اليونان بالذات ؟؟ طول عمرنا وأهلنا بزرعوا فى الصقيعة دى وكان قطننا أحسن منتج فى العالم وطوكر كانت تدخل البورصة..هدمتوا مشروع الجزيرة وشلعتوهوا وحسى تفتق ذهنكم عن أسلوب جديد للهفى واللغفى تقول لينا زراعة محمية الله يزرعكم ربنا فى جهنم..


#876977 [الزيدابى]
5.00/5 (1 صوت)

01-05-2014 09:27 AM
انه الوهم ، وعدم التخطيط .


كم تكون التكلفة ، وكم العائد؟


الزراعة الطبيعية ما عيبها ، هل وفرت لها التقاوى الجيدة والاسمدة والمبيدات المدعومة ولم تنتج؟


اسألو وزير الزراعة الولائى السابق عن خسارة الولاية فى هذا العبث وكم انفق ولم يأت عائد يذكر.


المشكلة فى الخبرة !!!!!! هاهو الخضر يأتى ب " خبراء " بالدولار !!!!!


اسألو عن بروفسير عجيب ورفاقه اين هم ، وماذا يعملون الان ، ستجدون وتسمعون عجبا!!!!!


من اتى مطرودا من ولاية القضارف لعدم الكفاءة ، لا نظنه يصلح واليا لولاية مثل الخرطوم


فهو كالزبير احمد الحسن امير الحركة الاسلامية ، الذى قال انه يقيم الليل ويحفظ كتاب الله


ولكن حديث البشير لا يأتيه الباطل من بين يدبه ولا من خلفه ، فهو اذن قرآن جديد.


والخضر يقول بلد فيها البشير لا تجوع !!!!!!! . اجاعك الله وألبسك ثوب الخزى والعار .


#876968 [Abd Allah Alfagheer]
5.00/5 (1 صوت)

01-05-2014 09:18 AM
حقو كمان يتعاقدوا لينا مع برشلونة يرسلوا لينا الخبير ميسى المتخصص فى حصد الأهداف و الجوآئز عشان يزرع لينا كم مهاجم كدا عشان يجيبوا لينا أقوان زيادة أهو كلو تنمية !!!!!


#876947 [قانون مافي]
5.00/5 (1 صوت)

01-05-2014 08:59 AM
اليونان ... يعني ح تستفيد من شبكة الصرف الصحي اليونانية ... حتى تصب في أراضي الخرطوم الزراعية ... وتستلم العملات الدولارية ... وتضعها في البنوك الخارجية ... وتنتظر الزراعة الوهمية


#876946 [shah]
5.00/5 (1 صوت)

01-05-2014 08:58 AM
يا دكتور البيطرة ... ما سمعت بى هولندا؟ ... ما سمعت بى فنلندا؟ بس ما عجبتك إلا اليونان و إسبانيا؟ صحى واقعة الله ما ليها رافع.


#876921 [نكد الدولة سخطان]
5.00/5 (1 صوت)

01-05-2014 08:21 AM
هلا شرحتم لنل ما هى مواصفات السوق الوربية هذه وما هى تلك المحاصيل التى تريدون زراعتها غى هذه البيوت المحمية؟ألم نكن نصدر الى اوربا من قبل:نصجر القطن والحبوب الزيتية والصمغ والكركدى ولم تطلب منا وروبا مواصفات بعينها للصمغ او الكركدى او القطن او السمسمغعن اى مواصفات تتحدثون ياقوم؟
وهل نواجه غى السودان ضيقا غى الأراضى الزراعية ونحتاج للبيوت المحمية ؟أم خل نواجه عجزا فى مياه الرى ونحن والحمدلله عندنا من الميته ما يكفى لميادين الجولف.
وماذا تفعل شركة الجداول ؟
ثم ما عى تكلفة تشغيل هذه البيوت المحمية من كهرباء ومياه وتبريد وخلافه؟
يا عالم كفاية ضحك على الذقون....


#876918 [امير]
5.00/5 (2 صوت)

01-05-2014 08:10 AM
كل موسم وله من المحاصيل ما يناسبة نحن خلاص كملنا الزراعة في المواسم وفضل لينا نزرع في غير الموسم
عالم وهم


#876890 [ود البلد]
5.00/5 (1 صوت)

01-05-2014 05:20 AM
وزير الزرعة ده قبيل كان فى الداخلية
وقلنا فعلا حيكون مسير ما مخير
الان هو زراعى فى الزراعة
يكون لسه المتعافى فى المكتب ..
مالو ساكت ؟؟ فى خشمو مويه!!!!!
الدكتور البطرى مالو و مال الزراعة
قال والى قال ههههههههههههههههههه


#876881 [النيل أبونا والجنس سودانى]
0.00/5 (0 صوت)

01-05-2014 04:38 AM
النوافل قبل الفرائض .


#876871 [سودانى شديد]
5.00/5 (2 صوت)

01-05-2014 03:34 AM
الوالى الذى لا ينفع غير شيال فى فرقة الصحوة يريد إدخال تقانات جديدة على الزراعة فى السودان! الراجل ده موش دكتور بيطرى؟ بيوت محمية شنو يا ما فاهم!! السودان دولة حباها الله يتعدد مناخى فريد يمكنك من التغلب على مشكلة الندرة بتنويع مناطق الانتاج وفقا لدورة زراعية منضبطة بعيدا عن تلك البيوت المحمية المدمرة للبيئة و الغلاف الجوى. I know that you have not heard of the Green House Effect or even HSE requirements.

لا اعلم سبب ابتلائنا بهؤلاء الاغبياء ليتحكموا فى وطننا و مصائرنا!!!!!!!


ردود على سودانى شديد
United States [احمد صالح] 01-05-2014 10:21 AM
والله محنة يا اخى سودانى كان الزارع على الجروف فى النيل الازرق بيغرف المحاصيل التى يزرعىعلى مدار السنة وحسب احتياج المحصول من المياه فى الجروف وطول السنة بينتج لكن نقول شنو؟
ديل ياخوى عاملين صفقة تجارية الظاهر فيها شركات واكيد عمولات
وشركة الجداول دى صاحبها منو؟
يا الله ما لنا غيرك يا الله


#876829 [ساب البلد]
4.13/5 (4 صوت)

01-05-2014 01:24 AM
*********** اتلم التعيس علي خايب الرجاء ************ فعلا الطيور علي اشكالها تقع ********* خلاص من دول الاتحاد الاروبي ال 28 دولة ما لقيتوا غير الدولتين ديل ؟؟؟ ******* يا اخ ديل الجوع كاتلهم قال خبراء قال *********** لو عندهم خبرة ما كان وصلوا للحال الهم فيهو ********** فعلا البلد الما فيها ورل يقدل فيها التمساح *************


#876789 [سن ألفيل]
4.00/5 (1 صوت)

01-05-2014 12:06 AM
تمام 100% ازرع في الخرطوم وصدر الناتج لأسبانيا وافتح حساب في بنك سانتانديا بأليرو ولا يهمك ناس الخرطوم اموتو احرقو اغرقو


#876786 [ahmed//]
5.00/5 (1 صوت)

01-05-2014 12:01 AM
اليونان ...............نحذركم من النفايات البشرية ....



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة