الأخبار
أخبار إقليمية
الخيال الواسع
الخيال الواسع
الخيال الواسع


01-07-2014 02:01 AM
عثمان ميرغني

سألت الأستاذ الصادق المليك - وهو وزير من حزب الأمة الفيدرالي في الحكومة (المحلولة) بولاية البحر الأحمر.. سألته ما هو سر النهضة والطفرة في البحر الأحمر؟؟ قال لي هي أربعة عوامل تشكل مفهوم الإدارة عند الوالي د.محمد الطاهر ايلا.. الأول الانفتاح على الجميع بلا أدنى حساسية.. والثاني الشراكات الذكية.. والثالث السيطرة على الصرف الى مستوى الجنيه الواحد.. والرابع (الخيال الواسع)..

الأخيرة (الخيال الواسع) هي في تقديري كلمة السر التي يمكن للسودان كله أن يطفر بها الى أعلى عليين.. لدينا موارد ولا أروع.. ولدينا أفضل إنسان ولا أرفع.. لكن فقط تنقصنا الإدارة الملهمة والمستلهمة.. الإدارة التي (تلهمنا لا تلتهمنا) فتستوعبنا في شراكة واسعة لنعمل معاً من أجلنا معاً..

بالله عليكم حدقوا جيداً في واقعنا (الواقع أرضاً).. نحن دولة غنية بمواردنا.. فقيرة بفعل فاعل مرفوع بـ(الضبة) الظاهرة في حالنا ومعاشنا..

هل تصدقون أن ذكرى الاستقلال هذه الـ(٥٨) هي بالضبط نفس عدد السنوات التي عاشها الاستعمار في بلادنا.. بالله عليكم ماذا أنجز المستعمر الأجنبي في (٥٨) عاماً من الاستعمار.. وماذا فعل بنا المستدمر الوطني خلال (٥٨) عاماً من الاستدمار..

حطمنا كل جميل.. ابتداء من الخدمة المدنية الراقية.. الى أدنى مجالات العمل العام..

كل ذلك لأننا نفتقر لـ(الخيال الواسع).. عقولنا محدودة بحدود التقليد والارتهان بكل خمول للفكرة القديمة التقليدية..

بكل المقاييس أي تصنيف دقيق لمعنى ومصطلح (مدينة) سيسقط كل ما ندعيه مدناً في السودان وتبقى فقط مدينة بورتسودان. بمعايير عالمية تستحق معها صفة (مدينة).. ليس لأنها هبة المال والتمويل بل لأن واقعها سليل فكرة ورؤية ذكية ورشيدة..

صحيح.. لا تزال ولاية البحر الأحمر تكابد مشكلة المياه.. لكن بكل تأكيد هي واحدة من خمسين مشكلة أخرى لا تقل عنها.. كلها زالت وصارت في أرشيف ذاكرة مواطن البحر الأحمر إلا مشكلة المياه.. وهذا وحده ما يؤكد أن المشكلة الخمسين ستلحق بركب (٤٩) غيرها تدحرجت من حياة المواطن في البحر الأحمر..

ليت بقية الولايات تعد على أصابعها كم مشكلة زالت من ذاكرة شعوبها الى أرشيف الأيام..

بكل يقين ولاية البحر الأحمر الآن تنافس نفسها

اليوم التالي


تعليقات 29 | إهداء 0 | زيارات 6012

التعليقات
#880062 [العقيد]
0.00/5 (0 صوت)

01-08-2014 10:42 AM
لم ،،،،ينشر ،،، ليه


#879730 [معاويــــــــــــــــــــــــــــــــــة]
0.00/5 (0 صوت)

01-08-2014 01:13 AM
طيب جابين لينا صورة المسطول ده ل شنو


#879501 [kalifa ahmed]
0.00/5 (0 صوت)

01-07-2014 06:32 PM
مقتبس من مقال الأستاذ المهندس عثمان ميرغني (بكل يقين ولاية البحر الأحمر الآن تنافس نفسها).... عيب عليك أستاذنا كمهندس وكصحفي أن تعبر فوق القشور... قشور شوارع الزلط ومهرجانات تغطية اللهف والسرقة والفساد ..... لعلمك مرض السل رجع في منطقة البحر الأحمر وبورسودان بضراوة بسبب سوء التغذية....مصانع بورسودان متوقفة..... السياحة الحقيقية للبحر الأحمر متوقفة....مستشفيات البحر الأحمر الأسواء في السودان....الخ ، اما الصادق المليك صاحب الثصريح يمكنك أن تسأل أهل المدينة عن تاريخه !!!!!!! بالمناسبة الإجابة مخجلة ..... يظهر عليك اتعشيت مع الوالي زبادي وعدس برضو !!!!!


#879390 [AburishA]
0.00/5 (0 صوت)

01-07-2014 04:25 PM
لك التحية أخ عثمان ميرغني: نعم ان هذه المفاهيم الاربعة تشكل جزء من أسس النهضة والتقدم..الا أنها بحاجة الى أرضية صلبة لتلافي (الشوفونية).. حيث ان الهم الاول هو مدي تأثير هذه النهضة وانعكاسها على المواطن العادي في حياته العادية! ليكتمل الهدف.. يعنى مثلا ممكن أشوف التفاح معروض بكثرة في السوق..لكن هل استطيع شراءه؟؟
نحن نقدر ما قام به الوالي ايلا حسبما ذكرت...الا أننى اعتقد ان البنود الاربعة المذكورة تحتاج الى نوع من الديمقراطيه كاملة الدسم... ونزاهة..ووطنية لايخالجهاالشك.. فهل توفر ذلك للوالي أيلا.. نأمل ذلك... واذا كان كذلك نأمل من أهل النظام مركزأً وولايات أن يحذو ذلك.. ونقول (عسى ولعلّ) وهي معايير توفرها..ليس بالمستحيل.
الأول الانفتاح على الجميع بلا أدنى حساسية..
الثاني الشراكات الذكية..
الثالث السيطرة على الصرف الى مستوى الجنيه الواحد..
الرابع (الخيال الواسع)..


#879300 [بعشوم]
0.00/5 (0 صوت)

01-07-2014 03:01 PM
وانت كمان نفاقك وااااسع


#879254 [دنقس راسك انت سوداني]
0.00/5 (0 صوت)

01-07-2014 01:59 PM
الطفل يعرف سر التنميه الحقيقة

الديمقراطيه الشفافية سياده القانون .. العلميه مع الوطنيه الحقة





ياعثمان ماتعمل رايح انت وكيزانك قصدتو نهب وتدمير السودان ونجحتو
وبلا لم يعمل اي شي كمان


#879195 [تهارقا]
0.00/5 (0 صوت)

01-07-2014 12:59 PM
يا عثمان يا اخوي هذه حصاد سنوات حكمكم حسين خوجلي غسل يده وانت كمان وكل الكيزان طيب العملها منو
ساكون شاكرا لكم لو تذرعتم مرة واحدة شجاعة محجوب عروة واعترفتم باخطائكم


#879180 [مدحت عروة]
5.00/5 (1 صوت)

01-07-2014 12:44 PM
كل ذلك بسبب تركنا للديمقراطية ودولة القانون وفصل السلطات والحريات!!
ما اصلا مما بدينا بالاتقلابات العسكرية عام 1958 وتركنا ديمقراطية وستمنستر وبنكهة سودانية بى سجم رمادها وطائفيتها واخطائهااللى هى احسن من اى حكم عسكرى او شمولى لانها ممكن ان تتطور وتصلح من اخطائها وتظهر احزاب وقيادات جديدة وهلم جرا زى ما حاصل الآن فى الهند اللى هى نجمة ونحنا جزمة بسبب تقليدنا للانظمة العربية الانقلابية ناس الرئيس القائد والحزب الرائد واخيرا انتهينا باقذرها واوسخها واسفلها واحقرها واعنى بها الحركة الاسلاموية بت الكلب وبت الحرام عديل كده وبدون لف او دوران ووصلنا الى ما وصلنا اليه بدل ما كنا نكون امريكا المنطقة مما لنا من امكانيات لكن اتبعنا الطريق الغلط بدل طريق بريطانيا والهند مثلا!!!!!
وتجى تقول خيال واسع؟؟؟لو عندكم خيال واسع ما كان قلبتوها يا ناس الحركة الاسلاموية الفشلة ولا حافظتوا على دين ولا على وطن حدادى مدادى ينعم بالاستقرار والامن والحرية والديمقراطية وسيادة القانون والتداول السلمى للسلطة والتنمسة اليشرية والمادية المستدامتين!!!!!
الف مليون تفووووووا على اى انقلاب عسكرى او عسكرى عقائدى سودانى عطل التطور الديمقراطى فى السودان!!!!!!!!!!!


#879121 [ود الغرب البعرف الدرب]
0.00/5 (0 صوت)

01-07-2014 11:44 AM
ياعثمان ميرغنى ومعاك المدعو الصادق المليك خلينا نفاقك حول مصر وقيادة مصر لما عاوز تتبعنا لمصر

جئنا الى نفاقك لوالى البحر الاحمر صحيح انه انسان محتهد ولكن ماذا تغير فى انسان الشرق هو نفسه

بل اسوء مش هذا انسان الشرق الموجود فى سواكن وسنكات ودورديب وبور سودان (جهل ومرض ومش مرض ساكت

مرض جوع سل ووساخه ) عدم تعليم والكلام ده مسئولية مين مسئولية الدوله طبعا يااخى عندما تتدخل

هذه المناطق وتشوف هؤلاء المغلوبين على امرهم وكانهم اناس خرجوا من المقابر( شعث غبر) يااخى استحى انت

ومليكك هذا وكانكم عايشين فى كوكب اخر معظمكم اصبح ماجور او مطبل أو متودد او منافق او بوق

يوم امس احد الكتاب بيكتب وبيحث الفنانه نسرين هندى عشان تخلى الكسل وتاتى باعمال فنيه جديده

بالله عليكم اى هيافه تلك واى وقاحه اعظم من هذه؟؟؟؟؟؟


#879118 [بورسوداني]
5.00/5 (1 صوت)

01-07-2014 11:42 AM
استاذنا القدير عثمان ميرغني بدأت مقالك بسؤالك للصادق المليك فمن هو الصادق وماهي مؤهلاته وخبرته السياسيه والرياديه ؟
لم تعرف من تسأل ليس تقليلا من شأن احد ولكن من الافضل ان تسأل اهل الشأن والدراية واصحاب القرار .. فمابني علي باطل فهو باطل


#879067 [عطبره]
5.00/5 (3 صوت)

01-07-2014 10:50 AM
عثمان ميرغني زار بورتسودان بدعوه من الوالي يعني زياره مجانيه علي حساب المواطنين الغلبانيين وكمان قبض حقو واكل سمك في السقاله ...عايزينو يكتب ايه غير التملق والنفاق ماهو كوز في النهاية


#879059 [كاكا]
0.00/5 (0 صوت)

01-07-2014 10:47 AM
كيف يتم العمران والتنمية لتصبح مدننا مدن حقيقية وولاة الولايات تم اختيارهم من قبل نافع على أسس قبلية وهم من القرى وغاية كرهتهم هي الأماكن التي تشبة المدن مثل سنار وكوستي وعطبرة ويعدونها غايةالكمال ولا تحتاج لشئ وهي ينقصها كل شئ فوقعوا بيع في الميادين والفسحات والشوارع وتوزيع لاأكشاك لتلبية مخصصاتهم ومخصصات الموظفين من اقربائهم حسب خيالهم الواسعععع للاعداد لفوزهم في النتخابات القادمة،، فهم برضو،،


#879022 [برعي]
0.00/5 (0 صوت)

01-07-2014 10:13 AM
بصراحة بالغت يا عثمان ميرغني ! ما اعتقد ان المقال انت كاتبو وانت في حالتك العقلية المعروفه
اوعيتكون تاورتك حاجات الكيزان ديك ؟
المهم : الاكل والشرب والدواء والكساء والتعليم هي المعيار حبذا لو تكون علمي ، كما عهدناك ، وتحاول تجيب مقارنات بين اليوم والامس والمتوقع في المستقبل القريب لهذه الاوليات
كم عدد المستشفيات والمدارس والمزارع والمصانع وووو التي افتتحت وتعمل بانتظام في زمن هذا الايلا


#879009 [ابوجلاجل]
0.00/5 (0 صوت)

01-07-2014 10:05 AM
هم للان ماقادرين يوصلوا ليهم مويه تقول لي خيال واسع .الناس دي بتاكل اسفلت ولاشنو؟


#878947 [بتاع بتتييخ]
5.00/5 (1 صوت)

01-07-2014 09:13 AM
اوكي فهمنا بس المسطول دا لي شنو ؟


ردود على بتاع بتتييخ
United States [امير] 01-07-2014 10:50 PM
عشان الخيال الواسع


#878919 [المتجهجه بسبب الانفصال]
5.00/5 (2 صوت)

01-07-2014 08:50 AM
والله يا استاذ عثمان مع المعذرة الناس القاعدين جوة ديل ما عندهم أي خيال ورغم تقديرنا لما يقوم به ايلا إلا أنه لايمكنك أن تسقف بيت جدرانه من الطين بخرسانة مسلحة ولو تبرع علي كرتي بسيخها واسمنتيها بعد أن نسي تسلحه لأمريكا الذي تحول الى الهيمنة على مواد البناء المسلح،، والله العظيم وكتابه الكريم السودان الاراضيهو مسطحة بالشكل العجيب ده لو لقوه ناس غيرنا كان سووا فيهو البدع ، فكون بورتسودان لا تصلها المياه من النيل مباشرة ده دليل على اننا غير مبدعين وممكن المياه تصل بورتسودان والابيض وحتى نيالا والفاشر من النيل البعيد منهم ده لكن ياهو ده الخيال في السودان البغني فيهو فنانوا مرت الايام كالخيال احلام مرت ومرة نعيد في الفشل الاصبح اكيد،، ابداع يا استاذ عثمان والطماطم بقت تستورد،، ابداع يا استاذ عثمان زي شنو زي ابداع بنك المال الذي اسسه الحرامي ليشتري به اراضي مشروع الجزيرة الوطني وفي النهاية بقوا مبدعين الانقاذ يسكوا في الدولار زي الشحاتين ،، ابداع وين مع الدول الاصبح تغليف منتجاتها في حد ذاته صناعة فنانة وابداع ،، نيلين وفرعين شايلين جنا والمدن تعطش ،،،، ارجوا استاذ عثمان ان تتناول خطورة حفر السايفونات المنزلية بعد فترة على المياه الجوفية خصوصا العاصمة المكتظة لأنها سيأتي يوم بدل ان يشربوا كدرا وطينا سيشربوا اسهالا وبولينا ،،، هذه الحكومة تكره الشعب السوداني كراهية شديدة وتتمنى له أن يتوفاه الله عاجلاً هذا هو الابداع الوحيد الذي على رأسه البشير وعلي عثمان ونافع والجاز ومامون حميدة والمتعافي والشريف عمر وكبر وموسى هلال ،، ان الابداع الوحيد الذي يشبه الانقاذ هو سوق المواسير الذي يشرح تماما فهمهم للسلطة والمال وادارة البلدان ،،، ليس في هذه الحكومة مبدع استاذ عثمان هؤلاء ضد الابداع وابداعهم الوحيد جمع المال بأي اسلوب كان ولكن اين يذهب المال هذا ما حير سكان بيت المال والعاصمة والاقاليم،،


#878912 [عامر]
0.00/5 (0 صوت)

01-07-2014 08:39 AM
للأسف . . يبدو إنّ (السطحية) . . والإنبهار بالقشور . . لم تعد حكراً وحصراً . . على العامة فى بلادى . . فقادة الرأى يصرون على أخذ نصيبهم كاملاً منها! ! ! ! ! ! !


#878907 [المرفعين فحل الأسود]
0.00/5 (0 صوت)

01-07-2014 08:37 AM
نتمني وبكل امانة ان يعود المستعمر الاجنبي ليحكمنا بدلا من الانغاذ. نحن مع الاسلام .مع تطبيق الشريعة الاسلامية ومع دولة الدين والمبادئ.لكن كذبوا كل الانغاذيين من هم داخل السلطة ومن خرج منها. اللهم دمرهم وثبت من خلص ضميره للايمان الحقيقي


#878904 [الخيال الواسع]
5.00/5 (1 صوت)

01-07-2014 08:34 AM
طيب يا اخ عثمان اذا القصة خيال واسع فامسك عندك الثلاثي الخطير : عمر الكضاب وبكري سطلة وعبد الرحيم ابوريالة ديل قمة الخيال الواسع يوميا عندهم خيال واسع المساء بعد المغرب لحدي تسعة بالليل وازيدك من الشعر بيت بنقوهم غالي جداً وبخلي الخيال واسع جداً .


#878873 [مع العدالة]
5.00/5 (2 صوت)

01-07-2014 08:05 AM
حلوه منك جايب صورة (الخيال الواسع) ذاتو ؟؟؟ ياداب نحنا فهنا ناس الحكومة ديل مضيعين قروشنا وين اتارى شغالين خيال واسع ساكت


#878850 [نص صديري]
0.00/5 (0 صوت)

01-07-2014 06:49 AM
الدولة العثمانية فرضت علينا طاعتها جزيةً 157 عام
الخديوية التركية استعمرتنا بالكرباج 78 عام
الانجليز إستعمرونا 58 عام
عبود والنميري والبشير استعبدونا47 عام والعداد جاري
يعني الشعب السوداني لم يمتلك قراره وحريته اي بمعنى استقلاله التام سوى حفنة فترة الديمقراطيات الثلاث
كم سنة؟؟؟
تقول خيال واسع ياعيل د حسن قلت لي اخبار التلفونات المتفجرة شنو ؟؟ الانتخابات قربت خطة تطفيش الشعب التي تجيدها وضعتوها ولا لسع؟؟


#878847 [عبدالجليل على عبدالفتاح]
3.00/5 (2 صوت)

01-07-2014 06:22 AM
الأخ المكرم عُصمان ودمرغنى .. صباح الخيرات من (مدنى) الجميلة ..

* البحر الأحمر ليست بولاية فى (كندا)والحوار مع(الصادق)المليك لهو حوار أقرب لغسيل (السُمعة) ضمن وصلة مدح ركيك للوالى(أيلا) لا تليق بكاتب (محترم)كأنه فارس مغوار ..فهو رمز من رموزعصر(الاضمحلال) الحاكم .. فتصويرهم وكأنهم حققوا ما لم يحققه أحد غيرهم فى الكون بينما ماحققوه بجدارة هو الخيبة والعار للبلد .. ومن قبل وصفه (كاتب) بأنه من أبرع السياسيين فى الشرق .. عجبى !!!

* عبدالجليل على عبدالفتاح .. ودمدنى الجميلة .....


#878828 [العبيدى]
0.00/5 (0 صوت)

01-07-2014 04:41 AM
جابت ليها كسير تلج كمان، الوالى إيلا معروف حرامى، وهو فى والى فى الحكومة دى ما حرامى وفاسد؟
تفو على "الطفرة" الكذابة والبهرجة الزائفة ... على رأى المثل "عريان ولابس صديرى"


#878826 [Husham Suliman]
5.00/5 (1 صوت)

01-07-2014 04:25 AM
خيال واسع بتاع شنو... بورتسودان.... موية ما فيها ونزلاء مستشفى الاامراض النفسية هربوا فى الشوارع ما فى حاجة ياكلوها فى المستشقى .

الوالى يجيد فن تسويق نفسه وعارف القشور هى البشوفوها الناس ....اطلع ٣ كيلو متر برة بورتسودان تشوف العجب فقر وفاقة وتخلف ومدارس بالكرتون .


#878825 [عمدة]
0.00/5 (0 صوت)

01-07-2014 04:12 AM
قالناها يوم 30 يونيو 1989 ان البلاد أصبحت فى يد من لا خيال لهم بل قلنا ان استلمتها شلة مساطيل ستديرها أفضل من الجبهجية لأن المساطيل أصحاب خيال واسع وان كانوا مخدرين. ساعتها كنت يا ***** وصحبك سكارى بحلم السلطة فانتهيتم بنا تحت رحمة المشعوذين.


#878819 [نص صديري]
0.00/5 (0 صوت)

01-07-2014 03:58 AM
الزول ده عليكم الله بعد الانتفاضة تختو في قفص الغوريلا الماتت في حديقة غابة السنط وتكتروا ليه "القش"


#878818 [ساب البلد]
5.00/5 (2 صوت)

01-07-2014 03:57 AM
****** ما هو خيالكم الواسع الجاب (المشروع الحضاري) ******** و نحنا هسي بنقطف في ثماره *********** برضو خيالكم الواسع الجاب ثورة التعليم (الواطي) ***** و البلد اتملت دكاتره و بروفسيرات *********


****** كسرة *******


****** يا ود ميرغني خلو خيالكم اوسع ******** و اقطعوا وشكم مننا*********



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة