الأخبار
أخبار إقليمية
وصول مفاجيء لنجل «الميرغني» «محمد الحسن» من «لندن» للبلاد
وصول مفاجيء لنجل «الميرغني» «محمد الحسن» من «لندن» للبلاد
وصول مفاجيء لنجل «الميرغني» «محمد الحسن» من «لندن» للبلاد


01-08-2014 09:57 PM

الخرطوم ـ عادل عبده

وصل إلى البلاد بصورة مفاجئة أمس الأول مولانا "محمد الحسن الميرغني"، أمين قطاع التنظيم بالاتحادي الديمقراطي (الأصل) قادماً من العاصمة البريطانية "لندن" .وكان في استقباله بمطار الخرطوم لفيف من قيادات الحزب والطريقة الختمية .
وبحسب مصادر مقربة فمن المقرر أن يباشر "الحسن" خلال الأيام القادمة، النظر في الكثير من الملفات الحزبية التى تتعلق بالمشاركة مع المؤتمر الوطني، والنشاط السياسي بالعاصمة وبعض الولايات، وتحريك جمود المؤتمر العام للحزب الذي تأجلت مواعيد انعقاده لأكثر من مرة.
وقال القيادي بالحزب د. "على السيد" إن مولانا "الحسن" سيناقش مع قيادات الداخل، سير أداء الحزب والنظر في المعوقات والمسالب الموجودة. وتوقع أن لا يقطع "الحسن" برأي حول مسألة المشاركة في الحكومة دون الرجوع لرئيس الحزب.

المجهر


تعليقات 22 | إهداء 0 | زيارات 3109

التعليقات
#882058 [شين]
0.00/5 (0 صوت)

01-10-2014 10:04 AM
(وكان في استقباله بمطار الخرطوم لفيف من قيادات الحزب والطريقة الختمية)
والله لفيف دي حلوه
ماتلفلينا منها حبه كده
يا لفيف انت


#881963 [صلاح كوكو]
0.00/5 (0 صوت)

01-10-2014 06:23 AM
كنا زمن نفتش ليك وجيتنا الليله يافارسنا وحارسنا


ود سيدي اوهاشم جا ورجع لينا بالسلامه واليوم الفته كاربه ويوم مفتوح للفقراء


والمساكين عشان كل واحد يجيب العنده من عيش ورغيف وتمر ومرقه والنسوان ديل


يجن بسرعه عشان يعملن الفته .


يعني الحزب ولا السودان حا يستفيد شنو اذا جاء واذا قعد عند الانجليز ؟؟؟؟


#881829 [جدودنا زمان]
0.00/5 (0 صوت)

01-09-2014 11:06 PM
لا خلاااااص متنا من المفاجأة

قال وصول مفاجيء قال


#881578 [معاذ ود العمدة كجرت]
0.00/5 (0 صوت)

01-09-2014 03:40 PM
لك ان تقارن اوبما جا من اب من غابات افريقيا المتاخمة لجنوب السودان يعني جنوبي الان على عرش امريكا ونحن لازلنا نقبل ايادي الختمية


#881533 [غريب ديار]
0.00/5 (0 صوت)

01-09-2014 02:52 PM
لينا زمــن نفتش ليك وجيتنا الليله يافارسنا وحارسنا


#881439 [jullah]
5.00/5 (1 صوت)

01-09-2014 01:16 PM
ذكرتني بنكتة عربي الجزيره اهله عارضوه كيف تقبل لبنتك تختلط مع الشباب في الجامعه،مشى يشوف بعينو صادف السحاسيح قاعدين معاهاعرفتو بيهم ميدو ودودي ...قال ليها كملي قرايتك يابتي الحبه دي مابتجيك.


#881372 [صلاح كوكو]
0.00/5 (0 صوت)

01-09-2014 12:11 PM
لينا زمن نفتش ليك وجيتنا الليله ياحارسنا وفارسنا :


اها الحضور ده عشان يعمل شنو ؟ اول ماقامت انتفاضة سبتمبر الجماعه كوووولهم


جري الي بلاد الانجليز وعشان شنو ؟ اها الحضور الكريم والعود الحميد ده الناس


الشعب السوداني والاتحاديين والختميه والفقراء والمساكين والناس الما لاقين البوش


حايستفيدو شنو 0 الغريب شايف في الصورة شباب ينزلوا يبوسوا الايادي سبحان الله


هل ربنا سبحانه وتعالي أو رسولنا الكريم محمد صلي الله عليه وسلم أمر بان يتم


تقبيل اليد هكذا ؟ ؟ ؟ ياشباب اللسودان ينتظر منكم غير تقبيل الايادي : ارحمونا


من الدجل ده مش كده برضه يا استاذ علي السيد ؟؟ رحم الله الافذاذ الكبار ز


#881311 [G.Suliman]
0.00/5 (0 صوت)

01-09-2014 11:24 AM
منسوبي الحزب ده بيدوني احساس انهم ناس ولا مؤاخذه يعني مع اسيادم ديل!!!!


#881088 [سليم]
4.82/5 (6 صوت)

01-09-2014 09:02 AM
نبي الرحمة والإنسانية محمد صلى الله عليه وسلم أرسله الله لإخراج العباد من عبادة العباد إلى عبادة رب العباد وكان صلى الله عليه وسلم من التواضع بمكان يجلس أينما إنتهى به المجلس حتى يأتي الأعرابي فيسأل أصحابه أيكم رسول الله (صلى الله عليه وسلم),وكان صلى الله عليه وسلم ينهى الصحابة رضوان الله عليهم من القيام له عند القدوم إليهم ويقول لهم فيما معناه (لاتعظموني كما عظمت النصارى عيسى بن مريم)وهو أفضل خلق الله جميعا وأفضل الرسل والأنبياء وهو خيار من خيار ,فأين أنتم أيها المراغنة والأنصار وبقية الطرق الصوفية من هذه الوصايا النبوية الكريمة .أليس لكم في رسول الله أسوة حسنة وأي أسوة هو صلى الله عليك يا علم الهدى وسلم تسليما كثيرا.


ردود على سليم
United States [جدودنا زمان] 01-09-2014 03:08 PM
ديل كلهم تجار دين

ماخدين مدح الرسول صلى الله عليه وسلم

سلالام يركبو بيها على ضهور الغلابة

وبقولها دايما

البمد لي يده منهم

عشان اقبلها بديه كف في وشه ايا كان هو منو

انتو شنو عشان تتعظموا الله لا يعظمكم



وشكرا سليم كلامك يهز جبل خلي الدلاليك ديل


#881001 [عصمتووف]
5.00/5 (1 صوت)

01-09-2014 08:16 AM
نعمل ليه شنو نحنا مالنا


#880999 [kamuzu]
5.00/5 (1 صوت)

01-09-2014 08:16 AM
مين مولاكم دا ... المولي هو الله جل وعلا ..........يا كرور


#880952 [ديامي قديم]
0.00/5 (0 صوت)

01-09-2014 07:46 AM
الأوهام الاثنين الفي الصورة المفنقسين ببوسوا يد سيدهم ديل عايزين ليهم ضرب بالبسطونة في نص راسهم الفاضي ده... ياهو ده السبب المؤخر البلد طالما يوجد ناس بينحنوا لغير الله ... أعوذ بالله من الجهل المركب. عشان كده سير سير يا بشير.


#880929 [مواطن]
0.00/5 (0 صوت)

01-09-2014 07:24 AM
ساكن خارج السودان وعاوز يحل مشاكل السودان عالم وهم


#880924 [طارق الباز]
5.00/5 (1 صوت)

01-09-2014 07:21 AM
وصل إلى البلاد بصورة مفاجئة أمس الأول مولانا "محمد الحسن الميرغني ؟؟؟؟؟؟؟ المفاجأه شنو يعنى طول عمرهم شغالين خط لندن القاهرة السودان ياكلو الفته ويلموا قروش البلح ويسافرو. ملة غير مفيدة على الاطلاق لا لامين فى الدين ولا السياسة.


#880919 [ماجد]
0.00/5 (0 صوت)

01-09-2014 07:07 AM
قسما بالله العظيم ربنا غضبان علي الشعب السوداني عشان يولي النعجة ده عليه,,عليك النبي شوف جنس ده


#880906 [بيكانتو]
0.00/5 (0 صوت)

01-09-2014 06:54 AM
وصول مفاجئ !!
وفى إستقباله لفيف من قيادات الحزب و الطريقة الختمية


#880897 [ابن القاش]
0.00/5 (0 صوت)

01-09-2014 06:26 AM
ده جاء من لندن ولا من عاصمة اجدادة كابول والله زمن الجداد يحكمنا ويدير شؤونا


#880853 [ساب البلد]
0.00/5 (0 صوت)

01-09-2014 01:16 AM
*********** جهزوا الفتة ************ مولانا وصل ************ صورة مقززة بالجد ********* والله هؤلاء الطفيليون الطايفيون يجب كنسهم قبل الكيزان ******** لانو مصوا دم الشعب قبل الكيزان ******


#880845 [JOMO]
0.00/5 (0 صوت)

01-09-2014 12:44 AM
ههههههههههه شر البلية ما يضحك


#880833 [الكلس]
0.00/5 (0 صوت)

01-09-2014 12:04 AM
ما عارف انا ناس الطرق الصوفية ديل بسوا للناس شنو يخلوهم عميانين للدرجة دي؟


#880811 [الحزين]
4.25/5 (3 صوت)

01-08-2014 11:31 PM
يا سلام حلت البركة ياسيدنا:-

1-
2- أمين قطاع التنظيم بالاتحادي الديمقراطي (الأصل) :
كون امين او غير امين دي مابعرفها
اما موضوع تنظيم بالاتحادي الاصل او الفصل فدي كلنا بنعرفها_ لافي تنظيم ولا مسخرة
3- كونه جاي بسبب النظر في الكثير من الملفات الحزبية فهذه كذب وافتراء ، فهذا الشاب لايفقه شئ في السياسة- كاخيه حلاتو(وين الشخصية دي بالمناسبة)
وأصلا مافي ملفات ولا قصاصات ورق ، والحزب يدار بالبركة، ومافي زول عندو رأي غير السيد (عاش ابو هاشم)
4- وحول تحريك جمود المؤتمر العام للحزب الذي تأجلت مواعيد انعقاده لأكثر من مرة، فيا اخوان مافي جمود ولا حاجة الحزب بحمده زي الفل ، واصبح كما تعلمون حزب عالمي له فروع في طاجكستان واسبانيا والمجر والملايو وفرع امريكي- طبعا العضوية اجنبية
بعدين مؤتمر لشنو؟؟
من الستينات ماقام مؤتمر... وين المشكلة؟؟؟؟
السيدالصغير- رعاه الله-جاي عشان تجديد الايجارات للمحلات والاسواق والزرايب والمواقف والركشات والبيوت والساحات في كرن واسمرا وهداليا وسواكن وكسلا وبورتسودان والقضارف ومدني والابيض وبارا وانجمينا وكوناكري وتسني وممبسا ونيروبي


#880803 [هشام]
0.00/5 (0 صوت)

01-08-2014 11:06 PM
منو قال شنو...والله حكايه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة