الأخبار
أخبار إقليمية
بايرن ميونخ يهزم المريخ بهدفين ودياً
بايرن ميونخ يهزم المريخ بهدفين ودياً
بايرن ميونخ يهزم المريخ بهدفين ودياً


شاهد صور
01-09-2014 11:05 PM

فاز فريق نادي بايرن ميونخ على المريخ السوداني بهدفين نظيفين في المباراة الودية التي أقيمت بينهما مساء اليوم باستاد جاسم بن حمد بنادي السد القطري ، وذلك على هامش معسكر البافاري في اكاديمية اسباير بالدوحة.

سجل أهداف البايرن كل من يوليان جرين و كلاوديو بيزارو في الدقيقتين 35 و 53 من المباراة التي جاءت متوسطة المستوى سيطر الفريق الألماني على العديد من فتراتها ، وكانت المباراة فرصة طيبة للاسباني جوارديولا المدير الفني للبافاري للوقوف على مستوى لاعبيه خلال هذه الفترة قبل مواجهته لفريق الكويت الكويتي في الفترة المقبلة والمتبقية من المعسكر الشتوي بالدوحة.

كووورة

image

image

image


تعليقات 45 | إهداء 0 | زيارات 13881

التعليقات
#883002 [حداثة صالح]
0.00/5 (0 صوت)

01-11-2014 03:19 PM
يجب علي الكل ان يسمو بنفسه وان يثق بذاته معظم الذين هندسو دول الخليج وعلي رأسها دبي هم سودانين واكبر اطباء الجراحة في بريطانيا سودانين والطيب صالح فاز بجائزة افضل راوية موسم الهجرة الي الشمال ما بين مائة من فطاحلة العالم وتترجمت الي كل لغات العالم المطلوب الثقة بالنفس الثقة بالنفس وممكن نقود العالم وتذكرة هنا قصة النغيرة الذي قال لملك الروم عندما سأله ما الذي جائ بكم قال جئناكم لنخرجكم من عبادة العباد الي عبادة ربي العباد وهو كان يومئذ رجل بسيط في زي عربي وهكذا الان نقول شكراللمريخ لاعبين وادارة


#882829 [سوداني]
0.00/5 (0 صوت)

01-11-2014 12:15 PM
طبعا دي كانت في البطوله الافرواوربية لابطال الدوري ،،، ومباراة الاياب بإذن الله سنفوز بأكثر من هدفين لنتأهل للمباراة الختامية لملاقاة برشلونة ،،، وانا اقترح علي مدرب المريخ التركيز علي ضربات الترجيح في مباراة الاياب بالرغم من ان النتيجه شبه مضمونة ،،، الي الامام يا زعيم ( وموتووووووا يا رشاشات )


ردود على سوداني
European Union [هلالابي ع السكين] 01-11-2014 12:58 PM
اتمني لكم من كل قلبي الفوز في مباراة الاياب والفوز ايضا في المباراة النهائية علي فريق برشلونة وتعودوا لنا بالكأس كعادتكم ايها الصفوة ليضاف هذا الكأس لبقية الكاسات المحمولة جوا وعقبالنا نحن الهلالاب نفوز بكأس السودان السنه الجاية ونأتي به من الضعين !!!!


#882751 [ابو محمد]
0.00/5 (0 صوت)

01-11-2014 11:01 AM
DID YOU FORGET THE MATCH BETWEEN HILAL AND SANTOS.THE DAY THAT THAT EVERY ONE WHO ATTEND
MATCH GOT ANGRY BECAUASE OF THE PLAYER WHO FOLLOWED (THE BLACK PEARL)AS HIS SHADOW


#882711 [لا حول ولا قوة الا بالله]
0.00/5 (0 صوت)

01-11-2014 10:28 AM
ده شنو دا قروش كتية ادفقوه للكفرة ديل والمسلمين ما لاقين حق هدوم البرد في السودان خليكم من دارفور والله واحدين في الخرطوم دي بردانين
احكي ليكم القصة دي لعلى تحرك قلوبكم الميتة دي
في مرة شايلة ولد عريان او ما لاقيا ليهو هدوم تغتيها بيهو قامت مشت قعدت جمب ست الشاي او تخت يدينا فوق دخان النار عشان او بعداك تمسح بيهم جسم الولد عشان ادفا
ولكن فعلها لا يسمن ولا يغني من جوع لكن ما في واحد مننا بدرك رحمة الأم
لكن القلوب اتحجرت واتصخرت
اسأل الله انو افرتق اي نادي بتاع كورة في السودان دا عشان الناس تشوف ليها شغل تانيا
او بعدين في ناس بتقول خلينا نفرح الجبهجية ديل كرهون خلينا نفرق
اتو ما عرفين انو في دول اهل بموت من الجوع والبرد
تفرح شنو والله انتو لاقين حق العيش واي حاجة شينو يعني كان الجبهدية شالوا منكم قروش ولا اي حاجة في دول حكوماتم بتكتل فيهم
ولئن شكرتم لأزدنكم ولئن كفرتم ان عذابي لشديد


#882378 [محمد عبدالمكرم عبدالله]
0.00/5 (0 صوت)

01-10-2014 08:50 PM
المريخ له الاحترام والتقدير نسبة لاداءه المتميز ونطالب المره القادمه بمبارة مع برشلونه شان وريهم الطف النور منوووووووووووووووووووووووووو؟؟؟؟؟؟؟؟؟؟


#882322 [بتول الحلوة]
5.00/5 (2 صوت)

01-10-2014 07:00 PM
الكورة طلعت كم لى كم؟؟
سعال هى بين منو ومنو؟؟
الكورة لا تنصلح من خلال مباراة واحدة حتى ولو كانت مع برشلونة ومن السخف ترديد عبارة كسبنا الاحتكاك والتى لا معنى لها فى الواقع سوى تبرير الفشل والخسران والواقع البائس المخزى .وهذه العبارة مثل ان تأخذ طيش الدفعة وتذهب به الى الفصل النموزجى ليجلس بين الأوائل ليحضر محاضرة واحدة وتبرر فعلتك بانك اخذت الطيش ليكسب ويستفيد من مجالسة النوابغ!!!اكيد حيجى الطيش.
الكورة تبدأ من محطة الاهتمام بالنشئ ورعايتهم من خلال مدارس مؤهلة واكاديميات متخصصة ودورات متقدمة وتخطيط سليم للنشئ منذ سن مبكرة لا ان تأخذوا عواجيز طيش العالم معصعصين لا ثقافة ولايحزنون ولا مستقبل لهم لانهم حققوا طموحهم باللعب للهلال او المريخ لتلعب بهم امام اوائل العالم وتخدع المغفلين بأنك كسبت الاحتكاك؟؟ اه جهل فى السياسة وجهل فى الكورة وجهل فى التخطيط وجهل فى التعليم وجهل فى الدين...كرهتنا ياحسبو نسوان واخوانه
اخيرا: اطينوا واترمدوا


#882263 [جنقوجوراوي]
4.75/5 (5 صوت)

01-10-2014 05:27 PM
مراسل قناة الكاس القطرية يؤكد ان المريخ السوداني دفع لميون ونصف المليون دولار مقابل ان يلعب البايرن 00000
في بلد يعيش فيه 90% من سكانه تحت خط الفقر وتنعدم فيه المحاليل الوريدية وغاز الطبخ0000
ملعون ابو الكورة لابو المريخ والهلال000
والله عالم هايفة!!!!!!


#882067 [ود كرف]
5.00/5 (2 صوت)

01-10-2014 11:27 AM
عاش المريخ العظيم
يا عميان القلب والبصيرة
وَمـا اِنـتِفاعُ أَخـي الـدُنيا بِناظِرِهِ إِذا اِسـتَوَت عِـندَهُ الأَنـوارُ وَالظُلَمُ
أيها الشامتون
إن كـانَ سَـرَّكُمُ مـا قالَ حاسِدُنا فَـمـا لِـجُرحٍ إِذا أَرضـاكُمُ أَلَـمُ
خافوا ربكم يا حاقدين
كَـم تَـطلُبونَ لَـنا عَـيباً فَيُعجِزُكُم وَيَـكرَهُ الـلَهُ مـا تَـأتونَ وَالكَرَمُ
مـا أَبـعَدَ العَيبَ وَالنُقصانَ عَن شَرَفي أَنـا الـثُرَيّا وَذانِ الـشَيبُ وَالـهَرَمُ


#882066 [حسبو نسوان]
5.00/5 (1 صوت)

01-10-2014 11:26 AM
ارفع راسك انت مريخابي
وعقبال مايرفع راسنا الهلال في مباراته الوديه القادمه امام فريق البركان ام ضوا بان
بالامس شاهدت عندم التمريرات القصيره والتكتيك العالي والفنائل الصفراء ظننت ان ارسنال بزيهه الثاني هو من يواجه بايرن ميونخ لم اعرف انه المريخ الاعندما شاهدت موسي الزومه
بالامس شاهدنا راجي يقطعها مع غوتزه وبله كمل فهم ريبري وعلي جعفر انسي مولر انه الماني وفلب لام عندما شاهد الباشا ينطلق بالكره ويسبقه ظن بان الكرس هو من يجري
مستوي المريخ هذا يؤله لان يكون ثاني اقوي الفرق في العالم في تصنيف الفيفا
آخر خبر
‏(لماذا اعتزر فريق جرقاس الحشرو عباس عن مواجة الهلال وديا)


ردود على حسبو نسوان
European Union [بلة يا بلة] 01-10-2014 09:11 PM
هههههههههههههههههههه


#882056 [KODI]
5.00/5 (2 صوت)

01-10-2014 10:57 AM
البطء عند إمتلاك الكرة يشعرك بأن لعبينا ما زالوا غير مدركين لأهمية السرعة فى الدور الذى ينبغى لعبه عند إستلامها يعنى بعدما يستلمها بعد داك يفكر فى إنه يعمل بيها شنو ودى مشكلة كبيرة و ثانيا الأنانية و الطابع الفردى و الإستعراضى لبعض اللاعبين لو تم معالجة هذه السلبيات ممكن فرقنا تعمل أفضل من كده


#882019 [زردية]
5.00/5 (1 صوت)

01-10-2014 09:38 AM
90% من السودانيين أنصار الزعيم ناموا فرحانين
فى ياخوانا سعادة أكتر من كده؟


#882013 [# HGA#]
3.00/5 (2 صوت)

01-10-2014 09:21 AM
ياخي ماتقول كده في ناس بتزعل وبتموت من الغيظ ههههههههههههههههههههههههه


#882012 [حر في راكوبه ولا كوز بعماره]
5.00/5 (1 صوت)

01-10-2014 09:20 AM
ده ياهو الاحتكاك الطلعتوا بيهو ؟


#882007 [سوداني]
0.00/5 (0 صوت)

01-10-2014 08:51 AM
ياجماعه دي ما كوره دي الناس ديل ماعملو شي غير اﻻنبراش تحت رجلين الجماعه حيروهم الناس دي بتلعب كوره مدروسه نحنا لعبنا مافيهووو فهم بس جري يعني مابشغلو الراس والرجل مع بعض وكلنا شفنا امتعاض الالمان وهم طالعين حتى الفنايل مارضو يدوها ليهم ﻻزم نعترف بواقعنا عشان نتصلح مدربهم ﻻزم يقول نحنا أحسن فريق نوع من الدبلوماسية


#881995 [Quickly]
5.00/5 (1 صوت)

01-10-2014 08:32 AM
حارس مرمى البايرن ماكان في داعي يلعب المبارة ولايجي من المانيا من اساسو ,,, لانو الكورة اصلاً ماعدت خط خط النص الا بالغلط كدا يعنى ,,, خخخخخ


عموما برضوا مكسب,,,العالم عرفت انو في السودان غير الحروب والقتل اليومي ,,,,
في ناس بتحاول تلعب كرة


#881988 [احمد البورت]
0.00/5 (0 صوت)

01-10-2014 08:17 AM
نتمنى ان يستفيد المريخ من هذا المباره


#881932 [saleh]
5.00/5 (4 صوت)

01-10-2014 05:38 AM
تر/ الخرطوم / الدوحة / ﺛﻤﻦ بيب غوارديولا المدير الفني لفريق بايرن ميونخ الالماني ﻓﻲ ﺍﻟﻤﺆﺗﻤﺮ ﺍﻟﺼﺤﻔﻲ ﺍﻟﺬﻱ ﺃﻋﻘﺐ ﻟﻘﺎﺀ ﻓﺮﻳﻘﻪ ﻣﻊ ﺍﻟﻤﺮﻳﺦ ﺍﻷﺩﺍﺀ ﺍﻟﻤﻤﻴﺰ ﺍﻟﺬﻱ ﻗﺪﻣﻪ ﻓﺮﻳﻖ ﺍﻟﻤﺮﻳﺦ ﻭﻗﺎﻝ ﺍﻧﻪ ﻟﻢ ﻳﻜﻦ ﻳﺘﻮﻗﻊ ﺍﻥ ﻳﺸﺎﻫﺪ ﻓﺮﻳﻖ ﺃﻓﺮﻳﻘﻲ ﺑﻜﻞ ﻫﺬﻩ ﺍﻟﻘﻮﺓ ﻭﻗﺎﻝ ﺍﻥ ﺍﻟﻤﺮﻳﺦ ﻓﺮﻳﻖ ﻣﻤﺘﺎﺯ ﻳﻘﺪﻡ ﺃﺩﺍﺀ ﻣﻌﺘﺒﺮﺍ ﻧﺎﻝ ﺍﻹﻋﺠﺎﺏ ﻭﻗﺎﻝ بانه ﺳﻌﻴﺪ ﺑﺎﻟﺠﻤﻬﻮﺭ ﺍﻟﺴﻮﺩﺍﻧﻲ ﺍﻟﺬﻱ ﺃﺿﻔﻲ ﻧﻜﻬﺔ ﺧﺎﺻﺔ ﻋﻠﻲ ﺍﻟﻤﺒﺎﺭﺍﺓ ﻭﺍﻟﺘﻲ ﻟﻌﺒﺖ ﻓﻲ ﺃﺟﻮﺍﺀ ﺗﺸﺒﻪ ﺃﺟﻮﺍﺀ ﺍﻟﺒﻮﻧﺪﺳﻠﻴﻘﺎ ﻭﻗﺎﻝ ﺍﻥ ﺍﻟﻤﺮﻳﺦ ﻛﻔﺮﻳﻖ ﻳﻤﺘﻠﻚ ﻓﺮﻗﺔ ﻣﻤﻴﺰﺓ ﺃﺟﺒﺮﺗﻨﺎ ﻋﻠﻲ ﺗﻘﺪﻳﻢ ﺍﻓﻀﻞ ﻣﺎ ﻟﺪﻳﻨﺎ و كان غوارديولا قد صفق للحارس اكرم الهادي سليم حينما ابعد كرة اللاعب مولر القوية و التي كانت في طريقها الى الشباك .


ردود على saleh
[أب جاكوما] 01-11-2014 10:46 PM
كلامك دا كلو حكي منو القال ليك ومنو الجاب ليك الخبر.. وغورديلا شنو اللي صفق لاكرم.. مباراة من طرف واحد..


#881922 [hatim hussien]
4.50/5 (2 صوت)

01-10-2014 04:48 AM
الدقيقتين 35 و 53 +2 = 90 دقيقه


#881915 [المنجلك]
5.00/5 (2 صوت)

01-10-2014 03:28 AM
المريخ يلعب (قون وباك) للطلوع باقل هزيمة متناسيا انه امام فريق يلعب كرة قدم برجليه وليس بطائرات خارقة السرعة. الموضوع كلو مبارة معدة لتخرج بشكل مخطط له مسبقا" ونشكر المريخ لمحافظته على لعيبة البيرن التى تساوى ارجلهم ميذانية الحكومة السودانية لسنوات.


#881877 [ودقلبا]
5.00/5 (1 صوت)

01-10-2014 01:25 AM
اهم شى تعرضوا لينا موسى الزومة ده على اخصائ نفسية ما دام لاعب البايرن اشار بذلك معناتا الزول ده قطع شك ما مية المية


#881872 [كسره بي مويه وكملت يا قراميط..فوكس.,,$$$$]
5.00/5 (14 صوت)

01-10-2014 01:14 AM
والذي نفسه بغير جمال... لا يري في الوجود شيئا جميلا
يعني كان في احسن من كده يا محلييين
وبرضو مريخ السودان مش باكستان
في شنو فضل لينا
غير المريخ..الفول مصري
الدقيق استرالي الصحن صيني الزيت ماليزي المكرونه اماراتيه ست الشاي حبشيه الشاي كيني البن زاييري القميص صيني البنطلون تركي الشبط اسرائيلي الساعه سويسريه الجوال كوري
بس الملح سوداني تخيلو كل انتاجنا ملح
ياخ المصلايه السبحه الابريق ديل ما سودانيات..
كرهتونا السودان.: الواحد يمشي السويد ولا شنو
ياهلالاب خلونا نفرح بالاتنين صفر دي برضو مارضيانين نفرح. .دهي عالم غريبه
من اين اتي هولا


ردود على كسره بي مويه وكملت يا قراميط..فوكس.,,$$$$
European Union [دويحي (من الدوحة)] 01-10-2014 08:45 PM
يا فوكس يا خي والله ضحكتنا للآخر، لكن فرحتك دي ذاتا ما تامة لأنو مريخك دا ذاتو ما فضلت فيهو حاجة سودانية، فحارس مرماهو مصري وقلب هجومو عاجي ومهاجمو اليمين مالي واليسار اثيوبي وقلب دفاعو نيجيري أو حاجة زي كدا.

لكن ما تزعل نحنا عندنا عشرة منتجات لنج لسه العالم ما توصل ليها أهمها وأولها جماعة اسمهم (الكيزان).البقية مرة تانية.

نحنا متخصصين في المنتجات ذات المحتوى (النوعي)الذي لا يمكن لدول منتجة للسلع مثل الصين والهند والبرازيل وتايلاند أن تتمكن من انتاجه، فمن أين لأولئك معرفة الطريق إلى (الحور العين).

هذا هو التميز الذي تنزلت به شخصيات مثل السيد جمال الوالي على رأس نادي لكرة القدم وتحت يده ما تحتها ، فلولاه لما كان اللقاء مع "البايرن" ممكنا.

ما أظنك محتاج لشرح أكتر.

عموما شكرا أكرم الهادي، شكرا بة جابر، شكرا هيثم مصطفى، شكرا عنكبة.


#881869 [موسى الشواد]
5.00/5 (3 صوت)

01-10-2014 01:12 AM
همي عيشتي بلا كورة بلا جن كلكم ما عندكم هم خلاس قلوبكم ماتت.
الحكومة ليها حق تدوس علينا بالبوت.


ردود على موسى الشواد
United States [ام احمد] 01-10-2014 10:09 AM
ياموسي شغلتنا تبقي هموم ونكد الله سبحانه وتعالي خلق الكون فيه الحزن والفرح مانفرح امكن تفرج ولا شنو !


#881865 [ام احمد]
4.00/5 (4 صوت)

01-10-2014 01:05 AM
حسب تواضع معرفتي كوره جميله رفعت راس كل السودان الا زول حاقد! بس ما يكون في غرور وذي ماقال احد ألمعلقين نستفيد من بعض الهفوات والاخطاء السابقه في ألمباريتين الجايات علي العموم اخرصوا خشوم الكثيرين والله مفروض ينظر ليها كالسودان وليس المريخ لو بنفهم


ردود على ام احمد
[جميلة في شنو ورينا بس] 01-11-2014 10:29 AM
انت مريخابية متعصبة ما كورة جميلة وما ليها علاقة برفع راس السودان؟ جميلة في شنو ورينا بس هجمة واحدة بتاعت طوال التسعين دقيقة

يا ام احمد بطلي تطبيل زيادة وخلو جماعتكم ديل يعملوا اعداد كويس للموسم الجاية ما يعيشوا على انهم لعبوا مع البايرن وخلاص.

مباراة من طرف واحد

نحنا ما حاقدين بس انت ورينا جميلة في شنو الكورة اللي شفناها دي

European Union [خالد] 01-10-2014 02:06 AM
والله كلامك صااااااااااح والله يخليك ويخلي ليك احمد


#881863 [ود الدلنج]
5.00/5 (1 صوت)

01-10-2014 01:04 AM
طبعاً مثل هذه اللقاءات توضح لنا نقاط ضعف كرتنا السودانية . وأهم هذه النقاط هي بطء حركة لاعبينا ككا يضيع علينا كثير من الفرص من ناحية ن وفتح الثغرات في كامل خطوطنا من ناحية اخرى ، وعليه المستفيد الأول والأكبر هوم المدربون وإن شاء يقفوا على نقاط ضعفنا ويخلصوننا منها ، على الأقل نقدر نجارى الكبار ونفوز ولو لمرة واحدة على كأس الإتحاد الأفريقي .


#881862 [ود الامير]
4.00/5 (1 صوت)

01-10-2014 01:03 AM
اتمنى ان تتاح مثل هذه الفرصة لكافة فرق الدوري الممتاز ، ونتطلع الى اليوم الذى ننغبر فيه معادلة بطولة القدم السودانية لتكون سجالا بين كل الفرق، ولا بد للكرة السودانية من كسر احتكار هلال/مريخ لتنطلق، بذا لا بد من تغيير القوانين ومنع تكرار مسميات الفرق ويكفينا ان يكون هنالك هلال واحد ومريخ واحد فقط لحفز روح الندية بين فرق الولايات.


#881856 [حمود]
0.00/5 (0 صوت)

01-10-2014 01:01 AM
أرجو ان يكون للهلال أيضاً تجربه مماثله حتي يكون للفرق السودانية هيبه وسمعه طيبه وسط الفرق الافريقية والعربيه وان يتحسس اللاعبون دروب التكتيكات الكروية التي تفيد اللاعبين وعقلياتهم كثيراً وهم يتبارون في مشاويرهم الافريقية المرتقبه
جميل جداً كان شكل المريخ ورائع جداً كان شكل التلاحم والابتسامات وسط الأخوة المغتربون والزوار


#881851 [ساب البلد]
5.00/5 (2 صوت)

01-10-2014 12:47 AM
********* 2 صفر يعني المريخ احسن من (برشلونة) و(الريال) و (دورتموند) كمان ******** مبروك المريخ يكفيك شرف المبارة ********* بس زعلان علي القروش و الله المرضي و الجيعانين كان اولي بيها ***** كنت اتمني ان تكون المبارة ودية لله ****


ردود على ساب البلد
[ساب البلد] 01-10-2014 04:36 AM
***** يا الشاكووش سلام اخوي ****** كدا اهدي شوية ****** انا ما عندي شغلة بالكورة لا هلال ولا مريخ ******** سمعت انو المريخ دفع 2 مليار مقابل المبارة ******* الناس دي كلها بتقول الكلام دا مالك ما سألتها؟؟؟ ******* ولا عشان لقيتني لسه صغير ***** هههههههههه *********

**** شكري و تقديري *****

**** انا مبسوط لو في زول ولا فريق مثل السودان ***** المبارة تمام علي الاقل العالم يعرف في فريق سوداني اسمو المريخ ****************

European Union [jaaaakm blaaaaaa] 01-10-2014 04:34 AM
بالمفياس ده يعني الهلال احسن من المريخ لانه هزم المريخ بالثلاثه

United States [الشاكووش] 01-10-2014 02:04 AM
يا أخى خاف الله المريخ لم يدفع ولا مليم واحد بل كسب مئات الألوف من الدولارات من الشركة الراعية للمباراة وهى شركة أماراتية وهى التى تشرف على معسكر البايرن فى قطر،، المباراة الجاية للبايرن مع فريق الكويت الكويتى.


#881843 [نوبا نوبا]
5.00/5 (1 صوت)

01-10-2014 12:31 AM
والله المريخ لعب كره جميله وكان الاحسن والاجمل الجمهور السوداني الكريم قبل بدايه المباره وقف السودانين كلهم ورددو النشيد الوطني وكانت لفته بارعه من الجمور احيهم علي ذلك وقبل نهايه المياره وقف الجمهور وانشد فوق فوق سوداننا فوق ودايما فوق ياسوداننا ولو كرهو الفاسدين لكم التحيه والتجلاء


#881840 [طائر الهوى]
3.00/5 (4 صوت)

01-10-2014 12:26 AM
المباراة من المفترض ان تكون للاحتكاك واكتساب الخبرات الا ان لاعبوا المريخ خاصه (اكرم) عمدوا الى تضيع الزمن وتطفيش الكره وانتظار نهاية المباراة بفارغ الصبر رغم الدقيقة دفعت من اجلها الملاين .
هدف المريخ اللعب مع فريق عالمى و الخروج باقل الخسائر ؟ مبروك حققتم الهدف


#881827 [موسكو]
4.00/5 (5 صوت)

01-10-2014 12:03 AM
بايرن الالمانى بعد ان اختير كافضل نادى لعام 2013 على كوكب الارض - استهل عام 2014 بفوز
على كوكب المريخ - !
مباراة بايرن ضد المريخ هى الاولى للنادى الالمانى بعد اختياره امس ولاول مرة فى تاريخ الكرة الالمانية كافضل نادى فى العالم لعام 2013 -
وقد دخلت المباراة من هذه الناحية فى سجل الاحصائيات التاريخيةالكروية !
هاردلك المريخ والزمن دوار ! تحية من روسيا !


#881826 [من تل ابيب]
5.00/5 (1 صوت)

01-10-2014 12:03 AM
شعب موهوم ومسكين في نفس الوقت!!!!


ردود على من تل ابيب
United States [ابو علي] 01-10-2014 05:13 AM
بالله في موهوم اكثر منك قوم لف عاش المريخ وعاش السودان


#881825 [أبوريان]
0.00/5 (0 صوت)

01-10-2014 12:00 AM
دى مباراة متوسطة المستوى يا حاقدين ؟؟؟؟؟؟


#881824 [ابو ماذن]
0.00/5 (0 صوت)

01-09-2014 11:59 PM
هيبه بالمرييييييييييييييييخ هيبه يالنجمه؟
الى خليت الهلالاب الحاقدييييييييييييييييين جداً والمتمنين هزيمة المريخ 10/صفر خشومهم ملحححححححححححح هههههههههههههههههههههههههههههههههههههههههههههههههههههههههههه؟
شكرا جزيلا ايها الماااااااااااااااااااارد الحمر ياكبييييييييييييير افريقيا وانت تصمد امام من صرع برشلونه بكل تاريخه2/7


#881820 [adrob2]
4.94/5 (8 صوت)

01-09-2014 11:54 PM
شكرا مريخ السودان شكرا للباير شكرا للشروق . بلدنا محتاجة لانفتاح مع كل الدول . مامحتاجة للمشروع الحضاري المدمر .


#881819 [ياسرابوعبودى]
0.00/5 (0 صوت)

01-09-2014 11:53 PM
تعتبر المبارة الدوليه الوديه مابين البايرن والمريخ بكل المقايس لها اهميه اولها تلاحم السودانيين على البلد والرياضه بشكل تﻷحظ وموقف واحد وظهور ابتسامات اولاد البلد بالدوحه عند مانشاهد لقطه تفرح ومن ناحيه اخرى فان المريخ ادى مباراة قويه ولكن ناسف على الخطه الدفاعيه الشامله والخوف من مرمى الخصم هذا من اهم السلبيات.لكن اهم حاجه انو اوربا عرفت السودان والمريخ... غيورديولا الليله دخلت فى زنقه


ردود على ياسرابوعبودى
United States [الشاكووش] 01-10-2014 02:08 AM
يعنى أنت عايزهم يلعبوا بخطة هجومية عشان ياخد 9 زى فريق الهلال مع الهونفيد المجرى،، المباراة حبية وقد رفع المريخاب رؤ,سنا عاليا،، ألا يكفى هذا ولا البتكرهو بتحدر ليهو فى الضلمة؟؟


#881818 [نبض التعب]
0.00/5 (0 صوت)

01-09-2014 11:53 PM
عاااااااااااااااااااااجل
عاااااااااااااااااااااجل
عااااااااااااااااااااجل
خاص من الدوحة
السفّاح يهاتف لاعبي المريخ ويحفزهم بمبالغ ضخمة!!

تلقى لاعبو المريخ مكالمة هاتفية من السفاح البشير مشيداً بالهزيمة الخفيفة التي تجرعها من البافاري الذي يعتبر مجداً جديداً للمريخ ورفع اسم السودان عاليا في هذا اليوم التاريخي ولقد تحدث لهم سعادة المشير عبر هاتف السيد جمال الوالي الذي قام بفتح الاسبيكر ليسمع جميع لاعبين المريخ مايقوله السيد رئيس الجمهورية واضعا علي عاتقهم رفع اسم السودان الغالي عاليا ..... خفاقا ..
وقد ساد الهدوء تماماً في القاعة مدة الخمس دقائق التي تحدث فيها المشير قائلا المريخ فريق عظيم له باع في صناعة الأمجاد والتاريخ وهو الفريق الوحيد الذي جلب لهذه البلاد بعد قيام الثورة بأشهر معدودات كاس أصبحت عصية علي غيره الي الان وقد طالبهم بتطبيق الخطة التي يضعها المدرب مع الحفاظ علي عامل اللياقة وعدم الاستهتار بالخصم وفي نفس الوقت عدم مهابته بطريقة سلبية تؤثر علي اداء المريخ ولقد طالب اللاعبين بحذو اللاعبين علي تقليد الراحل لاعب المريخ السابق سامي عذالدين في المسوليية والجدية وحب السودان اولا والمريخ ثانياء وقد اعلن سعادته لتبرعه لفريق المريخ بمبلغ (مليار) جنيه سوداني ومبلغ (خمسة الف دولار) لكل لاعب في المباراة ..
وختم قائلا سوف أكون حاضرا معكم بوجداني وإمام التلفاز متمنيا لكم الأداء


ردود على نبض التعب
European Union [Quickly] 01-10-2014 08:20 AM
ولو 5000 الف دولار يا مايتبرع بيها السفاح لأطفال دارفور والنيل الازرق اولى بيها

European Union [G.Suliman] 01-10-2014 12:11 AM
والله مع انو ما قاعد اطيق الكوره ده نهائيا لكن مباراة الليله ده كانت مهمه
والف مبروك للمريخ
اما بالنسبه للسفاح فده كره السنين
لكن يااااااا باشا انت5000 دولار ما بتساوي مليار جنيه سوداني..فما تعمل لنفسك دعايه في الفاضي


#881817 [سوداني ساكت]
0.00/5 (0 صوت)

01-09-2014 11:53 PM
والله التقول لعبوا شكل كوره كده


#881814 [بدر نورالدائم]
0.00/5 (0 صوت)

01-09-2014 11:50 PM
نقول برضو فى تحسن والى الامام ايها المريخ


#881813 [أب جاكوما]
5.00/5 (3 صوت)

01-09-2014 11:47 PM
مباراة من طرف واحد ليست فيها فنيات ولا لمحات تذكر للمريخ.. فعل بايرون ميونخ كل ما يريد شاهدنا لمحات فنية راقية وجمل تكتيية رهيبة

مباراة عك وتطفيش للكورة ولاعبين المريخ لاعبين من اجل التعادل صفر صفر.. (فهم غريب وعجيب) تشتيت للكورة وعك..

كنت اتمنى أن يكون امام الرقم 2 هذا صفر حتى تصبح 20/ صفر

مباراة لن يستفيد منها بايرون ميونخ كثيرا.. لانه لم يواجه خصم يبادله الندية والجمل التكتية

حارس البايرون ضيف شرف المباراة

مباراة غير متكافئة وتؤكد أن المريخ في وادي وبايرون ميونخ في برج عاجي


اؤكد وللمرة المليون أن بايرون ميونخ لن يستفيد من هذه المباراة وتعتبر بالنسبة للبايرن مباراة اللغز التي لم يتخيلها لاعبي بايرونخ منيونخ ومدربهم


ردود على أب جاكوما
United States [essa] 01-10-2014 08:31 PM
من يهن يسهل الهوان عليه ما لجرح بميت ايلام

[أب جاكوما] 01-10-2014 07:19 PM
الاخوة الاعزاء المعلقين المريخاب والهلالاب بالترتيب من الاعلى للاسفل للذي اتفق معي والذي لم يتفق تحياتي[ اب جاكوما 2- وطني وبس- خالد بعلو- عبد الله- خالد - الحلوين - أورجنال سوداني)


اؤكد ما جاء به المعلق اب جاكوما 2 تماماً

المعلق/ G.Suliman ياخي ما تخليك ود ناس ومهذب وترد رد كويس.. ايه الرد اللي زيي وشك وخلقتك وبعدين كلمة واطي دي كلمة كبيرة انت طايوقك دا ما حلو.. ولا لسانك دا زفر وبتتغوط بخشمك

European Union [اب جاكوما 2] 01-10-2014 02:53 AM
الانصراف عن القضايا الاساسية
الوالي وبعض جماهير المريخ
المغيبة عن الوعي ؟؟؟؟
صرف اكثر من 12 مليار في ناس محتاجين لي رغيفة او دواء
والوالي يسرق ويمتعكم يامريخاب وانتو فرحانين اوي ؟؟ بقوت الغلابة ؟؟!!
يعني تمجدوا في الوالي ونظامه وتطيله في بقاؤه !!!
عرفنا سبب اضافي في بقاء هذا النظام !!!

[وطني و بس] 01-10-2014 01:50 AM
حقيق كلامك منطقي المريخ ما لعب كورة

European Union [خالد بلعو] 01-10-2014 12:51 AM
ياخي كفاية سمعنا (( فوق فوق سودانا فوق )) في محفل دولي دي والله بالدنيا والله يخلي الزيك دا للتنظير يامتفلسف

European Union [عبد الله] 01-10-2014 12:43 AM
أب جاكوما انت فهمك في الكوورة صفر كبير !!
العالم كلو بلعب مع بايرن ميونخ بنفس الطريقة,, والبايرن استفاد من مباراة المريخ الكثير لأنه سيقابل بالتأكيد فرق لها دفاعات أكثر تنظيما من دفاع المريخ و تجيد التكتل بصورة أفضل وتعتمد على الهجمات المرتدة لذلك كانت مباراة المريخ خير اختبار لقدرتهم على اختراق التكتلات الجيدة وسرعة الرجوع للخلف . طبعا ده كلام كبير عليكم يا صفيراب .. بالمناسبة عصمت رجعليكم شعاركم ولا لسه ؟؟!!!

[محمد الامين] 01-10-2014 12:20 AM
كنت و.......؟؟؟؟؟؟؟؟؟؟؟؟؟؟؟
ياخى تانى ما تكون .

European Union [خالد] 01-10-2014 12:19 AM
مامشكلة يستفيد منها البايرن واللا مايستفيد المهم يستفيد السودان والمريخ وكفاية خستكه منك ومن أمثالك ، يكفي فقط تلك الابتسامة التي لم تفارق الجمهور السوداني وهذا التلاحم وحق اليوم لكل سوداني أن يفتخر بسودانيته ، وانظر ماذا يفعل فريق الكويت الكويتي عندما يقابل البايرن وستعرف معنى الوطن والوطنية

European Union [الحلوين] 01-10-2014 12:16 AM
يستفيد مين قال ليك مابستفيد هذا رايك انت لانك لاتعرف شئ عن الكره كنتوا تتمنوا ان يقهر المريخ بي 10 لكين هيهات ياصفيراب المريخ فريق كبير وانتو ماعندكم شئ غير صفركم وحقدكم الدفين دت والمابتلحقوا جدعوا.. شئتم ام ابيتم المريخ استفاد من التجربه ورفع راس السودان عاليا ...

European Union [G.Suliman] 01-10-2014 12:12 AM
انت اقعد للتنظير والفارغه لحدي ماتلقى الكوره اللعبوا بيها المباراه ده حاشرنها ليك
واطي

European Union [Sudani original] 01-10-2014 12:08 AM
Stinking hilalabi!!!!!


#881812 [خال طه]
2.50/5 (3 صوت)

01-09-2014 11:45 PM
دخلت التاريخ يا مريخ


#881811 [مجروس ق ش م]
2.38/5 (5 صوت)

01-09-2014 11:44 PM
عالمي والله مناظر تسر القلب واحلي حاجة البرنس في اخر عمر ه رطب في المريخ و لعب اهم مبارة عالمية في مسيرة امتدت ﻻكثر من 18 عالم ضيع منها 16 سنة مع الهليل يعافر مع ناس الملعب المالي و انتركلوب الرواندي و الحصيلة صفر اكبر من حوش البقر في العرضة شمال .اﻻيام الفاتت دي كنت مشغول مع الجنوبين في الجنوب و المصرين في الشمال .لكن الهﻻﻻب القالوا المريخ بنغلب 12/صفر اﻻ يقوموا جارين


#881807 [amir]
1.25/5 (3 صوت)

01-09-2014 11:41 PM
مبروك ياشباب، ولكن ارجو ان ينظر الي المباراة علي انها للاعداد الجيد وليس للتباهي، وعليه فارجو من النقاد ابراز مكامن الضعف والعمل علي وضع الحلول والاقتراحات التي تساعد في تطوير فريق المريخ والكرة السودانية عموما.


#881806 [جدودنا زمان]
2.63/5 (4 صوت)

01-09-2014 11:34 PM
مشاركة مشرفة للمريخ العظيم

وفوق فوق سودانا فوق
فوق فوق مريخنا فوق


#881805 [دوية]
0.00/5 (0 صوت)

01-09-2014 11:33 PM
الإعتقاد على صور سالبة


#881804 [اسعد اسد]
0.00/5 (0 صوت)

01-09-2014 11:32 PM
قدم الزعيم شكل مشرف امام بطل العالم وظهر دفاع المريخ منظم جدا ادهش به قارديولا كنا نتمني ان تكون هنالك جراه هجوميه لكن كدا برضو ما بطال نتمني التحسن مع بطل النمسا



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية



الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة