الأخبار
أخبار إقليمية
الميرغنى يطرح مبادرة للوفاق الوطنى الشامل
الميرغنى يطرح مبادرة للوفاق الوطنى الشامل



01-10-2014 10:03 PM

الخرطوم(smc)

أعلن الحزب الإتحادى الديمقراطى الأصل عن طرح رئيس الحزب محمد عثمان الميرغني لمبادرة قومية لتحقيق الوفاق الوطني الشامل بالبلاد، كاشفاً عن لقاء يجمعه مع كافة القوى السياسية والشخصيات الوطنية ومنظمات المجتمع المدني للوصول لرؤية موحدة لحل قضايا البلاد في الأيام القادمة.
وقال الفريق عبد الرحمن سعيد الرئيس المكلف بطرح مبادرة الميرغني في تصريح لـ(smc) إن رئيس الحزب كلف عدداً من قيادات الحزب بطرح مبادرة شاملة لتحقيق الوفاق الوطني الشامل بالبلاد، مبيناً أن المبادرة تشتمل على عدد من المقترحات منها الاتفاق على دستور دائم للبلاد يشارك فيه الجميع بجانب الإسراع بحل شامل لمشكلة دارفور وأبيي وجنوب كردفان والنيل الأزرق يؤدي لوقف الحرب وتحقيق الأمن والاستقرار بتلك المناطق.
وكشف سعيد أن مبادرة الميرغني تحتوي على مراجعة قانون الأحزاب السياسية والانتخابات والقوانين المرتبطة بالحريات العامة وحقوق الإنسان والتحول الديمقراطي بالإضافة لاستكمال اتفاقيات السلام مثل اتفاق جدة الإطاري واتفاق أسمرا، موضحاً أن المبادرة ستطرح على الجميع دون استثناء ، مشيراً إلى أنها تحتوي على اتفاق على سياسة خارجية متوازنة تراعي مصالح السودان وكيفية معالجة مشكلات التنمية الاقتصادية بالبلاد.


تعليقات 26 | إهداء 0 | زيارات 2906

التعليقات
#883203 [jaflal]
5.00/5 (1 صوت)

01-11-2014 09:19 PM
صيف فى بريطانيا ومشتى عندنا قال يحليها يارجال ضيعتونا ولسه حتكملو هو باقى فينا عمو


#883106 [صلاح كوكو]
0.00/5 (0 صوت)

01-11-2014 05:56 PM
ياجماعة الخير خلاص تكريمه من البسير بنيشان علي الصدر عمل مفعوله خلاص


#882972 [الضكر]
3.00/5 (1 صوت)

01-11-2014 02:44 PM
انت بتقلد في الإمام والا شنو ياود الميرغني بتقع من عكازدك دي خليك عاقل واقعد في سجاتك واتبارك من الايدي المموده تجاه فمك


هههههههه


#882922 [radona]
5.00/5 (1 صوت)

01-11-2014 01:37 PM
كيف ذلك يافضيلة مولانا محمد عثمان الميرغني حفظك الله
الراي العادل في الموضوع هكذا
لم يقصر المؤتمر الوطني مع حزبكم ابدا وقد منحكم وظيفة مساعد رئيس جمهورية بالقصر الجمهوري كما منح غيركم ومنحكم حقائب وزارية لو قامت النتخابات حرة ونزيهة لن تؤهلكم لتنالوها او جزء منها وانتم تعلمون ان هذه حكومة قاعدة عريضة وتتمسكون بها وترفضون الانسحاب منها رغما عن مطالبة ماتبقى من قواعد حزبكم بالانسحاب ولانكم لديكم ادراك ببواطن الامور وتقومون بوزن الامور بناءا على وزن حزبكم .. لذلك لا نرى مبررا لمثل هذه الدعوات التي توحي بعدم قناعتكم بمشاركتكم في الحكومة وكانما تتطلعون لدور اكبر وهذا يجافي طبيعة الاشياء .. لذلك من الافضل ان يكون موقفكم ثابتا في مشاركتكم في الحكومة كما فعلتم وحتى لا يسأم منكم المؤتمر الوطني ويكتشف حقيقة الامر ويقوم بطردكم من الحكومة وحينها تكونوا قد فقدتم كل شئ .


#882882 [شمال و جنوب فى محنة]
0.00/5 (0 صوت)

01-11-2014 01:07 PM
مولانا ما تقدنا بي بركاتك دى عندك حاجة لينا ابعد من المتاسلمة و تعال لينا و شرف محمد نبوس ايدك


#882681 [aldufar]
5.00/5 (1 صوت)

01-11-2014 09:56 AM
لانت ولا المؤتمر الوثني ولا اي حزب ولا حركات مسلحة سيصلحوا السودان ، لان الخراب في نفوسكم المريضة جميعا، كل من حمل السلاح ضد السودان وشعبه يجب استبعاده من اي مشاركة حكومية مستقبلا مهما كان -


كل من حكم السودان في اي نظام سابق او حاضر كان منقوص الضمير ولا وطنية له تجاه السودان وشعبه.


الجميع مشتركون في تدمير السودان وعلى رأسهم الحية نظام المؤتمر الوثني الحاضر وجاسم على السودان وادى لتدمير البلد بصورة لم تعرف عبر التاريخ .


قاتل الله من افسد السودان وشعبه اللهم عليك بمن افسد السودان اللهم عليك بمن افسد السودان وشعبه.


اللهم عليك بمن افسد السودان وشعبه وادى به في حر الهلاك اللهم اهلك من افسد السودان وشعبه.


#882645 [أم أحمد]
5.00/5 (3 صوت)

01-11-2014 09:25 AM
مبادرات السجم والرماد يا يمة.
الراجل عايش في لندن هو وولدو وشغالين معانا مبادرات بالتلفونات والفاكسات..


#882610 [ابن السودان البار]
5.00/5 (1 صوت)

01-11-2014 07:46 AM
حتي نصدقك يا محمد عثمان يا ميرغني فك ارتباطك ومشاركتك للمؤتمر اللاوطني ايها الامعة ......يعلم الشعب السوداني ان مبادرتك الفارغة مرسال من ولي نعمتك الذي تشاركه الحكم ....لن يرضي شعبنا بغير مسحكم من ذاكرته وارسالكم انت وبشيرك ومافون الانصار الي مزبلة التاريخ قاتلكم الله جميعا


#882593 [سودانى شديد]
5.00/5 (1 صوت)

01-11-2014 06:11 AM
تحول ديموقراطى!! ياخى أنصحك يا ابو هاشم انك تشوف فيلم Transformers أو المتحولون عشان تعرف التحول العلى أصوله.


#882575 [حد بيعرف احسن م الحكومه!!]
0.00/5 (0 صوت)

01-11-2014 04:22 AM
تانى عبرحمن سعيد!!! هى المبادره المرغنيه جاهزه ولا منتظره القيادات اللى كلفهم الحسيب النسيب بعملها من او جاى و يرفعوها ليهو .. طبعن منظره موافقتو ..ألأمام الحبيب الرمز وصديق اسماعيل وبرمه بن ناصر من حسّ رافضينها !! ولا موش كدا يا استاذ يا عبحميد يا فضل؟


#882557 [ساب البلد]
0.00/5 (0 صوت)

01-11-2014 02:52 AM
******** يا جماعة انتو مالكم ابوهاشم عايز يحلل الاسترليني و يستعرض الوسام *********





*******الراجل صحي جيبوا الفتة الساخنة خلي ياكل و ينطم ***************


#882533 [صبابر]
5.00/5 (2 صوت)

01-11-2014 01:56 AM
مولانا الأيام دى مزنوق من الإشراف من حزبه لأنهم ولوا قبلتهم لفض شراكنهم فى الحكومة و منتظرنو يوقع على ذلك لكن هو عكس الناس ديل تماماً عشان كدا بفتش فى حيل يقنع بيها جماعتو و يكون مستمر فى الحكومة. تف عليك يا ابو هاشم ذليت الاتحاديين وجلبت العار السياسي لكل بيت اتحادى اصبح لا فرق بينك و بين المفسدين القتلة و تجار الدين، ضعت و ضيعتنا معاك.


#882529 [ابن البلد]
5.00/5 (1 صوت)

01-11-2014 01:46 AM
لا خير فيه ولا خير في مبادراته لانه وقف مع الباطل وهويشاهد دماء السودانيين تنزف باقليم أخرى مثل دارفور وجبال النوبة والانقسنا وغيرها ، لا خير فيه وكم مرة اعطوه ملايين القروش


#882523 [ابو على النيل]
5.00/5 (1 صوت)

01-11-2014 01:26 AM
لندن اغلى مدينة فى العالم ,, هو قصدو يسرعو ليهو فى الدفعيات ما تفهموه غلط يا جماعة


#882498 [مواطن x]
5.00/5 (2 صوت)

01-11-2014 12:26 AM
لعل الوحي الخاص به أتاه بلندن...


#882488 [مجدي]
2.50/5 (2 صوت)

01-11-2014 12:13 AM
يا اخوانا شوفو ان رضيتو او ابيتو مخرج السودان من عمق الزجاجة عند ابوهاشم علاقات عربية وغربية صدقوني سوف لن يرض عنكم العرب لا العجم لو طرت السما


ردود على مجدي
[رد على مجدي] 01-12-2014 02:27 PM
القال ليك منو انهم معترفين بيهو بالعكس بيقولوا يخسى الرسول ما كان تكرووووونيييييي

[ساب البلد] 01-11-2014 02:47 AM
******* مجودي امشي بينادوك سريع عشان الفتة ما تبرد ******* داهية تاخد انت و سيدك **** قال عرب وعجم يا بجم *******


#882471 [ابومروه]
5.00/5 (1 صوت)

01-10-2014 11:47 PM
مولانا سيطرح المبادره من موطنه لندن و يصفق له عثمان عمر الشريف وصحبه لان خيرهم علي ايدي سيدهم الميرغني اما بقية السودانيين فهم في حل عن مبادرات الميرغني واخيه الكاشف اقصد الصادق


#882468 [مدحت عروة]
5.00/5 (1 صوت)

01-10-2014 11:42 PM
يعنى نسيب مشروع الانقاذ او الحركة الاسلاموية ونرجع تانى لعبادة الاصنام والسكر والدعارة والعمالة لاسرائيل وامريكا ؟؟؟؟؟؟
لا لا لا بعد ما ضقنا حلاوة الايمان والاسلام الدخل السودان فى 30 يونيو 1989 ما ممكن نرجع تانى للكفر والفسوق والجاهلية !!!!!!!
كسرة: انتو ابو حسن البنا وابو سيد قطب لو اليوم داك ناموا ساكت ماكان احسن ؟؟؟؟؟؟؟؟؟؟؟؟؟؟


#882458 [عاش ابوهاشم]
5.00/5 (1 صوت)

01-10-2014 11:06 PM
ههههههههههه وناس المؤتمر الوطني موافقينك يا مولانا في مبادرتك دي ولا كلام والسلام؟ كدا الاول حل لينا مشاكل الاتحادي الما ديمقراطي بتاعنا بعدين نشوف مبادرتك دي حتصل لا وين. لكن صدقني انت تحرث في البحر ولن تحقق شيئا في نهاية المطاف.الزمن تجاوزكم تماما انت والامام وفاقد الشئ لا يعطيه


#882456 [عاش ابوهاشم]
4.00/5 (1 صوت)

01-10-2014 11:03 PM
ههههههههههه وناس المؤتمر الوطني موافقينك يا مولانا في مبادرتك دي ولا كلام والسلام؟ كدا الاول حل لينا مشاكل الاتحادي الما ديمقراطي بتاعنا بعدين نشوف مبادرتك دي حتصل لا وين. لكن صدقني انت تحرث في البحر ولن تحقق شيئا في نهاية المطاف.الزمن تجاوزكم تماما انت والامام وفاقد الشئ لا يعطيه


#882446 [على حمد ابراهيم]
5.00/5 (2 صوت)

01-10-2014 10:51 PM
هلاميات وانشائيات بلا معانى سمعناها كثيرا الهدف منها أن يقول مطلقها انا موجود من فضلكم لا تنسونى . معليش انا بحوم كثير فى الخارج عشان اتفادى ادجخل يدى لفى ... الحارة عملا بالوصية الخالدة_ (ما قال بجى مالو ماجاء) اذكر هذا المقطع الحنين من اغنية كانت تتغنى بها فتيات الحى الذى كنت اسكن فيه - وبدورى اسأل : مالو ما جاء بعدما انتهت ثورة الشباب التى ارهبت الحكومة وحلفاءها من الديناصورات التاريخية. لا ياسيد كتر الله خيركم شبعنا من مبادرات التوأمين وما عاد فى الصدر منزع من صبر لسماع المزيد من هذا الهتر


#882444 [Addy]
5.00/5 (1 صوت)

01-10-2014 10:44 PM
خلاص بطرح مبادرة الوفاق الوطني من سليل الميرغني بدأت مسرحية إجهاض الأماني الوطنية للشعب السوداني في إسقاط النظام الإنقاذي من قبل السيدين .. بدأت الأوسمة والأنواط التي أنعم بها البشير للسيدين تعمل .. قلنا أن تلك الأوسمة عربون له ما بعده .. وطبعاً قرأنا بالأمس أن إبن السيد صاحب المبادرة قد وصل بدون سابق خبر من لندن ..

أقول: على القوى الوطنية التي تريد إقامة دولة ديمقراطية مدنية على أساس العلم لا على أساس خرافات الطائفية الصوفية ولا على أساس المقولات المبهمة من شاكلة الإسلام هو الحل .. القرآن دستورنا والتي فشل أصحابها في إستنزالها على أرض الواقع .. أقول لتلك القوى الوطنية التي تخوض كفاحاً مدنياً أو مسلحاً .. عليها توحيد الكلمة لمنازلة النظام وحلفائه الجدد للوصول إلى ما يريده الشعب السوداني ..


#882433 [jackssa]
5.00/5 (2 صوت)

01-10-2014 10:28 PM
دا يا مولانا من جرابك ولا جراب المؤتمر الوثني . أنت سقطت سقوطا شنيعا وسقط معك الحزب الديمقراطي الي هوه سحيقة من الاستحالة خروجك منها بعد مشاركتك مع حكومة السفاح و (عصابة ود حوش بانقا للنهب والسلب ) . وبعد أن رفضت كل الأحزاب الوطنية أية صيغة من المؤتمر الوثني . يريدون لك ان تسوق لهم ما يرونه ولكن لا يدرون انك اصبحت مثلهم مكروه من الشعب السوداني الا قلة من المنتفعين الذين يتمسحون بأيديك التي تلوثت بدم الطلبة اليفع وشباب الوطن . خاب أملنا فيك يا مولانا بعد ان اعتقدنا انك كبيرنا اصبحت مكروهنا.


#882432 [ahmed//]
1.00/5 (1 صوت)

01-10-2014 10:27 PM
كلام // انتم مصيركم اصبح مرتبط بالمؤتمر الوطنى // المصلحة // حتى تحققوا اهدافكم من هذه المبادرة وتثبتوا للشعب السودانى انكم جادين/ يتطلب منكم خطوة اولية اذا لم تفعلوها لن تنجحوا / يجب يسبق هذه المبادرة وسيلة ضغط وهى الإنسحاب من مراكز الدولة / اذا لم تفعلوا فبطلوا التدليس على الشعب السودانى


#882427 [الدنقلاوي]
5.00/5 (4 صوت)

01-10-2014 10:19 PM
(بالإضافة لاستكمال اتفاقيات السلام مثل اتفاق جدة الإطاري واتفاق أسمرا، )

الراجل ده الصحاهو من النوم منو
وزي ما قالوا نوم أبو هاشم عبادة


#882425 [ابو سامي]
5.00/5 (1 صوت)

01-10-2014 10:18 PM
آآآآآآآآآآآآآآآالآآآآآآآآآآآآآآآآآآآآن



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة