الأخبار
منوعات سودانية
أفراح عصام تلبس طاقية الاخفاء
أفراح عصام تلبس طاقية الاخفاء
 أفراح عصام تلبس طاقية الاخفاء


01-11-2014 09:46 PM
الخرطوم

من غير أي مقدمات أو سابق إنذار لبست الفنانة أفراح عصام طاقية الاخفاء، وأصبحت تغرد خارج سرب الساحة الفنية، ووقفت مسيرتها الفنية محلك سر ودخلت في دوامة الكسل الفني كحال العديد من رفيقاتها، وباتت تغني وتغرد في صفحات الصحف فقط، ولكن لا يوجد منتوج حقيقي على أرض الواقع بمعنى أن تركيزها على الإعلام فقط بدون أي اجتهاد في عملها ومشروعها الفني، خاصة وأنها صرحت من قبل بأنها (أم كلثوم السودان) وأصبحت تهتم بالمظهر على حساب منتوجها الفني،
وقالت أفراح في إحدى القنوات- قبل أيام- إن كل حصيلتها في العام 2013 تغيير سيارتها وقدمت أربع أغنيات جديدة، قدمتها وين ما معروف!!.. ويرى الكثيرون أن طليقها الموسيقار أحمد المك ترك أثراً واضحاً وفراغاً فنياً في مسيرتها التي تراجعت كثيراً بعد الانفصال عنه، لأنه كان الداعم الأول لها في اختيار النصوص والألحان، ويعمل على انتشارها.

آخر لحظة


تعليقات 13 | إهداء 0 | زيارات 9541

التعليقات
#883967 [AL KIRAN]
0.00/5 (0 صوت)

01-12-2014 09:49 PM
Well come to NEWYORK city. ,,,AFRAH


#883836 [بتاع بتتييخ]
5.00/5 (1 صوت)

01-12-2014 05:23 PM
ما سمينة على الجيتار ؟


#883806 [مواطن بايخ]
5.00/5 (3 صوت)

01-12-2014 04:41 PM
افراح لبست طاقية الأخفاء!
ياسلاااااااااااام خبر حصرى وخطير
انا هسة بفتش ليك فى طاقية تانية
يكون فيها قلوظ عشان تركب فى راسك
الفاضى دا لغاية الإضنين ونرتاح منكم ..الاتنين


#883749 [salah El hassan]
1.00/5 (1 صوت)

01-12-2014 03:20 PM
الواحد صار يشفق كثيرا على بناتنا السودانيات ...كل واحدة حباها الله بمسحة من الجمال وشوية لون
ابيض ودون ان تدرس اماكانيتها الفنية والصوتية تقوم تبقى غنائة .!!!
انصح الشابة افراح تشوف ليها شقلة غير الغناء .!!


#883743 [أب قرن]
0.00/5 (0 صوت)

01-12-2014 03:13 PM
ما بتعرف تمسك الجيتار بعدين أنا من إسمي دا تعرفون عندي حساسية من اللون الأحمر !!


ردود على أب قرن
European Union [الدبش] 01-13-2014 02:28 PM
هههههههههه يا طافش معاك حق حلا وحمار سااااااكت أب قرن ده عميان صح بالصح

[سودانى طافش] 01-13-2014 02:34 AM
حلا وحمار .. قرنك دا إلا تبلعوا .. إت يازول عميان .. العمى اليكابسك !

United States [محمد سعيد] 01-12-2014 06:21 PM
اب قرن الحمار مالو عيبو لي هسة البت مي سمحة كان ما حساتن سااااااي


#883620 [HI GUYS]
0.00/5 (0 صوت)

01-12-2014 01:16 PM
انا من راى تواصل فى الغنا اخير ليها

لانى لاحظت انها لما تغنى بتروح التمتمة والقطيع فى الكلام

بدل تغيير السيارة انصحها بالمرور على دكتور نفسى لانو التمتمة علاجها ساهل


#883562 [ابولكيلك]
3.00/5 (2 صوت)

01-12-2014 12:02 PM
افراح لا زالت طفلة والواجب توجيهها وانارة الطريق بدل الكلام العك الغير لازم .


#883523 [Alsubar]
4.50/5 (4 صوت)

01-12-2014 11:17 AM
ديل بنات يتاجرن باشكالهن ومناظرهن وهن معجبلات ولكن اسمعوا قول حكيم : ثلاث مهلكات : 1- اعجاب المرء بنفسه -2- هوءً متبع -3- وشح مطاع
هؤلاء البنات : لا اصل لهن ولا اهل ولا خلق لهن ولا دين ديننا الحنيف يمنع ذلك يا اهلنا ، هؤلاء اللاتي يغنين في الحفلات لا اصل لهن ولا يعرفن الدين من اساسه وهن ابعد اقرانهن عن ديننا الحنيف ،

فلينتظرن الغد وعنده حساب لهن باذنه تعالى .

واتمنى ان يراجع كل منا نفسه فالحياة قصيرة - واعملوا لاخرتكم قبل فوات الآوان - فالموت في انتظارنا جميعا ولن يترك احد . عسى الله ان يرفع عن بلاد الفساد الذي عم كل ارضها .


ردود على Alsubar
United States [esan salih] 01-13-2014 08:07 AM
يا زول إنت خلاص ضمنت الجنة و بقيت توزع للناس كروت لجهنم , يا زول لو عايز تنصح البت دى ممكن توصل ليها فى الفيسبوك و تنصحها فى السر عشان ربنا يديك أجر و لكن تشتم بت الناس و ترميها بما ليس فيها لأنك كوز و حاسد البت على جمالها و أنوثتها فهذا مرفوض و مردود فى وشك يا حاسد يا خاينة.

United States [ابونازك البطحاني المغترب جبر] 01-12-2014 09:11 PM
(هؤلاء البنات : لا اصل لهن ولا اهل ولا خلق لهن ولا دين) يارجل اتق الله ، عشان البت غنت تقوم تقذفها بكل تلك الصفات ؟ ومفتكر نفسك داعية بالطريقة دي؟ استغفر الله يارجل وكلامك ده بوديك جهنم لأنك بتطعن في النسب والاهل والاخلاق والدين ؟ فضل ليك شنو ؟ الله يهديك ويهدينا مع العلم اني مابعرفها ولا بعرف غناها كمان

United States [هندسة] 01-12-2014 04:14 PM
Like


#883500 [ود الغرب البعرف الدرب]
5.00/5 (1 صوت)

01-12-2014 10:46 AM
ياكاتب هذا المقال اقول لك استحى


#883475 [خلوها يمكن عايزة تترك الوسط الفني]
1.50/5 (2 صوت)

01-12-2014 10:26 AM
الصحفي أو المحرر بتاع اخر لحظة دا ما عنده شغلة نهائياً غير افراح وريماز وبنات نجوم الغد
خلوها يمكن عايز تعتزل الوسط الفني دا.


صحفيين اخر زمن الواحد فيكم يمجد ويمدح في بنات الناس وتلقاهو مرتو في البيت خاتيها في قزازة لا مفاهمة لا بدعمها لا يمزح معها ولا يناقشها ولا يحترم ولا يقدر رأيها ولا بقيف وراءها عشان تنجح إن كانت متعلمة أو عندها ميول كتابية أو حلاوة صوت وموهبة غناء.. ابسط حاجة لو طلبت منه زوجته أو اخته ذلك لقال لها ببساطة[ الوسط الفني دا كلام فارغ وغير مناسب انك تدخليه] بس لما يجي حق الناس يعمل ليك فيها منفتح وداعم وراجل ثورة حقيقة المفروض هذه الفنانة تستفيد منه.

خلوها يمكن عايز تعتزل الوسط الفني القرف دا.. عاملين للبنات نجوم الغد وخليتو كل بنات السودان عايزات يبقى فنانات ومطربات حتى صرن الواحد لما تتزوج تتطلق من اول شهر. خلوهن يعتزلن ماذا يفيد لو نسمع غناء بصوت امراة [القيامة بتقوم]


ردود على خلوها يمكن عايزة تترك الوسط الفني
United States [البعشوم] 01-12-2014 10:21 PM
كلام صاح مليون في المائة


#883453 [الفجري داك]
1.00/5 (1 صوت)

01-12-2014 09:48 AM
الكاتب عن الخرطوم بدلاً من أنك عارف الموسيقار أحمد المك هو الكل في الكل ،ياخي كون صريح وحاول الدخول من الباب وليس الشباك وعمل الخير درجات أن هم فعلاً كانوا على حقيقة زواج وليس ترهات ومظاهر عاشقين والبيوت أسرار وليس هناك دار خالية من المشاكل وبحكمة الناس بتعيش بقية العمر بالحلو والمر ، وأصلوا البلاد 24 سنة مرارة وزيادة بس أحمد المك يتنازل عن الحلاوة دي ألآ بسبب أولاد الحرام ويكفي الله عن ذلك ،نسأل الله أن يلم شملهم !!!ونسمع الحلو؟؟؟؟؟؟ وبعدين فى حلب مفتريات ذي المرة الأباها المهدي ههههههههههههههههه!!!!


#883440 [التباري]
1.00/5 (1 صوت)

01-12-2014 09:33 AM
حااااااسدين المك في السنة القضاها معاها دي... غايتو طلع ما خسران وخسارتو في العرس رجعها وبالزيادة كمان..


#883411 [الحلفاوي]
5.00/5 (1 صوت)

01-12-2014 08:45 AM
عالم فاضية...


ردود على الحلفاوي
European Union [السنجاوي] 01-12-2014 12:09 PM
صدقت والله
ههههههه



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة