الأخبار
أخبار إقليمية
نظام البشير يودع عدداً من الضباط السجن الحربي " طالع القائمة "..الخلافات تعصف بالقيادات العليا في جهاز الأمن.
نظام البشير يودع عدداً من الضباط السجن الحربي " طالع القائمة "..الخلافات تعصف بالقيادات العليا في جهاز الأمن.
نظام البشير يودع عدداً من الضباط السجن الحربي


على خلفية الهزائم التي منيت بها القوات الحكومية على يد الجبهة الثورية.
01-13-2014 08:07 AM
أفادت مصادر موثوق بها في الخرطوم أن إثني عشر (12) ضابطاً من ضباط القوات المسلحة برتب مختلفة قد أودعوا السجن الحربي صباح امس الأحد 12/1/2014 بعد أن كانوا محتجزين لدى مكاتب الإستخبارات العسكرية منذ الخميس الماضي على خلفية الهزائم التي منيت بها القوات المسلحة على يد الجبهة الثورية السودانية في جنوب كردفان و الخلاف حول الأسباب و المتسببين فيها، و قد تم التعرّف على بعض الضباط المحتجزين منهم:-

1- العقيد محمد عبدالله البلك
2- العقيد زنقار – سلاح المظلات
3- المقدم الصافي فرح – وزارة الدفاع
4- المقدم محمد عبدالدائم – المظلات
5- المقدم عمادالدين شمت – المظلات
6- الرائد سيف اليزن جبريل

بالإضافة الى ستة آخرين.

و من جهة أخرى، تفيد نفس المصادر أن الخلافات بدأت تعصف بالقيادات العليا في جهاز الأمن و المخابرات الوطني على خلفية الكشوفات الخاصة بالإعفاء و الإحالة إلى المعاش و كشوفات التصعيد بجانب الهزائم التي منيت بها قواتهم في جنوب كردفان؛ و قد أسفرت هذه الخلافات عن الإستغناء عن خدمات الفريق محمود قمش المفتش العام بالجهاز و من المتوقع أن تشمل عاصفة الإستغناء بمواقع ما لا يقل عن خمسة لواءات في الجهاز.


تعليقات 41 | إهداء 0 | زيارات 47598

التعليقات
#885607 [ابوسعد]
3.00/5 (2 صوت)

01-14-2014 04:32 PM
سيظل الجيش السوداني هو الصخرة التي تتكسر عليها نصال كل المتمردين والعنصريين لذا فهم يكرهونه و يتمنون له الدمار لكن خاب فالهم


ردود على ابوسعد
European Union [yasir] 01-14-2014 11:17 PM
منو القال ليك فى جيش سودانى انت عايش وين ............زمان الكيزان ضيعو الجيش السودانى .............لسه اللمبى وزير دفاع بالنظر !!!!!!!!!!!!!!!!!


#885604 [اليتيم]
0.00/5 (0 صوت)

01-14-2014 04:31 PM
اشان ما ماتو زول اجلو ما جاء بموت كيف غريبة الدنيا


#885306 [lwlawa]
0.00/5 (0 صوت)

01-14-2014 11:47 AM
ده كلو ما بحلك ؟؟.. الحل في الجلوس الى المفاوضات بصدق وإخلاص كما صرجت في جوبا ان كنت صادقا هذه المرَة..؟؟!!


#885014 [halfaa]
5.00/5 (1 صوت)

01-14-2014 02:54 AM
يا شباب الجيش انتهي من يوم جاء المجرم البشير ومعاه نافع وزبانيتهم في الساحة الان رجال عصابات هم من ي
يديرون المعارك اما رجال الجيش فلهم العوض


#884902 [الحقيقة مرة]
4.88/5 (4 صوت)

01-13-2014 10:53 PM
بالله شوف بني كوز ديل وعبطم دايرين كلابم المرفهة تحميهم من اسود جيعانة ما تعرفم بحلمو ولا في شنو شي غير منطقي ذاتو حتى بمنطق الكلب


#884888 [ابومحمد]
1.57/5 (7 صوت)

01-13-2014 10:32 PM
انت ياجماعة ماعندكم اي وطنية السودان ده ماوطنكم بس الحكمومة عملت وفعلت وانت الواحد منكم ماعندو اي انتاجية داير ينوم وياكل بس البهيمة اخير منو


ردود على ابومحمد
United States [الكجور] 01-14-2014 11:08 AM
ول ابومحمد اقول;
انت عندك ايه غير الفكر الاستعاطي دا يا كوز؟؟

United States [baddee] 01-14-2014 06:19 AM
الرد على أبومحمد أنت واحد عبيط وبس


#884848 [bb]
5.00/5 (2 صوت)

01-13-2014 09:37 PM
ياناس انا عسكري نفر جاي من جنوب الجيش مشى كتير وشهرين امكن تنضف لكن الحرب ما في زول دايرها


#884845 [عبدالله النور]
3.00/5 (2 صوت)

01-13-2014 09:27 PM
اللهم اجعل كيدهم في نحرهم لكل ظالم بداية ونهاية وهذا النظام باثره ايل للسقوط
فلتسقط حكومة الانقاذ ومن والاها.


#884803 [عصمتووف]
4.50/5 (4 صوت)

01-13-2014 08:10 PM
كل الرتب الحالية المنضوية في جميع القوات النظامية المختلفة وفي دواوين الدولة ومؤسساتها تم تعينهم بعد89 فلاعلاقة لهم بجميع المهن مجرد مرتزقة وحاملين عرش السلطة علي اكتافهم فجسدهم وقواهم خارت من ميتة قلوبهم انهم مرتزقة مرحلة فات منها الكثير وبقي القليل اوف ساكت بطيرهم ولا ننسي حفر تحفير الحفر لبعض


#884757 [المنجلك]
1.00/5 (1 صوت)

01-13-2014 07:03 PM
يمكن ان تكون هناك خلفية لاتتعلق بالحرب والعمليات الاخيرة فهم مجموعة من الضباط برتب مختلفة و وحدات مختلفة لماذا لاتكون محاولة انقلابية فوالله جيشنا لا يخلوا من الشرفاء الذين رضعوا عزة وكرامة


#884733 [ود الشمال]
1.97/5 (8 صوت)

01-13-2014 06:10 PM
الجيش السوداني ليس جيش لنظام الإنقاذ وهو للدولة السودانية ، لا نذهب بعيداً بدعواتنا ان ينحل الجيش السوداني وتكوين جيش جديد كما ذهب الاخوة في العراق بعد الاطاحة بحزب البعث ، والآن هم في اشد الندم من ذلك ، ولن يكون مليشيات الانقاذ ولا مقاتلي الجبهة الثورية بديل للجيش السوداني الذي يعتبر من اقدم الجيوش في افريقيا ، لا بل في الشرق الاوسط بأسره ، سوف يفضل الجيش السوداني كما هو ولكن من حق الشعب السوداني المنادى بغيار النظام الحاكم ، وليس حكومة الانقاذ ولا غيره في امكانة ان ينهي الجيش السوداني وسوف يفضل رحم الجيش السوداني تلد الرجال لهذا الوطن الغالي ، ومهما مره الجيش السوداني بوعكة في القيادة ، ومهما كاد من كاد هذا المؤسسة العسكرية العتيقة ، من السلطة الحاكمة او المعارضة ، سوف يفضل جنوده البواسل الذي شهد لهم الميل 40 في الجنوب وأدغال الجنوب علي بسالتهم وعلي قوة العقيدة القتاليه التي عرف به الجندي السوداني ، ولن ينتهي الجيش السوداني مهما مرة به الازمات والزلزلات ولن يكن اكثر من ما مرى بهى في حرب جنوب السودان كانوا يقاتلون عراء وحفاه وبدون عتاد وبدون دعم مباشر من القيادة السياسية ، مع ذلك لم ينهار الجيش السوداني ولم يتفكك ، فل نترك الجيش السوداني في حال سبيله ونتحدث عن القيادة السياسية في الخرطوم ولا داعي للتطاول علي جيش هو الجهة الوحيدة التي تضم جميع ابناء السودان من غربها وشرقها وشمالها وجنوبها أي لا يزال وحدة السودان متجسد فيه .


ردود على ود الشمال
European Union [امان ادم] 01-14-2014 11:51 PM
يا ودالشمال كلامك عن الجيش دا كان قبل 1989م لكن الجيش الان انتهى الكيزان سيسوه وعملوه كلو مليشيات

United States [معاويــــــــــــــــــــــــــــــــــة] 01-14-2014 11:36 PM
الميل 40 قال طيب عملية جبل بومه تكون شنو يا جاهل انت
الميل 40 ده كان جيش ديل مليشيات الجبهة الوثنية وتم دحرها
وتم فصل الجنوب والان خلى ناس الميل 40 ديل يمشو كاودا دى بس
افهم انت يا مهووس

United States [خريج اقتصاد] 01-14-2014 10:43 PM
معليش القيادة السياسية الموجودة حالياً لديها خطة جهنمية للدفاع عن السودان ضد العدوان الخارجي: و هي الدفاع بالنـــــــظـــــر

في معظم الدول المهمة الاولي و الأخيرة للجيش هي حماية الدولة من العدوان الخارجي.

مهام حفظ الأمن و القانون داخل الدولة تقع على عاتق أجهزة الشرطة و المحاكم.

أحد أكبر مصائب السودان: هي الزج بالجيش في الصراعات الداخلية و مواجهة التمرد.... هذه مهمة القيادة السياسية في التصدي للصراعات و أيجاد حلول سلمية عبر مفاوضات و توازونات تحفظ السلم و تعطي كل ذي حق حقه. بدلاً من دفع أبناء الوطن الواحد إلي محرقة الحرب.
العصابة الحاكمة بعد ما أحرقت الجنوب و دفعت أبنائه للإنفصال، أشعلت حروب دارفور و جبال النوبة و النيل الأزرق بسبب عدم إحترامها للعهود و إلاتفاقيات التي وقعت عليها علي أمام الأعلام و الشهود الدوليين.

الشجاعة التي ذكرتها عن الميل 40 و أدغال الجنوب كانت تشرفنا أكتر لو كانت لتحرير حلايب و أو صد العدوان الجوي الأسرائيلي علي بورتسودان و الخرطوم.

European Union [المزغلل] 01-14-2014 10:00 AM
الجيش تم تسييس بعض ضباطه بل البعض مرتزقة ليسوا بضباط سودانيين مع ذلك ليس من الحكمة بمطالبة حل اهم مؤسسة وطنية في البلاد انه يمثل الهيك او العمود الفقري للبلاد .فالصحيح تنظيف وتطهير الجيش وليس حله

United States [الفقير الي الله] 01-14-2014 08:55 AM
يااااا راااااجل والله كلامك دا من التهويل البتعمل فيهو لي جيش الهنا دا

خوفت الجيوش التانيه وخليتا تعمل استعداد ميه ميه وما تجي تقول لينا
كمان انو جيشك دا افضل جيش في الشرق الاوسط عشان الدفن الشديد يخلي السقف
يقع عليك يا ود الشمال في تعظيمك للجيش قلت يمكن انك قاعد تتكلم عن فيلق افريقيا
بقيادة رومل او قاعد تتكلم عن لاسطول الخامس

سبحان الله ناس تفك فك عجيب خلاص

دا كان زمان يا ود الشمال يا طيب


#884732 [ساب البلد]
5.00/5 (2 صوت)

01-13-2014 06:10 PM
******** غير مأسوف عليهم فليذهبوا الي الجحيم هم و مشيرهم الاعرج ******* من يرضي بالذل و الهوان يستاهل ******* كل هولاء تم تعينهم في ظل التمكين **** هم من شارك في الابادة الجماعية في دارفور و كجبار و بورتسودان و جبال النوبة و النيل الازرق و الخرطوم سبتمبر 2013 ***** هم يرون الحدود محتلة و يصوبون سلاحهم علي صدر المواطن الاعزال دافع الضرائب التي تُدفع منها رواتبهم و السلاح الذي يقتلونه به ****** هولاء عرة الضباط يعرفون الحق من الباطل و لكنهم ارتضوا الباطل واختاروا ان يحموا الفساد بدلا من الوطن والمواطن ****************


#884730 [ود الامير]
5.00/5 (1 صوت)

01-13-2014 06:05 PM
ناس جهاز الامن تنطبق وباميتياز مقولتين: اسد علي وفي الحروب نعامة، وفلاحتي في ود مرتي، فاكرين الحرب دي تفريق مظاهرات، قعدتو تتخلعو بناس الحبهة الثورية لامن ربنا لماكم، اثبتو ولا بس رجالتكم في النسوان والاطفال والعزل؟ّ ربنا دا ما بيضرب بعصا!!


#884662 [قرن شطة]
3.81/5 (15 صوت)

01-13-2014 04:11 PM
كل ضباط الجيش السوداني الفضلو غير جديرين بأن يكونوا ضباط وهم أضعف مايكون ، من الطرائف الحاصلة في الجيش كان هناك مجموعة من عساكر الجيش يقومون بتحميل صناديق الذخائر المفروض يشيلوها قوات الجنجويد المرتزقة للعمليات الأخيرة في تروجي فالجنجويد كانو يسبون عساكر الجيش وكان في عقيد من الجيش واقف يشرف علي عملية التحميل فقام واحد من الجنجويد بسبة وقال ليه أنت واقف مالك ماتشيل مع الناس ديل هذا ماوصل اليه حال الجيش في ظل حكومة البشير ،
أنا الشي المستقرب ليهوا ليه ضباط الجيش يقضي سنوات في الكلية الحربية تدريب ومجهود بدني ويتخرج ويشتغل كم سنة في الجيش عشان يحصل علي ترقية الي أن يتصل عميد أو عقيد كيف يرضي أنو يساوهوا بي واحد مرتزق من الجنجويد
من الطرائف أيضا قالوا لمن جابوا قائد الجنجويد المجرم حميدتي قالوا ليهوا نحنا أدنيناك رتبة لواء في حرس الحدود ، قالهم لا انا داير الرتبة الفيها نجوم كنار وصقر دي يقصد رتبة العميد والله محن .


ردود على قرن شطة
European Union [محمد سليمان] 01-14-2014 10:46 AM
في الآونة الأخيرة إنتبة بعض أفراد القبيلة المستنيرين والحادبين علي مصلحة شعب الرزيقات لمخططات المركز التي لم تعود علي القبيلة إلا بالضرر وبدأوا يجهرون بالقول ، منهم علي سبيل المثال السيد المعز صالح مصطفي كتب علي مدونته ما يلي : وغادرنا موسي هلال ..وحميدتي يحارب نيابه عن الحكومه في جنوب كردفان ..وعشرات القتلي في صفوف قواته.. وتهديده بالقتل من قبل اهله لانه باع ابنائهم للحكومه ..حسب اتفاق التجنيد يمنح كل فرد 1200 وعربه لاند كروزر باسمه فصدق المساكين وذهبو معه وبدلا من دارفور دفع بهم الي ج كردفان.. وعين حسبو نائب للرئيس لتستمر الدوله بالاتجار باهلنا الرزيقات ..دكروم تحت التراب موسي هلال متمردا.
وأضاف المعز عن موسي هلال: في التعديل الوزاري قبل الاخير بعد شالو من مستشار الحكم المحلي قالوا لي نوديك وزير قال ليهم: بعد الجهاد الجاهدتو ليكم دا ماداير اي زول بيني والرئيس يعني نائب او يا ماعاوز ..و مازال الحديث لموسي هلال: لما ينتهي غرضم في الزول يجدعو ذي الملاح الحمض بالحيطه بس.. وختم المعز بالقول: نتحدث عن وقائع لاينكرها الا جاهل الحكومه تستغل اهلنا الرزيقات في حربها وتمزيقها للوطن. ماذكرت الا الحقيقه المره وان لم ينظف الجرح فلا شفاء له ..وعن القائد الجنجويدي (حميدتي) يقول الرزيقي المعز: عند حضور حميدتي للتعزيه في نيالا في اهله المتوفين في ج كردفان تمت مواجهته بانه باع شبابهم وبنيهم وغادر نيالا بالجلاله وحتي الحكومه تعلم ذلك . وعن المرحوم دكروم أضاف المعِز : دكروم قائد يتبع للحدود دعمته الدوله ب 30 لاند كروزر وعين في شرطه الاحتياطي وهو نظامي حتي وفاته إلا أنه تحدي كلاب الامن وقالوا عنه (هالك) بعد وفاته. من دعمه وقواه حتي علي الوالي ومدير الشرطه اليسو ناس الامن؟ وعن نظام الترقيات كتب المعز: الرتب بالكوم وقدر ماتقتل برقوك وبدوك عربات، في الترقيات الاخيره رقو سواق حميدتي من جندي لي ملازم اول .

[AburishA] 01-13-2014 10:42 PM
نعم (مراقب) و (قرن شطة)... سوف لن تنتهي المحن في هذه الانقاذ.. وهي نفسها أكبر محنة من الجنجويد..
أحدهم أعطوه رتبة مساعد (صول) فقبلها وهو كاره.. ولكنه وضع شرطا !!!! الشرط هو أن يركبوا ليهو العلامات الحمراء في لياقة القميص والبوريه (الكاب) بدل الدبابير؟؟ يعني عايز يكون (مساعد اركانحرب) مرة واحدة!!! وهل تنتهي المحن؟!!

United States [مراقب] 01-13-2014 07:06 PM
وليس اخر المحن يا اخي قرن شطة ان احد قادة الجنجويد ارادت الحكومة ان تعطيه رتبة الرائد في حرس الحدود وعندما رأى شكل الرتبة حلف باغلظ الايمان بانه لا يريدها وعندما سُئل عن السبب قال لهم ول فلان داك انا اكبر منو بحولين وقتّلت اكتر منو وداوست ونهبت وفعلت اي شئ اكتر منو داك عنده تلاتة دبابير انا ما تدوني الا فت طيرة واحدة والله ما دايرها ولن تنتهي المحن في زمن هذه الانقاذ


#884657 [ود احمد]
4.50/5 (5 صوت)

01-13-2014 04:05 PM
لقد ضاع السودان في ظل الانجاس الذين نجسوا وافسدوا ودمروا والان يتباكون على نعوش الخدمة المدنية والعسكرية والنظام الاجتماعي والاقتصاد تتباكون لماذا وانتم السبب لما وصلت اليه الحال المذرية لجماهير الشعب لكن الصبح قريب باذن الله وسيندحر هؤلاء الطغاة


#884645 [الدوش]
4.99/5 (15 صوت)

01-13-2014 03:48 PM
جهاز الأمن و المخابرات (( الوطني )) .. ؟؟؟؟

يا جماعة سمّو الاشياء بمسمياتها ، جهاز الأمن ليس بوطني ، بل هو جهاز قمعي تابع للعصابة و عمله هو حماية النظام ،
ومتابعة المواطنين وتكميم الصحف و إسكات الرأي المخالف و تشويه صورة المعارضين وشراء الزمم والضمائر .
و مهمته الاساسية هي الاعتقالات ومطاردة (( الوطنييين )) فكيف يستقيم ان نطلق عليه (وطني) .. يا سادة ؟؟؟


ردود على الدوش
European Union [سودان وضااااااااع] 01-13-2014 10:15 PM
انت صح يالدوش


#884628 [تمساح]
4.63/5 (4 صوت)

01-13-2014 03:29 PM
كسلا،عطبرة،دورديب،جبيت،بورسودان تم فيها اعتقال كثير من الضباط بمختلف الرتب قبل اسبوع


#884539 [AburishA]
4.71/5 (7 صوت)

01-13-2014 02:04 PM
اولا: ليس لدي النظام الآن قوات مسلحة بالمفهوم العسكري الصِرف.. بل مجرد مليشيات حكومية تابعة لأشخاص بعينهم!
ثانيا: هؤلاء الذين أودعوا السجن الحربي هم كبش فداء (وشماعة) للفشل الذريع الذي منيت به المليشيات الحكومية في جميع ميادين القتال. علما بأن القوات المسلحة معنوياتها الان تحت الصفر.
ثالثا: ان (أغلبية) الرتب المذكورة هي لمن تم تعيينهم في ظل (الموالاة والتمكين) فلن تبكي عليهم السماء! بل ان الكثير من الضباط يكاد يطير فرحا اذا أحيل للمعاش!!!وأغلبهم يتمنى الأسر وهو أخف الضررين.. وأفضل السيئين!!
رابعا:هناك تذمر وسط القوات الحكومية لهيمنة الجنجويد على جميع اشكال الدعم اللوجستي والهمجية التي يمتازون بها.. وعدم تلقيهم لأي أوامر من الجيش او الجهات الامنية الاخرى.
خامسا: ان الجنجويد (المحلي والمستورد) هو من أفشل جميع الخطط.. والجنجويد يا سادة انهم في الحروب (نعامة)..
سادسا: الدور جاي..جي لامحالة على جهاز الأمن...وأخوك لو زينوه (بِل راسك)يا أمن يا جهاز!!
حيث لا مجال الآن..الا ذهاب النظام طوعا....أو اسقاطه قسرا....لمصلحة من يقاتل الجيش!!
ولا عذر لمن أٌنذر...


#884529 [Faisal]
4.50/5 (5 صوت)

01-13-2014 01:55 PM
ربنا اسمه الحق.. ولابد لهذا الحق ان يسود..


الظالم حتما الى زووال مهما طال به الامد.. وسنرى عجائب الله فيهم


#884511 [عباس التحت اللباس]
3.00/5 (2 صوت)

01-13-2014 01:34 PM
فساد القضاء نهاية الدولة ونهاية قربت يا بشكير


#884478 [isic]
4.63/5 (4 صوت)

01-13-2014 01:01 PM
كل كلاب علي عثمان ونافع من المفترض يشربوا موية البحر والله يشرب كل الطاقم الحاكم مياه منكر ونكير بمناسبة مولد الهدي والنور سيدنا محمد صلى الله عليه وسلم آمين


#884474 [الزول المنسي]
4.94/5 (8 صوت)

01-13-2014 12:57 PM
تصفية حسابات أولاد الضال على عثمان والضار نافع علي نافع
هم من يستاهلون الفصل و ال.......................


#884457 [هدهد]
2.50/5 (4 صوت)

01-13-2014 12:43 PM
انتهت الانقاذ وبدأ البنيان فى التصدع والانشقاق وهنو الان يتساقط طوبة طوبة


#884433 [احمد الحاج]
4.38/5 (4 صوت)

01-13-2014 12:30 PM
هلك الجزار شارون وقربت هلاك السفاح البشير


#884347 [عبد الواحد الميت من الاستغراب ولا معين!!]
4.97/5 (13 صوت)

01-13-2014 11:20 AM
قبل اكثر من ثلاث سنوات كتبت تعليقا على خلفية إقالات وإحالات وطرد بعض المستخدمين فى الدوله من ضباط جيش وشرطه وكبار وصغار موظفين فى الخدمه المدنيه وشبهة حال الذين مازالوا بالخدمه واولئك الذين اخرجوا منها أكرمكم الله(بالخراف)وقلت أن الخراف تقف وهى تنظر ببلاهه الى من كانوا معها فى (زريبه)واحده وهى تذبح أمامها ولا تحرك ساكنا ظنا منها أن السكين التى بيد الجزار لن تطال عنقها!!هذا هو حال المستخدمين فى دوله بلادى منذ فجر الثلاثين من يونيو 89ومنذها ظلت الدوله حكرا على جماعة الاخوان فتحول الجميع الذكور منهم الى عبيد والاناث منهم الى سبايا فى بلاط السلطان الاخوانى!! وادارة الجماعه او بالاحرى السلاطين الجدد الدوله بلا ضابط ولا رابط فصار كل شىء ملكهم يعزون من يشاؤا ويذلون من يشاؤا طارحين قوانين (الكفار)التى كانت تنصف الجميع جانبا وكأنها لم تكن وصار كل واحد فى موقعه يألف ويهندس القوانين التى تليق بمقامه وتجلب له المنافع !!وتستاهلوا يا (طراطير..ياعرر..ويا جبنا)وزمان قُدامنا الكانوا رجال قالوها كلمه وماتوا على هذه الكلمه عندما كانوا يواجهون مثل هذه المحن (الرب واحد والعمر واحد) و(مافى زول بيموت قبل يوموا)..والله..والله..والله ليس منكم أحد سوف يكون بمناءا من ما جرى لزملائكم فالقيادات العليا كل ماوجدت نفسها فى زنقه يلجاؤن فوراالى مثل هذه الاجراءات العقيمه السقيمه ويتعاملون مع اصحاب البلد تماما كما يتعامل الكفيل فى دول الخليج مع من وفدواالى ديارهم من آجل كسب العيش وبعد أن ضاقت بهم سبل العيش الكريم فى بلاد الاباء والاجداد بسبب هذه التصرفات الحمقاء الصادره من نظام جاء حاملا اوهاما تفوق الخيال واحلاما ظلوطيه بحكم العالم وأستاذيته هذه الافكار التى إقتبسوها من شخص مخبول أسمه حسن البنا وخلصواالى أن إتباعهم لنظرياته تحقق لهم مكاسب سلطويه وماليه وعضوا عليها بالنواجذ!!وقديما قال احدهم (نارا مضمونه ولا جنة مجهجه)وصار هذا المأثور البائس منهجهم ودينهم وديدنهم!!ومن هنا ارجو أن أذكر جميع الذين مازالوا بالخدمه فى إنتظار يومهم المشئوم دافعوا عن زملائكم وإخوانكم وأفعلوا شيئا تحفظون به حقوقكم وحقوق غيركم كل فى موقعه يستطيع فعل شىء ما!! بلادكم لاتتركوها نهبا لقله فشلة على مدار ربع قرن من تحقيق طموحات شعبه وهى ترفع شعارات إسلاميه فشككت الجميع فى الدين الاسلامى وجعلت البعض يرتدون عنه!!.


#884340 [x]
4.13/5 (5 صوت)

01-13-2014 11:18 AM
زمان لامن جو كانو بقولي امريكا روسيا قد دنى عزابها ونحنا كنا بنقول اللهم اجعل كيدهم في نحرهم


#884330 [المتضرر من السيول والامطار]
4.24/5 (7 صوت)

01-13-2014 11:08 AM
من حق الشعب السوداني ان يشمت في مايسمي اعتباطا قواته المسلحه وجهاز امنه الذي يدعي بالوطني من حق كل سوداني ان ينتفض فرحا وابتهاجا بكل هزيمه وكل نكبه تصاب بها هذه المليشيات التي لاتسهر الا علي امن البشير واخوته وحفنه من الاسلاميين الانتهازيين ، عدد الرصاص الذي حصدت به قوات الامن السودانيين في سبتمبر كان اولي ان تحرر به حلايب او الفشقه او اي من الاراضي السودانيه المغتصبه ، الطائرات التي تقصف في اهلنا في جبال النوبه ودارفور كان اولي لو اعترضت سلاح الجو الاسرائيلي وهو ينفذ عملياته في الاراضي السودانيه ، قوات مسلحه وجهاز امن تكتفي بالدفاع بالنظر في وجهه اسرائيل وتمطر شعبها بالرصاص اذا خرج محتجا علي غلاء المعيشه ،لاهي قوات ولا هي مسلحه ولا علاقه لها بالشعب ....


#884323 [ود البلد]
5.00/5 (7 صوت)

01-13-2014 10:59 AM
عندما مات معاوية اوصى بأن ينزله الى القبر
عمر ابن العاص و عندما نزل عمر الى القبر استل
يزيد سيفه قائلا لعمر تبايعنى أو ترقد مع صاحبك
وكانت هذه وصية معاوية قبل موته ......
فقتل وأعتقال الضباط لا يشفى مرض السودان
بل الغرض كل الغرض فى الذى اوصلهم الى ا لكلية أو الوظيفة
القضية فى الثلاثى كله و بدون فرز
((المتأسلمين - الطائفية - العسكر )))


ردود على ود البلد
United States [محب الأكواز .. !] 01-14-2014 03:05 AM
انت يا ود البلد من كلامك الواحد بيحس إنو موضوعك ما الكيزان و لا حكومة الإنقاذ .. لكن عندك مشكلة معقداك من العسكريين عموماً .. الحاصل شنو ؟ قدمت الكليّة الحربية عشان تبقي ضابط و ما أخدوك ؟ ولا يمكن إنت أساساً فاقد تربوي و ما قريت حاجة .. لأني ملاحظ كل ما تجي سيرة ضباط أو عسكريين بتشملهم كلهم بي كلامك الفارغ .. الجيش ده ما تنسي كان فيهو أبو كدوك و عبد الماجد حامد خليل و عوض أحمد خليفة و الصاغ محمود أبو بكر و شنان و كبيدة و عبد الفضيل ألماظ و غيرهم .. و لا إنت بتقصد ياتي بلد الإنت ولدها دي ؟
قبّحك الله .. قال ود بلد قال !


#884316 [bullet ant]
4.97/5 (8 صوت)

01-13-2014 10:54 AM
بلد المليون فريق و مشير و لواء و كلها اسوء انواع الحمير


#884311 [عبد الرحمن]
5.00/5 (7 صوت)

01-13-2014 10:48 AM
اللهم ربي اجعل كيدهم في نحرهم ونجنا من القوم الظالمين يا عزيز يا قوي


#884308 [الحلوين]
3.00/5 (1 صوت)

01-13-2014 10:46 AM
عندي اخوي ليه ماتم اعفاءه ادعو لبهو يكون من ضمن القادمين يارب..


ردود على الحلوين
European Union [kurbeke] 01-13-2014 01:51 PM
كيف يتم الرقيص اذا تم اعفاء الطبالن و اخو الحلوين شيخهم


#884295 [ابوفهد]
4.44/5 (5 صوت)

01-13-2014 10:31 AM
والله حيرتونا هم يقولو دحرو التمرد وانتهو من المرحلة الاولي وانت تقولو هزمو هزيمة نكراء نصدق منو فيكم


ردود على ابوفهد
European Union [fitman] 01-13-2014 02:24 PM
صدق سلفاكير ههههه67

United States [isic] 01-13-2014 01:04 PM
صدق الواقع الانت فيه أنت الكذب الحاصل في الخرطوم ماشايفه


#884286 [لن ترتاحوا يا لصوص]
5.00/5 (10 صوت)

01-13-2014 10:21 AM
اللهم اجعل كيدهم فى نحرهم ... ودمرهم تدميرا


ردود على لن ترتاحوا يا لصوص
United States [sudani] 01-13-2014 10:59 PM
مرات الواحد يحس انو كتاب الراكوبة ليسوا سودانيين مهما يكن من النظام فالجنود والضباط هم مثل الطبيب والعامل والموظف هل كل هولاء تبع النظام
قليل من الفهم ايها الناس ولا تخلطو الكيمان

European Union [المستغرب] 01-13-2014 12:14 PM
يا اخي ما ذنب هؤلاء الضباط ؟؟فهم مجرد موظفين في الدولة مثلي ومثلك ,لا حول لهم ولا قوة


#884282 [طارق الباز]
5.00/5 (6 صوت)

01-13-2014 10:15 AM
الجيش كان زمان والله يرحمو. الان المعارك تدار بقوات الامن والمخابرات والدفاع الشعبى ومسميات ليست لها علاقة بالعسكرية, والنتيجة هزائم متواصلة وكذب متواصل من الناطق الرسمى.


ردود على طارق الباز
[ود البلد] 01-13-2014 12:54 PM
منذ ان قتل عبود على حامد ... انتهى جيش السودان
و ظهر جيش الطائفية والواسطة والمحسوبية العسكرية السودانية
بلا عقيدة ولا تتطور فى السلاح والتدريب و صاروا فاقدى الشخصية
لا زمان ولا الان اننا والجيش المصرى وضعنا اسوأ مثال للحكام العسكر
للعسكرية فى العالم ,, قننا لفساد العسكر و الواسطة والمحسوبية

European Union [المستغرب] 01-13-2014 12:23 PM
الجيش موجود لكن للدفاع عن السودان وهو ما ينفع الناس..اما الزبد(دفاع شعبي+جنجويد+امن) فيسذهب جفا قريبا باذن الله


#884251 [sad]
4.50/5 (3 صوت)

01-13-2014 09:44 AM
احسن خاصة ناس البزنس بتاعين الامن مافاضين من بني العمارات وزك العمولات!!!!معاهم سماسرة الجيش البيسمسروا حتي في معدات القوات المسلحه!!!!!ذي قصة...الاخيرة!!!ووقت الحاره.........!!!!!!!


#884238 [Abdo]
5.00/5 (4 صوت)

01-13-2014 09:29 AM
اللهم أجعل كيدهم في نحرهم و اخرج عبادك في السودان منهم سالمين يا رب


#884227 [قنديل]
5.00/5 (5 صوت)

01-13-2014 09:21 AM
ايوا... ايوا... ايوا دا... الحلو... من داخل الخرطوم اسبياليييييي... ويايييييييييييييييييييي... دي رساله خاصه للبشير اظنك تعرفت علي السودان لكنك لن ولم تعرف علي قبائل النوبه والان الفرق اصبح واضحا من التخبط الذي حصل في صفوفكم ليك حل واحد لقضية جبال النوبه. فقط ان تترك الحرب وتجلس معهم بجديه والا ستخسر وانت والسودان وعامة


#884223 [المارتن]
5.00/5 (4 صوت)

01-13-2014 09:13 AM
لم ينحازوا الى جانب شعبهم في سبتمير والان يدغعون الثمن


#884208 [سودرى]
5.00/5 (5 صوت)

01-13-2014 08:55 AM
هؤلاء هم ابواق على عثمان الشارونى الداعى للحرب


#884202 [واحد]
5.00/5 (1 صوت)

01-13-2014 08:46 AM
طالما في حساب للتقصير معناه ماشين في الخط الصحيح, بس ما يكون فقط في الجوانب العسكرية فقط عايزين كمان محاسبة التقصير المدني , الكلام دا للتنفذيين الجدد


#884191 [عنيد]
5.00/5 (3 صوت)

01-13-2014 08:38 AM
الظلم ظلومات والجاي اسو


ردود على عنيد
European Union [مجروس ق ش م] 01-13-2014 12:56 PM
باين عليك خريج ثورة التعليم العالي .اسمها ظلمات وليس ظلومات .انت لو درسك استاذ عبدالجليل معلم اللغة العربية في مدرستنا المتوسطة خريج جامعة اﻻزهر الشريف كان كسر ليك راسك الكبير دة



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية




الرئيسة |المقالات |الأخبار |الصور |الفيديو |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة