الأخبار
منوعات سودانية
الأمين العام للمريخ : الترويج عن دفع أموال مقابل مواجهة بايرن ميونيخ سؤ قصد
الأمين العام للمريخ : الترويج عن دفع أموال مقابل مواجهة بايرن ميونيخ سؤ قصد
الأمين العام للمريخ : الترويج عن دفع أموال مقابل مواجهة بايرن ميونيخ سؤ قصد


01-13-2014 05:34 PM

أكد الامين العام لنادي المريخ الفريق طارق عثمان الطاهر فى تصريح من نشرة إعلامية معممة وردت عن مكتب الإعلام بنادي المريخ, بأن مباراة المريخ مع فريق بايرين ميونيخ الالماني نظمتها شركة بافاريا التى تكفلت بمعسكر الفريق الالماني فى العاصمة القطرية الدوحة, ومن بين بنود الاتفاق تنظيم مباراة ودية مع فريق جماهيري.

وأوضح :" لذلك فإن مباراة المريخ وبايرين ميونيخ تختلف تماما عن مباراة الفريق الالماني مع الكويت الكويتي وهي نوعية مباريات لايطلب فيها دفع مبالغ مالية, اذ ان الفريق الكويتي قام بتقديم دعوة للفريق الالماني, فالأمر مختلف تماما ان تكون ضمن برنامج اعدادي لنادي معين ومن ان تقوم بدعوة النادي فشروط المباراة مختلفة تماما بين الحالتين, بل بالعكس فان المريخ قد استفاد ماديا من المباراة نظير الترحيل والاقامة والرعاية على الشعار اضافة الى فوائد البث التلفزيوني, هذا فضلا عن الفائده الفنية والاعلامية من خوض مباراة امام فريق بقامة بايرين ميونيخ",

وختم:" إن كل من يروج عن دفع المريخ لمبالغ مالية نظير المباراة الودية امام بايرين ميونيخ فهو يروج عن عدم فهم او سوء قصد".

كووورة


تعليقات 5 | إهداء 0 | زيارات 1868

التعليقات
#884927 [مدحت الهادي]
0.00/5 (0 صوت)

01-13-2014 11:47 PM
نشجع المريخ من يوم ما عرفناه .... لكن الكذب ما في ليهوا داعي إنتوا يا ناس حتى في الكورة تكذبوا ((( لا إله إلا الله لاحول ولا قوة إلا بالله )))) نعم إنتوا صادقين إنكم ما دفعتوا حاجة من عندكم ..... لكن من المفترض ان لا يكون النفي بهذه الصورة أوكنتوا تتجاهلوا الموضوع وبس خلاص موضـــوع وانتهى .... يعني اللعيبة ديل العالميين ديل مؤمنين للواحد """ رجليه """ بالملايين يجي يلعب مبارأة ودية مجاناً سبحان الله ؟؟؟؟؟؟؟...!!!!!!!!! ناسنا ديل كذابين جنس كذب !!!!!!!! زمان غريب وعجيب ... ومهازل ... غايتوا شفنا مع الإنقاذ دة جنس حاجات قسما عمرنا ما شفناها !!!!! والواحد ما عارف الحكاية ماشة وين ... بس اللهم نسألك الصبر الجميل ...


#884856 [NOOR]
0.00/5 (0 صوت)

01-13-2014 09:46 PM
مشكلة السودانيين الكذب فى السياسة فى الرياضة عشان كدة ما حنتقدم الى يوم الدين


#884829 [ayamzman]
0.00/5 (0 صوت)

01-13-2014 08:59 PM
والللللللله دفعتو دفع سواء انتو او قطر الاخوان قامو بدل عنكم المهم دفعتو للفريق البافاري يا كداب


#884797 [من بلاد الاسكيمو]
0.00/5 (0 صوت)

01-13-2014 08:01 PM
علي كدا لعب المريخ ببلاش معقولة مين الذي يصدقكم القروش بتصرفوها علي الفاضي والله الشعب السوداني محتاج لها وخاصة اهلنا في معسكرات واولادنا في دار الرعاية في المايقوما محتاجين حليب سكر خبر الاندية تشتري لعيبة بمبالغ ضخمة علي الفاضي ومن المفترض يتم خصخصت كل الاندية الرياضة طبعا صاحب اي نادي من حقه ان يتصرف كما يشاء وايضا الكورة السودانية بتطور الي الافضل وبتكون المنافسة قوية


#884719 [عزة]
0.00/5 (0 صوت)

01-13-2014 05:46 PM
عالم كذابه
نفاق كذب دجل هرطقه شعوذه اخرنج شلولخ


ردود على عزة
[ود ابو زهانة] 01-13-2014 06:42 PM
يعنى شركة بافاريا دى منظمة خيرية ياسيادة الفريق عشان تديكم مباراة مجانا؟ وزيادة فى التضليل والادعاء الكاذب تقول شروط الشركة على بايرن ميونخ او العكس ان تقام مباراة مع فريق جماهيرى ؟ وكيف يكون الفريق جماهيرى خارج بلاده وجماهيره المعروفة؟ يعنى عندنا قنابير عشان نصدق كلامك ده؟ اذا انتو بتدفعوا فى وارغو لتسجيله ملايين الدولارات من اجل شهرته
والتى لم يحقق لكم شيئا منها فتخلصتم منه بابخس الاثمان فما الذى يمنع ان تدفعوا ملايين اخرى بحثا عن الشهرة مع بايرن ميونخ ( والمضحك كادر قناة جمال الوالى التى نقلت المباراة :( بطل السودان الاول مع بطل العالم الاول) هى حصلت؟ فشخرة وبوبار وعبدالدافع واحد وما طاقيه فيها حجر دغش ومحمد عبدالله الوالى عليه رحمة الله ورثه حواشات ما عمارات ولا بنوك . وانتو أقدلوا فوق المال الهامل الما معروف جيهتو ومبهول فى السهلة للغاشى والماشى.. وطبلوا كما يقول المصريون .. ياسيادة الفريق كن متوازنا وتحدث بمنطق يقنع الجميع فخبرتك كرتبة وموقعك فى النادى يفرضان عليك ذلك .. وما أردت الا النصح والتذكرة ولك العتبى ان اثقلت عليك



خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


مساحة اعلانية





الرئيسة |المقالات |الأخبار |الصور |راسلنا | للأعلى


المقالات والتعليقات وكل الآراء المنشورة في صحيفة الراكوبة سواء كانت بأسماء حقيقية أو مستعارة لا تـمـثـل بالضرورة الرأي الرسمي لإدارة الموقع بل تـمـثـل وجهة نظر كاتبيها.

Powered by Dimofinf cms Version 3.0.0
Copyright© Dimensions Of Information Inc.
Copyright © 2017 www.alrakoba.net - All rights reserved

صحيفة الراكوبة